Tulu News

ನ.18: ಸುರತ್ಕಲ್ ವಿದ್ಯಾದಾಯಿನಿ ಪ್ರೌಢಶಾಲೆಡ್ ತುಳುವೆರೆ ತುಡರ ಪರ್ಬೊ ದೀಪೊಲಿ-ಬಲ್ಯೇಂದ್ರೆ

ಕುಡ್ಲ ತುಳು ಕೂಟ (ರಿ.) ದ ಮುತಾಲಿಕೆಡ್ ನ.18 ಸನಿಯಾರ ಮಧ್ಯಾಹ್ನ ಸುರತ್ಕಲ್ ವಿದ್ಯಾದಾಯಿನಿ ಪ್ರೌಢಶಾಲೆಡ್ ತುಳುವೆರೆ ತುಡರ ಪರ್ಬೊ ದೀಪೊಲಿ-ಬಲ್ಯೇಂದ್ರೆ ನಡಪರೆ ಉಂಡು.

ಈ ಲೇಸ್ ನ್ ಅಗರಿ ಎಂಟರ್ ಪ್ರೈಸಸ್ ರಾಘವೇಂದ್ರ ರಾವ್ ಅಗರಿ ತುಡರ್ ಅರ್ಲಾದ್ ಉದಿಪನ ಮಲ್ಪರೆ ಉಲ್ಲೆರ್. ಕುಡ್ಲ ತುಳುಕೂಟ (ರಿ.) ದ ಗುರ್ಕಾರೆ ಮರೋಳಿ ಬಿ. ದಾಮೋದರ ನಿಸರ್ಗ ಲೇಸ್ ದ ಗುರ್ಕಾರ್ಮೆನ್ ಒಯಿಸೊನ್ವೆರ್. ಸುರತ್ಕಲ್ ಪ.ಪೂ ಕಾಲೇಜ್ ಗೋವಿಂದದಾಸ ಕಾಲೇಜ್ ದ ಉಪನ್ಯಾಸಕೆರ್ ವೆಂಕಟರಮಣ ಭಟ್ ಪೊಲಬು ಕೊರಿಯೆರೆ ಉಲ್ಲೆರ್.

ಮಲ್ಲ ಬಿನ್ನೆರಾದ್ ಎಂಜೆಎಫ್ ಜನರಲ್ ಮ್ಯಾನೇಜರ್, ಸನ್ನಿಧೀಸ್ ಹೋಟೆಲ್ಸ್ (ಪ್ರೈ.ಲಿ) ದ ಲ/ ಭಾಸ್ಕರ್ ಸಾಲ್ಯಾನ್, ಸುರತ್ಕಲ್ ವಿದ್ಯಾದಾಯಿನಿ ಪ್ರೌಢಶಾಲೆದ ಸಂಚಾಲಕೆರ್ ಸುಧಾಕರ ರಾವ್ ಪೇಜಾವರ, ಮುಖ್ಯ ಶಿಕ್ಷಕೆರ್ ಬಾಲಚಂದ್ರ ಕೆ, ಪಾಲ್ ಪಡೆಯೆರೆ ಉಲ್ಲೆರ್.

ಅಂಚೆನೆ ಸಾಂಸ್ಕೃತಿಕ ಲೇಸ್, ಹರಿದಾಸರತ್ನೊ ಶ್ರೀ ಪುಷ್ಪಳ ಕುಮಾರ್ ತೋನ್ಸೆ ಮೆರೆನ ತುಳು ಭಾವಗೀತೆ ಪದರಂಗಿತೊ ನಡಪರೆ ಉಂಡು ಪಂದ್ ಕೂಟೊದ ಗುರ್ಕಾರೆ ಮರೋಳಿ ದಾಮೋದರ ನಿಸರ್ಗ ಬಿ, ಒತ್ತು ಗುರ್ಕಾರೆ ಜೆ.ವಿ ಶೆಟ್ಟಿ, ಪಣವುದ ಗುರ್ಕಾರೆ ಚಂದ್ರಶೇಖರ ಸುವರ್ಣ, ಪ್ರಧಾನ ಕಾರ್ಯಂತೆರ್ ವರ್ಕಾಡಿ ರವಿ ಅಲೆವೂರಾಯ, ಒತ್ತು ಕಾರ್ಯಂತೆರ್ ಗೋಪಾಲಕೃಷ್ಣ ಪಿ ಲೆಪ್ಪೋಲೆಡ್ ತೆರಿಪಾದೆರ್.

ಡಿ.12: ಬೆಂಗ್ಲೂರ್ ಅರಮನೆ ಮೈದಾನಡ್ ಕರ್ನಾಟಕ ಪ್ರದೇಶ ಆರ್ಯ ಈಡಿಗೆರೆನ ಸಂಘದ ಅಮೃತ ಮಹೋತ್ಸವ

ಬೆಂಗ್ಲೂರ್ ಕರ್ನಾಟಕ ಪ್ರದೇಶ ಆರ್ಯ ಈಡಿಗೆರೆನ ಸಂಘದ ಅಮೃತ ಮಹೋತ್ಸವ ಬೊಕ್ಕ ಈಡಿಗ ಬೊಕ್ಕ 25 ಪಂಗಡದ ಬೃಹತ್ ಜಾಗೃತ ಸಮಾವೇಶ ಡಿ.10 ಐತಾರ ಬೆಂಗ್ಲೂರ್ ಅರಮನೆ ಮೈದಾನಡ್ ನಡಪರೆ ಉಂಡು.

ಈ ಲೇಸ್ ಕರ್ನಾಟಕ ಪ್ರದೇಶ ಆರ್ಯ ಈಡಿಗೆರೆನ ಸಂಘದ ಗುರ್ಕಾರೆ ಡಾ/ ಎಂ ತಿಮ್ಮೇಗೌಡೆರೆನ ಗುರ್ಕಾರ್ಮೆಡ್, ಸಮುದಾಯದ ಮಾತ ಸ್ವಾಮೀಜಿಲೆನ ಬೊಕ್ಕ ಘನ ಸರ್ಕಾರದ ಮುಖ್ಯಮಂತ್ರಿ, ಉಪಮುಖ್ಯಮಂತ್ರಿ, ಈಡಿಗ ಸಮಾಜದ ಮಂತ್ರಿಲೆನ ಉಪಸ್ಥಿತಿಡ್, ಸಮಾಜದ ಮಾತ ರಾಜಕೀಯ ಮುಖಂಡೆರ್, ಜಿಲ್ಲಾ ಬೊಕ್ಕ ತಾಲೂಕ್ ಸಂಘದ ಗುರ್ಕಾರೆ, ಚಿತ್ರರಂಗದ ನಾಯಕೆ, ನಟೆ, ನಟಿಯೆರೆನ ಒಟ್ಟುಸೇರಿಗೆಡ್ ನಡಪರೆ ಉಂಡು ಪಂದ್ ಕರ್ನಾಟಕ ಪ್ರದೇಶ ಆರ್ಯ ಈಡಿಗೆರೆನ ಸಂಘದ ಗುರ್ಕಾರೆ, ಪದುಕೆರ್ ಬೊಕ್ಕ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ನ.26: ಸೋಮೇಶ್ವರ ಶ್ರೀ ಸೋಮನಾಥ ದೇವಲ್ಯಡ್ ಲಕ್ಷ ದೀಪೋತ್ಸವ

ಕೋಟೆಕಾರ್: ಸೋಮೇಶ್ವರ ಶ್ರೀ ಸೋಮನಾಥ ದೇವಲ್ಯಡ್ ಲಕ್ಷ ದೀಪೋತ್ಸವ ನ.26 ಐತಾರ ನಡಪರೆ ಉಂಡು.

ಮಧ್ಯಾಹ್ನ ಕಲಶಾಭಿಷೇಕ, ಮಹಾಪೂಜೆ, ಬಯ್ಯಗ್ ಭಜನೆ, ರಾತ್ರೆ ಗಣಪತಿ ದೇವೆರೆಗ್ ರಂಗಪೂಜೆ, ಸೋಮನಾಥ ದೇವೆರೆಗ್ ರಂಗಪೂಜೆ ಬೊಕ್ಕ ಶ್ರೀ ದೇವೆರೆನ ಉಚ್ಚಯ ಬಲಿ ನಡಪರೆ ಉಂಡು.

ಈ ಲೇಸ್ ಡ್ ಭಕ್ತಾದಿಲು ಮಾತೆರ್ಲಾ ಪಾಲ್ ಪಡೆದ್, ಶ್ರೀ ಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಬಿ.ರವೀಂದ್ರನಾಥ ರೈ, ಕಾರ್ಯನಿರ್ವಹಣಾಧಿಕಾರಿ ಶ್ವೇತಾ ಪಳ್ಳಿ ಬೊಕ್ಕ ಪದುಕೆರ್ ಲೆಪ್ಪೋಲೆಡ್ ತೆರಿಪಾದೆರ್.

ನ.19: ಉಪ್ಪಳ ಶ್ರೀ ಭಗವತೀ ಕ್ಷೇತ್ರಡ್ ಚಂಡಿಕಾ ಹೋಮ, ಸಾಮೂಹಿಕ ಪೂತ್ತ ಪೂಜೆ

ಕಾಸ್ರೋಡು: ಉಪ್ಪಳ ಶ್ರೀ ಭಗವತೀ ಮಹಿಳಾ ಸಂಘ (ರಿ.) ದ ಮುತಾಲಿಕೆಡ್ 20ನೇ ವರ್ಷದ ಲೆಕ್ಕೊಡು ಚಂಡಿಕಾ ಹೋಮ ಬೊಕ್ಕ ಸಾಮೂಹಿಕ ಇಸೇಸ ಪೂತ್ತ ಪೂಜೆ ನ.19 ಐತಾರ ಉಪ್ಪಳ ಶ್ರೀ ಭಗವತೀ ಕ್ಷೇತ್ರಡ್ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಶ್ರೀ ಭಗವತೀ ಅಪ್ಪೆನ ಕೃಪೆಗ್ ಪಾತ್ರರಾವೊಡು ಪಂದ್ ಉಪ್ಪಳ ಶ್ರೀ ಭಗವತೀ ಮಹಿಳಾ ಸಂಘದ ಗುರ್ಕಾರೆ, ಸರ್ವಸದಸ್ಯೆರ್ ಬೊಕ್ಕ ಉಪ್ಪಳ ಶ್ರೀ ಭಗವತೀ ಕ್ಷೇತ್ರ, ಶ್ರೀ ಭಗವತೀ ಯುವಜನ ಸಂಘದ ಗುರ್ಕಾರೆ ಬೊಕ್ಕ ಪದುಕೆರ್ ಲೆಪ್ಪೋಲೆಡ್ ತೆರಿಪಾದೆರ್.

ನ.18: ಕಕ್ಯಪದವು ಬರ್ಕೆಜಾಲ್ ಮೈರಡ್ ಸತ್ಯ ಧರ್ಮ ಜೋಡುಕರೆ ಕಂಬುಲ

ಬಂಟ್ವಾಳ: ಮೈರಾ ಉಳಿ ಗ್ರಾಮದ ಕಕ್ಯಪದವು ಶ್ರೀ ರಾಮಾಂಜನೇಯ ಗೆಳೆಯರ ಬಳಗ (ರಿ.) ದ ಮುತಾಲಿಕೆಡ್ 11 ವರ್ಷದ ಸತ್ಯ ಧರ್ಮ ಜೋಡುಕರೆ ಬಯಲು ಕಂಬುಲ ನ.18 ಸನಿಯಾರ ಕಕ್ಯಪದವು ಬರ್ಕೆಜಾಲ್ ಮೈರಡ್ ನಡಪರೆ ಉಂಡು.

ಈ ಲೇಸ್ ರಾಘವೇಂದ್ರ ಭಟ್ ಕೊಡಂಬೆಟ್ಟು ಕಾರಿಂಜ ಮೆರೆನ ಆಶೀರ್ವಾದದೊಟ್ಟಿಗೆ, ಉಳಿಪ್ಪಾಡಿಗುತ್ತು ರಾಜೇಶ್ ನಾಯಕ್ ಮೆರೆನ ಒತ್ತು ಗುರ್ಕಾರ್ಮೆಡ್, ಕುಸುಮಾಧರ ಉರ್ಕಿ ಮೆರೆನ ಗುರ್ಕಾರ್ಮೆಡ್ ನಡಪರೆ ಉಂಡು.

ಕಂಬುಲಾಭಿಮಾನಿಲು ಬೊಕ್ಕ ಗಿಡಪುನ ಎರ್ಲೆನ ಯಜಮಾನೆರ್ ಮಾತೆರ್ಲಾ ಬತ್ತ್ ದ್ ಈ ಜಾನಪದ ಕ್ರೀಡೆಡ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಸತ್ಯ ಧರ್ಮ ಜೋಡುಕರೆ ಕಂಬುಲ ಸಮಿತಿ ಮೈರಾ, ಬರ್ಕೆಜಾಲ್ ಕಕ್ಯಪದವುದ ಒತ್ತುಗುರ್ಕಾರೆ, ಗುರ್ಕಾರೆ, ಸರ್ವಸದಸ್ಯೆರ್ ಬೊಕ್ಕ ಶ್ರೀ ರಾಮಾಂಜನೇಯ ಗೆಳೆಯರ ಬಳಗ (ರಿ.) ಮೈರಾ ಕಕ್ಯಪದವುದ ಗುರ್ಕಾರೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.