Mulki

ಕೋರಿದ ಕಿನ್ನಿಗ್ ನಾಲ್ ಕಾರ್ !

Jan 5, 2022

ಮುಲ್ಕಿ : ಕೋರಿಲೆಗ್ ರಡ್ಡ್ ಕಾರ್ ಉಪ್ಪುನವು ಪ್ರಕೃತಿ ನಿಯಮ. ಆಂಡ ನಾಲ್ ಕಾರ್ ದ ಕೋರಿದ ಕಿನ್ನಿ ತೂವರೆ ಮನಸ್ ಉಂಡಾ ?

ಅಂಚಾಂಡ ಕುಡ್ಲ ತಾಲೂಕುದ ಹಳೆಯಂಗಡಿ ಕೈತಲ್ದ ಪಂಜ ಪನ್ಪಿನ ಗ್ರಾಮೊಗು ಬರೊಡು.
ಅವುಲು ಅಶೋಕ್ ಶೆಟ್ಟಿ ಬೊಕ್ಕ ರೇಷ್ಮಾ ಶೆಟ್ಟಿ ದಂಪತಿಲೆನ ಇಲ್ಲಡ್ ಈ ವಿಚಿತ್ರದ ಕಿನ್ನಿನ್ ತೂವೊಲಿ.
ಮೊಕುಲು ತಾಂಕ್ ದಿನ ಪೆರಡೆ ಇಂಚೊಗು ಏಳ್ ಕಿನ್ನಿ ದೀದಿತ್ತ್ಂಡ್. ಪಾರ ತಿರ್ತ್ ದೆತ್ತ್ ತೂನಗ ಅಯಿಟ್ ಆಜಿ ಕಿನ್ನಿಲೆಗ್ ರಡ್ಡ್ ರಡ್ಡೇ ಕಾರ್ ಉಂಡು. ಆಂಡ ಒಂಜಿ ಕಿನ್ನಿಗ್ ನಾಲ್ ಕಾರ್ ಉಂಡು.
ನಾಲ್ ಕಾರ್ ದ ಕಿನ್ನಿನ್ ತೂವರೆ ಕುಷಿ ಆಪುಂಡು. ಆರೋಗ್ಯವಾದ್ಲ ಉಂಡು. ಕೆಲವೆರ್ ಈ ಕಿನ್ನಿನ್ ತೂವರೆ ಬರೊಂದುಲ್ಲೆರ್ ಪಂದ್ ಅಂಗನವಾಡಿ ಸಹಾಯಕಿ ಆದ್ ಕೆಲಸ ಮಲ್ಪುನ ರೇಷ್ಮಾ ಅಶೋಕ್ ಶೆಟ್ಟಿ ಪನೊಂದುಲ್ಲೆರ್.

ಮುಲ್ಕಿ ಬಿಲ್ಲವ ಸಂಘೊಡು ಯೋಗ ದರ್ಪಣ ಯೋಗ ಶಿಬಿರ ಸುರು

Jan 3, 2022

ಮುಲ್ಕಿ: ಬಿಲ್ಲವ ಸಮಾಜ ಸೇವಾ ಸಂಘ (ರಿ), ಮುಲ್ಕಿ, ರೋಟರಿ ಕ್ಲಬ್ , ಮುಲ್ಕಿ ಮತ್ತು ಯುವವಾಹಿನಿ (ರಿ) ಮುಲ್ಕಿ ಮೊಕ್ಲೆನ ಆಶ್ರಯೊಡು 21 ದಿನತ್ತ ಯೋಗ ಬೊಕ್ಕ ಪ್ರಾಣಾಯಾಮ ಶಿಬಿರ ‘ಯೋಗ ದರ್ಪಣ’ ಜ.3 ಸೋಮಾರ ಕಾಂಡೆ ಸುರು ಆತ್ಂಡ್.

ಉಂದು ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘ ಅಟ್ಟಣೆ ಮಲ್ದಿನ ರಡ್ಡನೇ ಶಿಬಿರ. ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಸನ್ನಿಧಿಡ್ ಪ್ರಾರ್ಥನೆ ಮಲ್ತಿ ಬೊಕ್ಕ ಯೋಗ ಗುರು ಪ್ರಥ್ವಿನ್ ಶಿಬಿರೊನು ಉದಿಪನ ಮಲ್ತೆರ್.
ಬಿಲ್ಲವ ಸಮಾಜ ಸೇವಾ ಸಂಘದ ಅಧ್ಯಕ್ಷೆರ್ ರಮೇಶ್ ಅಮೀನ್ ಕೊಕ್ಕರ್ ಕಲ್, ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಹರೀಂದ್ರ ಸುವರ್ಣ, ಕಾರ್ಯದರ್ಶಿ ಕಮಲಾಕ್ಷ ಬಡಗುಹಿತ್ಲು, ಖಜಾಂಚಿ ಪ್ರಕಾಶ್ , ರೋಟರಿ ಕ್ಲಬ್ ಅಧ್ಯಕ್ಷೆರ್ ಶಿವರಾಮ ಜಿ. ಅಮೀನ್, ಯುವವಾಹಿನಿ ಅಧ್ಯಕ್ಷೆರ್ ಭರತೇಶ ಅಮೀನ್, ಕಾರ್ಯದರ್ಶಿ ಚರಿಷ್ಮಾ ಇತ್ತೆರ್.

ಶಿಬಿರೊನು ಯೋಗಾಚಾರ್ಯ ವಿನೋದ್ ಕುಮಾರ್ ನಡಪಾದ್ ಕೊರೊಂದುಲ್ಲೆರ್.
ದಿನೊಲ ಕಾಂಡೆ 6ರಿಂದ 7 ಗಂಟೆ ಮುಟ್ಟ ಶಿಬಿರ ನಡಪುಂಡು. ಆಸಕ್ತೆರ್ ಶಿಬಿರದ ಪ್ರಯೋಜನ ದೆತೊನೊಡುಂದು ಸಂಘದ ಅಧ್ಯಕ್ಷೆರ್ ರಮೇಶ್ ಅಮೀನ್ ಕೊಕ್ಕರ್ ಕಲ್ ತೆರಿಪಾಯೆರ್.

ಜ.14, 15, 16 ಕ್ಕ್‌ ಕೊಲ್ನಾಡ್‌ಡ್‌ ರಾಜ್ಯಮಟ್ಟದ ಕೃಷಿಮೇಳ ಕೃಷಿ ಸಿರಿ 2022

Jan 3, 2022

ಮುಲ್ಕಿ: ಪರಶುರಾಮ ಸೃಷ್ಟಿದ ತುಳುನಾಡ್ ಕೃಷಿ ಪ್ರಧಾನ ಭೂಮಿ. ಈ ಜಾಗೆಡ್ ಬೆನ್ನಿಯೇ ಮಲ್ಲ ಕೆಲಸ ಆದಿತ್ತ್‌ಂಡ್.ಆಂಡ ಇತ್ತೆದ ಜವನೆರೆಗ್ ಬೆನ್ನಿದ ಮಿತ್ತ್ ಮೋಕ್ಯೆ ಕಡಿಮೆ ಆತ್‌ಂಡ್. ಅಂಚಾದ್ ಅಕ್ಲೆಗ್ ಬೆನ್ನಿದ ಮಿತ್ತ್ ಆಸಕ್ತಿ ಪುಟ್ಟಾವುನ ಉದ್ದೇಶೊಡು ಉಂದುವೇ ಜನವರಿ 14,15,16 ತಾರೀಕ್ದಾನಿ ಮೂಜಿ ದಿನ ಮುಲ್ಕಿ ಕೈತಲ್ದ ಕೊಲ್ನಾಡ್ಡ್ ರಾಜ್ಯಮಟ್ಟದ ಕೃಷಿ ಮೇಳ ಕೃಷಿ ಸಿರಿ-2022 ನಡಪರೆ ಉಂಡು ಪಂದ್ಕೃಷಿ ಸಿರಿ ಸಮಿತಿದ ಗೌರವ ಗುರ್ಕಾರ್ಲು, ಮುಲ್ಕಿ ಬೆದ್ರ ಶಾಸಕೆರ್ ಉಮಾನಾಥ ಕೋಟ್ಯಾನ್ ತೆರಿಪಾಯೆರ್.

ಮುಲ್ಕಿದ ಪುನರೂರು ಟೂರಿಸ್ಟ್ ಹೋಮ್ಡ್ಸನಿಯಾರ ನಡತಿನ ಪತ್ರಿಕಾಗೋಷ್ಠಿಡ್ ಮಾಹಿತಿ ಕೊರಿಯೆರ್,
ಕೃಷಿ ಬದ್ಕ್ದ ಹಿನ್ನೆಲೆ, ಗೋವು ಸಾಂಕುನ ಬೆನ್ನಿದ ಬಗೆಟ್ಟ್ವ್ಯವಸ್ಥಿತ ರೀತಿಡ್ಪೊಲಬು ಮಲ್ತ್ಕೊರಿಯರೆ ಉಂಡು. ಕೃಷಿಕ್ಕ್ಸಂಬಂಧಪಟ್ಟಿನ ೨೦೦ ಬೇತೆ ಬೇತೆ ಕೌಂಟರ್ ಮಲ್ತ್ದ್ ಪ್ರಾತ್ಯಕ್ಷಿಕೆ ಕೊರ್ಪೆರ್. ಮೂಜಿ ದಿನ ನಡಪುನ ಕೃಷಿ ಮೇಳನ್ರಾಜ್ಯ ಕೃಷಿ ಸಚಿವೆರ್ ಬಿ.ಸಿ. ಪಾಟೀಲ್ ಉದಿಪನ ಮಲ್ಪುವೆ ಪಂದ್ ಶಾಸಕೆರ್ ಪಂಡೆರ್

ವಿನಯ ಕೃಷಿ ಬೆಳೆಗಾರೆರ್ನ ಸಂಘ(ರಿ.) ಕೊಲ್ನಾಡ್, ಪ್ರಣವ ಸೌಹಾರ್ದ ಸಹಕಾರಿ ನಿಯಮಿತ, ಕುಡ್ಲ ಮೊಕ್ಲೆನ ಒಟ್ಟುಸೇರಿಗೆಡ್ ಕೃಷಿ ಮೇಳ ಲೇಸ್ ನಡಪರೆ ಉಂಡು.ಮಂಗಳೂರು ವಿಶ್ವವಿದ್ಯಾನಿಲಯ, ಧರ್ಮಸ್ಥಳ ಗ್ರಾಮೀಣಾಭಿವೃದ್ಧಿ ಯೋಜನೆ, ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ, ಸಾವಯವ ಕೃಷಿ ಗ್ರಾಹಕ ಬಳಗ ಅಂಚೆನೆ ಸುತ್ತಮುತ್ತದ ಸಂಘಟನೆಲು ಕೃಷಿ ಮೇಳದ ಜಬದಾರಿ ಒಯಿಸೊಂದ ಪಂಡೆರ್.
ಅಂದಾಜಿ 10 ಎಕರೆ ಜಾಗೆಡ್ ಕೃಷಿತ್ತ 200 ಸ್ಟಾಲ್ ಪಾಡ್ದ್ ಕೃಷಿಕೆರೆಗ್ ಮಾಹಿತಿ ಕೊರ್ಪಿನ ಕಾರ್ಯಕ್ರಮ ಅಂಚೆನೆ ಬೇತೆ ಬೇತೆ ವಿಷಯೊಡು ವಿಚಾರಗೋಷ್ಠಿ, ಪಿರಾಕ್ದ ಕೃಷಿ ಬದ್ಕ್ದ ಬಗ್ಗೆ ಪರಿಚಯ ಕೊರ್ರೆ ಉಂಡು ಪಂದ್ಉಮಾನಾಥ ಕೊಟ್ಯಾನ್ ತೆರಿಪಾಯೆರ್.

ತುಳುನಾಡ್ದ ಕೃಷಿ ಬದ್ಕ್ದ ಜೊತೆಟ್ಟ್ ನಾಗಾರಾಧನೆ, ದೈವಾರಾಧನೆ, ಟೆರೇಸ್ ಕೃಷಿ ಇಂಚಿತ್ತಿನ ವಿಷಯದ ಬಗೆಟ್ಟ್ ಮಾಹಿತಿ ಅಂಚೆನೆ ಕೃಷಿ ಇಲಾಖೆದ ಸಹಕಾರೊಡು ಕೃಷಿಕೆರೆಗ್ ಸರಕಾರೊದು ತಿಕ್ಕುನ ಪಣವುದ ಸೌಲಭ್ಯ, ಬ್ಯಾಂಕ್ ಲೋನ್ ಸೌಲಭ್ಯ,ಜೋಕುಲೆಗ್ ಕ್ರೀಡಾ ವ್ಯವಸ್ಥೆ, ಫುಡ್ ಕೋರ್ಟ್ ವ್ಯವಸ್ಥೆ ಮಲ್ದ್ಂಡ್ ಪಂದ್ ಪಂಡೆರ್.

ಉಂದುವೇ ಪೊರ್ತುಡು ಕೃಷಿ ಮೇಳದ ಲೆಪ್ಪೋಲೆನ್ ಶಾಸಕೆರ್ ಬಿಡುಗಡೆ ಮಲ್ತೆರ್.

ಪತ್ರಿಕಾಗೋಷ್ಠಿಡ್ ಕೃಷಿ ಸಿರಿ ೨೦೨೨ ಸಮಿತಿದ ಗುರ್ಕಾರ್ಲು ವಿಜಯ ಶೆಟ್ಟಿ,ಕೊಲ್ನಾಡ್, ಸಂಚಾಲಕೆರ್ ಕೃಷ್ಣ ಶೆಟ್ಟಿ ತಾರೆಮಾರ್, ಕೋಶಾಧಿಕಾರಿ ಜಗದೀಶ್ ಪೈ, ಮಾಧ್ಯಮ ಸಮಿತಿದ ಜಗನ್ನಾಥ ಶೆಟ್ಟಿ ಬಾಳ, ನವೀನ್ ಶೆಟ್ಟಿ ಎಡ್ಮೆಮಾರ್, ಕನ್ನಡ ಸಾಹಿತ್ಯ ಪರಿಷತ್ದ ಮಾಜಿ ರಾಜ್ಯಾಧ್ಯಕ್ಷೆರ್ ಹರಿಕೃಷ್ಣ ಪುನರೂರು, ಸಮಿತಿದ ಕಾರ್ಯಂತೆರ್ ಸಂತೋಷ್ ಶೆಟ್ಟಿ, ವ್ಯವಸ್ಥಾಪನೆ ಸಮಿತಿದ ಗೌರವ ಗುರ್ಕಾರ್ಲು ಜಿ.ಆರ್. ಪ್ರಸಾದ್, ಸಮಿತಿದ ಒತ್ತು ಕಾರ್ಯಂತೆರ್ ಚಂದ್ರಹಾಸ್, ಸೋಮಪ್ಪ ನಾಯ್ಕ್ ಮೊಕುಲು ಇತ್ತೆರ್.

State level Krishi Mela Siri- 2022 on January 14, 15 and 16.

Mulki: Tulunadu is basically an agrerian society and agriculture is the source of wealth.
But today as more and more agricultural land is taken up for industrial use and real estate, it is time to stop this and go back to our basics.
To motivate people back to farming a state level Krishi mela has been organised on the 14, 15 and 16 of January at Kolnadu near Mulki.
This was announced by Umanath Kotian MLA honorary President of Siri Samithi.Speaking at a press conference here he said Siri- 2022 will be inaugurated by Agricultural minister B.C.Patil and will have 200 stalls relating to agriculture and dairy faring poultry and allied fields related to agriculture.
The mela will be hosted by Vinay Krishi Producers Sangha (R) Kolnad and Pranav Sowhardha Cooperative Society Manglalore.Mangalore University, Dharmasthala Gramabiruddi yojana, Alva’s education society, Organic products consumers society and many other organisations will help in organising the event.

The mela organised in ten acres of land will have more than 200 stalls catering to all aspects of farming including banking loans , government aids and traditions like bootaradane and nagaradane linked to agriculture in Tulunadu. Food stalls and children play areas is added attraction.

President of Krishi Siri 2022 Vijay Shetty Kolnad, Correspondent Krishna Shetty , Treasurer Jagdish Pai , Publicist Jagannath Shetty Harikrishna Punaroor of Kannada Sahitya Parishad and others were present at the meet.

ಪಕ್ಷಿಕೆರೆಟ್ಟ್ ಅಲ್ಟ್ರಾ ಮಾಡರ್ನ್ ಸೌಕರ್ಯದ “ರೋಹನ್ ಎಸ್ಟೇಟ್’ ಉದಿಪನ

Dec 20, 2021

ಜಾಗೆ ಬೊಕ್ಕ ಇಲ್ಲ್ ಕಟ್ಟಾದ್ ಕೊರ್ಪಿನ ಮಾಮಲ್ಲ ಯೋಜನೆ ಲೋಕಾರ್ಪಣೆ

ಮುಲ್ಕಿ, ಡಿ.20 : ತುಳುನಾಡ್‌ದ ರಿಯಲ್ ಎಸ್ಟೇಟ್ ವೈವಾಟ್‌ಡ್ ಬಾರಿ ಪುಗರ್ತೆ ಪಡೆಯಿನ ರೋಹನ್ ಕಾರ್ಪೊರೇಶನ್ ಸಂಸ್ಥೆ, ಹಳೆಯಂಗಡಿ ಹೈವೇ ಕೈತಲ್ದ ಪಕ್ಷಿಕೆರೆಟ್ಟ್ ಅಲ್ಟ್ರಾ ಮಾಡರ್ನ್ ಸೌಕರ್ಯ ಉಪ್ಪುನ 372 ಇಲ್ಲ್ ಕಟ್ಟುನ ಜಾಗೆದ ಮಾಮಲ್ಲ ವಸತಿ ಬಡಾವಣೆ “ರೋಹನ್ ಎಸ್ಟೇಟ್ ಪಕ್ಷಿಕೆರೆ’ ಯೋಜನೆನ್ 32 ಎಕ್ರೆ ಜಾಗೆಡ್ ಅಭಿವೃದ್ಧಿ ಮಲ್ತ್ ದ್ ಸನಿಯಾರದಾನಿ ಲೋಕಾರ್ಪಣೆ ಮಲ್ದ್ಂಡ್.

ರೋಹನ್ ಎಸ್ಟೇಟ್‌ದ ಪೊಸ ದೇಖಿದ ಉದ್ಯಾನವನೊಡು ಸನಿಯಾರ ಬಯ್ಯಡ್ ನಡತಿನ ಸುದ್ದಿಗೋಷ್ಠಿಡ್ ಈ ವಿಚಾರೊನು ತೆರಿಪಾಯಿನ ರೋಹನ್ ಕಾರ್ಪೊರೇಶನ್‌ದ ವ್ಯವಸ್ಥಾಪಕ ನಿರ್ದೇಶಕೆರ್ ರೋಹನ್ ಮೊಂತೇರೊ, ಹಳೆಯಂಗಡಿ-ಕಿನ್ನಿಗೋಳಿ ರಸ್ತೆಡ್ ಪಕ್ಷಿಕೆರೆರ್ದ್ ಎಸ್‌ಕೋಡಿ ಜಂಕ್ಷನ್‌ದ 100 ಮೀಟರ್ ದೂರೊದ ಪೊರ್ಲು ಪರಿಸರೊಡು ಈ ಯೋಜನೆ ಉದಿಪನ ಆತ್‌ಂಡ್ ಪಂಡೆರ್.

ಈ ಯೋಜನೆಡ್ 3.5 ಸೆಂಟ್ಸ್ ರ್ದ್ 10 ಸೆಂಟ್ಸ್ ಮುಟ್ಟ ಅಳತೆದ ವಾಸ್ತು ಪ್ರಕಾರ ರಚನೆ ಮಲ್ದಿನ 372 ಸೈಟ್‌ಲು ಉಂಡು. ಗ್ರಾಹಕೆರೆಗ್ ಅನುಕೂಲ ಆಪಿಲೆಕ್ಕ ಜಾಗೆ ಸೇರ್ದ್ 35 ಲಕ್ಷ ರೂಪಾಯಿರ್ದ್ 75 ಲಕ್ಷ ರೂಪಾಯಿ ಮುಟ್ಟದ ಇಂಡಿಪೆಂಡೆಂಟ್ ಇಲ್ಲ್ ಲೆನ್ ಆಜಿ ತಿಂಗೊಲುಡು ಕಟ್ಟಾದ್ ಕೊರ್ಪಿನ ಯೋಜನೆ ಉಂದು. ಗ್ರಾಹಕೆರ್ ಖಾಲಿ ಸೈಟ್‌ ಲ ದೆತೊನೊಲಿ, ಇಲ್ಲ್ ಕಟ್ಟಾದ್ ಕೊರ್ಪಿನೆಕ್ಕ್ ಲ ಕಂಪೆನಿ ತಯಾರುಂಡು. ಆಯ್ಕೆ ಗ್ರಾಹಕೆರೆಗ್ ಬುಡ್ತ ಪಂಡೆರ್.

ರೋಹನ್ ಎಸ್ಟೇಟ್‌ದ ಪರಿಸರೊಡು ಕಟೀಲ್, ಬಪ್ಪನಾಡ್, ಪುನರ್ ದೇವಸ್ಥಾನ, ಪಕ್ಷಿಕೆರೆ ಚರ್ಚ್, ಕಿನ್ನಿಗೋಳಿ ಚರ್ಚ್, ಪಕ್ಷಿಕೆರೆ ಮಸೀದಿ ಇಂಚಿನ ಮಸ್ತ್ ಶ್ರದ್ಧಾ ಕೇಂದ್ರೊಲು ಉಲ್ಲ. ಅವ್ವತ್ತಾಂದೆ ಶಿಕ್ಷಣ ಕೇಂದ್ರೊಲು ಉಲ್ಲ. ಹಳೆಯಂಗಡಿ ಹೈವೇರ್ದ್ 4 ಕಿ.ಮೀ. ಬೊಕ್ಕ ಕಿನ್ನಿಗೋಳಿ ಪೇಂಟೆರ್ದ್ 4 ಕಿ.ಮೀ. ದೂರೊಡು ಈ ಯೋಜನೆ ಡೆವಲಪ್ ಆತ್‌ಂಡ್ ಪಂಡೆರ್. ರೇರಾ ಅನುಮೋದನೆ ಪಡೆದಿನ ಈ ಲೇಔಟ್‌ ಡ್ ಕಾಂಕ್ರೀಟ್ ರೋಡ್, ಚರಂಡಿ ವ್ಯವಸ್ಥೆ, ಬೀದಿ ದೀಪದ ವ್ಯವಸ್ಥೆ ಉಂಡು. ಪರ್ಪಿನ ನೀರ್‌ಗ್ ಬೇತೆನೆ ವ್ಯವಸ್ಥೆ ಮಲ್ದ್ಂಡ್. ಅವ್ವತ್ತಾಂದೆ ಪ್ರತಿ ಇಲ್ಲಗ್‌ ಲ ಪಂಚಾಯತ್‌ ದ ನೀರ್‌ ದ ಕನೆಕ್ಷನ್‌ ಗ್ ಪೈಪ್‌ ಲೈನ್ ಜೋಡಣೆ ಮಲ್ದ್ಂಡ್. ಭದ್ರತೆದ ವಿಷಯೊಡು ಪನ್ಪಿನಾಂಡ 12 ಕಡೆಟ್ಟ್ ಹೈ ರೆಸೊಲ್ಯೂಷನ್ ಸಿಸಿ ಕ್ಯಾಮೆರಾ ಪಾಡ್ದ್ಂಡ್, 24 ಗಂಟೆಲ ಸೆಕ್ಯುರಿಟಿ ವ್ಯವಸ್ಥೆ ಉಂಡು. 5 ಕಿ.ಮೀ. ಉದ್ದದ ವಾಕಿಂಗ್ ಟ್ರ್ಯಾಕ್ ಇಂಟರ್‌ಲಾಕ್ ಪಾಡ್ದಿನ ಫುಟ್‌ಪಾತ್, ಬ್ಯಾಡ್ಮಿಂಟನ್ ಕೋರ್ಟ್, ಜೋಕ್ಲೆಗ್ ಗೊಬ್ಬರೆ ಮೈದಾನ, ಪಾರ್ಕ್, ಮದಿಮೆದಂಚಿನ ಕಾರ್ಯಕ್ರಮದ ಪಾರ್ಟಿ ಮಲ್ಪರೆ ವ್ಯವಸ್ಥೆ ಉಂಡು ಪಂಡೆರ್.

ಉಂದುವೇ ಪೊರ್ತುಡು ವೇದಿಕೆಡ್ ಇತ್ತಿನ ಬಿನ್ನೆರ್ ರೋಹನ್ ಎಸ್ಟೇಟ್ ಯೋಜನೆದ ಮಾಹಿತಿ ಕೊರ್ಪಿನ ಬ್ರೋಚರ್ ಬುಡುಗಡೆ ಮಲ್ತೆರ್. ಸುದ್ದಿಗೋಷ್ಠಿಡ್ ರೋಹನ್ ಕಾರ್ಪೊರೇಶನ್‌ದ ಎಂಡಿ ರೋಹನ್ ಮೊಂತೇರೊ, ಅರೆನ ಮಗೆ ದಿಯೋನ್ ಮೊಂತೇರೊ, ಆಲ್ವಿನ್ ಡಿಕೊಸ್ಟ, ಪ್ರಾಜೆಕ್ಟ್ ಮ್ಯಾನೇಜರ್ ನಾಗರಾಜ್ ಬೊಕ್ಕ ರಾಹುಲ್ ಅಡ್ವಟೈಸರ್ಸ್ದ ಟೈಟಸ್ ನೊರೋನ್ಹಾ ಇತ್ತೆರ್.

“Rohan Estate” layout with ultra modern amenities inaugurated at Pakshikere

Mulki December 20 : Rohan corporation the well known real estate company of Tulunadu has developed a layout at Pakshikere near Haleangadi highway. The layout spread across 32 acres of land, with ultra modern amenities ; with infrastructure to accommodate nearly 372 villas , was inaugurated on Saturday.

Speaking to the media the managing director of Rohan corporation Rohan Monterio said that the layout situated at Pakshikere on Haleangadi Kinnigoli road; about 100 meters from Eskodi junction; is in amidst nature in green surroundings, with all modern amenities is open for booking for the public.

The layout has about 372 sites measuring from 3.5 cents to 10 cents ; all of which are vastu compliant. The firm plans to build independent villas in prices ranging from 35 to 75 lakhs including the price of land, for the convenience of buyers . The houses will be ready within a period of six months after booking . There is facility to buy open sites also .

Rohan Estate is well situated with easy access to Kateel, Bappanadu, Punar temple, Pakshikere church, Kinnigoli church, Pakshikere masjid and many other places of religious interest.It has many educational institutions close by. The property is about 4 kms from Haleangadi highway and 4 kms from Kinnigoli town.
The layout has well laid concrete roads , drainage systems street lights drinking water facility and RERA approved.
Special arrangements have been made for Panchayat water connection also . For security purposes high resolution cc cameras has been fixed at 12 places and there is 24 hours security facility also. Other facilities include a five kilometre walking track, interlocked footpath, playground and play area for children, batmiton court and a party hall.

A brochure giving information about the project was also released at the program. Rohan corporation MD Rohan Monterio,Deyon Monterio, Alven D Costa, project manager Nagaraj and Titus Norhana from Rahul Advetisers were present at the meet .

ಮುಲ್ಕಿಡ್ ಮಯೂರಿ ಫೌಂಡೇಶನ್ ಸಂಸ್ಥಾಪಕೆರ್ನ ದಿನಾಚರಣೆ

Dec 11, 2021

ಮುಲ್ಕಿ : ಸೇವಾ ಭಾರತಿ ಮುಂಬೈ ಉಂದೆತ್ತ ಸಂಸ್ಥಾಪಕೆರ್ , ಸಮಾಜ ಸೇವಕೆರ್ ಜಯ ಕೆ. ಶೆಟ್ಟಿ ಮೇರ್ ಅಕಾಲಿಕವಾದ್ ದೇವೆರ್ನ ಪಾದ ಸೇರಿನ ತನ್ನ ಮಗಳ್ ಮಯೂರಿನ ಪುದರ್ ಡ್ ಸ್ಥಾಪನೆ ಮಲ್ದಿನ ಮಯೂರಿ ಫೌಂಡೇಶನ್ ದ ಸಂಸ್ಥಾಪಕೆರ್ನ ದಿನಾಚರಣೆ ಸನಿಯಾರ ಕಾರ್ನಾಡ್ ದ ಬಂಟರ ಭವನ ದ ಚಾವಡಿ ಡ್ ನಡತ್ಂಡ್.

ಮುಖ್ಯ ಭಾಷಣಕಾರೆರಾದ್ ನಿವೃತ್ತ ಸಂಸ್ಕೃತ ಪ್ರಾಧ್ಯಾಪಕೆರ್ ಡಾ.ಸೋಂದಾ ನಾರಾಯಣ ಭಟ್ ಬತ್ತ್ ತ್ತಿರ್. ಜೀವನೊಡು ನಡತಿನ ಒಂಜಿ ಕೈಪೆದ ಘಟನೆ ಮಯೂರಿ ಫೌಂಡೇಶನ್ ಸ್ಥಾಪನೆಗ್ ಕಾರಣ ಆಂಡ್. ದುಃಖದ ಘಟನೆ ಆಂಡ್ ಪಂದ್ ಮದೆಟ್ಟ್ ಕುಲ್ಲರೆ ಬಲ್ಲಿ. ಜಯ ಶೆಟ್ರೆನಂಚ ಎಡ್ಡೆಂತಿನೆನ್ ಆಲೋಚನೆ ಮಲ್ಪೊಡು.ಅಂಚಾಂಡ ಮಾತ್ರ ಮಯೂರಿ ಫೌಂಡೇಶನ್ ದಂಚಿನ ಸಮಾಜ ಸೇವೆದ ಸಂಸ್ಥೆ ಪನ್ಪಿನ ತಾಮರೆದ ಪೂ ಅರಳುಂಡು ಪಂಡೆರ್.

ಮಯೂರಿ ಫೌಂಡೇಶನ್ ದ ಜಯ ಕೆ. ಶೆಟ್ಟಿ ಮೇರ್ ಗುರ್ಕಾರ್ಮೆ ಒಯಿಸ್ ದಿತ್ತೆರ್.

ಈ ಪೊರ್ತುಡು ಬೀದಿ ನಾಯಿಲೆನ್ ಸಾಂಕುನಾರ್, ಪ್ರಾಣಿ ಪ್ರಿಯೆ ರಜನಿ ದಾಮೋದರ ಶೆಟ್ಟಿ ಅಂಚೆನೆ ವಿಮಾನ ತಜ್ಞೆರ್ ಪುಷ್ಪ ರಾಜ್ ಅಮೀನ್ ನಡಿಕುದ್ರು ಮೆರೆನ್ ಮಾನಾದಿಗೆ ಮಲ್ತೆರ್. ಟ್ರಸ್ಟಿಲಾಯಿನ ನವೀನ್ ಶೆಟ್ಟಿ ಬೊಕ್ಕ ಜೀವನ್ ಶೆಟ್ಟಿ ಮಾನಾದಿಗೆ ಪತ್ರ ಓದಿಯೆರ್. ವೈ.ಎನ್.ಸಾಲ್ಯಾನ್ ಮುಖ್ಯ ಭಾಷಣಕಾರೆರ್ನ ಪೊಲಬು ಮಲ್ತ್ ಕೊರಿಯೆರ್.
ಫೌಂಡೇಶನ್ ದ ಕಾರ್ಯದರ್ಶಿ ರಾಜೇಶ್ ಕುಮಾರ್ ಶೆಟ್ಟಿ, ಖಜಾಂಚಿ ನವೀನ್ ಶೆಟ್ಟಿ, ಸದಸ್ಯೆರ್ ದೇವಪ್ರಸಾದ್ ಪುನರೂರು, ಪ್ರಬೋಧ್ ಕುಡ್ವ, ಬಬಿತಾ ಶೆಟ್ಟಿ ಮೊಕುಲು ಮಾತ ಮತ್ತರ್ಮೆಡ್ ಇತ್ತೆರ್.
ಉಂದುವೇ ಪೊರ್ತುಡು ಮಯೂರಿ ಫೌಂಡೇಶನ್ ರ್ದ್ ಮುಲ್ಕಿ ಬಂಟರ ಸಂಘದ ವಿದ್ಯಾನಿಧಿಗ್ ಪಣವುದ ಸಹಾಯೊನು ಕೊರಿಯೆರ್. ಅವೆನ್ ಬಂಟರ ಸಂಘ ದ ಅಧ್ಯಕ್ಷೆರ್ ಸಂತೋಷ್ ಹೆಗ್ಡೆ ಸ್ವೀಕಾರ ಮಲ್ತೆರ್.
ಜಯ ಕೆ.ಶೆಟ್ಟಿ ಮೇರ್ ಬಿನ್ನೆರೆನ್ ಸ್ಬಾಗತ ಮಲ್ತ್ ದ್ ನಿಸ್ವಾರ್ಥ ಸಮಾಜ ಸೇವೆ ಮಲ್ತ್ ದ್ ಕುಸಿ ಪಡೆಪಿನನೇ ಜೀವನದ ಗುರಿ ಆವೊಡು ಪಂಡೆರ್.
ವಂದನಾ ರವೀಶ್ ಕಾಮತ್ ದೇವೆರೆನ್ ಸುಗಿತೊಂಡೆರ್. ದಿನೇಶ್ ಕೊಲ್ನಾಡ್
ಲೇಸ್ ನಿರೂಪಣೆ ಮಲ್ತೆರ್. ದೇವಪ್ರಸಾದ್ ಪುನರೂರು ಸೊಲ್ಮೆ ಸಂದಾಯೆರ್.

Founders day celebration of Mayuri foundation , Mulki.

Mulki : Social worker Jaya .K.Shetty who is the founder of Seva Bharati Mumbai, who on the untimely demise of his daughter Mayuri set up Mayuri foundation in her memory ; observed founders day on Saturday the 11th of December at Bantara Bawana Karnad.

The chief speaker for the day was Dr Sonda Narayan Bhat, retired sanskrit Professor.
He said that Mayuri foundation was started because of unhappy experience in its founders life.But the social work done by this foundation has been a shining becon for people ; on how one has to raise above the bitterness of life and find purpose in life.

Jaya K.Shetty gave the presidential address at the program.
Animal lover and rescuer Rajani Damodar Shetty and Aviation expert Puspharaj Amin were honoured on the occasion.
The trustees Naveen Shetty and Jeevan Shetty read the letter of honour.
Y.N. Salian introduced the chief speaker to the gathering.
The secretary of the foundation Rajesh Kumar Shetty, treasurer Naveen Shetty, members Deviprasad Punaroor, Prabodh Kuduva, Babitha Shetty were present on the occasion.
A monetary grant was given to the education fund of Bantara Sangha by Mayuri foundation ; which was accepted by the President of Bantara Sangha Santosh Hegde.
Jaya K Shetty while speaking on the occasion said that selfless service to the society was the goal in his life.
Vandana Ravish Kamath sang the prayer song , Dinesh Karnad was the host for the evening.Devi Prasad rendered the vote of thanks.

ಮುಲ್ಕಿ ಸೀಮೆ ಅರಸು ಕಂಬುಲದ ಲೆಪ್ಪೋಲೆ ಬುಡುಗಡೆ

Dec 7, 2021

ತುಳುನಾಡ ಇತಿಹಾಸೊಡು ಬಾರಿ ಪುಗರ್ತೆ ಪಡೆಯಿನ ಮೂಲ್ಕಿ ಸೀಮೆದ ಅರಸು ಕಂಬುಲದ ಲೆಪ್ಪೋಲೆ ಬುಡುಗಡೆದ ಲೇಸ್ ಅಂಗಾರೆ ಬಯ್ಯಡ್ ಪಡುಪಣಂಬೂರುದ ಅರಮನೆತ್ತ ಚಾವಡಿಡ್ ನಡತ್ಂಡ್.

ಶ್ರೀ ಪದ್ಮಾವತಿ ಅಮ್ಮನ ಸಾನ್ನಿಧ್ಯೊಡು ಪ್ರಾರ್ಥನೆ ಮಲ್ತಿ ಬೊಕ್ಕ ಅರಮನೆತ್ತ ಚಾವಡಿಡ್ ಮುಲ್ಕಿ ಸೀಮೆದ ಅರಸೆರ್ ಶ್ರೀ ಯಂ. ದುಗ್ಗಣ್ಣ ಸಾವಂತೆರ್ನ ಎದುರುಡು ಮೂಲ್ಕಿ ಸೀಮೆ ಅರಸು ಕಂಬುಲ ಸಮಿತಿದಕಲು ಲೆಪ್ಪೋಲೆ ಬುಡುಗಡೆ ಮಲ್ತೆರ್. ಕಾಸಪ್ಪಯ್ಯರ ಮನೆ ಚಂದ್ರಶೇಖರ ಜಿ., ಅರಸು ಕಂಬುಲ ಸಮಿತಿದ ಗುರ್ಕಾರ್ಲು ಕೊಲ್ನಾಡುಗುತ್ತು ರಾಮಚಂದ್ರ ನಾಯ್ಕ್,
ಒತ್ತು ಗುರ್ಕಾರ್ಲಾಯಿನ ಶುಭ್ರತ್ ದೇವಾಡಿಗ, ಹರ್ಷಿತ್ ಡಿ.ಸಾಲ್ಯಾನ್, ದಿನೇಶ್ ಶೆಟ್ಟಿ ಹೊಸಲಕ್ಕೆ, ದಿನೇಶ್ ಸುವರ್ಣ ಬೆಳ್ಳಾಯರು, ಪ್ರಧಾನ ಕಾರ್ಯಂತೆರ್ ನವೀನ್ ಕುಮಾರ್ ಶೆಟ್ಟಿ ಎಡ್ಮೆಮಾರ್, ಪಣವುದ ಪಾಲವೆರ್ ಕೆ.ವಿಜಯ್ ಕುಮಾರ್ ಶೆಟ್ಟಿ, ಕೊಲ್ನಾಡು, ಎಂ.ಕೆ.ಹೆಬ್ಬಾರ್, ಪಡುಪಣಂಬೂರು, ಮಹೀಮ್ ಹೆಗ್ಡೆ ಮುಲ್ಕಿ ಮೊಕುಲು ಮಾತ ಇತ್ತೆರ್.

ಡಿ.26 ಐತಾರ ಅರಸು ಕಂಬುಲ ನಡಪರೆ ಉಂಡು. ಕಾಂಡೆ 10 ಗಂಟೆಗ್ ಕಂಬುಲದ ಉದಿಪನ ಆವರೆ ಉಂಡು. ಬಯ್ಯಡ್ ಸಭಾ ಕಾರ್ಯಕ್ರಮ ಬೊಕ್ಕ ಮಾನಾದಿಗೆ ಲೇಸ್ ನಡಪರೆ ಉಂಡು.
ಡಿ.27 ಸೋಮಾರ ಕಾಂಡೆ 10 ಗಂಟೆಗ್ ಮುಗಿತಲದ ಲೇಸ್ , ಇನಾಮು ಪಟ್ಟುನ ಲೇಸ್ ನಡಪರೆ ಉಂಡು.

Invitation of Mulki Arasu Kambla released:

The well known Arasu Kambla of Mulki ; with historical importance in Tulunadu, is set to take place shortly. The invitation to this event was released in Mulki Aramane on Tuesday evening .

After taking blessings of the family goddess Padmavati, Sri Duganna Savantha the Arasu of Mulki , released the invitation of the Kambla in the presence of the samithi members.

Kasappaiahra mane Chandra Shekhar. G. , the President of the Arasu Kambla samithi , Kolnaduguttu Ramachandra Naik ,the Vice President Shubrath Devadiga , Harshith D Salian , Dinesh Shetty Hosalake, Dinesh Suvarna Bellayar, chief secretary Navin Kumar Shetty .Y.K Vijay Kumar Shetty, M.K.Hebbar, Mahim Hegde Mulki were present on the occasion.

The Kambala will be held on Sunday December26 th, and will start at 10 a.m.The public program will be held in the evening.
The closing ceremony and prize distribution will be held on 27th morning at 10 am.

ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಾರ್ಲ ಪುರಸಭಾ ಸದಸ್ಯೆರ್ದ್ ಎನಿಮಲ್ ಕೇರ್ ಟ್ರಸ್ಟ್ ಗ್ ಲಕ್ಷ ಪಣವುದ ಸಾಕಾರ

Nov 11, 2021

ಕಾರ್ಕಳ : ಕಾರ್ಕಳ ಪುರಸಭೆತ ನಾಮನಿರ್ದೇಶನ ಸದಸ್ಯ ಅವಿನಾಶ್ ಜಿ. ಶೆಟ್ಟಿ ಕುಂಟಲ್ಪಾಡಿ ಮೇರ್ ಅಹಿಂಸಾ ಎನಿಮಲ್ ಕೇರ್ ಟ್ರಸ್ಟ್ ಗ್ 1 ಲಕ್ಷ ರೂಪಾಯಿ ಪಣವುದ ಸಾಕಾರ ಕೊರ್ತೆರ್ .

ಪ್ರತೀ ವರ್ಷ ದೀಪಾವಳಿ ಪೊರ್ತುಡು ಅಂಬಾ ಭವಾನಿ ಕ್ರಾಕರ್ಸ್ ಪನ್ಪಿನ ಚಿಲ್ಲರೆ ಪಟಾಕಿ ಅಂಗಡಿನ್ 3 ದಿನ ಅವಿನಾಶ್ ಜಿ.ಶೆಟ್ಟಿ ನಡಪಾವೆರ್ . ಪಟಾಕಿ ಮಾರ್ದ್ ಬತ್ತಿನ ಲಾಭಾಂಶಡ್ ಪ್ರತೀ ವರ್ಷ ಪಾಪ ದಕ್ಲೆಗ್ ಆರ್ಥಿಕ ಸಾಕಾರ ಕೊರ್ಪಿನ ಪರಿಪಾಠ ಬುಳೆಪಾದೆರ್ . ಐತ ಪ್ರಕಾರ ಈ ಸಲ ಅಹಿಂಸಾ ಎನಿಮಲ್ ಕೇರ್ ಟ್ರಸ್ಟ್ ಸಂಚಾಲಕ ವೀರು ಬಜಗೋಳ ಮೆರೆಗ್ ಕಾಸ್ ಕೊರಿಯೆರ್.

Karkala : Nominated member of Karkala Municipal Council, Avinash Ji. Shetty Kuntalpadi has donated Rs 1 lakh to Ahimsa Animal Care Trust. Avinash G. Shetty runs a retail fireworks shop called Amba Bhawani Crockers for three days during Diwali every year. He has developed a practice of helping the helpless every year in the profits from fireworks sales. This time the non-violent animal care trust convener Veeru handed over the amount to Bajagoghalaya.

ಅ.31: ಸಮಾಜ ಸೇವಕೆರ್ ದಿ.ಜಯ ಸಿ.ಸುವರ್ಣ ಮೇರ್ನ ಸುರೂತ್ತ ವರ್ಷದ ಸಂಸ್ಮರಣೆ, ಸ್ಮಾರಕ ಬಿಂಬ ಸ್ಥಾಪನೆ

Oct 27, 2021

ಮುಲ್ಕಿ: ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲ (ರಿ.) ಮುಲ್ಕಿ ಉಂದೆತ್ತ ಸ್ಥಾಪಕ ಅಧ್ಯಕ್ಷೆರ್, ಸಮಾಜ ಸೇವಕೆರ್ ದಿ. ಜಯ ಸಿ.ಸುವರ್ಣ ಮೇರ್ನ ಒಂಜನೆ ವರ್ಷದ ನೆಂಪು ಲೇಸ್, ಸ್ಮಾರಕ ಬಿಂಬ ಅನಾವರಣ ಅವತ್ತಾಂದೆ ಜಯ ಸಿ.ಸುವರ್ಣ ಸಭಾಂಗಣ ಪುದರ್ ದೀಪುನ ಲೇಸ್ ಅಕ್ಟೋಬರ್ 31 ಐತಾರ ಕಾಂಡೆ 10.30 ಗು ಮುಲ್ಕಿದ ಮಹಾಮಂಡಲದ ಚಾವಡಿಡ್ ನಡಪರೆ ಉಂಡು.

ಹಿರಿಯ ನಾಯಕೆರ್, ಕೇಂದ್ರದ ಮಾಜಿ ಮಂತ್ರಿಲು ಬಿ.ಜನಾರ್ದನ ಪೂಜಾರ್ಲು ಜಯ ಸುವರ್ಣೆರ್ನ ಸ್ಮಾರಕ ಬಿಂಬ ಅನಾವರಣ ಮಲ್ಪರೆ ಉಲ್ಲೆರ್. ಕುಡ್ಲ ವಿಶ್ವವಿದ್ಯಾನಿಲಯದ ಶ್ರೀ ನಾರಾಯಣ ಗುರು ಅಧ್ಯಯನ ಪೀಠದ ನಿರ್ದೇಶಕೆರ್ ಡಾ. ಗಣೇಶ್ ಅಮೀನ್ ಸಂಕಮಾರ್ ಸಂಸ್ಮರಣಾ ಭಾಷಣ ಮಲ್ಪುವೆರ್.

ಮಲ್ಲ ಬಿನ್ನೆರಾದ್ ಸಚಿವೆರಾಯಿನ ಕೋಟ ಶ್ರೀನಿವಾಸ ಪೂಜಾರ್ಲು , ಸುನೀಲ್ ಕುಮಾರ್, ಶಾಸಕೆರ್ ಉಮಾನಾಥ ಕೋಟ್ಯಾನ್, ವಿಧಾನಪರಿಷತ್ ಸದಸ್ಯೆರ್ ಹರೀಶ್ ಕುಮಾರ್, ರಾಜ್ಯ ವಿದ್ಯುನ್ಮಾನ ನಿಗಮದ ಅಧ್ಯಕ್ಷೆರ್ ಹರಿಕೃಷ್ಣ ಬಂಟ್ವಾಳ, ಬೊಂಬೈ ಸಾಯಿ ಪ್ಯಾಲೇಸ್ ದ ರವೀಂದ್ರ ಶೆಟ್ರ್, ಮಾಜಿ ಸಚಿವೆರಾಯಿನ ವಿನಯ್ ಕುಮಾರ್ ಸೊರಕೆ, ಬಿಲ್ಲವರ ಅಸೋಸಿಯೇಷನ್ ಮುಂಬಯಿ ಉಂದೆತ್ತ ಗುರ್ಕಾರ್ಲು ಹರೀಶ್ ಜೆ.ಅಮೀನ್, ಲೀಲಾವತಿ ಜೆ ಸುವರ್ಣ ಅಂಚನೆ ಮಲ್ಲ ಮಲ್ಲ ಬಿನ್ನೆರ್ ಲೇಸ್ ಡ್ ಪಾಲ್ ಪಡೆವೆರ್ ಪಂದ್ ಬಿಲ್ಲವರ ಮಹಾಮಂಡಲದ ಅಧ್ಯಕ್ಷೆರ್ ಡಾ. ರಾಜಶೇಖರ ಕೋಟ್ಯಾನ್ ಪ್ರಕಟಣೆಡ್ ತೆರಿಪಾದೆರ್.

A statue of social worker late Jaya C.Suvarna to be unveiled on October 31st:

Mulki: On the occasion of the first death anniversary of Jaya.C . Suvarna the founder President of National Billava Mahamandal (R) ; a statue will be unveiled and a hall will be named after him on October 31 at 10:30 a.m. at Mulki in the Mahamandal premises.

Senior leader and former central minister B.Janardan Poojary will do the honors of unveiling the statue .The director of seat of studies on Sri Narayan guru; Dr Ganesh Amin will give the key memorial address.

Ministers Kota Srinivasa Poojary, Sunil Kumar, MLA Umanath Kotian, Vidhana Parishad member Harish Kumar, State Electronic board president Harikrishna Bantwal, Ravindra Shetty from Sai palace Bombay, former minister Vinay Kumar Sorake, Harish J. Amin president of Billava association Mumbai, Leelavati Jaya Suvarna and many other notable persons are to grace the function said Dr Rajshekhar Kotian the president of Billava Mahamandal in a press release.

ಸಸಿಹಿತ್ಲು ಉತ್ಥಾನ ಬಳಗ ಸೇವಾ ಟ್ರಸ್ಟ್ ರ್ದ್ ವಿದ್ಯಾರ್ಥಿ ವೇತನ ಬೊಕ್ಕ ಮಾನಾದಿಗೆ ಲೇಸ್

Oct 26, 2021

ಸಸಿಹಿತ್ಲು : ಸಮಾಜ ಸೇವೆಡ್ ಪುಗರ್ತೆ ಪಡೆಯಿನ ಉತ್ಥಾನ ಬಳಗ ಸೇವಾ ಟ್ರಸ್ಟ್ (ರಿ) ಸಸಿಹಿತ್ಲು ಮೊಕ್ಲೆನ ಆಶ್ರಯೊಡು ಕಲ್ಪುನೆಟ್ಟ್ ಎಡ್ಡೆ ಇತ್ತಿನ ಜೋಕುಲೆಗ್ ವಿದ್ಯಾರ್ಥಿ ವೇತನ ಪಟ್ಟುನ ಅಂಚೆನೆ ಊರುದ ಮಲ್ಲ ಸಾಧಕೆರೆಗ್ ಮಾನಾದಿಗೆ ಮಲ್ಪುನ ಲೇಸ್ ಅಕ್ಟೋಬರ್ 24 ಐತಾರ ನಡತ್‌ಂಡ್.

ಕೈ ಮಗ್ಗದ ಬೇಲೆಡ್ ಮಸ್ತ್ ಸಾಧನೆ ಮಲ್ತ್ದ್ ರಾಜ್ಯ ಪ್ರಶಸ್ತಿ ಪಡೆದಿನ ಹಿರಿಯೆರ್, ವ್ಯಾಸರಾಯ ಶೆಟ್ಟಿಗಾರ್ ಅಂಚೆನೆ ಅಗ್ನಿಶಾಮಕ ದಳಟ್ಟ್ ಮಲ್ಲ ಸಾಧನೆ ಮಲ್ತ್ ದ್ ಮುಖ್ಯಮಂತ್ರಿ ಸ್ವರ್ಣ ಪದಕ ಪಡೆದಿನ ನೂತನ್ ಸಾಲ್ಯಾನ್ ಮೆರೆನ್ ಈ ಪೊರ್ತುಡು ಮಾನಾದಿಗೆ ಮಲ್ತೆರ್.

ಲೇಸ್‌ದ ಮಲ್ಲ ಬಿನ್ನೆರಾದ್ ಎನ್‌ಐಟಿಕೆ ಅನುದಾನಿತ ಶಾಲೆದ ನಿವೃತ್ತ ಮುಖ್ಯೋಪಾಧ್ಯಾಯೆರ್ ಎನ್.ಎಸ್. ಪ್ರಭು ಬತ್ತಿತ್ತೆರ್. ಅಂಚೆನೆ ಸಂಸ್ಥೆದ ಟ್ರಸ್ಟಿನಕುಲು ಲೇಸ್‌ಡ್ ಪಾಲ್ ಪಡೆದಿತ್ತೆರ್. ರತನ್ ಸಾಲ್ಯಾನ್ ಸ್ವಾಗತ ಮಲ್ತೆರ್. ರಾಕೇಶ್ ಸಾಲ್ಯಾನ್ ಸೊಲ್ಮೆ ಸಂದಾಯೆರ್. ಮಮತಾ ಗಿರೀಶ್ ಲೇಸ್ ನಡಪಾದ್ ಕೊರಿಯೆರ್.

Student scholarship and prizes given by Sasihitlu uttana balaga seva trust:

Sasihitlu: Uttana balaga seva trust (R) which is into social service schemes had organised a program to felicitate students and distribute scholarship to meritorious students on October 24th.

It also honoured state award winning handloom specialist Vyasaraya Shettigar and Nuthan Salian who has been awarded the CM gold medal in the fire fighting services .

The chief guest at the program was N.S Prabhu retd head master of NITK aided school.The trustees of the school also participated in the program.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಡಿ.18ಗ್ ಬೆಂಗ್ಳೂರುಡು ತುಳು ಅಕಾಡೆಮಿದ ಒಟ್ಟು ಸೇರಿಗೆಡ್ ವಿಭಿನ್ನ ತುಳು ಲೇಸ್ : ದಯಾನಂದ ಜಿ. ಕತ್ತಲ್‌ಸಾರ್

Oct 23, 2021

ಬೆಂಗ್ಳೂರು: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಒಟ್ಟು ಸೇರಿಗೆಡ್ ಬೆಂಗ್ಳೂರುದ ರವೀಂದ್ರ ಕಲಾಕ್ಷೇತ್ರಡ್ ಡಿಸೆಂಬರ್ 18ಕ್ಕ್ ತುಳು ಸಾಹಿತ್ಯ ಅಕಾಡೆಮಿದ ಒಟ್ಟು ಸೇರಿಗೆಡ್ ಬೇತೆ ಬೇತೆ ತುಳು ಸಂಘಟನೆದ ಸಾಕರಡ್ ವಿಭಿನ್ನ ಲೇಸ್ ನಡಪರೆ ಉಂಡು , ನೆತ್ತ ಒಟ್ಟುಗು ಬೆಂಗ್ಳೂರುದ ಪೆರಿಯಾ ಸಾಧಕೆರೆಗ್ ಚಾವಡಿ ಮಾನದಿಗೆ ಬೊಕ್ಕ ಬೇತೆ ಬೇತೆ ಕ್ಷೇತ್ರದ ಸಾಧಕೆರೆಗ್ ಇಸೇಸ ಮಾನದಿಗೆ , ದತ್ತಿ ನಿಧಿ ಪುರಸ್ಕಾರ ಲೇಸ್ ನಡಪರೆ ಉಂಡು ಪಂದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲಾಯಿನ ದಯಾನಂದ ಜಿ. ಕತ್ತಲ್‌ಸಾರ್ ಪಂಡೆರ್ .

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆ ಬೊಕ್ಕ ಲೇಸ್ ದ ಸದಸ್ಯೆ ಸಂಚಾಲಕಿ ಕಾಂತಿ ಶೆಟ್ಟಿ ಪಾತೆರ್ದ್ , ವಿಭಿನ್ನ ತುಳು ಲೇಸ್ ಡ್ ಪೆರಿಯ ಸಾಹಿತಿಲಾಯಿನ ದಿ.ಪ್ರಭಾಕರ ರೈ ಮೆರ್ನ ಪುದರ್ ಡ್ ಅಕಾಡೆಮಿರ್ದ್ ದತ್ತಿ ನಿಧಿ ಮಾನದಿಗೆ ಕೊರಿಯರೆ ಉಲ್ಲೆರ್ ಪಂದ್ ಪಂಡೆರ್ .

ಈ ಪೊರ್ತುಡು ಬೇತೆ ಬೇತೆ ಸಲಹೆನ್ ಕೊರಿಯೆರ್.ಬೆಂಗ್ಳೂರುದ ಬೇತೆ ಬೇತೆ ಸಂಘಟನೆದ ಪ್ರಮುಖೆರಾಯಿನ ಜಯಂತ್ ರಾವ್, ಕೆ.ಎನ್.ಅಡಿಗ, ಸದಾನಂದ ಕಾರ್ಕಳ, ಬಿ.ಆರ್.ಭಟ್, ರೂಪಾ ಶೆಟ್ಟಿ, ವಿಶ್ವನಾಥ ಶೆಟ್ಟಿ ಪಳ್ಳಿ, ಗೋಪಾಲ ಪೂಜಾರಿ ಪಟ್ಟೆ, ಸುರೇಂದ್ರ ರಾವ್ ಎನ್., ರಾಜರಾಮ್ ಶೆಟ್ಟಿ ಉಪ್ಪಳ,ಪುರುಷೋತ್ತಮ ಚೆಡ್ಲ ಟಿ.ಎಸ್.ನಾಗರಾಜ ಉಪಾಧ್ಯಾಯ, ಲೀಲಾವತಿ ಎನ್. ಉಪಾಧ್ಯಾಯ. ಪಾಲ್ ಪಡೆದಿತ್ತೆರ್ .