2024

ಮಾ.24: ಕರ್ನಾಟಕ ಜಾನಪದ ಪರಿಷತ್ ಮಹಾರಾಷ್ಟ್ರ ಘಟಕದ 2ನೇ ವರ್ಷದ ಉಚ್ಚಯ

ಕರ್ನಾಟಕ ಜಾನಪದ ಪರಿಷತ್ ಬೆಂಗ್ಲೂರು ಮಹಾರಾಷ್ಟ ಘಟಕದ ರಡ್ಡನೇ ವರ್ಷದ ಸಾಂಸ್ಕೃತಿಕ ಜಾನಪದ ಸಿರಿ ಸಿಂಚನ ಸಂಭ್ರಮ ಮಾ.24 ಕ್ಕ್ ಕುರ್ಲಾ ಪೂರ್ವದ ಬಂಟರ ಭವನದ ಶ್ರೀಮತಿ ರಾಧಾಬಾಯಿ ಟಿ. ಭಂಡಾರಿ ಸಭಾಗೃಹಡ್ ಗೌಜಿಡ್ ನಡಪರೆ ಉಂಡು.

ಮಧ್ಯಾಹ್ನ ಕರ್ನಾಟಕ ಜಾನಪದ ಪರಿಷತ್ ಮಹಾರಾಷ್ಟ್ರ ಘಟಕದ ಅಧ್ಯಕ್ಷೆರ್ ಡಾ. ಆರ್. ಕೆ. ಶೆಟ್ಟಿ ಗುರ್ಕಾರ್ಮೆಡ್ ಸುವರ್ಣ ಕರುನಾಡ ಸನಾತನ ಸಂಸ್ಕೃತಿದ ಮೇರು ಕಲಾಪ್ರಕಾರಲಾಯಿನ ಜಾನಪದ ಸಿರಿಸಿಂಚನ, ಗಾಯನ, ನರ್ತನ, ಚಿಂತನ – ಮಂಥನ, ಸಮಗ್ರ ಸಂಗಮ ಲೇಸ್ ಲೆನ ‘ಸಾಂಸ್ಕೃತಿಕ ಜಾನಪದ ಸಿರಿ ಸಿಂಚನ’ ಸಂಭ್ರಮ ನಡಪರೆ ಉಂಡು. ಬಂಟರ ಸಂಘ ಬೊಂಬೈ ಅಧ್ಯಕ್ಷೆರ್ ಪ್ರವೀಣ್ ಬಿ. ಶೆಟ್ಟಿ ಲೇಸ್ ಗ್ ಚಾಲನೆ ಕೊರಿಯೆರೆ ಉಲ್ಲೆರ್.

ಬಯ್ಯಗ್ ಸಂಸ್ಥೆದ ಪ್ರಶಸ್ತಿ ಪ್ರದಾನ, ಮುಗಿತಲದ ಲೇಸ್ ಮಹಾರಾಷ್ಟ ಘಟಕದ ಅಧ್ಯಕ್ಷೆರ್ ಡಾ.ಆರ್. ಕೆ. ಶೆಟ್ಟಿ ಗುರ್ಕಾರ್ಮೆಡ್ ನಡಪರೆ ಉಂಡು. ಮಲ್ಲ ಬಿನ್ನೆರಾದ್ ಕರ್ನಾಟಕ ಜಾನಪದ ಪರಿಷತ್ ಬೆಂಗ್ಲೂರುದ ಕಾರ್ಯಾಧ್ಯಕ್ಷೆರ್ ವಿಶ್ರಾಂತ ಕುಲಪತಿ ಪ್ರೊ.ಹಿ.ಚಿ ಬೋರಲಿಂಗಯ್ಯ, ಮಾನಾದಿಗೆದ ಬಿನ್ನೆರಾದ್ ಹಿರಿಯ ಸಾಹಿತಿ, ಕಾದಂಬರಿಗಾರೆ ಮಿತ್ರಾ ವೆಂಕಟ್ರಾಜ್ ಪಾಲ್ ಪಡೆಯೆರೆ ಉಲ್ಲೆರ್.

ಸೈಂಟ್ ಆಗ್ನೇಸ್ ಕಾಲೇಜ್ ಕುಡ್ಲದ ಪ್ರಾಧ್ಯಾಪಕೆರ್ ಡಾ. ಅರುಣ್ ಉಳ್ಳಾಲ್ ದಿಕ್ಸೂಚಿ ಭಾಷಣ ಮಲ್ಪರೆ ಉಲ್ಲೆರ್. ಲೇಸ್ ಡ್ ನಾಟಕಕಾರೆ, ಜಾನಪದ ರಂಗ ನಿರ್ದೇಶಕೆರ್ ಕರುಣಾಕರ ಕೆ. ಕಾಪು ಮೆರೆಗ್ ‘ಜಾನಪದ ವಿಭೂಷಣ ಪ್ರಶಸ್ತಿ’ ಪ್ರದಾನ ಮಲ್ತ್ ದ್ ಮಾನಾದಿಗೆ ಮಲ್ಪೆರೆ ಉಂಡು. ಅತ್ತಂದೆ ಆಶಕ್ತ ಕಲಾವಿದೆರೆಗ್ ಸಹಾಯಹಸ್ತ ಇನಾಮು ಪಟ್ಟಿಯೆರೆ ಉಂಡು.

ಸಾಂಸ್ಕೃತಿಕ ಸಂಭ್ರಮಡ್ ಮಹಾರಾಷ್ಟ್ರದ ಪುಗರ್ತೆದ ಕೂಟಲಾಯಿನ ಜಾನಪದ ಸಮೂಹ ನೃತ್ಯ ಪಂತೊ, ಕರ್ನಾಟಕ ಜಾನಪದ ಪರಿಷತ್ ಮಹಾರಾಷ್ಟ ಘಟಕದ ಸಮಿತಿದ ಸದಸ್ಯೆರೆನ ಕೂಟರ್ದ್ ಜಾನಪದ ಸಮೂಹ ಗಾಯನ ಸಿಂಚನ, ಕಿರು ನಾಟಕ, ತಾಳಮದ್ದಳೆ, ಅಂಕ ಆಯನ, ಸಿರಿ ಸಿಂಚನಲೆನ ಜಾನಪದ ಸಿಂಚನ, ಕರ್ನಾಟಕ ಜಾನಪದ ಪರಿಷತ್ ಬೆಂಗ್ಲೂರು ಪ್ರಾಯೋಜಕತ್ವಡ್ ಆಮಂತ್ರಿತ ಕೂಟರ್ದ್ ಬೇತೆ ಬೇತೆ ಸಂಗೀತ–ನೃತ್ಯ ವಿನೋದಾವಳಿಲು ನಡಪರೆ ಉಂಡು.

ಸಂಸ್ಥೆದ ಉಪಾಧ್ಯಕ್ಷೆರ್ ಡಾ. ಸುರೇಂದ್ರ ಕುಮಾರ್ ಹೆಗ್ಡೆ, ಗೌರವ ಪ್ರಧಾನ ಕಾರ್ಯದರ್ಶಿ ಅಶೋಕ್ ಪಕ್ಕಳ, ಗೌರವ ಕೋಶಾಧಿಕಾರಿ ಗಣೇಶ್ ಜಿ. ನಾಯ್ಕ್, ಜತೆ ಕಾರ್ಯದರ್ಶಿ ಪದ್ಮನಾಭ ಸಸಿಹಿತ್ಲು, ಜತೆ ಕೋಶಾಧಿಕಾರಿಯಾದ್ ಕುಸುಮಾ ಸಿ.ಪೂಜಾರಿ, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ಅನಿತಾ ಯು. ಶೆಟ್ಟಿ ಸಾಂಸ್ಕೃತಿಕ ವಿಭಾಗದ ಕಾರ್ಯಾಧ್ಯಕ್ಷೆರ್ ಶ್ರೀನಿವಾಸ ಪಿ. ಸಾಫಲ್ಯ ಸೇವಾ ನಿರತರಾತೆರ್.

ಕಾರ್ಯಕಾರಿ ಸಮಿತಿದ ಸದಸ್ಯೆರಾಯಿನ ಎನ್. ಪೃಥ್ವಿರಾಜ್ ಮುಂಡ್ಕೂರು, ಪಿ. ಧನಂಜಯ ಶೆಟ್ಟಿ ಕರ್ನೂರು ಮೋಹನ್ ರೈ, ನಾರಾಯಣ ಶೆಟ್ಟಿ ನಂದಳಿಕೆ, ನವೀನ್ ಶೆಟ್ಟಿ ಇನ್ನಬಾಳಿಕೆ, ಲ. ಕೃಷ್ಣಯ್ಯ ಹೆಗ್ಡೆ, ಬಾಲಕೃಷ್ಣ ಡಿ. ಶೆಟ್ಟಿ, ಲ. ಮುರಳೀಧರ ಹೆಗ್ಡೆ, ಕಮಲಾಕ್ಷ ಜಿ. ಸರಾಫ್, ನ್ಯಾಯವಾದಿ ಆರ್. ಎಂ. ಭಂಡಾರಿ, ನ್ಯಾಯವಾದಿ ವಸಂತಿ ಕುಂದರ್, ಸಿಎ ಸುದೇಶ್ ಶೆಟ್ಟಿ, ಸುಶೀಲಾ ಎಸ್. ದೇವಾಡಿಗ, ವಿನಯಾ ಪೂಜಾರಿ, ಲಲಿತಾ ಪ್ರಭು ಅಂಗಡಿ, ಸರೋಜಿನಿ ಸಾಲ್ಯಾನ್, ಶಿವರಾಮ ಎನ್. ಶೆಟ್ಟಿ ಸಹಕಾರ ಮಲ್ಪೆರೆ ಉಲ್ಲೆರ್.

ತುಳು-ಕನ್ನಡಿಗ, ಕಲಾಭಿಮಾನಿಲು ಪಾಲ್ ಪಡೆದ್ ಸಮಾರಂಭದ ಯಶಸ್ಸಿಗ್ ಸಹಕಾರ ಮಲ್ಪೊಡು ಪಂದ್ ಗೌರವ ಪ್ರಧಾನ ಕಾರ್ಯದರ್ಶಿ ಅಶೋಕ್ ಪಕ್ಕಳ, ಮಾಧ್ಯಮ ಸಂಯೋಜಕೆರ್ ಎನ್. ಪೃಥ್ವಿರಾಜ್ ಮುಂಡ್ಕೂರು, ಪದುಕೆರೆನ ಕಾರ್ಯಕಾರಿ ಸಮಿತಿ, ಸಲಹಾ ಸಮಿತಿ ಬೊಕ್ಕ ಸರ್ವಸದಸ್ಯೆರ್ ಪ್ರಕಟಣೆಡ್ ತೆರಿಪಾದೆರ್.

ಒಡಿಪು ಸಂತೆಕಟ್ಟೆ ಮಾರ್ಗ ರಿಪೇರಿ ಬೇಗ ಮಲ್ಪರೆ ತುಳುನಾಡ ರಕ್ಷಣಾ ವೇದಿಕೆದ ಆಗ್ರಹ

ಒಡಿಪು ತುಳುನಾಡ ರಕ್ಷಣಾ ವೇದಿಕೆದ ಒಡಿಪು ಜಿಲ್ಲಾ ಘಟಕದ ಮುತಾಲಿಕೆಡ್ ಮಾ.21 ಗುರುವಾರ ಬೊಲ್ಪುಗು ರಾಷ್ಟ್ರೀಯ ಹೆದ್ದಾರಿ ಸಂತೆಕಟ್ಟೆಡ್ ಸಾರ್ವಜನಿಕೆರ್ ಅನುಭವಿಸಾವುನ ಸಮಸ್ಯೆಲೆನ ಬಗೆಟ್ಟ್ ತುಳುನಾಡ ರಕ್ಷಣಾ ವೇದಿಕೆದಕುಲು ಒಡಿಪು ಜಿಲ್ಲಾಧಿಕಾರಿ ಬೊಕ್ಕ ರಾಷ್ಟ್ರೀಯ ಹೆದ್ದಾರಿ ಕುಡ್ಲ ವಿಭಾಗ ಯೋಜನೆ ನಿರ್ದೇಶಕೆರೆನ್ ಭೇಟಿ ಮಲ್ತ್ ದ್ ಬಿನ್ನಾಪು ಕೊರಿಯೆರ್.

ರಾಷ್ಟ್ರೀಯ ಹೆದ್ದಾರಿ 66 ಕಲ್ಯಾಣಪುರ ಸಂತೆಕಟ್ಟೆಡ್ ನಡತೊಂದು ಇಪ್ಪುನ ಅಂಡರ್ ಪಾಸಿಂಗ್ ರಸ್ತೆ ಕಾಮಗಾರಿ ಆವೊಂದು ಉಂಡು, ಸದ್ರಿ, ರಾಷ್ಟ್ರೀಯ ಹೆದ್ದಾರಿದ ಬಲತ್ತ ಬರಿತ್ತ ಮಾರ್ಗ ಸಂಪೂರ್ಣವಾದ್ ಹಾಳಾತ್ಂಡ್. ಸದರಿ ಮಾರ್ಗಡ್ ಸಂಚಾರ ಮಲ್ಪುನ ಗಾಡಿ ಸವಾರೆರೆಗ್ ಮಸ್ತ್ ತೊಂದರೆ ಆವೊಂದುಂಡು. ಈ ಪರಿಸ್ಥಿತಿ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದಕಲೆನ ನಿರ್ಲಕ್ಷರ್ದ್ ಆತ್ಂಡ್. ಸದರಿ ಮಾರ್ಗಡ್ ಇಡೇ ಮುಟ್ಟ ಸುಮಾರ್ ಆಕ್ಸಿಡೆಂಟ್ ಆದ್ ಸುಮಾರ್ ಕುಟುಂಬದ ಜೋಕುಲು ಬೊಕ್ಕ ಕೆಲಸ ಮಲ್ತೊಂದು ಇಪ್ಪುನ ವ್ಯಕ್ತಿಲು ದ್ವಿಚಕ್ರ ಗಾಡಿಡ್ ಪ್ರಯಾಣ ಮಲ್ಪುನಗ ತನ್ನ ಪ್ರಾಣನ್ ಕಳೆವೊಂದು ಏತೊ ಕುಟುಂಬಲು ಬೀದಿಗ್ ಬೈದ್ಂಡ್. ನೆಕ್ಕ್ ರಾಷ್ಟೀಯ ಹೆದ್ದಾರಿ ಪ್ರಾಧಿಕಾರ ಬೊಕ್ಕ ನಮ್ಮ ಜಿಲ್ಲಾಡಳಿತದ ಕಾರ್ಯವೈಖರಿಯೇ ಕಾರಣ ಆತ್ಂಡ್.
ಸದ್ರಿ ರಾಷ್ಟ್ರೀಯ ಹೆದ್ದಾರಿಡ್ ನಮ್ಮ ಜನಪ್ರತಿನಿಧಿಲು ಜಿಲ್ಲಾಧಿಕಾರಿ ಬೊಕ್ಕ ಸುಮಾರ್ ಅಧಿಕಾರಿಲು ಸದ್ರಿ ಮಾರ್ಗಡ್ ಸುಮಾರ್ ಸರ್ತಿ ಪ್ರಯಾಣ ಮಲ್ತ್ಂಡಲ ಒವ್ವೇ ಪರಿಣಾಮಕಾರಿ ಕ್ರಮ ದೆತೊನಂದಿನವು ವಿಷಾದನೀಯ. ಮಾರ್ಗಡ್ ಬೂರ್ದಿನ ಗುಂಡಿಲೆಗ್ ಸರಿಯಾಯಿನ ಕಾಮಗಾರಿ ಮಲ್ಪಂದೆ ಜಲ್ಲಿ ಪೊಡಿ ಪಾಡ್ದ್ ತಾತ್ಕಾಲಿಕವಾದ್ ಮುಚ್ಚಿರ್ನೆದಾವೆರ ಸವಾರೆರೆಗ್ ತೊಂದರೆ ಆಯೆರೆ ಮುಖ್ಯ ಕಾರಣ ಆತ್ಂಡ್. ಬೊಕ್ಕ ಅಲ್ಪದ ಮಾರ್ಗ, ಅಂಚಿ-ಇಂಚಿ ಧೂಳು ಉಂಡು.
ಗಾಡಿ ಸಂಚಾರಿಲೆಗ್ ಬೊಕ್ಕ ಪಾದಚಾರಿಲೆಗ್ ಮಸ್ತ್ ನರಕಯಾತನೇ ಆತ್ಂಡ್. ಆಂಚಾದ್ ಸಂಬಂಧ ಪಟ್ಟಿನ ಇಲಾಖೆದೊಟ್ಟಿಗೆ ಕೂಡ್ಲೆ ಕ್ರಮ ದೆತೊನೊಡು ಬೊಕ್ಕ ಕೆ. ಜಿ. ರೋಡ್ ಮಾರ್ಗನ್ ಸರಿ ಮಲ್ಪೊಡು ಪಂದ್ ತುಳುನಾಡ ರಕ್ಷಣಾ ವೇದಿಕೆ ಬಲವಾದ್ ಒತ್ತಾಯ ಮಲ್ದ್ಂಡ್. ಈ ಬಗೆಟ್ಟ್ ವಿಳಂಬ ಧೋರಣೆನ್ ಅನುಸರಿಸಾಯಿಜಿಂಡ ದುಂಬುದ ದಿನಟ್ಟ್ ತುಳುನಾಡ ರಕ್ಷಣಾ ವೇದಿಕೆ ಕೇಂದ್ರೀಯ ಅಧ್ಯಕ್ಷೆರ್ ಯೋಗಿಶ್ ಶೆಟ್ಟಿ ಜಪ್ಪು ಮೆರೆನ ಮುತಾಲಿಕೆಡ್ ಉಗ್ರ ರೀತಿದ ಪೊರ್ಂಬಾಟ ಮಲ್ಪುನೇ ಅನಿವಾರ್ಯ ಆಪುಂಡು ಪಂದ್ ತುಳುನಾಡ ರಕ್ಷಣಾ ವೇದಿಕೆ ನಿಯೋಗ ಆಕ್ರೋಶ ತೆರಿಪಾದ್ಂಡ್. ನಿಯೋಗಗ್ ಎ.15 ತ್ತೊಲಯಿ ಸಂತೆಕಟ್ಟೆರ್ದ್ ಒಡಿಪು ಪೋಪುನ ಅಂಡರ್ ಪಾಸಿಂಗ್ ಮಾರ್ಗ ಸಾರ್ವಜನಿಕೆರೆಗ್ ಉಪಯೋಗಗ್ ಬುಡ್ದು ಕೊರ್ಪ ಪಂದ್ ಭರವಸೆ ಕೊರ್ತುಂಡು.

ನಿಯೋಗಡ್ ಒಡಿಪು ಜಿಲ್ಲಾ
ವೀಕ್ಷಕೆರ್ ಫ್ರ್ಯಾಂಕಿ ಡಿ’ಸೋಜ ಕೊಳಲಗಿರಿ, ಜಿಲ್ಲಾ ಅಧ್ಯಕ್ಷೆರ್ ಕೃಷ್ಣ ಕುಮಾರ್, ಪ್ರಧಾನ ಕಾರ್ಯದರ್ಶಿ ಅಜರುದ್ದೀನ್ ಸುಬ್ರಮಣ್ಯ ನಗರ, ಉಪಾಧ್ಯಕ್ಷೆರ್ ಜಯರಾಮ್ ಪೂಜಾರಿ, ಮಹಿಳಾ ಜಿಲ್ಲಾಧ್ಯಕ್ಷೆರ್ ಶೋಭಾ ಪಂಗಳಾ, ಬ್ರಹ್ಮಾವರ ತಾಲೂಕ್ ಅಧ್ಯಕ್ಷೆರ್ ಸತೀಶ್ ಪೂಜಾರಿ ಕಿಳಂಜೆ, ಕಾಪು ತಾಲೂಕ್ ಅಧ್ಯಕ್ಷೆರ್ ಹರೀಶ್ ಶೆಟ್ಟಿ, ಮಹಿಳಾ ಪ್ರಧಾನ ಕಾರ್ಯದರ್ಶಿ ನಾಗಲಕ್ಷ್ಮಿ, ಕಾಪು ಮಹಿಳಾ ಅನುಸೂಯ ಶೆಟ್ಟಿ, ರೋಷನ್ ಬಲ್ಲಾಳ್, ಮಹಿಳಾ ಕೋಶಾಧಿಕಾರಿ ಸುನಂದ ಕೋಟ್ಯಾನ್, ಮುಖಂಡೆರ್ ಪ್ರೀತಮ್, ಕುಶಾಲ್ ಅಮೀನ್ ಬೆಂಗ್ರೆ, ರೋಷನ್ ಬಂಗೇರ, ರೋಹಿಣಿ ಶೆಟ್ಟಿ, ಶಂಕರ್ ಒಡಿಪು, ಮಜೀದ್ ದೊಡ್ಡಣ್ಣ ಗುಡ್ಡೆ, ಸಾಧನ, ರವಿಜಾ, ಸುಲತ ವರಾಂಗ, ಸಂಗೀತ ಶೆಟ್ಟಿ ಪಡ್ಡಮ್, ಮಮತಾ ಎಂ ಪಾಲ್ ಪಡೆದಿತ್ತೆರ್.

ಸುಬ್ರಹ್ಮಣ್ಯ ರೋಟರಿ ಕ್ಲಬ್ ಗ್ ಜಿಲ್ಲಾ ಗವರ್ನರ್ ಭೇಟಿ

ಸುಬ್ರಹ್ಮಣ್ಯ ರೋಟರಿ ಕ್ಲಬ್ ಗ್ ರೋಟರಿ ಜಿಲ್ಲೆ 31 81 ತ್ತ ಜಿಲ್ಲಾ ಗವರ್ನರ್ ಎಚ್.ಆರ್. ಕೇಶವ ಮೇರ್ ಸನಿಯಾರ ಭೇಟಿ ಕೊರ್ದು ಬೇತೆ ಬೇತೆ ಕೊಡುಗೆನ್ ಬೊಕ್ಕ ಸಹಾಯಧನ ಕೊರಿಯೆರ್.

ಸನಿಯಾರ ಬೊಲ್ಪುಗು ಪಂಜ ಸಿ.ಎ. ಬ್ಯಾಂಕ್ ದಲ್ಪ ಜಿಲ್ಲಾ ಗವರ್ನರ್ ನ್ ಸುಬ್ರಹ್ಮಣ್ಯ ರೋಟರಿ ಕ್ಲಬ್ ದಕುಲು ಎದ್ಕೊಂಡೆರ್. ಅಲ್ಪರ್ದ್ ಬಳ್ಳಕ್ಕ ಅಂಗನವಾಡಿ ಕೇಂದ್ರಗ್ ಭೇಟಿ ಕೊರ್ದು ಅಲ್ಪ ರೊ. ಮೈಲಪ್ಪ ಸಂಕೇಶ್ ಮೇರ್ ಕೊರ್ಪುನ 9 ಅಂಗನವಾಡಿ ಕೇಂದ್ರಲೆಗ್ ಅಡಿಗೆ ಸ್ಟೌ ನ್ ಧರ್ಮೊಗು ಕೊರಿಯೆರ್.

ಬೊಕ್ಕ ಬಳ್ಪ ಎಡೋಣ ಶಿಶುಮಂದಿರಗ್ ಭೇಟಿ ಕೊರ್ದು ಅಲ್ಪ ಎಲ್ಯ ಜೋಕ್ಲೆಗ್ ಚೇರ್ ಬೊಕ್ಕ ಅಡಿಗೆ ಪರಿಕರನ್ ಕೊರಿಯೆರ್. ಅಲ್ಪರ್ದ್ ಏನೇಕಲ್ಲು ಶಾರದಾ ಗುಡ್ಡೆ ಅಂಗನವಾಡಿ ಕೇಂದ್ರಗ್ ಭೇಟಿ ಕೊರ್ದು ಅಲ್ಪ ಮಲ್ಪುನ ವರ್ಲಿ ಚಿತ್ರ ಅನಾವರಣ ಮಲ್ತೆರ್. ಅವೆರ್ದ್ ಬೊಕ್ಕ ಏನೇ ಕಲ್ಲು ಬಾನಡ್ಕಡ್ ಡಾ.ರವಿ ಕಕ್ಕೆಪದವು ಮೇರ್ ದಾನ ರೂಪಡ್ ಕೊರ್ಪಿನ, ತನ್ನ ಸ್ವಂತ ಜಾಗೆಡ್ ಫಲಾನುಭವಿಗ್ ಕಟ್ಟ್ ದ್ ಕೊರ್ನ ಇಲ್ಲ್ ನ್ ಹಸ್ತಾಂತರ ಮಲ್ತೆರ್. ಅಲ್ಪರ್ದ್ ಏನೇಕಲ್ಲು ಬಸ್ ನಿಲ್ದಾಣದ ಕೈತಲ್ದ ರೋಟರಿ ಕ್ಲಬ್ ಅಧ್ಯಕ್ಷೆರ್ ರೊ. ಪ್ರಶಾಂತ ಕೋಡಿಬೈಲ್ ತನ್ನ ಸ್ವಂತ ಕರ್ಚಿಡ್ ದಾನವಾದ್ ಕೊರ್ಪಿನ ಆಟೋರಿಕ್ಷಾ ನಿಲ್ದಾಣನ್ ಲೋಕಾರ್ಪಣೆ ಮಲ್ತೆರ್.

ಬಯ್ಯಗ್ ಏನೆಕಲ್ಲು ಡಿ.ಇ. ರಾಯಲ್ ಹೋಟೆಲ್ ಡ್ ನಡತಿನ ಸಾರ್ವಜನಿಕ ಸಮಾರಂಭಡ್ ಸಾಧನೆ ಮಲ್ತಿನ ಸಾಧಕೆರೆಗ್ ಸನ್ಮಾನ ನಡತ್ಂಡ್. ಅಂಚೆನೆ ಬೇತೆ ಬೇತೆ ಕಡೆಟ್ಟ್ ಕೊಡುಗೆಯಾದ್ ಕೊರ್ನ ರೋಟರಿ ಕ್ಲಬ್ ದ ದಾನಿಲೆಗ್ ಮಾನಾದಿಗೆ ನಡತ್ಂಡ್.

ಈ ಮಾತ ಪೊರ್ತುಡು ರೋಟರಿ ಅಸಿಸ್ಟೆಂಟ್ ಗವರ್ನರ್ ಪುರಂದರ ರೈ, ಸುಬ್ರಹ್ಮಣ್ಯ ರೋಟರಿ ಕ್ಲಬ್ ದ ಅಧ್ಯಕ್ಷೆರ್, ಪದುಕೆರ್, ಇನ್ನರ್ ವೇಲ್ ಕ್ಲಬ್ ದ ಅಧ್ಯಕ್ಷೆರ್, ಸದಸ್ಯೆರ್ ಬೊಕ್ಕ ರೋಟರಿ ಕ್ಲಬ್ ದ ಮಾತ ಸದಸ್ಯೆರ್ ಪಾಲ್ ಪಡೆದಿತ್ತೆರ್.