ಜೆಡಿಎಸ್ ಗುಬ್ಬಿ ಶಾಸಕೆರ್ ಎಸ್.ಆರ್. ಶ್ರೀನಿವಾಸ್ ಬೊಕ್ಕ ಮೂಲ ಜೆಡಿಎಸ್ ಕಾರ್ಯಕರ್ತೆರೆನ ನಡುಟ್ ಸಾಮಾಜಿಕ ಜಾಲತಾಣಡ್ ಗಲಾಟೆ ನಡತ್ ದ್ಂಡ್.
ಈ ಬಗೆಟ್ 10 ಜನತ ಮಿತ್ತ್ ಗುಬ್ಬಿ ಪೊಲೀಸ್ ಠಾಣೆಡ್ ಎಫ್ ಐಆರ್ ದಾಖಲ್ ಆತ್ಂಡ್. ಮೊಕುಲು ಸೋಶಿಯಲ್ ಮೀಡಿಯಾಡ್ ಪರಸ್ಪರ ನಿಂದನೆ ಮಲ್ತೊಂದೆರ್ ಪಂದ್ ತೆರಿದ್ ಬೈದ್ಂಡ್.
ಹುಬ್ಬಳ್ಳಿದ ಯುವಜನ ಉಚ್ಚಯಗ್ ಇನಿ ಬರಿಯರೆ ಇಪ್ಪುನ ಪ್ರಧಾನಿ ಮೋದಿ ಮೆರೆಗ್ ಜಿಲ್ಲಾಡಳಿತರ್ದ್ ವಿಶೇಷವಾಯಿನ ಉಡುಗಿರೆ ಕೊರಿಯರೆ ಉಂಡು.
ಹಾವೇರಿದ “ಏಲಕ್ಕಿ ಮಾಲೆ” ಬೊಕ್ಕ “ಏಲಕ್ಕಿ ಪೇಟ”, ಕೈ ಮಗ್ಗದ ಶಾಲ್ ಪಾಡ್ದ್, ಬೀದರ್ದ ಬಿದರಿ ಕಲೆತ್ತ ಸ್ವಾಮಿ ವಿವೇಕಾನಂದ ಮೆರೆನ ಮೂರ್ತಿ ಅಂಚನೆ ಧಾರವಾಡ ಜಿಲ್ಲೆದ ಗರಗ ಬೊಕ್ಕ ಬೆಂಗೇರಿಡ್ ತಯಾರ್ ಆಯಿನ ರಾಷ್ಟ್ರಧ್ವಜನ್ ಪ್ರಧಾನಿಗ್ ಕೊರ್ದು ಮಾನಾದಿಗೆ ಮಲ್ಪರೆ ಉಲ್ಲೆರ್.
ಆರ್ ಆರ್ ಆರ್ ಪಿಕ್ಚರ್ ದ ನಾಟು ನಾಟು ಪಂದ್ಯಗ್ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ ಬೈದಿನವು ಕುಸಿತ ಇಚಾರ ಪಂದ್ ನಿರ್ಮಾಪಕೆರ್ ಡಿವಿವಿ ದಾನಯ್ಯ ಪಂಡೆರ್.
ಈ ಪಂದ್ಯಡ್ ರಡ್ಡ್ ಹೀರೋನಕುಲು 30 ದಿನ ಪ್ರಾಕ್ಟೀಸ್ ಮಲ್ದೆರ್. ಆಯಿಟ್ 20 ದಿನ ಉಕ್ರೇನ್ ಡ್ ಮಲ್ದೆರ್. ಅತ್ತಂದೆ ಈ ಪಂದ್ಯಗ್ 20 ಕೋಟಿ ರೂ. ಖರ್ಚಾತ್ಂಡ್. ಹೀರೋನಕ್ಲೆನೊಟ್ಟಿಗೆ 2 ಸಾರ ಜನ ಬೇಲೆ ಮಲ್ದೆರ್ ಪಂದ್ ಪಂಡೆರ್.
Natu Natu ….wins Golden Globe Award
Natu Natu song from the movie RRR has won the Golden Globe Awards.The producer DVV Daniah has conveyed his pleasure at the honours.
The two heros had practiced for a month for the song and 20 crores was spent on the picturization of the song and two thousand supporting cast were also involved in the picturising this song.
ರಾಜ್ಯ ಸರ್ಕಾರ ಸುರೂತ್ತ ಬೊಕ್ಕ ರಡ್ಡನೇ ವರ್ಷದ ಪಿಯುಸಿ ಪ್ರಶ್ನೆಪತ್ರಿಕೆದ ಮಾದರಿಡ್ ಮಹತ್ವವಾಯಿನ ಬದಲಾವಣೆ ಮಲ್ತ್ದ್ಂಡ್.
ಮಾತ ವಿಷಯಡ್ ಲ ಒಂಜಿ ಮಾರ್ಕ್ ದ ಪ್ರಶ್ನೆಗ್ ಎಚ್ಚದ ಆದ್ಯತೆ ಕೊರ್ತೆರ್. ಈ ಮಾದರಿದ ಪ್ರಶ್ನೆಪತ್ರಿಕೆನ್ ಪರೀಕ್ಷಾ ಮಂಡಳಿದ ವೆಬ್ಸೈಟ್ಡ್ ಪ್ರಕಟಣೆ ಮಲ್ತ್ದೆರ್. ಎಡ್ಡೆ ರೀತಿದ ರಿಸಲ್ಟ್ ಬರಡ್ ಪಂದ್ ಇಂಚಿನ ನಿರ್ಧಾರನ್ ಮಂಡಳಿ ಮಲ್ತ್ದ್ಂಡ್.
15 ನೇ ಹಾಕಿ ವಿಶ್ವಕಪ್ ಎಲ್ಲೆರ್ದ್ ಭುವನೇಶ್ವರ-ರೂರ್ಕೆಲಾಡ್ ಸುರು ಆವರೆ ಉಂಡು.
16 ಕೂಟದಕುಲು ಪಾಲ್ ಪಡೆಯೆರೆ ಉಲ್ಲೆರ್. ಭಾರತ ಡಿ ಗುಂಪುಡ್ ತಾನ ಪಡೆತ್ಂಡ್. ಲೀಗ್ ಪಂತೊಲೆಡ್ ಹರ್ಮನ್ ಪ್ರೀತ್ ಬಳಗ ಇಂಗ್ಲೆಂಡ್, ಸ್ಪೇನ್, ವೇಲ್ಸ್ ತಂಡದೊಟ್ಟಿಗೆ ಗೊಬ್ಬರೆ ಉಂಡು. ಟೋಕಿಯೋ ಒಲಿಂಪಿಕ್ಸ್ ಡ್ ಕಂಚಿದ ಪದಕ ಗೆಂದಿನ ಭಾರತ ವಿಶ್ವಕಪ್ ಗೆಂದುನ ವಿಶ್ವಾಸಡ್ ಉಂಡು. 2018 ಟ್ ಭಾರತ ಕ್ವಾರ್ಟರ್ ಫೈನಲ್ ಗ್ ಎಂಟ್ರಿ ಕೊರ್ದು ಇತ್ಂಡ್. 1975ತ ವಿಶ್ವಕಪ್ ಡ್ ಚಾಂಪಿಯನ್ ಆತ್ಂಡ್.
ಏಲಕ್ಕಿಡ್ ಕ್ರಿಮಿನಾಶಕ ಇಪ್ಪುನವು ಪತ್ತೆ ಆಯಿನೆಡ್ದಾವರ 6.5 ಕೋಟಿ ರೂ. ಬಿಲೆತ್ತ ಅಯ್ಯಪ್ಪ ಸ್ವಾಮಿನ ಪ್ರಸಾದ ಆಯಿನ “ಅರವಣಂ” ಪಾಯಸ ನಷ್ಟ ಆತ್ಂಡ್.
ಅರವಣಂ ಪಟ್ಟುನೆಕ್ಕ್ ಕೋಡೆ ಬಯ್ಯಗ್ ಕೇರಳ ಹೈಕೋರ್ಟ್ ತಡೆ ಪಾಡ್ದ್ಂಡ್. ಏಲಕ್ಕಿ ಪಾಡಂದೆ ಅರವಣಂ ತಯಾರ್ ಮಲ್ಪುನ ಬೇಲೆ ಕೋಡೆ ರಾತ್ರೆರ್ದ್ ಸುರು ಆತ್ಂಡ್.
ಅಶೋಕನಗರದ ಶ್ರೀನಿಕೇತನಡ್ ಅಯ್ಯಪ್ಪ ಸ್ವಾಮಿ ರಜತ ಮಹೋಚ್ಚಯ ಲೇಸ್ ಜ.7 ಕ್ಕ್ ಶನಿವಾರ ನಡತ್ಂಡ್.
ಮಲ್ಲ ಬಿನ್ನೆರಾದ್ ಪಾಲ್ ಪಡೆಯಿನ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ದ ಸ್ಥಾಪಕಾಧ್ಯಕ್ಷೆರ್, ಭಾಗವತೆರ್ ಪಟ್ಲ ಸತೀಶ್ ಶೆಟ್ಟಿ ಪಾತೆರ್ದ್, ಪರಿಸರದ ಅಶಕ್ತರೆಗ್ ಸಕಾಯ ಮಲ್ಪುನ ರವಿ ಶೆಟ್ಟಿ ಅಶೋಕನಗರ ಮುತಾಲಿಕೆದ ಸೇವಾ ಕಾರ್ಯ ಮಾತೆರೆಗ್ಲಾ ಮಾದರಿ ಪಂದ್ ಪಂಡೆರ್.
ಈ ಪೊರ್ತುಡು ಬೊಂಬಾಯಿದ ಗುರುಸ್ವಾಮಿ ಜಯಶೀಲ ತಿಂಗಳಾಯ ಮೆರೆಗ್ ಮಾನಾದಿಗೆ ಮಲ್ತೆರ್. ಮನಪಾ ಸದಸ್ಯೆರ್ ಜಯಲಕ್ಷ್ಮೀ ಶೆಟ್ಟಿ, ಗಣೇಶ್ ಕುಲಾಲ್, ರಾಧಾಕೃಷ್ಣ ಅಶೋಕನಗರ, ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂಡಳಿದ ಮುಖ್ಯಸ್ಥೆರ್ ನರಸಿಂಹ ಭಾಗವತ್, ವಾಮನ ಶೆಟ್ಟಿ, ವಿಶ್ವಹಿಂದೂ ಪರಿಷತ್ದ ದಾಮೋದರ ಚೆಟ್ಟಿಯಾರ್ ಮೊಕಲೆನ್ ಲೇಸ್ಡ್ ಮಾನಾದಿಗೆ ಮಲ್ತೆರ್.
ಕರಿನ 25 ವರ್ಷಡ್ ಸಕಾಯ ಮಲ್ತಿನಕ್ಲೆನ್ ಅಂಚೆನೆ ಕೈತಲ್ದ ಪ್ರತಿಭಾನ್ವಿತ ಜೋಕುಲೆಗ್ ಪ್ರತಿಭಾ ಪುರಸ್ಕಾರ ಮಲ್ತೆರ್. ಪರಿಸರದ 10 ಜನ ಆರ್ಥಿಕವಾದ್ ಪಿರ ಇತ್ತಿನಕ್ಲೆಗ್ ಸುಮಾರ್ 1 ಲಕ್ಷ ರೂ. ಪನವುದ ಸಕಾಯ ಪಟ್ಟಿಯೆರ್.
ಬೊಂಬಾಯಿದ ಥಾಣೆ ಕರ್ನಾಟಕ ಸಂಘದ ಅಧ್ಯಕ್ಷೆರ್ ಜಯಂತ ಶೆಟ್ಟಿ, ದೊಂಬಿವಿಲಿ ಯುವ ಬಂಟರ ಸಂಘದ ಅಧ್ಯಕ್ಷೆರ್ ಸಚಿನ್ ಶೆಟ್ಟಿ, ದಯಾನಂದ ಶೆಟ್ಟಿ, ಮೋಹನದಾಸ್ ಶೆಟ್ಟಿ, ಜಯಂತ್ ಶೆಟ್ಟಿ, ಉಮೇಶ್ ಅತಿಕಾರಿ ಅಂಚನೆ ಸುರೇಶ್ ಶೆಟ್ಟಿ ಅಡ್ಕ ಲೇಸ್ಡ್ ಇತ್ತೆರ್.
ರವಿ ಶೆಟ್ಟಿ ಅಶೋಕನಗರ ಎದ್ಕೊನಿಯೆರ್. ದೇವಿಪ್ರಸಾದ್ ಶೆಟ್ಟಿ ಸೊಲ್ಮೆ ಸಂದೈತ ಮಲ್ತೆರ್. ಸತೀಶ್ ಶೆಟ್ಟಿ ಕೊಡಿಯಾಲಬೈಲ್ ಲೇಸ್ ಸುಧಾರಿಕೆ ಮಲ್ತೆರ್.
ದಯಾ ಕ್ರಿಯೇಷನ್ ಬಾಯಾರು ನೆತ್ತ 2ನೇ ವರ್ಷ ದ ಗೌಜಿಡ್ “ದಯಾ ಮೆಲೋಡೀಸ್ ಮ್ಯೂಸಿಕಲ್ 2023” ಲೇಸ್ ಕುಕ್ಕಾಜೆ ಶ್ರೀ ಕಾಳಿಕಾಂಬ ಆಂಜನೇಯ ದೇವಲ್ಯಡ್ ನಡತ್ಂಡ್.
ಬೊಲ್ಪುಗು ಸತ್ಯನಾರಾಯಣ ಪೂಜೆ, ಶ್ರೀದೇವಿಗ್ ಪೂಜೆ ಆದ್ ಮಧ್ಯಾಹ್ನ ಅನ್ನಸಂತರ್ಪಣೆ ನಡತ್ಂಡ್. ವನಿತಾ ತಾರಿದಾಳ ಅಧ್ಯಕ್ಷೆರ್ ಗ್ರಾಮ ಪಂಚಾಯತ್ ಮಾಣಿಲ ಮೆರೆನ ಗುರ್ಕಾರ್ಮೆಡ್ ನಡತಿನ ಸಭಾ ಲೇಸ್ ಡ್ ಕುಕ್ಕಾಜೆ ಕಾಳಿಕಾಂಬ ಆಂಜನೇಯ ದೇವಲ್ಯದ ಧರ್ಮದರ್ಶಿ ಶ್ರೀಕೃಷ್ಣ ಗುರೂಜಿ ತುಡರ್ ಅರ್ಲಾದ್ ಆಶೀರ್ವಚನ ಕೊರಿಯೆರ್.
ಮಲ್ಲ ಬಿನ್ನೆರಾದ್ ಕನ್ನಡ ತುಳು ಕಬಿ, ಸಾಹಿತಿ ವಾಗ್ಮಿ ವಿಮರ್ಶಕೆರ್ ಕೆ.ಮಹೇಂದ್ರ ನಾಥ್ ಸಾಲೆತ್ತೂರು, ಲೆಪ್ಪೋಲೆ ಪರಿವಾರದ ವಿಜಯ ಕುಮಾರ್ ಜೈನ್ ಅಳದಂಗಡಿ, ನಮ್ಮಕುಡ್ಲದ ಡಾ.ಪ್ರಿಯಾ ಹರೀಶ್, ಕಾಂತಾರ ಪುಗರ್ತೆದ ಪುಷ್ಪರಾಜ್ ಬೊಳ್ಳಾರ್, ಶ್ರೀಧರ್ ಬಾಳೆಕಲ್ಲ್, ಜೀರ್ಣೋದ್ಧಾರ ಸಮಿತಿದ ಕಾರ್ಯದರ್ಶಿ ರೀತೇಶ್ ಅಂಚನ್, ಕೃಷ್ಣಪ್ಪ ಪೂಜಾರಿ ತಾರಿದಾಳ ಇತ್ತೆರ್.
ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್ ಕೆ ವಿಲ್ಪೆಡ್ ಡಿ ಸೋಜ ಬೊಕ್ಕ ದಯಾ ಕ್ರಿಯೇಷನ್ ಕೂಟದ ಕಲಾವಿದೆರೆಗ್ ಮಾನಾದಿಗೆ ಮಲ್ತೆರ್.ರವಿ ಎಂ ಎಸ್ ಕುಕ್ಕಾಜೆ ಎದ್ಕೊನಿಯೆರ್. ರೇಣುಕಾ ಕಾಣಿಯೂರು ಲೇಸ್ ದ ಸುಧಾರಿಕೆ ಮಲ್ತೆರ್. ಬೊಕ್ಕ ದಯಾ ಮೆಲೋಡಿಸ್ ಮ್ಯೂಸಿಕಲ್ ಕೂಟರ್ದ್ ಸಾಂಸ್ಕೃತಿಕ ವೈಭವ ನಡತ್ಂಡ್. ನೆಟ್ಟ್ ದಯಾನಂದ ಅಮೀನ್ ಬಾಯಾರು, ದಯಾ ಕ್ರಿಯೇಷನ್ ಕೂಟದ ಪದಾಧಿಕಾರಿಲು ಸೇರ್ದ್ ನೂದೆರ್ದ್ ಎಚ್ಚ ಕಲಾಭಿಮಾನಿಲು ಇತ್ತೆರ್.
ಕುಡ್ಲ: ರಿಲಯನ್ಸ್ ಜಿಯೋ ಜ.10 ಕ್ಕ್ ಕುಡ್ಲ ಬೊಕ್ಕ ಬೇತೆ ಏಳ್ ಪೇಂಟೆಲೆಡ್ ಟ್ರೂ 5ಜಿ ಸೇವೆನ್ ಬುಡುಗಡೆ ಮಲ್ತ್ಂಡ್. ಆಂಡ ಈ 5ಜಿ ಸೇವೆ 3ಜಿ ಮೊಬೈಲ್ ಬೊಕ್ಕ 4ಜಿ ಮೊಬೈಲ್ಗ್ ಸೂಟ್ ಆಪುಂಡ ಇಜ್ಜ ಪಂದ್ ನನಲ ತೆರಿಪಾದಿಜೆರ್.
ಕುಡ್ಲಡ್ 5ಜಿ ಸೇವೆನ್ ಸುರು ಮಲ್ತಿನ ಸುರುತ್ತ ಆಪರೇಟರ್ ರಿಲಯನ್ಸ್ ಜಿಯೋ ಆತ್ಂಡ್. ಜಿಯೋ 5ಜಿ ಸೇವೆ ಸುರು ಮಲ್ತಿನ ಎಡ್ಡೆ ವಿಷಯ. ಆಂಡ ಕುಡ್ಲ ಪೇಂಟೆಡ್ ಮಾತ್ರ ಉಂದು ಬೇಲೆ ಮಲ್ಪುಂಡ ಅತ್ತ್ ಕೆಲ ಹಳ್ಳಿ ಪ್ರದೇಶಡ್ಲ ಬೇಲೆ ಮಲ್ಪುಂಡ ಇಜ್ಜಾ ಪಂದ್ ನನಲ ತೆರಿಪಾದಿಜೆರ್. 5ಜಿ ಸೇವೆ ರಿಲೀಸ್ ಮಲ್ತಿನವು ಅಂದ್ ಆಂಡ ಈ ಸೇವೆನ್ ಏತ್ ಜನ ಉಪಯೋಗ ಮಲ್ಪುವೆರ್ ಪನ್ಪಿನವು ಪ್ರಶ್ನೆಯಾದ್ ಒರಿದ್ಂಡ್.
ಒವ್ವೇ ರೀತಿದ ಹೆಚ್ಚುವರಿ ಕರ್ಚಿ ಇಜ್ಜಂದೆ 1 ಜಿಬಿಪಿಎಸ್+ ಬಿರ್ಸ್ಡ್ ಡೇಟಾನ್ ಇನಿರ್ದ್ ಕುಡ್ಲಡ್ ಪಡೆಯೊಲಿ. ಈ ಪೊರ್ತುಡು ಪಾತೆರಿನ ಜಿಯೋ ವಕ್ತಾರೆರ್, “ಕುಡ್ಲ ಪೇಂಟೆಡ್ 5ಜಿ ನ್ ಪಿದಯಿ ಕನಯರೆ ನಮಕ್ಕ್ ಮಸ್ತ್ ಪೆರ್ಮೆ ಆಪುಂಡು. ಅಂಚನೆ ನಮ ಟ್ರೂ 5ಜಿ ಸೇವೆನ್ ಸುರು ಮಲ್ತಿಬೊಕ್ಕ ಮಾಮಲ್ಲ ಕಜ್ಜ ಉಂದುಲ ಒಂಜಿ ಆತ್ಂಡ್.
ಜನವರಿ 10 ರ್ದ್ ಕರ್ನಾಟಕ (ಹುಬ್ಬಳ್ಳಿ-ಧಾರವಾಡ, ಬೆಳಗಾವಿ), ಕೇರಳ (ಚೇರ್ತಲ), ತೆಲಂಗಾಣ (ವಾರಂಗಲ್, ಕರೀಂನಗರ), ಅಸ್ಸಾಂ (ಗುವಾಹತಿ) ಬೊಕ್ಕ ಮಹಾರಾಷ್ಟ್ರ (ಸೋಲಾಪುರ) 5 ರಾಜ್ಯಲೆಡ್ ಬೊಕ್ಕ ಕುಡ್ಲಡ್ 5ಜಿ ಸೇವೆನ್ ಸುರು ಆತ್ಂಡ್.
Reliance Jio 5G services started in Mangalore
Mangalore: Reliance Jio will launch 5G services in Mangalore and few other cities from January 10. But it is still not clear if 5G services is compatible with 3G and 4G mobile phones .
Another question in the minds of people is if the service available only in the city limits or it is accessible to the smaller towns and villages around. Moreover it is to be seen as to how well the services will be accepted by the population.
5G services are available from January 10th in Karnataka (Hubli,Dharwad, Belgaum), Kerala (Chertala), Telangana (Warangal, Karimnagar), Assam (Gawhathi), Maharashtra ( Solapur ) and Mangalore.
ದೇರಳಕಟ್ಟೆ ಶ್ರೀ ವೈದ್ಯನಾಥ ಸೇವಾ ಸಮಿತಿದ ಲೆಕ್ಕೊಡು ಶ್ರೀ ವೈದ್ಯನಾಥೇಶ್ವರ ಭಜನಾ ಮಂದಿರದ 15 ನೇ ವರ್ಷದ ಉಚ್ಚಯ ಜ.14 ರ್ದ್ 16 ಮುಟ್ಟ ನಡಪರೆ ಉಂಡು.
ಜ.14 ಸನಿಯಾರ ಭಜನೆ ಸಂಕೀರ್ತನೆ, ಶ್ರೀ ಶನಿಮಹಾತ್ಮೆ ಪೂಜೆ ಯಕ್ಷಗಾನ ತಾಳಮದ್ದಳೆ, ಸಭಾ ಲೇಸ್ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಜ.15 ಐತಾರ ಏಕಾಹ ಭಜನೆ ಸುರು ಆಪುಂಡು. ಜ. 16 ಸೋಮಾರ ಭಜನೆ ಸಂಕೀರ್ತನೆ, ಅನ್ನಸಂತರ್ಪಣೆ, ಸಾಮೂಹಿಕ ಶಿವ ಕಲ್ಪೋಕ್ತ ಪೂಜೆ, ದುರ್ಗಾನಮಸ್ಕಾರ ಪೂಜೆ ಬೊಕ್ಕ ವೈವಿಧ್ಯಮಯ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಈ ಮಾತ ಲೇಸ್ ಡ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಅಧ್ಯಕ್ಷೆರ್ ಪುರುಷೋತ್ತಮ ಅಂಚನ್, ವೈದ್ಯನಾಥ ನಗರ, ಉಪಾಧ್ಯಕ್ಷೆರ್ ಬಾಲಕೃಷ್ಣ ಶೆಟ್ಟಿ, ಗೌರವಾಧ್ಯಕ್ಷೆರ್ ಮೋನಪ್ಪ ಗೌಡ, ಕೋಶಾಧಿಕಾರಿ ಸುರೇಶ್ ಆಚಾರ್ಯ, ಕಾರ್ಯದರ್ಶಿ ಪುಷ್ಪಲತಾ ಬಾಲಕೃಷ್ಣ ಶೆಟ್ಟಿ, ಉಪ ಕಾರ್ಯದರ್ಶಿ ಶ್ವೇತ ವಿ, ಅರ್ಚಕೆರ್ ವೆಂಕಟರಮಣ ಭಟ್, ಭಜನಾ ಮಂಡಳಿದ ಪ್ರಧಾನ ಸಂಚಾಲಕೆರ್ ಶೇಖರ್ ಸಾಲ್ಯಾನ್, ಸಹ ಸಂಚಾಲಕೆರ್ ಶ್ರವಣ್ ಕುಮಾರ್, ಕೃಷ್ಣ ನಾಯ್ಕ್, ಶಾಲಿನಿ ನಾಗರಾಜ್ ಲೆಪ್ಪೋಲೆಡ್ ತೆರಿಪಾದೆರ್.
