ಮುಲ್ಕಿದ ವಿಜಯ ಕಾಲೇಜ್ ಡ್ ಪಿಯುಸಿ ಕಲ್ತೊಂದು ಇತ್ತಿನ ಕಲ್ಪಾರ್ಥಿ ಒರಿ ತನ್ನ ಕೈತಲ್ ದ ದೊಡ್ಡಪ್ಪ ಇಲ್ಲದ ಕೋಣೆಡ್ ಬಲ್ಲ್ ಪಾಡೊಂದು ತೀರ್ ಪೋಯಿನ ಘಟನೆ ಅಂಗಾರೆ ನಡತ್ಂಡ್.
ಈ ಘಟನೆಡ್ ಕಕ್ವಪಲ್ಕೆ ನಿವಾಸಿ ಕಿಶನ್ ಆಚಾರ್ಯ (18) ತೀರ್ ಪೋಯಿನಾರ್. ಮೇರ್ ಸೈಯೆರೆ ಕಾರಣ ದಾದ ಪಂದ್ ನನ ತೆರಿದ್ ಬರೊಡಾತೆ, ಈ ಬಗೆಟ್ ದೂರು ಕೊರಿಯೆರೆ ಮುಲ್ಕಿ ಪೊಲೀಸ್ ಠಾಣೆಗ್ ಪೋಂಡ ಪೋಲಿಸೆರ್ ಭಂಗ ಬರ್ಪದೆರ್ ಪಂದ್ ಅತಿಕಾರಿಬೆಟ್ಟು ಗ್ರಾಪಂ ಅಧ್ಯಕ್ಷೆರ್ ಮನೋಹರ ಕೋಟ್ಯಾನ್ ಆರೋಪ ಮಲ್ದೆರ್.
ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಕಸ್ತೂರ್ಬಾ ಆಸ್ಪತ್ರೆ ಮಣಿಪಾಲ ಬೊಕ್ಕ ಇನ್ಸ್ಟಿಟ್ಯೂಟ್ ಆಫ್ ಕಮ್ಯುನಿಕೇಶನ್ ದ ಒಟ್ಟು ಸೇರಿಗೆಡ್ ಆರೋಗ್ಯ ದರ್ಶನ ಲೇಸ್ ಋತುಚಕ್ರ ಬೊಕ್ಕ ಆಯಿತ ಏರುಪೇರ್ ದ ಬಗೆಟ್ ಜ.11 ಸನಿಯಾರ ಬಯ್ಯಗ್ 5 ಗಂಟೆಗ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಮಣಿಪಾಲ ಕೆ.ಎಂ.ಸಿ ದ ಸ್ತ್ರೀರೋಗ ವಿಭಾಗಡ್ ಸಹಾಯಕ ಪ್ರಾಧ್ಯಾಪಕೆರಾಯಿನ ಡಾ. ಸುನಯ ಎಸ್ ಪುರಾಣಿಕ್ ಪಾಲ್ ಪಡೆಯೆರೆ ಉಲ್ಲೆರ್. ಜ.12 ಕ್ ಮಧ್ಯಾಹ್ನ 1 ಗಂಟೆಗ್ ಮರುಪ್ರಸಾರ ಆಪುಂಡು.
ಕಾಸ್ರೋಡು ಜಿಲ್ಲೆದ ಬಿರುವೆರ್ ಕುಡ್ಲ (ರಿ.) ಪೈವಳಿಕೆ ಘಟಕದ ಪದಗ್ರಹಣ ಬೊಕ್ಕ ಉದಿಪನ ಲೇಸ್ ಗಣಹೋಮ ಬೊಕ್ಕ ಶ್ರೀ ಸತ್ಯನಾರಾಯಣ ಪೂಜೆದೊಟ್ಟಿಗೆ ಜ.8 ಐತಾರ ಶ್ರೀ ಅಯ್ಯಪ್ಪ ಭಜನಾ ಮಂದಿರ ಬಾಯಿಕಟ್ಟೆಡ್ ಗೌಜಿಡ್ ನಡತ್ಂಡ್.
ಈ ಲೇಸ್ ಗ್ ಬತ್ತಿನ ಫ್ರೆಂಡ್ಸ್ ಬಳ್ಳಾಲ್ ಬಾಗ್ ಬಿರುವೆರ್ ಕುಡ್ಲ (ರಿ.) ನೆತ್ತ ಸ್ಥಾಪಕಾಧ್ಯಕ್ಷೆರ್ ಉದಯ ಪೂಜಾರಿ ಬಳ್ಳಾಲ್ ಬಾಗ್ ಬೊಕ್ಕ ಮಲ್ಲ ಬಿನ್ನೆರೆನ ಮೆರವಣಿಗೆ ಜೋಡುಕಲ್ಲ್ ಜಂಕ್ಷನ್ ರ್ದ್ ಕುಡ್ಲದ ಪುಗರ್ತೆದ ಪಿಲಿಏಸ, ನಾಸಿಕ್ ಬ್ಯಾಂಡ್, ಚೆಂಡೆ ಕೊಂಬು, ವಾದ್ಯ ಬೊಕ್ಕ ಬೈಕ್ ರಾಲಿದೊಟ್ಟಿಗೆ ಬಾಯಿಕಟ್ಟೆದ ಜಂಕ್ಷನ್ ಆದ್ ಅಯ್ಯಪ್ಪ ಭಜನಾ ಮಂದಿರಗ್ ಬತ್ಂಡ್. ಬೊಕ್ಕ ನಡತಿನ ಸಭಾ ಲೇಸ್ ದ ಉದಿಪನನ್ ಕುಡ್ಲ ಸಂಘಟನೆದ ಸ್ಥಾಪಕಾಧ್ಯಕ್ಷೆರ್ ಉದಯ ಪೂಜಾರಿ ಮಲ್ತೆರ್. ಈ ಪೊರ್ತುಡು ಮಲ್ಲ ಬಿನ್ನೆರಾದ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿತ ಗೌರವಾಧ್ಯಕ್ಷೆರ್ ಜಯಂತ ನಡುಬೈಲ್, ಕೇರಳದ ನಿವೃತ್ತ ಸಬ್ ಇನ್ಸ್ ಪೆಕ್ಟರ್ ಶೀನಪ್ಪ ಪೂಜಾರಿ ಅಲಾರು, ವಕೀಲೆರ್ ಚಂದ್ರಶೇಖರ ಅಮೀನ್, ಫ್ರೆಂಡ್ಸ್ ಬಳ್ಳಾಲ್ ಬಾಗ್ ಬಿರುವೆರ್ ಕುಡ್ಲ ನೆತ್ತ ಮಹಿಳಾ ವೇದಿಕೆದ ಅಧ್ಯಕ್ಷೆರ್ ವಿದ್ಯಾರಾಕೇಶ್, ಅಶೋಕನಗರದ ಬಿರುವೆರ್ ಕುಡ್ಲ ಮಹಿಳಾ ವೇದಿಕೆದ ಅಧ್ಯಕ್ಷೆರ್ ಸುಮಂಗಲ ಇತ್ತೆರ್. ಪೈವಳಿಕೆದ 8 ತರವಾಡ್ ದ ಹಿರಿಯೆರೆಗ್ ಮಾನಾದಿಗೆ ಮಲ್ತೆರ್. 2 ಕೈತಲ್ ದ ಪ್ರತಿಭೆಲೆಗ್ ಪ್ರತಿಭಾ ಪುರಸ್ಕಾರ ಬೊಕ್ಕ 3 ಬಡಪತ್ತ್ ದಕಲೆಗ್ ಪನವುದ ಸಕಾಯನ್ ಮಲ್ತೆರ್. ಬೊಕ್ಕ ಉದಯ ಪೂಜಾರಿ ಬಳ್ಳಾಲ್ ಬಾಗ್, ವಾಸು ಬಾಯಾರ್, ರಿತೇಶ್ ಅಂಚನ್ ಕುಲಶೇಖರ್ ಮೊಕ್ಲೆಗ್ ನೆಂಪುದ ಕಾಣಿಕೆ ಕೊರ್ದು ತಮ್ಮನ ಮಲ್ತೆರ್. ಪೈವಳಿಕೆ ಘಟಕದ ಲೆಕ್ಕಪರಿಶೋಧಕೆರ್ ಶ್ರೀಧರ್ ಅಮ್ಮೇರಿ ಎದ್ಕೊನಿಯೆರ್. ಕಾಸ್ರೋಡು ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಉದಯ ಕುಮಾರ್ ಅಮ್ಮೇರಿ ಪ್ರಾಸ್ತವಿಕವಾದ್ ಪಾತೆರ್ದ್, ಘಟಕದ ದ್ಯೇಯ ಉದ್ದೇಶಲೆನ್ ತೆರಿಪಾಯೆರ್. ಬೊಕ್ಕ ಘಟಕದ ಅಧ್ಯಕ್ಷೆರ್ ಗಣೇಶ ಪೂಜಾರಿ ಸಾನದ ಇಲ್ಲದಾರ್ ಅಧ್ಯಕ್ಷೆರ್ನ ಭಾಷಣ ಮಲ್ತೆರ್. ಆಯಿರ್ದ್ ಬೊಕ್ಕ ಪದಗ್ರಹಣ ನಡತ್ಂಡ್. ರಿತೇಶ್ ಅಂಚನ್ ಕುಲಶೇಖರ್ ಬೊಕ್ಕ ಜಯಂತಿ ಕೆ ಪೈವಳಿಕೆ ಲೇಸ್ ದ ಸುಧಾರಿಕೆ ಮಲ್ತೆರ್. ಘಟಕದ ಪ್ರಧಾನ ಕಾರ್ಯದರ್ಶಿ ಬಿತೇಶ್ ಕುಮಾರ್ ಕನಿಹಿತ್ತಿಲು ಸೊಲ್ಮೆ ಸಂದಾಯೆರ್. ಬೊಕ್ಕ ಕುಡ್ಲದ ಪಿಲಿಏಸ ಕೂಟರ್ದ್ ಪಿಲಿನಲಿಕೆ ಲೇಸ್ ನಡತ್ಂಡ್. ಸಮಾಜದ 500 ರ್ದ್ ಎಚ್ಚ ಬಾಂಧವೆರ್ ಪಾಲ್ ಪಡೆದ್ ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರಿಯೆರ್.
ಹಳೆಯಂಗಡಿ : ಜೀರ್ಣೋದ್ಧಾರ ಆದ್ ಇತ್ತೆ ಬ್ರಹ್ಮಕಲಶ ಉಚ್ಚಯೊಗು ತಯಾರಾದಿತ್ತಿನ ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನಡ್ ಬುಧಾರ ಮಧ್ಯಾಹ್ನ 12.10 ತ್ತ ಎಡ್ಡೆ ಗಳಿಗೆಡ್ ದೊಂಪದ ಮೂರ್ತ ನಡತ್ಂಡ್.
ಪೆರಿಯ ವಿದ್ವಾಂಸೆರ್ ವೇದಮೂರ್ತಿ ಕೃಷ್ಣ ಭಟ್ ಪಾವಂಜೆ ಪ್ರಾರ್ತನೆ ಮಲ್ತ್ ದ್ ಬ್ರಹ್ಮಕಲಶ ಉಚ್ಚಯದ ಮಾತಾ ಕಜ್ಜಲ ದಾಲಾ ಕುಂದು ದಾಂತೆ ನಡಪಡ್ ಪಂದ್ ಪಂಡೆರ್.
ಅರ್ಚಕೆರಾಯಿನ ಪಿ. ವಾಸುದೇವ ಭಟ್, ಪವಿತ್ರಪಾಣಿ ಗಣೇಶ್ ಭಟ್, ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಸೂರ್ಯಕುಮಾರ್, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಪ್ರಕಾಶ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಚಂದ್ರಶೇಖರ ನಾನಿಲ್, ಜೊತೆ ಕಾರ್ಯದರ್ಶಿ ರಾಮದಾಸ್ ಪಾವಂಜೆ, ಜತೆ ಕೋಶಾಧಿಕಾರಿ ಸುಧಾಕರ ಆರ್. ಅಮೀನ್ ನಾನಿಲ್, ಸಮಿತಿ ಸದಸ್ಯೆರಾಯಿನ ಪಿ.ಗೋಪಾಲಕೃಷ್ಣ ರಾವ್ ಕೊರುವೇಲ್, ಭಾಸ್ಕರ ಸಾಲ್ಯಾನ್, ಜ್ಯೋತಿ ರಾಮಚಂದ್ರ, ಸುಲೋಚನಾ, ರಘು ದೇವಾಡಿಗ, ಪ್ರಮೀಳಾ ಪೂಜಾರಿ, ಹಳೆಯಂಗಡಿ ಗ್ರಾಮ ಪಂಚಾಯ್ತಿ ಸದಸ್ಯೆರ್ ನಾಗರಾಜ್, ಕೇಶವ ಸನಿಲ್, ಗಣೇಶ್ ಯು., ಮೋಹನ್ ಸುವರ್ಣ,ಸುಂದರ ಸಾಲ್ಯಾನ್, ಪೀತಾಂಬರ ಶೆಟ್ಟಿಗಾರ್, ರವಿ ಪ್ರಸಾದ್ ಭಟ್ ಮೊಕುಲು ಮಾತ ಇತ್ತೆರ್.
ಪುತ್ತೂರ್: ಎ.ಪಿ.ಎಂ.ಸಿ ಮಾರ್ಗದ ಸೂತ್ರಬೆಟ್ಟುದ ಬಾಡಿಗೆದ ಇಲ್ಲಡ್ ಇತ್ತಿನ ವಿವೇಕಾನಂದ ಯಾನೆ ಸತ್ಯನಾರಾಯಣ ಮೆರೆನ ಇಲ್ಲರ್ದ್ ಸುಮಾರ್ 75 ಸಾರ ಬಿಲೆತ ಬೇತೆ ಬೇತೆ ಸೊತ್ತುಲೆನ್ ಕಂಡಿನ ರಡ್ಡ್ ಕಲ್ವೆರೆನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.
ಕೂರ್ನಡ್ಕ ನಿವಾಸಿಲಾಯಿನ ಮಹಮ್ಮದ್ ಮುಸ್ತಫಾ(28) ಬೊಕ್ಕ ಸವಣೂರು ಚಾಪಳ್ಳ ಶಮೀರ್(24) ಆರೋಪಿಲು. ಈ ಬಗೆಟ್ ಪುತ್ತೂರ್ ಪೇಂಟೆದ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಮಲ್ತ್ ದ್ ಇತ್ತೆರ್. ತನಿಖೆ ಸುರು ಮಲ್ತಿನ ಪೊಲೀಸೆರ್ ರಡ್ಡ್ ಜನ ಆರೋಪಿಲೆನ್ ಪತ್ ದೆರ್.
ಕುಡ್ಲ ಪೇಂಟೆದ ಜೈಲ್ರೋಡ್-ಕದ್ರಿ ಕಂಬುಲ ಮಾರ್ಗದ 5 ಮಾಲಿಗೆದ ಅಪಾರ್ಟ್ ಮೆಂಟ್ ದ 2ನೇ ಮಾಲಿಗೆದ ಫ್ಲ್ಯಾಟ್ದ ಬೆಡ್ರೂಮ್ಡ್ ಅಂಗಾರೆ ತೂ ಪೊತ್ತಿನ ಘಟನೆ ನಡತ್ಂಡ್.
ನೆಟ್ಟ್ ಒವ್ವೇ ಪ್ರಾಣಗ್ ತೊಂದರೆ ಆತಿಜಿ ಪಂದ್ ತೆರಿದ್ ಬೈದ್ಂಡ್. ಜಾಗೆಗ್ ಕದ್ರಿ ಬೊಕ್ಕ ಪಾಂಡೇಶ್ವರ ಅಗ್ನಿಶಾಮಕ ದಳತಕುಲು ಬತ್ತ್ ದ್ ತೂ ತೆಕ್ಕಾದೆರ್ . ಹಾಸಿಗೆ ಬೊಕ್ಕ ಕೆಲವು ಸೊತ್ತುಲು ತೂಟ್ಟ್ ಪೊತ್ತ್ ದ್ಂಡ್.
ಸುರತ್ಕಲ್: 2022 ತ್ತ ನವೆಂಬರ್ಡ್ ನಡತಿನ ಸಿಎ ಕಡೆತ್ತ ಪರೀಕ್ಷೆದ ರಿಸಲ್ಟ್ ಪ್ರಕಟ ಆತ್ಂಡ್. ಕುಡ್ಲದ ಸುರತ್ಕಲ್ ಹೊಸಬೆಟ್ಟುದ ರಮ್ಯಶ್ರೀ ದೇಶಡ್ 2 ನೇ ರ್ಯಾಂಕ್ ಪಡೆತೆರ್.
ಮೇರ್ ಕುಡ್ಲದ ಎಲ್ಐಸಿ ಉದ್ಯೋಗಿ ರಮೇಶ್ ರಾವ್ ಅಂಚನೆ ನೇಷನಲ್ ಇನ್ಸೂರೆನ್ಸ್ ಕಂಪನಿ ಉದ್ಯೋಗಿ ಮೀರಾ ಎಂ ದಂಪತಿಲೆನ ಮಗಲ್. ಸುರುತ್ತ ಪ್ರಯತ್ನಡೇ ಸಿ.ಎ ಪರೀಕ್ಷೆಡ್ ಪಾಸ್ ಆತಿನವು ಕುಷಿ ಆತ್ಂಡ್ ಪಂದ್ ರಮ್ಯಶ್ರೀ ಪಂತೆರ್.
ವಿಜಯನಗರ ಜಿಲ್ಲೆದ ಹೊಸಪೇಟೆದ ರಾಣಿಪೇಟೆಡ್ ಕುರೆ ನೀರ್ ಪರ್ದ್ ಪೊಂಜೋವು ತೀರ್ ಪೋತೆರ್.
ಲಕ್ಷ್ಮೀ (55) ತೀರ್ ಪೋಯಿನ ಪೊಂಜೋವು. ಸುಮಾರ್ 40 ರ್ದ್ಲ ಎಚ್ಚದ ಜನಕುಲು ಹುಷಾರ್ದಾಂತೆ ಆತೆರ್. ಅಕ್ಲೆನ್ ಸರ್ಕಾರಿ ಆಸ್ಪತ್ರೆಗ್ ದಾಖಲ್ ಮಲ್ತ್ದೆರ್. ಚಲುವಾದಿಕೇರಿ ಸೇರಿನಂಚನೆ ಮಸ್ತ್ ಕಡೆಟ್ಟ್ ಪರ್ಪಿನ ನೀರ್ದ ಪೈಪ್ ಲೈನ್ದ ಬೇಲೆ ಆವೊಂದಿತ್ತ್ದ್ ನೀರ್ ಗಲೀಜ್ ಆತ್ಂಡ್.
ಬೆಂಗ್ಲೂರು: ಮೆಟ್ರೋದ ಪಿಲ್ಲರ್ ಬೂರ್ದ್ ತೀರ್ ಪೋಯಿನ ಅಪ್ಪೆ ಬೊಕ್ಕ ಬಾಲೆದ ಕುಟುಮಗ್ ರಾಜ್ಯ ಸರ್ಕಾರ 20 ಲಕ್ಷ ರೂ. ಪರಿಹಾರ ಘೋಷಣೆ ಮಲ್ತ್ದ್ಂಡ್.
ಜ.10 ಕ್ಕ್ ಕಾಂಡೆ ಈ ಘಟನೆ ನಡತ್ತ್ದಿತ್ತ್ದ್, ಪರಿಹಾರದ ಕಾಸ್ನ್ ಮುಖ್ಯಮಂತ್ರಿಲೆನ ವಿಪತ್ತು ನಿರ್ವಹಣಾ ನಿಧಿರ್ದ್ ಕೊರೊಂದುಲ್ಲೆರ್. ನಿರ್ಮಾಣದ ಹಂತೊಡು ಇತ್ತಿನ ಮೆಟ್ರೋ ಪಿಲ್ಲರ್ ಕರ್ಬದ ರಾಡ್ ಬೂರ್ದು ತೇಜಸ್ವಿನಿ ಬೊಕ್ಕ ವಿಹಾನ್ ತೀರ್ ಪೋತೆರ್.
ಸುರತ್ಕಲ್: “ಅಂಗಾಂಗ ವೈಫಲ್ಯರ್ದ್ ಭಾರತಡ್ ದಿನರ್ದ್ ದಿನ ಅವೇತೊ ಜನಕುಲು ಪ್ರಾಣ ಕಳೆಯೊಂದು ಉಲ್ಲೆರ್. ಉಂದೆನ್ ತಡೆಪರೆ ಎಚ್ಚದ ಮಟ್ಟ್ಡ್ ಅಂಗಾಂಗ ದಾನ ಆವೊಡು. ಈ ಬಗೆಟ್ಟ್ ಅಂಗಾಂಗ ದಾನ ಮಲ್ಪುನೆಟ್ಟ್ ಇಪ್ಪುನ ಮೂಡನಂಬಿಕೆಲು ಪೋವೊಡು” ಪಂದ್ ಕನ್ಸಲೈಂಟ್ ನೆಫ್ರಾಲಜಿಸ್ಟ್ ಡಾ. ಮಯೂರ್ ಪ್ರಭು ಪಂಡೆರ್.
ಗೋವಿಂದ ದಾಸ ಕಾಲೇಜಿದ ರಾಷ್ಟ್ರೀಯ ಸೇವಾ ಯೋಜನಾ ಘಟಕ ಕಾಲೇಜಿದ ಆಂತರಿಕ ಗುಣಮಟ್ಟ ಖಾತರಿ ಕೋಶ, ಕೆ.ಎಂ.ಸಿ. ಆಸ್ಪತ್ರೆ ಕುಡ್ಲ ಬೊಕ್ಕ ಲಯನ್ಸ್ ಕ್ಲಬ್ ಅಶೋಕನಗರ ಉಂದೆತ್ತ ಒಟ್ಟು ಸೇರಿಗೆಡ್ ನಡತಿನ ಅಂಗಾಂಗದಾನದ ಪೊಲಬು ಕಜ್ಜಕೊಟ್ಯ ಅಂಚನೆ ನೆತ್ತೆರ್ ಉಂಬೊಲಿ ಶಿಬಿರನ್ ಉದಿಪನ ಮಲ್ತ್ದ್ ಪಾತೆರಿಯೆರ್.
ಮಲ್ಲ ಬಿನ್ನೆರಾದ್ ಬತ್ತಿನ ಮೆಲ್ವಿನ್ ಡಿಸೋಜ ಎಂ.ಜೆ.ಎಫ್ ಪಾತೆರ್ದ್, ನೆತ್ತೆರ್ ಉಂಬೊಲಿ ಮಲ್ಪುನ ಮಾಮಲ್ಲ ಪವಿತ್ರ ದಾನ ಪಂದ್ ಪಂಡೆರ್. ಗೋವಿಂದ ದಾಸ ಕಾಲೇಜಿದ ಪ್ರಾಂಶುಪಾಲೆರ್ ಪ್ರೊ. ಪಿ. ಕೃಷ್ಣಮೂರ್ತಿ ಲೇಸ್ದ ಗುರ್ಕಾರ್ಮೆ ವಹಿಸ್ದ್ ಇತ್ತೆರ್.
ಕೆ.ಎಂ.ಸಿ ಬ್ಲಡ್ ಬ್ಯಾಂಕ್ ನಿರ್ದೇಶಕೆರ್ ಡಾ. ದೀಪಾ ಅಡಿಗ ಮೇರ್ ನೆತ್ತೆರ್ ಉಂಬೊಲಿ ಬಗೆಟ್ಟ್ ಪಾತೆರಿಯೆರ್. ಮಲ್ಲ ಬಿನ್ನೆರಾದ್ ಗೋವಿಂದ ದಾಸ ಕಾಲೇಜಿದ ಆಡಳಿತಾತ್ಮಕ ನಿರ್ದೇಶಕೆರ್ ಪ್ರೊ. ರಮೇಶ ಕುಳಾಯಿ, ಉಪಪ್ರಾಂಶುಪಾಲೆರ್ ಪ್ರೊ. ರಮೇಶ್ ಭಟ್ ಎಸ್.ಜಿ, ಲಯನ್ಸ್ ಕ್ಲಬ್ದ ಜಿಲ್ಲಾ ಸಂಯೋಜಕೆರ್ ಎ.ಜೆ ನಾಗೇಶ್, ಎಂ.ಜಿ.ಎಫ್, ರಾಷ್ಟ್ರೀಯ ಸೇವಾ ಯೋಜನಾಧಿಕಾರಿ ಅಕ್ಷತಾ ವಿ, ದಯಾ ಎಂ ಸುವರ್ಣ, ಆಂತರಿಕ ಗುಣಮಟ್ಟ ಖಾತರಿ ಕೋಶದ ಸಂಯೋಜಕೆರ್ ಪ್ರೊ. ಹರೀಶ್ ಆಚಾರ್ಯ ಪಿ, ಪ್ರೊ. ನೀಲಪ್ಪ ವಿ, ಕಲ್ಪಾರ್ಥಿ ಕಾರ್ಯದರ್ಶಿಲು ಆಯಿನ ಸ್ವಾತಿ ಭಟ್, ಪ್ರೀತೇಶ್, ಅನಿಶ ಶ್ರೀ, ಪ್ರಯಾಗ್ ಲೇಸ್ಡ್ ಇತ್ತೆರ್.
ರಾಷ್ಟ್ರೀಯ ಸೇವಾ ಯೋಜನಾ ಸ್ವಯಂ ಸೇವಕಿ ಹಿತಾ ಉಮೇಶ್ ಎದ್ಕೊನಿಯೆರ್. ಅನಿಶ ಶ್ರೀ ಬತ್ತಿನ ಬಿನ್ನೆರೆಗ್ ಸೊಲ್ಮೆ ಸಂದೈತ ಮಲ್ತೆರ್. ಸ್ವಯಂ ಸೇವಕಿ ಸ್ಮಿತಾ ಲೇಸ್ ಸುಧಾರಿಕೆ ಮಲ್ತೆರ್. ಕಾರ್ಯಗಾರಡ್ 200 ದೆರ್ದ್ ಎಚ್ಚದ ಕಲ್ಪಾರ್ಥಿಲು ಪಾಲ್ ಪಡೆದಿತ್ತೆರ್. 75 ಜನ ಕಲ್ಪಾರ್ಥಿಲು ನೆತ್ತೆರ್ ದಾನ ಮಲ್ತೆರ್.
Suratkal: Organ donation awareness program at Govindas College
Suratkal: ” Many lives are lost in India due to organ failure. This can be rectified with more persons willing to donate organs.The blind beliefs associated with organ donation must be stopped with creating awareness among people about organ donation” said consultant nephrologist Dr Mayur Prabhu
He was speaking after inaugurating a blood donation camp and organ donation awareness program.This was held under the auspices of the NSS unit of Govindas College, Suratkal , KMC hospital Mangalore and Lion’s club Ashoknagar.
The program was presided by the principal of Govindas College professor P Krishnamurthy.The guest of honour was Melvin D Souza from M G F .
Dr Deepa Adiga director of KMC blood bank spoke about different aspects of blood donation.Prof Ramesh Kulai, Vice principal Ramesh Bhat, A J Nagesh district organiser of Lions club, NSS officer Akshata V and others participated in the program.
More than 200 students participated in the program and 75 students donated blood.
NSS volunteers Hita Umesh welcomed Anishashree rendered the vote of thanks.Smitha hosted the program.
