ಸುರತ್ಕಲ್ ಬಸ್ ಸ್ಟ್ಯಾಂಡ್ ದ ಕೈತಲ್ ಡ್ ಮೂಜಿ ವರ್ಷದ ಬಾಲೆವೊಂಜಿ ಸಾರ್ವಜನಿಕೆರೆಗ್ ತಿಕ್ ದ್ಂಡ್.
ಈ ಬಾಲೆದ ತರೆಕುಜಲ್ ದೆಪ್ಪಾದಿತ್ತೆರ್ . ಗುಲಾಬಿ ಬಣ್ಣದ ಅಂಗಿ ಪಾಡ್ದ್ಂಡ್. ಬಾಲೆದ ಪೋಷಕೆರೆನ್ ಪತ್ತೆ ಮಲ್ಪರೆ ಸಾರ್ವಜನಿಕೆರ್ ಪೊಲೀಸೆರೆಗ್ ಬಿನ್ನಾಪು ಮಲ್ದೆರ್. ಬಾಲೆನ್ ಕಳೆವೊನ್ನ ಪೋಷಕೆರ್ ಸುರತ್ಕಲ್ ಠಾಣೆಡ್ ಕೇನೊಲಿ ಪಂದ್ ಪೊಲೀಸೆರ್ ತೆರಿಪಾದೆರ್.
ಸುರುತ ಪಂತೊ ಗೆಂದಿನ ಟೀಮ್ ಇಂಡಿಯಾ ಇನಿ ಶ್ರೀಲಂಕಾದೊಟ್ಟಿಗೆ ರಡ್ಡನೇ ಏಕದಿನ ಪಂತೊ ಗೊಬ್ಬೆರೆ ಉಂಡು.
ಈಡನ್ ಗಾರ್ಡನ್ ಮೈದಾನಡ್ ನಡಪರೆ ಇಪ್ಪುನ ಪಂತೊದ ಜಬದಾರಿನ್ ಕೂಟದ 3 ರನ್ ಯಂತ್ರ ವಿರಾಟ್ ಕೊಹ್ಲಿ, ನಾಯಕೆ ರೋಹಿತ್ ಶರ್ಮಾ ಬೊಕ್ಕ ವಿಕೆಟ್ ಕೀಪರ್ ಕೆ.ಎಲ್ ರಾಹುಲ್ ಒಯಿಸೊಂದೆರ್.
ಕುಡ್ಲ: “ಯುಎನ್ ಸಿನೆಮಾಸ್ ಬ್ಯಾನರ್ ಡ್ ನಿರ್ಮಾಣ ಆಯಿನ ಶಕಲಕ ಬೂಮ್ ಬೂಮ್ ತುಳು ಪಿಕ್ಚರ್ ಜ.20 ಗ್ ಬುಡುಗಡೆ ಆಪುಂಡು ಪಂದ್ ನಿರ್ಮಾಪಕೆರ್ ನಿತ್ಯಾನಂದ ನಾಯಕ್ ನರಸಿಂಗೆ ಪತ್ರಿಕಾಗೋಷ್ಠಿಡ್ ತೆರಿಪಾದೆರ್.
“ಕಾಮಿಡಿ, ಹಾರರ್, ಬೇತೆ ಬೇತೆ ಕಥೆತ ರೂಪಡ್ ಪಿಕ್ಚರ್ ನ್ ಶ್ರೀಶ ನಾಯಕ್ ಎಳ್ಳಾರೆ ನಿರ್ದೇಶನ ಮಲ್ದೆರ್. ನಿತ್ಯಾನಂದ ನಾಯಕ್ ನರಸಿಂಗೆ, ಉಮೇಶ್ ಪ್ರಭು ಮಾಣಿಬೆಟ್ಟು ನಿರ್ಮಾಪಕೆರಾದ್ ಉಲ್ಲೆರ್. ಡಾಲ್ವಿನ್ ಕೊಳಲಗಿರಿ ಸಂಗೀತ ನಿರ್ದೇಶಕರಾತೆರ್. ತುಳುನಾಡ್ ದ ಪುಗರ್ತೆದ ಛಾಯಾಗ್ರಾಹಕೆರಾಯಿನ ಪ್ರಜ್ವಲ್ ಸುವರ್ಣ ಬೊಕ್ಕ ಅರುಣ್ ರೈ ಪುತ್ತೂರ್ ಮೊಕುಲು ಕ್ಯಾಮರಾ ಮ್ಯಾನ್ ಆದ್ ಉಲ್ಲೆರ್ ಪಂಡೆರ್. ಕಥಾನಾಯಕೆಯಾದ್ ಗೊಡ್ವಿನ್ ಸ್ಪಾರ್ಕಲ್ ಬೊಕ್ಕ ಕಥಾನಾಯಕಿಯಾದ್ ಲಕ್ಷಾ ಶೆಟ್ಟಿ ಉಲ್ಲೆರ್. ತುಳುನಾಡ ಮಾಣಿಕ್ಯ ಅರವಿಂದ ಬೋಳಾರ್, ಉಮೇಶ್ ಮಿಜಾರ್, ಪ್ರವೀಣ್ ಮರ್ಕಮೆ, ಮಿಮಿಕ್ರಿ ಶರಣ್, ರೂಪಶ್ರೀ ವರ್ಕಾಡಿ, ಮನೋಹರ್ ಶೆಟ್ಟಿ, ನಂದಳಿಕೆ, ವಸಂತ್ ಮುನಿಯಾಲ್, ಹರೀಶ್ ಗಾಳಿಪಟ, ಸುನಿಲ್ ಕಡ್ತಲ, ಯತೀಶ್ ಪೂಜಾರಿ, ಯಶವಂತ್, ಪ್ರವೀಣ್ ಆಚಾರ್ಯ, ಕಾಮಿಡಿ ಕಿಲಾಡಿ ಪುಗರ್ತೆದ ರಾಧೇಶ್, ಕಾಮಿಡಿ ಗ್ಯಾಂಗ್ ಪುಗರ್ತೆದ ರಾಜೇಶ್ ದಾನಶಾಲೆ, ಲಂಚುಲಾಲ್, ರಾಜೇಶ್ವರಿ ಕುಲಾಲ್, ಧೀರಜ್, ಶಿವಾನಂದ, ಯಜ್ಞೇಶ್ ಶೆಟ್ಟಿ ಅಭಿನಯ ಮಲ್ದೆರ್. ದ ಪತ್ರಿಕಾಗೋಷ್ಠಿಡ್ ಗೊಡ್ವಿನ್ ಸ್ಪಾರ್ಕಲ್, ಸುನೀಲ್ ಕಡ್ತಲ, ಲಂಚು ಲಾಲ್, ಡಾಲ್ವಿನ್ ಕೊಳಲಗಿರಿ ಇತ್ತೆರ್.
ಬಂಟ್ವಾಳ: ಪಾಣೆರ್ ಪರ ಸಂಕದ ಕೈತಲ್ ನೇತ್ರಾವತಿ ತುದೆಟ್ಟ್ ಬಜರಂಗದಳ ಕಲ್ಲಡ್ಕ ಪ್ರಖಂಡ ಗೋ ರಕ್ಷಣಾ ಪ್ರಮುಖೆರ್ ರಾಜೇಶ್ ಸುವರ್ಣ ಮೆರೆನ ಪುನ ಪತ್ತೆಯಾತಿನ ಘಟನೆ ಇನಿ ಕಾಂಡೆ ನಡತ್ಂಡ್.
ರಡ್ಡ್ ಚಕ್ರದ ಗಾಡಿ ತುದೆತ್ತ ಕೈತಲ್ ತೋಜಿದ್ ಬತ್ತಿನ ನಿಲೆಟ್ಟ್ ಉಂದೆನ್ ತೂಯಿನ ಅಲ್ಪದ ಜನಕುಲು ಬಂಟ್ವಾಳ ಪೇಂಟೆದ ಪೊಲೀಸ್ ಠಾಣೆಗ್ ಮಾಹಿತಿ ಕೊರ್ತೆರ್. ಮೇರ್ ತೀರ್ ಪೋಯಿನೆಕ್ಕ್ ಸರಿಯಾಯಿನ ಕಾರಣ ತೆರಿದ್ ಬೈದಿಜಿ.
ಉಳ್ಳಾಲ: ದೇರಳಕಟ್ಟೆದ ಜಸ್ಟೀಸ್ ಕೆ.ಎಸ್ ಹೆಗ್ಡೆ ಚಾರಿಟೇಬಲ್ ಆಸ್ಪತ್ರೆದ ರೇಡಿಯೇಷನ್ ಆಂಕಾಲಜಿ ಕ್ಯಾನ್ಸರ್ ವಿಭಾಗದ ತಜ್ಞೆರ್ ವೈದ್ಯೆರ್ ಡಾ. ಜಯರಾಮ ಶೆಟ್ಟಿ(53) ತಿಗಲೆ ಬೇನೆಡ್ ಜ.11 ಕ್ಕ್ ತೀರ್ ಪೋಯೆರ್.
ಕರಿನ 11 ವರ್ಷರ್ದ್ ಕೆ.ಎಸ್.ಹೆಗ್ಡೆ ಆಸ್ಪತ್ರೆಡ್ ಸೇವೆ ಮಲ್ತೊಂದಿತ್ತೆರ್. ಬುಧಾರ ಬಯ್ಯಗ್ ಬೇಲೆ ಮುಗಿತ್ತ್ದ್ ಇಲ್ಲಗ್ ಪೋದು ಅಲ್ಪರ್ದ್ ಕಾರ್ಯಕ್ರಮ ಒಂಜೆಕ್ಕ್ ಪೋನಗ ಸಾದಿದ ನಡುಟ್ಟ್ ತಿಗಲೆ ಬೇನೆ ಆತ್ಂಡ್. ಆಸ್ಪತ್ರೆಗ್ ಕೊನನಗ ಜೀವ ಪೋತ್ಂಡ್. ಮೇರ್ ಮಸ್ತ್ ಬಡವೆರೆಗ್ ಚಿಕಿತ್ಸೆಗ್ ಪಂದ್ ಪಣವುದ ಸಕಾಯ ಮಲ್ತಿತ್ತೆರ್.
ವಿಶಾಖಪಟ್ಟಣಂ: ಜ.19 ಗ್ ಮೋದಿ ಚಾಲನೆ ಕೊರಿಯರೆ ಇಪ್ಪುನ ವಂದೇ ಭಾರತ್ ಎಕ್ಸ್ಪ್ರೆಸ್ ಕೋಚ್ದ ರಡ್ಡ್ ಕಂಡಿದ ಗ್ಲಾಸ್ನ್ ಬಚ್ಚಲಿಲು ಕಲ್ಲ್ ದಕ್ಕ್ದ್ ಪೊಡಿ ಮಲ್ತಿನ ಘಟನೆ ಬೊಲ್ಪುಗು ನಡತ್ಂಡ್.
ವಿಶಾಖಪಟ್ಟಣಂದ ಕಂಚರಪಾಲೆಂ ಕೈತಲ್ ರೈಲ್ ನಿರ್ವಹಣೆಗಾದ್ ಉಂತುದಿತ್ತ್ನಗ ಬಚ್ಚೆಲೆರ್ ಗ್ಲಾಸ್ ಪುಡಾದೆರ್. ಈ ಅನ್ಯಾಯ ಮಲ್ತಿನಕ್ಲೆನ್ ಆಯಿನಾತ್ ಬೇಗ ನಾಡ್ ಪತ್ತೊಡು ಪಂದ್ ಸ್ವರ ಲಕ್ಕಾದೆರ್.
ಇಸ್ಲಾಮಾಬಾದ್: 2022 ನೇ ವರ್ಷದ ಪಾಸ್ಪೋರ್ಟ್ ರ್ಯಾಂಕಿಂಗ್ ಪಟ್ಟಿಡ್ ಭಾರತ 85ನೇ ತಾನೊ ಪಡೆತ್ಂಡ್.
ಪಾಸ್ಪೋರ್ಟ್ ರ್ಯಾಂಕಿಂಗ್ಡ್ ಭಾರತ 2019, 2020, 2021 ಬೊಕ್ಕ 2022 ನೇ ಸಾಲ್ಡ್ ಕ್ರಮವಾದ್ 82, 84, 83 ಬೊಕ್ಕ 85ನೇ ತಾನೊ ಪಡೆದಿತ್ತ್ಂಡ್. ಜಗತ್ತ್ದ ಬೇತೆ ಬೇತೆ ಜಾಗೆಡ್ ವೀಸಾ ದಾಂತೆ ಪ್ರವೇಶಗ್ ಅನುಮತಿ ಕೊರ್ಪಿನ ಪಾಸ್ಪೋರ್ಟ್ಲೆನ್ ತೂದು ಹೆನ್ಲಿ ಪಾಸ್ಪೋರ್ಟ್ ರ್ಯಾಂಕಿಂಗ್ ಪಟ್ಟಿನ್ ಬುಡುಗಡೆ ಮಲ್ತ್ದ್ಂಡ್.
ಹರಿಯಾಣದ ಪಾಣಿಪತ್ ಜಿಲ್ಲೆದ ಬಿಚ್ಪಾಡಿದ ಇಲ್ಲಡ್ ಒಂಜಿ ಸಿಲಿಂಡರ್ ಪುಡಾದ್ ಒಂಜೇ ಇಲ್ಲದ ಆಜಿ ಜನ ತೀರ್ ಪೋಯಿನ ಘಟನೆ ನಡತ್ಂಡ್.
ಪೊಪ್ಪ ಅಮ್ಮ ಸೇರ್ದ್ ನಾಲ್ ಜೋಕುಲು ತೀರ್ ಪೋತೆರ್. ಜಾಗೆಗ್ ಅಗ್ನಿಶಾಮಕ ಸಿಬ್ಬಂದಿ ಬತ್ತ್ ದ್ ತೂ ತೆಕ್ಕಾದೆರ್. ಪೊಲೀಸೆರ್ ತನಿಖೆ ಮಲ್ತೊಂದು ಉಲ್ಲೆರ್.
ದಿಲ್ಲಿ: ಭಾರತದ ಔಷಧೀಯ ಸಂಸ್ಥೆ ಮರಿಯನ್ ಬಯೋಟೆಕ್ ತಯಾರ್ ಮಲ್ತಿನ ರಡ್ಡ್ ತರತ್ತ ತೆಮ್ಮದ ಸಿರಪ್ನ್ ಗಲಸರೆ ಬಲ್ಲಿ ಪಂದ್ ವಿಶ್ವ ಆರೋಗ್ಯ ಸಂಸ್ಥೆ ಸೂಚನೆ ಕೊರ್ತ್ಂಡ್.
ಇಂಚಿಪ್ಪಗ್ ಮರಿಯನ್ ಬಯೋಟೆಕ್ ತಯಾರ್ ಮಲ್ತಿನ ಅಬ್ರೊನಾಲ್ ಬೊಕ್ಕ ಡಾಕ್-1 ಮ್ಯಾಕ್ಸ್ ತೆಮ್ಮದ ಸಿರಪ್ ದೆತೊಂದು ಉಜ್ಬೇಕಿಸ್ತಾನಡ್ 18 ಜೋಕುಲು ತೀರ್ ಪೋತೆರ್. ಈ ಸಿರಪ್ಡ್ ಎಥಿಲೀನ್ ಗ್ಲೈಕೋಲ್ ವಿಷಕಾರಿ ರಾಸಾಯನಿಕ ಪತ್ತೆಯಾತ್ಂಡ್.
WHO bans cold and cough syrup manufactured by Indian company
Delhi: Cold and cough syrup manufactured by the Indian pharmaceutical company Marian Biotech has been banned by WHO.
18 children have died in Uzbekistan after consuming Abronal and Daak-1 manufactured by Marian Biotech. A toxic substance Ethiline Glycol has been found in these syrup.
ಜಗತ್ತ್ ಡೇ ಎಚ್ಚ ಉದ್ದದ ಪ್ರವಾಸಿ ಕಪ್ಪಲ್ “ಎಂವಿ ಗಂಗಾ ವಿಲಾಸ್” ಗ್ ಪ್ರಧಾನಿ ನರೇಂದ್ರ ಮೋದಿ ಜ.13 ಕ್ಕ್ ಚಾಲನೆ ಕೊರಿಯರೆ ಉಲ್ಲೆರ್.
ವಾರಾಣಸಿರ್ದ್ ತನ್ನ ಯಾತ್ರೆನ್ ಸುರು ಮಲ್ಪುನ “ಎಂವಿ ಗಂಗಾ ವಿಲಾಸ್” , ಬಾಂಗ್ಲಾದೇಶ ಆದ್ 51 ದಿನಟ್ಟ್ ಅಂದಾಜಿ 3,200 ಕಿ.ಮೀ ಪೋದು, ಅಸ್ಸಾಂದ ದಿಬ್ರೂಗಢಗ್ ಪೋಯರೆ ಉಂಡು. ಮೂಜಿ ಮಾಳಿಗೆದ ಈ ಕಪ್ಪಲ್ ಡ್ ಸುರುತ್ತ ಸರ್ತಿ ಸ್ವಿಟ್ಜರ್ಲೆಂಡ್ದ 32 ಪ್ರವಾಸಿಗೆರ್ ಪ್ರಯಾಣ ಮಲ್ಪರೆ ಉಲ್ಲೆರ್.
