2023

Shabrimale temple to be opened from today for the next ten days ಇನಿರ್ದ್ 10 ದಿನ ಮುಟ್ಟ ಶಬರಿಮಲೆ ಓಪನ್

ಶಬರಿಮಲೆಟ್ಟ್ ಇಸೇಸ ಉಚ್ಚಯ ನಡತೊಂದು ಉಂಡು. ಅಂಚಾದ್ ಇನಿರ್ದ್ 10 ದಿನ ಮುಟ್ಟ ದೇವಲ್ಯದ ಬಾಕಿಲ್ ದೆಪ್ಪುವೆರ್.

ವಾರ್ಷಿಕ ಜಾತ್ರೆ ಉಚ್ಚಯದ ನಿಲೆಟ್ಟ್ ಶಬರಿಮಲೆಟ್ಟ್ ಇಸೇಸ ಧಾರ್ಮಿಕ ಕಜ್ಜೊಲು ನಡಪರೆ ಉಂಡು. ಭಕ್ತೆರೆಗ್ ಭೇಟಿ ಕೊರಿಯೆರೆ ದೇವಲ್ಯದ ಆಡಳಿತ ಮಂಡಳಿ ಅವಕಾಶ ಕೊರ್ತುಂಡು. ಎ.4 ರ್ದ್ ಉಚ್ಚಯ ನಡಪರೆ ಉಂಡು.

Shabrimale temple to be opened from today for the next ten days

Special festivities are being conducted and the Shabrimale temple will be open for the next ten days.The annual festival and other religious rituals are being held and devotees can make use of this opportunity to visit the temple.

ಬಿರುವೆರ್ ಕುಡ್ಲ ಮುಲ್ಕಿ ಘಟಕದ 69 ನೇ ಸ್ಪಂದನ ಸೇವಾ ಯೋಜನೆ

ಮುಲ್ಕಿ : ಬಿರುವೆರ್ ಕುಡ್ಲ ಸ್ಥಾಪಕ ಅಧ್ಯಕ್ಷೆರಾಯಿನ ಉದಯ ಪೂಜಾರಿ ಮೆರೆನ ಸಾರಥ್ಯಡ್ ಬಿರುವೆರ್ ಕುಡ್ಲ ( ರಿ) ಮುಲ್ಕಿ ಘಟಕದ ಅಧ್ಯಕ್ಷೆರ್ ಕಿಶೋರ್ ಜೆ.ಸಾಲ್ಯಾನ್ ಮೆರೆನ ಮಾರ್ಗದರ್ಶನೊಡು ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ತತ್ವ ಆದರ್ಶೊನು ಪಾಲನೆ ಮಲ್ಪುನ ನಿಲೆಟ್ಟ್ ಮಾರ್ಚ್ ತಿಂಗೊಲ್ದ 69ನೇ ಸ್ಪಂದನ ಸೇವಾ ಯೋಜನೆನ್ ಪಟ್ಟುನ ಬೇಲೆ ಇಂಚೊಗು ನಡತ್ಂಡ್. ಅಂಗರಗುಡ್ಡೆ ನಿವಾಸಿ ಯಶೋಧ ಮೆರೆನ ಇಲ್ಲ್ ಕಟ್ಟರೆ ಪನವುದ ಸಕಾಯೊನು ಮಲ್ತ್ ದ್ ಅಯಿತ್ತ ಚೆಕ್ ನ್ ಕೊರ್ಪಿನ ಲೇಸ್ ನಡತ್ಂಡ್ .

ಈ ಪೊರ್ತುಡು ಘಟಕದ ಅಧ್ಯಕ್ಷೆರಾಯಿನ ಕಿಶೋರ್ ಜೆ ಸಾಲ್ಯಾನ್, ಉಪಾಧ್ಯಕ್ಷೆರಾಯಿನ ಉಮೇಶ್ ಮಾನಂಪಾಡಿ, ಕಿಶೋರ್ ಅಂಚನ್ ಪಡುಬೈಲು, ಪ್ರಧಾನ ಕಾರ್ಯದರ್ಶಿ ಗಿರಿಧರ್ ಅಮೀನ್ , ಕೋಶಾಧಿಕಾರಿ ಅಶೋಕ್ ಸುವರ್ಣ ಕಿಲ್ಪಾಡಿ, ಸದಸ್ಯೆರ್ ಆದರ್ಶ ಮಾನಂಪಾಡಿ ಇತ್ತೆರ್.

Biruver Kudla – Mulki unit– 69 th Spandana Seva Yojana

Mulki: Under the leadership of the founder president of Biruver Kudla (R) Uday Poojary; and the guidance of Kishore J Salian president of Biruver Kudla (R) Mulki unit and the guidelines preached by Guru Brahmashree Narayan Guru a program was organised in March the 69 th Seva Spandana Yojana were funds were donated to beneficiary Yashodar to build a house.

ಕಿನ್ನಿಗೋಳಿಡ್ ನಡತ್ಂಡ್ ಮುಲ್ಕಿ ತಾಲೂಕು ಕಡೀರ ಸಾಹಿತ್ಯ ಉಚ್ಚಯ 2023

ಮುಲ್ಕಿ ತಾಲೂಕು ಕಡೀರ್ದ ಸಾಹಿತ್ಯ ಸಮ್ಮೇಳನ ಯುಗಪುರುಷ ಸಭಾಭವನದ ಚಾವಡಿಡ್ ಮಾ.26 ಐತಾರ ನಡತ್ಂಡ್.

ದಕ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ತ್ ದ ಗೌರವಾಧ್ಯಕ್ಷೆರ್ ಇರಾ ನೇಮು ಪೂಜಾರಿ ಲೇಸ್ ಉದಿಪನ ಮಲ್ತೆರ್.

ಈ ಪೊರ್ತುಡು ವಿಜಯ ಕಲಾವಿದರು ಸಂಚಾಲಕೆರ್ ಸಾಯಿನಾಥ ಶೆಟ್ಟಿ ಮೆರೆಗ್ ಕಲಾಶ್ರೀ ಪ್ರಶಸ್ತಿ, ಪಡುಪಣಂಬೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷೆರ್ ಮಂಜುಳಾ ಮೆರೆಗ್ ಸೇವಾಶ್ರೀ ಪ್ರಶಸ್ತಿ, ಉದ್ಯಮಿ ಜೈ ಕೃಷ್ಣ ಕೋಟ್ಯಾನ್ ಮೆರೆಗ್ ಸೇವಾಶ್ರೀ ಪ್ರಶಸ್ತಿ, ರಜತ್ ಕುಮಾರ್ ಸಸಿಹಿತ್ಲು ಬೊಕ್ಕ ಕು.ಸಿಂಚನಾ ದಯಾನಂದ ಕಿನ್ನಿಗೋಳಿ ಮೊಕ್ಲೆಗ್ ಕಲಾಶ್ರೀ ಪ್ರಶಸ್ತಿ ಪ್ರದಾನ ಮಲ್ತೆರ್.

ದ.ಕ.ಜಿಲ್ಲಾ ಚುಟುಕು ಸಾಹಿತ್ಯ ಅಧ್ಯಕ್ಷೆರ್ ಹರೀಶ್ ಸುಲಾಯ ಒಡ್ಡಂಬೆಟ್ಟು ಲೇಸ್ ಗುರ್ಕಾರ್ಮೆ ಒಯಿಸ್ ದಿತ್ತೆರ್.

ಮಲ್ಲ ಬಿನ್ನೆರಾದ್ ಸಮಾಜಸೇವಕಿ ಶಾಂಭವಿ ಶೆಟ್ಟಿ ನಿಡ್ಡೋಡಿ, ಮೂಲ್ಕಿ ಅರಮನೆತ್ತ ಗೌತಮ ಜೈನ್,ಮುಲ್ಕಿ ರೋಟರಿ ಕ್ಲಬ್ ಮಾಜಿ ಅಧ್ಯಕ್ಷೆರ್ ಶಿವರಾಮ್ ಜಿ. ಅಮೀನ್, ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ ಗೌರವಾಧ್ಯಕ್ಷೆರ್ ಮೋಹನ್ ದಾಸ್ ಸುವರ್ಣ, ಅಧ್ಯಕ್ಷೆರ್ ಸಂತೋಷ್ ದೇವಾಡಿಗ, ಮಹಿಳಾ ಕಾರ್ಯಕಾರಿ ಸಮಿತಿದ ಅಧ್ಯಕ್ಷೆರ್ ಶೋಭಾ ವಿ ಅಂಚನ್ ಇತ್ತೆರ್.
ಈ ಪೊರ್ತುಡು ಕುಣಿಯೋಣ ಬನ್ನಿ, ಹಾಡೋಣ ಬನ್ನಿ 2023 ಪಂತೊದ ವಿಜೇತೆರೆಗ್ ಇನಾಮು ಪಟ್ಟಿಯೆರ್. ಅಂಚೆನೆ ಪ್ರತಿಭಾ ಪುರಸ್ಕಾರ ನಡತ್ಂಡ್.

ಯುಗಪುರುಷ ಪ್ರಧಾನ ಸಂಪಾದಕೆರ್ ಪ್ರಾಸ್ತಾವಿಕವಾದ್ ಪಾತೆರಿಯೆರ್. ಮುಲ್ಕಿ ತಾಲೂಕು ಚುಟುಕು ಸಾಹಿತ್ಯ ಪರಿಷತ್ ಅಧ್ಯಕ್ಷೆರ್ ನರೇಂದ್ರ ಕೆರೆಕಾಡು ಬಿನ್ನೆರೆನ್ ಎದ್ಕೊಂಡೆರ್. ಸುರೇಶ್ ಶೆಟ್ಟಿ ಲೇಸ್ ಸುಧಾರಿಕೆ ಮಲ್ತೆರ್. ನೆರ್ದ್ ದುಂಬು ವೈವಿಧ್ಯ ಕಾರ್ಯಕ್ರಮ ನಡತ್ಂಡ್. ಅವೆರ್ದ್ ಬೊಕ್ಕ ಬೇತೆ ಬೇತೆ ಬಾಷೆದ ಚುಟುಕು ಕಬಿ ಕೂಟ ನಡತ್ಂಡ್.

ಮುಲ್ಕಿ ತಾಲೂಕು ಚುಟುಕು ಸಾಹಿತ್ಯ ಪರಿಷತ್, ಯುಗಪುರುಷ ಕಿನ್ನಿಗೋಳಿ, ಜಿಲ್ಲಾ, ರಾಜ್ಯ, ಕರ್ನಾಟಕ ಸಾಹಿತ್ಯ ಅಕಾಡೆಮಿ ಅಂಚೆನೆ ದಕ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆತಿನ ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ ಒಟ್ಟುಸೇರಿಗೆಡ್ ಈ ಲೇಸ್ ನಡತ್ಂಡ್.

ಅಪ್ಪೆನ ಜಕ್ಕೆಲ್ ರ್ದ್ ಧರ್ಮದ ಬೋಧನೆ ಸುರು ಆವೊಡು : ಡಾ.ವೈ.ಎನ್.ಶೆಟ್ಟಿ

ಅತ್ತೂರು ಅರಸು ಕುಂಜಿರಾಯ ದೈವಸ್ಥಾನದ ಬ್ರಹ್ಮಕಲಶ ಉಚ್ಚಯದ ರಡ್ಡನೇ ದಿನತ್ತ ಧರ್ಮ ಸಭೆ

ಕಿನ್ನಿಗೋಳಿ : ಹಿಂದೂ ಧರ್ಮ ಇತ್ತೆದ ಜೋಕುಲೆಗ್ ಸರಿಯಾದ್ ಮುಟ್ಟೊಂದಿಜ್ಜಿ. ಗುರುಕುಲ ಪದ್ದತಿ ಪೋಯಿ ಬೊಕ್ಕ ಅವು ನಮ್ಮ ಜೋಕುಲೆರ್ದ್ ದೂರ ಆವೊಂದುಂಡು.ಅಂಚಾದ್ ಅಪ್ಪೆನ ಜಕ್ಕೆಲ್ ರ್ದ್ ಧರ್ಮದ ಬೋಧನೆ ಸುರು ಆವೊಡು. ಧಾರ್ಮಿಕ ಆಚರಣೆ, ಧರ್ಮಸಭೆಕ್ಕ್ ಇಲ್ಲದಕುಲು ಜೋಕುಲೆನ್ ಲೆತೊಂದು ಪೋವೊಡು.ಇಜ್ಜಿಂಡ ಜೋಕುಲೆಗ್ ಧರ್ಮದ ಪೊಲಬು ಆಪುಜಿ ಪಂದ್ ಡಾ. ವೈ.ಎನ್. ಶೆಟ್ಟಿ ಮೇರ್ ಪಂಡೆರ್.

ಆರ್ ಅತ್ತೂರು ಶ್ರೀ ಅರಸು ಕುಂಜಿರಾಯ ದೈವಸ್ಥಾನದ ಬ್ರಹ್ಮಕಲಶ ಉಚ್ಚಯದ ರಡ್ಡನೇ ದಿನತ್ತ ಧರ್ಮ ಸಭೆಟ್ಟ್ “ಧಾರ್ಮಿಕ ಪರಂಪರೆ” ಪನ್ಪಿನ ಉಪನ್ಯಾಸ ಮಲ್ತ್ ಪಾತೆರಿಯೆರ್.

ಗುರುಪುರ ವಜ್ರದೇಹಿ ಮಠತ್ತ ಶ್ರೀ ರಾಜಶೇಖರಾನಂದ ಸ್ವಾಮೀಜಿ ಆಶೀರ್ವಚನ ಮಲ್ತ್‌ದ್, ದೈವದ ಕೊಡಿ ಅಡಿಟ್ಟ್ ದೈವೊನು ಮುಕ್ಕಾಲ್ ಮೂಜಿ ಗಳಿಗೆ ಉಂಡು ಮಲ್ಪೊಡ್ಡ ಆಕಾಶ ಬೊಕ್ಕ ಭೂಮಿನ್ ಸಂಪರ್ಕ ಮಲ್ಪೊಡಾಪುಂಡು. ಪದಿನಾಜಿ ಕಟ್ಲೆಡ್ ದೈವೊಲೆನ್ ಅನುಸಂಧಾನ ಮಲ್ಪೊಡು ಪನ್ಪಿನವು ಸಂಪ್ರದಾಯ.ಅಪಗಾಂಡ ಮುಕ್ಕಾಲ್ ಮೂಜಿ ಗಳಿಗೆ ಪಂಡ ಏತ್ ಪಂದ್ ನಮ ಲೆಕ್ಕ ಪಾಡುವ. ಮುಕ್ಕಾಲ್ ಮೂಜಿ ಗಳಿಗೆ ಪಂಡ ಸೂರ್ಯೆ ಉದಯ ಆದ್ ಕಂತ್ ದ್ ಬೊಕ್ಕ ಚಂದ್ರೆ ಉದಿಪುನ ಪೊರ್ತು ಪಂದ್ ಪಂಡೆರ್.

ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ದ ಅನುವಂಶಿಕ ಮೊಕ್ತೇಸರೆರ್ ಹರಿನಾರಾಯಣ ಅಸ್ರಣ್ಣೆರ್ ಆಶೀರ್ವಚನ ಮಲ್ತ್ ದ್, ಭಕ್ತೆರ್ ದೇವೆರೆಗ್ ಸೇವೆ, ಪರಕೆ ಕೊರ್ಪಿನವು ಪಂಡ ಲಂಚ ಕೊರ್ಪಿನತ್ತ್. ಆಟ ಆವಡ್ ಕೋಲ ಪರಕೆ ಪಂಡ ಅವೆನ್ ಸಂದಾವರೆ ದಿನೋಲ ದೇವೆರೆನ್ ನಮ ನೆಂಪು ಮಲ್ಪುವ. ಅವು ನಮಡ ದೇವೆರ್ , ಧರ್ಮದ ಪಾಲನೆ ಆಚರಣೆ ಮಲ್ಪುವ ಪಂದ್ ಪಂಡೆರ್.

ಈ ಪೊರ್ತುಡು ತುಳುನಾಡ್ ದ 16 ಜನ ಗಡಿ ಪತ್ತಿನಕುಲು, ಗುತ್ತಿನಾರ್ ನಕುಲು ,ಮುಕ್ಕಾಲ್ದಿನಕಲೆಗ್ ಮಾನಾದಿಗೆ ಮಲ್ತೆರ್. ಅಂಚೆನೆ ಜಾರಿಗೆಕಟ್ಟೆ ಶ್ರೀ ಕೊರಗಜ್ಜ ಕ್ಷೇತ್ರದ ಮೊಕ್ತೇಸರೆರ್ ದಿವಾಕರ ಪೂಜಾರಿ ಮೆರೆಗ್ಲಾ ಮಾನಾದಿಗೆ ನಡತ್ಂಡ್.

ಮಿತ್ತರ್ಮೆಡ್ ಮಲ್ಲ ಬಿನ್ನೆರಾದ್ ದ.ಕ ಜಿಲ್ಲಾ ಹಾಲು ಉತ್ಪಾದಕರ ಒಕ್ಕೂಟದ ಅಧ್ಯಕ್ಷೆರ್ ಕೆ. ಪಿ. ಸುಚರಿತ ಶೆಟ್ಟಿ, ಧಾರ್ಮಿಕ ಪರಿಷತ್ ಸದಸ್ಯೆರ್ ಭುವನಾಭಿರಾಮ ಉಡುಪ, ಕಟೀಲು ಶ್ರೀ ದುರ್ಗಾಪರಮೇಶ್ವರಿ ಯಕ್ಷಗಾನ 6 ಮೇಳದ ಸಂಚಾಲಕೆರ್ ಕಲ್ಲಾಡಿ ದೇವಿ ಪ್ರಸಾದ್ ಶೆಟ್ಟಿ, ಪುನರೂರು ಪ್ರತಿಷ್ಠಾನ ಅಧ್ಯಕ್ಷೆರ್ ದೇವಪ್ರಸಾದ್ ಪುನರೂರು, ಜಿಲ್ಲಾಪಂಚಾಯತ್ ಮಾಜಿ ಸದಸ್ಯೆರ್ ಈಶ್ವರ ಕಟೀಲ್, ಶ್ರೀ ಹರಿಪಾದ ಜಾರಂದಾಯ ದೈವಸ್ಥಾನದ ಅನುವಂಶೀಯ ಆಡಳಿತ ಮೊಕ್ತೇಸರೆರ್ ಪ್ರಕಾಶ್ ಶೆಟ್ಟಿ ನಲ್ಯಗುತ್ತು,
ಮಾನಂಪಾಡಿ ಶ್ರೀ ವೀರಭದ್ರ ದೇವಸ್ಥಾನದ ಪುರಂದರ ಡಿ. ಶೆಟ್ಟಿಗಾರ್, ಅರಸು ಕುಂಜಿರಾಯ ದೈವಸ್ಥಾನದ ಟ್ರಸ್ಟ್ ಅಧ್ಯಕ್ಷೆರ್ ದೇವಿ ಪ್ರಸಾದ್ ಶೆಟ್ಟಿ , ಬಂಟರ ಸಂಘ ಮುಲ್ಕಿ ಅಧ್ಯಕ್ಷೆರ್ ಪುರುಷೋತ್ತಮ ಶೆಟ್ಟಿ, ಕಿಲೆಂಜೂರು ಶ್ರಿ ಸರಳ ಜುಮಾದಿ ದೈವಸ್ಥಾನದ ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಡಾ.ವಿಶ್ವನಾಥ ಶೆಟ್ಟಿ ಕುಡ್ತಿಮಾರ್ ಗುತ್ತು, ಉದ್ಯಮಿ ಜಿತೇಂದ್ರ ಕೊಟ್ಟಾರಿ ಮೊಕುಲು ಇತ್ತೆರ್.

ಪ್ರಸನ್ನ ಶೆಟ್ಟಿ ಅತ್ತೂರು ಗುತ್ತು ಬಿನ್ನೆರೆನ್ ಎದ್ಕೊಂಡೆರ್. ಅರಸು ಕುಂಜಿರಾಯ ದೈವಸ್ಥಾನದ ಆಡಳಿತ ಸಮಿತಿದ ಅಧ್ಯಕ್ಷೆರ್ ಚರಣ್ ಶೆಟ್ಟಿ ಕುಳಾಯಿಗುತ್ತು ಪ್ರಸ್ತಾವಿಕವಾದ್ ಪಾತೆರಿಯೆರ್.

ಅವೆರ್ದ್ ಬೊಕ್ಕ ಎಕ್ಕಾರ್ ವಿಜಯ ಸಂಗಮ ಮೊಕ್ಲೆರ್ದ್ “ನಮ ನಮ್ಮಾತಿಗೆ” ತುಳು ನಾಟಕ ನಡತ್ಂಡ್.

ಖಂಡಿಗೆ ಬೂಡು ಗಡಿಪ್ರಧಾನೆರ್ ಆದಿತ್ಯ ಮುಕ್ಕಾಲ್ದಿ ಮೆರೆಗ್ ಅಭಿನಂದನಾ ಲೇಸ್ ಅಟ್ಟಣೆದ ಸಭೆ

ಸುರತ್ಕಲ್: ಚೇಳಾಯಿರು ಖಂಡಿಗೆ ಬೂಡು ಧರ್ಮರಸು ಶ್ರೀ ಉಳ್ಳಾಯ ದೈವೊಲ್ಯದ ಗಡಿಪ್ರಧಾನೆರಾಯಿನ ಆದಿತ್ಯ ಮುಕ್ಕಾಲ್ದಿ ಮೇರ್ ಗಡಿ ಪ್ರಧಾನೆರಾದ್ 30 ವರ್ಷೊ ಆಂಡ್. ಈ ಬಗೆಟ್ ಆರೆಗ್ ಸಾರ್ವಜನಿಕ ಅಭಿನಂದನಾ ಲೇಸ್ ಮೇ ತಿಂಗೊಲ್ಡ್ ನಡಪರೆ ನಿರ್ಧಾರ ಮಲ್ದೆರ್.

ಖಂಡಿಗೆ ಬೂಡುಡು ನಡತಿನ ಸಭೆಟ್ ಅಭಿನಂದನೆ ಸಮಿತಿ ಗೌರವಾಧ್ಯಕ್ಷೆರ್ ಬೊಕ್ಕ ಕರ್ನಾಟಕ ಸರಕಾರದ ವಿಧಾನ ಪರಿಷತ್ ಸದಸ್ಯೆರ್ ಭಾರತಿ ಶೆಟ್ಟಿ ಮೇರ್ ಅಟ್ಟಣೆದ ಸಭೆಟ್ಟ್ ಪಾಲ್ ಪಡೆದ್ ಪೊಲಬು ಕೊರಿಯೆರ್. ಅಭಿನಂದನೆ ಸಮಿತಿದ ಅಧ್ಯಕ್ಷೆರ್ ಕರುಣಾಕರ ಶೆಟ್ಟಿ ಪಣಿಯೂರು ಮೇರ್ ಪಾತೆರ್ದ್, ಅಭಿನಂದನಾ ಸಮಿತಿ ದೆತೊನ್ನ ನಿರ್ಣಯದ ಬಗೆಟ್ ಪೊಲಬು ಕೊರಿಯೆರ್. ಈ ಪೊರ್ತುಡು ಗಡಿ ಪ್ರಧಾನೆರ್ ಆದಿತ್ಯ ಮುಕ್ಕಾಲ್ದಿ, ದೈವೊಲ್ಯದ ಆಡಳಿತ ಸಮಿತಿದ ಗೌರವಾಧ್ಯಕ್ಷೆರ್ ಉದಯಕುಮಾರ್ ಶೆಟ್ಟಿ, ಅಧ್ಯಕ್ಷೆರ್ ದಯಾನಂದ ಶೆಟ್ಟಿ ಖಂಡಿಗೆ, ವಿಶುಕುಮಾರ್ ಪಡ್ಡೆದ್ರ ಸಮಿತಿ ಕಾರ್ಯ ದರ್ಶಿ ಉದಯಕುಮಾರ್ ಶೆಟ್ಟಿ ಚೇಳಾಯಿರು, ಉಲ್ಲಾಸ್ ಆರ್ ಶೆಟ್ಟಿ ಪೆರ್ಮುದೆ ಮೊಕುಲು ಮಾತ ಇತ್ತೆರ್.

ಮಾ.28: ಕಲಾಭಿ ಥಿಯೇಟರ್ ಡ್ ಪುರ್ಸನ ಪುಗ್ಗೆ ಪ್ರದರ್ಶನ

ಕುಡ್ಲ: ಕಲಾಭಿ ಥಿಯೇಟರ್ ಕುಡ್ಲಡ್ ಸುರುತ ಸರ್ತಿ ಬುನ್ರಾಕು ಗೊಂಬೆಯಾಟ ಕಾರ್ಯಾಗಾರದ ಕಲಿಕಾ ಪ್ರಸುತ್ತಿ ಪುರ್ಸನ ಪುಗ್ಗೆ ಪ್ರದರ್ಶನ ಶ್ರವಣ್ ಹೆಗ್ಗೋಡು ಮೆರೆನ ನಿರ್ದೇಶನಡ್ ಮಾ.28 ಬಯ್ಯಗ್ 6.30 ಕ್ಕ್ ಕುಡ್ಲದ ಮಾಲೆಮಾರ್ ಕಲಾಭಿ ಥಿಯೇಟರ್ ಡ್ ನಡಪರೆ ಉಂಡು.

ಕರ್ನಾಟಕದ ಪುಗರ್ತೆದ ಆಧುನಿಕ ಬೊಂಬೆಯಾಟಗಾರೆ ಶ್ರವಣ್ ಹೆಗ್ಗೋಡು ಮೆರೆನ ಮಾರ್ಗದರ್ಶನಡ್ ಮಾ.10 ರ್ದ್ ಸುರು ಆದ್ 20 ದಿನ ಮುಟ್ಟ ನಡತಿನ ಬೊಂಬೆಯಾಟ ಕಾರ್ಯಾಗಾರಡ್ ಅವಿನಾಶ್ ರೈ, ಚೇತನ್ ಕೊಪ್ಪ, ಅಕ್ಷತಾ ಕುಡ್ಲ, ಉಜ್ವಲ್ ಯು.ವಿ, ಭುವನ್ ಮಣಿಪಾಲ್, ಗಣೇಶ್ ಕೆ.ವಿ, ಕಾರ್ತಿಕ್ ಸನಿಲ್, ಉದಿತ್ ಯು.ವಿ, ಅಭಿಷೇಕ್ ಬಿ.ಎಚ್, ಪಾಲ್ ಪಡೆತೆರ್. ಮುಲ್ಪ ಬನ್ರಾಕು ಗೊಂಬೆಯಾಟದ ಸಾಧ್ಯತೆಲೆನ್ ಅನ್ವೇಷಣೆ ಮಲ್ಪುನ ಪ್ರಯತ್ನಯೊಂಜಿ ನಡತ್ಂಡ್. ನನ ಮಾ.28 ಕ್ಕ್ ಕಲಾಭಿ ಥಿಯೇಟರ್ ಡ್ ಸಾರ್ವಜನಿಕೆರಾದ್ ನೆತ್ತ ಡೆಮೊ ಪ್ರದರ್ಶನದೊಟ್ಟಿಗೆ ಕಾರ್ಯಾಗಾರ ಮುಗಿವುಂಡು. ಮುಲ್ಪ ಗೊಂಬೆಲು ನಿಕಲೆಗ್ ವಾಸ್ತವಿಕ ರೀತಿಡ್ ಕಥೆನ್ ಪನ್ಪುಂಡು. ಈ ಲೇಸ್ ನಿಕುಲು ಮಾತ ಬತ್ತ್ ದ್, ತೂದು ಈ ಅನುಭವನ್ ಆನಂದಿಸಾದ್ ಬೇತೆ ಅಕ್ಲೆಗ್ಲಾ ತೆರಿಪಾವೊಡು ಪಂದ್ ಕಲಾಭಿದ ಕಾರ್ಯದರ್ಶಿ ಉಜ್ವಲ್ ಯುವಿ ಪ್ರತಿಕಾ ಪ್ರಕಟಣೆಡ್ ತೆರಿಪಾದೆರ್.

Heavy rains likely in the state in the next three days!! ಇನಿರ್ದ್ ಮೂಜಿ ದಿನ ರಾಜ್ಯಡ್ ಭಾರೀ ಬರ್ಸ ಬರ್ಪುನ ಅಂದಾಜಿ

ಭಾರೀ ದೊಂಬುದ ನಡುಟ್ಲಾ ರಾಜ್ಯಡ್ ಇನಿರ್ದ್ ಮೂಜಿ ದಿನ (ಮಾ.27) ಮುಟ್ಟ ತೆಡಿಲ್ ಬರ್ಸ ಬರ್ಪುನ ಅಂದಾಜಿ ಉಂಡು ಪಂದ್ ರಾಜ್ಯ ಹವಾಮಾನ ಇಲಾಖೆ ಮುನ್ಸೂಚನೆ ಕೊರ್ತುಂಡು.

ಬೆಂಗ್ಲೂರ್, ಬೆಂ.ಗ್ರಾಮಾಂತರ, ಚಾಮರಾಜನಗರ ಚಿಕ್ಕಬಳ್ಳಾಪುರ, ಕೋಲಾರ, ಮೈಸೂರ್, ರಾಮನಗರ, ಕೊಡಗು, ಕುಡ್ಲ, ಬೀದರ್, ಕಲಬುರಗಿಡ್ ಬರ್ಸ ಬರ್ಪುಂಡು ಪಂದ್ ಪಂತ್ಂಡ್.

1.3 crore rupees worth gold being smuggled has been confiscated ಕಲ್ವ ತಾದಿಡ್ ಕೊನೊಂದು ಇತ್ತಿನ 1.3 ಕೋಟಿ ರೂ. ದ ಬಂಗಾರ್ ಪತ್ತೆ

ಕುಂಬಳೆ: ಕಲ್ಲಿಕೋಟೆದ ಕರಿಪ್ಪೂರ್‌ ಇಮಾನ ನಿಲ್ದಾಣಡ್ 1.3 ಕೋಟಿ ರೂ. ದ ಬಂಗಾರ್ ನ್ ಕಲ್ವ ತಾದಿಡ್ ಕೊನೊಂದು ಇತ್ತಿನ, ಗಲ್ಫ್ ರ್ದ್ ಬತ್ತಿನ ಮೂಜಿ ಜನನ್ ಕಸ್ಟಮ್‌ ಅಧಿಕಾರಿಲು ಅರೆಸ್ಟ್ ಮಲ್ತಿನ ಘಟನೆ ನಡತ್ಂಡ್.

ಅರೆಸ್ಟ್ ಆಯಿನ ಆರೋಪಿಲು ಕಾಸ್ರೋಡುದ ಅಬ್ದುಲ್‌ ಸಲಾಂ (43), ಮಲಪ್ಪುರಂ ಮೋನವುದ್‌ ನೂರುದ್ದಿನ್‌ (24) ಬೊಕ್ಕ ಕಲ್ಲಿಕೋಟೆದ ಹುಸೈನ್‌ (35) ಪಂದ್ ತೆರಿದ್ ಬೈದ್ಂಡ್. ಮೊಕ್ಲೆನ್ ಅಧಿಕಾರಿಲು ವಿಚಾರಣೆ ನಡಪಾವೊಂದು ಉಲ್ಲೆರ್.

1.3 crore rupees worth gold being smuggled has been confiscated

Kumble: About 1.3 crore worth gold being smuggled at Calicut airport by three persons arriving from the gulf countries was confiscated by the customs authorities and the persons have been arrested.

Rampa character of the film Kantara gets Chitrasante film Award-2023 ಕಾಂತಾರದ ರಾಂಪ ಪಾತ್ರಧಾರಿಗ್ ಚಿತ್ರಸಂತೆ ಫಿಲಂ ಅವಾರ್ಡ್-2023

ಬೆಂಗ್ಲೂರ್ ಡ್ ನಡತಿನ ಅವಾರ್ಡ್ ಫಂಕ್ಷನ್‌ ಡ್ ಕಾಂತಾರ ಪಿಕ್ಚರ್ ದ ರಾಂಪ ಪಾತ್ರಧಾರಿ ಖ್ಯಾತಿದ, ಪ್ರಕಾಶ್ ತೂಮಿನಾಡ್ ಮೆರೆಗ್ ಚಿತ್ರಸಂತೆ ಫಿಲ್ಮ್ ಅವಾರ್ಡ್-2023 ತಿಕ್ ದ್ಂಡ್.

ಮೇರ್ ತುಳು ಬೊಕ್ಕ ಕನ್ನಡ ಪಿಕ್ಚರ್ ಡ್ ಸಕ್ರಿಯವಾದ್ ಪೋಷಕೆ ನಟೆ ಬೊಕ್ಕ ಹಾಸ್ಯ ನಟೆಯಾದ್ ಅಭಿನಯ ಮಲ್ದೆರ್. ಅತ್ತಂದೆ ಜಗತ್ತ್ ಡೇ ಪುಗರ್ತೆ ಪಡೆಯಿನ ಕಾಂತಾರ ಪಿಕ್ಚರ್ ಡ್ ರಾಂಪ ಪಾತ್ರಧಾರಿ ಆದ್ ಮಾತೆರ್ನಲ ಮನಸ್ ಗೆಂದ್ ದೆರ್.

Rampa character of the film Kantara gets Chitrasante film Award-2023

At the awards function in Bangalore Prakash Thuminad who played the part of the much loved character of Rampa bagged the Chitrasante Film Awards 2023.

He is active in Tulu and Kannada films playing humerous and sidekick roles.