ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 47ನೇ ಸಂಚಿಕೆ ಮಾ.25 ಸನಿಯಾರ ಬಯ್ಯಗ್ 4.30ಕ್ಕ್ ಪ್ರಸಾರ ಆಂಡ್.
ಈ ಲೇಸ್ ಡ್ ಸಾಹಿತ್ಯಾಸಕ್ತೆರ್ ಯಶೋದ ಗಾಣಿಗ ಮೊಗೆಬೆಟ್ಟು ಪಾಲ್ ಪಡೆಯೆರೆ ಉಲ್ಲೆರ್. ಮಾ.26 ಮಧ್ಯಾಹ್ನ 12.30ಕ್ಕ್ ಮರುಪ್ರಸಾರ ಆಪುಂಡು.
80 ಅಡಿತ್ತ ಗುವೆಲ್ ಗ್ ಬೂರ್ನ ಜನನ್ ಸಿಂದಗಿ ಅಗ್ನಿ ಶಾಮಕದಳತ್ತ ಸಿಬ್ಬಂದಿಲು ಬಚಾವ್ ಮಲ್ತಿನ ಘಟನೆ ವಿಜಯ ಸಿಂದಗಿ ಪಟ್ಟಣಡ್ ಸನಿಯಾರ ನಡತ್ಂಡ್.
ಅಸ್ಲಂ ಮೌಲಾಸಾಹೇಬ್ ನದಾಫ್ ಬಚಾವ್ ಆಯಿನ ಜನ. ಮೇರ್ ಕಾರ್ ಜಾರ್ದ್ ಗುವೆಲ್ ಗ್ ಬೂರ್ದಿತ್ತೆರ್.
Firefighters resuce a person fallen into a 80 feet crevasse
Aslam Maulasaheb had accidentally fallen into a crevassse that was 80 feet deep at Sindagi town. Firefighters were successful in rescuing him.
ಪುತ್ತೂರ್: ಸುಳ್ಯದ ಗಾಂಧಿನಗರ ಕೈತಲ್ ದ ಪಿಎಫ್ಐ ಕಚೇರಿನ್ ಜಪ್ತಿ ಮಲ್ಪರೆ ರಾಷ್ಟ್ರೀಯ ತನಿಖಾದಳ (ಎನ್ಐಎ) ನೋಟೀಸ್ ಜಾರಿ ಮಲ್ದ್ಂಡ್.
ಪ್ರವೀಣ್ ನೆಟ್ಟಾರ್ ನ್ ಕೆರಿನ ಕೇಸ್ ಸೇರಿನಂಚನೆ ಭಾರತದ ಏಕತೆ, ಸಮಗ್ರತೆ, ಭದ್ರತೆ ಗ್ ಧಕ್ಕೆ ಕನಯೆರೆ ಪ್ರಯತ್ನ ಮಲ್ತೊಂದು ಇಪ್ಪುನ ಆರೋಪದಡಿಟ್ಟ್ ಈ ಕಚೇರಿಗ್ ನೋಟೀಸ್ ಜಾರಿ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.
NIA issues notice to confiscate the office of PFI at Sullia
Puttur: The NIA has issued notice to confiscate the office of the PFI at Sullia on accusations of it trying to cause unrest and causing harm to the internal security of the country.
ಭಾರೀ ಸುಂಟರಗಾಳಿಗ್ 10 ಜನಕ್ಕ್ ಪೆಟ್ಟಾಯಿನ ಘಟನೆ ಪಂಜಾಬ್ದ ಫಜಿಲ್ಕಾ ಜಿಲ್ಲೆದ ಬುಕೈನ್ವಾಲಾ ಗ್ರಾಮಡ್ ಸುಕ್ರಾರ ಬಯ್ಯಗ್ 4 ಗಂಟೆಗ್ ನಡತ್ಂಡ್.
ಅತ್ತಂದೆ ಸುಮಾರ್ 50 ಇಲ್ಲ್ ಗ್ ಹಾನಿ ಆತ್ಂಡ್ ಪಂದ್ ಫಾಜಿಲ್ಕಾ ಉಪ ಆಯುಕ್ತೆರ್ ಸೇನು ದುಗ್ಗಲ್ ತೆರಿಪಾದೆರ್. ನೆಟ್ಟ್ ಪೆಟ್ಟಾಯಿನ ರಡ್ಡ್ ಜನನ್ ಫರೀದ್ಕೋಟ್ ವೈದ್ಯಕೀಯ ಕಾಲೇಜ್ ಗ್ ದಾಖಲ್ ಮಲ್ದೆರ್. ಒರಿನಕುಲೆನ್ ಅಬೋಹರ್ ಸಿವಿಲ್ ಆಸ್ಪತ್ರೆಗ್ ಸೇರ್ಸಾದೆರ್ ಪಂದ್ ತೆರಿದ್ ಬೈದ್ಂಡ್. ಈ ಘಟನೆದ ವೀಡಿಯೊ ಸಾಮಾಜಿಕ ಜಾಲತಾಣಡ್ ವೈರಲ್ ಆತ್ಂಡ್.
Whirlwind in Punjab -10 persons injured
Whirlwind in Fazilka district region of Punjab injured more than 10 persons .More than 50 houses were damaged in the winds. The video of the whirlwind has gone viral on social media.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಪುರಾಣಾಮೃತ- ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 88ನೇ ಸಂಚಿಕೆ ಮಾ.25 ಸನಿಯಾರ ಬಯ್ಯಗ್ 4.15ಕ್ಕ್ ಪ್ರಸಾರ ಆಂಡ್.
ಈ ಲೇಸ್ ಡ್ ಉಪನ್ಯಾಸಕೆರ್ ಮುಂಡಾಜೆ ಕುಮಾರೇಶ್ವರ ಭಟ್ ಪಾಲ್ ಪಡೆಯೆರೆ ಉಲ್ಲೆರ್. ನನ ಮಾ.26 ಮಧ್ಯಾಹ್ನ 12.15ಕ್ಕ್ ಮರುಪ್ರಸಾರ ಆಪುಂಡು.
ಕುಡ್ಲ: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ಪುತ್ತೂರ್ ಬಸ್ ಸ್ಯಾಂಡ್ ಗ್ ‘ಕೋಟಿ-ಚೆನ್ನಯ’ ಪುದರ್ ದೀಪುನ ಲೇಸ್ (ಮಾ.26) ಎಲ್ಲೆ ಬೊಲ್ಪುಗು 10 ಗಂಟೆಗ್ ಬಸ್ ಸ್ಯಾಂಡ್ ಡ್ ನಡಪರೆ ಉಂಡು.
ಸಾರಿಗೆ ಬೊಕ್ಕ ಪರಿಶಿಷ್ಟ ಪಂಗಡಲೆನ ಕಲ್ಯಾಣ ಸಚಿವೆರ್ ಬಿ ಶ್ರೀರಾಮುಲು ಪುದರ್ ಪಲವೆನ್ ಉದಿಪನ ಮಲ್ಪುವೆರ್. ಜಿಲ್ಲಾ ಉಸ್ತುವಾರಿ ಸಚಿವೆರ್ ವಿ. ಸುನಿಲ್ ಕುಮಾರ್ ತುಡರ್ ಅರ್ಲಾವೆರ್. ಮೀನುಗಾರಿಕೆ, ಬಂದರು ಬೊಕ್ಕ ಒಳನಾಡು ಜಲ ಸಾರಿಗೆ ಇಲಾಖೆ ಸಚಿವೆರ್ ಎಸ್. ಅಂಗಾರ, ಸಮಾಜ ಕಲ್ಯಾಣ ಬೊಕ್ಕ ಹಿಂದುಳಿದ ವರ್ಗಲೆನ ಕಲ್ಯಾಣ ಇಲಾಖೆ ಸಚಿವೆರ್ ಕೋಟ ಶ್ರೀನಿವಾಸ್ ಪೂಜಾರಿ, ಬೊಕ್ಕ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ನಿಗಮದ ಅಧ್ಯಕ್ಷೆರ್ ಎಂ. ಚಂದ್ರಪ್ಪ ಗೌರವ ಉಪಸ್ಥಿತಿಡ್ ಉಲ್ಲೆರ್. ಈ ಲೇಸ್ ದ ಗುರ್ಕಾರ್ಮೆನ್ ಪುತ್ತೂರ್ ಶಾಸಕೆರ್ ಸಂಜೀವ ಮಠಂದೂರು ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್, ರಾಜ್ಯಸಭೆ ಸದಸ್ಯೆರ್ ಡಾ| ಡಿ. ವೀರೇಂದ್ರ ಹೆಗ್ಗಡೆ, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ತಿಮ್ಮಪ್ಪ ಶೆಟ್ಟಿ, ಶಾಸಕೆರ್ ಯು.ಟಿ. ಖಾದರ್, ಡಾ.ಭರತ್ ಶೆಟ್ಟಿ ವೈ, ಹರೀಶ್ ಪೂಂಜ, ರಾಜೇಶ್ ನಾಯ್ಕ್ ಯು, ಡಿ. ವೇದವ್ಯಾಸ ಕಾಮತ್, ಉಮಾನಾಥ ಎ. ಕೋಟ್ಯಾನ್, ಪರಿಷತ್ ಶಾಸಕೆರ್ ಬಿ.ಎಂ. ಫಾರೂಕ್, ಕೆ. ಹರೀಶ್ ಕುಮಾರ್, ಆಯನೂರು ಮಂಜುನಾಥ, ಎಸ್.ಎಲ್. ಭೋಜೇಗೌಡ, ಕೆ. ಪ್ರತಾಪ್ ಸಿಂಹ ನಾಯಕ್, ಮಂಜುನಾಥ ಭಂಡಾರಿ, ರಾಜ್ಯ ವಿದ್ಯುನ್ಮಾನ ಅಭಿವೃದ್ಧಿ ನಿಗಮದ ಅಧ್ಯಕ್ಷೆರ್ ಹರಿಕೃಷ್ಣ ಬಂಟ್ವಾಳ, ಮೀನುಗಾರಿಕೆ ಅಭಿವೃದ್ಧಿ ನಿಗಮದ ಅಧ್ಯಕ್ಷೆರ್ ಎ.ವಿ. ತೀರ್ಥರಾಮ, ಪುತ್ತೂರ್ ನಗರಸಭೆ ಅಧ್ಯಕ್ಷೆರ್ ಜೀವಂಧರ್ ಜೈನ್, ಪುತ್ತೂರ್ ನಗರಾಭಿವೃದ್ಧಿ ಯೋಜನಾ ಪ್ರಾಧಿಕಾರದ ಅಧ್ಯಕ್ಷೆರ್ ಭಾಮಿ ಅಶೋಕ್ ಶೆಣೈ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.
Puttur Bus stand to be named after Koti Chennaya tomorrow
Mangalore: The KSRTC bus stand will be named after Koti Chennaya on March 26 th. B Ramlu minister for transport and backward classes will inaugurate the name plate.
ಕುಡ್ಲ: ಕರ್ನಾಟಕ ವಿಧಾನಸಭೆತ್ತ ಚುನಾವಣೆಗ್ ಕಾಂಗ್ರೆಸ್ ಪಕ್ಷದ ದಕ್ಷಿಣ ಕನ್ನಡ ಜಿಲ್ಲೆದ ಅಭ್ಯರ್ಥಿಲೆನ ಪಟ್ಟಿ ಬುಡುಗಡೆ ಆತ್ಂಡ್.
ಕುಡ್ಲ ಕ್ಷೇತ್ರರ್ದ್ ಯು.ಟಿ. ಖಾದರ್, ಸುಳ್ಯರ್ದ್ ಕೃಷ್ಣಪ್ಪ.ಜಿ, ಬಂಟ್ವಾಳರ್ದ್ ರಮಾನಾಥ ರೈ, ಬೆದ್ರ ಕ್ಷೇತ್ರರ್ದ್ ಮಿಥುನ್ ರೈ, ಬೊಲ್ತೇರ್ರ್ದ್ ರಕ್ಷಿತ್ ಶಿವರಾಮ್ ಮೆರೆಗ್ ಟಿಕೆಟ್ ಕೊರ್ತೆರ್. ಪುತ್ತೂರ್, ಕುಡ್ಲ ದಕ್ಷಿಣ ಬೊಕ್ಕ ಕುಡ್ಲ ಉತ್ತರದ ಆಭ್ಯರ್ಥಿಲೆನ್ ಈ ಪಟ್ಟಿಡ್ ಬುಡುಗಡೆ ಮಲ್ತಿಜೆರ್.
ಒಡಿಪು ಜಿಲ್ಲೆದ ಮೂಜಿ ಕ್ಷೇತ್ರದ ಆಭ್ಯರ್ಥಿಲೆನ ಪಟ್ಟಿ ಬುಡುಗಡೆ ಮಲ್ತ್ದೆರ್. ಕಾಪು ಕ್ಷೇತ್ರಡ್ ವಿಜಯ್ ಕುಮಾರ್ ಸೊರಕೆ, ಕುಂದಾಪುರಟ್ಟ್ ಎಮ್.ದಿನೇಶ್ ಶೆಟ್ಟಿ ಬೊಕ್ಕ ಬೈಂದೂರ್ಡ್ ಗೋಪಾಲ್ ಪೂಜಾರಿ ಅರೆಗ್ ಟಿಕೆಟ್ ತಿಕ್ಕ್ದ್ಂಡ್.
ಕಾರ್ಲ: ನಂದಳಿಕೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಆಯನ ಉಚ್ಚಯ, ಸಿರಿಜಾತ್ರೆ ಬೊಕ್ಕ ರಾಶಿಪೂಜೆ ಉಚ್ಚಯ ಎ.6 ಗುರುವಾರ ನಡಪರೆ ಉಂಡು.
ಎ.4 ಅಂಗಾರೆ ಮಧ್ಯಾಹ್ನ 1 ಗಂಟೆರ್ದ್ ಕೆದಿಂಜ ಮೂಲಸ್ಥಾನ ಮುಜಲೊಟ್ಟು, ಶ್ರೀ ಉರಿಬ್ರಹ್ಮ ಸನ್ನಿಧಿರ್ದ್ ಪುದೆಕಾಣಿಕೆ, ಫಲಕಾಣಿಕೆದ ಮೆರವಣಿಗೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ನಂದಿಕೆ ಚಾವಡಿ ಅರಮನೆತ್ತ ಸುಹಾಸ್ ಹೆಗ್ಡೆ, ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಯನ್. ಸುಂದರರಾಮ ಹೆಗ್ಡೆ ಲೆಪ್ಪೋಲೆಡ್ ತೆರಿಪಾದೆರ್.
ಶ್ರೀಲಂಕಾ: ತೆತ್ತಿದ ಕೊರತೆನ್ ಕಮ್ಮಿ ಮಲ್ಪರೆ ಶ್ರೀಲಂಕಾ ಭಾರತರ್ದ್ 2 ಮಿಲಿಯನ್ ತೆತ್ತಿನ್ ಆಮದು ಮಲ್ತ್ ದ್ಂಡ್ ಪಂದ್ ಶ್ರೀಲಂಕಾದ ವ್ಯಾಪಾರ ಸಚಿವೆರ್ ನಳಿನ್ ಫರ್ನಾಂಡೋ ಗುರುವಾರ ತೆರಿಪಾದೆರ್.
ಅಗತ್ಯ ಗುಣಮಟ್ಟದ ತಪಾಸಣೆದ ಬೊಕ್ಕ ತೆತ್ತಿನ್ ಬೇಕರಿ ಉದ್ಯಮಡ್ ಮಾತ್ರ ಗಲಸೆರೆ ಅನುಮತಿ ಕೊರಿಯೆರೆ ಆಪುಂಡು ಪಂದ್ ಅಧಿಕಾರಿಲು ತೆರಿಪಾದೆರ್.
Sri Lanka imports two million eggs from India
Sri Lanka: With shortage of eggs in Sri Lanka ,the country has imported two million eggs from India informed Nalin Fernandez commerce minister of Sri Lanka.
ಬೆಂಗ್ಲೂರ್ ದ ಐಟಿ ಉದ್ಯೋಗಿಲೆನ ಬಹುನೀರಿಕ್ಷೆದ ಕೆ.ಆರ್.ಪುರ ಬೊಕ್ಕ ವೈಟ್ ಫೀಲ್ಡ್ ನಡುತ್ತ ಮೆಟ್ರೋ ಪೊಸ ಮಾರ್ಗನ್ ಇನಿ ಪ್ರಧಾನಿ ಮೋದಿ ಉದಿಪನ ಮಲ್ಪರೆ ಉಲ್ಲೆರ್.
ಮೇರ್ ಮಧ್ಯಾಹ್ನ 12.55 ಕ್ಕ್ HAL ರ್ದ್ ಮಾರ್ಗದ ಮುಖೇನ ವೈಟ್ ಫೀಲ್ಡ್ ದ ಕಾಡುಗೋಡಿ ಮೆಟ್ರೋ ನಿಲ್ದಾಣಗ್ ಬರಿಯೆರೆ ಉಲ್ಲೆರ್. ಬೊಕ್ಕ 1 ಗಂಟೆಗ್ 13.71 ಕಿ.ಮೀ ಉದ್ದದ ಮೆಟ್ರೋ ಮಾರ್ಗನ್ ಉದಿಪನ ಮಲ್ಪುವೆರ್. ಅವೆರ್ದ್ ಬೊಕ್ಕ ಕಾಡುಗೋಡಿ ನಿಲ್ದಾಣರ್ದ್ ಒಂಜಿ ಕಿ.ಮೀ ದೂರಡ್ ಇಪ್ಪುನ ಚನ್ನಸಂದ್ರ ಮೆಟ್ರೋ ನಿಲ್ದಾಣ ಮುಟ್ಟ ಸಂಚಾರ ಮಲ್ಪರೆ ಉಲ್ಲೆರ್.
PM Modi to declare open new routes in the Bangalore metro
The KR Puram and Whitefield route on the Metro which will help IT professionals will be inaugurated by the prime minister today .
The 13.71 km route will be declared open at noon 1 p.m and Modi will also travel an one k.m route from Kadugodi stop to Chennasandra
