ಶಿವಮೊಗ್ಗ: ಶಾಲೆದ ಕಲ್ಪಾರ್ಥಿನ ಬ್ಯಾಗ್ ಡ್ ಉಚ್ಚು ಪತ್ತೆ ಆಯಿನ ಘಟನೆ ಬಾಳೂರು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ನಡತ್ಂಡ್.
2ನೇ ತರಗತಿದ ಕಲ್ಪಾರ್ಥಿ ಭುವನ್ ನ ಬ್ಯಾಗ್ ಡ್ ಈ ಉಚ್ಚು ಪತ್ತೆ ಆತ್ಂಡ್. ಶಾಲೆಡ್ ಟೀಚರ್ ಪಾಠ ಓದರೆ ಬೂಕು ದೆಪ್ಪರೆ ಪಂಡೆರ್. ಬೂಕು ದೆಪ್ಪುನಗ ಉಚ್ಚು ಬ್ಯಾಗ್ ಡ್ ಜೆತ್ತ್ ದಿತ್ತ್ಂಡ್. ಬ್ಯಾಗ್ ನ್ ಕ್ಲಾಸ್ ರೂಮ್ರ್ದ್ ಪಿದೈ ಪತೊಂದು ಪೋದು ಬೊಕ್ಕ ಆಣನ ಇಲ್ಲದಕಲೆನ್ ಲೆತ್ದ್ ಬ್ಯಾಗ್ ಡ್ ಇತ್ತಿನ ಉಚ್ಚುನು ಕೈತಲ್ ದ ಕಾಡ್ ಗ್ ಬುಡ್ತೆರ್.
ಭಾರತದ ಚಂದ್ರಯಾನ-3 ಯಶಸ್ಸ್ ದ ಬೊಕ್ಕ ದೇಶ ನನೊಂಜಿ ಮಹತ್ತರ ಸಾಧನೆಗ್ ದುಂಬಾತ್0ಡ್. ಇಸ್ರೋದ ಸೂರ್ಯ ಮಿಷನ್ ಆದಿತ್ಯ ಎಲ್-1 ಇನಿ ಬೊಲ್ಪುಗು ಯಶಸ್ವಿಯಾದ್ ಉಡಾವಣೆ ಆತ್ಂಡ್. ನೆತ್ತ ಬೆರಿಟ್ಟೆ ಬಾನಡ್ ಸೂರ್ಯನ ಸುತ್ತ ಉಂಗಿಲ ಆಕೃತಿ ದೃಶ್ಯ ಸೋಶಿಯಲ್ ಮೀಡಿಯಾಡ್ ವೈರಲ್ ಆವೊಂದು ಉಂಡು.
ಭಾರತದ ಚಂದ್ರಯಾನ-3 ಯಶಸ್ಸ್ ದ ಬೊಕ್ಕ ದೇಶ ನನೊಂಜಿ ಮಹತ್ತರ ಸಾಧನೆಗ್ ದುಂಬಾತ್೦ಡ್. ಈ ಸರ್ತಿ ಇಸ್ರೋ ಸೂರ್ಯನಂಚಿ ದೃಷ್ಟಿ ದೀತ್ಂಡ್. ಇಸ್ರೋದ ಸೂರ್ಯ ಮಿಷನ್ ಆದಿತ್ಯ ಎಲ್-1 ಆಂಧ್ರಪ್ರದೇಶದ ಶ್ರೀ ಹರಿಕೋಟಾಡ್ ಇಪ್ಪುನ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರರ್ದ್ ಬೊಲ್ಪುಗು 11.50 ಗ್ ಉಡಾವಣೆ ಆಂಡು.
ಉ೦ದು ಸೂರ್ಯನ್ ಅಧ್ಯಯನ ಮಲ್ಪುನ ಇಸ್ರೋದ ಸುರುತ ಮಿಷನ್ ಆತ್ಂಡ್, ಸೂರ್ಯನ ಅಧ್ಯಯನಗಾದ್ ಏಳ್ ಪೇ ಲೋಡ್ನ್ ಆದಿತ್ಯ ಎಲ್-1 ಹೊಂದುದು೦ಡು.
PSLV C-57 ರಾಕೆಟ್ ಆದಿತ್ಯ ಎಲ್-1 ಉಪಗ್ರಹನ್ ನಭಕ್ಕ್ ಕೊನೊವೆರೆ ಉಂಡು. ಈ ಉಪಗ್ರಹದ ತೂಕ 1500 ಕೆಜಿ ಆತ್ಂಡ್.
.
ಕುಡ್ಲ: ಈ ಸರ್ತಿ ಶಾಲೆದ ಕಲ್ಪಾರ್ಥಿಲೆಗ್ ಬೊಕ್ಕ ಸರ್ಕಾರಿ ನೌಕರೆರೆಗ್ ಚೌತಿ ಪರ್ಬಗ್ ಸಾರ್ವತ್ರಿಕ ರಜೆ ಇಜ್ಜಾಂದೆ ಕರ್ತವ್ಯದ ದಿನಟ್ಟೆ ಪರ್ಬ ಆಚರಣೆ ಮಲ್ಪುಲಕ ಆತ್ಂಡ್.
ರಾಜ್ಯ ಸರ್ಕಾರ ಪ್ರಕಟ ಮಲ್ತಿನ ಸಾರ್ವತ್ರಿಕ ರಜಾ ದಿನತ ಪಟ್ಟಿಡ್ ಸೆ.18 ದಾನಿ ವರಸಿದ್ದಿ ವಿನಾಯಕ ವೃತ ರಜೆ ಪಂದ್ ಉಂಡು. ಪಂಚಾಂಗದ ಪ್ರಕಾರ ಸೆ.18 ದಾನಿ ಗೌರಿ ತದಿಗೆ, ಗಣೇಶ ಚತುರ್ಥಿ ಇಪ್ಪುಜಿ. ಸೆ.19 ದಾನಿ ಕ್ಯಾಲೆಂಡರ್ ಡ್ ಸೆ.18 ದಾನಿ ರಜೆ ಪಂದ್ ಗುರುತಿಸಾದೆರ್. ಅಂಚಾದ್ ಸರ್ಕಾರಿ ಕಚೇರಿ, ಬ್ಯಾಂಕ್, ಎಲ್ಐಸಿ ಬೊಕ್ಕ ಶಾಲಾ ಕಾಲೇಜ್ ಗ್ ಸೆ.18 ದಾನಿ ರಜೆ ಪಂದ್ ಪಂತೆರ್.
ಸಾರ್ವತ್ರಿಕ ರಜೆ ಘೋಷಣೆ ಇಪ್ಪುನೆದಾತ್ರ ಮನದಾನಿ ಪ್ರತ್ಯೇಕವಾದ್ ನಿರ್ಬಂಧಿತ(ಆರ್.ಎಚ್) ರಜೆ ಕೊರ್ಪುನ ಸಾಧ್ಯತೆ ಇಜ್ಜಿ. ಅಂಚಾದ್ ಉಂದೆನ್ ಸರಕಾರನೆ ಸೆ.18 ದ ಬದಲ್ ಸೆ.19 ರಜೆ ಘೋಷಣೆ ಮಾರ್ಪಾಡು ಮಲ್ಪೊಡು ಆಪುಂಡು ಪಂದ್ ತೆರಿದ್ ಬೈದುಂಡು.
ಬೋಲ್ತೆರ್: ತುಳುನಾಡ್ ಒಕ್ಕೂಟ ಸಂಘಟನೆದ ಕಾರ್ಯಕರ್ತೆನ ಸಭೆ ಇಂಚಿಪಗ್ ಬೋಲ್ತೆರ್ ಡ್ ನಡತ್ಂಡ್. ಸಭೆತ ಗುರ್ಕಾಮೆನ್ ಬೋಲ್ತೆರ್ ತುಳುನಾಡ್ ಒಕ್ಕೂಟದ ಗುರ್ಕಾರೆ ರಾಜೇಶ್ ಕುಲಾಲ್ ಬೈರೊಟ್ಟು ವಹಿಸಾದ್ ಇತ್ತೆರ್. ಈ ಪೊರ್ತುಡು ತುಳುನಾಡ್ ಒಕ್ಕೂಟ ಬೋಲ್ತೆರ್ ತಾಲೂಕುದ ಯುವ ಘಟಕದ ಪದಾಧಿಕಾರಿಲೆನ್ ಆಯ್ಕೆ ಮಲ್ತೆರ್.
ಗುರ್ಕಾರೆರಾದ್ ಆಕಾಶ್ ಪೂಜಾರಿ ಗೇರುಕಟ್ಟೆ, ಉಪಾಧ್ಯಕ್ಷರಾದ್ ಪುರಂದರ ಗೌಡ ಶಿರ್ಲಾಲು, ಕಾರ್ಯದರ್ಶಿಯಾದ್ ಚಂದ್ರಹಾಸ ಕುಂಬಾರ ಬಂದಾರು, ಜೊತೆ ಕಾರ್ಯದರ್ಶಿಯಾದ್ ರಮೇಶ್ ಸಾಲಿಯಾನ್, ಕೋಶಾಧಿಕಾರಿಯಾದ್ ಅಶ್ವತ್ ಕುಲಾಲ್ ಅರ್ವ ಆಯ್ಕೆ ಆಯೆರ್. ಬೊಕ್ಕ ಪತ್ತ್ ಜನತ ಕಾರ್ಯಕಾರಿ ಸಮಿತಿನ್ ರಚನೆ ಮಲ್ತೆರ್. ಸಂಘಟನೆದ ಸಂಸ್ಥಾಪಕೆರಾಯಿನ ಶೈಲೇಶ್ ಆರ್. ಜೆ. ಪೊಸ ಯುವ ಘಟಕಗ್ ಸಂಘಟನೆದ ಧ್ಯೇಯ, ಉದ್ದೇಶದ ಬಗ್ಗೆ ವಿವರಿಸಾದ್, ತುಳು ಚಳುವಳಿನ್ ದುಂಬು ಕೊನಪುನ ರೀತಿ, ಪ್ರಾದೇಶಿಕ ಚಳುವಳಿ ಯಶಸ್ಸ್ ಆವರೆ ಯುವ ಘಟಕ ಯುವಜನತೆರ್ನ ಒಟ್ಟಿಗೆ ಕೊಂಡಿಯಾದ್ ಕೆಲಸ ಮಲ್ಪೊಡು ಪಂದ್ ತೆರಿಪಾಯೆರ್. ಬೊಕ್ಕ ಪೊಸ ಯುವ ಘಟಕದ ಪದಾಧಿಕಾರಿಲೆಗ್ ಸೊಲ್ಮೆ ಸಂದಾಯೆರ್.
ಬೋಲ್ತೆರ್ ತಾಲೂಕು ಘಟಕದ ಪ್ರಧಾನ ಕಾರ್ಯದರ್ಶಿ ರಾಜು ಬಿ.ಎಚ್. ಲೇಸ್ ಗ್ ಎದ್ಕೊಂದು, ಸುದಾರಿಕೆ ಮಲ್ತ್, ಸೊಲ್ಮೆ ಸಂದಾಯಿತ ಮಲ್ತೆರ್. ಈ ಪೊರ್ತುಡು ತುಳುನಾಡ್ ಒಕ್ಕೂಟ ಸಂಘಟನೆದ ಪದಾಧಿಕಾರಿಲು ಇತ್ತೆರ್.
ಸರಿ ಸುಮಾರ್ 538 ಕೋಟಿ ರೂಪಾಯಿ ವಂಚನೆ ಪ್ರಕರಣಡ್ ಜೆಟ್ ಏರ್ ವೇಸ್ ಸಂಸ್ಥಾಪಕೆರ್ ನರೇಶ್ ಗೋಯಲ್ ಮೇರೆನ್ ಇಡಿ ಅಧಿಕಾರಿಲು ಅರೆಸ್ಟ್ ಮಲ್ತ್ ದೆರ್.
ಕೆನರಾ ಬ್ಯಾಂಕ್ ಗ್ 538 ಕೋಟಿ ರೂ. ವಂಚನೆ ಪ್ರಕರಣಡ್ ನರೇಶ್ ಗೋಯಲ್ ನ್ ವಿಚಾರಣೆ ಮಲ್ತಿನ ಜಾರಿ ನಿರ್ದೇಶನಾಲಯ ಐನ್ ಗಂಟೆದ ವಿಚಾರಣೆದ ಬೊಕ್ಕ ಸೆ.1 ಶುಕ್ರವಾರ ರಾತ್ರೆ ಅರೆಸ್ಟ್ ಮಲ್ತ್ ದೆರ್. ಕರಿನ ಮೇ ತಿಂಗೊಲುಡು ಸಿಬಿಐ ದಾಖಲೆ ಮಲ್ತ್ ಇತ್ತಿನ ಎಫ್ಐಆರ್ ಆಧಾರದ ಮಿತ್ತ್ ಇ.ಡಿ ಅಧಿಕಾರಿಲು ಅರೆಸ್ಟ್ ಮಲ್ತ್ ದೆರ್.
ಸೆ.6 ದಾನಿ ರಾಜ್ಯದಾದ್ಯಂತ ಶ್ರೀ ಕೃಷ್ಣ ಜನ್ಮಾಷ್ಟಮಿ ಆಚರಣೆದ ನಿಲೆಟ್ಟ್ ಸರಕಾರ ಕೆಲವೊಂಜಿ ರೂಲ್ಸ್ ನ್ ಕನದ್ಂಡ್.
ಅರಸ ಪ್ರೊಡಕ್ಷನ್ ಹೌಸ್ ನಿರ್ಮಾಣದ ಪೊಸ ಪಿಚ್ಚರ್ ಪ್ರೊಡಕ್ಷನ್ ನಂಬರ್ 2 ಬೊಕ್ಕ ಸ್ಕ್ರಿಪ್ಟ್ ಪೂಜೆ ಸೆ.1 ಗುರುವಾರ ದಾನಿ ಕಟೀಲು ಶ್ರೀ ದುಗಾಪರಮೇಶ್ವರೀ ದೇವಲ್ಯಡ್ ನಡತ್ಂಡ್.
ನಿರ್ಮಾಪಕೆರಾದ್ ಉಷಾ ಶ್ರೀನಿವಾಸ, ಕಿಶೋರ್, ಪ್ರಮೋದ್ ಶೆಟ್ಟಿ ಬೊಕ್ಕ ಪ್ರಕಾಶ್ ತುಮಿನಾಡು ಮುಖ್ಯ ಭೂಮಿಕೆಡ್ ನಟನೆ ಮಲ್ಪೆರೆ ಉಲ್ಲೆರ್. ಸುಪ್ರೀತ್ ಬಿ ಕೆ ಮೇರ್ನ ಚೊಚ್ಚಲ ನಿರ್ದೇಶನದ ಪಿಚ್ಚರ್ ಉಂದು ಆತ್ಂಡ್.
ಪ್ರಕಾಶ್ ತುಮಿನಾಡು ಬೊಕ್ಕ ಪ್ರತೀಕ್ ಅತ್ತಾವರ ಅರೆನ ಸಂಭಾಷಣೆ ಇತ್ದ್ ಹರ್ಷ ಪದ್ಯಾಣ ಬೊಕ್ಕ ಯುಕ್ತಿರಾಜ್ ಮೇರ್ನ ಛಾಯಾಗ್ರಹಣ, ಅಂಚನೆ ಉತ್ತಮ್ ಸಾರಂಗ್ ಸಂಗೀತ ಸಂಯೋಜನೆ ಮಲ್ತ್ ದೆರ್. ಸಾಮಾಜಿಕ ಬೊಕ್ಕ ಹಾಸ್ಯ ಮಯ ಪಿಚ್ಚರ್ ಉಂದು ಆದ್ ಕಾರ್ಕಳ, ಕುಡ್ಲ ಪರಿಸರ ಡ್ ಚಿತ್ರೀಕರಣ ಅಕ್ಟೋಬರ್ ನವೆಂಬರ್ ಡ್ ನಡಪರೆ ಉಂಡು.
ಈ ಪೊರ್ತುಡು ಪ್ರಕಾಶ್ ತುಮಿನಾಡು ಸುಪ್ರೀತ್ ಬಿಕೆ, ಪ್ರತೀಕ್ ಅತ್ತಾವರ,ವೇಣು ಶೆಟ್ಟಿ ಮುಲ್ಕಿ, ಶ್ರೀನಿಧಿ ಆಚಾರ್ಯ,ಉತ್ತಮ ಸಾರಂಗ
ಹರ್ಷ ಪದ್ಯಾಣ ಇತ್ತೆರ್.
ಹಾಸನ ಲೋಕಸಭಾ ಕ್ಷೇತ್ರದ ಸಂಸದ ಸ್ಥಾನರ್ದ್ ಪ್ರಜ್ವಲ್ ರೇವಣ್ಣನ್ ಅನರ್ಹ ಮಲ್ತ್ ದ್ ಹೈಕೋರ್ಟ್ ಆದೇಶ ಕೊರ್ತುಂಡು.
ರಾಜ್ಯ ರಾಜಕೀಯದ ಭೀಷ್ಮೆ ಪಂದ್ ಖ್ಯಾತಿ ಪಡೆಯಿನ ಎಚ್ ಡಿ ದೇವೇಗೌಡ ಅರೆನ ಪುಲ್ಲಿ, ಜೆಡಿಎಸ್ ದ ದುಂಬುದ ನಾಯಕೆ, 2019ನೇ ಇಸವಿದ ವೋಟುಡು ಹಾಸನ ಕ್ಷೇತ್ರಡ್ ಜೆಡಿಎಸ್ ಅಭ್ಯರ್ಥಿಯಾದ್ ಗೆಂದ್ ದಿನ ಪ್ರಜ್ವಲ್ ರೇವಣ್ಣ ಸಂಸದ ಸ್ಥಾನರ್ದ್ ಅನರ್ಹ ಆತೆರ್ ಪಂದ್ ಹೈಕೋರ್ಟ್ ಆದೇಶ ಕೊರ್ತುಂಡು.
ಸುಳ್ಳು ಆದಾಯ ಪ್ರಮಾಣ ಪತ್ರ ಸಲ್ಲಿಸಾಯಿನ ಆರೋಪ ಪ್ರಜ್ವಲ್ ಮಿತ್ತ್ ಕೇಂಡ್ ದ್ ಬತ್ತ್ ದ್ ಇತ್ತ್ಂಡ್. ಮೇರ್ ನ ಆಯ್ಕೆನ್ ಅಸಿಂಧು ಮಲ್ಪೊಡು ಪಂದ್ ವೋಟ್ ಸ್ಪರ್ದೆ ಮಲ್ತಿನ ಅಪಗದ ಬಿಜೆಪಿ ಸದಸ್ಯೆ ಎ. ಮಂಜು ಸಲ್ಲಿಕೆ ಮಲ್ತ್ ಇತ್ತೆರ್.
ಬೋಲ್ತೆರ್: ಸೌಜನ್ಯ ಕೇಸ್ ದ ಆರೋಪಿಲೆನ್ ಪತ್ತರೆ ಬೋಲ್ತೆರ್ ಡ್ ಸೆ.3 ಐತಾರದಾನಿ ನಡಪುನ ಬೃಹತ್ ಜನ ಸಮ್ಮೇಳನಗ್ ಮಾತಾ ಸಿದ್ದತೆ ನಡತೊಂದು ಉಂಡು. ಈ ಪೊರ್ಂಬಾಟೊಗು ಒಕ್ಕಲಿಗ ಸಮಾಜದ ಕಾವೂರು ಮಠದ ಸ್ವಾಮೀಜಿ ಶ್ರೀ ಶ್ರೀ ಧರ್ಮಪಾಲನಾಥ ಸ್ವಾಮೀಜಿ ಬೋಲ್ತೆರ್ ಡ್ ನಡಪುನ ಮಹೇಶ್ ಶೆಟ್ಟಿ ತಿಮರೋಡಿ ಮುತಾಲಿಕೆದ ಜನಪರ ಸಂಘಟನೆದ ಮಹಾ ಸಭೆಟ್ ಪಾಲ್ ಪಡೆಯೆರೆ ಉಲ್ಲೆರ್.
ಜಗದ್ಗುರು ಆದಿಚುಂಚನಗಿರಿತ್ತ ಶ್ರೀ ಶ್ರೀ ಡಾ. ನಿರ್ಮಲಾನಂದ ಸ್ವಾಮೀಜಿನ ನಿರ್ದೇಶನದಂಚ ಡಾ. ಧರ್ಮಪಾಲನಾಥ ಸ್ವಾಮೀಜಿ ಈ ಪೊರ್ಂಬಾಟೊಗು ಬೆರಿಬಲ ಕೊರೊಂದುಲ್ಲೆರ್. ಅಂಚಾದ್ ಈ ಪೊರ್ಂಬಾಟೊಗು ಆನೆ ಬಲ ತಿಕ್ಕಿನಂಚ ಆತ್ಂಡ್.
