September 2023

ಸೆ.9: ಪೊವಾಯಿ ಶ್ರೀ ಮಹಾಶೇಷ ರುಂಡಮಾಲಿನಿ ದೇವಲ್ಯದ ಚಾವಡಿಡ್ ಶ್ರೀ ರಾಮ ಪಟ್ಟಾಭಿಷೇಕ ಆಟ

ಕನ್ನಡ ಸೇವಾ ಸಂಘ ಪೊವಾಯಿ (ರಿ.) ದ ದುಂಬಾತ್ತಿಗೆಡ್ ಸೆ.9 ಸನಿಯಾರ ಪೊವಾಯಿ ಪಂಚಕುಟೀರ ಶ್ರೀ ಮಹಾಶೇಷ ರುಂಡಮಾಲಿನಿ ದೇವಲ್ಯದ ಚಾವಡಿಡ್ ಶ್ರೀ ರಾಮ ಪಟ್ಟಾಭಿಷೇಕ ಯಕ್ಷಗಾನ ಬಯಲಾಟ ನಡಪರೆ ಉಂಡು.

ಅಂಚೆನೆ ಈ ಲೇಸ್ ಶ್ರೀ ಸುವರ್ಣ ಬಾಬಾ ಮೆರೆನ ಆಶೀರ್ವಾದದೊಟ್ಟಿಗೆ, ಕಲಾಪ್ರಕಾಶ ಪ್ರತಿಷ್ಠಾನ ಬೊಂಬೈದ ಮುತಾಲಿಕೆಡ್, ಊರುದ ಪುಗರ್ತೆದ ಕಲಾವಿದೆರೆನ ಒಟ್ಟುಸೇರಿಗೆಡ್ ಆಟ ನಡಪುಂಡು.

ಈ ಲೇಸ್ ಗ್ ಮಲ್ಲ ಬಿನ್ನೆರಾದ್ ಪೊವಾಯಿ ಮಂತ್ರ ಹೋಟೆಲ್ ದ ಧಣಿ ಅಣ್ಣಪ್ಪ ಶೆಟ್ಟಿ, ಬೊಂಬೈ ಬಂಟರ ಸಂಘದ ಕಾರ್ಯಾಧ್ಯಕ್ಷೆರ್ ರವೀಂದ್ರ ಆರ್ ಶೆಟ್ಟಿ, ಪೊವಾಯಿ ಕನ್ನಡ ಸೇವಾ ಸಂಘದ ಮಾಜಿ ಅಧ್ಯಕ್ಷೆರ್ ಡಿ.ಕೆ ಶೆಟ್ಟಿ, ಪೊವಾಯಿ ಸತ್ಕಾರ್ ಕಿಚನ್ ದ ಆಡಳಿತ ನಿರ್ದೇಶಕೆರ್ ಹರೀಶ್ ಬಂಗೇರ, ನಿಖಿಲ್ ಹೈಡ್ರೋಲಿಕ್ಸ್ ಧಣಿ ಅಶೋಕ್ ಕೋಟ್ಯಾನ್, ಉದ್ಯಮಿ ಪೇತ್ರಿ ವಿಶ್ವನಾಥ ಶೆಟ್ಟಿ, ರವಿರಾಜ್ ಪ್ಯಾಕೇಜಿಂಗ್ ಆಡಳಿತ ನಿರ್ದೇಶಕೆರ್ ಸುರೇಂದ್ರ ಶೆಟ್ಟಿ, ಸುಜಾತಾ ಎಂಟರ್ ಪ್ರೈಸೆಸ್ ದ ಧಣಿ ಅಮರ್ ಎಂ. ಶೆಟ್ಟಿ, ಉದ್ಯಮಿ ರಾಮು ಅಮೀನ್, ಮ್ಯರೇಜ್ ಸೆಲ್ ಅಂಧೇರಿ- ಬಾಂದ್ರಾ ಪ್ರಾದೇಶಿಕ ಸಮಿತಿದ ಕಾರ್ಯಾಧ್ಯಕ್ಷೆರ್ ಕೃಷ್ಣ ಶೆಟ್ಟಿ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಆಡಳಿತ ಸಮಿತಿದ ಸರ್ವಸದಸ್ಯೆರ್ ಬೊಕ್ಕ ಮಹಿಳಾ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಸೆ.19-20: ಕುಡ್ತಮುಗೇರು -ಮಂಕುಡೆ ಶ್ರೀ ವಿಷ್ಣುಮೂರ್ತಿ ಭಜನಾ ಮಂದಿರದ ಕಲಾ ಮಂಟಪಡ್ ಸಾರ್ವಜನಿಕ ಶ್ರೀ ಗಣೇಶೋತ್ಸವ

ವಿಟ್ಲ: ಕುಡ್ತಮುಗೇರು -ಮಂಕುಡೆ ಶ್ರೀ ವಿಷ್ಣುಮೂರ್ತಿ ಭಜನಾ ಮಂದಿರ (ರಿ.) ಬೊಕ್ಕ ಹಳೆ ವಿದ್ಯಾರ್ಥಿ ಯುವಕ ಮಂಡಲ (ರಿ.) ದ ಒಟ್ಟುಸೇರಿಗೆಡ್ 47 ನೇ ವರ್ಷೊದ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸೆ.19 ಬೊಕ್ಕ 20 ಕ್ಕ್ ಕುಡ್ತಮುಗೇರು -ಮಂಕುಡೆ ಶ್ರೀ ವಿಷ್ಣುಮೂರ್ತಿ ಭಜನಾ ಮಂದಿರದ ಕಲಾ ಮಂಟಪಡ್ ನಡಪರೆ ಉಂಡು.

ಸೆ.19 ಅಂಗಾರೆ ಬೊಲ್ಪುಗು ಗಣಪತಿ ಹೋಮ, ಗಣೇಶ ಪ್ರತಿಷ್ಠೆ, ಭಜನೆ, ಮಧ್ಯಾಹ್ನ ಮಹಾಪೂಜೆ, ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು. ವನಸ್ ಆದ್ ಭಜನೆ ಸಂಕೀರ್ತನೆ ಸೇವೆ, ಬಯ್ಯಗ್ ಮಹಾಪೂಜೆ, ರಾತ್ರೆ ಅಭಿನಯ ಕಲಾವಿದೆರ್ ಮಂಕುಡೆ ಕುಡ್ತಮುಗೇರ್ ಮೊಕುಲು ಅಭಿನಯ ಮಲ್ಪುನ “ಪೊರ್ತು ಕಂತಿ ಬೊಕ್ಕ” ತುಳು ನಾಟಕ ನಡಪರೆ ಉಂಡು.

ಸೆ.20 ಬುಧಾರ ಬೊಲ್ಪುಗು ಭಜನೆ, ಸಾಂಸ್ಕೃತಿಕ ಲೇಸ್, ಸಭಾ ಲೇಸ್ ಮಧ್ಯಾಹ್ನ ಮಹಾಪೂಜೆ, ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು. ಅವೆರ್ದ್ ಬೊಕ್ಕ ಶ್ರೀ ಯಕ್ಷಭಾರತ ಸೇವಾ ಪ್ರತಿಷ್ಠಾನ (ರಿ.) ವಿಟ್ಲ ಮೊಕ್ಲೆನ ಕಲ್ಪಾರ್ಥಿಲೆರ್ದ್ ಶಾಂಭವಿ ವಿಲಾಸ ಆಟ ನಡಪರೆ ಉಂಡು. ಬಯ್ಯಗ್ ಮಹಾಪೂಜೆ, ಪ್ರಸಾದ ಪಟ್ಟ್ ದ್, ಬೊಕ್ಕ ಶ್ರೀ ಗಣಪತಿನ ದಿಗ್ವಿಜಯ ಮೆರವಣಿಗೆ ಆದ್ ಜಲಸ್ತಂಭನ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ಮಹಾಗಣಪತಿ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಕುಡ್ತಮುಗೇರು -ಮಂಕುಡೆ ಶ್ರೀ ವಿಷ್ಣುಮೂರ್ತಿ ಭಜನಾ ಮಂದಿರ (ರಿ.) ಬೊಕ್ಕ ಹಳೆ ವಿದ್ಯಾರ್ಥಿ ಯುವಕ ಮಂಡಲ (ರಿ.) ದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಗುರು ಇಜ್ಜಂದಿನ ಗುರಿನ್ ಎನ್ನುನನೇ ಕಷ್ಟ ಸಾಧ್ಯ: ಪ್ರಾಂಶುಪಾಲೆರ್ ಸೋಮಶೇಖರ ನಾಯಕ್

ಸುಬ್ರಹ್ಮಣ್ಯ: ಗುರು ಇಜ್ಜಂದಿನ ಗುರಿನ್ ಎನ್ನುನನೆ ಕಷ್ಟ ಸಾಧ್ಯ. ದುರಭ್ಯಾಸ ಕೆಟ್ಟ ಯೋಚನೆದಂಚಿನ ಕತ್ತಲೆನ್ ದೂರ ಮಲ್ತ್ ದ್ ಜ್ಞಾನ ಸದ್ಭುದ್ದಿದಂಚಿನ ಬೊಲ್ಪುನು ಕೊರ್ಪುನ ಸಾಮರ್ಥ್ಯ ಇಪ್ಪುನೆ ಗುರುಕು. ಶಿಕ್ಷಕೆ ಆಯಿನಾಯಗ್ ಕಲ್ಪಾರ್ಥಿನ ಸಾಮರ್ಥ್ಯನ್ ತೆರಿದ್ ಪಾಠ ಮಲ್ಪೊಲಿ. ಹಿರಿಯೆರೆನ ಬೊಕ್ಕ ಭಗವಂತನ ಅನುಗ್ರಹ ಇಜ್ಜಿಂಡ ಜೀವನ ವ್ಯರ್ಥ. ಸುಖತ್ತ ಬದುಕ್ ಗ್ ಗುರುಹಿರಿಯೆರೆ ಅನುಗ್ರಹ ಮುಖ್ಯ. ಶಿಕ್ಷಕ ವೃತ್ತಿರ್ದ್ ರಾಷ್ಟ್ರಪತಿದಂಚಿನ ಮಲ್ಲ ಬೇಲೆನ್ ಪಡೆಯಿನ ಸರ್ವಪಳ್ಳಿ ರಾಧಾಕೃಷ್ಣನೆರ್ ನೆಕ್ಕ್ ಸಾಕ್ಷಿ ಪಂದ್ ಸುಬ್ರಹ್ಮಣ್ಯದ ಎಸ್.ಎಸ್.ಪಿ.ಯು ಕಾಲೇಜ್ ದ ಪ್ರಾಂಶುಪಾಲೆರ್ ಸೋಮಶೇಖರ ನಾಯಕ್ ಪಂಡೆರ್.

ಶ್ರೀ ಸುಬ್ರಹ್ಮಣ್ಯೇಶ್ವರ ಪದವಿಪೂರ್ವ ಕಾಲೇಜ್ ಡ್ ಕಾಲೇಜ್ ದ ರೋರ‍್ಸ್ ಬೊಕ್ಕ ರೇಂರ‍್ಸ್ ಘಟಕ, ಅಂಚೆನೆ ವಿದ್ಯಾರ್ಥಿ ಸಂಘದ ಮುತಾಲಿಕೆಡ್ ಅಂಗಾರೆ ನಡತಿನ ಶಿಕ್ಷಕರ ದಿನಾಚರಣೆ ಲೇಸ್ ದ ಗುರ್ಕಾರ್ಮೆನ್ ಒಯಿಸೊಂದು ಮೇರ್ ಪಾತೆರಿಯೆರ್.

ಅಂಚೆನೆ ಶಿಕ್ಷಕೆರ್ ಜೋಕುಲೆನ ಜ್ಞಾನ ವೃದ್ಧಿಗ್ ಬೋಡಾಯಿನ ಬೋಧನೆಗ್ ಎಚ್ಚ ಪ್ರಾಧಾನ್ಯತೆ ಕೊರೊಡು. ನೆರ್ದ್ ಜೋಕುಲು ಶ್ರೇಷ್ಠರಾಯೆರೆ ಪೂರಕ ವಾತಾವರಣ ಸೃಷ್ಠಿ ಆಪುಂಡು. ಮಾನವೀಯತೆ ಬೊಕ್ಕ ಸ್ನೇಹಪರವಾಯಿನ ಗುರುತ್ತ ಮಾರ್ಗದರ್ಶನ ಜೋಕುಲೆಗ್ ಭವಿಷ್ಯದ ಬದುಕ್ ಗ್ ಆದರ್ಶ ಆಪುಂಡು. ಕಮ್ಮಿ ಮಾರ್ಕ್ ಪಡೆಯಿನ ಕಲ್ಪಾರ್ಥಿನ್ ಎಚ್ಚ ಮಾರ್ಕ್ ಪಡೆಯೆರೆ ಪ್ರೋತ್ಸಾಹ ಕೊರ್ಪುನೆ ಗುರುನ ಕರ್ತವ್ಯ ಆವೊಡು ಪಂದ್ ಪಂಡೆರ್.

ಈ ಲೇಸ್ ನ್ ಹಿರಿಯ ಉಪನ್ಯಾಸಕಿ ರೇಖಾರಾಣಿ ಸೋಮಶೇಖರ್ ಉದಿಪನ ಮಲ್ತೆರ್. ಬೊಕ್ಕ ಸರ್ವೆರ್ ಸರ್ವಪಳ್ಳಿ ರಾಧಾಕೃಷ್ಣನ್ ಮೆರೆನ ಭಾವಚಿತ್ರಗ್ ಪುಷ್ಪಾರ್ಚನೆ ಮಲ್ತೆರ್. ಕಲ್ಪಾರ್ಥಿಲು ಮಾತ ಉಪನ್ಯಾಸಕೆರೆಗ್ ಅಕ್ಲೆನಕ್ಲೆನ ಭಾವಚಿತ್ರ ಇಪ್ಪುನ ಸ್ಮರಣಿಕೆದ ಮಿತ್ತ್ ಗುರುಕುಲೆನ ಶ್ರೇಷ್ಠತೆನ್ ಅಕ್ಷರ ರೂಪಡ್ ಬರೆದ್ ಕೊರ್ಪುನ ಮುಖೇನ ಗೌರವಿಸಾಯೆರ್. ಅತ್ತಂದೆ ಕಲ್ಪಾರ್ಥಿಲು ಮಾತ ಉಪನ್ಯಾಸಕೆರೆನ ಆಶೀರ್ವಾದ ಪಡೆಯೆರ್.

ಈ ಪೊರ್ತುಡು ರೋವರ್ಸ್ ರೇಂಜರ್ಸ್ ನಾಯಕಿ ಸವಿತಾ ಕೈಲಾಸ್, ನಾಯಕೆ ಪ್ರವೀಣ್ಎರ್ಮಾಳ್, ವಿದ್ಯಾರ್ಥಿ ಸಂಘದ ಸಂಚಾಲಕೆರ್ ಜಯಪ್ರಕಾಶ್ ಆರ್, ಉಪನ್ಯಾಸಕೆರ್ ಜಯಶ್ರೀ ವಿ. ದಂಬೆಕೋಡಿ, ಗಿರೀಶ್, ಜಯಪ್ರಕಾಶ್ ಆರ್, ಶ್ರೀಧರ್ ಪುತ್ರನ್, ಯೋಗಣ್ಣ ಎಂ.ಎಸ್, ಮನೋಜ್ ಕುಮಾರ್ ಬಿ.ಎಸ್, ರತ್ನಾಕರ.ಎಸ್, ಪ್ರಜ್ವಲ್.ಜೆ, ಜ್ಯೋತಿ.ಪಿ.ರೈ, ಪೂರ್ಣಿಮಾ, ಸುಧಾ, ಭವ್ಯಶ್ರೀ ಕುಲ್ಕುಂದ, ಶ್ರುತಿ ಯಾಲದಾಳು, ಸೌಮ್ಯಾ, ಶ್ಯಾಮಿಲಿ, ವಿದ್ಯಾರ್ಥಿ ನಾಯಕೆ ಚೇತನ್, ಕಾರ್ಯದರ್ಶಿ ಅಕ್ಷಯ್ ಕಂದಡ್ಕ, ಉಪಾಧ್ಯಕ್ಷೆ ಪ್ರೀಕ್ಷಾ, ಸಾಂಸ್ಕೃತಿಕ ಕಾರ್ಯದರ್ಶಿ ವಿದ್ಯಾಲಕ್ಷ್ಮಿ, ಕ್ರೀಡಾ ಕಾರ್ಯದರ್ಶಿ ಅಜಿತ್ ಜೋಗಿ ಪಾಲ್ ಪಡೆದಿತ್ತೆರ್.

ಸೆ.10: ಭಾಂಡೂಪ್ ಸ್ಥಳೀಯ ಕಚೇರಿಡ್ 169ನೇ ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ ಆಚರಣೆ

ಬಿಲ್ಲವರ ಸಂಘ ಬೊಂಬೈದ ಮುತಾಲಿಕೆಡ್ ಸೆ.10 ಐತಾರ ಭಾಂಡೂಪ್ ಸ್ಥಳೀಯ ಕಚೇರಿಡ್ 169ನೇ ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ ಆಚರಣೆ ನಡಪರೆ ಉಂಡು.

ಬೊಲ್ಪುಗು ಗಣಹೋಮ, ಗುರುಮೂರ್ತಿ ಅಭಿಷೇಕ, ಭಜನೆ, ಮಂಗಳಾರತಿ, ತೀರ್ಥಪ್ರಸಾದ, ದಾನಿಲೆಗ್ ಸನ್ಮಾನ, ಬೊಕ್ಕ ಮಧ್ಯಾಹ್ನ ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಬರೊಡು ಪಂದ್ ಬಿಲ್ಲವರ ಅಸೋಸಿಯೇಶನ್ ಬೊಂಬೈದ ಅಧ್ಯಕ್ಷೆರ್, ಸರ್ವಸದಸ್ಯೆರ್, ಭಾಂಡೂಪ್ ಸಮಿತಿದ ಸದಸ್ಯೆರ್, ಮಹಿಳಾ ವಿಭಾಗ ಬೊಕ್ಕ ಭಾಂಡೂಪ್ ಸ್ಥಳೀಯ ಕಛೇರಿದ ಯುವ ಘಟಕ ಲೆಪ್ಪೋಲೆಡ್ ತೆರಿಪಾದೆರ್.