ಬೊಂಬೈ : ಚಿಣ್ಣರ ಬಿಂಬ ಮುಂಬಯಿ ನೆತ್ತ ಶಿಬಿರಡ್ ಒಂಜಾಯಿನ ಭಯಂದರ್ ಶಿಬಿರದ ಕಲ್ಪಾರ್ಥಿಲೆನ ಉತ್ಸವ ಬೊಕ್ಕ ಪ್ರತಿಭಾ ಪಂತೊ ಆ.27 ಐತಾರ ಬೊಲ್ಪುಗು ಭಯಂದರ್ ಈಸ್ಟ್ ದ ಶಕ್ತಿನಗರ ಸೈಂಟ್ ಆಗ್ನೆಸ್ ಹೈಸ್ಕೂಲ್ ಡ್ ಚಿಣ್ಣರ ಬಿಂಬದ ರೂವಾರಿ ಪ್ರಕಾಶ್ ಭಂಡಾರಿ ಮೇರ್ ನ ಮಾರ್ಗದರ್ಶನ ಡ್ ನಡತ್ಂಡ್.
ಶಿಬಿರದ ಜೋಕ್ಲೆನ ಭಜನೆ, ಶಾರದ ಪೂಜೆ, ಗಣಪತಿ ಸ್ತುತಿದ ಒಟ್ಟಿಗೆ ಪ್ರತಿಭಾ ಪಂತೊ ಸುರು ಆಂಡ್.
ಭಾಷಣ, ಭಾವಗೀತೆ, ಜಾನಪದ ಗೀತೆ, ಏಕ ಪಾತ್ರಾಭಿನಯ, ಛದ್ಮ ವೇಷ ಪಾಲಕರೆಗಾದ್ ದೇಶಭಕ್ತಿ ಗೀತೆ ಪಂತೊ ನಡತ್ಂಡ್. ಶಿಬಿರದ ಮುಖ್ಯಸ್ಥೆರ್ ಜಯಲಕ್ಷ್ಮಿ ಪಿ ಶೆಟ್ಟಿ ಮಾತೆರೆನ್ ಎದ್ಕೊಂಡೆರ್. ಜೋಕ್ಲೆನ ಪ್ರತಿಭಾ ಪಂತೊ ಲೇಸ್ ನ್ ಹೋಟೆಲ್ ಉದ್ಯಮಿ ಜೈ ಕಿರಣ್ ಅರುಣೋದಯ ರೈ ಉದಿಪನ ಮಲ್ತೆರ್. ಶಿಬಿರದ ಜೋಕ್ಲೆರ್ದ್ ಪ್ರಾರ್ಥನೆ ನಡತ್ಂಡ್. ಲೇಸ್ ದ ಉದಿಪನ ಮಲ್ತ್ ಪಾತೆರ್ನ ಮೇರ್ ಚಿಣ್ಣರ ಬಿಂಬದ ತನ್ನ ಕಲ್ಪಾರ್ಥಿ ಜೀವನದ ದಿನ ನ್ ನೆನತ್ತೊಂದು ಯಾನ್ ಮೂಲ್ ಮಸ್ತ್ ಕಲ್ತ್ ದೆ ನಮ ಮಾತಾ ನೆತ್ತ ಪ್ರಯೋಜನ್ ನನಾತ್ ತುಳು ಕನ್ನಡಿಗರಿಗೆ ತಿಕ್ಕುನಂಚ ಪ್ರಯತ್ನ ಮಲ್ಪುಗ ಪಂಡೆರ್.
ಕೇಂದ್ರ ಸಮಿತಿದ ಸದಸ್ಯೆ ವಿಶಾಲಾಕ್ಷಿ ಶೆಟ್ರ್ ಪ್ರಾಸ್ತಾವಿಕವಾದ್ ಪಾತೆರಿಯೆರ್.
ಮಲ್ಲ ಬಿನ್ನೆರಾದ್ ಬಂಟರ ಸಂಘ ಮುಂಬೈ ಪ್ರಾದೇಶಿಕ ಸಮಿತಿ ಮೀರಾ ಭಯಂದರ್ ದ ಜೊತೆ ಕೋಶಾಧಿಕಾರಿ ರಮೇಶ ಎಂ ಶೆಟ್ಟಿ ಸಿದ್ದಕಟ್ಟೆ ಮೇರ್ ಪಾತೆರ್ದ್ ಜೋಕುಲ್ ತನ್ನ ಸುತ್ತಮುತ್ತದ ಮಾತಾ ಚಟುವಟಿಕೆನ್ ಬೇಗನೆ ತನ್ನ ಒಟ್ಟಿಗೆ ಅಳವಡಿಸಾವೊಂದು ಪೊಪೆರ್. ಸಂಸ್ಕಾರ ಕಲ್ತಿನ ವ್ಯಕ್ತಿ ಏಪಗ್ಲ ಬೊರ್ಚಾಂದಿನ ವ್ಯಕ್ತಿ ಆಪುಜೆರ್ ಜೋಕ್ಲೆನ್ ಶಿಕ್ಷೆ ಕೊರಂದೆ ಮೋಕೆಡ್ ತಾಳ್ಮೆಡ್ ತೂಲೆ ಪಂಡೆರ್.
ಎಂ.ಬಿ ಆರ್ ಗ್ಲೋಬಲ್ ಸರ್ವಿಸಸ್ ಪ್ರೈವೇಟ್ ಲಿಮಿಟೆಡ್ ಮೈಂಡ್ ಸ್ಪೇಸ್, ಮಲಾಡ್ ವೆಸ್ಟ್ ನೆತ್ತ ಸ್ಥಾಪಕೆರಾಯಿನ ವಿಜಯ್ ಬಾಲಕೃಷ್ಣ ರಾವ್ ಪಾತೆರ್ದ್ ಮಸ್ತ್ ಆತ್ಮವಿಶ್ವಾಸರ್ದ್ ಚಾವಡಿಗ್ ಬತ್ ದ್ ತನ್ನ ತನ್ನ ಅಭಿಪ್ರಾಯ ಪನೊಂದುಲ್ಲೆರ್. ಜೋಕ್ಲೆಗ್ ಪಾಲಕೆರ್ನ ಬೆರಿಬಲ ಇಜ್ಜಂದೆ ಉಂದು ಮಾತ ಸಾಧ್ಯ ಇಜ್ಜಿ. ಜೋಕ್ಲೆನ್ ತಿದ್ದ್ ದ್ ಸಂಸ್ಕಾರ ಸಂಸ್ಕೃತಿ ಕೊರೊಡು ಪಂದ್ ಪಂಡೆರ್.
ಕರ್ನಾಟಕ ಮಹಾಮಂಡಲ ಮೀರಾ ಬೈಂದರ್ ನೆತ್ತ ಸ್ಥಾಪಕೆರ್ ಚಂದ್ರಶೇಖರ್ ವಿ ಶೆಟ್ಟಿ ಪಾತೆರ್ದ್, ಚಿಣ್ಣರ ಬಿಂಬದ ಶಿಕ್ಷಕ ಆಪುನ ಆಸೆ ಇತ್ತ್ಂಡ್ ಸಮಯದ ಅಭಾವರ್ದ್ ಅವ್ ಆಯಿಜಿ. ಪಾಲಕೆರ್, ಶಿಕ್ಷಕೆರ್ ಚಿಣ್ಣರ ಬಿಂಬಡ್ ಕಲ್ಪಾಯಿನ ಸಂಸ್ಕೃತಿ ಸಂಸ್ಕಾರ ಪ್ರತಿಬಿಂಬಿಸಾದ್ ನೆಕ್ಕ್ ರೂವಾರಿ ಪ್ರಕಾಶ್ ಭಂಡಾರಿ ಅಣ್ಣಗ್ ಒರ ಲಕ್ಕ್ ದ್ ಉಂತುದು ಸೆಲ್ಯೂಟ್ ಮಲ್ಪುಲೇ ಪಂಡೆರ್. ಒವ್ವೆ ಸಂಸ್ಥೆಡ್ ತನನ್ ತಾನ್ ತೊಡಗಿಸಾದ್ ಸೇವೆ ಮಲ್ಪುನ ವ್ಯಕ್ತಿನ್ ಏಪಗ್ಲ ಮರೆಪೆರೆ ಬಲ್ಲಿ, ಪಾಲಕರೆಗ್ ಅವಕಾಶ ಕೊರ್ಪುನ ಏಕೈಕ ಸಂಸ್ಥೆ ಚಿಣ್ಣರ ಬಿಂಬ ಪಂಡೆರ್.
ಅರುಣ್ ಕಾಮರ್ಸ್ ಕ್ಲಾಸಸ್ ಭಯಂದರ್ ಈಸ್ಟ್ ನೆತ್ತ ಸ್ಥಾಪಕೆರಾಯಿನ ಅರುಣ್ ಟಿ ಪಕ್ಕಳ ಪಾತೆರ್ದ್ ಸಾಧನೆಗ್ ಮಿತಿ ಇಜ್ಜಿ ಕಲ್ತಿನ ಶಾಲೆಗ್ ಪೋನಗ ಇತ್ತೆಲಾ ಮುಟ್ಟುದ ಮಣ್ಣ್ ನ್ ಮುಂಡೊಗು ತಾಗಾದ್ ಎದುರು ಪೋಪ. ಒವ್ವೆ ಪದವಿ ಪಡೆಂಡಲ ನಮ ಕಲ್ತಿನ ಶಾಲೆ ಸಂಸ್ಥೆಲೆನ್ ಏಪಗ್ಲ ಮದಪೆರೆ ಬಲ್ಲಿ. ಯಾನ್ ಜೋಕ್ಲೆನ್ ಚಿಣ್ಣರ ಬಿಂಬಗ್ ಸೇರಿಸಾವಂದೆ ಯಾನ್ ಪಶ್ಚತಾಪ ಪಡೆಯೊಂದುಲ್ಲೆ . ಇಂಚಿನ ಮಲ್ಲ ಬೇಲೆ ಮಲ್ಪುನ ಪ್ರಕಾಶಣ್ಣಗ್ ರಾಜ್ಯೋತ್ಸವ ಪ್ರಶಸ್ತಿ ತಿಕ್ಕಡ್ ಪಂಡೆರ್.
ಮಾಟುಂಗಾ ಲಯನ್ಸ್ ಪಯೋನಿಯರ್ ಇಂಗ್ಲಿಷ್ ಸ್ಕೂಲ್ ಬೊಕ್ಕ ಜೂನಿಯರ್ ಕಾಲೇಜ್ ನ ಮಾಜಿ ಪ್ರಾಂಶುಪಾಲೆರಾಯಿನ ಸುಮತಿ ಎಸ್ ಶೆಟ್ಟಿ ಪಾತೆರ್ದ್ ಚಿಣ್ಣರ ಬಿಂಬದ ಲೇಸ್ ಆನ್ಲೈನ್ ಡ್ ತೂವೊಂದು ಇತ್ತೆ. ಇತ್ತೆ ವಾಸ್ತವವಾದ್ ತೂಯೆ ಪಾಲ್ ಪಡೆನ ಮಾತ ಜೋಕುಲು ಮಸ್ತ್ ಪ್ರತಿಭಾವಂತೆರ್. . ಜೋಕ್ಲೆಲು ಗುರಿ ತಲುಪುನ ನಮ್ಮ ಮುಖ್ಯ ಉದ್ಧೇಶ ಆವೊಡು ಪಂಡೆರ್.
ಅಯ್ಯಪ್ಪ ಭಕ್ತವೃಂದ ಶಿರಡಿನಗರ್ ಭಯಂದರ್ ಈಸ್ಟ್ ನೆತ್ತ ಗುರ್ಕಾರೆ ಸತೀಶ್ ಜೆ ಪೂಜಾರಿ ಮೇರ್ ಪಾತೆರ್ದ್ ಜೋಕುಲ್ ಮಾತ್ರ ಅತ್ತ್ ಪಾಲಕೆರೆಗ್ ಈ ಸಂಸ್ಥೆ ಡ್ ಅವಕಾಶ ತಿಕ್ಕುಂಡು ಬೊಂಬೈದ ಮಲ್ಲ ಪೇಂಟೆಡ್ ಚಿಣ್ಣರ ಬಿಂಬರ್ದ್ ಸಂಸ್ಕೃತಿ ಸಂಸ್ಕಾರ ಒರಿತೊಂದು ಬರ್ಪುನೆಟ್ ಒವ್ವೆ ಸಂಶಯ ಇಜ್ಜಿ ತನ್ನ ಜೋಕ್ಲೆನ್ ಸಹ ಈ ಸಂಸ್ಥೆಗ್ ಸೆರ್ಪಾವರೆ ಉತ್ಸುಕ ಆದ್ ಉಲ್ಲೆ ಪಂಡೆರ್.
ಲೇಸ್ ದ ಗುರ್ಕಾರ್ಮೆನ್ ವಹಿಸಾದ್ ಇತ್ತಿನ ಮೀರಾ ಭಯಂದರ್ ಮಾಜಿ ಕಾರ್ಪೊರೇಟರ್ ಅರವಿಂದ್ ಆನಂದ್ ಶೆಟ್ಟಿ ಪಾತೆರ್ದ್ ಪ್ರಕಾಶಣ್ಣನ ಚಿಂತನೆ ಬಾರಿ ಎಡ್ದೆ. ಜೋಕುಲು ಭವಿಷ್ಯಡ್ ಕಲ್ಲ್ ದ ಪೆಟ್ಟ್ ತಿಂದಿನ ಮೂರ್ತಿದಲೆಕ ಆದರ್ಶ ವ್ಯಕ್ತಿಯಾದ್ ಪರಿವರ್ತನೆ ಆಪೆರ್. ಅಂಚನೆ ಈ ಸಂಸ್ಥೆದ ಜೋಕುಲ್ ದುಂಬು ಒಂಜಿ ದಿನ ಉತ್ತಮ ಪ್ರಜೆ ಆಪುನೆಟ್ ಸಂಶಯ ಇಜ್ಜಿ. ಕಲ್ಪಾವುನ ಶಿಕ್ಷಕೆರ್ ಬೊಕ್ಕ ಪಾಲಕೆರೆಗ್ ಮಲ್ಲ ಸೊಲ್ಮೆಲು. ಸಂಸ್ಕಾರ, ಸಂಸ್ಕ್ರತಿ,ಶಿಸ್ತು ಮುಲ್ತ ಜೋಕ್ಲೆಡ ದೆರ್ತ್ ತೋಜುಂಡು ಪಂದ್ ಪಂಡೆರ್.
ಚಾವಡಿಡ್ ಪ್ರಾದೇಶಿಕ ಮುಖ್ಯಸ್ಥೆ ವಿನಯ ಶೆಟ್ಟಿ ಬೊಕ್ಕ ವಲಯ ಮುಖ್ಯಸ್ಥೆ ಆಶಾಲತಾ ಕೊಠಾರಿ ಇತ್ತೆರ್.
ತೀರ್ಪುಗಾರೆರಾದ್ ಬತ್ತಿನ ಸುಜಾತಾ ಶೆಟ್ಟಿ ಪಾತೆರ್ದ್ ಶಿಕ್ಷಕೆರ್ನ ಬೊಕ್ಕ ಪಾಲಕೆರ್ನ ಪ್ರೋತ್ಸಾಹರ್ದ್ ಜೋಕ್ಲೆನ ಪ್ರತಿಭೆ ಪಿದಾಯಿ ಬರೊಂದುಂಡು . ನೆಕ್ಕ್ ಚಿಣ್ಣರ ಬಿಂಬ ಸೂಕ್ತ ವೇದಿಕೆ ಕೊರ್ತುಂಡು. ಉಂದೆನ್ ಇಂಚ್ಚೆನೆ ನಡ ಪಾವೊಂದು ಪೊಂಡ ನಮ ನೀವು ಜೀವನಡ್ ಅಭಿವೃದ್ಧಿ ಆಪುನೆಟ್ಟ್ ಸಂಶಯ ಇಜ್ಜಿ ಪಂಡೆರ್.
ನನೊರಿ ತೀರ್ಪುಗಾರೆರ್ ಅಕ್ಷತಾ ದೇಶಪಾಂಡೆ ಪಾತೆರ್ದ್ ಎನ್ನ ಬಾಲ್ಯದ ದಿನ ನೆನಪಿಸಾದ್ ಸುರುತ ಸಲ ಚಿಣ್ಣರ ಬಿಂಬದ ಲೇಸ್ ಗ್ ಬೈದೆ. ಜೋಕ್ಲೆಗಾದ್ ಸ್ವಯಂಸೇವಕೆರ್ ಏತ್ ಬಂಗ ಬರೊಂದುಲ್ಲೆರ್ . ಚಾವಡಿದ ಮಿತ್ತ್ ಪ್ರೇಕ್ಷಕೆರೆನ್ ಎದುರಿಸಾವುನ ಆತ್ ಸುಲಭ ಅತ್ತ್ ಇಂಚಿನ ಅವಕಾಶ ನಿಕ್ಲೆಗ್ ಚಿಣ್ಣರ ಬಿಂಬ ಮಲ್ತೊಂದು ಉಂಡು ಪಂಡೆರ್
ಶಿಬಿರದ ಚಿಣ್ಣೆರ್ ಜಾನಪದ ನೃತ್ಯ ಪ್ರದರ್ಶನ ಕೊರಿಯೆರ್. ಪತ್ತನೆ ಬೊಕ್ಕ 12ನೇ ತರಗತಿದ ಉತ್ತೀರ್ಣರಾಯಿನ ಚಿಣ್ಣರ ಬಿಂಬದ ಜೋಕ್ಲೆನ್ ಮನಾದಿಗೆ ಮಲ್ತೆರ್. ಕರಿನ ವರ್ಷದ ಶಿಬಿರ ಮುಖ್ಯಸ್ಥೆ ಅಮಿತಾ ಶೆಟ್ಟಿ ಬೊಕ್ಕ ಸಾಂಸ್ಕೃತಿಕ ಮುಖ್ಯಸ್ಥೆ ಕುಶಲ ಪೂಜಾರಿ ಮೊಕ್ಲೆನ್ ಮಾನಾದಿಗೆ ಮಲ್ತೆರ್. ಚಿಣ್ಣೆರಾಯಿನ ಗೆಹನಾ ಶೆಟ್ಟಿ, ಸಾಕ್ಷಿ ಶೆಟ್ಟಿ, ಸಾಗರ್ ಪೂಜಾರಿ,, ವಂಶಿ ಶೆಟ್ಟಿ, ತನ್ವಿ ಶೆಟ್ಟಿ, ಖುಶಿ ಶೆಟ್ಟಿ ಪ್ರಜ್ಯೋತ್ ಶೆಟ್ಟಿ ನಿಹಾಲ್ ಪೂಜಾರಿ, ಅತಿಥಿ ಪರಿಚಯ ಮಲ್ತೆರ್. ಲೇಸ್ ನ್ ರಕ್ಷಿತ್ ಶೆಟ್ಟಿ ಬೊಕ್ಕ ಪ್ರಾಚಿ ಶೆಟ್ಟಿ ಸುಧಾರಿಕೆ ಮಲ್ತೆರ್.
ಬಹುಮಾನ ವಿತರಣಾ ಲೇಸ್ ನ್ ಕಾಂದಿವಲಿ ಶಿಬಿರದ ಆಶಾ ಮೊಗವೀರ, ಆಶಾ ಚೇವರ್, ಬೊಕ್ಕ ಮೀರಾ ರೋಡ್ ಶಿಬಿರದ ಶರ್ಮಿಳಾ ಶೆಟ್ಟಿ ನಡಪಾದ್ ಕೊರಿಯೆರ್.
ಗೆಂದಿನಕ್ಲೆನ ಪಟ್ಟಿ
ಭಾಷಣ ಸ್ಪರ್ಧೆ:( ಜೂನಿಯರ್)
ಸುರುತ ಇನಾಮು- ಸಾನ್ವಿ ಎಸ್ ಶೆಟ್ಟಿ
ರಡ್ಡನೆ ಇನಾಮು- ಆರೋಹಿ ಶೆಟ್ಟಿ
ಮೂಜಾನೆ ಇನಾಮು-ಮನ್ವಿತ್ ಪೂಜಾರಿ
ಚರ್ಚಾ ಸ್ಪರ್ಧೆ:(ಸೀನಿಯರ್)
ಸುರುತ ಇನಾಮು: ಆರಾಧ್ಯ ಶೆಟ್ಟಿ
ರಡ್ಡನೆ ಇನಾಮು: ನಮನ್ ಶೆಟ್ಟಿ
ಮೂಜನೆ ಇನಾಮು: ಸಾನ್ವಿ ಎಸ್ ಶೆಟ್ಟಿ
ಜಾನಪದ ಗೀತೆ: (ಜೂನಿಯರ್)
ಸುರುತ ಇನಾಮು : ಮನ್ವಿತ್ ಪೂಜಾರಿ
ರಡ್ಡನೆ ಇನಾಮು: ಆರೋಹಿ ಶೆಟ್ಟಿ
ಮೂಜನೆ ಇನಾಮು: ವಿಖ್ಯಾತ್ ಶೆಟ್ಟಿ
ಭಾವಗೀತೆ:( ಸೀನಿಯರ್)
ಸುರುತ ಇನಾಮು: ಆರಾಧ್ಯ ಶೆಟ್ಟಿ
ರಡ್ಡನೆ ಇನಾಮು: ಸಾನ್ವಿ ಶೆಟ್ಟಿ
ಮೂಜನೆ ಇನಾಮು: ನಮನ್ ಶೆಟ್ಟಿ
ಏಕಪಾತ್ರಾಭಿನಯ:( ಸೀನಿಯರ್)
ಸುರುತ ಇನಾಮು: ಸಾನ್ವಿ ಎಸ್ ಶೆಟ್ಟಿ
ರಡ್ಡನೆ ಇನಾಮು: ಚಿರಶ್ರೀ ಬಂಜನ್
ಮೂಜನೆ ಇನಾಮು : ಆರಾಧ್ಯ ಶೆಟ್ಟಿ
ಛದ್ಮವೇಷ ಸ್ಪರ್ಧೆ: (ಜೂನಿಯರ್)
ಸುರುತ ಇನಾಮು: ಆರೋಹಿ ಶೆಟ್ಟಿ
ರಡ್ಡನೆ ಇನಾಮು: ಸಾನ್ವಿ ಶೆಟ್ಟಿ
ಮೂಜನೆ ಇನಾಮು: ಸ್ವರ್ಣಿಕ್ ಗೌಡ
ಪಾಲಕರ ದೇಶಭಕ್ತಿ ಗೀತೆ
ಸುರುತ ಇನಾಮು ಜಯಲಕ್ಷ್ಮಿ ಶೆಟ್ಟಿ
ರಡ್ಡನೆ ಇನಾಮು: ದಿವ್ಯ ಶೆಟ್ಟಿ
ಮೂಜನೆ ಇನಾಮು: ಪ್ರಿಯಾಂಕಾ ಶೆಟ್ಟಿ
ಸಾಂಸ್ಕೃತಿಕ ಮುಖ್ಯಸ್ಥೆ ಸುಚಿತ್ರ ಎಚ್ ಪೂಜಾರಿ ಸೊಲ್ಮೆ ಸಂದಾಯ ಮಲ್ತೆರ್. ಲೇಸ್ ದ ಯಶಸ್ಸಿಗ್ ಭಯಂದರ್ ಶಿಬಿರದ ಮಾತ ಪಾಲಕೆರ್, ಜೋಕುಲು , ಶಿಕ್ಷಕೆರ್, ಸ್ವಯಂ ಸೇವಕೆರ್ ಹಳೆ ಕಲ್ಪಾರ್ಥಿಲು ಕಾರಣ ಆಯೆರ್. ಲಘು ಉಪಹಾರದ ವ್ಯವಸ್ಥೆದ ಒಟ್ಟುಗೆ ಜನಗಣ ಮನ ದೊಟ್ಟಿಗೆ ಲೇಸ್ ಮುಕ್ತಾಯ ಆಂಡ್.
