August 2023

ಕಸ್ತೂರಿ ರಂಗನ್ ವರದಿ ಮಿತ್ತ್ ಮಲ್ಲ ಪೊರ್ಂಬಾಟೊಗು ತಯಾರಿ

ಸುಬ್ರಹ್ಮಣ್ಯ: ಕರ್ನಾಟಕ ರಾಜ್ಯಡ್ ಕಸ್ತೂರಿರಂಗನ್ ವರದಿ ಜಾರಿ ಮಲ್ಪುನ ಬಗೆಟ್ಟ್ ಕುಡ ರಾಜ್ಯ ಸರಕಾರ ಪ್ಲಾನ್ ಮಲ್ತೊಂದು ಉಂಡು. ಪಶ್ಚಿಮ ಘಟ್ಟದ ಮುದೆಲ್ ದ ಗ್ರಾಮದ ಜನಕುಲು ಪ್ರತಿದಿನೊಲ ಪೋಡಿಗೆದ ವಾತಾವರಣಡ್ ಬದ್ಕುನ ಸ್ಥಿತಿ ನಿರ್ಮಾಣ ಆತ್ಂಡ್. ಕಸ್ತೂರಿ ರಂಗನ್ ಸಮಿತಿ ಕೊರ್ನ ವರದಿರ್ದ್ ಉಂದು ಗೊತ್ತಾತ್ತ್ಂಡ್. ಅಂಚಾದ್ ಮಲೆನಾಡು ಜನ ಹಿತ ರಕ್ಷಣಾ ವೇದಿಕೆ (ರಿ.) ಶಿರಾಡಿ, ಮುತಾಲಿಕೆಡ್ ನನ ಮಲ್ಲ ಪ್ರತಿಭಟನೆ ನಡಪಾವ ಪಂದ್ ವೇದಿಕೆ ಸಂಚಾಲಕೆರ್ ಕಿಶೋರ್ ಶಿರಾಡಿ ತೆರಿಪಾದೆರ್.

ಮೇರ್ ಅಂಗಾರೆ ನಡತಿನ ಸಮಾಲೋಚನಾ ಸಭೆಟ್ಟ್ ಪಾತೆರಿಯೆರ್. ಅತ್ತಂದೆ ಪಶ್ಚಿಮ ಘಟ್ಟಡ್ ಸೂಕ್ಷ್ಮ ವಲಯ ಪ್ರದೇಶದ ಜನಕುಲು ಕರಿನ 15 ವರ್ಷೊದಿಂಚ ಪಕ್ಷಾತೀತವಾದ್, ಜಾತ್ಯಾತೀತವಾದ್, ಗ್ರಾಮ ಗ್ರಾಮಲೆಡ್ ಪ್ರತಿಭಟನೆ ಮಲ್ತೊಂದು ಉಲ್ಲೆರ್. ಆತ್ ಮಾತ ಆಂಡಲ ಈ ವರದಿ ಬಗೆಟ್ಟ್ ಸಂಬಂಧಪಟ್ಟಿನ ಅಧಿಕಾರಿ ವರ್ಗದಕುಲು ಬರೆದ್ ಪೊಲಬು ಕೊರಿನವು ವಿಪರ್ಯಾಸ. ಈ ದಿಟ್ಟಿಡ್ ಇತ್ತೆ ಕುಡ ರಾಜ್ಯ ಸರಕಾರ ವರದಿ ಬಗೆಟ್ಟ್ ತಕರಾರು ಮಲ್ತೊಂದು ಉಂಡು. ಅಂಚೆನೆ ನೇರ್ದ್ ದುಂಬೇ ಮಾತ ಗ್ರಾಮಲೆನ ಗ್ರಾಮ ಪಂಚಾಯತ್ ಸಭೆಟ್ಟ್ ಕಸ್ತೂರಿ ರಂಗನ್ ವರದಿನ್ ಜಾರಿ ಮಲ್ಪುನೇ ಬೊರ್ಚಿ ಪನ್ಪುನ ಬಗೆಟ್ಟ್ ನಿರ್ಣಯ ದೆತೊಂದ. ಅಂಚೆನೆ ತಾಲೂಕ್ ಪಂಚಾಯತ್, ಜಿಲ್ಲಾ ಪಂಚಾಯತಿ ಸಭೆಟ್ಟ್ ವರದಿ ಜಾರಿಗ್ ವಿರೋಧ ಮಲ್ತ್ ದ್, ನಿರ್ಣಯ ದೆತೊಂದೆರ್. ಇತ್ತೆ ಮಾನಸಿಕ ಒತ್ತಡರ್ದ್ ಪಶ್ಚಿಮ ಘಟ್ಟಡ್ ವಾಸ ಮಲ್ತೊಂದು ಇಪ್ಪುನ ರೈತೆರ್ ಪೋಡಿಗೆಡ್ ಜೀವನ ನಡಪಾವೊಂದು ಉಲ್ಲೆರ್ ಪಂದ್ ಮೇರ್ ಪಂಡೆರ್.

ಸಮಾಲೋಚನಾ ಸಭೆಟ್ಟ್ ಜನಹಿತ ಮಲೆನಾಡು, ಜನಹಿತ ರಕ್ಷಣಾ ವೇದಿಕೆ ಸದಸ್ಯೆರ್ ಶೇಖರಪ್ಪ, ಹರೀಶ ಕಲ್ಲುಗುಂಡಿ, ಅಚ್ಯುತ ಗೌಡ ಸುಬ್ರಹ್ಮಣ್ಯ, ಶ್ರೀಕಾಂತ್ ಎನ್, ಜಯಪ್ರಕಾಶ್ ಕೂಜುಗೋಡು ಗಿರೀಶ ಪೈಲಾಜೆ, ಸಂತೋಷ ಎಂ, ಚಿದಾನಂದ ಗೌಡ ದೇವ್ಪಾಲು, ಡಾ. ಆದರ್ಶ ಜೋಸೆಫ್, ದಿಲೀಪ್ ಉಪ್ಪಳಿಕೆ ಇತ್ತೆರ್.

ವರದಿ: ಗೋಪಿಚಂದನ್ ಕೆ.ಎಸ್.

ಪವನ ಕಲಾವಿದೆರ್ ಕುಡ್ಲ ಅಭಿನಯದ ತೂಯಿಲೆಕ ಅತ್ತ್….ಮೂಲು ಬೇತೆನೆ ತುಳು ನಾಟಕದ ಮೂರ್ತ

ಪವನ ಕಲಾವಿದೆರ್ ಕುಡ್ಲ ಅಭಿನಯದ ತೂಯಿಲೆಕ ಅತ್ತ್….ಮೂಲು ಬೇತೆನೆ ತುಳು ಸಾಮಾಜಿಕ ಹಾಸ್ಯಮಯ ತುಳು ನಾಟಕದ ಮೂರ್ತ ಬೊಕ್ಕ ಪೋಸ್ಟರ್ ಬುಡುಗಡೆ ಕುತ್ತಾರು ರಾಜರಾಜೇಶ್ವರೀ ದೇವಲ್ಯಡ್ ಐತಾರ ನಡತ್ಂಡ್.

ನಿತಿನ್ ಹೊಸಂಗಡಿ ರಚನೆ ಬೊಕ್ಕ ನಿರ್ದೇಶನಡ್, ಕಿಶೋರ್ ಡಿ.ಕೆ ಮೆರೆನ ಸಮಗ್ರ ನಿರ್ವಹಣೆಡ್, ಪ್ರಕಾಶ್ ಬಂಗೇರ ಮೆರೆನ ಸಲಹೆ ಸಹಕಾರಡ್ ಈ ನಾಟಕ ನಡಪರೆ ಉಂಡು.

ಸುಭಾಸ್ ನಗರ ಕೊರಗತನಿಯ ಸೇವಾ ಸಮಿತಿದ ಕಾರ್ಯದರ್ಶಿ ಗೋಪಾಲ್ ದಾಸ್ ಪೋಸ್ಟರ್ ಬುಡುಗಡೆ ಮಲ್ತೆರ್. ತೊಕ್ಕೊಟ್ಟು ಭಗತ್ ಸಿಂಗ್ ಸೇವಾ ಪ್ರತಿಷ್ಠಾನದ ಅಧ್ಯಕ್ಷೆರ್ ಜೀವನ್ ಕುಮಾರ್ ತೊಕ್ಕೊಟ್ಟು ಪಾತೆರ್ದ್, ತೂಯಿಲೆಕ ಅತ್ತ್ ನಾಟಕ ನಮ್ಮ ಕಲಾ ರಸಿಕೆರೆನ ಮನಸ್ ಗೆಂದ್ ದ್, ಪ್ರತಿಯೊರಿನ ಬಾಯಿಡ್ಲಾ ಪುದರ್ ಬರ್ಪುನ ಒಂಜಿ ಕೂಟ ಆವಡ್, ಮಾತ ಕಲಾವಿದೆರ್ ಗ್ಲಾ ಕಲಾ ಸರಸ್ವತಿ ಅನುಗ್ರಹ ಮಲ್ಪಡ್ ಪಂದ್ ಪಂಡೆರ್.

ಕಾಪಿಕಾಡು ಉಮಾಮಹೇಶ್ವರೀ ದೇವಲ್ಯದ ಪ್ರಧಾನ ಕಾರ್ಯದರ್ಶಿ ಗಣೇಶ್ ಕಾಪಿಕಾಡು ಪಾತೆರ್ದ್, ನಿಕ್ಲೆನ ಕೂಟ ತುಳುರಂಗಭೂಮಿಡ್ ಸಂಚಲನ ಮೂಡಿಸಾದ್ ತುಳು ರಂಗ ಭೂಮಿಗ್ ಪುದರ್ ಕನಪುನ ಕೂಟ ಅವಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್.

ಈ ಪೊರ್ತುಡು ದುರ್ಗಾ ವಾಹಿನಿ ಮಹಿಳಾ ಮಂಡಳಿ ಕಾರ್ಯದರ್ಶಿ ಶಶಿಕಲಾ ಗಟ್ಟಿ, ಕೊರಗ ತನಿಯ ಸೇವಾ ಟ್ರಸ್ಟ್ ಸೇವಂತಿ ಗುಡ್ಡೆ ಮಾಜಿ ಅಧ್ಯಕ್ಷೆರ್ ಮೋಹನ್ ಸಾಲಿಯಾನ್, ನಾಟಕ ಬರವುಗಾರೆರ್ ಸತೀಶ್ ದೇರಳಕಟ್ಟೆ, ಟೀಮ್ ಮಂಜುಶ್ರೀ ಅಧ್ಯಕ್ಷೆರ್ ಮನೋಜ್ ಕೊಡಕಲ್, ನಾಟಕ ಕಲಾವಿದೆರ್ ನಝೀರ್ ಅಸೈಗೋಳಿ, ಸುರೇಶ ಮೆಂಡನ್ (ರಾಮಾಚಾರಿ) ಉಳ್ಳಾಲ, ಹರಿಪ್ರಸಾದ್ ಬಗಂಬಿಲ, ಮಾತೃ ಶ್ರೀ ಆರ್ಟ್ಸ್ ನಿರ್ದೇಶಕೆರ್ ದಿನೇಶ್ ಕಾಪಿಕಾಡ್, ನಾಟಕ ರಚನೆಗಾರೆ, ನಿರ್ದೇಶಕೆ ನಿತಿನ್ ಹೊಸಂಗಡಿ, ಪವನ ಕಲಾವಿದೆರ್ ಸಂಚಾಲಕೆರ್ ಕಿಶೋರ್. ಡಿ. ಕೆ ಕುಂಪಲ ಪಾಲ್ ಪಡೆದಿತ್ತೆರ್.

ಪವನ ಕಲಾವಿದೆರ್ ಕುಡ್ಲ ಕೂಟದ ಕಲಾವಿದೆ ಕಿರಣ್ ಕೊಲ್ಯ ಲೇಸ್ ದ ಸುಧಾರಿಕೆ ಮಲ್ತ್ ದ್, ಎದ್ಕೊಂದು, ಸೊಲ್ಮೆ ಸಂದಾಯೆರ್.

ಮಂಜೇಶ್ವರ ಸೇವಾ ಸಹಾಕಾರಿ ಬ್ಯಾಂಕ್ ದ ಎ.ಟಿ ಎಂ ಕಾರ್ಡ್ ಪಟ್ಟುನ ಉದಿಪನ ಲೇಸ್

ಮಂಜೇಶ್ವರ: ಮಂಜೇಶ್ವರ ಸೇವಾ ಸಹಕಾರಿ ಬ್ಯಾಂಕ್ ದ ಮುತಾಲಿಕೆಡ್ ಎಟಿಎಂ ಕಾರ್ಡ್ ಪಟ್ಟುನ ಉದಿಪನ ಲೇಸ್ ಬ್ಯಾಂಕ್ ದ ಪ್ರಧಾನ ಕಚೇರಿಡ್ ನಡತ್ಂಡ್.

ಬ್ಯಾಂಕ್ ದ ಆಡಳಿತ ಸಮಿತಿದ ಉಪಾಧ್ಯಕ್ಷೆರ್ ಯೋಗೀಶ್ ಕುಂಜತ್ತೂರ್ ಗುರ್ಕಾರ್ಮೆನ್ ಒಯಿಸೊಂದಿತ್ತೆರ್. ಬ್ಯಾಂಕ್ ದ ಹಿರಿಯ ಸದಸ್ಯೆರ್ ಯಶವಂತ್ ಭಟ್ ಮೆರೆಗ್ ಎಟಿಎಂ ಕಾರ್ಡ್ ನ್ ಕೊರ್ಪುನ ಮುಖೇನ ಬ್ಯಾಂಕ್ ದ ಅಧ್ಯಕ್ಷೆರ್ ಬಿವಿ ರಾಜನ್ ಉದಿಪನ ಮಲ್ತೆರ್.

ಬ್ಯಾಂಕ್ ದ ನಿರ್ದೇಶಕೆರ್ ಎಸ್ ರಾಮಚಂದ್ರ ಬಡಾಜೆ, ಯತೀಶ್ ಕಾಜೂರ್, ಡಾ.ಕೆ.ಎ ಖಾದರ್, ಸಿಎಚ್ ಗಣೇಶ್, ಕೆ ರಾಮದಾಸ್ ಎಡ್ಡೆಪ್ಪು ಬಯಕಿಯೆರ್. ಬೊಕ್ಕ ಶಿವಪ್ರಸಾದ್, ಕಮಲಾಕ್ಷ ಮೊಕುಲು ಬ್ಯಾಂಕ್ ಸಿಬ್ಬಂದಿಲೆನ ಪರವಾದ್ ಎಡ್ಡೆಪ್ಪು ಬಯಕಿಯೆರ್.

ಈ ಲೇಸ್ ಡ್ ಎಚ್ಚದ ಸಂಖ್ಯೆಡ್ ಬ್ಯಾಂಕ್ ದ ಗ್ರಾಹಕೆರ್ ಪಾಲ್ ಪಡೆದಿತ್ತೆರ್. ಬ್ಯಾಂಕ್ ಕಾರ್ಯದರ್ಶಿ ರಾಜನ್ ನಾಯರ್ ಎದ್ಕೊಂದು, ಸೊಲ್ಮೆ ಸಂದಾಯೆರ್.

ಭಾರತ್ ಕೋ-ಆಪರೇಟಿವ್ ಬ್ಯಾಂಕ್ ವಸೈ (W) ಶಾಖೆಡ್ 45 ನೇ ಸಂಸ್ಥಾಪನಾ ದಿನಾಚರಣೆ

ಭಾರತ್ ಕೋ-ಆಪರೇಟಿವ್ ಬ್ಯಾಂಕ್ (ಬೊಂಬೈ) ಲಿಮಿಟೆಡ್‌ ವಸೈ (W) ಶಾಖೆದ 45 ನೇ ಸಂಸ್ಥಾಪನಾ ದಿನಾಚರಣೆ ನಡತ್ಂಡ್.

ಭಾರತ್ ಬ್ಯಾಂಕ್ ನಿರ್ದೇಶಕೆರ್ ಕೆ ಬಿ ಪೂಜಾರಿ, ಇನ್ನಂಜೆ ಗ್ಯಾಲಕ್ಸಿ ಗ್ರೂಪ್ ಆಫ್ ಹೋಟೆಲ್ ದ ಶಶಿಧರ್ ಕೆ ಶೆಟ್ಟಿ, ಪ್ರಾಪ್. ಎಂ.ಎಸ್ಅಶೋಕ್ ಇಂಡಸ್ಟ್ರೀಸ್ ದ ಅಶೋಕ್ ಕುಮಾರ್ ಆರ್ ಶೆಟ್ಟಿ ಮೊಕುಲು ಒಟ್ಟು ಸೇರ್ದ್ ಕೇಕ್ ತುಂಡು ಮಲ್ಪುನ ಮುಖೇನ ಈ ಲೇಸ್ ನ್ ಆಚರಣೆ ಮಲ್ತೆರ್.

ಬಿಲ್ಲವರ ಅಸೋಸಿಯೇಶನ್ ವಸಾಯಿ ಸ್ಥಳೀಯ ಕಚೇರಿದ ಅಧ್ಯಕ್ಷೆರ್ ಕರುಣಾಕರ್ ಜಿ ಅಮೀನ್, ಗುರು ನಾರಾಯಣ ಸೇವಾ ಸಮಿತಿ ವಸಾಯಿದ ಗೌರವಾಧ್ಯಕ್ಷೆರ್ ಓ ಪಿ ಪೂಜಾರಿ, ಬಿಲ್ಲವರ ಅಸೋಸಿಯೇಶನ್ ಕೇಂದ್ರ ಕಚೇರಿ ಬೊಂಬೈದ ಪ್ರತಿನಿಧಿ ಹರಿಶ್ಚಂದ್ರ ಜಿ ಕುಂದರ್, ನಿರ್ದೇಶಕೆರ್ ಕೆ ಬಿ ಪೂಜಾರಿ ಶಾಖೆಡ್ ಪಾಲ್ ಪಡೆದ್ ಮಾತೆರೆನ್ಲಾ ಉದ್ದೇಶಿಸಾದ್ ಪಾತೆರ್ದ್, ನಮ್ಮ ಬ್ಯಾಂಕ್ ದ ಬುಲೆಚ್ಚಿಲ್ ಗ್ ಶಾಖೆದ ಕೊಡುಗೆನ್ ಪಾಲ್ ಪಟ್ಟ್ ದ್ಂಡ್. ಉಂದು ವರ್ಷ ಇಡೀ ನೆಂಪು ದೀಪುನ ಬುಲೆಚ್ಚಿಲ್ ಬೊಕ್ಕ ಸಾಧನೆಲು, ನಮ್ಮ ಸದಸ್ಯೆರೆನ ವಿಶ್ವಾಸ ಉತ್ತಮ ಆತ್ಂಡ್ ಪಂದ್ ಪಂಡೆರ್. ಅಂಚೆನೆ ಗ್ರಾಹಕೆರ್ ಬೊಕ್ಕ ಮಾತ ಸಿಬ್ಬಂದಿಲೆನ ಕಠಿಣ ಪರಿಶ್ರಮ ಬ್ಯಾಂಕ್‌ದ ಯಶಸ್ಸ್ ಗ್ ಪ್ರಮುಖ ಆತ್ಂಡ್.

ಒ ಪಿ ಪೂಜಾರಿ ಮೇರ್ ಪಾಲ್ ಪಡೆದ್, 1978 ಟ್ಟ್ ಸ್ಥಾಪನೆ ಆಯಿನ ಭಾರತ್ ಬ್ಯಾಂಕ್‌ದ ಇತಿಹಾಸನ್ ತೆರಿಪಾದ್, ತನ್ನ ಅನುಭವನ್ ಪಟ್ಟೊಂಡೆರ್. ಬೊಕ್ಕ ಬ್ಯಾಂಕ್ ಕೊರ್ಪುನ ವೈಯಕ್ತಿಕ ಸೇವೆನ್ ಮೆಚ್ವಿಯೆರ್. ಅಂಚೆನೆ ಶಾಖೆದ ವ್ಯವಸ್ಥಾಪಕೆರ್ ಬ್ಯಾಂಕ್ ನ್ ನನಾತ್ ಗಟ್ಟಿ ಮಲ್ಪರೆ ಸಿಬ್ಬಂದಿಲೆಡ, ಬಿನ್ನೆರೆಡ, ಗ್ರಾಹಕೆರೆಡ ಎಚ್ಚದ ಸಹಕಾರನ್ ಕೇಂಡೆರ್. ಬೊಕ್ಕ ಬ್ಯಾಂಕ್ ದ 45 ನೇ ಸಂಸ್ಥಾಪನಾ ದಿನತ್ತ ಕುಸಿತ್ತ ಪೊರ್ತುನು ಆಚರಣೆ ಮಲ್ಪೆರೆ ಹಾಜರ್ ಇತ್ತಿನ ಮಾತೆರೆಗ್ಲಾ ತನ್ನ ಕೃತಜ್ಞತೆನ್ ಸಂದಾಯೆರ್. ಬೊಕ್ಕ ಅಕ್ಲೆನ ಪ್ರೋತ್ಸಾಹಗ್ ಸೊಲ್ಮೆ ಸಂದಾಯೆರ್.

ಮಲ್ಲ ಬಿನ್ನೆರಾದ್ ಭಾರತ್ ಕೋ-ಆಪ್ ಬ್ಯಾಂಕ್ (ಬೊಂಬೈ) ಲಿಮಿಟೆಡ್ ನಿರ್ದೇಶಕೆರ್ ಕೆ ಬಿ ಪೂಜಾರಿ, ಇನ್ನಂಜೆ ಗ್ಯಾಲಕ್ಸಿ ಗ್ರೂಪ್ ಆಫ್ ಹೋಟೆಲ್ ವಸೈ ನಾಲಾಸೋಪರದ ಶಶಿಧರ್ ಕಾಳು ಶೆಟ್ಟಿ, ಪ್ರಾ.ಎಂ/ಎಸ್.ಅಶೋಕ್ ಇಂಡಸ್ಟ್ರೀಸ್- ವಸೈ ಪೂರ್ವದ ಅಶೋಕ್ ಕುಮಾರ್ ಆರ್.ಶೆಟ್ಟಿ, ಗುರುನಾರಾಯಣ ಸೇವಾ ಸಮಿತಿ- ವಸೈ ಗೌರವಾಧ್ಯಕ್ಷೆರ್ ಓ.ಪಿ.ಪೂಜಾರಿ, ಬಿಲ್ಲವರ ಸಂಘ ಬೊಂಬೈದ ಪ್ರತಿನಿಧಿ ಹರಿಶ್ಚಂದ್ರ ಜಿ ಕುಂದರ್, ಬಿಲ್ಲವರ ಅಸೋಸಿಯೇಶನ್ ವಸೈ ಸ್ಥಳೀಯ ಕಚೇರಿದ ಅಧ್ಯಕ್ಷೆರ್ ಕರುಣಾಕರ್ ಜಿ ಅಮೀನ್, ರವೀಂದ್ರ ಪೂಜಾರಿ, ನಳಿನಿ ರವೀಂದ್ರ ಪೂಜಾರಿ, ಶಾಖೆದ ವ್ಯವಸ್ಥಾಪಕೆರ್ ದಿನೇಶ್ ಗುರುವ ಪೂಜಾರಿ, ಉಪ ಶಾಖೆದ ಮುಖ್ಯಸ್ಥೆರ್ ಕಸ್ತೂರಿ ವೇಣುಗೋಪಾಲ್, ಸ್ಮಿತಾ ಅನಿಲ್ ಅಂಚನ್, ಅಧಿಕಾರಿ ಆಶಾಲತಾ ಅಮೀನ್, ಶ್ರುತಿ ಅಂಕಿತ್ ಅಂಚನ್, ನಿಪಾ ನಾರಾಯಣ ಪೂಜಾರಿ, ಸಿಬ್ಬಂದಿಲು ರಾಘವೇಂದ್ರ ಪ್ರಸಾದ್ ಸಾಲಿಯಾನ್, ಸ್ನೇಹಾ ನಿಖಿಲ್ ಸಾಲಿಯಾನ್, ಧನರಾಜ್ ಆರ್ ಪೂಜಾರಿ, ಶ್ರುತಿ ಸುರೇಶ್ ಕರ್ಕೇರ ಬೊಕ್ಕ ಶ್ರೇಯಾ ಕಿರಣ್ ಸುವರ್ಣ ಪಾಲ್ ಪಡೆದಿತ್ತೆರ್.

ಶಾಖೆದ ಪ್ರಬಂಧಕೆರ್ ದಿನೇಶ್ ಗುರುವ ಪೂಜಾರಿ ಮೇರ್ ಈ ಲೇಸ್ ಗ್ ಬತ್ತಿನ ಮಾತ ಬಿನ್ನೆರೆನ್, ಗ್ರಾಹಕೆರೆನ್ ಎದ್ಕೊನಿಯೆರ್.

ವರದಿ: ಯೋಗೀಶ್ ಪುತ್ರನ್, ಬೊಂಬಾಯಿ

ಆ.26: ಡಾ ಎ. ಸದಾನಂದ ಶೆಟ್ರೆಗ್ ಸಾರ್ವಜನಿಕ ಅಭಿನಂದನಾ ಲೇಸ್

ಕುಡ್ಲ: ಕುವೆಂಪು ವಿಶ್ವವಿದ್ಯಾನಿಲಯರ್ದ್ ಗೌರವ ಡಾಕ್ಟರೇಟ್ ಪದವಿ ಪುರಸ್ಕೃತೆರಾಯಿನ ಶ್ರೀದೇವಿ ಸಮೂಹ ಶಿಕ್ಷಣ ಸಂಸ್ಥೆದ ಅಧ್ಯಕ್ಷೆರ್ ಡಾ. ಎ. ಸದಾನಂದ ಶೆಟ್ಟಿ ಮೆರೆಗ್ ಸಾರ್ವಜನಿಕ ಅಭಿನಂದನಾ ಲೇಸ್ ಆ.26 ಸನಿಯಾರ ಬಯ್ಯಗ್ 4 ಗಂಟೆಗ್ ಕುಡ್ಲದ ಕುದ್ಮುಲ್ ರಂಗರಾವ್, ಪುರಭವನಡ್ ನಡಪರೆ ಉಂಡು ಪಂದ್ ಡಾ ಎ ಸದಾನಂದ ಶೆಟ್ಟಿ ಸಾರ್ವಜನಿಕ ಅಭಿನಂದನಾ ಸಮಿತಿದ ಅಧ್ಯಕ್ಷೆರ್ ರವೀಂದ್ರನಾಥ ರೈ ಪತ್ರಿಕಾಗೋಷ್ಠಿಡ್ ತೆರಿಪಾದೆರ್.

ದ.ಕ. ಸಂಸದೆರ್ ನಳಿನ್‌ಕುಮಾರ್ ಕಟೀಲ್ ಲೇಸ್ ದ ಗುರ್ಕಾರ್ಮೆನ್ ಒಯಿಸೊನ್ವೆರ್. ಮಾಜಿ ಮುಖ್ಯಮಂತ್ರಿ ಡಾ. ಎಂ. ವೀರಪ್ಪ ಮೊಯ್ಲಿ ಅಭಿನಂದನಾ ಭಾಷಣ ಮಲ್ಪರೆ ಉಲ್ಲೆರ್. ಕರ್ನಾಟಕ ವಿಧಾನಸಭೆತ್ತ ಸ್ಪೀಕರ್ ಯು.ಟಿ. ಖಾದರ್, ಕುಡ್ಲ ಮೇಯರ್ ಜಯಾನಂದ ಅಂಚನ್, ಶಾಸಕೆರ್ ಡಿ. ವೇದವ್ಯಾಸ ಕಾಮತ್, ಡಾ. ವೈ. ಭರತ್ ಶೆಟ್ಟಿ, ಮಾಜಿ ಸಚಿವೆರ್ ಬಿ. ರಮಾನಾಥ ರೈ, ಅಭಯಚಂದ್ರ ಜೈನ್, ನಿಟ್ಟೆ ವಿ.ವಿ.ದ ಕುಲಾಧಿಪತಿ ಡಾ. ಎನ್. ವಿನಯ ಹೆಗ್ಡೆ, ಕುಡ್ಲ ಬಿಷಪ್ ಡಾ. ಪೀಟರ್ ಪೌಲ್ ಸಲ್ದಾನ, ಕದ್ರಿ ಶ್ರೀ ಮಂಜುನಾಥೇಶ್ವರ ದೇವಲ್ಯದ ವ್ಯವಸ್ಥಾಪನ ಸಮಿತಿದ ಅಧ್ಯಕ್ಷೆರ್ ಡಾ. ಎ.ಜೆ. ಶೆಟ್ಟಿ, ಆಳ್ವಾಸ್ ಶಿಕ್ಷಣ ಸಂಸ್ಥೆದ ಅಧ್ಯಕ್ಷೆರ್ ಡಾ.ಎಂ.ಮೋಹನ ಆಳ್ವ, ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ, ಬೊಂಬೈದ ಉದ್ಯಮಿ ಪಾದೆ ಅಜಿತ್ ರೈ, ಸಂಗೀತ ನಿರ್ದೇಶಕೆರ್ ಗುರುಕಿರಣ್ ಮಲ್ಲ ಬಿನ್ನೆರಾದ್ ಬರಿಯೆರೆ ಉಲ್ಲೆರ್.

ಈ ಲೇಸ್ ಡ್ ಇಂಟರ್ ನ್ಯಾಷನಲ್ ಬಂಟ್ಸ್ ವೆಲ್ಫೇರ್ ಟ್ರಸ್ಟ್ ದ ಅಧ್ಯಕ್ಷೆರ್, ಶಾಸಕೆ ಗುರ್ಮೆ ಸುರೇಶ್ ಶೆಟ್ಟಿ, ಅಭಿನಂದನಾ ಸಮಿತಿದ ಗೌರವಾಧ್ಯಕ್ಷೆರ್, ಎಂ.ಆರ್.ಜಿ. ಗ್ರೂಪ್‌ದ ವ್ಯವಸ್ಥಾಪಕೆರ್, ನಿರ್ದೇಶಕೆರ್ ಕೆ. ಪ್ರಕಾಶ್ ಶೆಟ್ಟಿ ಪಾಲ್ ಪಡೆಯೆರೆ ಉಲ್ಲೆರ್.

ಲೇಸ್ ದ ಅಂಗವಾದ್ ಮಧ್ಯಾಹ್ನ 3 ಗಂಟೆರ್ದ್ ಪುಗರ್ತೆದ ಗಾಯಕೆರೆರ್ದ್ ಸುಗಮ ಸಂಗೀತ ಲೇಸ್ ನಡಪರೆ ಉಂಡು ಪಂದ್ ಪಂಡೆರ್.

ಈ ಪತ್ರಿಕಾಗೋಷ್ಠಿಡ್ ಸಮಿತಿದ ಅಧ್ಯಕ್ಷೆರ್ ರವೀಂದ್ರನಾಥ ರೈ, ಪ್ರಧಾನ ಕಾರ್ಯದರ್ಶಿ ಈಶ್ವರ್ ಕಟೀಲ್, ಕಾರ್ಯದರ್ಶಿ ಪುರುಷೋತ್ತಮ ಪೂಜಾರಿ, ಉಪಾಧ್ಯಕ್ಷೆರ್ ಎನ್.ಜೆ.ನಾಗೇಶ್, ಸತೀಶ್ ಕುಮಾರ್ ಕುದ್ರೋಳಿ, ಎ.ಉಮೇಶ್ ಗಟ್ಟಿ, ಸಂಚಾಲಕೆರ್ ಲೀಲಾಕ್ಷ ಕರ್ಕೇರ, ಪಿ.ಬಿ.ಹರೀಶ್ ರೈ, ಜಗನ್ನಾಥ ಶೆಟ್ಟಿ ಬಾಳ, ಪ್ರಕಾಶ್ ಕಾರಂತ್, ಡಿ.ಎಂ.ಅಸ್ಲಂ ಪಾಲ್ ಪಡೆದಿತ್ತೆರ್.

ಕುಕ್ಕೆ ದೇವಲ್ಯಗ್ ಬ್ಯಾಂಕ್ ಆಫ್ ಬರೋಡಾರ್ದ್ 5 ಕಂಪ್ಯೂಟರ್ ಕೊಡುಗೆ

ಸುಬ್ರಹ್ಮಣ್ಯ: ಮಹತೋಭಾರ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯಗ್ ನಾಗರಪಂಚೆಮಿದ ದಿನ ಬ್ಯಾಂಕ್ ಆಫ್ ಬರೋಡಾರ್ದ್ ಐನ್ ಕಂಪ್ಯೂಟರ್ ನ್ ಕೊಡುಗೆಯಾದ್ ಕೊರಿಯೆರ್.

ಕುಡ್ಲ ವಿಭಾಗದ ಜನರಲ್ ಮ್ಯಾನೇಜರ್ ಬೊಕ್ಕ ಝೋನಲ್ ಹೆಡ್ ಗಾಯತ್ರಿ ಆರ್ ಮೇರ್ ಶ್ರೀ ದೇವಲ್ಯಗ್ ಸುಮಾರ್ 1 ಲಕ್ಷದ 25 ಸಾರ ಬಿಲೆತ್ತ 5 ಕಂಪ್ಯೂಟರ್‌ನ್ ಮಂಜೂರಾತಿ ಮಲ್ತೆರ್.

ಈ ಕಂಪ್ಯೂಟರ್ ನ್ ಸೋಮಾರ ಶ್ರೀ ದೇವಳದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಮೋಹನರಾಂ ಎಸ್.ಸುಳ್ಳಿ ಬೊಕ್ಕ ಕಾರ್ಯನಿರ್ವಹಣಾಧಿಕಾರಿ ಡಾ.ನಿಂಗಯ್ಯ ಮೆರೆಗ್ ಬ್ಯಾಂಕ್‌ದ ಕುಡ್ಲ ವಿಭಾಗದ ಜಿಎಂ ಗಾಯತ್ರಿ ಮೆರೆನ ಪರವಾದ್ ಬ್ಯಾಂಕ್ ಆಫ್ ಬರೋಡಾದ ರೀಜನಲ್ ಮ್ಯಾನೇಜರ್ ದೇವಿಪ್ರಸಾದ್ ಶೆಟ್ಟಿ ಕೊರಿಯೆರ್.

ಬೊಕ್ಕ ಬಿಓಬಿದ ರೀಜನಲ್ ಮ್ಯಾನೇಜರ್ ದೇವಿಪ್ರಸಾದ್ ಶೆಟ್ಟಿ ಮೆರೆನ್ ದೇವಲ್ಯದ ಆಡಳಿತ ಕಚೇರಿಡ್ ಶಾಲ್ ಪಾಡ್ದ್ , ಶ್ರೀ ದೇವೆರೆನ ಪ್ರಸಾದ ಕೊರ್ದು ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ಶ್ರೀ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಮೋಹನರಾಂ ಎಸ್ ಸುಳ್ಳಿ, ಕಾರ್ಯನಿರ್ವಹಣಾಧಿಕಾರಿ ಡಾ.ನಿಂಗಯ್ಯ, ವ್ಯವಸ್ಥಾಪನಾ ಸಮಿತಿ ಸದಸ್ಯೆರ್ ವನಜಾ.ವಿ.ಭಟ್, ಶೋಭಾ ಗಿರಿಧರ್, ಬಿಓಬಿದ ಪುತ್ತೂರ್ ರೀಜನಲ್ ಆಫೀಸ್‌ದ ವೆಂಕಟ್, ಬಿಓಬಿದ ಸುಬ್ರಹ್ಮಣ್ಯ ಶಾಖಾ ಪ್ರಬಂಧಕೆರ್ ಕೃಷ್ಣಪ್ರಸಾದ್ ಸುಬ್ರಹ್ಮಣ್ಯ ಪಾಲ್ ಪಡೆದಿತ್ತೆರ್.

ವರದಿ: ಗೋಪಿಚಂದನ್ ಕೆ.ಎಸ್.

ಅಂಧೇರಿ ಶ್ರೀ ಲಕ್ಷ್ಮೀನಾರಾಯಣ ಮಂದಿರಡ್ ಗೌಜಿಡ್ ನಡತ್ಂಡ್ ನಾಗರ ಪಂಚೆಮಿ ಪೂಜೆ

ಬೊಂಬೈ: ನಾಗರ ಪಂಚೆಮಿದಾನಿ ಅಂಧೇರಿದ ಶ್ರೀ ಲಕ್ಷ್ಮೀನಾರಾಯಣ ಮಂದಿರಡ್ ಆ.21 ಕ್ಕ್ ಸೋಮಾರ ಪರಿವಾರ ದೇವೆರೆನ, ಬೊಕ್ಕ ನಾಗದೇವೆರೆನ ಸನ್ನಿಧಿಡ್ ಬೇತೆ ಬೇತೆ ಧಾರ್ಮಿಕ ಲೇಸ್ ನಡತ್ಂಡ್.

ಬೊಲ್ಪುಗು ಶ್ರೀ ಲಕ್ಷ್ಮೀ ದೇವೆರೆಗ್ ಮಹಾಪೂಜೆ, ನಾಗದೇವೆರೆನ ಸನ್ನಿಧಿಡ್ ಪಂಚಾಮೃತಾಭಿಷೇಕ, ಪೇರ್ ಅಭಿಷೇಕ ಬೊಕ್ಕ ಮಹಾಪೂಜೆನ್ ಗುರುಪ್ರಸಾದ್ ಭಟ್ ಮಲ್ತೆರ್.

ಈ ಲೇಸ್ ಗ್ ಕೈತಲ್ ದ ತುಳು ಕನ್ನಡಿಗೆರ್, ಸಮಿತಿ ಸದಸ್ಯೆರ್, ಮಹಿಳಾ ವಿಭಾಗದಕುಲು ಎಚ್ಚದ ಸಂಖ್ಯೆಡ್ ಪಾಲ್ ಪಡೆದಿತ್ತೆರ್.

ಈ ಪೊರ್ತುಡು ಸಮಿತಿದ ಅಧ್ಯಕ್ಷೆರ್ ಜಗನ್ನಾಥ ಪಿ ಪುತ್ರನ್, ಲೋಕನಾಥ ಕಾಂಚನ್, ಕೇಶವ ಆರ್ ಪುತ್ರನ್, ಸಂಜೀವ ಬಿ ಚಂದನ್, ಶ್ಯಾಮ್ ಪುತ್ರನ್, ಉದ್ಯಮಿ ಸಾಯಿಪ್ರಸಾದ್ ಕಾಂಚನ್, ಜಗನ್ನಾಥ್ ಕಾಂಚನ್, ಸುರೇಂದ್ರನಾಥ್ ಹಳೆಯಂಗಡಿ, ಅಶೋಕ್ ಸುವರ್ಣ, ಮಹಾಬಲ ಎಚ್, ಶಶಿಕುಮಾರ್ ಕೋಟ್ಯಾನ್, ಗುರುಪ್ರಸಾದ್ ಭಟ್, ವಾಸು ಉಪ್ಪೂರ್, ಅಶೋಕ್ ಕರ್ಕೇರ ಬೊಕ್ಕ ಮಹಿಳಾ ವಿಭಾಗದ ಇಂದಿರ ಯಾದವ, ಸುಮತಿ, ಜಯಂತಿ, ಜಾನಕಿ, ಶಾಂತ, ವಿದ್ಯಾ, ಮೀರಾ, ಮೋಹಿನಿ ಸುನಿತ ಪಾಲ್ ಪಡೆದಿತ್ತೆರ್.

ವರದಿ: ಯೋಗೀಶ್ ಪುತ್ರನ್

ಭಾರತ್ ಬ್ಯಾಂಕ್ ಕಲೀನಾ ಬ್ರ್ಯಾಂಚ್ ಡ್ 45ನೇ ಸಂಸ್ಥಾಪನಾ ದಿನಾಚರಣೆ

ಭಾರತ್ ಬ್ಯಾಂಕ್ (ಬೊಂಬೈ) ಲಿ.ದ ಕಲೀನಾ ಶಾಖೆಡ್ ಬ್ಯಾಂಕ್ ದ 45ನೇ ಸಂಸ್ಥಾಪನಾ ದಿನಾಚರಣೆ ನ್ ಇಂಚೊಗು ಮಲ್ತೆರ್.

ಮಲ್ಲ ಬಿನ್ನೆರಾದ್ ಬಿಲ್ಲವರ ಎಸೋಸಿಯೇಶನ್ ದ ಮಾಜಿ ಅಧ್ಯಕ್ಷೆರ್, ಬ್ಯಾಂಕ್ ದ ನಿರ್ದೇಶಕೆರ್, ಜಯಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಅಧ್ಯಕ್ಷೆರ್ ಎಲ್. ವಿ. ಅಮೀನ್, ಬ್ಯಾಂಕ್ ದ ನಿರ್ದೇಶಕೆರ್, ಬಿಲ್ಲವ ಚೇಂಬರ್ಸ್ ಆಫ್ ಕಾಮರ್ಸ್ ದ ಕಾರ್ಯಾಧ್ಯಕ್ಷೆರ್ ಎನ್. ಟಿ. ಪೂಜಾರಿ, ಪುರೋಹಿತೆರ್, ವಾಸ್ತು ತಜ್ಞೆರ್ ಅಶೋಕ್ ಪುರೋಹಿತ್, ಉದ್ಯಮಿ ಗ್ರೆಗೋರಿ ಅಲ್ಮೇಡಾ, ಕೆ. ಎಂ. ಸುವರ್ಣ, ವಿ. ಕೆ. ಶೆಟ್ಟಿ, ಲಾಲ್ ಚಂದ್ ಜೆ. ನಿಸಾದ್ ಕೇಕ್ ತುಂಡು ಮಲ್ತ್ ದ್ ಬ್ಯಾಂಕ್ ದ ಅಭಿವೃದ್ಧಿಗ್ ಎಡ್ಡೆಪ್ಪು ಬಯಕಿಯೆರ್.

ಭಾರತ್ ಬ್ಯಾಂಕ್ ದ ಮಾಜಿ ನಿರ್ದೇಶಕೆರ್, ಗ್ರಾಹಕೆರ್ ಎನ್. ಎಂ. ಸನಿಲ್, ಸಿಂಡಿಕೇಟ್ ಬ್ಯಾಂಕ್ ದ ಮಾಜಿ ಪ್ರಬಂಧಕೆರ್, ಬ್ಯಾಂಕ್ ದ ಚಿಂತಕೆರ್ ಕೆ. ಎಸ್. ರಾವ್, ಗ್ರಾಹಕೆರ್ ಅಬ್ದುಲ್ ಖಾದರ್ ಅಕು೯ಲ್, ಜೆರಾಲ್ಡ್ ಎಸ್. ಡಿಸೋಜಾ, ಮಹಾಬಲ ಜೆ. ಶೆಟ್ಟಿ, ಸುರೇಶ್ ಆರ್. ಸುವರ್ಣ ಎಡ್ಡೆಪ್ಪು ಬಯಕಿಯೆರ್.

ಶಾಖೆದ ಹಿರಿಯ ಪ್ರಬಂಧಕೆರ್ ಸುರೇಶ್ ಎಸ್. ಬಂಗೇರ ಬತ್ತಿನ ಮಾತ ಬಿನ್ನೆರೆನ್ ಎದ್ಕೊಂದು, ಪರಿಚಯ ಮಲ್ತೆರ್. ಉಪ ಪ್ರಬಂಧಕಿ ಜ್ಯೋತಿ ಎಸ್. ಬಂಗೇರ ಸೊಲ್ಮೆ ಸಂದಾಯೆರ್. ಬೊಕ್ಕ ಲೇಸ್ ಗ್ ಬತ್ತಿನ ಮಾತ ಗ್ರಾಹಕೆರೆಗ್ ಕೇಕ್ ನ್ ಪಟ್ಟಿಯೆರ್.

ಈ ಪೊರ್ತುಡು ಸಿಬ್ಬಂದಿ ಜಯರಾಮ್ ಜಿ. ನಾಯಕ್, ರೋಶ್ನಿ ಎಚ್. ಪೂಜಾರಿ, ಅನಿಶಾ ಅಮೀನ್, ಶೋಭಾ ಎ. ಬಂಗೇರ, ಭರತ್ ಎಸ್. ಪೂಜಾರಿ, ಪವಿತ್ರ ವಿ. ಕರ್ಕೇರ, ಸುಧಾಕರ್ ಎ. ಪೂಜಾರಿ, ಪದ್ಮಶ್ರೀ ಎನ್. ಪೂಜಾರಿ, ಶರತ್ ಕುಮಾರ್ ಎನ್. ಪೂಜಾರಿ, ಸಂದೀಪ್ ಕೆ. ಪೂಜಾರಿ, ಪ್ರಣಾಲಿ ವಿ. ರಾವ್, ಗಣೇಶ್ ಕೆ. ನಾಯರ್, ಚೇತನ್ ಜೆ. ಪೂಜಾರಿ ಲೇಸ್ ಡ್ ಪಾಲ್ ಪಡೆದ್ ಲೇಸ್ ದ ಯಶಸ್ವಿಗ್ ಕಾರಣ ಆತೆರ್.

ಅಟ್ಟಿ ಮಲ್ಲಿಗೆ ಬಪ್ಪನಾಡ್ ದೇವಿಗ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರೀ ಅಮ್ಮ ನ ತುಳು ಭಕ್ತಿಸುಗಿಪು ಬುಡುಗಡೆ

ದಯಾ ಕ್ರಿಯೇಷನ್ ಬಾಯಾರ್ ಆರ್ಪಣೆ ಮಲ್ಪುನ ಕುಡ್ಲ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಅಟ್ಟಿ ಮಲ್ಲಿಗೆ
ಬಪ್ಪನಾಡ್ ದೇವಿಗ್ ಪನ್ಪಿನ ತುಳು ಭಕ್ತಿ ಸುಗಿಪು ಐತಾರ ಶ್ರೀ ಕ್ಷೇತ್ರ ಬಪ್ಪನಾಡ್ ಬುಡುಗಡೆ ಆಂಡ್.

ಈ ಭಕ್ತಿಸುಗಿಪುನ್ ಕ್ಷೇತ್ರದ ಅರ್ಚಕೆರ್ ಬುಡುಗಡೆ ಮಲ್ತೆರ್. ಈ ಪೊರ್ತುಡು ಕ್ಷೇತ್ರದ ಆಡಳಿತ ಮಂಡಳಿ ಬೊಕ್ಕ ದಯಾನಂದ ಅಮೀನ್ ಬಾಯಾರ್ ಗಾಯಕಿ ರಕ್ಷಿತಾ ಪೂಜಾರಿ, ಸಾನ್ವಿ ಪುತ್ತೂರ್ ಇತ್ತೆರ್.

ಈ ಭಕ್ತಿಸುಗಿಪುಗ್ ಹರ್ಷಲ್ ಶೆಟ್ಟಿ ಕಲ್ಲಮುಂಡ್ಕೂರು ಸಾಹಿತ್ಯ ಬರೆತೆರ್. ರಕ್ಷಿತಾ ಪೂಜಾರಿ ಗಾಯನ ಮಲ್ದೆರ್. ಸಾನ್ವಿ ಪುತ್ತೂರ್ ಅಭಿನಯ ಮಲ್ದೆರ್. ಕಿಶೋರ್ ಬೊಲ್ತೇರ್ ಛಾಯಾಗ್ರಹಣ ಬೊಕ್ಕ ಸಂಕಲನ ಮಲ್ದೆರ್. ದಯಾನಂದ ಅಮೀನ್ ಬಾಯಾರ್ ಸಮಗ್ರ ನಿರ್ವಹಣೆ ಮಲ್ದೆರ್. ಈ ಭಕ್ತಿ ಸುಗಿಪುನ್ ದಯಾ ಕ್ರಿಯೇಷನ್ ಯೂಟ್ಯೂಬ್ ಚಾನಲ್ ಡ್ ಕೇನೊಲಿ.

ಬಲ್ಲ್ ಪಾಡೊಂದು ತೀರ್ ಪೋಯಿನ ಪೊಂಜೋವ್

ಬೊಲ್ತೇರ್: ಬಲ್ಲ್ ಪಾಡೊಂದು ಪೊಂಜೋವ್ ಒರ್ತಿ ಆತ್ಮಹತ್ಯೆ ಮಲ್ತೊನ್ನ ಘಟನೆ ಬೊಲ್ತೇರ್ ತಾಲೂಕ್ ದ ಬಳಂಜಡ್ ನಡತ್ಂಡ್.

ಕ್ರಿಸ್ತಾ ಅರೇಂಜೆರ್ ದ ಅಲ್ವಿನ್ ಪಿಂಟೋ ಮೆರೆನ ಬೊಡೆದಿ ಸಿಂಥಿಯಾ ಆತ್ಮಹತ್ಯೆ ಮಲ್ತೊನ್ನಾರ್. ಇಲ್ಲಲ್ ಏರ್ಲಾ ಇಜ್ಜಂದಿನ ಪೊರ್ತುಡು ಬಲ್ಲ್ ದೆತೊಂದೆರ್. ಮೆರೆನ ಸಾವುಗ್ ಕಾರಣ ನನ ತೆರಿದ್ ಬರೊಡಾತೆ. ಈ ಬಗೆಟ್ಟ್ ವೇಣೂರು ಪೊಲೀಸೆರ್ ತನಿಖೆ ಮಲ್ತೊಂದುಲ್ಲೆರ್.