January 2023

ಆಸ್ಟ್ರೇಲಿಯಾಡ್ ರಡ್ಡ್ ಹೆಲಿಕಾಪ್ಟರ್‌ ಗುದ್ದುದು ನಾಲ್ ಜನ ಖಲಾಸ್

ಬ್ರಿಸ್ಬೇನ್‌: ಆಸ್ಟ್ರೇಲಿಯಾಡ್ ರಾವೊಂದು ಇತ್ತಿನ ರಡ್ಡ್ ಹೆಲಿಕಾಪ್ಟರ್‌ಲು ಒಂಜೆಕ್ಕೊಂಜಿ ಗುದ್ದುದು ನಾಲ್ ಜನ ತೀರ್ ಪೋಯಿನ ಸೋಮಾರ ಮಧ್ಯಾಹ್ನ 2 ಗಂಟೆಗ್ ಘಟನೆ ನಡತ್ಂಡ್.

ನೆಟ್ಟ್ ಮೂಜಿ ಜನಕ್ ಮಸ್ತ್ ಪೆಟ್ಟಾತ್ಂಡ್. ಈ ಹೆಲಿಕಾಪ್ಟರ್ ಲು ಗುದ್ದುದು ಸೀ ವರ್ಲ್ಡ್ ರೆಸಾರ್ಟ್‌ರ್ದ್ ಪಿದಯಿ ಇಪ್ಪುನ ಪೊಯ್ಯೆದ ಮಿತ್ತ್ ಬೂರ್ದುಂಡು. ತುರ್ತು ಸೇವೆಲು ಕರಾವಳಿರ್ದ್ ಮಸ್ತ್ ದೂರಡ್ ಉಂಡು. ಆಂಡಲ ಕಾರ್ಯಾಚರಣೆ ಸುರು ಆತ್ಂಡ್ ಪಂದ್ ಆಗ್ನೇಯ ಪ್ರದೇಶದ ಪ್ರಾದೇಶಿಕ ಕರ್ತವ್ಯ ಅಧಿಕಾರಿ ಕ್ವೀನ್ಸ್‌ಲ್ಯಾಂಡ್ ಪೊಲೀಸ್ ಇನ್‌ಸ್ಪೆಕ್ಟರ್ ಗ್ಯಾರಿ ವೊರೆಲ್ ಮಾಧ್ಯಮಗ್ ತೆರಿಪಾದೆರ್.

ಕೊಂಪದವು ಅಂಗನವಾಡಿ, ರಿಕ್ಷಾ ಪಾರ್ಕ್ ಉದಿಪನ ಮಲ್ತಿನ ಶಾಸಕೆರ್ ಡಾ.ವೈ ಭರತ್ ಶೆಟ್ಟಿ

ಕರ್ನಾಟಕ ಸರ್ಕಾರದ ಲೋಕೋಪಯೋಗಿ ಇಲಾಖೆದ 5 ಕೋಟಿ ರೂ. ಬಿಲೆತ ನೆಲ್ಲಿತೀರ್ಥ ನೀರುಡೆ ಕಣಿಕಟ್ಟ ಸಂಪರ್ಕ ಮಾರ್ಗಗ್ ಕಾಂಕ್ರಿಟ್ ಪಾಡುನ ಕಜ್ಜೊಗು ಕೆಸರ್ ಕಲ್ಲ್ ಪೂಜೆ ನ್ ಶಾಸಕೆರ್ ಡಾ.ವೈ ಭರತ್ ಶೆಟ್ಟಿ ಮಲ್ತೆರ್.

ಬೊಕ್ಕ ಮೇರ್ ಕೈತಲ್ ದ ಪ್ರದೇಶಾಭಿವೃದ್ಧಿ ಯೋಜನೆದ ಅನುದಾನಡ್ 4 ಲಕ್ಷ ರೂ. ಬಿಲೆಟ್ ಕೊಂಪದವು ಅಂಗನವಾಡಿ ಕೇಂದ್ರಗ್ ಮಿತ್ತ ಚಾವಡಿ, 2.75 ಲಕ್ಷ ರೂ. ಬಿಲೆತ ಕೊಂಪದವು ರಿಕ್ಷಾ ಪಾರ್ಕ್ ಬೊಕ್ಕ 1.25 ಲಕ್ಷ ರೂ. ಬಿಲೆಟ್ ನಿರ್ಮಾಣ ಆಯಿನ ಮುಚ್ಚೂರು ರಿಕ್ಷಾ ಪಾರ್ಕ್ ನ್ ಉದಿಪನ ಮಲ್ತೆರ್.

ಈ ಪೊರ್ತುಡು ಜಿಲ್ಲಾ ಪಂಚಾಯತ್ ಮಾಜಿ ಸದಸ್ಯೆರ್ ಜನಾರ್ದನ ಗೌಡ, ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಮೋಹಿನಿ, ಉಪಾಧ್ಯಕ್ಷೆರ್ ನಾರಾಯಣ ಎ.ಎಸ್, ಮಾಜಿ ಅಧ್ಯಕ್ಷೆರ್ ಪ್ರಕಾಶ್ ಹೆಗ್ಡೆ, ಸದಸ್ಯೆರ್ ವೀರಪ್ಪ ಗೌಡ, ರಜನೀಶ್, ಉದಯ ನಾಯ್ಕ್, ಪೂರ್ಣಿಮಾ ಹರಿಪ್ರಕಾಶ್, ಸುಮನ, ಮಾಜಿ ಸದಸ್ಯೆರ್ ಸಂದೇಶ್ ಡೇಸ ಇತ್ತೆರ್. ಪ್ರಸಾದ್ ಶೆಟ್ಟಿ ಕೊಂಪದವು ಸುಧಾರಿಕೆ ಮಲ್ತೆರ್. ಪಂಚಾಯತ್ ಕಾರ್ಯದರ್ಶಿ ಸತೀಶ್ ಸೊಲ್ಮೆ ಸಂದಾಯೆರ್.