ಟೈಮ್ಸ್ ಆಫ್ ಕುಡ್ಲ | Times of Kudla | Kudla Tulu Patrike

Thu. Jun 25th, 2026

2022

Uncategorized

ರಾಜ್ಯದ ಐನ್ ಜನಕ್ ಪದ್ಮ ಪ್ರಶಸ್ತಿ; ಜ. ಬಿಪಿನ್ ರಾವತ್​ಗ್ ಮರಣೋತ್ತರ ಪದ್ಮ ವಿಭೂಷಣ

ನವದೆಹಲಿ: ಭಾರತ ಸರ್ಕಾರದ ಅತ್ಯುನ್ನತ ನಾಗರಿಕ ಮಾನಾದಿಗೆ ಆಯಿನ ಪದ್ಮ ಪ್ರಶಸ್ತಿನ್ ಕೇಂದ್ರ ಸರ್ಕಾರ ಪ್ರಕಟ ಮಲ್ದುಂಡು . ಬೇತೆ ಬೇತೆ ಕ್ಷೇತ್ರೊಡು ಬೆನ್ನಿ ಬೆಂತಿನ ಸಾಧಕೆರೆಗ್ ಮಾನಾದಿಗೆ ಮಲ್ಪುವೆರ್. 2022ನೇ ಸಾಲ್ ಡ್ ಒಟ್ಟು 128 ಜನಕ್ ಪದ್ಮಶ್ರೀ, ಪದ್ಮ ಭೂಷಣ, ಪದ್ಮ ವಿಭೂಷಣ ಪ್ರಶಸ್ತಿಗಗ್ ಆಯ್ಕೆ ಮಲ್ತ್ ಇತ್ತೆರ್ . ಸಾಧಕೆರೆಗ್ ರಾಷ್ಟ್ರಪತಿ ರಾಮನಾಥ ಕೋವಿಂದ್ ಮೆರ್ ಪ್ರಶಸ್ತಿ ಪ್ರಧಾನ ಮಲ್ಪರೆ ಉಲ್ಲೆರ್ .

10 ಜನಕ್ ಮರಣೋತ್ತರ ಪದ್ಮ ಪ್ರಶಸ್ತಿ

ಈ ಸಲ 4 ಪದ್ಮವಿಭೂಷಣ, 17 ಪದ್ಮಭೂಷಣ ಬೊಕ್ಕ 107 ಪದ್ಮಶ್ರೀ ಪ್ರಶಸ್ತಿನ್ ಘೋಷಣೆ ಮಲ್ದೆರ್ . ಪ್ರಶಸ್ತಿ ಪುರಸ್ಕೃತೆರ್ ನೆಟ್ಟ್ 34 ಪೊಂಜೊವುಲು ಬೊಕ್ಕ 10 ಜನಕ್ ಮರಣೋತ್ತರ ಪದ್ಮ ಪ್ರಶಸ್ತಿ ಘೋಷಣೆ ಮಲ್ದೆರ್ .

ಬಿಪಿನ್​ ರಾವತ್​​ಗ್ ಪದ್ಮ ವಿಭೂಷಣ ಪ್ರಶಸ್ತಿ:
ಈ ಸಲ ನಾಲ್ ಜನಕ್ ಪದ್ಮ ವಿಭೂಷಣ ಪ್ರಶಸ್ತಿ ಪ್ರಕಟ ಮಲ್ದೆರ್ , ಜನರಲ್ ಬಿಪಿನ್ ರಾವತ್ ಬೊಕ್ಕ ಯೂಪಿ ಮಾಜಿ ಸಿಎಂ ಕಲ್ಯಾಣ್ ಸಿಂಗ್ ಅಂಚನೆ ಉತ್ತರ ಪ್ರದೇಶದ ರಾಧೇಶ್ಯಾಮ್ ಖೇಮ್ಕಾ ಮರಣೋತ್ತರವಾದ್ ಪದ್ಮವಿಭೂಷಣ ಪ್ರಶಸ್ತಿ ಘೋಷಣೆ ಮಲ್ದೆರ್ .

Uncategorized

ಆಳ್ವಾಸ್ ತುಳು ಸಂಸ್ಕೃತಿ ಅಧ್ಯಯನ ಕೇಂದ್ರ ಬೊಕ್ಕ ರೋಟರಿ ಕ್ಲಬ್ ಸಿದ್ದಕಟ್ಟೆ ಫಲ್ಗುಣಿ ಒಟ್ಟು ಸೇರಿಗೆಡ್ ಜಾನಪದ ದಾಖಲೀಕರಣ

ಬೆದ್ರ : ಆಳ್ವಾಸ್ ತುಳು ಸಂಸ್ಕೃತಿ ಅಧ್ಯಯನ ಕೇಂದ್ರ ಬೊಕ್ಕ ರೋಟರಿ ಕ್ಲಬ್ ಸಿದ್ದಕಟ್ಟೆ ಫಲ್ಗುಣಿ ಒಟ್ಟು ಸೇರಿಗೆಡ್ ಜಾನಪದ ದಾಖಲೀಕರಣ ತಾರೀಖ್ 26/1/2022 ನೇ ಬುಧಾರದಾನಿ ಸಿದ್ದಕಟ್ಟೆ ದ ಪಿಂಕಿ ಟವರ್ಸ್ ಡ್ ಕಾಂಡೆ 9:30 ಕ್ ನಡಪರೇ ಉಂಡು.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆರಾಯಿನ ಶ್ರೀ ಗೋಪಾಲ ಅಂಚನ್ ಲೇಸ್ ಉದಿಪನ ಮಲ್ಪರೆ ಉಲ್ಲೆರ್.

Uncategorized

‘ಸ್ವಾಭಿಮಾನದ ನಡೆಕ್ ‘ ಗರೋಡಿ ಕ್ಷೇತ್ರೊಡು ಚಾಲನೆ ಕೊರಿನ ಪೂಜಾರ್ಲು

ಕುಡ್ಲ : ಕೇರಳ ಸರ್ಕಾರ ಕಡಪಾಯಿನ ನಾರಾಯಣ ಗುರುಕ್ಲೆನ ಸ್ತಬ್ದ ಚಿತ್ರ ಪ್ರಸ್ತಾವನೆ ತಿರಸ್ಕಾರ ಮಲ್ತಿನ ನೆಲೆಟ್ಟ್ ಗಣರಾಜ್ಯೋತ್ಸವ ದಿನವಾಯಿನ ಇನಿ ಪೇಂಟೆದ ಗರೋಡಿ ಕ್ಷೇತ್ರೋರ್ದು ‘ಸ್ವಾಭಿಮಾನ ನಡೆ ‘ ಸುರು ಆಂಡ್ . ಬಿರುವೆರೆ ನೇತಾರೆ ಬೊಕ್ಕ ಕೇಂದ್ರದ ಮಾಜಿ ಸಚಿವೇರಾಯಿನ ಬಿ. ಜನಾರ್ದನ ಪೂಜಾರಿ ತಾರಾಯಿ ಆಕುನ ಮುಖೇನ ಜಾಥಾಗ್ ಚಾಲನೆ ಕೊರಿಯೆರ್ .

ಈ ಪೊರ್ತುಡು ಮಾತಾ ಪಕ್ಷ, ಸಂಘಟನೆ, ಜಾತಿ, ಧರ್ಮದ ನಾಯಕೆರ್ ಕಾರ್ಯಂತೆರ್ ಪಾಲ್ ಪಡೆದಿತ್ತೆರ್ . ವಿಹೆಚ್‌ಪಿ ಪೆರಿಯ ನಾಯಕ ಎಂ.ಬಿ ಪುರಾಣಿಕ್, ಶರಣ್ ಪಂಪ್‌ವೆಲ್, ಹಾಲಿ ಶಾಸಕ ಯು.ಟಿ ಖಾದರ್, ಮಾಜಿ ಶಾಸಕಿ ಶಕುಂತಳಾ ಶೆಟ್ಟಿ, ವಸಂತ್ ಬಂಗೇರಾ, ಎಂಎಲ್‌ಸಿ ಹರೀಶ್ ಕುಮಾರ್, ಕುದ್ರೋಳಿ ಕ್ಷೇತ್ರದ ಕೋಶಾಧಿಕಾರಿ ಆರ್.ಪದ್ಮರಾಜ್ ಪಾಲ್ ಪಡೆದಿತ್ತೆರ್ . ಈ ಜಾಥ ಲೇಡಿಹಿಲ್ ವೃತ್ತರ್ದ್ ಬತ್ದ್ ಅಲ್ಪರ್ದ್ ಕುದ್ರೋಳಿ ಕ್ಷೇತ್ರೊಗು ನಡತೊಂದು ಬರಿಯರೆ ಉಲ್ಲೆರ್.

Uncategorized

ಹುಷಾರ್ ದಾಂತೆ ತೀರ್ ಪೋಯಿನ ಖ್ಯಾತ ಸಂಗೀತ ಕಲಾವಿದೆ ಶೀಲಾ ದಿವಾಕರ್

ಕುಡ್ಲ : ಕರಾವಳಿದ ಕೋಗಿಲೆ ಆರ್ಯಭಟ ಪ್ರಶಸ್ತಿ ಪುರಸ್ಕೃತೆ ಖ್ಯಾತ ಸಂಗೀತ ಕಲಾವಿದೆಯಾಯಿನ ಶೀಲಾ ದಿವಾಕರ್ ಹುಷಾರ್ ದಾಂತೆ ತೀರ್ ಪೋಯೆರ್ .

ಕರಿನ 28 ವರ್ಷರ್ದ್ ಸಂಗೀತ ರಂಗದ ಅವ್ವೆತೋ ಮೇರು ಪ್ರತಿಭೆಲೆಗ್ ಗುರುವಾಯಿನ ಆರ್ಯಭಟ ಪ್ರಶಸ್ತಿ ಪುರಸ್ಕೃತೆ ಶೀಲಾ ದಿವಾಕರ್ ಹುಷಾರ್ ದಾಂತೆ ಕೆಲವು ದಿನತ ಪಿರವು ಖಾಸಗಿ ಆಸ್ಪತ್ರೆಗ್ ದಾಖಲಾದ್ ಇತ್ತೆರ್ ಆಂಡ ಮರ್ದ್ ಫಲಕಾರಿ ಆದ್ ತೀರ್ ಪೋತೆರ್.

3000ರ್ದ್ ಜಾಸ್ತಿ ಪ್ರತಿಷ್ಠಿತ ಮತ್ತರ್ಮೆಡ್ ಪುಗಾರ್ತೆ ಪಡೆಯಿನ ಲೇಸ್ ಕೊರಿನ ಖ್ಯಾತ ಗಾಯಕಿ. ಸಂಗೀತದ ಮುಖೇನ ಸನಾತನ ಪರಂಪರೆನ್ ಒರಿಪಾದ್ ಬುಲೆಪಾಯಿನಾರ್ ಶೀಲಾ ದಿವಾಕರ್. ಸಂಗೀತ ಕ್ಷೇತ್ರೋಡು ಅಮರ್ ಜೋಕುಲು ಶೀಲ ಬೊಕ್ಕ ಶೈಲ ಮೆರ್ ಪುದರ್ ಪಡೆತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮುಲ್ಕಿ ಒಡೆಯರಬೆಟ್ಟು ಬೊಬ್ಬರ್ಯ ದೇವಸ್ಥಾನಡ್ ಅನ್ನಸಂತರ್ಪಣೆ

ಮುಲ್ಕಿ: ಒಡೆಯರಬೆಟ್ಟು ಶ್ರೀ ಬೊಬ್ಬರ್ಯ ದೈವಸ್ಥಾನಡ್ ವರ್ಷಾವಧಿದ ನೇಮದ ಉಚ್ಚಯದ ಅಂಗವಾದ್ ಕಾಂಡೆ ನವಕಪ್ರಧಾನ ಹೋಮ, ಕಲಶಾಭಿಷೇಕ ನಡತ್ ದ್ ಮಧ್ಯಾಹ್ನ ಅನ್ನಸಂತರ್ಪಣೆ ನಡತ್ಂಡ್.


ಹರೀಶ್ ಗುರಿಕಾರೆರ್, ಲಲಿತ್, ನೀರಜಾಕ್ಷಿ ಅಗರ್ ವಾಲ್ ಅಂಚೆನೆ ಸಮಾಜದ ಗುರಿಕಾರೆರ್ನ ಎದುರು ಪಲ್ಲಪೂಜೆ ನಡತ್ಂಡ್. ಒಡೆಯರಬೆಟ್ಟು ಮೊಗವೀರ ಮಹಿಳಾ ಸಭಾದ ಕಾರ್ಯಕರ್ತೆರ್ ಅನ್ನಪ್ರಸಾದ ಬಳಸುನ ಕೆಲಸೊಡು ಸಕ್ರಿಯವಾದ್ ಪಾಲ್ ಪಡೆಯೆರ್.

ಒಂಜಿ ಸಾರೊರ್ದುಲ ಎಚ್ಚ ಜನ ಅನ್ನ ಸಂತರ್ಪಣೆಡ್ ಪಾಲ್ ಪಡೆದೆರ್.
ಒಡೆಯರಬೆಟ್ಟು ಬೊಮ್ಮಹೌಸ್ ದ ವಿನೋದ ಬೊಕ್ಕ ಸುರೇಶ್ ಗುರಿಕಾರೆರ್ನ ಮಗೆ ವಿಕಾಸ್ ಸುರೇಶ್ ಸುವರ್ಣ, ಬೊಂಬಾಯಿ ಅಂಚೆನೆ ಜಗ್ಗ ಗುರಿಕಾರ ಮನೆ ಪುಷ್ಪ ಬೊಕ್ಕ ಲೋಕನಾಥ್ ಜಿ. ಮೈಂದನ್ ಮೊಕ್ಲೆನ ಪುಲ್ಲಿ ವಿಹಾನಾ ದೀಪಕ್ ಮೈಂದನ್ ಮೊಕುಲು ಅನ್ನಸಂತರ್ಪಣೆ ದ ಸೇವೆನ್ ಒಯಿಸೊಂದೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News ವಿದ್ಯೆಗ್ ಸಂಬಂದ ಪಟ್ಟಿನ ಮಾಹಿತಿ | Education Information

ಫೆ.೨೧-೨೬: ಪತ್ತನೇ ಕ್ಲಾಸ್‌ದ ಪ್ರಿಪರೇಟರಿ ಪರೀಕ್ಷೆ

ಕುಡ್ಲ: ಪತ್ತನೇ ಕ್ಲಾಸ್‌ದಕ್ಲೆಗ್ ಪ್ರಿಪರೇಟರಿ ಪರೀಕ್ಷೆ ಫೆಬ್ರವರಿ ೨೧-೨೬ ಮುಟ್ಟ ನಡಪರೆ ಉಂಡು ಪಂದ್ ಕರ್ನಾಟಕ ಪ್ರೌಢಶಿಕ್ಷಣ ಮಂಡಳಿ ತೆರಿಪಾದ್ಂಡ್. ಕಾಂಡೆ ೧೦.೩೦ ಗಂಟೆರ್ದ್ ಮಧ್ಯಾಹ್ನ ೧.೪೫ ಗಂಟೆ ಮುಟ್ಟ ಪರೀಕ್ಷೆ ನಡಪುಂಡು.


ಫೆ.೨೧ ಪ್ರಥಮ ಭಾಷೆ, ಫೆ.೨೨ ಸಮಾಜವಿಜ್ಞಾನ, ಫೆ.೨೩ ದ್ವಿತೀಯ ಭಾಷೆ, ಫೆ.೨೪ ಗಣಿತ, ಫೆ.೨೫ ತೃತಿಯ ಭಾಷೆ ಫೆ.೨೬ ವಿಜ್ಞಾನ ಪರೀಕ್ಷೆ ನಡಪರೆ ಉಂಡು. ಅವ್ವತ್ತಾಂದೆ ಎಸ್ಸೆಸ್ಸೆಲ್ಸಿ ಮಲ್ಲ ಪರೀಕ್ಷೆದ ಟೈಮ್ ಟೇಬಲ್ ಬುಡುಗಡೆ ಆತ್ಂಡ್. ಮಾರ್ಚ್ ೨೮ ತಾರೀಕ್‌ರ್ದ್ ಏಪ್ರಿಲ್ ೧೧ ತಾರೀಕ್ ಮುಟ್ಟ ಪತ್ತನೆ ಕ್ಲಾಸ್‌ದ ಮಲ್ಲ ಪರೀಕ್ಷೆ ನಡಪರೆ ಉಂಡು ಪಂದ್ ಮಂಡಳಿ ಪತ್ರಿಕಾ ಹೇಳಿಕೆಡ್ ತೆರಿಪಾದ್ಂಡ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಶಾಲೆದ ಟೀಚರ್‌ನಕ್ಲೆಗ್ಲ ಸ್ಕೂಲ್ ಬಸ್!

ಕುಡ್ಲ: ಶಾಲೆದ ಜೋಕುಲೆಗ್ ಪೋವರೆ, ಬರ್ರೆ ಸ್ಕೂಲ್ ಬಸ್ ಇತ್ತಿನವು ಮಾತೆರೆಗ್ಲ ಗೊತ್ತಿತ್ತಿನ ವಿಚಾರ. ಆಂಡ ಮಾಸ್ಟರ್‌ನಕುಲು, ಟೀಚರ್‌ನಕ್ಲೆಗ್ಲ ಶಾಲೆಗ್ ಪೋವರೆ, ಬರ್ರೆ ಸ್ಕೂಲ್ ಬಸ್ ಮಲ್ದಿನ ವಿಚಾರ ನಿಕ್ಲೆಗ್ ಗೊತ್ತುಂಡೇ?

ಅಂದ್, ಕೊರೊನಾ, ಲಾಕ್‌ಡೌನ್, ಥರ್ಡ್ ವೇವ್ ಇಂಚಿನ ಮಾತಾ ಪೊಸ ಪೊಸ ಸಂಗತಿಲು ಇಡೀ ಜಗತ್ತ್‌ನೇ ಬದಲಾವಣೆ ಮಲ್ತ್‌ದ್ಂಡ್. “ಪರಿವರ್ತನೆ ಜಗದ ನಿಯಮ’ ಪನ್ಪಿನ ಪಾತೆರದಲೆಕ್ಕನೆ ಬದಲಾತಿನ ಜಗತ್ತ್‌ಡ್ ಜನೊಕ್ಕುಲು ಬದ್‌ಕರೆ ಕಲ್ದೆರ್. ಇಂಚ ಬಾರಿ ಸಮಯೊರ್ದು ಬೊಕ್ಕ ಶಾಲೆ, ಕಾಲೇಜಿ ಸುರುವಾತ್ಂಡ್. ಆಂಡ ಅರ್ಧಂಬರ್ದ ಕ್ಲಾಸ್, ಅರ್ಧ ಸಂಬಳ ಇಂಚಿನ ಮಾತಾ ಸಮಸ್ಯೆಲು ಶಾಲೆದ ಟೀಚರ್, ಮಾಸ್ಟರ್‌ನಕ್ಲೆನ್‌ಲ ಬುಡ್ತುಜಿ.
ಕಡಿಮೆ ಸಂಬಳೊಡು ಎಂಚಾಂಡಲ ಜೀವನ ಮಲ್ಪೊಡು ಪನ್ಪಿನ ಉದ್ದೇಸ ದೀದ್ ಮಾತೆರ್‍ಲ ಕರ್ಚಿ ಕಮ್ಮಿ ಮಲ್ಪರೆ ತೂಯೆರ್. ಒಂತೆ ಆಂಡಲ ಕಾಸ್ ಒರಿಪಾವರೆ ತೂವೊಂದುಲ್ಲೆರ್. ಮಾತೆರ್‍ಲ ಸರಳ ಜೀವನೊಗು ಒಗ್ಗ್‌ದ್ ಪೋತೆರ್.
ಶಾಲೆದ ಜೋಕುಲೆಗ್ ಬಸ್, ವ್ಯಾನ್‌ದ ವ್ಯವಸ್ಥೆ ಉಂಡು. ಆಂಡ ಟೀಚರ್‌ನಕುಲು ಅಕ್ಲೆಕ್ಲನ ಗಾಡಿಡ್ ಬರೊಡು. ಅಂಚಿಡ್ ಪೆಟ್ರೋಲ್, ಡೀಸೆಲ್‌ದ ಬಿಲೆ ಜಾಸ್ತಿ. ಕಾಸ್ ಒರಿಯೊಂದಿತ್ತಿಜಿ. ಆ ಪೊರ್ತುಡು ಸುರತ್ಕಲ್ ಎಂಆರ್‌ಪಿಎಲ್‌ದ ಡೆಲ್ಲಿ ಪಬ್ಲಿಕ್ ಸ್ಕೂಲ್‌ದ ಶಿಕ್ಷಕೆರ್ ಒಂಜಿ ಉಪಾಯ ಮಲ್ತೆರ್. ಅವು ದಾದ ಪಂಡ ಶಾಲೆದ ಟೀಚರ್‌ನಕ್ಲೆಗ್ಲ ಸ್ಕೂಲ್ ಬಸ್ ಪನ್ಪಿನ ಕಾಸೆಪ್ಟ್!
ಒಂಜಿ ವ್ಯಾನ್ ಬುಕ್ ಮಲ್ತ್‌ದ್ ಮಾತೆರ್‍ಲ ಒಂಜೇ ಗಾಡಿಡ್ ಪೋದು ಬರ್ಪಿನ ವ್ಯವಸ್ಥೆ ಮಲ್ತೊಂಡೆರ್. ಸುಮಾ ಬೊಕ್ಕ ಶಾಮಲ ಟೀಚರ್‌ನಕುಲು ಈ ಐಡಿಯೊನು ಬೇತೆ ಟೀಚರ್‌ನಕ್ಲೆನ ಒಟ್ಟುಸೇರಿಗೆಡ್ ಅನುಷ್ಠಾನೊಗು ಕನದೆರ್. ೧೫ ಜನ ಶಿಕ್ಷಕೆರ್ ಒಟ್ಟುಗಾದ್ ಒಂಜಿ ಮಿನಿ ಬಸ್‌ದ ವ್ಯವಸ್ಥೆ ಮಲ್ತೊಂಡೆರ್. ಇತ್ತೆ ಆ ಬಸ್‌ಡೇ ಶಾಲೆಗ್ ಪೋದು ಬರೊಂದುಲ್ಲೆರ್.
ಡ್ರೈವರ್ ಪೊರ್ತುಗು ಸರಿಯಾದ್ ಶಿಕ್ಷ್ಷಕೆರ್‍ನ ಇಲ್ಲ ಬಾಕಿಲ್‌ಗ್ ಬತ್ತ್‌ದ್ ಅಕ್ಲೆನ್ ಶಾಲೆಗ್ ಲೆತೊಂದು ಪೋದು ಬಯ್ಯಗ್ ಅಂಚೆನೆ ಇಲ್ಲ ಬಾಕಿಲ್Uನ್ಪಿರ ಕನತ್ ಬುಡ್ಪೆರ್. ಉಂದೆಟ್ಟ್ ಪೊರ್ತುಲ ಹಾಳಾಪುಜಿ. ದುಡ್ಡುಲ ಎಚ್ಚ ಕರ್ಚಾಪುಜಿ ಪನ್ಪೆರ್ ಈ ಬಸ್‌ಟ್ ದಿನೊಲ ಪೋಪಿನ ಟೀಚರ್‌ನಕುಲು. ಅಕ್ಲೆನ ಈ ಯೋಜನೆ ಯಶಸ್ವಿ ಆವಡ್. ಕಷ್ಟದ ಕಾಲೊಡು ಮಲ್ದಿನ ಈ ವ್ಯವಸ್ಥೆ ಬೇತೆಕಲೆಗ್ಲ ಮಾದರಿ ಆವಡ್ ಪನ್ಪಿನ ಆಶಯ ನಮ್ಮವು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ನನ ತಿಕ್ಕುಂಡುಗೆ 10 ರೂ.ಗ್ ವಣಸ್

ದಿಲ್ಲಿ: ಕೇಂದ್ರ ಸರ್ಕಾರ ಇಡೀ ದೇಶೊಡು ಸಬ್ಸಿಡಿ ಆಧಾರಿತ ಕ್ಯಾಂಟೀನ್ ಯೋಜನೆನ್ ಸುರು ಮಲ್ಪರೆ ಆಲೋಚನೆ ಮಲ್ದ್ಂಡ್. ಒಂಜಿ ವೇಳೆ ಈ ಯೋಜನೆ ಸುರುವಾಂಡ ಜನೊಕ್ಲೆಗ್ ಬಾರಿ ಕಮ್ಮಿ ಕಾಸ್‌ಡ್ ಪಂಡ 10ರೂ.ಗ್ ಒಂಜಿ ವಣಸ್ ತಿಕ್ಕುನ ಸಾಧ್ಯತೆ ಉಂಡು.

ಕರ್ನಾಟಕಡ್ ಇಂದಿರಾ ಕ್ಯಾಂಟೀನ್, ತಮಿಳ್ನಾಡ್‌ಡ್ ಅಮ್ಮಾ ಕ್ಯಾಂಟೀನ್ ಯೋಜನೆ ಇತ್ತಿಲೆಕ್ಕನೆ ಅವೆರ್ದ್ ಸುಧಾರಿತ ರೀತಿಡ್ ಸಬ್ಸಿಡಿ ಕ್ಯಾಂಟೀನ್ ಸುರು ಮಲ್ಪರೆ ಕೇಂದ್ರ ಸರಕಾರ ಚಿಂತನೆ ಮಲ್ತೊಂದುಂಡು ಪಂದ್ ತೆರಿದ್ ಬೈದ್ಂಡ್.
ಸದ್ಯೊಗು ಚಾಲನೆಡ್ ಉಪ್ಪುನ ಪಿಎಂ ಗರೀಬ್ ಕಲ್ಯಾಣ ಯೋಜನೆ ಬೊಕ್ಕ ಆಹಾರ ಸಬ್ಸಿಡಿ ಯೋಜನೆದ ಸಾಧಕ ಬಾಧಕ ದಾದ ಪಂದ್ ತೆರಿದ್ ಬೊಕ್ಕ ಈ ಯೋಜನೆ ಜಾರಿಗೆ ಬರ್ಪಿನ ಸಾಧ್ಯತೆ ಉಂಡು.
ಬಡವೆರೆಗ್ 10 ರೂ. ಇಜ್ಜಾಂಡ 15ರೂ. ಗ್ ಒಂಜಿ ವಣಸ್ ಕೊರ್ಪಿನ ನಿಲೆಟ್ಟ್ ಈ ಪ್ರಸ್ತಾವನೆ ಬೈದ್ಂಡ್. ಉಂದೆನ್ ಪರಿಶೀಲನೆ ಮಲ್ತೊಂದುಲ್ಲ ಪಂದ್ ಪಣವುದ ಸಚಿವಾಲಯದ ಅಧಿಕಾರಿಲು ತೆರಿಪಾದೆರ್. ಬಡವೆರ್ ಅಕ್ಲೆನ ರೇಷನ್ ಕಾರ್ಡ್ ಇಜ್ಜಿಡ ಆಧಾರ್ ಕಾರ್ಡ್ ತೋಜಪಾದ್ ಕಡಿಮೆ ಕ್ರಯೊಟ್ಟು ವಣಸ್ ಮಲ್ಪೊಲಿ ಪಂದ್ ಅಯಿತ ವರದಿ ತೆರಿಪಾದ್ಂಡ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

2012ನೇ ಇಸ್ವಿದ ಗಣರಾಜ್ಯೋತ್ಸವ ಪೆರೇಡ್‌ಡ್ ತೋಜಿದ್ಂಡ್ ‘ತುಳುನಾಡ ದೈವಾರಾಧನೆ’ ಗೌಜಿ

ಕುಡ್ಲ: ದಿಲ್ಲಿಡ್ ನಡಪುನ 2022ನೇ ವರ್ಷದ ಗಣರಾಜ್ಯೋತ್ಸವ ಪೆರೇಡ್‌ಡ್ ಪಾಲ್ ಪಡೆವುನ ಟ್ಯಾಬ್ಲೊದ ವಿಚಾರೊಡು ಬಾರಿ ಚರ್ಚೆ ಆವೊಂದುಂಡು. ಕೇರಳ ಸರಕಾರದ ಬ್ರಹ್ಮಶ್ರೀ ನಾರಾಯಣ ಗುರುಕ್ಕುಲೆನ ಅಂಚೆನೆ ಜಟಾಯು ಪಾರ ಪನ್ಪಿನ ಸ್ತಬ್ಧಚಿತ್ರೊನು ಕೇಂದ್ರ ಸರಕಾರ ತಿರಸ್ಕಾರ ಮಲ್ದಿನ ವಿಚಾರೊಡು ವಿರೋಧ ಬೊಕ್ಕ ಸಮರ್ಥನೆದ ನಡುಟ್ಟೆ ಚರ್ಚೆ ನಡತೊಂದುಂಡು. ಕೇರಳ ಮಾತ್ರ ಅತ್ತಾಂದೆ ತುಳುವ ಮಣ್ಣ್‌ಡ್‌ಲ ಸಮಾಜ ಸುಧಾರಣೆ ಮಲ್ದಿನ ನಾರಾಯಣ ಗುರುಕ್ಕುಲೆಗ್ ಅವಮಾನ ಆತಿನ ವಿಚಾರೊಡು ಅವ್ವೇತೊ ಸಂಘಟನೆದಕುಲು ಖಂಡಿಸಾದ್, ತಪ್ಪುನು ಸರಿ ಮಲ್ಪರೆ ಒತ್ತಾಯ ಮಲ್ತೊಂದುಲ್ಲೆರ್.ಆಂಡ ಅವೆನ್ ಸರಿ ಮಲ್ಪುನ ವಿಚಾರ ಕೇಂದ್ರ ಸರಕಾರೊಗು ಬುಡ್ತಿನವು. ಇಂಚಿನ ಪೊರ್ತುಡು ೨೦೧೨ನೇ ಇಸ್ವಿದ ಗಣರಾಜ್ಯೋತ್ಸವ ಪೆರೇಡ್‌ಡ್ ತುಳುನಾಡ್‌ದ ದೈವಾರಾಧನೆದ ಟ್ಯಾಬ್ಲೋಗು ಬಾರಿ ಗೌರವ ತಿಕ್‌ದ್ಂಡ್ ಪನ್ಪಿನ ವಿಚಾರದ ವೀಡಿಯೊ ಬಾರಿ ವೈರಲ್ ಆವೊಂದುಂಡು.
೨೦೧೨ನೇ ಇಸ್ವಿದ ಗಣರಾಜ್ಯೋತ್ಸವದ ಪರೇಡ್‌ಡ್ ಗೋವಾ ರಾಜ್ಯದ ಟ್ಯಾಬ್ಲೊರ್ದು ಬೊಕ್ಕ ಬತ್ತಿನ ಟ್ಯಾಬ್ಲೊ ಕರ್ನಾಟಕದ. ತುಳುನಾಡ ದೈವಾರಾಧನೆ ಪನ್ಪಿನ ಕಾನ್ಸೆಪ್ಟ್‌ನ್ ಅಪಗದ ಕರ್ನಾಟಕ ಸರ್ಕಾರ ಮಲ್ದಿತ್ತ್ಂಡ್. ತುಳುನಾಡ್‌ದ ದೈವಸ್ಥಾನ ಪ್ರತಿಕೃತಿದ ಎದುರುಡು ತಾಸೆ, ವಾದ್ಯ ಬ್ಯಾಂಡ್‌ದ ಹಿನ್ನೆಲೆ ಸೊರೊಟ್ಟು ಮಂತ್ರದೇವತೆನ ನಲಿಕೆದೊಟ್ಟುಗು ಮಾತಾ ದೈವೊಲೆನ ಪ್ರತಿನಿಧಿನಕುಲು ಸಿರಿ ಸಿಂಗಾರಾದ್, ಗಗ್ಗರ ಕಟ್ಟೊಂದು, ಅಣಿ ಕಟ್ಟ್‌ದ್, ಮುಗ ಏರ್‍ದ್ ದಿಲ್ಲಿದ ರಾಜಮಾರ್ಗೊಡು ನಡತೊಂದು ಪೋಪಿನ ಆ ತುಳುನಾಡ ದೈವಾರಾಧನೆದ ವೈಭವ ಬಾರಿ ಮೆಚ್ಚಿಗೆನ್ ಪಡೆದಿತ್ತ್ಂಡ್.


ಆ ಪೊರ್ತುಡು ಕೇಂದ್ರಡ್ ಕಾಂಗ್ರೆಸ್ ಸರಕಾರ ಇತ್ತ್ಂಡ್. ಪ್ರಧಾನಿಯಾದ್ ಮನಮೋಹನ್ ಸಿಂಗ್ ಇತ್ತೆರ್. ಎದುರುಪಕ್ಷದ ನಾಯಕೆರ್ ಲಾಲ್ ಕೃಷ್ಣ ಆಡ್ವಾಣಿ, ಕಾಂಗ್ರೆಸ್‌ದ ಮುಖಂಡೆರ್ ವೀರಪ್ಪ ಮೊಯಿಲಿ, ಎಸ್.ಎಂ.ಕೃಷ್ಣ ಇಂಚಿನ ಮಾತಾ ನಾಯಕೆರ್‍ನ ಎದುರುಡು ಕರ್ನಾಟಕ ರಾಜ್ಯ ಸರಕಾರದ “ತುಳುನಾಡಿನ ದೈವಾರಾಧನೆ’ ಪನ್ಪಿನ ಪರಿಕಲ್ಪನೆದ ಟ್ಯಾಬ್ಲೊ ಮೆರವಣಿಗೆ ಪೋವೊಂದಿತ್ತ್ಂಡ್. ಆ ಪೊರ್ತುಡು ಥೈಲ್ಯಾಂಡ್ ದೇಶದ ಪ್ರಧಾನಿ ಯಂಗ್‌ಲಾಕ್ ಶೀನವ್ರತ ಮಲ್ಲ ಬಿನ್ನೆರಾದ್ ಬತ್ತಿತ್ತೆರ್. ಇಂಚ ಆ ಕಾಲೊಡು ತುಳುನಾಡ್‌ದ ದೈವಾರಾಧನೆ ಪಂಡ ದಾದ ಪಂಡ್‌ದ್ ಲೋಕೊರ್ಮೆ ಪುಗರ್ತೆ ಪಡೆದಿತ್ತ್ಂಡ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಹೋಂ ಐಸೋಲೇಷನ್ಡ್ ಉಪ್ಪುನಕ್ಲೆಗ್ ಮರ್ದ್ದ ಕಿಟ್

ಕುಡ್ಲ : ಕುಡ್ಲಡ್ ಕೋವಿಡ್‌ ಪ್ರಕರಣ ದಿನರ್ದ್ ದಿನಕ್ ಜಾಸ್ತಿ ಆವೊಂದು ಉಪ್ಪುನೆರ್ದಾವರ , ಎಚ್ಚದ ಜನಕ್ ಸೌಮ್ಯ ಗುಣಲಕ್ಷಣ ತೊಜೀದ್ ಬರೊಂದು ಉಂಡು . ಕೋವಿಡ್‌ ಬತ್ದ್ ಗೃಹ ನಿಗಾವಣೆಡ್ ಉಪ್ಪುನಕ್ಲೆಗ್ ಮರ್ದ್ ದ ಪ್ರತ್ಯೇಕ ಕಿಟ್‌ ಕೊರಿಯೆರೆ ಆರೋಗ್ಯ ಇಲಾಖೆ ದುಂಬು ಬೈದುಂಡು .ಕಮ್ಮಿ ಲಕ್ಷಣ ಇತ್ತ್ ದ್ ಹೋಂ ಐಸೋಲೇಶನ್‌ಗ್ ಉಪ್ಪುನ ಕೊರೊನಾ ಸೋಂಕುಪೀಡಿತೆರೆಗ್ ಆರೋಗ್ಯ ಇಲಾಖೆದ ಮುಖೇನ ಕೊರ್ಪಿನ ಕಿಟ್ ಡ್ ಒಟ್ಟು 5 ದಿನ ಉಪಯೋಗ ಮಲ್ಪುನoಚಿನ ಮರ್ದ್ ಉಂಡು ಪಂದ್ ಜಿಲ್ಲಾ ಆರೋಗ್ಯಾಧಿಕಾರಿ ಡಾ| ಕಿಶೋರ್‌ ಕುಮಾರ್‌ ಪಂತೆರ್.

Medical kit for persons on home isolation:

Mangalore: With raising numbers in covid 19 casesin the city; persons with mild symptoms are advised home isolation.The health department has decided to give medical kit to persons on home isolation.The kit has medicine package for five days said medical officer Dr Kishore Kumar.

You Missed

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ

Copyright © All rights reserved - The Times of Kudla Mangalore | Paper News by Themeansar.