2022

ಡೆಲ್ಲಿಡ್ ಜನವರಿರ್ದ್ 450 ಬಗೆತ ವೈದ್ಯಕೀಯ ಪರೀಕ್ಷೆಲು ಧರ್ಮೊಗು

ಡೆಲ್ಲಿ: ಸರ್ಕಾರಿ ಆಸ್ಪತ್ರೆ ಅಂಚೆನೆ ಆರೋಗ್ಯ ಕೇಂದ್ರಲೆಡ್ 450 ಬಗೆತ ವೈದ್ಯಕೀಯ ಪರೀಕ್ಷೆಲೆನ್ ಜನವರಿ 1 ರ್ದ್ ಧರ್ಮೊಗು ಮಲ್ಪಾವರೆ ಡೆಲ್ಲಿದ ಎಎಪಿ ಸರ್ಕಾರ ನಿರ್ಧಾರ ಮಲ್ದ್ಂಡ್.

ಇತ್ತೆ 212 ಬಗೆತ ವೈದ್ಯಕೀಯ ಪರೀಕ್ಷೆದ ಸೇವೆನ್ ಡೆಲ್ಲಿ ಸರ್ಕಾರ ಧರ್ಮೊಗು ಕೊರೊಂದು ಉಂಡು. ತನ್ನ ಆಸ್ಪತ್ರೆ ಬೊಕ್ಕ ಮೊಹಲ್ಲಾ ಕ್ಲಿನಿಕ್‌ಲೆಡ್ 238 ಪರೀಕ್ಷೆಲೆನ್ ಧರ್ಮೊಗು ಕೊರ್ಪುನ ಬಗೆಟ್ ಆರೋಗ್ಯ ಇಲಾಖೆರ್ದ್ ಬತ್ತಿನ ಪ್ರಸ್ತಾವಗ್ ಕೇಜ್ರಿವಾಲ್‌ ಸಹಿ ಮಲ್ದೆರ್ ಪಂದ್ ಹಿರಿಯ ಅಧಿಕಾರಿಲು ತೆರಿಪಾದೆರ್. ಎಡ್ಡೆ ಆರೋಗ್ಯ ಬೊಕ್ಕ ಗುಣಮಟ್ಟದ ಶಿಕ್ಷಣ ಮಾತೆರೆಗ್ಲ ತಿಕ್ಕೊಡು. ಆರೋಗ್ಯ ಚಿಕಿತ್ಸೆಗ್ ಇತ್ತೆ ಮಸ್ತ್ ಖರ್ಚ್ ಆಪುಂಡು. ಅಂಚಾದ್ ಖಾಸಗಿ ಆಸ್ಪತ್ರೆಲೆಡ್ ಚಿಕಿತ್ಸೆ ಪಡೆಯೆರೆ ಮಸ್ತ್ ಜನಕ್ ಅಪುಜಿ. ಈ ಕಾರಣಗಾದ್ ನಮ್ಮ ಸರ್ಕಾರ ದೆತೊನ್ನ ಈ ನಿರ್ಧಾರ ಹೆಚ್ಚದ ಜನಕ್ ಅನುಕೂಲ ಆಪುಂಡು ಪಂದ್ ಕೇಜ್ರಿವಾಲ್‌ ಟ್ವೀಟ್‌ ಮಲ್ದೆರ್. ಈ ಸೌಲಭ್ಯ ಡೆಲ್ಲಿದ ಜನಕ್ ಮಾತ್ರ ತಿಕ್ಕುಂಡು.

450 types of medical tests to be free in Delhi from January

Delhi: The AAP government in Delhi will be conducting 450 types of medical tests free of cost from January at government hospitals and Arogya Kendras.

As of now 212 types of tests are being provided free of cost by the Delhi government. Further 238 types of tests that will be provided free of cost has been forwarded by the Health department has been given the go ahead by Kejriwal.
Good medical facility and hospital services must be available to all. But we are lacking in this front.These pathbreaking decisions aims to give quality medical services to all tweeted Kejriwal.These facilities are only for people from Delhi.

ಬೆಂಗ್ರೆ ಸ್ಯಾಂಡ್ಸ್ ಪಿಟ್ ಹಳೆ ವಿದ್ಯಾರ್ಥಿ ಸಂಘದ ದ.ಕ‌.ಜಿ‌.ಪ.ಹಿ.ಪ್ರಾ. ಶಾಲೆದ ಅಭಿವೃದ್ಧಿ ಕಜ್ಜೊ

ಕುಡ್ಲ: ಮೀನುಗಾರೆರೆನ ಜೋಕುಲೆನ ಭವಿಷ್ಯದ ದೃಷ್ಟಿರ್ದ್ ತುಳುನಾಡ್ ಡ್ ಸುರು ಆಯಿನ ಸುರುತ ಮೀನುಗಾರಿಕೆ ಶಾಲೆ ಸ್ಯಾಂಡ್ಸ್ ಪಿಟ್ ಬೆಂಗ್ರೆ. 1919ಟ್ ಸ್ಥಾಪನೆ ಆದ್, ಇತ್ತೆ ಶತಮಾನನ್ ಮುಗಿತ್ ಡ್ ಪಂದ್ ತೆರಿಪಾಯೆರೆ ಪೆರ್ಮೆ ಆಪುಂಡು. ನಮ್ಮೂರುದ ಶಾಲೆ ಶಿಕ್ಷಣದ ದೇವಲ್ಯ ಆತ್ಂಡ್. ಜೋಕುಲೆನ ಸರ್ವಾಂಗೀಣ ಅಭಿವೃದ್ಧಿಗ್ ಬೆಂದೊಂದು ಉಂಡು. ಇತ್ತೆದ ಶಾಲೆದ ಪರತ್ ಕಟ್ಟಡ ಶಿಥಿಲಾವಸ್ಥೆಡ್ ಇತ್ತ್ಂಡ್.

ಉಪಯೋಗ ಮಲ್ಪೆರೆ ಯೋಗ್ಯ ಇಜ್ಜಂದಿನ ಪೊಸ ಕಟ್ಟಡಡ್ ನಾಲ್ ತರಗತಿ ಕೋಣೆಲು ಮಾತ್ರ ಉಂಡು. ಶಾಲೆಡ್ ಕ್ಲಾಸ್ ಗ್ ಒಂಜಿ ರೂಮ್ ದಲೆಕ್ಕ ನನ ನಾಲ್ ರೂಮ್ ದ ಅವಶ್ಯಕತೆ ಉಂಡು. ಒಂಜಿ ಸಭಾಂಗಣ, ಅಶ್ವತ್ಥ ಕಟ್ಟೆ ನವೀಕರಣ ಬೊಕ್ಕ ಆವರಣ ಗೋಡೆದ ವ್ಯವಸ್ಥೆಲ ಆವೊಡಾಪುಂಡು. ನೆಕ್ 75 ಲಕ್ಷ ರೂ. ಆಪುಂಡು. ಅಂಚನೆ ನೆಕ್ ಹೆಚ್ಚದ ಶಿಕ್ಷಕೆರೆನ್ ಕೊರಿಯೆರೆ ಉಂಡು. ಹೆಚ್ಚದ ಸಂಖ್ಯೆಡ್ ಜೋಕುಲು ಶಾಲೆಗ್ ಪೋಪುನ ಬೇಲೆನ್ಲಾ ಮಲ್ಪೊಡು. ಕನ್ನಡ ಮಾಧ್ಯಮದೊಟ್ಟಿಗೆ ಇಂಗ್ಲಿಷ್ ಶಿಕ್ಷಣಲ ತಿಕ್ಕೊಡು. ಉಂದು ಮಾತ ಸಾಧ್ಯ ಆವೊಡಾಂಡ ಶಾಲೆಡ್ ಮೂಲಭೂತ ಸೌಕರ್ಯಲು ಇಪ್ಪೊಡು.

2022-23 ನೇ ಸಾಲ್ ಡ್ ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷೆರ್, ಪದಾಧಿಕಾರಿಲು ಬೊಕ್ಕ ಮಾತ ಸದಸ್ಯೆರ್ ಶಾಲೆನ್ ಅಭಿವೃದ್ಧಿ ಮಲ್ಪೆರೆ ಬೆಂದೊಂದು ಉಲ್ಲೆರ್. ಪರತ್ ಕಲ್ಪಾರ್ಥಿಲು ಮಾತೆರ್ಲಾ ಸಂಘದ ಸದಸ್ಯೆರಾದ್ ಇಜ್ಜಿಂಡ ಆಜೀವ ಸದಸ್ಯೆರಾದ್ ಸಂಘದ ಬಲನ್ ಹೆಚ್ಚ ಮಲ್ಪೊಡಾಪುಂಡು. ಶತಮಾನ ಉಚ್ಚಯನ್ ಆಚರಣೆ ಮಲ್ಪುನ ಮಹತ್ವಾಕಾಂಕ್ಷೆ ಇಪ್ಪುನ ಸ್ಯಾಂಡ್ಸ್ ಪಿಟ್ ಬೆಂಗ್ರೆ ಶಾಲೆದ ಬುಲೆಚ್ಚಿಲ್ ಗ್ ಬೊಕ್ಕ ಜೋಕುಲೆನ ಶ್ರೇ‌ಯೋಭಿವೃದ್ಧಿಗಾದ್ ಸಮಾನ ಮನಸ್ಕ ಸಂಘಟನೆಲು, ಊರ ಪರವೂರುದ ದಾನಿಲೆನ ಸಹಕಾರ ಅತೀ ಅಗತ್ಯ. ವಿದ್ಯಾಭಿಮಾನಿಲಾಯಿನ ನಿಕುಲು ಮಾತ ಸಕಾಯ ಮಲ್ಪೊಡು ಪಂದ್ ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್, ಬೊಕ್ಕ ದ.ಕ.ಜಿ.ಪ.ಹಿ.ಪ್ರಾ. ಶಾಲೆ ಸ್ಯಾಂಡ್ಸ್ ಪಿಟ್ ಬೆಂಗ್ರೆದ ಮುಖ್ಯೋಪಾಧ್ಯಾಯೆರ್, ಶಿಕ್ಷಕೆರ್, ಪೋಷಕೆರ್, ಅಡಿಗೆ ಸಿಬ್ಬಂದಿಲು, ಕಲ್ಪಾರ್ಥಿಲು ಬೊಕ್ಕ ಎಸ್.ಡಿ.ಎಮ್.ಸಿ ಸ್ಯಾಂಡ್ಸ್‌ಪಿಟ್ ಬೆಂಗ್ರೆದ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್ ತೆರಿಪಾದೆರ್.

ದಿ ಯಂಗ್ ಮೆನ್ಸ್ ಬೋವಿ ಅಸೋಸಿಯೇಷನ್ ದ 86 ನೇ ವಾರ್ಷಿಕ ಉಚ್ಚಯ

ಬೊಂಬೈ: ಶತಮಾನದ ಪಿರವೇ ದಕ್ಷಿಣ ಕನ್ನಡ ಬೊಕ್ಕ ಕಾಸ್ರೋಡುದ ಕರಾವಳಿ ಕನ್ನಡಿಗೆರ್ ಬೊಂಬೈಗ್ ಬತ್ ದ್, ಕೋಟೆ ಭಾಗಡ್ ವಾಸ ಇತ್ತೆರ್. ಇತ್ತೆ 86 ನೇ ವಾರ್ಷಿಕ ಉಚ್ಚಯನ್ ಆಚರಣೆ ಮಲ್ಪುನ ಕರಾವಳಿದ ಬೋವಿ (ಮೋಯಾ) ಸಮುದಾಯದ ಹಿರಿಯೆರ್ ಮೀನುಗಾರಿಕೆದೊಟ್ಟಿಗೆ ನನದ ಪೀಳಿಗೆನ್ ಶೈಕ್ಷಣಿಕವಾದ್ ಶ್ರೀಮಂತ ಮಲ್ತಿನವು ಅಭಿನಂದನೀಯ ಪಂದ್ ಮಹಾರಾಷ್ಟ್ರ ಹೋಟೇಲ್ಸ್ ಅಸೋಷಿಯೇಶನ್ ದ ಅಧ್ಯಕ್ಷೆರ್, ಸಮಾಜ ಸೇವಕೆರ್ ವಿರಾರ್ ಶಂಕರ್ ಶೆಟ್ಟಿ ಪಂಡೆರ್.

ಡಿ.11ಕ್ ಸಂತಾಕ್ರೂಸ್ ಪೂರ್ವ ಬಿಲ್ಲವ ಭವನಡ್ ನಡತಿನ ದಿ ಯಂಗ್ ಮೆನ್ಸ್ ಬೋವಿ ಅಸೋಷಿಯೇಶನ್, 86 ನೇ ವಾರ್ಷಿಕ ಉಚ್ಚಯದ ಪೊರ್ತುಡು ಮಲ್ಲ ಬಿನ್ನೆರಾದ್ ಬತ್ತಿನ ವಿರಾರ್ ಶಂಕರ್ ಶೆಟ್ರ್ , ಅಪ್ಪೆ ಊರುಡು ಕೆಲವು ಶಾಲೆಲು ಉಲ್ಲ. ಸಮಾಜಡ್ ಸುಮಾರ್ ಜನ ಶಿಕ್ಷಕೆರಾದ್ ಕೆಲಸ ಮಲ್ತೊಂದು ಉಲ್ಲೆರ್. ಶೈಕ್ಷಣಿಕವಾದ್, ಶ್ರೀಮಂತವಾದ್ ಗೌರವಗ್ ಪಾತ್ರರಾತೆರ್. ಮೊಯಾ ಸಮುದಾಯದಕುಲು ಪ್ರತಿಭಾವಂತೆರ್ ಮಾತ್ರ ಅತ್ತ್, ಕಡಲ್ದ ಸಿರೆಕ್ಕ್ ಲೆಗ್ ತಿಗಲೆ ಕೊರ್ಪಿನ ದೈರ್ಯಶಾಲಿಲು ಪಂದ್ ಪಂಡೆರ್. ಗೌರವ ಬಿನ್ನೆರಾದ್ ಪಾಲ್ ಪಡೆಯಿನ ಬಿಲ್ಲವರ ಅಸೋಸಿಯೇಶನ್ ದ ಅಧ್ಯಕ್ಷೆರ್ ಹರೀಶ್ ಜಿ. ಅಮೀನ್ ಪಾತೆರ್ದ್, ಸ್ವತಂತ್ರಗ್ ಸುರುಕೇ ಸ್ಥಾಪನೆ ಆಯಿನ ಈ ಸಂಘಟನೆಗ್ 86 ವರ್ಷ ಆಂಡ್. ಸಮಾಜದ ಬೇತೆ ಬೇತೆ ಸಾಧಕೆರೆಗ್ ಇನಿ ತಮ್ಮನ ಮಲ್ತೆರ್. ಊರುದ ಶಾಲೆಲು ಈ ಸಮಾಜಡ್ ಉಂಡು. ಕರಾವಳಿದ ಬೋವಿ (ಮೋಯಾ) ಸಮಾಜದ ಸಮುದಾಯ ಭವನದ ಕನಸ್ ಆಯಿನಾತ್ ಬೇಗನೇ ಅವಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್. ಅಸೋಸಿಯೇಷನ್ ದ ಉಪಾಧ್ಯೆಕ್ಷೆರ್ ತಾರನಾಥ ಉಚ್ಚಿಲ್ ಎದ್ಕೊನಿಯೆರ್, ಜೊತೆ ಕಾರ್ಯದರ್ಶಿ ಕೃಪಾಕರ್ ಕುಂಬ್ಲೆ ಬೊಕ್ಕ ಸೂರಜ್ ಉಚ್ಚಿಲ್ ಮೇರ್ ಬಿನ್ನೆರೆನ ಪೊಲಬು ಪಂಡೆರ್. ಪಧಾನ ಕಾರ್ಯದರ್ಶಿ ಕಿಶೋರ್ ಉದ್ಯಾವರ್ ವೈಯಂಬಿಎ ದ ಚಟುವಟಿಕೆದ ಬಗೆಟ್ ಮಾಹಿತಿ ಕೊರಿಯೆರ್. ಅಧ್ಯಕ್ಷತೆನ್ ಒಯಿಸೊಂದು ಯಶವಂತ ಎ.ಕೆ. ಪಾತೆರ್ದ್, ಸಮಾಜದ ಯುವ ಪೀಳಿಗೆದ ಅಸೋಷಿಯೇಶನ್ ದ ಮಾತ ಲೇಸ್ ಲೆಡ್ ಕ್ರೀಯಾಶೀಲೆರಾದ್ ಸಂಘಟನೆನ್ ಮತೆರ್ಲಾ ಒಗ್ಗಟ್ಟ್ ರ್ದ್ ಸಮಾಜಡ್ ಇಪ್ಪೊಡು ಪಂದ್ ತೆರಿಪಾಯೆರ್. ಬೇತೆ ಬೇತೆ ಕ್ಷೇತ್ರಲೆಡ್ ಸಾಧನೆ ಮಲ್ತಿನ ಸಮಾಜದ ಗಣ್ಯೆರಾಯಿನ ಡಾ. ಧನ್ ರಾಜ್ ಎನ್ ಉಚ್ಚಿಲ್, ವಿಶ್ವರಾಜ್ ಎನ್ ಮುಟ್ಟ, ಅನಿಲ್ ಕುಮಾರ್ (ಮಾಷ್ಟರ್), ನೀತಾ ಪಾರ್ಕರ್, ಮನೋಜ್ ಎಸ್. ಐಲ್, ಬೊಕ್ಕ ಧೀರಜ್ ಬಿ. ಉದ್ಯಾವರ್ ಮೊಕ್ಲೆನ್ ವೇದಿಕೆಡ್ ಇತ್ತಿನ ಮಾತ ಗಣ್ಯೆರ್ ತಮ್ಮನ ಮಲ್ತೆರ್. ಶೈಕ್ಷಣಿಕ ಕ್ಷೇತ್ರಡ್ ಯಶಸ್ಸಿ ಆಯಿನ ಸಮಾಜದ ಕಲ್ಪಾರ್ಥಿಲೆಗ್ ಗೌರವ ಕೊರಿಯೆರ್. ನಮಿತಾ ಉಚ್ಚಿಲ್ಕರ್, ಜಯಲಕ್ಷ್ಮಿ ಶಿರಿಯ, ಅಭಿಶಿತಾ ಕಾಸ್ರೋಡು, ಕುಮಾರ್ ಕೆ ಉದ್ಯಾವರ್, ಮೀನಾಕ್ಷಿ ಉಚ್ಚಿಲ್ಕರ್ ಮೊಕುಲು ತಮ್ಮನ ಪತ್ರನ್ ಓದಿಯೆರ್. ಲೇಸ್ ನ್ ಬೊಲ್ಪುಗು ಮೀರಾರೋಡ್ ದ ಉದ್ಯಮಿಲಾಯಿನ ರವೀಂದ್ರ ಎನ್ ವಿಠಲ್ ಬೊಕ್ಕ ವಿದ್ಯಾ ಆರ್ ವಿಠಲ್ ಮೇರ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್. ಲೇಸ್ ಗ್ ಮೊಗವೀರ ಮಹಾಜನ ಸೇವಾ ಸಂಘ ಬಗ್ವಾಡಿ ಹೋಬಳಿ ನೆತ್ತ ಗೌರವ ಅಧ್ಯಕ್ಷೆರಾಯಿನ ಸುರೇಶ್ ಕಾಂಚನ್ ಬೊಕ್ಕ ನಗರದ ಖ್ಯಾತ ಉದ್ಯಮಿ ಕೆ. ಡಿ. ಶೆಟ್ಟಿ ಬತ್ ದ್, ಎಡ್ಡೆಪ್ಪು ಬಯಕಿಯೆರ್. ಸಮಾಜದ ಹಿರಿಕಿರಿಯೆರ್ದ್ ಬೊಕ್ಕ ಊರುರ್ದ್ ಬತ್ತಿನ ಸಮಾಜದ ಕಲಾವಿದೆರೆರ್ದ್ ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮಲು ನಡತ್ಂಡ್. ಕೋಶಾಧಿಕಾರಿ ಸುಭಾಷ್ ಚಂದ್ರ ಉಚ್ಚಿಲ್, ಜೊತೆ ಕಾರ್ಯದರ್ಶಿ ಕೃಪಾಕರ ಕೆ. ಕುಂಬ್ಳೆ, ಜೊತೆ ಕೋಶಾಧಿಕಾರಿ ನಮಿತಾ ಎಸ್ ಉಚ್ಚಿಲ್ಕರ್, ಸಾಂಸ್ಕೃತಿಕ ಸಮಿತಿದ ಚಂದ್ರ ವಾಮಂಜೂರು ಸಮಿತಿದ ಸದಸ್ಯೆರಾಯಿನ ಹರೀಶ್ ಉದ್ಯಾವರ್, ಶೈಲೇಶ್ ಉದ್ಯಾವರ್, ಜಯಪ್ರಕಾಶ್ ಉದ್ಯಾವರ್, ಸುಭಾಷ್ ಶಿರಿಯಾ, ಯಶೋದಾ ಭಟ್ಟಪ್ಪಾಡಿ ಇತ್ತೆರ್. ಲೇಸ್ ನ್ ಸುದೇಶ್ ಉದ್ಯಾವರ್, ದಿವ್ಯ ಉದ್ಯಾವರ್, ವೀಕ್ಷಿತ್ ಉದ್ಯಾವರ್, ಖುಷಿ ಶಿರಿಯ, ಸೂರಜ್ ಉಚ್ಚಿಲ್ ಸುಧಾರಿಕೆ ಮಲ್ತೆರ್.

ವರದಿ: ಈಶ್ವರ ಎಂ. ಐಲ್
ಚಿತ್ರ: ದಿನೇಶ್ ಕುಲಾಲ್

The young men’s Bovi Association -86th annual program

Mumbai: People from the coastal districts of Tulunadu had migrated to Mumbai more than a century back and settled in the Fort area of Mumbai.
The Bovi (Moaya) community from the here had traditionally been a fishing community and later educated their children who have taken up various other means of livelihood.

The 86 th annual program of Young men’s Boovi Association (YMBA) was held on the 11 th of December at Billava Bhavan Santacruz.
The chief guest at the function Virar Shankar Shetty said that that the community had set up many schools in the homeland and many educated youth from the community were working in these schools for educational betterment of the community. He added Moayas are not only talented but also known for their courage in the high seas .
Harish J Amin president of Billava Sangha said that this YMBA was set up even before Indian independence and have completed 86 years.Many achievers from the community were honoured on the occasion.
The vice President of the association Taranath Uchila welcomed the gathering.Secretary Kishore Udyavar read out about the activities of the association.

Presiding over the program Yashwant AK said that the younger generations must unitedly work for the betterment and development of the community .
Dr Dhanraj Uchila, Vishwaraj Mutta, Smt Neetha Parker, Anil Kumar, Manoj S L, Dheeraj B Udyavar were honoured.Student achievers were also honoured on the occasion.

The day long program was inaugurated by Entrepreneur Mr and Mrs Ravindra S Vittal.Members and guests from the home town had come in large numbers to participate in the program.Cultural and entertainment program followed .
The program was hosted by Sudesh Udyavar, Divya Udyavar, Veekshith Udyavar, Kushi Siriyaa and Suraj Uchila.