ಡೆಲ್ಲಿ: ಆನ್ ಒರಿ 17 ವರ್ಷದ ಶಾಲೆದ ಪೊಣ್ಣನ ಮಿತ್ತ್ ಆ್ಯಸಿಡ್ ಪಾಡಿನ ಘಟನೆ ಡೆಲ್ಲಿದ ದ್ವಾರಕಾ ಜಿಲ್ಲೆಡ್ ಬುಧಾರ ಬೊಲ್ಪುಗು ನಡತ್ಂಡ್.
ಬೊಲ್ಪುಗು 7:30 ತ ಸುಮಾರ್ ಗ್ ಪಿಎಸ್ ಮೋಹನ್ ಗಾರ್ಡನ್ ಪ್ರದೇಶಡ್ ತನ್ನ ಮೆಗ್ದಿನೊಟ್ಟಿಗೆ ಪೋವೊಂದು ಇಪ್ಪುನ ಪೊರ್ತುಡು ಬೈಕ್ಡ್ ಬತ್ತಿನ ಆನ್ ಬೊಕ್ಕ ಕುಡೊರಿ ಆ್ಯಸಿಡ್ ಪಾಡ್ದ್ ಬಲಿತ್ ದೆರ್. ಇತ್ತೆ ಒರಿ ಆರೋಪಿನ್ ಅರೆಸ್ಟ್ ಮಲ್ದೆರ್. ಕುಡೊರಿಯನ್ ನಾಡೊಂದು ಉಲ್ಲ ಪಂದ್ ಪೊಲೀಸೆರ್ ತೆರಿಪಾದೆರ್. ಈ ಪೊಣ್ಣನ್ ಸಫ್ದರ್ಜಂಗ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್.
ಮಣಿಪಾಲ್: ರೇಡಿಯೋ ಮಣಿಪಾಲ್ 90.4 mhz ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ದ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಡಿ.14 ಬುಧಾರದಾನಿ ಬಯ್ಯಗ್ 6 ಗಂಟೆಗ್ ಇಂಧನ ಸಂರಕ್ಷಣೆ ಬೊಕ್ಕ ಪರಿಸರದ ಬಗೆಟ್ ಈ ಲೇಸ್ ಪ್ರಸಾರ ಆಂಡ್.
ಈ ಲೇಸ್ ಡ್ ಕರ್ನಾಟಕ ರಾಜ್ಯಮಾಲಿನ್ಯ ನಿಯಂತ್ರಣ ಮಂಡಳಿ ಒಡಿಪು ವಿಭಾಗದ ಪರಿಸರ ಅಧಿಕಾರಿ ಡಾ.ಲಕ್ಷ್ಮೀಕಾಂತ್ ಪಾಲ್ ಪಡೆಯೆರೆ ಉಲ್ಲೆರ್. ನನ ಡಿ. 15 ಕ್ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.
ಮಗಲ್ ಎದುರ್ ಉಂತುದು ಅಪ್ಪೆಗ್ ಮದಿಮೆ ಮಲ್ತಿನ ಘಟನೆ ದಿಲ್ಲಿಡ್ ನಡತ್ಂಡ್. 2 ವರ್ಷ ಇಪ್ಪುನಗನೇ ರಿಯಾ ಚಕ್ರವರ್ತಿ ಪನ್ಪಿನ ಪೊಣ್ಣನ ಅಮ್ಮೆರ್ ತೀರ್ ಪೋದಿತ್ತೆರ್.
ಅರೆನ ಅಪ್ಪೆ ಅಪಗರ್ದ್ ಒರ್ತಿಯಾದೇ ಜೀವನ ನಡಪಾವೊಂದು ಇತ್ತೆರ್. ಇಂಚಿಪ್ಪಗ್ ರಿಯಾನ ಚಿಕ್ಕಮ್ಮ “ನಿನ್ನ ಅಪ್ಪೆನ್ ಒರಿ ಮೋಕೆ ಮಲ್ತೊಂದಿತ್ತ್ದ್, ಮದಿಮೆ ಆಪರಾ ಪಂದ್ ಕೇಂದಿತ್ತೆರ್. ಅಂಚಾದ್ ರಿಯಾ ತನ್ನ ಅಪ್ಪೆಗ್ ಪೊಸ ಬದ್ಕ್ನ್ ಕೊರ್ತೆರ್.
ಮುಲ್ಕಿ: ಜೋಕುಲೆಗ್ ಎಲ್ಯ ಪ್ರಾಯೊಡೇ ಎಡ್ಡೆ ಶಿಕ್ಷಣ ಕೊರ್ದು ವಿದ್ಯಾವಂತೆರಾದ್ ಮಲ್ಪುನ ಗುರುಕುಲೇ ನಮ್ಮ ಬದ್ ಕ್ ದ ತಾದಿಗ್ ಬೊಲ್ಪು ಆದುಲ್ಲೆರ್ ಪಂದ್ ಬೆಂಗ್ಲೂರುದ ಅಂತಾರಾಷ್ಟ್ರೀಯ ವಾಸ್ತುತಜ್ಞೆರ್ ಬೊಕ್ಕ ವೈಜ್ಞಾನಿಕ ಜ್ಯೋತಿಷ್ಯೆರ್ ಶ್ರೀ ಶ್ರೀ ಚಂದ್ರಶೇಖರ ಸ್ವಾಮೀಜಿ ಪಂಡೆರ್.
ಮೇರ್ ಮುಲ್ಕಿ ಸರಕಾರಿ ಪದವಿ ಪೂರ್ವ ಕಾಲೇಜ್ ದ 1979ರ್ದ್ 82 ಮುಟ್ಟ ಪ್ರೌಢಶಾಲೆ ಕಲ್ಪಾರ್ಥಿಲು 40 ವರ್ಷದ ಬೊಕ್ಕ ಒಟ್ಟಿಗೆ ಸೇರ್ದ್ ತನ್ನ ಪ್ರೀತಿದ ನಿವೃತ್ತ ಲಕ್ಷ್ಮಣ ಶೆಟ್ಟಿಗಾರ್ ದಂಪತಿಲೆಗ್ ಗೌರವ ಮಲ್ತ್ ದ್ ಪಾತೆರಿಯೆರ್. ನಂಕ್ ಎಡ್ಡೆ ಜೀವನ ಬೊಕ್ಕ ನೆಲೆನ್ ಕೊರ್ನ ಮಾತ ಶಿಕ್ಷಕೆರೆಗ್ ಸೊಲ್ಮೆ ಸಂದಾದ್, ಶಿಕ್ಷಕೆರ್ ದೇವೆರೆನ ಸಮಾನ ಪಂಡೆರ್. ಗೌರವ ಸ್ವೀಕಾರ ಮಲ್ತಿನ ನಿವೃತ್ತ ಶಿಕ್ಷಕೆರ್ ಲಕ್ಷ್ಮಣ ಶೆಟ್ಟಿಗಾರ್ ಪಾತೆರ್ದ್, ಕಲ್ಪಾರ್ಥಿಲು ಜೀವನಡ್ ಸಾಧಕೆರಾದ್ ನಮ್ಮೆದುರುಗು ಬನ್ನಗ ಶಿಕ್ಷಕೆರೆಗ್ ವೃತ್ತಿಜೀವನದ ಸಾರ್ಥಕತೆ ಆಪುಂಡು ಪಂದ್ ಪಂಡೆರ್. ಲೇಸ್ ಡ್ ನಿವೃತ್ತ ಶಿಕ್ಷಕೆರ್ ಲಕ್ಷ್ಮಣ ಶೆಟ್ಟಿಗಾರ್ ಬೊಕ್ಕ ವಸಂತಿ ಶೆಟ್ಟಿಗಾರ್ ದಂಪತಿಲೆಗ್ ತಮ್ಮನ ಮಲ್ತೆರ್. ಬೊಕ್ಕ ಇತ್ತೆ ಶಾಲೆಡ್ ಕರ್ತವ್ಯ ನಿರ್ವಹಿಸೊಂದು ಇಪ್ಪುನ ಶಿಕ್ಷಕೆರೆಗ್ ಬೊಕ್ಕ ಸಾಧಕೆರೆನ ನೆಲೆಟ್ ಶ್ರೀ ಶ್ರೀ ಚಂದ್ರಶೇಖರ ಸ್ವಾಮೀಜಿ ಬೊಕ್ಕ ರಜನಿ ಸಿ ಭಟ್ ಮೆರೆನ್ ಗೌರವ ಮಲ್ತೆರ್. ಈ ಪೊರ್ತುಡು ದೇವೆರೆ ಪಾದೊ ಸೇರ್ದಿನ ಶಿಕ್ಷಕೆರ್ ಬೊಕ್ಕ ಸಹಪಾಠಿಲೆಗ್ ಮೌನ ಪ್ರಾರ್ತನೆದ ಮುಖೇನ ಶೃದ್ಧಾಂಜಲಿ ಅರ್ಪಣೆ ಮಲ್ತೆರ್. ಮಲ್ಲ ಬಿನ್ನೆರಾದ್ ಕಾಲೇಜ್ ದ ಪ್ರಿನ್ಸಿಪಾಲೆರ್ ಡಾ.ವಾಸುದೇವ ಬೆಳ್ಳೆ, ಪ್ರೌಢಶಾಲಾ ಮುಖ್ಯೋಪಾದ್ಯಾಯಿನಿ ಜಯಲಕ್ಷ್ಮೀ ನಾಯಕ್, ಶಾರದಮ್ಮ ಗೋವಿಂದ ಭಟ್, ರಾಹುಲ್ ಚಂದ್ರಶೇಖರ್ ಬೊಕ್ಕ 1979ರ್ದ್82 ಮುಟ್ಟದ ಪ್ರೌಢಶಾಲಾ ಕಲ್ಪಾರ್ಥಿಲು ಇತ್ತೆರ್. ವಕೀಲೆರ್ ವಿ.ಸತೀಶ್ ಕಾಮತ್ ಎದ್ಕೊಂದು ಪ್ರಸ್ತಾವಿಕ ಪಾತೆರ್ಯೆರ್. ಪ್ರಕಾಶ್ ಸುವರ್ಣ ಸೊಲ್ಮೆ ಸಂದಾಯೆರ್.
ಡೆಲ್ಲಿ: ಡೆಮಾಕ್ರಟಿಕ್ ರಿಪಬ್ಲಿಕ್ ಆಫ್ ಕಾಂಗೋದ ರಾಜಬೂಡು ಕಿನ್ಶಾಸಡ್ ಭಾರೀ ಬರ್ಸರ್ದ್ ಗುಡ್ಡೆಜರಿದ್ 120 ರ್ದ್ ಹೆಚ್ಚ ಜನ ತೀರ್ ಪೋಯಿನ ಘಟನೆ ನಡತ್ಂಡ್.
ನೆರ್ದಾವೆರ ಮಾತಾ ಮಾರ್ಗಡ್ ಕೆಸರ್ ದಿಂಜಿದ್ ಪೋತ್ಂಡು, ಇಲ್ಲುಲ್ ಪೂರ ಮುರ್ಕುದುಂಡು, ಅಂಚಾದ್ ಈ ಮಾರ್ಗಡ್ 3-4 ದಿನ ಬಂದ್ ಆತ್ಂಡ್ ಪಂದ್ ಅಲ್ಪದ ಪ್ರಧಾನ ಮಂತ್ರಿ ಕಚೇರಿ ತೆರಿಪಾದ್ಂಡ್.
ಹೆಡ್ಫೋನ್, ಇಯರ್ ಬಡ್ಸ್ಡ್ ಸಬ್ದನ್ ಎಚ್ಚ ದೀವೊಂದು ಸಂಗೀತ ಕೇನುನೆಡ್ದಾವರ ಜವನೆರೆಡ ಕೆಬಿ ಕೇನಂದಿನ ಸಮಸ್ಯೆ ಎಚ್ಚಾತ್ಂಡ್ ಪಂದ್ ವಿಶ್ವ ಆರೋಗ್ಯ ಸಂಸ್ಥೆ ವರದಿಡ್ ತೆರಿಪಾದ್ಂಡ್.
ವರದಿದ ಪ್ರಕಾರ 4.30 ಕೋಟಿ ಜನಕ್ಲೆಗ್ ಕೆಬಿ ಕೇನಂದೆ ಕೆಪ್ಪೆರ್ ಆತೆರ್. WHO ಪ್ರಕಾರ ಜವನೆರ್ 104-112 ಡಿಬಿ ಪ್ರಮಾಣಡ್ ಅಂಚನೆ ಪ್ರಾಯ ಆತಿನಕುಲು 80 ಡಿಬಿ ಬೊಕ್ಕ ಜೋಕುಲು 74 ಡಿಬಿ ವಾಲ್ಯೂಮ್ಡ್ ಸೌಂಡ್ ದೀಂಡ ಇಂಚಿನ ಸಮಸ್ಯೆನ್ ತಡೆಪೊಲಿ.
Hearing loss seen in 4.30 crore people due to use of headphones and wireless ear buds!!
Headphones and wireless earbuds used by youth to hear music in a loud volumes is causing hearing loss reports World Health Organization. Reports are out that more than 4.30 crore people are affected and the younger generations are listening to music at 104-112 DB volume sound with children and elderly at 74 and 80 DB volume respectively.
ಕುಡ್ಲ: ಪಂಪ್ವೆಲ್ ಬಸ್ ನಿಲ್ದಾಣದ ಕೈತಲ್ ನ.26 ಕ್ಕ್ ತಿಕ್ ದಿನ ನೋಟ್ದ ಕಟ್ಟ್ ಎಂಕ್ಲೆಗ್ ಸೇರ್ದಿನವು ಪಂದ್ ಮೂಜಿ ಜನ ಬೈದೆರ್ ಪಂದ್ ಪೊಲೀಸ್ ಕಮಿಷನರ್ ಎನ್ ಶಶಿಕುಮಾರ್ ತೆರಿಪಾದೆರ್.
ಮೂಜಿ ಜನ ಕಾಸ್ ನಮ್ಮ ಪಂದ್ ಪಂದಿತ್ತ್ದ್ ಅಯಿಟ್ಟ್ ಏರ್ಲಾ ಪುರಾವೆ ಕೊರ್ತಿಜೆರ್ ಪಂದ್ ಪಂತೆರ್.
ಬೆಂಗ್ಲೂರು: ಪುಗರ್ತೆದ ಸಿನಿಮಾ ನಟಿ, ಕಿರುತೆರೆ ಕಲಾವಿದೆ ಅಭಿನಯ ಸೇರಿನಂಚನೆ ಮೂಜಿ ಜನಕ್ಕ್ ಕರ್ಪಿಲ್ಲ ಸಿಕ್ಸೆ ಕೊರಿಯರೆ ಹೈಕೋರ್ಟ್ ಆದೇಶ ಮಲ್ತ್ದ್ಂಡ್.
ವರದಕ್ಷಿಣೆ ಕಿರುಕುಳ ಕೇಸ್ಗ್ ಸಂಬಂಧಿಸಾದ್ ನಟಿ ಅಭಿನಯ ಅಂಚನೆ ಅರೆನ ಅಪ್ಪೆ ಜಯಮ್ಮ ಬೊಕ್ಕ ಅಣ್ಣೆ ಶ್ರೀನಿವಾಸ್ ಸೇರ್ದ್ ಮೂಜಿ ಜನಕ್ಕ್ ಜೈಲ್ ಶಿಕ್ಷೆ ಕೊರ್ತೆರ್. ನಟಿ ಅಭಿನಯ ಮೆರೆನ ಅಣ್ಣನ ಬೊಡೆದಿ ಲಕ್ಷ್ಮೀ ದೇವಿ ಚಂದ್ರಾಲೇಔಟ್ ಠಾಣೆಡ್ ವರದಕ್ಷಿಣೆ ಕಿರುಕುಳ ಕೇಸ್ ದಾಖಲ್ ಮಲ್ತ್ದಿತ್ತೆರ್. ಮದಿಮೆರ್ದ್ ದುಂಬು 80 ಸಾರ, ಮದಿಮೆರ್ದ್ ಬೊಕ್ಕ 1 ಲಕ್ಷ ರೂ. ಕೊರ್ದಿತ್ತ್ ದ್ ಬಾಲೆ ಪುಟ್ಟಿ ಬೊಕ್ಕಲ ವರದಕ್ಷಿಣೆ ಕೇನೊಂದಿತ್ತೆರ್. ಇಂಚಾದ್ ಹೈಕೋರ್ಟ್ ಅಭಿನಯಗ್ 2 ವರ್ಷ , ಅರೆನ ಅಮ್ಮ ಜಯಮ್ಮಗ್ 5 ವರ್ಷ , ಅಣ್ಣೆ ಶ್ರೀನಿವಾಸ್ಗ್ 2 ವರ್ಷ ಜೈಲ್ ಶಿಕ್ಷೆ ಕೊರಿಯರೆ ತೀರ್ಪು ಕೊರ್ತುಂಡು.
ಜೈಪುರ: ಭಾರತೀಯ ರಿಸರ್ವ್ ಬ್ಯಾಂಕ್ದ ಮಾಜಿ ಗವರ್ನರ್ ರಘುರಾಮ್ ರಾಜನ್ ಮೇರ್ ಕಾಂಗ್ರೆಸ್ ನಾಯಕೆರ್ ರಾಹುಲ್ ಗಾಂಧಿನೊಟ್ಟುಗು ಭಾರತ್ ಜೋಡೋ ಯಾತ್ರೆಡ್ ಪಾಲ್ ಪಡೆತ್ತೆರ್.
ರಾಜಸ್ಥಾನದ ಸವಾಯಿ ಮಾಧೋಪುರರ್ದ್ ಕಾಂಗ್ರೆಸ್ದ ಪಾದಯಾತ್ರೆಡ್ ರಾಜನ್ ಬೊಕ್ಕ ರಾಹುಲ್ ಗಾಂಧಿ ಚರ್ಚೆ ಮಲ್ತೊಂದಿಪ್ಪುನ ವಿಡಿಯೋ ಸಾಮಾಜಿಕ ಜಾಲತಾಣಡ್ ವೈರಲ್ ಆವೊಂದುಂಡು.
ಉಬಾರ್: ಸಂಗಮ್ ಸೌಂಡ್ಸ್ ದ ಧಣಿನ ಇಲ್ಲದ ಜಾಲ್ ಗ್ ಗುಜಿರಿ ಪೆಜ್ಜುನ ನೆಪಟ್ ಬತ್ತಿನ ರಡ್ಡ್ ಜನ ಅಲ್ಪ ಇತ್ತಿನ ಮೆಟಲ್ ಚೋಕ್ ಬೊಕ್ಕ ನಾಯಿದ ಸಂಕಲೆ ಕಂಡ್ ದ್ ಕೊನೊಯಿನ ಘಟನೆ ಅಂಗಾರೆ ಬೊಲ್ಪುಗು ಉಬಾರ್ ಡ್ ನಡತ್ಂಡ್.
ಈ ಇಸಯ ತೆರಿದ್ ಬತ್ತಿನ ಕೂಡ್ಲೆ ಕೈತಲ್ ದಕುಲು ಸಿಸಿ ಕ್ಯಾಮರಾಡ್ ತೂದು ಅಕ್ಲೆನ ಗುರ್ತ ಪತ್ತೆ ಮಲ್ತ್ ದ್, ಪೇಂಟೆಡ್ ಇತ್ತಿನ ರಡ್ಡ್ ಜನನ್ ಲ ಪತ್ತ್ ದ್ ಪೊಲೀಸೆರೆಗ್ ಕೊರ್ತೆರ್. ಆರೋಪಿಲೆಡ್ ಒರಿ ದಾವಣಗೆರೆತ ಹರಪ್ಪನಹಳ್ಳಿ ತಾಲೂಕ್ ದ ಶಿವ ಯಾನೆ ಧರ್ಮ ನಾಯಕ್ (39) ಕುಡೊರಿ ಗದಗ ಜಿಲ್ಲೆದ ಮುಂಡರಿಲ್ಲಾ ನಿವಾಸಿ ಪ್ರದೀಪ್ ಯಾನೆ ಚಟ್ರಪ್ಪ (27) ಪಂದ್ ತೆರಿದ್ ಬೈದ್ಂಡ್. ಮೊಕ್ಲೆನ್ ವಶಕ್ ಪಡೆಯಿನ ಪೊಲೀಸೆರ್ ವಿಚಾರಣೆ ಮಲ್ತೊಂದು ಉಲ್ಲೆರ್.
