September 2022

ಒಡಿಪು: ಮದಿಮೆಗ್ ಪೋತಿನ ಪೊಂಜೊವು ಬಸ್ ಗುದ್ದ್‌ದ್ ತೀರ್ ಪೋಯೆರ್

Sep 8, 2022

ಒಡಿಪು: ಮದಿಮೆಗ್ ಪೋವೊಂದಿತ್ತಿನ ಪೊಂಜೊವು ಮಾರ್ಗ ಕಡಪುನಗ ಬಸ್ ಗುದ್ದ್‌ದ್ ತೀರ್ ಪೋಯಿನ ಘಟನೆ ಒಡಿಪುದ ಅಂಬಲಪಾಡಿಡ್ ಉಪ್ಪುನ ಅಮೃತ್ ಗಾರ್ಡನ್‌ದ ಎದುರ್ ಇಪ್ಪುನ ರಾಷ್ಟ್ರೀಯ ಹೆದ್ದಾರಿ 66ಟ್ ನಡತ್ಂಡ್.

ಹೆಬ್ರಿದ ವಸಂತಿ ಶೆಟ್ಟಿ (65) ತೀರ್ ಪೋಯಿನಾರ್. ಅಮೃತ್ ಗಾರ್ಡನ್ ಮದಿಮೆಗ್ ಪೋವೊಂದಿಪ್ಪುನಗ ಕುಂದಾಪುರರ್ದ್ ಒಡಿಪುಗ್ ಬರೊಂದಿತ್ತಿನ ಬಸ್ ಗುದ್ದ್ ದ್ಂಡ್. ವಸಂತಿ ಮೆರೆನ ತರೆ, ಕೈ ಕಾರ್ ಗ್ ಮಸ್ತ್ ಪೆಟ್ಟಾತಿನೆಡ್ದಾವರ ತೀರ್ ಪೋಯೆರ್. ಒಡಿಪು ಸಂಚಾರ ಪೊಲೀಸ್ ಠಾಣೆಡ್ ಕೇಸ್ ದಾಖಲಾತ್ಂಡ್.

ರಿಯಾಝ್ ಫರಂಗಿಪೇಟೆ ಇಲ್ಲಗ್ ಎನ್ಐಎ ರೈಡ್: ರಡ್ಡ್ ಮೊಬೈಲ್, ದಾಖಲೆ ಪತ್ರಲು ವಶಕ್ಕ್

Sep 8, 2022

ಕುಡ್ಲ: ಎಸ್ ಡಿಪಿಐ ನಾಯಕೆ ರಿಯಾಝ್ ಫರಂಗಿಪೇಟೆ ಇಲ್ಲದ ಮಿತ್ತ್ ಬಿಹಾರ ಕೇಸ್ ಒಂಜೆಕ್ಕ್ ಸಂಬಂಧಿಸಾದ್ ರಾಷ್ಟ್ರೀಯ ತನಿಖಾ ದಳ ಇನಿ ಕಾಂಡೆ ಬಂಟ್ವಾಳ ನಗರ ಪೊಲೀಸ್ ಠಾಣಾ ವ್ಯಾಪ್ತಿಡ್ ಇಪ್ಪುನ ಪಾರ್ಲಿಯಾ ಇಲ್ಲಗ್ ದಾಳಿ ಮಲ್ತ್ ದಿತ್ತೆರ್.

ದಾಳಿದ ಪೊರ್ತುಡು ಕೆಲ ದಾಖಲೆ ಪತ್ರ ಅಂಚನೆ ರಿಯಾಝ್ ಫರಂಗಿಪೇಟೆ ಮೆರೆನ ಮೊಬೈಲ್ ಬೊಕ್ಕ ಬೊಡೆದಿನ ಝರಿನಾ ಮೆರೆನ ಮೊಬೈಲ್ ಫೋನ್ ವಶಕ್ಕ್ ದೆತೊಂದೆರ್. ಬಂಟ್ವಾಳ ನಗರ ಪೊಲೀಸೆರ್ ಎನ್.ಐ.ಎ ಕೂಟಗ್ ಸೆಕ್ಯುರಿಟಿ ಕೊರ್ದಿತ್ತೆರ್.

Raid by NIA on the house of Riyaz Farangipate- documents and two mobile phones seized:

Manglore: A raid was conducted on the house of SDPI leader Riyaz Farangipate by the NIA in connection with a case at Parliya in Bantwal taluk.

Some mobile phones, documents and other items were seized. The Bantwal police provided security to the N IA.

ಕಟಪಾಡಿ: ಶ್ರೀ ವಿಶ್ವನಾಥ ಕ್ಷೇತ್ರಡ್ ಸೆ.10 ಕ್ಕ್ ಬ್ರಹ್ಮಶ್ರೀ ನಾರಾಯಣ ಗುರು ಸ್ವಾಮಿಲೆನ 168ನೇ ಪುಟ್ಟಿನ ದಿನಾಚರಣೆ ಬೊಕ್ಕ ಗುರು ಸಂದೇಶ ಜಾಥ

Sep 8, 2022

ಒಡಿಪುದ ಶ್ರೀ ವಿಶ್ವನಾಥ ಕ್ಷೇತ್ರ ಕಟಪಾಡಿಡ್ ಸೇವಾದಳತ್ತ ಮುತಾಲಿಕೆಡ್ ಸೆ. 10 ತಾರೀಕ್ ಶನಿವಾರದಾನಿ ಬ್ರಹ್ಮಶ್ರೀ ನಾರಾಯಣ ಗುರು ಸ್ವಾಮಿಲೆನ 168ನೇ ಜಯಂತಿ ಬೊಕ್ಕ ಗುರು ಸಂದೇಶ ಜಾಥ ನಡಪರೆ ಉಂಡು.

ಶ್ರೀ ವಿಶ್ವನಾಥ ಕ್ಷೇತ್ರ ರ್ದ್ ಕಾಂಡೆ 9.30 ಗ್ ಪಿದಡ್ದ್ ಕಟಪಾಡಿರ್ದ್ ಹೈವೇ ಮುಖೇನ ದಕ್ಕೆಗ್ ಬತ್ತ್‌ದ್ ಅಲ್ಪ ರ್ದ್ ಕಟಪಾಡಿ ಪೇಂಟೆಯಾದ್ ಸರ್ವಿಸ್ ಮಾರ್ಗ ಆದ್ ಕಲ್ಲಾಪುಗ್ ಬತ್ತ್‌ದ್, ಶ್ರೀ ಕ್ಷೇತ್ರಗ್ ಪೋಯರೆ ಉಂಡು. ಸಾರ್ವಜನಿಕೆರ್ ಅಂಚನೆ ಗುರುಕ್ಲೆನ ಭಕ್ತೆರ್ ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆಯೊಡ್ ಪಂದ್ ಸೇವಾದಳ ಶ್ರೀ ವಿಶ್ವನಾಥ ಕ್ಷೇತ್ರ ಕಟಪಾಡಿದ ಮಾತ ದಳಪತಿ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಕುಡ್ಲ ದಕ್ಷಿಣ ವಿಭಾಗದ ಬಿಇಓ ಕಚೇರಿದ ಸೂಪರಿಂಟೆಂಡೆಂಟ್ ಮಡಿಕೇರಿಡ್ ಆತ್ಮಹತ್ಯೆ

Sep 8, 2022

ಕೊಡಗು: ಕುಡ್ಲ ದಕ್ಷಿಣ ವಿಭಾಗದ ಬಿಇಓ, ಸೂಪರಿಂಟೆಂಡೆಂಟ್ ಮಡಿಕೇರಿದ ವಸತಿಗೃಹಟ್ ಬಲ್ಲ್ ಪಾಡ್ದ್ ಆತ್ಮಹತ್ಯೆ ಮಲ್ತಿನ ಘಟನೆ ಮಡಿಕೇರಿ ಪೇಂಟೆದ ಪರ ಬಸ್ ಸ್ಟ್ಯಾಂಡ್ ಕೈತಲ್ ಇಪ್ಪುನ ಶ್ರೀಲಾಡ್ಜ್ ಡ್ ನಡತ್ಂಡ್.

ಬಜ್ಪೆದ ಶಿವಾನಂದ (45) ಆತ್ಮಹತ್ಯೆ ಮಲ್ತಿನಾರ್. ತೀರ್ ಪೋಯಿನೆಕ್ಕ್ ಸರಿಯಾಯಿನ ಕಾರಣ ತೆರಿದ್ ಬೈದಿಜಿ. ಮಡಿಕೇರಿ ನಗರ ಠಾಣೆಡ್ ಕೇಸ್ ದಾಖಲಾದಿತ್ತ್‌ದ್, ಪೊಲೀಸೆರ್ ತನಿಖೆ ಮಲ್ತೊಂದುಲ್ಲೆರ್.

ಪುರಲ್ ಶ್ರೀ ರಾಜರಾಜೇಶ್ವರಿ ದೇವಲ್ಯಡ್ ಕೊರಲ್ ಕಟ್ಟುನ ಗೌಜಿ

Sep 8, 2022

ಬಂಟ್ವಾಳ: ಪುರಲ್ ಶ್ರೀ ರಾಜರಾಜೇಶ್ವರಿ ದೇವಲ್ಯಡ್ ಇನಿ ಕೊರಲ್ ಕಟ್ಟುನ ಆಚರಣೆ ನಡತ್ಂಡ್.

ಪುರಲ್ ದೇವಲ್ಯದ ಅರ್ಚಕೆರ್ ಪೂಜಾ ವಿಧಿವಿಧಾನನ್ ಮಲ್ತ್‌ದ್, ಆಯಿಬೊಕ್ಕ ಕೊರಲ್ ನ್ ಗುತ್ತುದ ಆಡಳಿತ ಮಂಡಳಿದಕ್ಲೆಗ್, ಅರ್ಚಕೆರೆಗ್ ಅಂಚೆನೆ ಸಾರ ಸೀಮೆದ ಭಕ್ತೆರೆಗ್ ಕೊರಲ್‌ನ್ ಪಟ್ಟಿಯೆರ್.

ಸೆ. 9: ಕುಡ್ಲ ವಿ.ವಿ ಸಂಧ್ಯಾ ಕಾಲೇಜ್‌ಡ್ ತುಳು ಅಧ್ಯಯನ ಕೇಂದ್ರ ಉದಿಪನ

Sep 8, 2022

ಕುಡ್ಲ: ವಿಶ್ವವಿದ್ಯಾನಿಲಯ ಘಟಕ ಕಾಲೇಜ್ ವಿಶ್ವವಿದ್ಯಾನಿಲಯ ಸಂಧ್ಯಾ ಕಾಲೇಜ್ ಹಂಪನಕಟ್ಟೆ ಕುಡ್ಲ ಮುಲ್ಪದ ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ ಅಂಚನೆ ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಮ್ ಮೊಕುಲೆನ ಒಟ್ಟು ಸೇರಿಗೆಡ್ ಸೆಪ್ಟೆಂಬರ್ 9 ಗ್ ಸುಕ್ರಾರ ವಿ.ವಿ. ಸಂಧ್ಯಾ ಕಾಲೇಜ್ ಡ್ ಶ್ರೀ ಸಂಸ್ಥಾನ ಒಡಿಯೂರು ತುಳು ಆಧ್ಯಯನ ಕೇಂದ್ರ ಉಂದೆತ್ತ ಉದಿಪನ ಲೇಸ್ ನಡಪರೆ ಉಂಡು ಪಂದ್ ಪ್ರಭಾರ ಪ್ರಾಂಶುಪಾಲೆರ್ ಡಾ. ಯತೀಶ್ ಪಂಡೆರ್.

ಸುದ್ದಿಗೋಷ್ಠಿಡ್ ಪಾತೆರಿನ ಆರ್, ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಮ್ ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿ ಎಡ್ಡೆಪ್ಪುನು ಬಯಕ್ಯೆರ ಉಲ್ಲೆರ್. ಆಯಿಬೊಕ್ಕ ಮಂದಾರ ಅಂಚನೆ ಬಂಗಾರ್ದ ಕುರಲ್ ಬೂಕು ಬುಡುಗಡೆ ಆಯರೆ ಉಂಡು. ಶ್ರೀ ಸಂಸ್ಥಾನ ಒಡಿಯೂರು ತುಳು ಅಧ್ಯಯನ ಕೇಂದ್ರನ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಉದಿಪನ ಮಲ್ಪರೆ ಉಲ್ಲೆರ್.

ಮಲ್ಲ ಬಿನ್ನೆರಾದ್ ಶಾಸಕೆರ್ ಡಾ.ವೈ, ಭರತ್ ಶೆಟ್ಟಿ, ಯು.ಟಿ. ಖಾದರ್, ರಾಜೇಶ್ ನಾಯ್ಕ್, ಸಂಜೀವ ಮಠಂದೂರು, ವಿಧಾನಪರಿಷತ್ ಸದಸ್ಯೆರ್ ಪ್ರತಾಪಸಿಂಹ ನಾಯಕ್, ಕನ್ನಡ ಸಾಹಿತ್ಯ ಪರಿಷತ್ ಮಾಜಿ ಅಧ್ಯಕ್ಷೆರ್ ಡಾ. ಹರಿಕೃಷ್ಣ ಪುನರೂರು, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷೆರ್ ದಯಾನಂದ ಕತ್ತಲಸಾರ್, ನಿಕಟಪೂರ್ವ ತುಳು ಅಕಾಡೆಮಿ ಅಧ್ಯಕ್ಷೆರ್ ಎ.ಸಿ.ಭಂಡಾರಿ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್.

ಕುಡ್ಲ ಕಾರ್ಪೊರೇಶನ್ ಗ್ ಎಲ್ಲೆ ವೋಟು : ಏರ್ ಮೇಯರ್-ಉಪಮೇಯರ್ ?

Sep 8, 2022

ಕುಡ್ಲ: ಕುಡ್ಲ ಮಹಾನಗರ ಪಾಲಿಕೆದ 23ನೇ ಅವಧಿದ ಮೇಯರ್-ಉಪಮೇಯರ್ ಅಂಚನೆ ನಾಲ್ ಸ್ಥಾಯಿ ಸಮಿತಿ ಸದಸ್ಯೆರ್‍ನ ವೋಟು ಎಲ್ಲೆ ನಡಪರೆ ಉಂಡು. ಈ ಸರ್ತಿ ಮೇಯರ್ ಉಪಮೇಯರ್ ಪಟ್ಟ ಏರೆಗ್ ತಿಕ್ಕು ಪನ್ಪಿನ ಬಗೆಟ್ ಭಾರೀ ಕುತೂಹಲ ಮೂಡ್‌ದ್ಂಡ್.

ದುಂಬುದ ವರ್ಷ ವಿಧಾನಸಭೆ ಚುನಾವಣೆ ನಡಪರೆ ಇತ್ತ್‌ದ್, ಈ ಪೊರ್ತುಡು ಮೇಯರ್ ಆಯ್ಕೆ ಮುಖ್ಯ ಆದುಂಡು. ಈ ಸರ್ತಿ ಮೇಯರ್ ತಾನೊ ಸಾಮಾನ್ಯ ವರ್ಗಗ್ ಬೊಕ್ಕ ಉಪಮೇಯರ್ ತಾನೊ ಹಿಂದುಳಿದ ವರ್ಗದ ಪೊಂಜೊವುಗ್ ಮೀಸಲಾತ್ಂಡ್.

Manglore Corporation elections tomorrow

Manglore: Elections at the Mangalore corporation for the post of the 23rd Mayor and Deputy Mayor and four standing committee members will be held tomorrow.

This time the mayor will be from general category and deputy mayor will be from backward classes woman’s category.

ಸೆ.10 ತಾರೀಕ್ ಗ್ ನಾರಾಯಣ ಗುರು ಸಂದೇಶ ಯಾತ್ರೆ: ವಿಶ್ವಾಸ್ ಕುಮಾರ್ ದಾಸ್

Sep 8, 2022

ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಹಿಂದುಳಿದ ವರ್ಗ ವಿಭಾಗದ ಮುತಾಲಿಕೆಡ್ ಸೆಪ್ಟೆಂಬರ್ 10ಕ್ಕ್ ಸನಿಯಾರ ಕಾಂಡೆ 9.30 ಗ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ 168ನೇ ಜಯಂತಿ ಉತ್ಸವದ ನಿಲೆಟ್ಟ್ ಗುರು ಸಂದೇಶ ಯಾತ್ರೆ ನಡಪರೆ ಉಂಡು ಪಂದ್ ಜಿಲ್ಲಾ ಹಿಂದುಳಿದ ವರ್ಗ ವಿಭಾಗದ ಅಧ್ಯಕ್ಷೆರ್ ವಿಶ್ವಾಸ್ ಕುಮಾರ್ ದಾಸ್ ಪಂಡೆರ್.

ಈ ಬಗೆಟ್ ಕುಡ್ಲದ ಕಾಂಗ್ರೆಸ್ ಕಚೇರಿಡ್ ನಡತಿನ ಸುದ್ದಿಗೋಷ್ಟಿಡ್ ಪಾತೆರಿನ ಆರ್, ಈ ಯಾತ್ರೆ ಕುಡ್ಲ ಸೆಂಟ್ರಲ್ ರೈಲ್ವೆ ನಿಲ್ದಾಣರ್ದ್ ಪಿದಡ್ದ್ ಕೆ.ಎಸ್.ರಾವ್ ರಸ್ತೆ, ಗೋವಿಂದ ಪೈ ಸರ್ಕಲ್, ಡೊಂಗರಕೇರಿ, ನ್ಯೂಚಿತ್ರ, ಅಳಕೆಗ್ ಪೋದು ಕುದ್ರೋಳಿ ಶ್ರೀ ಗೋಕರ್ಣನಾಥೇಶ್ವರ ಕ್ಷೇತ್ರಡ್ ನಾರಾಯಣ ಗುರು ಸ್ವಾಮಿಲೆಗ್ ಪೂಜೆ ಮಲ್ಪುನೊಟ್ಟುಗು ಮುಗಿಯರೆ ಉಂಡು ಪಂದ್ ಪೆರಿಪಾಯೆರ್. ಸುದ್ಧಿಗೋಷ್ಠಿಡ್ ಕಾಂಗ್ರೆಸ್ ಮುಖಂಡೆರ್ ಇತ್ತೆರ್.

ಬಾಲೆ ತಸ್ವಿನ ಚಿಕಿತ್ಸೆಗ್ ಪಣವುದ ಸಕಾಯ ಮಲ್ಪುಲೆ

Sep 8, 2022

ನನಾತೆ ಪ್ರಪಂಚದ ಬೊಲ್ಪುನು ತೂವೊಡಾಯಿನ ಒಂಜಿ ವರುಷ ಮೂಜಿ ತಿಂಗೊಲ್ದ ಬಾಲೆ ತಸ್ವಿ. ಈ ಬಾಲೆ ಇತ್ತೆ ಸಾವು ಬದ್‌ಕ್ ದ ನಡುಟ್ಟು ಆಸ್ಪತ್ರೆಡ್ ಉಂಡು.

ಬಜ್ಪೆ ಕರ್ಂಬಾರ್ ದ ರಿಕ್ಷಾ ಡ್ರೈವರ್ ದನಂಜಯ ಬೊಕ್ಕ ರೇವತಿ ಪನ್ಪಿನ ದಂಪತಿಲೆನ ಈ ಕಿನ್ಯ ಬಾಲೆ ಆಕಸ್ಮಿಕವಾದ್ ಬೆಚ್ಚ ಗಂಜಿದ ತೇಲಿ ನೀರ್ ಮೈಕ್ ಬೂರ್ದ್ ಭಾಗಶಃ ಪೊತ್ತ್ ದ್ ಪೋತುಂಡು. ಕುಡ್ಲದ ಫಾದರ್ ಮುಲ್ಲರ್ ಆಸ್ಪತ್ರೆದ ಐಸಿಯು ವಿಭಾಗಡ್ ಜೀವನ್ಮರಣ ಸ್ಥಿತಿಟ್ ಪೊರ್ಂಬಾಟ ಮಲ್ತೊಂದುಂಡ್. ಈ ಬಾಲೆದ ಜೀವ ಒರಿಯೊಡಾಂಡ ಲಕ್ಷಾಂತರ ರೂಪಾಯಿ ಬೋಡಾಪುಂಡ್. ಅಂಚಾದ್ ನಮ್ಮ ಕಷ್ಟ ಕಾಲೊಡ್ ನಮ ಲೆತ್ತಿನಡೆಗ್ ಬರ್ಪಿನ ರಿಕ್ಷಾ ಡ್ರೈವರ್‍ನ ಬಾಲೆದ ಕಷ್ಟೊಗು ನಮ ಮಾತ ಪಣವುದ ಸಕಾರ ಮಲ್ಪುಗ.

ಧನಂಜಯ
CANARA BANK
A/c No: 02472250004838 IFSC : CNRB0010247
ಗೂಗಲ್ ಪೇ-ಧನು ಪೂಜಾರಿ: 8792685377

ತುಳುನಾಡ್‌ಡ್ ಭಾರೀ ಗೌಜಿಡ್ ಆಚರಣೆ ಮಲ್ತೊಂದುಲ್ಲೆರ್ ಕೊರಲ್ ಪರ್ಬ

Sep 8, 2022

ಕುಡ್ಲ: ಇನಿ ತುಳುನಾಡ್‌ದ ಕ್ರೈಸ್ತ ಕುಟುಂಬದಕುಲು ಒಟ್ಟು ಸೇರ್ದ್ ಆಚರಣೆ ಮಲ್ಪುನ ಕೊರಲ್ ಪರ್ಬ ಪಂಡ ಮೊಂತಿ ಫೆಸ್ತ್.

ಕೊರೊನಾರ್‍ದಾವರ ರಡ್ಡ್ ವರ್ಷ ಮೊಂತಿ ಫೆಸ್ತ್ ಪರ್ಬ ತುಳುನಾಡ್‌ಡ್ ಇಜ್ಜಾಂಡ್. ಆಂಡ ಈ ಸರ್ತಿ ತುಳುನಾಡ್ ಅಂಚನೆ ಕಾಸ್ರೋಡ್ ಜಿಲ್ಲೆಲೆಡ್ ಎಚ್ಚದ ಸಂಖ್ಯೆಡ್ ಕ್ರೈಸ್ತ ಸಮುದಾಯ ಗೌಜಿಡ್ ಪರ್ಬನ್ ಆಚರಣೆ ಮಲ್ತೊಂದುಲ್ಲೆರ್.

ಮಾನವೀಯತೆದ ಮಾಮಲ್ಲ ಮೂರ್ತಿ ಅಪ್ಪೆ ಮೇರಿನ ಪುಟ್ಟುಪರ್ಬ ಅಂಚೆನೆ ಕೊರಲ್ ಪರ್ಬದ ಈ ಪೊರ್ತುಡು ಮಾತಾ ಕ್ರಿಶ್ಚಿಯನ್ ಬಂಧುಲು ಮೊಂತಿ ಫೆಸ್ತ್ ನ್ ಆಚರಣೆ ಮಲ್ಪುವೆರ್.

ಇನಿ ಕುಟುಂಬದ ಸದಸ್ಯೆರ್‍ನ ನಡುಟ್ ಒವ್ವೇ ರೀತಿದ ಮನಸ್ತಾಪ ಇತ್ತ್ಂಡಲ ಮಾತೆನ್ಲ ಮರತ್ತ್‌ದ್ ಒಟ್ಟು ಸೇರ್ದ್ ತೆನೆ ವನಸ್ ನ್ ಪಲ್ಪುನ ಪರಂಪರೆ ಮೊಂತಿ ಫೆಸ್ತ್ ಪರ್ಬಗ್ ಉಂಡು. ತುಳುನಾಡ್‌ದ ಮಾತ ಚರ್ಚ್‌ಲೆಡ್ ಇನಿ ಮೊಂತಿ ಫೆಸ್ತ್‌ನ್ ಭಾರೀ ಗೌಜಿಡ್ ಆಚರಣೆ ಮಲ್ತೆರ್. ಕುರಲ್, ಕರ್ಂಬು ಭಕ್ತೆರೆಗ್ ಪ್ರಸಾದ ರೀತಿಡ್ ಪಟ್ಟಿಯೆರ್.

Nativity festival celebrated with tradition and pomp in Tulunadu.

Manglore: The Christians are celebrating the Nativity festival with pomp all over Tulunadu today.

For the past two years the celebration was in a small scale due to covid 19 restrictions.

It is celebrated to commorate the birth day of Mother Mary and in the coastal regions it is also celebrated as a day to bring in and offer the Lord the farm produce.Family members get together and celebrate with gaiety. Churches all over Tulunadu have prayers to celebrate Nativity festival.

M	T	W	T	F	S	S
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30

September 2022

ಒಡಿಪು: ಮದಿಮೆಗ್ ಪೋತಿನ ಪೊಂಜೊವು ಬಸ್ ಗುದ್ದ್‌ದ್ ತೀರ್ ಪೋಯೆರ್

ರಿಯಾಝ್ ಫರಂಗಿಪೇಟೆ ಇಲ್ಲಗ್ ಎನ್ಐಎ ರೈಡ್: ರಡ್ಡ್ ಮೊಬೈಲ್, ದಾಖಲೆ ಪತ್ರಲು ವಶಕ್ಕ್

ಕುಡ್ಲ ದಕ್ಷಿಣ ವಿಭಾಗದ ಬಿಇಓ ಕಚೇರಿದ ಸೂಪರಿಂಟೆಂಡೆಂಟ್ ಮಡಿಕೇರಿಡ್ ಆತ್ಮಹತ್ಯೆ

ಪುರಲ್ ಶ್ರೀ ರಾಜರಾಜೇಶ್ವರಿ ದೇವಲ್ಯಡ್ ಕೊರಲ್ ಕಟ್ಟುನ ಗೌಜಿ

ಸೆ. 9: ಕುಡ್ಲ ವಿ.ವಿ ಸಂಧ್ಯಾ ಕಾಲೇಜ್‌ಡ್ ತುಳು ಅಧ್ಯಯನ ಕೇಂದ್ರ ಉದಿಪನ

ಕುಡ್ಲ ಕಾರ್ಪೊರೇಶನ್ ಗ್ ಎಲ್ಲೆ ವೋಟು : ಏರ್ ಮೇಯರ್-ಉಪಮೇಯರ್ ?

ಸೆ.10 ತಾರೀಕ್ ಗ್ ನಾರಾಯಣ ಗುರು ಸಂದೇಶ ಯಾತ್ರೆ: ವಿಶ್ವಾಸ್ ಕುಮಾರ್ ದಾಸ್

ಬಾಲೆ ತಸ್ವಿನ ಚಿಕಿತ್ಸೆಗ್ ಪಣವುದ ಸಕಾಯ ಮಲ್ಪುಲೆ

ತುಳುನಾಡ್‌ಡ್ ಭಾರೀ ಗೌಜಿಡ್ ಆಚರಣೆ ಮಲ್ತೊಂದುಲ್ಲೆರ್ ಕೊರಲ್ ಪರ್ಬ

You Missed

ಕರ್ನಾಟಕ ವಿಧಾನಸಭೆಕ್ಕ್ ಪೊಸ ಅಧ್ಯಕ್ಷೆರಾದ್ ಜಿ.ಎಸ್. ಪಾಟೀಲ್ ಆಯ್ಕೆ

ಗುಟ್ಕಾ , ಪಾನ್ ಮಸಾಲ ನಿಷೇಧ ವಾಪಸ್

ಬಂಟ್ವಾಳ : ಗಾಂಜಾ ಸಹಿತ ಮೂಜಿ ಜನ ಆರೋಪಿಲು ಅರೆಸ್ಟ್, 4.90 ಲಕ್ಷ ರೂ. ಬಿಲೆತ್ತ ಎಂಡಿಎಂಎ ಜಪ್ತಿ

ಬಿರುವೆರ್ ಕಾಪು ಸೇವಾ ಸಮಿತಿ ಮುತಾಲಿಕೆಡ್ 5 ನೇ ವರ್ಷದ ಆಟಿ ಕಷಾಯ, ಮೆತ್ತೆದ ಗಂಜಿ ಪಟ್ಟುನ ಲೇಸ್