February 2021

ನವರತನ್ ಜ್ಯುವೆಲರ್ಸ್‌ ವತಿರ್ದ್ ಕುಡ್ಲದ ದಿ ಓಶಿಯನ್ ಪರ್ಲ್‌ಡ್ ಆಭರಣ ಮೇಳ

ಕುಡ್ಲ , ಫೆ.13: ನವರತನ್ ಜ್ಯುವೆಲರ್ಸ್‌ ವತಿರ್ದ್ ಫೆ.12ರ್ದ್ 14 ಮುಟ ಕುಡ್ಲ ಡ್ ಬಂಗಾರ್ , ವಜ್ರ, ಆಯಂಟಿಕ್ ಸೇರಿನಂಚ ಅನನ್ಯ ಆಭರಣದ ಪ್ರದರ್ಶನ ಬೊಕ್ಕ ಮಾರಾಟ ಅಟ್ಟನೆ ಮಲ್ದೆರ್ . ನಗರದ ಕೊಡಿಯಾಲ್‌ಬೈಲ್‌ಡ್ ಉಪ್ಪುನ ದಿ ಓಶಿಯನ್ ಪರ್ಲ್‌ಡ್ ಈ ಮೂಜಿ ದಿನ ಕಾಂಡೆ  10ರ್ದ್ ರಾತ್ರಿ 9 ಮುಟ ನಡಪುನ ಪ್ರದರ್ಶನ-ಮಾರಾಟಡ್ ಗ್ರಾಹಕೆರ್ ಅಕ್ಲೆನ ಇಷ್ಟದ ಬಂಗಾರ್ ದೆತೊನೊಲಿ ಪಂದ್ ಸಂಸ್ಥೆದ ವ್ಯವಸ್ಥಾಪಕ ನಿರ್ದೇಶಕ ಗೌತಮ್ ಚಂದ್ ತೆರಿಪಾದೆರ್ .

ಸಾಂಕಿನ ನಾಯಿಲೆಗ್ ಉಚಿತ ರೇಬಿಸ್ ರೋಗ ನಿರೋಧಕ ಲಸಿಕಾ ಲೇಸ್

ದ.ಕ.ಜಿಲ್ಲಾ ಪಂಚಾಯತ್ ಪಶು ಪಾಲನಾ ಬೊಕ್ಕ ಪಶು ವೈದ್ಯಕೀಯ ಸೇವಾ ಇಲಾಖೆ ಬಂಟ್ವಾಳ,ವಾಮದಪದವು ವ್ಯವಸಾಯ ಸೇವಾ ಸಹಕಾರಿ ಸಂಘ, ಗ್ರಾಮ ಪಂಚಾಯತ್ ಚೆನ್ನೈತೋಡಿ ಮೆಕ್ಲೆನ ಒಟ್ಟು ಸೇರಿಗೆಡ್ ಚೆನ್ನತ್ತೋಡಿ ಗ್ರಾಮ ಪಂಚಾಯತ್ ವ್ಯಾಪ್ತಿದ ಬೇತೆ ಬೇತೆ ಕಡೆಟ್ ಸಾಂಕ್ ದಿನ ನಾಯಿಲೆಗ್ ಉಚಿತ ರೇಬಿಸ್ ರೋಗ ನಿರೋಧಕ ಲಸಿಕಾ ಲೇಸ್ ನ್ ತಾರೀಖ್ 12-02-2021 ನೇ ಶುಕ್ರವಾರ ನಡಪಾಯೆರ್.

ವಾಮದಪದವು ವ್ಯವಸಾಯ ಸೇವಾ ಸಹಕಾರಿ ಸಂಘದ ಗುರ್ಕಾರ್ ಲಾಯಿನ ಕಮಲ್ ಶೆಟ್ಟಿ ಬೊಳ್ಳಾಜೆ ತುಡರ್ ಅರ್ಲಾದ್ ಲೇಸ್ ನ್ ಉದಿಪನ ಮಲ್ತೆರ್.ಬಂಟ್ವಾಳ ಪಶು ವೈದ್ಯ ಸೇವಾ ಇಲಾಖೆದ ಪ್ರಭಾರ ಸಹಾಯಕ ನಿರ್ದೇಶಕರಾಯಿನ ಡಾ|| ಅವಿನಾಶ್ ಭಟ್, ಸೇವಾ ಸಹಕಾರಿ ಸಂಘದ ನಿರ್ದೇಶಕರಾಯಿನ ಯಶೋಧರ ಶೆಟ್ಟಿ, ವೆಂಕಟೇಶ್ ಭಟ್,ಸುಧೀರ್‌ಕುಮಾರ್ ಕೊರಗು , ಮುಖ್ಯ ಕಾರ್ಯನಿರ್ವಾಹಣಾಧಿಕಾರಿ
ಆಲ್ಬರ್ಟ್ ಡಿ ಸೋಜಾ, ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ವಿನೋದ್ ಸಾಲ್ಯಾನ್, ಡಾ| ಉಮೇಶ್ ಕಿರಣ್, ಜಾನುವಾರು ಅಭಿವೃದ್ಧಿ ಅಧಿಕಾರಿ ಶ್ರೀಧರ್‌ ಶೆಟ್ಟಿ, ಸಹಾಯಕ ಕಾಂತಪ್ಪ.ವಾಮದಪದವು ಪೇರ್ ಉತ್ಪಾದಕರ ಸಂಘದ ನಿರ್ದೇಶಕೆರಾಯಿನ ದಿನೇಶ್ ಸಾಲ್ಯಾನ್ ಕಾರ್ಯನಿರ್ವಹಣಾಧಿಕಾರಿ ನಾರಾಯಣ ಶೆಟ್ಟಿ ವಸಂತ ಶೆಟ್ಟಿ, ಅಕ್ಷತಾ ಪಾಲ್ ಪಡೆದಿತ್ತೆರ್.

ವಾಮದಪದವು ಪಶು ಚಿಕಿತ್ಸಾಲಯದ ಪಶು ವೈದ್ಯಾಧಿಕಾರಿ ಡಾ|| ಅಶೋಕ ಶೆಟ್ಟಿ ಎದುಕೊಂಡೆರ್ ಅಂಚನೇ ಲೇಸ್ ದ ನಿರೂಪಣೆ ಮಲ್ತ್ ದ್ ಸೊಲ್ಮೆ ಸಂದೈಯ್ತ ಮಲ್ತೆರ್.

ಬೆಸೆಂಟ್ ಸಂಧ್ಯಾ ಕಾಲೇಜ್ ದ ವತಿರ್ದ್ ಐತಾರ ನೆತ್ತೆರ್ದಾನ ಶಿಬಿರ

ಬೆಸೆಂಟ್ ಸಂಧ್ಯಾ ಕಾಲೇಜ್ ಕೊಡಿಯಾಲ್ ಬೈಲ್ ಕುಡ್ಲ, ಅಂಚನೇ ಕಸ್ತೂರ್ಬಾ ಮೆಡಿಕಲ್ ಕಾಲೇಜ್ ಆಸ್ಪತ್ರೆ ಅಂಬೇಡ್ಕರ್ ಸರ್ಕಲ್ ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ತಾರೀಖ್ 14/2/2021 ನೇ ಐತಾರ ಕಾಂಡೆ 9 ಗಂಟೆರ್ದ್ ಕುಡ್ಲದ ಬೆಸೆಂಟ್ ಸಂಧ್ಯಾ ಕಾಲೇಜ್ ದ ಸಭಾಂಗಣಡ್ ನೆತ್ತೆರ್ ದಾನ ಶಿಬಿರ ನಡಪರೆ ಉಂಡು.

ಮಲ್ಲ ಬಿನ್ನೆರ್ ಆದ್ ಬೆಸೆಂಟ್ ಆಂಗ್ಲ ಮಾಧ್ಯಮ ಶಾಲೆದ ಶ್ರೀ ನಗರ್ ನಾರಾಯನ್ ಶೆಣೈ, ಶ್ರೀ ಗಣೇಶ್ ಭಟ್,ದೇವಾನಂದ ಪೈ ಪಾಲ್ ಪಡೆಯರೆ ಉಲ್ಲೆರ್.

ಅಂಚನೇ ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರಲಾಯಿನ ಆದಿತ್ಯ ಶೆಟ್ಟಿ, ಉಪಾಧ್ಯಕ್ಷೆರಾಯಿನ ರಾಜೇಶ್ ಮುದಲಿಯಾರ್ , ಸಂಧ್ಯಾ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ |ಲಕ್ಷ್ಮೀನಾರಾಯಣ ಭಟ್ ಬೊಕ್ಕ ಅಂಚನೇ ಪ್ರೊ| ಗಣಪತಿ ಭಟ್. ಎಂ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಪ್ರಕಟಣೆ ಡ್ ತೆರಿಪಾದೆರ್.

ಪೊಸ ರೂಪು ಪಡೆಯರೆ ಉಪ್ಪುನ ‘ ಡಾನ್‌ ಬಾಸ್ಕೋ’ ರಂಗಮಂದಿರ

ಜ್ಯೋತಿ, : ಕೊಂಕಣಿ, ತುಳು, ಬ್ಯಾರಿ, ಕನ್ನಡ ಸೇರಿನಂಚ ರಂಗಭೂಮಿದ ಬೇತೆ ಬೇತೆ ಪ್ರಕಾರದ ಪ್ರದರ್ಶನಗ್ ಕರಿನ 70 ವರ್ಷರ್ದ್ ಅವಕಾಶ ಕೊರಿನ ಕುಡ್ಲದ “ಡಾನ್‌ ಬಾಸ್ಕೋ’ ರಂಗಮಂದಿರ ಇತ್ತೆ ನವೀಕರಣಆದ್ , ಆಧುನಿಕ ಪೊರ್ಲುಗು ಬದಲಾಯರೇ ಉಂಡು.

ಪ್ರೊಫೆಸರ್ ಕೆರೊಲಿನಾ ಜೆನೆಫರ್ ಕುಡ್ಲ ವಿಶ್ವವಿದ್ಯಾನಿಲಯರ್ದ್ ಪಿಎಚ್‌ಡಿ ಪದವಿ

ಕುಡ್ಲ , ಫೆ.12: ಸಂತ ಅಲೋಶಿಯಸ್ ಕಾಲೇಜ್ ದ ವಾಣಿಜ್ಯ ವಿಭಾಗದ ಸಹಾಯಕ ಪ್ರೊಫೆಸರ್ ಕೆರೊಲಿನಾ ಜೆನೆಫರ್ ಮೆರೆಗ್ ಕುಡ್ಲ ವಿಶ್ವವಿದ್ಯಾನಿಲಯರ್ದ್ ಪಿಎಚ್‌ಡಿ ಪದವಿ ಪಡೆಯೊಂದೆರ್.

ಕೆರೊಲಿನಾ ಬರೆತಿನ ‘ಕಸ್ಟಮರ್ ಪ್ರೊಟೆಕ್ಷನ್ ಇನ್ ಬ್ಯಾಂಕಿಂಗ್ ಸೆಕ್ಟರ್ ಇನ್ ದಿ ಇರಾ ಆಫ್ ಗ್ಲೋಬಲೈಸೇಶನ್ – ಓ ಸ್ಟಡಿ ಇನ್ ದಿ ಕೋಸ್ಟಲ್ ಡಿಸ್ಟ್ರಿಕ್ಟ್ಸ್ ಆಫ್ ದಿ ಕರ್ನಾಟಕ’ ಪನ್ಪಿನ ಪ್ರಬಂಧಗ್ ಪಿಎಚ್‌ಡಿ ಪದವಿ ಬೈದುಂಡು . ವಿಶ್ವವಿದ್ಯಾನಿಲಯ ಕಾಲೇಜ್ ದ ವಾಣಿಜ್ಯ ವಿಭಾಗದ ಸಹಾಯಕ ಪ್ರೊಫೆಸರ್ ಡಾ. ಅಬೂಬಕರ್ ಸಿದ್ದೀಕಿ ಮಾರ್ಗದರ್ಶನಡ್ ಮೇರ್ ಈ ಪ್ರಭಂದ ಮಂಡನೆ ಮಲ್ದೆರ್.

ಕೆರೊಲಿನಾ ಜೆನಿಫರ್ ವಾಲ್ಟರ್ ಜಯಕುಮಾರ್ ಬೊಕ್ಕ ಕ್ಲೆಮೆಂಟಿನಾ ಪ್ರಭಾವತಿ ದಂಪತಿನ ಪುತ್ರಿ ಅಂಚನೇ ಮಧುಸೂಧನ್ ಶೆಟ್ಟಿ ಜಪ್ಪಿನಮೊಗರು ಮೆರ್ನ ಪತ್ನಿ.