February 2021

ಸಂಕುಚಿತ ನೈಸರ್ಗಿಕ ಅನಿಲ (ಸಿಎನ್‌ಜಿ) ವಿತರಣೆ ಬಂಕ್ ಉದಿಪನ

ಕುಡ್ಲ , ಫೆ.17: ಕರಾವಳಿದ ಸುರುತ್ತ ಸಂಕುಚಿತ ನೈಸರ್ಗಿಕ ಅನಿಲ (ಸಿಎನ್‌ಜಿ) ವಿತರಣೆ ಬಂಕ್ ಅಂಗಾರೆ ರ್ದ್ ಕುಡ್ಲಡ್ ಕಾರ್ಯಾಚರಣೆ ಸುರು ಮಲ್ದುಂಡು.

ಗೈಲ್ ಗ್ಯಾಸ್ ಲಿ.ವತಿರ್ದ್ ಗಾಡಿ ಲೆಗ್ ಪೂರೈಕೆ ಮಲ್ಪುನ ನೆಲೆಟ್ಟ್ ಸಿಎನ್‌ಜಿ ಸ್ಥಾವರ ಕುಡ್ಲಡ್ ನಿರ್ಮಾಣ ಆವೊಂದು ಉಂಡು ಐತ ಪ್ರಕಾರ ಸುರುತ್ತ ಬಂಕ್ ಕುಡ್ಲದ ಅಡ್ಯಾರ್‌ಕಟ್ಟೆ ಕೈತಲ್ ಇಂಡಿಯನ್ ಆಯಿಲ್‌ದ ನೇತ್ರಾವತಿ ಸರ್ವಿಸ್ ಸ್ಟೇಷನ್‌ಡ್ ಸುರು ಆತುಂಡು.

ಇಂಡಿಯನ್ ಆಯಿಲ್ ಸಂಸ್ಥೆದ ಚೀಫ್ ಡಿವಿಜನಲ್ ರಿಟೈಲ್ ಸೇಲ್ಸ್ ಮ್ಯಾನೇಜರ್ (ಸಿಡಿಆರ್‌ಎಸ್‌ಎಂ) ಅನೂಪ್ ಕುಶ್ವಾಹ್ ಬಂಕ್ ಉದಿಪನ ಮಲ್ತೆರ್ .

ನಮ್ಮ ಕುಡ್ಲ ಟಾಕೀಸ್’ ದ ಲಾಂಛನ ಬುಡುಗಡೆ

ಕುಡ್ಲ ಫೆ.17: ನಮ್ಮ ಕುಡ್ಲ ಟಿವಿ ಚಾನೆಲ್‌ದ ಪೊಸ ಪರಿಕಲ್ಪನೆಯಾಯಿನ ‘ನಮ್ಮ ಕುಡ್ಲ ಟಾಕೀಸ್’ದ ಲಾಂಛನ ಬುಡುಗಡೆ ಫೆ.18 ತಾರೀಖ್ ಗ್ ಓಶಿಯನ್ ಪರ್ಲ್‌ಡ್ ಬೈಯ್ಯ 3.30ಕ್ ನಡಪರೆ ಉಂಡು . ಈ ಲೇಸ್ ಡ್ ತುಳು ಸಿನಿಮಾ ರಂಗದ ನಿರ್ಮಾಪಕೆರ್ , ನಿರ್ದೇಶಕೆರ್ , ತಂತ್ರಜ್ನೆರ್ , ಕಲಾವಿದೆರ್ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಮಲ್ನಾಡ್ ಇನ್ಫೋಟೆಕ್ ಲಿಮಿಟೆಡ್‌ದ ಸಿಇಒ ಹರೀಶ್ ಬಿ. ಕರ್ಕೇರ ಸುದ್ದಿಗೋಷ್ಠಿಡ್ ತೆರಿಪಾಯೆರ್ .

ಪಡುಬಿದ್ರಿ ಗ್ರಾಮ ಪಂಚಾಯಿತಿದ ಗುರ್ಕಾರ್ಲಾದ್ ರವಿ ಶೆಟ್ಟಿ ಪದ್ರ, ಉಪಾಧ್ಯಕ್ಷೆಯಾದ್ ಯಶೋಧಾ ಆಯ್ಕೆ

ಪಡುಬಿದ್ರಿ: ತೀವ್ರ ಕುತೂಹಲ ಇತ್ತಿನ ಪಡುಬಿದ್ರಿ ಗ್ರಾಮ ಪಂಚಾಯಿತಿದ ದುಂಬುದ 30 ತಿಂಗೊಲ್ ದ ಗುರ್ಕಾರ್ಲಾದ್ ಬಿಜೆಪಿ ಬೆಂಬಲಿತರಾಯಿನ ಪೆರಿಯ ಸದಸ್ಯ ರವಿ ಶೆಟ್ಟಿ ಪದ್ರ, ಉಪಾಧ್ಯಕ್ಷೆಯಾದ್ ಪಕ್ಷೇತರರಾದ್ ಸ್ಪರ್ಧಿಸಾದ್ ಸುರುತ್ತ ಬಾರಿ ಸದಸ್ಯರಾದ್ ಚುನಾಯಿತರಾಯಿನ ಯಶೋಧಾ ಆಯ್ಕೆಯಾತೆರ್.