ಕುಡ್ಲದ ಸುದ್ದಿ | Mangalore News

ಮಂಗಳೂರು ನಗರ ಪೊಲೀಸ್ ವಾರ್ಷಿಕ ಕ್ರೀಡಾಕೂಟ

ಕುಡ್ಲ , ಮಾ.14: ಪೇಂಟೆದ ಪೊಲೀಸ್ ಕವಾಯತು ಮೈದಾನಡ್ ರಡ್ಡ್ ದಿನ ನಡತಿನ ಮಂಗಳೂರು ನಗರ ಪೊಲೀಸ್ ವಾರ್ಷಿಕ ಕ್ರೀಡಾಕೂಟಗ್ ಜಿಲ್ಲಾ ಪ್ರಧಾನ ಬೊಕ್ಕ ಸತ್ರ ನ್ಯಾಯಾಲಯದ ನ್ಯಾಯಾಧೀಶ ಮುರಳೀಧರ ಪೈ ಬಲೂನ್ ಬೊಕ್ಕ ಪಾರಿವಾಳ ಪಾರಾವುನ ಮುಖೇನ ಶುಕ್ರವಾರ ಚಾಲನೆ ಕೊರಿಯೆರ್ .

ಬೊಕ್ಕ ಪಾತೆರಿನ ಆರ್ ಪೊಲೀಸ್ ಇಲಾಖೆಡ್ ಸೇವೆ ಮಲ್ಪುನಕ್ಲೆಗ್ ದೈಹಿಕ, ಮಾನಸಿಕ ಒತ್ತಡ ಜಾಸ್ತಿ ಉಪ್ಪುಂಡು . ಇಂಚಿನ ಕ್ರೀಡಾಕೂಟರ್ದ್ ಮಾನಸಿಕವಾದ್ ಉಲ್ಲಾಸ ಆಪುಂಡು ಪಂದ್ ಪಂಡೆರ್.

ಮಂಗಳೂರು ವಿ.ವಿ ಸರ್ವ ಕಾಲೇಜು ವಿದ್ಯಾರ್ಥಿ ಸಂಘದ ಪದಾಧಿಕಾರಿಲೆನ ಪದಗ್ರಹಣ ಲೇಸ್

ಕುಡ್ಲ , ಮಾ.14: ನಗರದ ಬೆಂದೂರ್ ವೆಲ್ ದ ಸೈಂಟ್ ಸೆಬಾಸ್ಟಿನ್ ಸಭಾಂಗಣಡ್ ಮಂಗಳೂರು ವಿ.ವಿ.ಯ ಸರ್ವ ಕಾಲೇಜು ವಿದ್ಯಾರ್ಥಿ ಸಂಘದ ಪದಾಧಿಕಾರಿಲೆನ ಪದಗ್ರಹಣ ಲೇಸ್ ನಡತುಂಡು .

ಪ್ರಪಂಚದ ಬೇತೆ ಬೇತೆ ದೇಶಡ್ ವಿದ್ಯಾರ್ಥಿ ಯುವ ಶಕ್ತಿರ್ದ್ ಸಾಮಾಜಿಕ, ರಾಜಕೀಯ ಆರ್ಥಿಕ ಬದಲಾವಣೆಗ್ ರಾಜಕೀಯ ಪರಿವರ್ತನೆಗ್ ಕಾರಣ ಆತ್oಡ್ . ವಿದ್ಯಾರ್ಥಿ ಸಂಘಟನೆ ಜಾತಿ, ಧರ್ಮ ಮೀರಿದ ವಿದ್ಯಾರ್ಥಿ ಸಮುದಾಯ ಮಾತಾ ಒಂಜೇ ಪನ್ಪಿನ ಸಂಘಟಿತ ಪ್ರಜ್ಞಾವಂತ ವಿದ್ಯಾರ್ಥಿ ಸಮುದಾಯ ಈ ದೇಶಗ್ ಅಗತ್ಯ ಉಂಡು . ಈ ನೆಲೆಟ್ಟ್ ಸರ್ವ ಕಾಲೇಜು ವಿದ್ಯಾರ್ಥಿ ಸಂಘ ರಚನೆಯಾತ್oಡ್ ಪಂದ್ ರಮಾನಾಥ ರೈ ತೆರಿಪಾಯೆರ್ .

ದ.ಕ.ಜಿಲ್ಲಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಹರೀಶ್ ಕುಮಾರ್ ಲೇಸ್ ದ ಗುರ್ಕಾರ್ಮೆನ್ ವಯಿಸ್ದಿತ್ತೆರ್.ಲೇಸ್ ಡ್ ಮಾಜಿ ಶಾಸಕ ಜೆ.ಆರ್.ಲೋಬೋ , ಚಲನ ಚಿತ್ರ ನಿರ್ದೇಶಕ ಹರೀಶ್ ಶೇರಿಗಾರ್, ಕಿಶನ್ ಹೆಗ್ಡೆ ಕೊಳಕೆ ಬೈಲು , ಮೆರಿಲ್ ರೇಗೋ, ಮನಪಾ ಸದಸ್ಯ ಪ್ರವೀಣ್ ಚಂದ್ರ ಆಳ್ವ, ವಿನಯ ರಾಜ್ , ಅನಿಲ್ ,ದ.ಕ ಜಿಲ್ಲಾ ಯುವ ಕಾಂಗ್ರೆಸ್ ಮುಖಂಡರಾಯಿನ ಗಿರೀಶ್ ಆಳ್ವಾ, ಸುಹೈಲ್ ಕಂದಕ್, ಅಭಿಲಾಶ್, ಜಯಕುಮಾರ್ ಶೆಟ್ಟಿ,ಅಶೋಕ್ ಪೂಜಾರಿ, ಸುನಿಲ್, ರಾಕೇಶ್ ದೇವಾಡಿಗ, ಶ್ರೀಹರಿ, ಸುಧೀರ್ ಕುಮಾರ್ ಶೆಟ್ಟಿ, ನಝೀರ್ ಸಾಮಾಣಿಗೆ, ಬಶೀರ್ , ಹನೀಫ್, ಎನ್ ಎಸ್ ಯುಐ ಮುಖಂಡರಾಯಿನ ಸವಾದ್ ಸುಳ್ಯ, ರೂಪೇಶ್ ರೈ, ಸುಹಾನ್ ಆಳ್ವ, ಶಾಹುಲ್ ಬಜ್ಪೆ ಪಾಲ್ ಪಡೆದ್ ಇತ್ತೆರ್. ಗುರ್ಕಾರ್ಲಾಯಿನ ಮಿಥುನ್ ರೈ ಎದುಕೊಂಡೆರ್ .

ಸನಾತನ ನಾಟ್ಯಾಲಯ ಕುಡ್ಲ :”ಸನಾತನ-ನೃತ್ಯ ಪ್ರೇರಣಾ” ಕಾರ್ಯಕ್ರಮ

ತಾರೀಖ್ 13-03-2021 ನೇ ಶನಿವಾರ ಬೈಯ್ಯ 6-00 ಗಂಟೆಗ್ ಕುದ್ಮುಲ್ ರಂಗರಾವ್ ಪುರಭವನಡ್ ಸನಾತನ ನಾಟ್ಯಾಲಯ ಕುಡ್ಲ ಮೆಕ್ಲೆನ”ಸನಾತನ-ನೃತ್ಯ ಪ್ರೇರಣಾ” ಲೇಸ್ ನಡಪರೆ ಉಂಡು.

ಶ್ರೀ ನಳಿನ್ ಕುಮಾರ್ ಕಟೀಲ್ (ಲೋಕಸಭಾ ಸದಸ್ಯರು, ದಕ್ಷಿಣ ಕನ್ನಡ)ಲೇಸ್ ದ ಗುರ್ಕಾರ್ಮೆ ವಯಿಸೊಂದುಲ್ಲೆರ್.ಮಲ್ಲ ಬಿನ್ನೆರ್ ಆದ್ ಶ್ರೀ ಪ್ರೇಮಾನಂದ ಶೆಟ್ಟಿ ಮಹಾಪೌರೆರ್ ಮಂಗಳೂರು ಮಹಾನಗರ ಪಾಲಿಕೆ ಅಂಚನೇ ವಿದುಷಿ ಡಾ। ಶೋಭಿತಾ ಸತೀಶ್,ಪ್ರಾಂಶುಪಾಲೆರ್
ವಿವೇಕಾನಂದ ಬಿ.ಎಡ್ ಕಾಲೇಜು, ಪುತ್ತೂರು ಪಾಲ್ ಪಡೆಯರೆ ಉಲ್ಲೆರ್.

ಈ ಲೇಸ್ ಡ್ 2020ನೇ ಸಾಲ್ ದ ಭರತನಾಟ್ಯದ ವಿದ್ವತ್ ಅಂತಿಮ ಪರೀಕ್ಶೆನ್ ಪೂರೈಸಿನ ಅಂಚನೇ ವಿಶೇಷ ಸಾಧನೆ ಮಲ್ದಿನ ಸನಾತನ ನಾಟ್ಯಾಲಯದ ಜೋಕ್ಲೆಗ್ ಮಾನದಿಗೆ ನಡಪರೆ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್ .