ಕುಡ್ಲದ ಸುದ್ದಿ | Mangalore News

“ಜಿನರಾತ್ರಿ ಉತ್ಸವ”: ವೃಷಭನಾಥ ಚರಿತಂ ಕಥಾಮೃತ ಲೇಸ್

ಕುಡ್ಲ ಮಾರ್ಚ್ 13: ಕಡಲ ಪುಡೆತ ಮಹಾ ನಗರಿ ಕುಡ್ಲಡ್ ವೀರ ರಾಣಿ ಅಬ್ಬಕ್ಕ ಜೈನ ಮಹಿಳಾ ಸಂಘ ಮುತಾಲಿಕೆದ ಬಜಿಲಕೇರಿ ಭ.ಆದೀಶ್ವರ ಸ್ವಾಮಿ ಬಸದಿ  ಕುಡ್ಲ ಮುಲ್ಪ ನಡಪುನ “ಜಿನರಾತ್ರಿ ಉತ್ಸವ” ವೃಷಭನಾಥ ಚರಿತಂ ಕಥಾಮೃತ ಲೇಸ್ ತಾರೀಖ್ 11 -3 -2021 ದಾನಿ ಬೈಯ್ಯ 7 ಗಂಟೆಗ್ ಬಾರಿ ಗೌಜಿ ಡ್ ನಡತ್oಡ್.

ಗುರ್ಕಾರ್ಲಾಯಿನ ಶ್ರೀಮತಿ ಸುಮನಾ ಪೂವಣಿ ,ಕಾರ್ಯದರ್ಶಿ ಶ್ರೀಮತಿ ಅಕ್ಷತಾ ಆದರ್ಶ್ ಬೊಕ್ಕ ಸಂಘದ ಬೇತೆ ಪದಾಧಿಕಾರಿಲು ಕುಡ್ಲ ಜೈನ್ ಮಿಲನ್ ಸದಸ್ಯೆರ್ ಪಾಲ್ ಪಡೆದ್ ಇತ್ತೆರ್.. ಶ್ರೀಮತಿ ಕೇಸರಿ ರತ್ನ ರಾಜಯ್ಯ ಮೇರ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯೆರ್.

ಕಥಾಮೃತ ಕಾರ್ಯಕ್ರಮನ್ ಸುಕುಮಾರ ಬಲ್ಲಾಳ್, ಸ್ವಾತಿ ಆಶಿಕ್ , ಶಾಶ್ವತಿ ಸಚಿನ್ ಮೆಕುಲು ನಡಪಾದ್ ಕೊರಿಯೆರ್ .ಡಾಕ್ಟರ್ ಬಾಲಿಕಾ ಪ್ರಶಾಂತ್ ಲೇಸ್ ನಡಪಾದ್ ಕೊರಿಯೆರ್.

ಕುಡ್ಲ ವಕೀಲೆರ್ನ ಸಂಘ(ರಿ.) ಯಕ್ಷಾಭಿಮಾನಿ ವಕೀಲೆರ್ನ ವೃಂದ : ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಬಯಲಾಟ

ತಾರೀಖ್ 12-03-2021ನೇ ಶುಕ್ರವಾರ ದಾನಿ ಬೈಯ್ಯ 5.30ರ್ದ್ ಕುಡ್ಲ ಜಿಲ್ಲಾ ನ್ಯಾಯಾಲಯದ ಆವರಣಡ್ ಕುಡ್ಲ ವಕೀಲೆರ್ನ ಸಂಘ(ರಿ.) ಯಕ್ಷಾಭಿಮಾನಿ ವಕೀಲೆರ್ನ ವೃಂದದ ಪರವಾದ್ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಬಯಲಾಟ ನಡಪರೆ ಉಂಡು.

ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಸಮಿತಿದ ಹಿಂದುಳಿದ ವರ್ಗದ ಘಟಕದ ಗುರ್ಕಾರ್ಲಾದ್ ಆಯ್ಕೆ ಆಯಿನಕ್ಲೆಗ್ ಮಾನದಿಗೆ ಲೇಸ್

ಕುಡ್ಲ, ಮಾರ್ಚ್ 11: ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಸಮಿತಿದ ಹಿಂದುಳಿದ ವರ್ಗದ ಘಟಕದ ಗುರ್ಕಾರ್ಲಾದ್ ಆಯ್ಕೆ ಆಯಿನ ವಿಶ್ವಾಸ್ ಕುಮಾರ್ ದಾಸ್ ಬೊಕ್ಕ ಮಂಗಳೂರು ನಗರ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾದ್ ಆಯ್ಕೆ ಆಯಿಯಿನ ಪ್ರಕಾಶ್ ಸಾಲ್ಯಾನ್ ಮೆರೆಗ್ ಕುಡ್ಲ 30 ನೇ ಕೊಡಿಯಾಲ್ ಬೈಲ್ ವಾರ್ಡ್ ಕಾಂಗ್ರೆಸ್ ಸಮಿತಿ ವತಿರ್ದ್ ಮಾನದಿಗೆ ಲೇಸ್ ನಡತ್oಡ್.

ಈ ಲೇಸ್ ಡ್ ಮಾಜಿ ಶಾಸಕ ಜೆ.ಆರ್ ಲೋಬೊ, ಸುರೇಶ್ ಶೆಟ್ಟಿ, ರಜನೀಶ್ ಕಾಪಿಕಾಡ್, ಮಿಥುನ್ ರೈ ಪಾಲ್ ಪಡೆದ್ ಇತ್ತೆರ್.

ಶ್ರೀ ಮೂಕಾಂಬಿಕಾ ದೇವಸ್ಥಾನ ದೇರೆಬೈಲ್ ಕೊಂಚಾಡಿ : ಪ್ರತಿಷ್ಟಾ ದಿನ ಮಹೋತ್ಸವ

ಶ್ರೀ ಮೂಕಾಂಬಿಕಾ ದೇವಸ್ಥಾನ ದೇರೆಬೈಲ್ ಕೊಂಚಾಡಿದ ಪ್ರತಿಷ್ಟಾ ದಿನ ಮಹೋತ್ಸವ ತಾರೀಖ್ 13/3/2021 ನೇ ಶನಿವಾರ ರ್ದ್ 14/3/2021 ನೇ ಐತಾರ ಮುಟ ನಡಪರೆ ಉಂಡು.

13/3/2021 ನೇ ಶನಿವಾರ ಕಾಂಡೆ 6 ಗಂಟೆರ್ದ್ ಗಣಪತಿ ಹೋಮ, ಕಲಷಾಭಿಷೇಕ, ಚಂಡಿಕಾ ಹೋಮ, ನಾಗದೇವೆರೆಗ್ ಆಶ್ಲೇಷ ಪೂಜೆ, ಮಧ್ಯಾಹ್ನ 12 ಗಂಟೆಗ್ ಮಹಾಪೂಜೆ, ಪ್ರಸಾದ ವಿತರಣೆ, ಮಹಾ ಅನ್ನಸಂತರ್ಪಣೆ ನಡಪರೆ ಉಂಡು. ಅವ್ವೆ ದಿನ ರಾತ್ರಿ 8 ಗಂಟೆಗ್ ಧರ್ಮದೈವ ಶ್ರೀ ಅಣ್ಣಪ್ಪ ಪಂಜುರ್ಲಿ ಸ್ವಾಮಿ ನೇಮೊತ್ಸವ ನಡಪರೆ ಉಂಡು.ತಾರೀಖ್ 14/3/2021 ನೇ ಐತಾರ ರಾತ್ರಿ 8 ಗಂಟೆಗ್ ಶ್ರೀ ಮಂತ್ರದೇವತೆ ದರ್ಶನ ಸೇವೆ ಬೊಕ್ಕ ತಂಬಿಲ ಸೇವೆ ನಡಪರೆ ಉಂಡು.