Mon. Nov 23rd, 2026

ಕುಡ್ಲದ ಸುದ್ದಿ | Mangalore News

ಕುಡ್ಲ: ಫೆ.2-4 ಮುಟ್ಟ ಕುಡುಂಬೂರು ನಡುಗಿರಿ ಜಾರಂದಾಯ, ಪರಿವಾರ ದೈವಲೆನ ವರ್ಷಾವಧಿ ನೇಮೋಚ್ಚಯ

ಕುಡ್ಲ: ಪೇಂಟೆದ ಬೈಕಂಪಾಡಿ ಕೈಗಾರಿಕಾ ವಲಯಡ್ ಇಪ್ಪುನ ಕುಡುಂಬೂರು ನಡುಗಿರಿ ಗ್ರಾಮದೈವ ಜಾರಂದಾಯ ಅಂಚನೆ ಸಪರಿವಾರ ದೈವಲೆನ ವರ್ಷಾವಧಿ ನೇಮೋಚ್ಚಯ ಫೆ.2-4 ಮುಟ್ಟ ನಡಪರೆ ಉಂಡು.

ಫೆ.2 ಕ್ಕ್ ಕಾಂಡೆ 8 ಗಂಟೆರ್ದ್ ಅನ್ನಪೂರ್ಣೇಶ್ವರಿ ಅಮ್ಮ ಮೆರೆನ ವಿಶೇಷ ಪೂಜೆ, ಹೊಳ್ಳರ ಚಾವಡಿಡ್ ಜಾರಂದಾಯ ಸಪರಿವಾರ ದೈವಲೆಡ ಪ್ರಾರ್ಥನೆ ಅಂಚನೆ ನಾಗದೇವೆರೆಗ್ ತಂಬಿಲ ಸೇವೆ ನಡಪರೆ ಉಂಡು. ಬಯ್ಯ 4 ಗಂಟೆಗ್ ದೈವಸ್ಥಾನಗ್ ಬಂಗಾರ್-ಬೊಲ್ಲಿದ ರೂಪಡ್ ಬತ್ತಿನ ಪರಕೆ ಅಂಚನೆ ಪುದೆಕಾಣಿಕೆ ಕುಡುಂಬೂರು ಕಲ್ಲುರ್ಟಿ ದೈವಸ್ಥಾನರ್ದ್ ಕುಡುಂಬೂರು ನಡುಗಿರಿ ದೈವಸ್ಥಾನಗ್ ಮೆರವಣಿಗೆ ನಡಪರೆ ಉಂಡು. ಬಯ್ಯ 5 ಗಂಟೆಗ್ ದೈವದ ಭಂಡಾರ ಏರ್ದ್ ರಾತ್ರೆ 8 ಗಂಟೆಗ್ ಮೈಸಂದಾಯ ದೈವದ ನೇಮೋಚ್ಚಯ, ರಾತ್ರೆ 9.30 ಗಂಟೆಗ್ ಕಾಂತೇರಿ ಜುಮಾದಿ, ಸರಳ ಜುಮಾದಿ ಬಂಟ ದೈವದ ನೇಮೋಚ್ಚಯ ನಡಪರೆ ಉಂಡು.

ಫೆ.3 ಕ್ಕ್ ಮಧ್ಯಾಹ್ನ12 ಗಂಟೆಗ್ ಅನ್ನಪೂರ್ಣೇಶ್ವರಿ ಅಮ್ಮನ ವಿಶೇಷ ಅಲಂಕಾರ ಪೂಜೆ, ಮಧ್ಯಾಹ್ನ 12.30-3 ಮುಟ್ಟ ಸಾರ್ವಜನಿಕ ಮಹಾ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯ 7 ಗಂಟೆಗ್ ಧಾರ್ಮಿಕ ಸಭಾ ಕಾರ್ಯಕ್ರಮಡ್ ಗುರುಪುರ ವಜ್ರದೇಹಿ ಮಠತ್ತ ಶ್ರೀ ರಾಜಶೇಖರಾನಂದ ಸ್ವಾಮೀಜಿ ಮೇರೆರ್ದ್ ಆಶೀರ್ವಚನ, ವಿದ್ವಾನ್ ಪಂಜ ಭಾಸ್ಕರ್ ಭಟ್ ಮೆರೆರ್ದ್ ಧಾರ್ಮಿಕ ಉಪನ್ಯಾಸ ನಡಪರೆ ಉಂಡು. ಸೋಮಯಾಜಿ ಎಸ್ಟೇಟ್ಸ್ ಮಾಲಕೆರ್ ರಘುನಾಥ್ ಸೋಮಯಾಜಿ ಸಭಾಧ್ಯಕ್ಷೆರಾದ್ ಪಾಲ್ ಪಡೆಯರೆ ಉಲ್ಲೆರ್. ಈ ಪೊರ್ತುಡು ಕೈಗಾರಿಕಾ ಬೊಕ್ಕ ವಾಣಿಜ್ಯ ಇಲಾಖೆದ ಜಂಟಿ ನಿರ್ದೇಶಕೆರ್ ಗೋಕುಲ್ ದಾಸ್ ನಾಯಕ್ ಮೆರೆನ್ ಮಾನಾದಿಗೆ ಮಲ್ಪರೆ ಉಂಡು. ರಾತ್ರೆ 9 ಗಂಟೆಗ್ ಜಾರಂದಾಯ ಬಂಟ ದೈವದ ನೇಮೋಚ್ಚಯ ನಡಪರೆ ಉಂಡು.

ಫೆ.4 ಕ್ಕ್ ರಾತ್ರೆ 7 ಕ್ಕ್ ಪಿಲಿಚಂಡಿ ದೈವದ ಎಣ್ಣೆಬೂಲ್ಯ ಕೊರ್ದು, ರಾತ್ರೆ 10 ಗಂಟೆಗ್ ಪಿಲಿಚಂಡಿ ದೈವದ ನೇಮೋಚ್ಚಯ ನಡಪರೆ ಉಂಡು ಪಂದ್ ದೈವಸ್ಥಾನದ ಆಡಳಿತ ಮಂಡಳಿದಕುಲು ಪ್ರಕಟಣೆಡ್ ತೆರಿಪಾದೆರ್.

1 ಕೋಟಿ ಇಲ್ಲ್‌ಗ್ 300 ಯೂನಿಟ್ ಸೋಲಾರ್ ಕರೆಂಟ್ ಫ್ರೀ! 2024-25 ನೇ ವರ್ಷದ ಕೇಂದ್ರ ಬಜೆಟ್ ಡ್ ಘೋಷಣೆ

“ಪ್ರಧಾನ ಮಂತ್ರಿ ಸೂರ್ಯೋದಯ ಯೋಜನೆ” ಅಡಿಟ್ ಇಲ್ಲ್‌ಲೆಗ್ ಸೌರ ವಿದ್ಯುತ್ ವ್ಯವಸ್ಥೆಲೆನ್ ಪಾಡ್ದ್ 300 ಯೂನಿಟ್ ಫ್ರೀ ಕರೆಂಟ್ ಕೊರಿಯರೆ ಉಂಡು ಪಂದ್ ಹಣಕಾಸು ಸಚಿವೆರ್ ನಿರ್ಮಲಾ ಸೀತಾರಾಮನ್ ಘೋಷಣೆ ಮಲ್ತ್‌ದೆರ್.ಆರ್ 2024-25 ನೇ ವರ್ಷದ ಬಜೆಟ್ ಡ್ ಈ ಘೋಷಣೆ ಮಲ್ತೆರ್.

ಈ ಯೋಜನೆನ್ ದೇಶದ ಬಡವೆರ್ ಬೊಕ್ಕ ಮಧ್ಯಮ ವರ್ಗದಕುಲು ಪಡೆಯರೆ ಉಲ್ಲೆರ್. ಉಂದೆರ್ದ್ ಭಾರತ ಇಂಧನ ಕ್ಷೇತ್ರಡ್ ಸ್ವಾವಲಂಬಿ ಆಯರೆ ಉಂಡು. ಒಟ್ಟು 1 ಕೋಟಿ ಇಲ್ಲ್‌ಲೆಗ್ ರೂಫ್‌ಟಾಪ್ ಸೋಲಾರ್ ಪಾಡುನ ಗುರಿ ಉಂಡು ಪಂದ್ ಆರ್ ತೆರಿಪಾಯೆರ್.

ಫೆ.3 : ಐಕಳಬಾವ ಕಂಬಳೋಚ್ಚಯ ಡಾ| ಎಂ.ಎನ್. ರಾಜೇಂದ್ರ ಕುಮಾರ್ ಮೆರೆಗ್ “ಕರಾವಳಿ ರತ್ನ ಪ್ರಶಸ್ತಿ”

ಕುಡ್ಲ: ಐಕಳಬಾವ ಕಾಂತಾ ಬಾರೆ-ಬೂದಾಬಾರೆ ಜೋಡುಕರೆ ಕಂಬಳೋಚ್ಚಯ ಫೆ. 3ಕ್ಕ್ ನಡಪರೆ ಉಂಡು. 400 ವರ್ಷ ಪರಪೋಕು ಇಪ್ಪುನ ಐಕಳ ಕಂಬಳನ್ ಜಾನಪದ ಕ್ರೀಡಾಮೇಳದೊಟ್ಟಿಗೆ “ಐಕಳೋಚ್ಚಯ” ರೀತಿಡ್ ಆಯೋಜನೆ ಮಲ್ತ್‌ದೆರ್. ಈ ಪೊರ್ತುಡು ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಅಂಚನೆ ಕರ್ನಾಟಕ ರಾಜ್ಯ ಸಹಕಾರ ಮಾರಾಟ ಮಹಾಮಂಡಳದ ಅಧ್ಯಕ್ಷೆರ್ ಡಾ| ಎಂ.ಎನ್. ರಾಜೇಂದ್ರ ಕುಮಾರ್ ಮೆರೆಗ್ “ಕರಾವಳಿ ರತ್ನ” ಪ್ರಶಸ್ತಿ ಕೊರಿಯರೆ ಉಂಡು ಪಂದ್ ಕಂಬಳೋಚ್ಚಯ ಸಮಿತಿದ ಅಧ್ಯಕ್ಷೆರ್ ಐಕಳಬಾವ ದೇವಿಪ್ರಸಾದ್ ಶೆಟ್ಟಿ ಬೆಳಪು ತೆರಿಪಾದೆರ್.

30 ವರ್ಷರ್ದ್ ಎಸ್‌ಸಿಡಿಸಿಸಿ ಬ್ಯಾಂಕ್ ಅಧ್ಯಕ್ಷೆರ್ ಆದಿಪ್ಪುನ ಡಾ| ರಾಜೇಂದ್ರ ಕುಮಾರ್ ಸಹಕಾರಿ ಬ್ಯಾಂಕಿಂಗ್ ಕ್ಷೇತ್ರಡ್ ಬದಲಾವಣೆ ಕನತೆರ್. ಅಂಚಾದ್ ಅರೆನ ನಾಯಕತ್ವಡ್ ಎಸ್‌ಸಿಡಿಸಿಸಿ ಬ್ಯಾಂಕ್ ಇನಿ ಜನಸ್ನೇಹಿ ಬ್ಯಾಂಕ್ ಆದ್ ಪುಗರ್ತೆ ಪಡೆತ್ಂಡ್. ಸರಿಯಾಯಿನ ಗಾಡಿಡ್ ಮೊಬೈಲ್ ಬ್ಯಾಂಕ್ ಸೇವೆನ್ ರಾಜ್ಯದ ಸಹಕಾರಿ ರಂಗಡ್ ಸುರುತ್ತ ಸರ್ತಿ ಪರಿಚಯ ಮಲ್ತ್ ಕೊರ್ತಿನಾರ್. ಕಂಬುಲನ್ ಮಲ್ತ್ ಇಷ್ಟ ಪಡೆಯುನ ರಾಜೇಂದ್ರ ಕುಮಾರ್ ಕಂಬುಲಗ್‌ಲ ಉಂದೆತ್ತ ಕ್ರೀಡೆದ ಪ್ರೋತ್ಸಾಹಕೆರ್‌ಗ್‌ಲ ಮಾರ್ಗದರ್ಶಕೆರ್ ಆತೆರ್ ಪಂದ್ ದೇವಿಪ್ರಸಾದ್ ತೆರಿಪಾಯೆರ್.

ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಗಡೆರ್ ಮೆರೆರ್ದ್ ಒಡಂಬಡಿಕೆ ಪತ್ರ ಹಸ್ತಾಂತರ

ಧರ್ಮಸ್ಥಳ: ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಶಿಕ್ಷಣ ಸಂಸ್ಥೆದ ಆಡಳಿತ ಮಂಡಳಿ ಅಧ್ಯಕ್ಷೆರ್ ಆಯಿನ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಗಡೆರ್ ಮೆರೆನ ಗೌರವ ಉಪಸ್ಥಿತಿಡ್ ಜ.30 ಅಂಗಾರೆ ಧರ್ಮಸ್ಥಳಡ್ ಹಾಸನದ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಯುರ್ವೇದ ಮಹಾವಿದ್ಯಾಲಯ ಬೊಕ್ಕ ಆಸ್ಪತ್ರೆ ಅಂಚನೆ ಕೇಂದ್ರ ಸರ್ಕಾರದ ರಾಷ್ಟ್ರೀಯ ಭಾರತೀಯ ಆಯುರ್ವಿಜ್ಞಾನ ಸಂಪದ ಸಂಸ್ಥಾನ, ಹೈದರಾಬಾದ್ ನಡುಟ್ಟ್ ಹಸ್ತಪ್ರತಿತ್ತ ಸಂಶೋಧನೆ ಬಗೆಟ್ ಒಡಂಬಡಿಕೆ ಪತ್ರಗ್ ಸೈನ್ ಪಾಡ್ದ್ ಒಪ್ಪಿಗೆ ಸೂಚಿಸಾಯೆರ್.

ಆಯುರ್ವಿಜ್ಞಾನ ಸಂಪದ ಸಂಸ್ಥಾನದ ಹೈದರಾಬಾದ್‌ದ ಸಹಾಯಕ ನಿರ್ದೇಶಕೆರ್ ಡಾ. ಗೋಲಿ ಪೆಂಚಲ ಪ್ರಸಾದ ಬೊಕ್ಕ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಯುರ್ವೇದ ಮಹಾವಿದ್ಯಾಲಯ ಬೊಕ್ಕ ಆಸ್ಪತ್ರೆ ಹಾಸನದ ಪ್ರಾಂಶುಪಾಲೆರ್ ಡಾ. ಪ್ರಸನ್ನ ಎನ್. ರಾವ್, ಉಪಪ್ರಾಂಶುಪಾಲೆರ್ ಡಾ. ಶೈಲಜಾ, ಯು., ಸಂಹಿತಾ ಸಿದ್ಧಾಂತ ವಿಭಾಗದ ಮುಖ್ಯಸ್ಥೆರ್ ಡಾ. ಶ್ರೀನಾಥ ವೈದ್ಯ, ಪಂಚಕರ್ಮ ವಿಭಾಗದ ಮುಖ್ಯಸ್ಥ ಡಾ. ಅಶ್ವಿನಿಕುಮಾರ್ ಎಂ. ಬೊಕ್ಕ ಸಂಹಿತಾ ಸಿದ್ಧಾಂತ ವಿಭಾಗದ ಸ್ನಾತಕೋತ್ತರ ಕಲ್ಪಾರ್ಥಿಲು ಈ ಪೊರ್ತುಡು ಇತ್ತೆರ್.

ಐನೆಸಲ್ ಪಂತೊಡು ಹರಿಣಿ ಎಂ. ಶೆಟ್ಟಿ ಮೆರೆಗ್ ರಡ್ಡನೇ ಸ್ತಾನ

ಬೊಂಬಾಯಿ: ತುಲುವೆರೆ ಕಲ ಕೂಟಡ್ ನಡತಿನ ಐನೆಸಲ್ ಪಂತೊಡು ಹರಿಣಿ ಎಂ. ಶೆಟ್ಟಿ ಮೇರ್ ರಡ್ಡನೇ ಸ್ತಾನ ಪಡೆತೆರ್.

ಮೇರ್ ಬರೆತಿನ ಕುರಾಸೆ ಬೊಕ್ಕ ತುಲು ತರೆಬರವುಗ್ ಪುಗಾರ್ತೆದ ಓಲೆ ತಿಕ್ಕ್‌ದ್ಂಡ್.

ಫೆ.10ರಂದು ಸುಳ್ಯ ತಾಲೂಕುದ ಕೊಲ್ಲಮೊಗ್ರಡ್ ಪತ್ರಕರ್ತರೆನ ಗ್ರಾಮ ವಾಸ್ತವ್ಯ

ಸುಳ್ಯ: ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಒಟ್ಟು ಸೇರಿಗೆಡ್ ಸುಳ್ಯ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘ, ಸುಬ್ರಹ್ಮಣ್ಯ ಪ್ರೆಸ್ ಕ್ಲಬ್ ಬೊಕ್ಕ ಜಿಲ್ಲಾಡಳಿತ, ತಾಲೂಕು ಆಡಳಿತ, ಸ್ಥಳೀಯಾಡಳಿತದ ಸಹಕಾರಡ್ ಫೆ.10 ತಾನಿ ಕೊಲ್ಲಮೊಗ್ರಡು ಪತ್ರಕರ್ತರ ಗ್ರಾಮ ವಾಸ್ತವ್ಯ ನಡಪಾವುನ ಪಂದ್ ನಿರ್ಧಾರ ಮಲ್ತ್ ದೆರ್. ಪತ್ರಕರ್ತರ ಸಂಘದ ನೇತೃತ್ವಡ್ ನಡಪುನ 5ನೇ ಬೊಕ್ಕ ಸುಳ್ಯ ತಾಲೂಕುದ ನಡಪುನ ರಡ್ಡನೇ ಗ್ರಾಮ ವಾಸ್ತವ್ಯ ಫೆ.10 ತಾನಿ ನಡಪೆರೆ ಉಂಡು. ನೆತ್ತ ಬಗೆಟ್ಟ್ ಪೂರ್ವಭಾವಿ ಸಭೆ ಜ.21 ತಾನು ಕೊಲ್ಲಮೊಗ್ರದ ಮಯೂರ ಕಲಾ ಮಂದಿರಡ್ ನಡತ್ಂಡ್.

ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಗುರ್ಕಾರ್ಲು ಶ್ರೀನಿವಾಸ ನಾಯಕ್ ಇಂದಾಜೆ ಪಾತೆರ್ದ್ ಪತ್ರಕರ್ತರ ಗ್ರಾಮವಾಸ್ತವ್ಯದ ಕಲ್ಪನೆ, ಸ್ವರೂಪದ ಬಗ್ಗೆ ವಿವರಣೆ ಕೊರಿಯೆರ್. ಮಾಧ್ಯಮ ಜನಕ್ಲೆನ ಬೊಕ್ಕ ಗ್ರಾಮದ ಸಮಸ್ಯೆದ ಬಗ್ಗೆ ಅಂಚನೆ ಹಿಂದುಳಿದ ಗ್ರಾಮದ ಅಭಿವೃದ್ಧಿಗಾದ್ ಸಾರ್ವಜನಿಕೆರ್ನ ಬೊಕ್ಕ ಸರಕಾರದ ಮಧ್ಯೆ ಸೇತುವಾದ್ ಕಾರ್ಯನಿರ್ವಹಣೆ‌ ಮಲ್ಪೆರೆ ಪತ್ರಕರ್ತರ ಗ್ರಾಮ ವಾಸ್ತವ್ಯ ಮಲ್ತೊಂದು ಉಲ್ಲೆರ್. ಗ್ರಾಮ ವಾಸ್ತವ್ಯಡ್ ಸಚಿವೆರ್, ಶಾಸಕೆರ್, ಜನಪ್ರತಿನಿಧಿಲು, ಜಿಲ್ಲಾಧಿಕಾರಿ ಪಾಲ್ ಪಡೆಯೆರೆ ಉಲ್ಲೆರ್. ಗ್ರಾಮಸ್ಥರೆರ್ನ ಒಟ್ಟಿಗೆ ಪತ್ರಕರ್ತರ ಸಂವಾದ, ಚಾವಡಿ ಚರ್ಚೆ ಸಾಂಸ್ಕೃತಿಕ ಕಾರ್ಯಕ್ರಮ, ಆರೋಗ್ಯ ತಪಾಸಣಾ, ಆಧಾರ್ ತಿದ್ದುಪಡಿ ಶಿಬಿರಲು ಸೇರ್ದ್ ಬೇತೆ ಬೇತೆ ಕಾರ್ಯಕ್ರಮಲೆನ್ ಆಯೋಜನೆ ಮಲ್ತ್ ದೆರ್.

ಈ ಪೊರ್ತುಡು ಪತ್ರಕರ್ತರ ಸಂಘದ ಕೋಶಾಧಿಕಾರಿ ಬಿ.ಎನ್.ಪುಷ್ಪರಾಜ್,
ಹರಿಹರ ಪಳ್ಳತ್ತಡ್ಕ ಗ್ರಾಮ ಪಂಚಾಯತ್ ಅಧ್ಯಕ್ಷ ವಿಜಯ ಅಂಙಣ, ಕೊಲ್ಲಮೊಗ್ರ ಗ್ರಾಮ ಪಂಚಾಯತ್ ಅಧ್ಯಕೆ ಜಯಶ್ರೀ ಚಾಂತಾಳ, ಹರಿಹರ ಕೊಲ್ಲಮೊಗ್ರ ಪ್ರಾಥಮಿಕ ಕೃಷಿಪತ್ತಿನ ಸಹಕಾರಿ ಸಂಘದ ಅಧ್ಯಕ್ಷ ಹರ್ಷಕುಮಾರ್ ದೇವಜನ, ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಕಾರ್ಯದರ್ಶಿ ಗಂಗಾಧರ ಕಲ್ಲಪಳ್ಳಿ, ಸುಳ್ಯ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ದಯಾನಂದ‌ ಕಲ್ನಾರ್, ಸುಬ್ರಹ್ಮಣ್ಯ ಪ್ರೆಸ್ ಕ್ಲಬ್ ಅಧ್ಯಕ್ಷ ವಿಶ್ವನಾಥ ನಡುತೋಟ ಇತ್ತೆರ್.

ಪತ್ರಕರ್ತ ಬಾಲಕೃಷ್ಣ ಭೀಮಗುಳಿ ಪ್ರಾಸ್ತಾವಿಕವಾದ್ ಪಾತೆರ್ದ್ ಸೊಲ್ಮೆ ಸಂದಾಯ ಮಲ್ತೆರ್.

ಪತ್ರಕರ್ತೆರ್ ಬಿ.ಎನ್. ಲೋಕೇಶ್ ಸುಬ್ರಹ್ಮಣ್ಯ , ದಯಾನಂದ‌ ಕೊರತ್ತೋಡಿ, ಕೊಲ್ಲಮೊಗ್ರ ಬೊಕ್ಕ ಹರಿಹರ ಗ್ರಾಮದ ಪ್ರಮುಖೆರ್
ಶೇಖರ ಅಂಬೆಕಲ್ಲು, ವಿನೂಪ್ ಮಲ್ಲಾರ, ಗ್ರಾ.ಪಂ.ಮಾಜಿ ಅಧ್ಯಕ್ಷೆ ವೀಣಾನಂದ ಬಿಳಿಮಲೆ, ಡಾ.ಸೋಮಶೇಖರ ಕಟ್ಟೆಮನೆ, ಲೋಕಯ್ಯ ಗೌಡ, ಸತೀಶ್ ಕೊಮ್ಮೆಮನೆ, ರಾಧಾಕೃಷ್ಣ ಕಟ್ಟೆಮನೆ, ಹರಿಪ್ರಸಾದ್ ಮಲ್ಲಾಜೆ, ಉದಯ ಶಿವಾಲ, ಜಯಂತ ಬಾಳುಗೋಡು, ಮಾಧವ ಚಾಂತಾಳ, ಜಯಪ್ರಕಾಶ್ ಕಜ್ಜೋಡಿ, ದಿನೇಶ್ ಮಡ್ತಿಲ, ಸತೀಶ್ ಟಿ.ಎನ್,ರಾಜೇಶ್ ಕಿರಿಭಾಗ, ಜಯಪ್ರಕಾಶ್ ಭಟ್, ಕುಶಾಲಪ್ಪ ಕಾಂತಕುಮೇರಿ, ದಿವಾಕರ ಮುಂಡಾಜೆ, ಪುನಿತ್ ಪಡ್ಪು, ಚಂದ್ರಶೇಖರ ಕೊಂದಾಳ, ಮೋನಪ್ಪ ಕೊಳಗೆ, ಅವಿನ್ ಕಿರಿಭಾಗ, ಯಕ್ಷಿತ್ ಬಾಳುಗೋಡು, ಹೂವಪ್ಪ ಸಂಪ್ಯಾಡಿ, ಚಂದ್ರಶೇಖರ ಕೋನಡ್ಕ, ಸತ್ಯನಾರಾಯಣ ಬೆಂಡೋಡಿ, ಜಯಂತ.ಬಿ, ಪುಷ್ಪರಾಜ ಪಡ್ಪು, ಹರಿಶ್ಚಂದ್ರ ಬಿ, ಅಶ್ವಿನಿ ಬೆಂಡೋಡಿ, ಬಾಲಸುಬ್ರಹ್ಮಣ್ಯ, ಲಕ್ಷ್ಮೀಶ ಶೀರೂರು ಇತ್ತೆರ್.

ಮೇಯರ್ ಸುಧೀರ್ ಶೆಟ್ಟಿ ಕಣ್ಣೂರು ಗುಜ್ಜರಕೆರೆಕ್ಕ್ ಭೇಟಿ

ಕುಡ್ಲ : ಕುಡ್ಲ ಮಹಾನಗರಪಾಲಿಕೆದ ಮೇಯರ್ ಸುಧೀರ್ ಶೆಟ್ಟಿ ಕಣ್ಣೂರು ಮೇರ್ ಇಂಚೊಗು ಗುಜ್ಜರಕೆರೆಕ್ಕ್ ಭೇಟಿ ಕೊರಿಯೆರ್.

ಈ ಪೊರ್ತುಡು ಗುಜ್ಜರಕೆರೆ ನೀರ್ ದ ಶುದ್ಧತೆ, ಕೈತಲ್ ದೇವಸ್ಥಾನದ ದೇವೆರ್ನ ಜಲಕಗ್ ಕೆರೆತ ನಡುಟ್ಟು ತೀರ್ಥ ಕೆರೆತ ನಿರ್ಮಾಣ, ಕೆರೆತ ಸುತ್ತ
ಬರ್ಸದ ನೀರ್ ಒಟ್ಟು ಮಲ್ಪುನ
ವ್ಯವಸ್ಥೆ ನಿರ್ಮಾಣ ಮಲ್ಪುನ ಬಗ್ಗೆ ಸಾರ್ವಜನಿಕೆರ್ ಮನವಿ ಮಲ್ತೆರ್.

ಗುಜ್ಜರಕೆರೆ ತೀರ್ಥ ಸಂರಕ್ಷಣಾ ವೇದಿಕೆದ ಉಪಾಧ್ಯಕ್ಷೆರ್ ಸಿ. ಪಿ. ದಿನೇಶ, ಪ್ರಧಾನ ಕಾರ್ಯದರ್ಶಿ ಪಿ. ನೇಮು ಕೊಟ್ಟಾರಿ ಗುಜ್ಜರಕೆರೆ, ಸ್ಥಳೀಯ ಕಾರ್ಪೊರೇಟರ್ ಭಾನುಮತಿ ಪಿ.ಎಸ್, ಸ್ಥಳೀಯೆರ್ ಉಮಾಶಂಕರ, ಉದಯಶಂಕರ್ ಸುಜಾತಾ, ದಿನೇಶ್, ಜ್ಞಾನೇಶ್ , ಪ್ರಸಾದ್ ಹಳೇಕೋಟೆ ಶ್ರೀ ಮಾರಿಯಮ್ಮ ಕ್ಷೇತ್ರದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲು ಬಿ.ಅಶೋಕ್ ಕುಮಾರ್ ಇತ್ತೆರ್.

ಅಯೋಧ್ಯೆಡ್ ಕಾರ್ಯಕ್ರಮ: ಕುಡ್ಲ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಡ್ ಬಂದೋಬಸ್ತ್

ಕುಡ್ಲ : ಅಯೋಧ್ಯೆಡ್ ಶ್ರೀರಾಮನ ಮೂರ್ತಿ ಪ್ರತಿಷ್ಠಾಪನೆದ ನಿಲೆಟ್ಟ್ ಕುಡ್ಲ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಡ್ ಒವ್ವೇ ರೀತಿದ ಬೊರ್ಚಾಂದಿನ ಘಟನೆ ಆವಂದಿಲೆಕ ಜಿಲ್ಲಾಡಳಿತ ಮಸ್ತ್ ಕಡೆಟ್ಟ್ ಬಂದೋಬಸ್ತ್ ಮಲ್ದ್ಂಡ್.

ಸಾರ್ವಜನಿಕೆರ್ನ ಎಡ್ಡೆಪ್ಪುಗಾದ್ ಬೊಕ್ಕ ಕಾನೂನು ವ್ಯವಸ್ಥೆ ಮಲ್ಪುನ ದೃಷ್ಟಿಡ್ ಕ್ರಮಕ್ಲೆನ್ ದೆತೊಂದೆರ್.

ಕುಡ್ಲ ಪೇಂಟೆಡ್ ದೇವಸ್ಥಾನ ಬೊಕ್ಕ ಮಂದಿರಡ್ ಒಟ್ಟು 196 ಕಡೆಟ್ಟ್ ಪೂಜೆ, ಧಾರ್ಮಿಕ ಕಾರ್ಯಕ್ರಮ ನಡಪುನ ಜಾಗೆನ್ ಗುರುತಿಸಾದೆರ್. 131 ಸೂಕ್ಷ್ಮ ಪ್ರದೇಶಡ್ ರಾತ್ರೆ ಪಗೆಲ್ ಪಿಕೆಟಿಂಗ್ ಗ್ ಅಧಿಕಾರಿಲೆನ್ ಪಾಡ್ದೆರ್.
 ಸಿಟಿತ್ತ 57 ಸೆಕ್ಟರ್ ಮೊಬೈಲ್ನ್ 24 ಗಂಟೆ ರಾತ್ರೆ ಪಗೆಲ್ ಗಸ್ತ್ ಡ್ ಇಪ್ಪುನ ವ್ಯವಸ್ಥೆ ಮಲ್ತ್ ದೆರ್.
 14 ಕಡೆಟ್ಟ್ ಚೆಕ್ ಪಾಯಿಂಟ್ ನಿಯೋಜನೆ ಮಲ್ತ್ ದೆರ್.
 9 ಸಿಎಆರ್ ಬೊಕ್ಕ 3 ಕೆ.ಎಸ್.ಆರ್.ಪಿ ತುಕಡಿ ನಿಯೋಜನೆ ಮಲ್ತ್ ದೆರ್.
 ನಡುರಾತ್ರೆ ಬೊಕ್ಕ ಕಾಂಡೆ ವಿಶೇಷ ಗಸ್ತು ವ್ಯವಸ್ಥೆ ಮಲ್ತ್ ದೆರ್.
 ಕುಡ್ಲ ಪೇಂಟೆದ ಮಾತ ಸಾರ್ವಜನಿಕ ಜಾಗೆಡ್ ವಿಧ್ವಂಸಕ ತಪಾಸಣಾ ತಂಡರ್ದ್ ತಪಾಸಣೆ ನಡಪಾವೆರ್.
 ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಡ್ ಒವ್ವೇ ರೀತಿದ ಮೆರವಣಿಗೆ, ರ‌್ಯಾಲಿಗ್ ಅನುಮತಿ ಇಜ್ಜಿ.
 ಮಾತ ಪೊಲೀಸ್ ಠಾಣೆಡ್ ಆಯಾ ಎ.ಸಿ.ಪಿಲೆನ ಮಾರ್ಗದರ್ಶನಡ್ ಶಾಂತಿ ಸಭೆ ದೀತೆರ್.
 ಪ್ರತೀ ಪೊಲೀಸ್ ಠಾಣಾ ಮಟ್ಟಡ್ ಸಾರ್ವಜನಿಕೆರೆಡ ವಿಶ್ವಾಸ ಪುಟ್ಟಾವುನೆಟ್ಟ್ ಏರಿಯಾ ಡಾಮಿನೇಷನ್ ಬೊಕ್ಕ ರೂಟ್ ಮಾರ್ಚ್ ದೆತೊಂದೆರ್.
 ಮಹಾನಗರ ಪಾಲಿಕೆದೊಟ್ಟಿಗೆ ಸಮನ್ವಯ ಸಾದಿಸಾದ್ ಫ್ಲೆಕ್ಸ್, ಬ್ಯಾನರ್ ಬಂಟಿಂಗ್ಸ್ ಅಳವಡಿಕೆದ ಮಿತ್ತ್ ಸೂಕ್ತ ನಿಗಾ ದೀತೆರ್. ಬೊಕ್ಕ ಆಯೋಜಕೆರೆಗ್ ಅವೆತ್ತ ಭದ್ರತೆನ್ ಖಚಿತ ಮಲ್ಪೆರೆ ಸೂಚಿಸಾದೆರ್.
 ಮಂಗಳೂರು ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಡ್ ಜ. 21 ನಡುರಾತ್ರಿರ್ದ್ ಜ.23 ಕಾಂಡೆ ಮುಟ್ಟ ಮಾತ ಬಾರ್ ಬೊಕ್ಕ ಮದ್ಯ ಮಾರಾಟ ಮಳಿಗೆಲೆನ್ ಮುಚ್ಚೆರೆ ಜಿಲ್ಲಾಧಿಕಾರಿಲೆಗ್ ಪ್ರಸ್ತಾವನೆ ಕೊರ್ತೆರ್.
 ಒಟ್ಟಾರೆಯಾದ್ 3-ಡಿಸಿಪಿ, ೦6-ಎಸಿಪಿ, 11-ಪಿ.ಐ ಬೊಕ್ಕ 37-ಪಿ.ಎಸ್.ಐ ದರ್ಜೆದ ಅಧಿಕಾರಿ ಬೊಕ್ಕ 781 ಪೊಲೀಸ್ ಸಿಬ್ಬಂದಿಲೆನ್ ಬಂದೋಬಸ್ತ್ ಗ್ ಪಾಡ್ದೆರ್.

ಫೆ.3 ಕ್ಕ್ ಸಾರ್ವಜನಿಕ ಉತ್ಸವದಲೆಕ ಐಕಳಬಾವ ಕಾಂತಾಬಾರೆ ಬೂದಾಬಾರೆ ಕಂಬುಲ : ಡಾ.ದೇವಿಪ್ರಸಾದ್ ಶೆಟ್ಟಿ

ಕಿನ್ನಿಗೋಳಿ : ಸಾಂಪ್ರದಾಯಿಕ ಬೊಕ್ಕ ಆಧುನಿಕ ನೆಲೆಟ್ಟ್ ನಡಪುನ ಐಕಳಬಾವ ಕಾಂತಾಬಾರೆ ಬೂದಾಬಾರೆ ಜೋಡುಕರೆ ಕಂಬುಲ “ಐಕಳೋತ್ಸವ 2024″ನ್ ಈ ಸರ್ತಿ ಫೆಬ್ರವರಿ 3 ತಾರೀಕ್ ಗ್ ಸಾರ್ವಜನಿಕ ಉತ್ಸವದ ಮಾದರಿಡ್ ನಡಪಾವುನ ಉದ್ದೇಶ ಉಂಡು ಪಂದ್ ಕಂಬುಲ ಸಮಿತಿದ ಅಧ್ಯಕ್ಷೆರ್ ಐಕಳಬಾವ ಡಾ.ದೇವಿಪ್ರಸಾದ್ ಶೆಟ್ಟಿ, ಬೆಳಪು ಮೇರ್ ತೆರಿಪಾಯೆರ್.


ಆರ್ ಐಕಳ ಕಂಬುಲದ ಕಟ್ಟೆಡ್ ಬುಧಾರ ನಡತಿನ ಪತ್ರಿಕಾಗೋಷ್ಠಿಡ್ ಈ ವಿಷಯ ತೆರಿಪಾಯೆರ್.
ಐಕಳ ಕಂಬುಲನ್ ಶ್ರೀ ಚಂದ್ರಶೇಖರ ಸ್ವಾಮೀಜಿ ಉದಿಪನ ಮಲ್ಪುವೆರ್. ಶ್ರೀ ಕ್ಷೇತ್ರ ಕಟೀಲ್ ದ ಅನುವಂಶೀಯ ಮೊಕ್ತೇಸರೆರ್ ಅನಂತ ಪದ್ಮನಾಭ ಅಸ್ರಣ್ಣೆರ್ ಆಶೀರ್ವಚನ ಮಲ್ಪರೆ ಉಲ್ಲೆರ್.ಬಯ್ಯಡ್ ನಡಪುನ ಸಭಾಕಾರ್ಯಕ್ರಮಡ್ ಸ್ಪೀಕರ್ ಯು.ಟಿ.ಖಾದರ್, ಉಸ್ತುವಾರಿ ಸಚಿವೆರ್ ದಿನೇಶ್ ಗುಂಡೂರಾವ್,ವಸತಿ ಸಚಿವೆರ್ ಜಮೀರ್ ಅಹಮ್ಮದ್ ಖಾನ್, ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಶಾಸಕೆರ್ ಉಮಾನಾಥ್ ಕೋಟ್ಯಾನ್, ಐಕಳ ಹರೀಶ್ ಶೆಟ್ಟಿ, ಸದಾಶಿವ ಶೆಟ್ಟಿ ಕನ್ಯಾನ, ಕೆ.ಪ್ರಕಾಶ್ ಶೆಟ್ಟಿ, ಡಾ.ಜಿ.ಶಂಕರ್ ಸೇರ್ದ್ ಮಲ್ಲ ಮಲ್ಲ ಬಿನ್ನೆರಾದ್ ಬರ್ಪೆರ್. ಈ ಪೊರ್ತುಡು ಸಹಕಾರಿ ರಂಗದ ಸಾಧಕೆರ್ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೆರೆನ ವಜ್ರಮಹೋತ್ಸವ (75ನೇ ಪುಟ್ಟುಪರ್ಬ) ಆಚರಣೆದ ಒಟ್ಟುಗು ಅರೆಗ್ ” ಕರಾವಳಿ ರತ್ನ” ಪನ್ಪಿನ ಬಿರ್ದ್ ಕೊರ್ದು ಮಾನಾದಿಗೆ ಮಲ್ಪರೆ ಉಂಡು ಪಂಡೆರ್.


ಕಂಬುಲಗ್ ಪ್ರೋತ್ಸಾಹ ವರ್ಷೊರ್ದು ಎಚ್ಚ ಆವೊಂದುಂಡು. ಬೊಂಬಾಯಿ, ಹಾಸನ ಡ್ ಲ ಕಂಬುಲ ನಡಪರೆ ಉಂಡು. ಎರ್ಲೆನಲ ಸಂಖ್ಯೆ ಜಾಸ್ತಿ ಆವೊಂದುಂಡು. ಅಂಚಾದ್ ಕಂಬುಲನ್ ಶಿಸ್ತುಬದ್ಧವಾದ್, ಕ್ರಮಬದ್ಧವಾದ್, ಪಾರದರ್ಶಕವಾದ್ ಮಲ್ಪರೆ ಪೊಸತ್ತಾದ್ ಗೇಟ್ ಸಿಸ್ಟಮ್, ಸೈರನ್ ಬೊಕ್ಕ ಫೊಟೊ ಫಿನಿಶ್ ತಂತ್ರಜ್ಞಾನನ್ ಪ್ರಾಯೋಗಿಕವಾದ್ ಐಕಳ ಕಂಬುಲಡ್ ಅಳವಡಿಸಾರೆ ಜಿಲ್ಲಾ ಕಂಬುಲ ಸಮಿತಿದ ಸಭೆ ನಿರ್ಣಯ ದೆತೊಂದುಂಡು. ಈ ಪ್ರಯೋಗಡ್ ಒಂಜಾತ್ ಸುಧಾರಣೆ ಮಲ್ತೊಂದು ಆ ವ್ಯವಸ್ಥೆ ನ್ ನನದ ಕಂಬುಲಡ್ ಲ ಅಳವಡಿಕೆ ಮಲ್ಪರೆ ಉಲ್ಲ.ಅಂಚೆನೆ ಈ ಸರ್ತಿ 100 ರ್ದ್ ಲ ಎಚ್ಚ ಜತೆ ಎರ್ಲು ಕಂಬುಲಡ್ ಪಾಲ್ ಪಡೆಯರೆ ಉಂಡು ಪಂದ್ ಆರ್ ಪಂಡೆರ್.
ಐಕಳಬಾವ ಕಂಬುಲ ಸಮಿತಿದ ಕಾರ್ಯಾಧ್ಯಕ್ಷೆರ್ ಚಿತ್ತರಂಜನ್ ಭಂಡಾರಿ ಐಕಳಬಾವ ಮೇರ್ ಪಾತೆರ್ದ್, 48 ನೇ ವರ್ಷದ ಐಕಳಬಾವ ಕಂಬುಲೋತ್ಸವಡ್ ಕಂಬುಲ ಮಾತ್ರ ಅತ್ತಾಂದೆ ಜ.7 ಕ್ಕ್ ಉಚಿತ ವೈದ್ಯಕೀಯ ಶಿಬಿರ, ಜ.21 ಕ್ಕ್ ಜಾನುವಾರು ಮೇಳ, ಜಾನಪದ ಕ್ರೀಡಾ ಮೇಳ ಅಟ್ಟಣೆ ಮಲ್ತ್ ದ. 17 ವಲಯದ ಹಾಲು ಉತ್ಪಾದಕರ ಸಹಕಾರಿ ಸಂಘದಕುಲು ಪಾಲ್ ಪಡೆವರೆ ಉಲ್ಲೆರ್. ಜಾನುವಾರುಲೆಗ್ ಮೆಡಿಸಿನ್ ಬೊಕ್ಕ ಇನಾಮುಲ ಕೊರ್ಪ ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಸಂಚಾಲಕೆರ್ ಐಕಳ ಮುರಳೀಧರ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಸ್ವರಾಜ್ ಶೆಟ್ಟಿ ಮುಂಡ್ಕೂರು ದೊಡ್ಡಮನೆ, ಕೋಶಾಧಿಕಾರಿ ಪ್ರಕಾಶ್ ಶೆಟ್ಟಿ ಪಡುಹಿತ್ಲು, ಮುಂಬಯಿ ಸಮಿತಿದ ಅಧ್ಯಕ್ಷೆರ್ ಕುಶಲ್ ಭಂಡಾರಿ ಐಕಳಬಾವ, ಉಪಾಧ್ಯಕ್ಷೆರ್ ಕೃಷ್ಣ ಮಾರ್ಲ, ಸಂಘಟನಾ ಕಾರ್ಯದರ್ಶಿ ಲೀಲಾಧರ ಶೆಟ್ಟಿ ಐಕಳ, ಕಾರ್ಯದರ್ಶಿ ದಯೇಶ್ ಕೋಟ್ಯಾನ್, ಜತೆ ಕಾರ್ಯದರ್ಶಿ ಸುಧಾಮ ಶೆಟ್ಟಿ ಬೆಂರ್ಕಿಲ್, ಜಯಪಾಲ್ ಶೆಟ್ಟಿ ಐಕಳ, ಶ್ರೀಶ ಸರಾಫ್ ಮೊಕುಲು ಮಾತ ಇತ್ತೆರ್.

ಪೆ.3 ಕ್ಕ್ ಸಾರ್ವಜನಿಕ ಉತ್ಸವದಲೆಕ ಐಕಳಬಾವ ಕಾಂತಾಬಾರೆ ಬೂದಾಬಾರೆ ಕಂಬುಲ : ಡಾ.ದೇವಿಪ್ರಸಾದ್ ಶೆಟ್ಟಿ

ಕಿನ್ನಿಗೋಳಿ : ಸಾಂಪ್ರದಾಯಿಕ ಬೊಕ್ಕ ಆಧುನಿಕ ನೆಲೆಟ್ಟ್ ನಡಪುನ ಐಕಳಬಾವ ಕಾಂತಾಬಾರೆ ಬೂದಾಬಾರೆ ಜೋಡುಕರೆ ಕಂಬುಲ “ಐಕಳೋತ್ಸವ 2024″ನ್ ಈ ಸರ್ತಿ ಫೆಬ್ರವರಿ 3 ತಾರೀಕ್ ಗ್ ಸಾರ್ವಜನಿಕ ಉತ್ಸವದ ಮಾದರಿಡ್ ನಡಪಾವುನ ಉದ್ದೇಶ ಉಂಡು ಪಂದ್ ಕಂಬುಲ ಸಮಿತಿದ ಅಧ್ಯಕ್ಷೆರ್ ಐಕಳಬಾವ ಡಾ.ದೇವಿಪ್ರಸಾದ್ ಶೆಟ್ಟಿ, ಬೆಳಪು ಮೇರ್ ತೆರಿಪಾಯೆರ್.


ಆರ್ ಐಕಳ ಕಂಬುಲದ ಕಟ್ಟೆಡ್ ಬುಧಾರ ನಡತಿನ ಪತ್ರಿಕಾಗೋಷ್ಠಿಡ್ ಈ ವಿಷಯ ತೆರಿಪಾಯೆರ್.
ಐಕಳ ಕಂಬುಲನ್ ಶ್ರೀ ಚಂದ್ರಶೇಖರ ಸ್ವಾಮೀಜಿ ಉದಿಪನ ಮಲ್ಪುವೆರ್. ಶ್ರೀ ಕ್ಷೇತ್ರ ಕಟೀಲ್ ದ ಅನುವಂಶೀಯ ಮೊಕ್ತೇಸರೆರ್ ಅನಂತ ಪದ್ಮನಾಭ ಅಸ್ರಣ್ಣೆರ್ ಆಶೀರ್ವಚನ ಮಲ್ಪರೆ ಉಲ್ಲೆರ್.ಬಯ್ಯಡ್ ನಡಪುನ ಸಭಾಕಾರ್ಯಕ್ರಮಡ್ ಸ್ಪೀಕರ್ ಯು.ಟಿ.ಖಾದರ್, ಉಸ್ತುವಾರಿ ಸಚಿವೆರ್ ದಿನೇಶ್ ಗುಂಡೂರಾವ್,ವಸತಿ ಸಚಿವೆರ್ ಜಮೀರ್ ಅಹಮ್ಮದ್ ಖಾನ್, ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಶಾಸಕೆರ್ ಉಮಾನಾಥ್ ಕೋಟ್ಯಾನ್, ಐಕಳ ಹರೀಶ್ ಶೆಟ್ಟಿ, ಸದಾಶಿವ ಶೆಟ್ಟಿ ಕನ್ಯಾನ, ಕೆ.ಪ್ರಕಾಶ್ ಶೆಟ್ಟಿ, ಡಾ.ಜಿ.ಶಂಕರ್ ಸೇರ್ದ್ ಮಲ್ಲ ಮಲ್ಲ ಬಿನ್ನೆರಾದ್ ಬರ್ಪೆರ್. ಈ ಪೊರ್ತುಡು ಸಹಕಾರಿ ರಂಗದ ಸಾಧಕೆರ್ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೆರೆನ ವಜ್ರಮಹೋತ್ಸವ (75ನೇ ಪುಟ್ಟುಪರ್ಬ) ಆಚರಣೆದ ಒಟ್ಟುಗು ಅರೆಗ್ ” ಕರಾವಳಿ ರತ್ನ” ಪನ್ಪಿನ ಬಿರ್ದ್ ಕೊರ್ದು ಮಾನಾದಿಗೆ ಮಲ್ಪರೆ ಉಂಡು ಪಂಡೆರ್.


ಕಂಬುಲಗ್ ಪ್ರೋತ್ಸಾಹ ವರ್ಷೊರ್ದು ಎಚ್ಚ ಆವೊಂದುಂಡು. ಬೊಂಬಾಯಿ, ಹಾಸನ ಡ್ ಲ ಕಂಬುಲ ನಡಪರೆ ಉಂಡು. ಎರ್ಲೆನಲ ಸಂಖ್ಯೆ ಜಾಸ್ತಿ ಆವೊಂದುಂಡು. ಅಂಚಾದ್ ಕಂಬುಲನ್ ಶಿಸ್ತುಬದ್ಧವಾದ್, ಕ್ರಮಬದ್ಧವಾದ್, ಪಾರದರ್ಶಕವಾದ್ ಮಲ್ಪರೆ ಪೊಸತ್ತಾದ್ ಗೇಟ್ ಸಿಸ್ಟಮ್, ಸೈರನ್ ಬೊಕ್ಕ ಫೊಟೊ ಫಿನಿಶ್ ತಂತ್ರಜ್ಞಾನನ್ ಪ್ರಾಯೋಗಿಕವಾದ್ ಐಕಳ ಕಂಬುಲಡ್ ಅಳವಡಿಸಾರೆ ಜಿಲ್ಲಾ ಕಂಬುಲ ಸಮಿತಿದ ಸಭೆ ನಿರ್ಣಯ ದೆತೊಂದುಂಡು. ಈ ಪ್ರಯೋಗಡ್ ಒಂಜಾತ್ ಸುಧಾರಣೆ ಮಲ್ತೊಂದು ಆ ವ್ಯವಸ್ಥೆ ನ್ ನನದ ಕಂಬುಲಡ್ ಲ ಅಳವಡಿಕೆ ಮಲ್ಪರೆ ಉಲ್ಲ.ಅಂಚೆನೆ ಈ ಸರ್ತಿ 100 ರ್ದ್ ಲ ಎಚ್ಚ ಜತೆ ಎರ್ಲು ಕಂಬುಲಡ್ ಪಾಲ್ ಪಡೆಯರೆ ಉಂಡು ಪಂದ್ ಆರ್ ಪಂಡೆರ್.
ಐಕಳಬಾವ ಕಂಬುಲ ಸಮಿತಿದ ಕಾರ್ಯಾಧ್ಯಕ್ಷೆರ್ ಚಿತ್ತರಂಜನ್ ಭಂಡಾರಿ ಐಕಳಬಾವ ಮೇರ್ ಪಾತೆರ್ದ್, 48 ನೇ ವರ್ಷದ ಐಕಳಬಾವ ಕಂಬುಲೋತ್ಸವಡ್ ಕಂಬುಲ ಮಾತ್ರ ಅತ್ತಾಂದೆ ಜ.7 ಕ್ಕ್ ಉಚಿತ ವೈದ್ಯಕೀಯ ಶಿಬಿರ, ಜ.21 ಕ್ಕ್ ಜಾನುವಾರು ಮೇಳ, ಜಾನಪದ ಕ್ರೀಡಾ ಮೇಳ ಅಟ್ಟಣೆ ಮಲ್ತ್ ದ. 17 ವಲಯದ ಹಾಲು ಉತ್ಪಾದಕರ ಸಹಕಾರಿ ಸಂಘದಕುಲು ಪಾಲ್ ಪಡೆವರೆ ಉಲ್ಲೆರ್. ಜಾನುವಾರುಲೆಗ್ ಮೆಡಿಸಿನ್ ಬೊಕ್ಕ ಇನಾಮುಲ ಕೊರ್ಪ ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಸಂಚಾಲಕೆರ್ ಐಕಳ ಮುರಳೀಧರ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಸ್ವರಾಜ್ ಶೆಟ್ಟಿ ಮುಂಡ್ಕೂರು ದೊಡ್ಡಮನೆ, ಕೋಶಾಧಿಕಾರಿ ಪ್ರಕಾಶ್ ಶೆಟ್ಟಿ ಪಡುಹಿತ್ಲು, ಮುಂಬಯಿ ಸಮಿತಿದ ಅಧ್ಯಕ್ಷೆರ್ ಕುಶಲ್ ಭಂಡಾರಿ ಐಕಳಬಾವ, ಉಪಾಧ್ಯಕ್ಷೆರ್ ಕೃಷ್ಣ ಮಾರ್ಲ, ಸಂಘಟನಾ ಕಾರ್ಯದರ್ಶಿ ಲೀಲಾಧರ ಶೆಟ್ಟಿ ಐಕಳ, ಕಾರ್ಯದರ್ಶಿ ದಯೇಶ್ ಕೋಟ್ಯಾನ್, ಜತೆ ಕಾರ್ಯದರ್ಶಿ ಸುಧಾಮ ಶೆಟ್ಟಿ ಬೆಂರ್ಕಿಲ್, ಜಯಪಾಲ್ ಶೆಟ್ಟಿ ಐಕಳ, ಶ್ರೀಶ ಸರಾಫ್ ಮೊಕುಲು ಮಾತ ಇತ್ತೆರ್.

You Missed