Sun. Nov 22nd, 2026

ಕಾರ್ಲದ ಸುದ್ದಿ Karkala News

ಐಕಳಬಾವ ಕಾಂತಾಬಾರೆ ಬೂದಾಬಾರೆ ಕಂಬುಲಡ್ ಗೆಂದಿನಕುಲು

ಕಿನ್ನಿಗೋಳಿ : ಪುಗರ್ತೆದ ಐಕಳ ಬಾವ “ಕಾಂತಾಬಾರೆ – ಬೂದಾಬಾರೆ” ಜೋಡುಕರೆ ಕಂಬಳ ಕೂಟಡ್ 176 ಜತೆ ಎರ್ಲು ಪಾಲ್ ಪಡೆದಿತ್ತ್ಂಡ್.

ಕನೆ ಪಲಯಿದ ವಿಭಾಗಡ್ 8 ಜತೆ ,
ಅಡ್ಡ ಪಲಯಿಡ್ 6 , ಬಲ್ಲ್ ದ ಮಲ್ಲ ವಿಭಾಗಡ್
15 , ನಾಯೆರ್ ದ ಮಲ್ಲ ವಿಭಾಗಡ್
27, ಬಲ್ಲ್ ದ ಎಲ್ಯ ವಿಭಾಗಡ್
21 ಜತೆ , ನಾಯೆರ್ ದ ಎಲ್ಯ ವಿಭಾಗಡ್ 99 ಜತೆ ಎರ್ಲು ಪಾಲ್ ಪಡೆದಿತ್ತ.

ಗೆಂದಿನಕ್ಲೆನ ಪೊಲಬು:

ಕನೆ ಪಲಯಿ:
ಸುರೂತ್ತ ಇನಾಮು: ಬೋಳಾರ ತ್ರಿಶಾಲ್ ಕೆ ಪೂಜಾರಿ.
ಪಲಯಿ ಮುಟ್ಟಿನಾರ್: ಬೈಂದೂರು ಮಹೇಶ್ ಪೂಜಾರಿ.
ರಡ್ಡನೇ: ಕಾಂತಾವರ ಬೇಲಾಡಿ ಬಾವ ಅಶೋಕ್ ಶೆಟ್ಟಿ.
ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ.

ಅಡ್ಡ ಪಲಯಿ:
ಸುರೂತ್ತ ಇನಾಮು: ಬೋಳಾರ ತ್ರಿಶಾಲ್ ಕೆ ಪೂಜಾರಿ.
ಪಲಯಿ ಮುಟ್ಟಿನಾರ್: ಸಾವ್ಯ ಗಂಗಯ್ಯ ಪೂಜಾರಿ
ರಡ್ಡನೇ: ಪೆರಿಯಾವು ಗುತ್ತು ನವೀನ್ ಚಂದ್ರ ಗಟ್ಟಿಯಾಳ್.
ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ.

ಬಲ್ಲ್ ದ ಮಲ್ಲ:
ಸುರೂತ್ತ: ಕೊಳಕೆ ಇರ್ವತ್ತೂರು ಭಾಸ್ಕರ ಎಸ್ ಕೋಟ್ಯಾನ್.
ಗಿಡತಿನಾರ್: ಕೊಳಕೆ ಇರ್ವತ್ತೂರು ಆನಂದ್.
ರಡ್ಡನೇ: ನಂದಳಿಕೆ ಶ್ರೀಕಾಂತ್ ಭಟ್ “ಎ”
ಗಿಡತಿನಾರ್: ಬೈಂದೂರು ಮಂಜುನಾಥ ಗೌಡ.
ಬಲ್ಲ್ ದ ಎಲ್ಯ:
ಸುರೂತ್ತ: ಸುರತ್ಕಲ್ ಪಾಂಚಜನ್ಯ ಯೋಗೀಶ್ ಪೂಜಾರಿ “ಬಿ”
ಗಿಡತಿನಾರ್: ಭಟ್ಕಳ ಶಂಕರ್.
ರಡ್ಡನೇ: ಬೆಳುವಾಯಿ ಪೆರೋಡಿ ಪುತ್ತಿಗೆಗುತ್ತು ಕೌಶಿಕ್ ದಿನಕರ್ ಶೆಟ್ಟಿ.
ಗಿಡತಿನಾರ್ : ಕಾವೂರು ದೋಟ ಸುದರ್ಶನ್.
ನಾಯೆರ್ದ ಮಲ್ಲ:
ಸುರೂತ್ತ ಇನಾಮು: ವರಪಾಡಿ ಬಡಗುಮನೆ ದಿವಾಕರ ಚೌಟ.
ಗಿಡತಿನಾರ್: ಪಟ್ಟೆ ಗುರುಚರಣ್
ರಡ್ಡನೇ: ನಕ್ರೆ ಮಹೋಧರ ನಿವಾಸ ಇಶಾನಿ ತುಕ್ರ ಭಂಡಾರಿ
ಗಿಡತಿನಾರ್: ಮಾಳ ಆಧೀಶ್ ಪೂಜಾರಿ.
ನಾಯೆರ್ ದ ಎಲ್ಯ ಎರ್ಲೆನ ವಿಭಾಗಡ್ ಸುರುತ್ತ ಇನಾಮು ಮಿಜಾರು ಹರಿಮೀನಾಕ್ಷಿ ತೋಟ ಹರಿಯಪ್ಪ ಶೆಟ್ಟಿ,
ಗಿಡತಿನಾರ್: ಪಣಪಿಲ ಪ್ರವೀಣ್ ಕೋಟ್ಯಾನ್,
ರಡ್ಡನೇ ಇನಾಮು: ಮಾಳ ಕಲ್ಲೇರಿ ಶರತ್ ಶೆಟ್ಟಿ “ಬಿ , ಗಿಡತಿನಾರ್: ನತೀಶ್ ಬಾರಾಡಿ

ಕಂಬುಲ ತುಳುನಾಡ ಸಂಸ್ಕೃತಿದ ಮಾಮಲ್ಲ ನಿಶಾನೆ : ಶ್ರೀ ಚಂದ್ರಶೇಖರ ಸ್ವಾಮಿ

ಐಕಳ : ಕಂಬುಲ ತುಳುನಾಡ್ ದ ಸಾಂಸ್ಕೃತಿಕ ಲೋಕದ ಒಂಜಿ ಮಾಮಲ್ಲ ನಿಶಾನೆ ಪಂದ್ ಅಂತಾರಾಷ್ಟ್ರೀಯ ವಾಸ್ತು ತಜ್ಞೆರ್ ಶ್ರೀ ಚಂದ್ರಶೇಖರ ಸ್ವಾಮಿ ಪಂಡೆರ್.

ಆರ್ ಐಕಳ ಕಂಬುಳ ಸಮಿತಿ ವತಿರ್ದ್ ಸನಿಯಾರ ನಡತಿನ ಐಕಳಬಾವ ಕಂಬುಲ “ಐಕಳೋತ್ಸವ’ ನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.
ಈ ಕಾರ್ಯಕ್ರಮಟ್ಟ್ ಶ್ರೀ ಚಂದ್ರಶೇಖರ ಸ್ವಾಮಿಲು ಬೊಕ್ಕ ಉದ್ಯಮಿ ಕನ್ಯಾನ ಸದಾಶಿವ ಶೆಟ್ಟಿ ಮೆರೆನ್ ಮಾನಾದಿಗೆ ಮಲ್ತೆರ್.


ಈ ಪೊರ್ತುಡು ಗಣೇಶ್ ಭಟ್, ವರುಣ್ ಭಟ್, ಶಾಸಕೆರ್ ಉಮಾನಾಥ ಕೋಟ್ಯಾನ್, ಜಾಗತಿಕ ಬಂಟರ ಸಂಘಗಳ ಒಕ್ಕೂಟ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಡಿ, ಉದ್ಯಮಿ ಕನ್ಯಾನ ಸದಾಶಿವ ಶೆಟ್ಟಿ, ಶಾರದಾ ಭಟ್, ರಾಹುಲ್ ಭಟ್, ರಜನಿ ಸಿ ಭಟ್, ವಿಶ್ವನಾಥ ಭಟ್, ಮೂಲ್ಕಿ ಬಂಟರ ಸಂಘದ ಅಧ್ಯಕ್ಷೆರ್ ಅಶೋಕ್ ಕುಮಾರ್ ಶೆಟ್ಟಿ, ಕಿನ್ನಿಗೋಳಿ ವ್ಯವಸಾಯ ಸೇವಾ ಸಹಕಾರಿ ಸಂಘದ ಅಧ್ಯಕ್ಷೆರ್ ಲವ ಶೆಟ್ಟಿ, ಮೂಲ್ಕಿ ಠಾಣಾಧಿಕಾರಿ ವಿದ್ಯಾಧರ್ ಬೈಲಕೆರೆ, ನಿರ್ಮಾಪಕಿ ವನಿತಾ ವಿಜಯ ಕುಮಾರ್ ರೆಡ್ಡಿ, ಉದ್ಯಮಿಲಾಯಿನ ಹರೀಶ್ ಶೆಟ್ಟಿ, ದಿನಕರ ಶೆಟ್ಟಿ, ತೆರೆಸಾ ಕ್ರಾಸ್ತ, ಉದ್ಯಮಿ ಪುರಂದರ ಶೆಟ್ಟಿ, ಓಂಪ್ರಕಾಶ್ ಶೆಟ್ಟಿ, ಕೇಶವ ಅಳ್ವ, ಮುಂಬೈ ಸಮಿತಿದ ಅಧ್ಯಕ್ಷೆರ್ ಕುಶಲ್ ಭಂಡಾರಿ, ವೇಣುಗೋಪಾಲ್, ಎಂ.ಆರ್.ಪಿ.ಎಲ್ ನ ಗ್ರೂಪ್ ಮ್ಯಾನೇಜರ್ ಸುದರ್ಶನ್, ಉಳ್ಳಾಲ ಗುತ್ತು ಸದಾನಂದ ಶೆಟ್ಟಿ , ತ್ಯಾಗರಾಜ ಆಚಾರ್ಯ, ಭುವನಾಭಿರಾಮ ಉಡುಪ, ಬಾಸ್ಕರ ಶೆಟ್ಟಿ ಏಳಿಂಜೆ, ಸುಧಾಮ ಶೆಟ್ಟಿ ಐಕಳ, ಉಲ್ಲಾಸ್ ಶೆಟ್ಟಿ ಮೊಕುಲು ಮಾತ ಇತ್ತೆರ್.

ಕಂಬಳ ಸಮಿತಿ ಅಧ್ಯಕ್ಷೆರ್ ಐಕಳಬಾವದೇವಿಪ್ರಸಾದ್ ಶೆಟ್ಟಿ ಮಾತೆರೆನ್ಲ ಎದ್ಕೊಂಡೆರ್. ಸಾಯಿನಾಥ ಶೆಟ್ಟಿ ಮುಂಡ್ಕೂರು ನಿರೂಪಣೆ ಮಲ್ತೆರ್.

ಬೊಲ್ಪುಗು ಐಕಳಬಾವ ಧರ್ಮಚಾವಡಿಡ್ ವೇದಮೂರ್ತಿ ಗಣೇಶ್ ಭಟ್ ಬೊಕ್ಕ ವರುಣ್ ಭಟ್ ಮುತಾಲಿಕೆಡ್ ವಿಶೇಷ ಪ್ರಾರ್ಥನೆ, ಧಾರ್ಮಿಕ ವಿಧಿವಿಧಾನ ನಡತ್ಂಡ್. ಈ ಪೊರ್ತುಡು ಕಟೀಲು ಕ್ಷೇತ್ರದ ಅನುವಂಶಿಕ ಅರ್ಚಕೆರ್ ಶ್ರೀ ಅನಂತಪದ್ಮನಾಭ ಅಸ್ರಣ್ಣೆರ್, ಮುಲ್ಕಿ ಸೀಮೆದ ಅರಸೆರ್ ದುಗ್ಗಣ್ಣ ಸಾವಂತೆರ್, ಗೌತಮ ಜೈನ್ , ಐಕಳಬಾವ ದೇವಿಪ್ರಸಾದ್ ಶೆಟ್ಟಿ ಬೊಕ್ಕ ಐಕಳ ಕಂಬುಲ ಸಮಿತಿದ ಪದುಕೆರ್ ಇತ್ತೆರ್.

ಪುಗರ್ತೆದ ಪಿಲಿಯೇಸದಾರಿ ಒಡಿಪುದ ಅಶೋಕ್ ರಾಜ್ ನನ ನೆಂಪು ಮಾತ್ರ

ಒಡಿಪು: ಕಾಡಬೆಟ್ಟು ನಿವಾಸಿ ಪಿಲಿವೇಷಧಾರಿ, ಪಿಲಿಯೇಸಡ್ ತನ್ನನೇ ಆಯಿನ ಪುದರ್ ನ್ ಪಡೆನ ಕಾಡಬೆಟ್ಟು ಅಶೋಕ್ ರಾಜ್ ದೇವೆರೆ ಪಾದೋ ಸೇರಿಯೆರ್.

ಮಸ್ತ್ ದಿನರ್ದ್ ಹುಷಾರ್ ದಾಂತೆ ಇತ್ತಿನೆದಾತ್ರ ಅಶೋಕ್ ರಾಜ್ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಇತ್ತೆರ್. ಚಿಕಿತ್ಸೆ ಫಲ ಕೊರಂದೆ ಒಡಿಪುದ ಖಾಸಗಿ ಆಸ್ಪತ್ರೆಡ್ ತೀರ್ ಪೋತೆರ್.

ಮೇರೆಗ್ ಬುಡೆದಿ, ಇಂಡಿಯನ್ ಖ್ಯಾತಿದ ಸುಷ್ಮರಾಜ್ ಅಂಚನೆ ರಡ್ಡ್ ಪೊಂಜೋಕುಲು ಉಲ್ಲೆರ್.

ಅತ್ತೂರು ಪರ್ಪಲೆ ಕಲ್ಕುಡ ದೈವಸ್ಥಾನದ ಶಿಲಾನ್ಯಾಸ ಕಜ್ಜ

ಕಾರ್ಲಡುಪ್ಪುನ ಪಿರಾಕ್ದ ಶ್ರೀ ಕ್ಷೇತ್ರ ಅತ್ತೂರು ಪರ್ಪಲೆಗಿರಿತ ಕಲ್ಕುಡ ಬೊಕ್ಕ ಪರಿವಾರ ದೈವೊಲೆನ ದೈವಸ್ಥಾನದ ಶಿಲಾನ್ಯಾಸ ಕಜ್ಜ ಫೆಬ್ರವರಿ 11, 2024ಕ್ಕ್ ಐತಾರ ಕಾಂಡೆ 9.30ಗು ನಡಪರೆ ಉಂಡು.

ಈ ಕಾರ್ಯಕ್ರಮಗ್‌ ಮಾತ ಭಕ್ತಾಧಿಲು ಎಚ್ಚಿನ ಸಂಖ್ಯೆಡ್‌ ಪಾಲ್‌ ಪಡೆಯೊಡು ಪಂದ್‌ ಲೆಪ್ಪೋಲೆಡ್‌ ತೆರಿಪಾದೆರ್.

ಫೆ.3 ಕ್ಕ್ ಸಾರ್ವಜನಿಕ ಉತ್ಸವದಲೆಕ ಐಕಳಬಾವ ಕಾಂತಾಬಾರೆ ಬೂದಾಬಾರೆ ಕಂಬುಲ : ಡಾ.ದೇವಿಪ್ರಸಾದ್ ಶೆಟ್ಟಿ

ಕಿನ್ನಿಗೋಳಿ : ಸಾಂಪ್ರದಾಯಿಕ ಬೊಕ್ಕ ಆಧುನಿಕ ನೆಲೆಟ್ಟ್ ನಡಪುನ ಐಕಳಬಾವ ಕಾಂತಾಬಾರೆ ಬೂದಾಬಾರೆ ಜೋಡುಕರೆ ಕಂಬುಲ “ಐಕಳೋತ್ಸವ 2024″ನ್ ಈ ಸರ್ತಿ ಫೆಬ್ರವರಿ 3 ತಾರೀಕ್ ಗ್ ಸಾರ್ವಜನಿಕ ಉತ್ಸವದ ಮಾದರಿಡ್ ನಡಪಾವುನ ಉದ್ದೇಶ ಉಂಡು ಪಂದ್ ಕಂಬುಲ ಸಮಿತಿದ ಅಧ್ಯಕ್ಷೆರ್ ಐಕಳಬಾವ ಡಾ.ದೇವಿಪ್ರಸಾದ್ ಶೆಟ್ಟಿ, ಬೆಳಪು ಮೇರ್ ತೆರಿಪಾಯೆರ್.


ಆರ್ ಐಕಳ ಕಂಬುಲದ ಕಟ್ಟೆಡ್ ಬುಧಾರ ನಡತಿನ ಪತ್ರಿಕಾಗೋಷ್ಠಿಡ್ ಈ ವಿಷಯ ತೆರಿಪಾಯೆರ್.
ಐಕಳ ಕಂಬುಲನ್ ಶ್ರೀ ಚಂದ್ರಶೇಖರ ಸ್ವಾಮೀಜಿ ಉದಿಪನ ಮಲ್ಪುವೆರ್. ಶ್ರೀ ಕ್ಷೇತ್ರ ಕಟೀಲ್ ದ ಅನುವಂಶೀಯ ಮೊಕ್ತೇಸರೆರ್ ಅನಂತ ಪದ್ಮನಾಭ ಅಸ್ರಣ್ಣೆರ್ ಆಶೀರ್ವಚನ ಮಲ್ಪರೆ ಉಲ್ಲೆರ್.ಬಯ್ಯಡ್ ನಡಪುನ ಸಭಾಕಾರ್ಯಕ್ರಮಡ್ ಸ್ಪೀಕರ್ ಯು.ಟಿ.ಖಾದರ್, ಉಸ್ತುವಾರಿ ಸಚಿವೆರ್ ದಿನೇಶ್ ಗುಂಡೂರಾವ್,ವಸತಿ ಸಚಿವೆರ್ ಜಮೀರ್ ಅಹಮ್ಮದ್ ಖಾನ್, ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಶಾಸಕೆರ್ ಉಮಾನಾಥ್ ಕೋಟ್ಯಾನ್, ಐಕಳ ಹರೀಶ್ ಶೆಟ್ಟಿ, ಸದಾಶಿವ ಶೆಟ್ಟಿ ಕನ್ಯಾನ, ಕೆ.ಪ್ರಕಾಶ್ ಶೆಟ್ಟಿ, ಡಾ.ಜಿ.ಶಂಕರ್ ಸೇರ್ದ್ ಮಲ್ಲ ಮಲ್ಲ ಬಿನ್ನೆರಾದ್ ಬರ್ಪೆರ್. ಈ ಪೊರ್ತುಡು ಸಹಕಾರಿ ರಂಗದ ಸಾಧಕೆರ್ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೆರೆನ ವಜ್ರಮಹೋತ್ಸವ (75ನೇ ಪುಟ್ಟುಪರ್ಬ) ಆಚರಣೆದ ಒಟ್ಟುಗು ಅರೆಗ್ ” ಕರಾವಳಿ ರತ್ನ” ಪನ್ಪಿನ ಬಿರ್ದ್ ಕೊರ್ದು ಮಾನಾದಿಗೆ ಮಲ್ಪರೆ ಉಂಡು ಪಂಡೆರ್.


ಕಂಬುಲಗ್ ಪ್ರೋತ್ಸಾಹ ವರ್ಷೊರ್ದು ಎಚ್ಚ ಆವೊಂದುಂಡು. ಬೊಂಬಾಯಿ, ಹಾಸನ ಡ್ ಲ ಕಂಬುಲ ನಡಪರೆ ಉಂಡು. ಎರ್ಲೆನಲ ಸಂಖ್ಯೆ ಜಾಸ್ತಿ ಆವೊಂದುಂಡು. ಅಂಚಾದ್ ಕಂಬುಲನ್ ಶಿಸ್ತುಬದ್ಧವಾದ್, ಕ್ರಮಬದ್ಧವಾದ್, ಪಾರದರ್ಶಕವಾದ್ ಮಲ್ಪರೆ ಪೊಸತ್ತಾದ್ ಗೇಟ್ ಸಿಸ್ಟಮ್, ಸೈರನ್ ಬೊಕ್ಕ ಫೊಟೊ ಫಿನಿಶ್ ತಂತ್ರಜ್ಞಾನನ್ ಪ್ರಾಯೋಗಿಕವಾದ್ ಐಕಳ ಕಂಬುಲಡ್ ಅಳವಡಿಸಾರೆ ಜಿಲ್ಲಾ ಕಂಬುಲ ಸಮಿತಿದ ಸಭೆ ನಿರ್ಣಯ ದೆತೊಂದುಂಡು. ಈ ಪ್ರಯೋಗಡ್ ಒಂಜಾತ್ ಸುಧಾರಣೆ ಮಲ್ತೊಂದು ಆ ವ್ಯವಸ್ಥೆ ನ್ ನನದ ಕಂಬುಲಡ್ ಲ ಅಳವಡಿಕೆ ಮಲ್ಪರೆ ಉಲ್ಲ.ಅಂಚೆನೆ ಈ ಸರ್ತಿ 100 ರ್ದ್ ಲ ಎಚ್ಚ ಜತೆ ಎರ್ಲು ಕಂಬುಲಡ್ ಪಾಲ್ ಪಡೆಯರೆ ಉಂಡು ಪಂದ್ ಆರ್ ಪಂಡೆರ್.
ಐಕಳಬಾವ ಕಂಬುಲ ಸಮಿತಿದ ಕಾರ್ಯಾಧ್ಯಕ್ಷೆರ್ ಚಿತ್ತರಂಜನ್ ಭಂಡಾರಿ ಐಕಳಬಾವ ಮೇರ್ ಪಾತೆರ್ದ್, 48 ನೇ ವರ್ಷದ ಐಕಳಬಾವ ಕಂಬುಲೋತ್ಸವಡ್ ಕಂಬುಲ ಮಾತ್ರ ಅತ್ತಾಂದೆ ಜ.7 ಕ್ಕ್ ಉಚಿತ ವೈದ್ಯಕೀಯ ಶಿಬಿರ, ಜ.21 ಕ್ಕ್ ಜಾನುವಾರು ಮೇಳ, ಜಾನಪದ ಕ್ರೀಡಾ ಮೇಳ ಅಟ್ಟಣೆ ಮಲ್ತ್ ದ. 17 ವಲಯದ ಹಾಲು ಉತ್ಪಾದಕರ ಸಹಕಾರಿ ಸಂಘದಕುಲು ಪಾಲ್ ಪಡೆವರೆ ಉಲ್ಲೆರ್. ಜಾನುವಾರುಲೆಗ್ ಮೆಡಿಸಿನ್ ಬೊಕ್ಕ ಇನಾಮುಲ ಕೊರ್ಪ ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಸಂಚಾಲಕೆರ್ ಐಕಳ ಮುರಳೀಧರ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಸ್ವರಾಜ್ ಶೆಟ್ಟಿ ಮುಂಡ್ಕೂರು ದೊಡ್ಡಮನೆ, ಕೋಶಾಧಿಕಾರಿ ಪ್ರಕಾಶ್ ಶೆಟ್ಟಿ ಪಡುಹಿತ್ಲು, ಮುಂಬಯಿ ಸಮಿತಿದ ಅಧ್ಯಕ್ಷೆರ್ ಕುಶಲ್ ಭಂಡಾರಿ ಐಕಳಬಾವ, ಉಪಾಧ್ಯಕ್ಷೆರ್ ಕೃಷ್ಣ ಮಾರ್ಲ, ಸಂಘಟನಾ ಕಾರ್ಯದರ್ಶಿ ಲೀಲಾಧರ ಶೆಟ್ಟಿ ಐಕಳ, ಕಾರ್ಯದರ್ಶಿ ದಯೇಶ್ ಕೋಟ್ಯಾನ್, ಜತೆ ಕಾರ್ಯದರ್ಶಿ ಸುಧಾಮ ಶೆಟ್ಟಿ ಬೆಂರ್ಕಿಲ್, ಜಯಪಾಲ್ ಶೆಟ್ಟಿ ಐಕಳ, ಶ್ರೀಶ ಸರಾಫ್ ಮೊಕುಲು ಮಾತ ಇತ್ತೆರ್.

ಪೆ.3 ಕ್ಕ್ ಸಾರ್ವಜನಿಕ ಉತ್ಸವದಲೆಕ ಐಕಳಬಾವ ಕಾಂತಾಬಾರೆ ಬೂದಾಬಾರೆ ಕಂಬುಲ : ಡಾ.ದೇವಿಪ್ರಸಾದ್ ಶೆಟ್ಟಿ

ಕಿನ್ನಿಗೋಳಿ : ಸಾಂಪ್ರದಾಯಿಕ ಬೊಕ್ಕ ಆಧುನಿಕ ನೆಲೆಟ್ಟ್ ನಡಪುನ ಐಕಳಬಾವ ಕಾಂತಾಬಾರೆ ಬೂದಾಬಾರೆ ಜೋಡುಕರೆ ಕಂಬುಲ “ಐಕಳೋತ್ಸವ 2024″ನ್ ಈ ಸರ್ತಿ ಫೆಬ್ರವರಿ 3 ತಾರೀಕ್ ಗ್ ಸಾರ್ವಜನಿಕ ಉತ್ಸವದ ಮಾದರಿಡ್ ನಡಪಾವುನ ಉದ್ದೇಶ ಉಂಡು ಪಂದ್ ಕಂಬುಲ ಸಮಿತಿದ ಅಧ್ಯಕ್ಷೆರ್ ಐಕಳಬಾವ ಡಾ.ದೇವಿಪ್ರಸಾದ್ ಶೆಟ್ಟಿ, ಬೆಳಪು ಮೇರ್ ತೆರಿಪಾಯೆರ್.


ಆರ್ ಐಕಳ ಕಂಬುಲದ ಕಟ್ಟೆಡ್ ಬುಧಾರ ನಡತಿನ ಪತ್ರಿಕಾಗೋಷ್ಠಿಡ್ ಈ ವಿಷಯ ತೆರಿಪಾಯೆರ್.
ಐಕಳ ಕಂಬುಲನ್ ಶ್ರೀ ಚಂದ್ರಶೇಖರ ಸ್ವಾಮೀಜಿ ಉದಿಪನ ಮಲ್ಪುವೆರ್. ಶ್ರೀ ಕ್ಷೇತ್ರ ಕಟೀಲ್ ದ ಅನುವಂಶೀಯ ಮೊಕ್ತೇಸರೆರ್ ಅನಂತ ಪದ್ಮನಾಭ ಅಸ್ರಣ್ಣೆರ್ ಆಶೀರ್ವಚನ ಮಲ್ಪರೆ ಉಲ್ಲೆರ್.ಬಯ್ಯಡ್ ನಡಪುನ ಸಭಾಕಾರ್ಯಕ್ರಮಡ್ ಸ್ಪೀಕರ್ ಯು.ಟಿ.ಖಾದರ್, ಉಸ್ತುವಾರಿ ಸಚಿವೆರ್ ದಿನೇಶ್ ಗುಂಡೂರಾವ್,ವಸತಿ ಸಚಿವೆರ್ ಜಮೀರ್ ಅಹಮ್ಮದ್ ಖಾನ್, ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಶಾಸಕೆರ್ ಉಮಾನಾಥ್ ಕೋಟ್ಯಾನ್, ಐಕಳ ಹರೀಶ್ ಶೆಟ್ಟಿ, ಸದಾಶಿವ ಶೆಟ್ಟಿ ಕನ್ಯಾನ, ಕೆ.ಪ್ರಕಾಶ್ ಶೆಟ್ಟಿ, ಡಾ.ಜಿ.ಶಂಕರ್ ಸೇರ್ದ್ ಮಲ್ಲ ಮಲ್ಲ ಬಿನ್ನೆರಾದ್ ಬರ್ಪೆರ್. ಈ ಪೊರ್ತುಡು ಸಹಕಾರಿ ರಂಗದ ಸಾಧಕೆರ್ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೆರೆನ ವಜ್ರಮಹೋತ್ಸವ (75ನೇ ಪುಟ್ಟುಪರ್ಬ) ಆಚರಣೆದ ಒಟ್ಟುಗು ಅರೆಗ್ ” ಕರಾವಳಿ ರತ್ನ” ಪನ್ಪಿನ ಬಿರ್ದ್ ಕೊರ್ದು ಮಾನಾದಿಗೆ ಮಲ್ಪರೆ ಉಂಡು ಪಂಡೆರ್.


ಕಂಬುಲಗ್ ಪ್ರೋತ್ಸಾಹ ವರ್ಷೊರ್ದು ಎಚ್ಚ ಆವೊಂದುಂಡು. ಬೊಂಬಾಯಿ, ಹಾಸನ ಡ್ ಲ ಕಂಬುಲ ನಡಪರೆ ಉಂಡು. ಎರ್ಲೆನಲ ಸಂಖ್ಯೆ ಜಾಸ್ತಿ ಆವೊಂದುಂಡು. ಅಂಚಾದ್ ಕಂಬುಲನ್ ಶಿಸ್ತುಬದ್ಧವಾದ್, ಕ್ರಮಬದ್ಧವಾದ್, ಪಾರದರ್ಶಕವಾದ್ ಮಲ್ಪರೆ ಪೊಸತ್ತಾದ್ ಗೇಟ್ ಸಿಸ್ಟಮ್, ಸೈರನ್ ಬೊಕ್ಕ ಫೊಟೊ ಫಿನಿಶ್ ತಂತ್ರಜ್ಞಾನನ್ ಪ್ರಾಯೋಗಿಕವಾದ್ ಐಕಳ ಕಂಬುಲಡ್ ಅಳವಡಿಸಾರೆ ಜಿಲ್ಲಾ ಕಂಬುಲ ಸಮಿತಿದ ಸಭೆ ನಿರ್ಣಯ ದೆತೊಂದುಂಡು. ಈ ಪ್ರಯೋಗಡ್ ಒಂಜಾತ್ ಸುಧಾರಣೆ ಮಲ್ತೊಂದು ಆ ವ್ಯವಸ್ಥೆ ನ್ ನನದ ಕಂಬುಲಡ್ ಲ ಅಳವಡಿಕೆ ಮಲ್ಪರೆ ಉಲ್ಲ.ಅಂಚೆನೆ ಈ ಸರ್ತಿ 100 ರ್ದ್ ಲ ಎಚ್ಚ ಜತೆ ಎರ್ಲು ಕಂಬುಲಡ್ ಪಾಲ್ ಪಡೆಯರೆ ಉಂಡು ಪಂದ್ ಆರ್ ಪಂಡೆರ್.
ಐಕಳಬಾವ ಕಂಬುಲ ಸಮಿತಿದ ಕಾರ್ಯಾಧ್ಯಕ್ಷೆರ್ ಚಿತ್ತರಂಜನ್ ಭಂಡಾರಿ ಐಕಳಬಾವ ಮೇರ್ ಪಾತೆರ್ದ್, 48 ನೇ ವರ್ಷದ ಐಕಳಬಾವ ಕಂಬುಲೋತ್ಸವಡ್ ಕಂಬುಲ ಮಾತ್ರ ಅತ್ತಾಂದೆ ಜ.7 ಕ್ಕ್ ಉಚಿತ ವೈದ್ಯಕೀಯ ಶಿಬಿರ, ಜ.21 ಕ್ಕ್ ಜಾನುವಾರು ಮೇಳ, ಜಾನಪದ ಕ್ರೀಡಾ ಮೇಳ ಅಟ್ಟಣೆ ಮಲ್ತ್ ದ. 17 ವಲಯದ ಹಾಲು ಉತ್ಪಾದಕರ ಸಹಕಾರಿ ಸಂಘದಕುಲು ಪಾಲ್ ಪಡೆವರೆ ಉಲ್ಲೆರ್. ಜಾನುವಾರುಲೆಗ್ ಮೆಡಿಸಿನ್ ಬೊಕ್ಕ ಇನಾಮುಲ ಕೊರ್ಪ ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಸಂಚಾಲಕೆರ್ ಐಕಳ ಮುರಳೀಧರ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಸ್ವರಾಜ್ ಶೆಟ್ಟಿ ಮುಂಡ್ಕೂರು ದೊಡ್ಡಮನೆ, ಕೋಶಾಧಿಕಾರಿ ಪ್ರಕಾಶ್ ಶೆಟ್ಟಿ ಪಡುಹಿತ್ಲು, ಮುಂಬಯಿ ಸಮಿತಿದ ಅಧ್ಯಕ್ಷೆರ್ ಕುಶಲ್ ಭಂಡಾರಿ ಐಕಳಬಾವ, ಉಪಾಧ್ಯಕ್ಷೆರ್ ಕೃಷ್ಣ ಮಾರ್ಲ, ಸಂಘಟನಾ ಕಾರ್ಯದರ್ಶಿ ಲೀಲಾಧರ ಶೆಟ್ಟಿ ಐಕಳ, ಕಾರ್ಯದರ್ಶಿ ದಯೇಶ್ ಕೋಟ್ಯಾನ್, ಜತೆ ಕಾರ್ಯದರ್ಶಿ ಸುಧಾಮ ಶೆಟ್ಟಿ ಬೆಂರ್ಕಿಲ್, ಜಯಪಾಲ್ ಶೆಟ್ಟಿ ಐಕಳ, ಶ್ರೀಶ ಸರಾಫ್ ಮೊಕುಲು ಮಾತ ಇತ್ತೆರ್.

ಮುಲ್ಕಿದ ಜಾಗತಿಕ ಬಂಟರ ಸಂಘದ ಒಕ್ಕೂಟದ ಜಾಗೆಡ್ ಡ್ ತೋನ್ಸೆ ಶಶಿರೇಖಾ ಆನಂದ ಶೆಟ್ಟಿ ಓಪನ್ ಏರ್ ಗಾರ್ಡನ್

ಕುಡ್ಲ: ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಮಹತ್ವಕಾಂಕ್ಷಿ ಯೋಜನೆಯಾಯಿನ ಮುಲ್ಕಿ ರಾಷ್ಟ್ರೀಯ ಹೆದ್ದಾರಿ ಕೈತಲ್ ಇಪ್ಪುನ ಕನ್ಯಾನ ಸದಾಶಿವ ಶೆಟ್ಟಿ ಸಂಕೀರ್ಣಡ್ ಪೊಣ್ಣ ನಿಚ್ಚಯ, ಮದಿರೆಂಗಿ, ಮದಿಮೆ,ತೊಡಮನೆ, ಪುಟ್ಟುಪರ್ಬ ಬೊಕ್ಕ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮಲೆನ್ ನಡಪಾಯೆರೆ ಅನುಕೂಲ ಆಪಿನಂಚ ತೋನ್ಸೆ ಶಶಿರೇಖಾ ಆನಂದ ಶೆಟ್ಟಿ ಮೆರೆನ ಪುದರ್ ದ ಓಪನ್ ಏರ್ ಗಾರ್ಡನ್ ನಿರ್ಮಾಣ ಆವರೆ ಉಂಡು.

ಈ ಓಪನ್ ಏರ್ ಗಾರ್ಡನ್ ಸಂಪೂರ್ಣ ಪ್ರಾಯೋಜಕತೆನ್ ಒಕ್ಕೂಟದ ವಿಶೇಷ ಮಹಾ- ನಿರ್ದೇಶಕೆರಾಯಿಮ ಬೊಂಬೈದ ಆರ್ಗಾನಿಕ್ ಗ್ರೂಪ್ ಆಫ್ ಇಂಡಸ್ಟ್ರೀಸ್ ನೆತ್ತ ಸಿ. ಎಂ. ಡಿ. ತೋನ್ಸೆ ಆನಂದ್ ಎಂ. ಶೆಟ್ಟಿ ಬೊಕ್ಕ ಶಶಿರೇಖಾ ಆನಂದ ಎಂ.ಶೆಟ್ಟಿ
ಒಯಿಸೊಂದೆರ್.
ಈ ನಿಲೆಟ್ಟ್ ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಪರವಾದ್ ಗುರ್ಕಾರ್ಲು ಅಯಿನ ಐಕಳ ಹರೀಶ್ ಶೆಟ್ಟಿ ವಿಶೇಷ ಮಹಾ ನಿರ್ದೇಶಕರಾಯಿನ ಪ್ರವೀಣ್ ಭೋಜ ಶೆಟ್ಟಿ ಬೊಕ್ಕ ಕೋಶಾಧಿಕಾರಿ ಉಳ್ತೂರು ಮೋಹನದಾಸ ಶೆಟ್ಟಿ ಒಟ್ಟಿಗೆ ಸೇರ್ದ್ ಗೌರವ ಪೂರ್ವಕವಾದ್ ಸೊಲ್ಮೆ ಸಂದಾಯ ಮಲ್ತೆರ್.

ಓಪನ್ ಏರ್ ಗಾರ್ಡನ್ ಯೋಜನೆದ ಪೂರ್ತಿ ಜವಾಬ್ದಾರಿನ್ ಬೊಕ್ಕ ಅವೆತ್ತ ಕೆಲಸ ಕಾರ್ಯಲೆನ್ ತನ್ನ ಯೋಚನೆದ ಪ್ರಕಾರದಂಚ ಮಲ್ತ್ ದ್ ಈ ವರ್ಷ 2024 ಡಿಸೆಂಬರ್ ಅಕೇರಿಡ್ ಒಕ್ಕೂಟಗ್ ಒಪ್ಪಿಸಾವೆ ಪಂದ್ ತೋನ್ಸೆ ಆನಂದ ಶೆಟ್ಟಿ ಪಂತೆರ್.

ಈ ಯೋಜನೆಗ್ ಸಹಕಾರ ಕೊರ್ನ ತೋನ್ಸೆ ಶಶಿರೇಖಾ ಆನಂದ ಎಂ. ಶೆಟ್ಟಿ ಮೇರೆಗ್ ಒಕ್ಕೂಟದ ಮಹಾದಾನಿ ಕನ್ಯಾನ ಸದಾಶಿವ ಶೆಟ್ಟಿ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಗೌರವ ಪ್ರಧಾನ ಕಾರ್ಯದರ್ಶಿ, ಇಂದ್ರಾಳಿ ಜಯಕರ ಶೆಟ್ಟಿ, ಜೊತೆ -ಕಾರ್ಯದರ್ಶಿ ಚಂದ್ರಹಾಸ್ ಡಿ, ಶೆಟ್ಟಿ ರಂಗೋಲಿ ಬೊಕ್ಕ ಮಹಾ ನಿರ್ದೇಶಕೆರ್ ನಿರ್ದೇಶಕೆರ್, ಮಹಾ-ಪೋಷಕೆರ್, ಪೋಷಕೆರ್, ದಾನಿಲು, ಕಾರ್ಯಕಾರಿ ಸಮಿತಿ ಸದಸ್ಯೆರ್ ಸರ್ವ ಸದಸ್ಯೆರ್ ಸೊಲ್ಮೆ ಸಂದಾಯ ಮಲ್ತೆರ್.

ಮುಲ್ಕಿ ಯಶೋಧ ಜಯಶ್ರೀ ಸನಿಲ್ ದೇವೆರೆ ಪಾದ ಸೇರಿಯೆರ್

ಮುಲ್ಕಿ: ಪುಗರ್ತೆದ ಛಾಯಚಿತ್ರಗಾರೆರ್ ಚಿತ್ರಾಲಯ ಸ್ಟುಡಿಯೋದ ಧಣಿ ದಿ. ಜಯಶೀಲ ಸನಿಲ್ ಮೇರ್ನ ಬುಡೆದಿ, ಮುಲ್ಕಿ ಪಂಚಮಹಲ್ ರೋಡ್ ಲಕ್ಷ್ಮೀ ನಿವಾಸದ ಯಶೋಧ ಜಯಶ್ರೀ ಸನಿಲ್ (70) ಹುಷಾರ್ ದಾಂತೆ ಸನಿವಾರ ದೇವೆರೆ ಪಾದ ಸೇರಿಯೆರ್.

ಮೆರೆಗ್ ಪತ್ರಕರ್ತೆರಾಯಿನ ಭಾಗ್ಯವಾನ್ ಸನಿಲ್ ಸೇರ್ದ್ ರಡ್ಡ್ ಮಗನಕುಲು, ಒರ್ತಿ ಮಗಲ್ ಉಲ್ಲೆರ್.

ತುಳು ಮಣ್ಣ್ ಡ್ ಕನ್ನಡದ ಶಾಲೆನ್ ಒರಿಪಾವುನ ಕೆಲಸ ಆವೊಡು: ಹರಿಕೃಷ್ಣ ಪುನರೂರು

ಮುಲ್ಕಿ: ಕನ್ನಡ ಶಾಲೆಲೆಗ್ ಮಾಸ್ಟ್ರ್ ನಕುಲು ದಾಂತೆ, ಸರಿಯಾಯಿನ ಸೌಲಭ್ಯದಾಂತೆ, ಓದರೆ ಜೋಕುಲು ದಾಂತೆ ಮುಚ್ಚುನ ಪರಿಸ್ಥಿತಿ ಬೈದ್ಂಡ್. ಅವೆನ್ ಸರಕಾರ ಮಾತ್ರ ಅತ್ರ್ ತುಳು ಮಣ್ಣ್ ದ ಕನ್ನಡಾಭಿಮಾನಿಲು, ಸಂಘ ಸಂಸ್ಥೆಲು ಒರಿಪಾವೊಡು ಪಂದ್ ಕನ್ನಡ ಸಾಹಿತ್ಯ ಪರಿಷತ್ತ್ ದ ಮಾಜಿ ರಾಜ್ಯಾಧ್ಯಕ್ಷೆರ್ ಡಾ.ಹರಿಕೃಷ್ಣ ಪುನರೂರು ತೆರಿಪಾಯೆರ್.

ಆರ್ ಮುಲ್ಕಿ ತಾಲೂಕುದ ಕಡೀರ್ ದ ಕನ್ನಡ ಸಾಹಿತ್ಯ ಸಮ್ಮೇಳನನ್ ಕಾರ್ನಾಡ್ ಸರಕಾರಿ ಪದವಿ ಪೂರ್ವ ಕಾಲೇಜಿದ ಸಭಾಂಗಣಡ್ ಬುಧವಾರ ಉದಿಪನ ಮಲ್ತ್ ಪಾತೆರಿಯೆರ್.

ಕನ್ನಡ ಶಾಲೆಲು ಬಂದ್ ಆಪಿನ ಬಗೆಟ್ಟ್ ಎಚ್ಚೆರ್ಗೆ ಆದ್ ಅಯಿತ್ತ ರಕ್ಷಣೆಗ್ ನಮ ಮಾತೆರ್ಲ ದುಂಬು ಪೋವೊಡು. ಕನ್ನಡ ರಕ್ಷಣಾ ವೇದಿಕೆದಂಚಿನ ಸಂಘಟನೆಗ್ ನಮ ಬೆರಿಬಲ ಕೊರೊಡು. ನಮ್ಮ ಅಪ್ಪೆ ತುಳು ಅಪ್ಪೆ. ಕಲ್ಪಾದಿನ ಅಪ್ಪೆ ಕನ್ನಡ. ಅಂಚಾದ್ ತುಳು ಬಾಷೆದ ರಕ್ಷಣೆದ ಒಟ್ಟುಗು ಕನ್ನಡ ಭಾಷೆನ್ ಒರಿಪಾವೊಡು ಪಂದ್ ಆರ್ ಪಂಡೆರ್.

ಸಮ್ಮೇಳನಾಧ್ಯಕ್ಷೆರ್ ಡಾ.ಗಣೇಶ್ ಅಮೀನ್ ಸಂಕಮಾರ್ ಅಧ್ಯಕ್ಷೀಯ ಬಾಷಣೊಡು ಮುಲ್ಕಿ ತಾಲೂಕುದ ಸಮಗ್ರ ಇತಿಹಾಸ ತೆರಿಪಾಯೆರ್.
ಮತ್ತರ್ಮೆಡ್ ಮಲ್ಲ ಬಿನ್ನೆರಾದ್ ಬಪ್ಪನಾಡು ದೇವಸ್ಥಾನದ ಮೊಕ್ತೇಸರೆರ್ ಮನೋಹರ ಶೆಟ್ಟಿ, ಕನ್ನಡ ಸಾಹಿತ್ಯ ಪರಿಷತ್ ಕೇಂದ್ರೀಯ ಮಾರ್ಗದರ್ಶಕ ಸಮಿತಿ ಸದಸ್ಯೆರ್ ಡಾ.ಮುರಳಿ ಮೋಹನ ಚೂಂತಾರು, ಮೋಹನ್ ದಾಸ್ ಸುರತ್ಕಲ್, ಸರ್ವೋತ್ತಮ ಅಂಚನ್, ಮುಲ್ಕಿ ಬಂಟರ ಸಂಘದ ಅಧ್ಯಕ್ಷೆರ್ ಅಶೋಕ್ ಕುಮಾರ ಶೆಟ್ಟಿ, ನಿಶಾಂತ್ ಶೆಟ್ಟಿ ಕಿಲೆಂಜೂರು, ಮೊಗವೀರ ಸಂಪಾದಕೆರ್ ಅಶೋಕ್ ಸುವರ್ಣ , ಗುರುಶಾಂತಪ್ಪ, ಪ್ರಿನ್ಸಿಪಾಲ್ ಡಾ.ವಾಸುದೇವ ಬೆಳ್ಳೆ , ಮುಲ್ಕಿ ನಗರಪಂಚಾಯತ್ ಮುಖ್ಯಾಧಿಕಾರಿ ಇಂದು, ಮುಲ್ಕಿ ಸಾಹಿತ್ಯ ಪರಿಷತ್ ದ ಅಧ್ಯಕ್ಷೆರ್ ಮಿಥುನ್ ಉಡುಪ ಕೊಡೆತ್ತೂರು, ಮಂಜುನಾಥ ರೇವಣ್ಕರ್ ಇತ್ತೆರ್.

ಕಾಂಡೆ ಕಾರ್ನಾಡ್ ರ್ದ್ ಭುವನೇಶ್ವರಿ ದೇವಿನ ಭವ್ಯ ಮೆರವಣಿಗೆ ನಡತ್ಂಡ್. ತಹಶೀಲ್ದಾರ್ ಪ್ರದೀಪ್ ಕುರ್ಡೇಕರ್ ಧ್ವಜಾರೋಹಣ ಮಲ್ತೆರ್.ಉಂದುವೇ ಪೊರ್ತುಡು ಪರಿಷತ್ ಧ್ವಜ ಬೊಕ್ಕ ಕನ್ನಡ ಧ್ವಜ ರಾಪಾಯೆರ್.

ಪುಸ್ತಕ ಪ್ರದರ್ಶನನ್ ಡಾ.ಎಂ.ಪಿ. ಶ್ರೀನಾಥ್ ಸೇರ್ದ್ ಬಿನ್ನೆರ್ ಉದಿಪನ ಮಲ್ತೆರ್.bಕನ್ನಡ ತಂತ್ರಾಂಶ ನಾಡೋಜ ಕೆ.ಪಿ.ರಾವ್ ಪುಸ್ತಕ ಮರರ್ದ್ ಜೋಕುಲೆಗ್ ಪುಸ್ತಕ ಪಟ್ಟಿಯೆರ್.

ಕಾಲೇಜಿದ ವಿದ್ಯಾರ್ಥಿನಿಯೆರ್ ನಾಡಗೀತೆ ಪಂಡೆರ್.
ಸಮ್ಮೇಳನ ಸಮಿತಿದ ಅಧ್ಯಕ್ಷೆರ್ ಸುನಿಲ್ ಆಳ್ವ ಸ್ವಾಗತ ಮಲ್ತೆರ್.

ದ.ಕ. ಜಿಲ್ಲಾ ಸಾಹಿತ್ಯ ಪರಿಷತ್ ಅಧ್ಯಕ್ಷೆರ್ ಡಾ.ಎಂ.ಪಿ.ಶ್ರೀನಾಥ್ ಆಶಯದ ಮದಿಪು ಮದಿತೆರ್. ಸಮ್ಮೇಳನ ಸಮಿತಿದ ಪ್ರಧಾನ ಕಾರ್ಯದರ್ಶಿ
ದೇವಪ್ರಸಾದ ಪುನರೂರು ಸೊಲ್ಮೆ ಸಂದಾಯೆರ್. ಅರ್ಪಿತಾ ಶೆಟ್ಟಿ ನಿರೂಪಣೆ ಮಲ್ತೆರ್.

ಒಡಿಪು ಜಿಲ್ಲಾ ಹಿರಿಯ ನಾಗರಿಕರ ಒಕ್ಕೂಟದ ಗುರ್ಕಾರ್ಲು ಆದ್ ಎಚ್ ವಿಶ್ವನಾಥ ಹೆಗ್ಡೆ ಆಯ್ಕೆ

ಒಡಿಪು ಜಿಲ್ಲಾ ಹಿರಿಯ ನಾಗರಿಕರ ಒಕ್ಕೂಟದ 2023-24 ತ್ತ ಗುರ್ಕಾರ್ಲು ಆದ್ ಎಚ್ ವಿಶ್ವನಾಥ ಹೆಗ್ಡೆ ಆಯ್ಕೆ ಆತೆರ್. ಕಾರ್ಯದರ್ಶಿಯಾದ್ ಪಿ.ನಾಗರಾಜ ರಾವ್ ಕೋಶಾಧಿಕಾರಿಯಾದ್ ಎಸ್. ಹರಿದಾಸ ನಾಯಕ್ ಆಯ್ಕೆ ಆತೆರ್.

ಒಡಿಪು ಜಿಲ್ಲೆದ ಒಡಿಪು, ಬ್ರಹ್ಮಾವರ, ಕುಂದಾಪುರ, ಬೈಂದೂರ್ ಬೊಕ್ಕ ಕಾರ್ಲ ಮುಲ್ಪ ಕಾರ್ಯ ನಿರ್ವಹಣೆ ಮಲ್ತೊಂದಿಪ್ಪುನ ಹಿರಿಯ ನಾಗರಿಕೆರ್‍ನ ಸಂಘದ ಒಕ್ಕೂಟದ ಸದಸ್ಯ ಸಂಸ್ಥೆಯಾದಿತ್ತ್‌ದ್ ಉಂದೆತ್ತ ಗುರ್ಕಾರ್ಲು, ಕಾರ್ಯದರ್ಶಿ, ಕೋಶಾಧಿಕಾರಿ ಆದ್ ಕೆ ಸದಾನಂದ ಹೆಗ್ಡೆ, ಕೆ. ಮುರಳೀಧರ, ಎಸ್.ಎಚ್ ನಾಯಕ್, ಉದಯ್ ಕುಮಾರ್, ವರದಾನಂದ ಶೆಟ್ಟಿ, ರುಡಾಲ್ಫ್ ಡಿಸೋಜ, ಬಿ.ಭೋಜರಾಜ ಶೆಟ್ಟಿ, ಕೆ ಕೃಷ್ಣಯ್ಯ ಆಚಾರ್, ಕೆ. ರಘುವೀರ್, ಪುಂಡಲೀಕ ನಾಯಕ್, ಕೆ.ಗೋವಿಂದ ಬಿಲ್ಲವ, ಎಂ.ಎನ್ ಸೇರೆಗಾರ್, ಕೆ. ವಾಸುದೇವ ರಾವ್, ಕೆ.ಪ್ರದೀಪ ನಾಯಕ್, ಎಂ. ಕಮಲಾಕ್ಷ ಕಾಮತ್ ಮೊಕುಲು ಪದ ನಿಮಿತ್ತ ಒಕ್ಕೂಟದ ಕಾರ್ಯಕಾರಿ ಸಮಿತಿದ ಪದುಕೆರ್ ಆದಿಪ್ಪುವೆರ್. ಮಾಜಿ ಅಧ್ಯಕ್ಷೆರ್ ಆಯಿನ ಎ.ಪಿ ಕೊಡಂಚ ಬೊಕ್ಕ ಸಿ.ಎಸ್ ರಾವ್ ಮೊಕುಲು ವಿಶೇಷ ಸಲಹೆಗಾರೆರ್ ಆತೆರ್.

You Missed