ಬೊಂಬಾಯಿ ಬಿಲ್ಲವರ ಎಸೋಸಿಯೇಶನ್ ದ ಭಾಯಂದರ್ ಕಚೇರಿಡ್ ಭಕ್ತಿ ಶ್ರದ್ಧೆಡ್ ನಡತ್ಂಡ್ ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ
ಬೊಂಬಾಯಿ: ಬಿಲ್ಲವರ ಎಸೋಸಿಯೇಶನ್ ಬೊಂಬಾಯಿ ಉಂದೆತ್ತ ಭಾಯಂದರ್ ಸ್ಥಳೀಯ ಕಚೇರಿದ ಮುತಾಲಿಕೆಡ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ 168ನೇ ಜಯಂತಿನ್ ಸೆ.17 ತಾರೀಕ್ಗ್ ಭಾಯಂದರ್ ಪೂರ್ವದ ಜೆಸ್ಸಲ್ ಪಾರ್ಕ್ದ ಇಂದ್ರ ವರುಣ ಚಾವಡಿಡ್ ಭಾರೀ ಭಕ್ತು ಶ್ರದ್ಧೆಡ್ ನಡತ್ಂಡ್.
ಬಯ್ಯಗ್ ಭಾಯಂದರ್ ಕಚೇರಿದ ಪದಾಧಿಕಾರಿಲು ತುಡರ್ ಅರ್ಲಾದ್ ಪೂಜಾ ಕಾರ್ಯಲೆಗ್ ಚಾಲನೆ ಕೊರಿಯೆರ್. ಪುರೋಹಿತೆರ್ ಶೇಖರ್ ಶಾಂತಿ ಮೆರೆರ್ದ್ ಗುರುಪೂಜೆ ಅಂಚನೆ ಮಂಗಳಾರತಿ ನಡತ್ಂಡ್. ಸಮಿತಿದ ಕಾರ್ಯಾಧ್ಯಕ್ಷೆರ್ ನರೇಶ್ ಕೆ.ಪೂಜಾರಿ ದಂಪತಿ ಪೂಜಾ ವೃತ ಮಲ್ತೆರ್.
ಶ್ರೀ ವಿದ್ಯಾದಾಯಿನ ಭಜನಾ ಮಂಡಳಿ ಅಂಚನೆ ಸ್ಥಳೀಯ ಸಮಿತಿದ ಸದಸ್ಯೆರೆರ್ದ್ ಭಜನಾ ಕಾರ್ಯಕ್ರಮ, ಕುಣಿತ ಭಜನೆ ಅಂಚನೆ ಓಂ ನಮೋ ಶ್ರೀ ನಾರಾಯಣಾಯ ಜಪ ನಡತ್ಂಡ್. ತೀರ್ಥ ಪ್ರಸಾದ ಕೊರ್ಪಿನ ಲೇಸ್, ದಾನಿಲೆಗ್ ಗೌರವಾರ್ಪಣೆ ಆಯಿಬೊಕ್ಕ ನುಪ್ಪು ಸೇವೆ ನಡತ್ಂಡ್.
ಬಿಲ್ಲವರ ಎಸೋಸಿಯೇಶನ್ದ ಮಾಜಿ ಗೌರವ ಕಾರ್ಯದರ್ಶಿ ಉಳ್ಳೂರು ಧನಂಜಯ ಶಾಂತಿ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಉಪನ್ಯಾಸ ಮಲ್ತೆರ್. ಬಿಲ್ಲವರ ಎಸೋಸಿಯೇಶನ್ ಸೇವಾ ದಳತ್ತ ಜಿ.ಒ.ಸಿ ಗಣೇಶ್ ಕೆ. ಪೂಜಾರಿ, ಭಾರತ್ ಬ್ಯಾಂಕ್ದ ನಿರ್ದೇಶಕೆರ್ ಸೂರ್ಯಕಾಂತ್ ಜೆ. ಸುವರ್ಣ, ಭಾರತ್ ಬ್ಯಾಂಕ್ದ ಭಾಯಂದರ್ ಶಾಖಾ ಪ್ರಬಂಧಕೆರ್ ಪ್ರವೀಣ್ ಪೂಜಾರಿ, ಸ್ಥಳೀಯ ನಗರಸೇವಕೆರ್ ಅರವಿಂದ್ ಶೆಟ್ಟಿ, ರೋಹಿದಾಸ್ ಪಾಟೀಲ್, ಪರಿಸರದ ಸಂಘ-ಸಂಸ್ಥೆದ ಪದಾಧಿಕಾರಿಲು, ದಾನಿಲು, ಗುರು ಭಕ್ತೆರ್ ಗುರು ಜಯಂತಿ ಅಚರಣೆಡ್ ಪಾಲ್ ಪಡೆದಿತ್ತೆರ್.
ಭಾಯಂದರ್ ಸ್ಥಳೀಯ ಕಚೇರಿದ ಗೌರವ ಕಾರ್ಯಾಧ್ಯಕೆರ್ ಪ್ರಮೋದ್ ಕೋಟ್ಯಾನ್, ಕಾರ್ಯಾಧ್ಯಕ್ಷೆರ್ ನರೇಶ್ ಕೆ. ಪೂಜಾರಿ, ಉಪ ಕಾರ್ಯಾಧ್ಯಕ್ಷೆರ್ ಉದಯ್ ಡಿ. ಪೂಜಾರಿ ಬೊಕ್ಕ ರಘುನಾಥ್ ಹಳೆಯಂಗಡಿ, ಗೌರವ ಕಾರ್ಯದರ್ಶಿ ಮಾಲತಿ ಆರ್. ಬಂಗೇರ, ಜತೆ ಕಾರ್ಯದರ್ಶಿ ಗಣೇಶ್ ಅಂಚನ್, ಗೌರವ ಕೋಶಾಧಿಕಾರಿ ಕೃಷ್ಣ ಬಂಗೇರ, ಜತೆ ಕೋಶಾಧಿಕಾರಿ ದಯಾನಂದ ಕೋಟ್ಯಾನ್ ಅಂಚನೆ ಮಾತ ಸಮಿತಿ ಸದಸ್ಯೆರ್, ವಿಶೇಷ ಆಮಂತ್ರಿತೆರ್, ಪೊಂಜೊವುಲೆನ ವಿಭಾಗ, ಯುವ ವಿಭಾಗದ ಸದಸ್ಯೆರ್ ಸಾಕಾರ ಮಲ್ತೆರ್. ಪೂಜಾ ಮಂಟಪನ್ ಕಲಾವಿದೆ ಎಮ್. ಡಿ. ಮೋಹನದಾಸ್ ಡೊಂಬಿವಿಲಿ ಅಲಂಕಾರ ಮಲ್ತೆರ್.
