ಉಡುಪಿದ ಸುದ್ದಿ | Udupi News

ಭಾರತ್ ಜೋಡೊ ಯಾತ್ರೆಗ್ ಮುಲ್ಕಿ-ಬೆದ್ರ ಕ್ಷೇತ್ರರ್ದ್ 500 ಕಾರ್ಯಕರ್ತೆರ್ : ಮಿಥುನ್ ರೈ

ಹಳೆಯಂಗಡಿ : ಕಾಂಗ್ರೆಸ್ ಯುವ ನಾಯಕೆರ್ ರಾಹುಲ್ ಗಾಂಧಿ ಮೇರ್ನ‌ ಮುತಾಲಿಕೆದ ಭಾರತ್ ಜೋಡೊ ಪಾದಯಾತ್ರೆ ಕರ್ನಾಟಕಡ್ ಸಂಚಾರ ಮಲ್ಪರೆ ಇತ್ತ್ ದ್ ಅಕ್ಟೋಬರ್ 8 ತಾರೀಕ್ ಗ್ ನಾಗಮಂಗಲ ಬೊಕ್ಕ ತುರುವೇಕೆರೆ ಪ್ರದೇಶಡ್ ಪಾಸ್ ಆಪಿನ ಪೊರ್ತುಡು ಮುಲ್ಕಿ – ಬೆದ್ರ ವಿಧಾನಸಭಾ ಕ್ಷೇತ್ರರ್ದ್ 500 ಕಾರ್ಯಕರ್ತೆರ್ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿದ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ ತೆರಿಪಾಯೆರ್.

ಆರ್ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಕಚೇರಿಡ್ ಅಂಗಾರೆ ನಡತಿನ ಬ್ಲಾಕ್ ಸಮಿತಿ ಪದಾಧಿಕಾರಿಲೆನ ಸಭೆಟ್ಟ್ ಯಾತ್ರೆದ ಮಾಹಿತಿ ಕೊರ್ದು ಪಾತೆರಿಯೆರ್.

ಸಭೆಟ್ಟ್ ಪಾಲ್ ಪಡೆದಿತ್ತಿನ ಕರ್ನಾಟಕ ಸರಕಾರದ ಮಾಜಿ ಸಚಿವೆರ್ ಅಂಚೆನೆ ಕೆಪಿಸಿಸಿ ಉಪಾಧ್ಯಕ್ಷೆರ್ ಕೆ. ಅಭಯಚಂದ್ರ ಜೈನ್ ಪಾತೆರ್ದ್, ರಾಹುಲ್ ಗಾಂಧಿಯೆರ್ನ ಭಾರತ್ ಜೋಡೋ ಯಾತ್ರೆದ ಯಶಸ್ಸ್ ಬಿಜೆಪಿದಕ್ಲೆನ ನಿದ್ರೆ ಹಾಳ್ ಮಲ್ತ್ ದ್ಂಡ್. ಅಂಚಾದ್ ಪಕ್ಷದ ಕಾರ್ಯಕರ್ತೆರ್ ರಾಹುಲ್ ಗಾಂಧಿಯೆರ್ನ ಯಾತ್ರೆನ್ ಯಶಸ್ಸ್ ಮಲ್ತ್‌ದ್ ಪಕ್ಷ ಸಂಘಟನೆಗ್ ಆದ್ಯತೆ ಕೊರೊಡು ಪಂಡೆರ್.

ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಅಂಚೆನೆ ಕ್ಷೇತ್ರ ಉಸ್ತುವಾರಿ ಮಮತಾ ಗಟ್ಟಿ, ಭಾರತ್ ಜೋಡೊ ಯಾತ್ರೆ ಗ್ ಪೊಂಜೊವುಲುಲ ಪಾಲ್ ಪಡೆವೊಡು ಪಂಡೆರ್.

ಈ ಪೊರ್ತುಡು ಯಾತ್ರೆ ಸುರುವಾಯಿನ ಆಜಿ ದಿನ ದಕ್ಷಿಣ ಕನ್ನಡ ಜಿಲ್ಲೆದ ಕಾಂಗ್ರೆಸ್ ಸೇವಾದಳ ಪ್ರತಿನಿಧಿಯಾದ್ ಕರ್ತವ್ಯ ಪಾಲನೆ ಮಲ್ತಿನ
ಧರ್ಮಾನಂದ ಶೆಟ್ಟಿಗಾರ್ ಮೆರೆನ್ ಶಾಲ್ ಪಾಡ್ದ್ ಮಾನಾದಿಗೆ ಮಲ್ತೆರ್.

ಮತ್ತರ್ಮೆಡ್ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್, ಕೆಪಿಸಿಸಿ ಕೋಆರ್ಡಿನೇಟರ್ ವಸಂತ್ ಬೆರ್ನಾಡ್, ಬ್ಲಾಕ್ ಅಲ್ಪಸಂಖ್ಯಾತೆರ್ನ ವಿಭಾಗದ ಅಧ್ಯಕ್ಷೆರ್ ಟಿ. ಎಚ್ ಮೈಯದಿ, ಕಿಲ್ಪಾಡಿ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಲೀಲಾ, ಮುಲ್ಕಿ ಬ್ಲಾಕ್ ಯುವ ಕಾಂಗ್ರೆಸ್ ಅಧ್ಯಕ್ಷೆರ್ ಅಶೋಕ್ ಪೂಜಾರ, ನಾಯಕೆರಾಯಿನ ಯೋಗೀಶ್ ಕೋಟ್ಯಾನ್, ಸಾಹುಲ್ ಹಮೀದ್, ಬಿಜೆ ರಹೀಮ್, ಹರಿಯಪ್ಪ ಸಾಲಿಯಾನ್, ಶೈಲಾ ಸಿಕ್ವೇರಾ, ಅನಿತಾ ಡಿಸೋಜಾ, ಸುಜಾತ ಭಟ್, ದೀಪಕ್ ಪೆರ್ಮುದೆ, ಜನಾರ್ಧನ್ ಬಂಗೇರ, ಮಂಜುನಾಥ ಕಂಬಾರ, ಅಬ್ದುಲ್ ಖಾದರ್, ಅಬ್ದುಲ್ ಅಜೀಜ್ , ಕಿರಣ್ ಶೆಟ್ಟಿ , ಬಶೀರ್ ಕುಳಾಯಿ ಮೊಕುಲು ಮಾತ ಇತ್ತೆರ್.

ಬೊಂಬೈಡ್ ನಡತ್ಂಡ್ ಜಾಗತಿಕ ಬಂಟರ ಸಂಘದ ಒಕ್ಕೂಟದ ಮಾಮಲ್ಲ ಅಧಿವೇಶನ, ವಿಶ್ವ ಬಂಟರ ಸಮ್ಮೇಳನ

ಬೊಂಬೈ : ಜಾಗತಿಕ ಬಂಟರ ಸಂಘೊಲೆನ ಒಕ್ಕೂಟದ ಮಹಾ ಅಧಿವೇಶನ ಬೊಕ್ಕ ವಿಶ್ವ ಬಂಟರ ಸಮ್ಮಿಲನ, ಜಾಗತಿಕ ಬಂಟೆರೆನ ಸಂಘದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಮೆರೆನ ಗುರ್ಕಾರ್ಮೆಡ್ ವಿಶ್ವ ಬಂಟರ ಸಮ್ಮಿಲನ 2022 ಸೆ.18 ದಾನಿ ಐತಾರ ಬೊಲ್ಪುಗು ಕುರ್ಲಾ ಪೂರ್ವದ ಬಂಟೆ ಭವನದ ಶ್ರೀಮತಿ ರಾಧಾಬಾಯಿ ಟಿ ಭಂಡಾರಿ ಸಭಾಂಗಣದ ಕೂಳೂರು ಕನ್ಯಾನ ಸದಾಶಿವ ಕೆ ಶೆಟ್ಟಿ ವೇದಿಕೆಡ್ ನಡತ್ಂಡ್.

ಜಾಗತಿಕ ಬಂಟೆರ್ ನ ಸಂಘದ ಒಕ್ಕೂಟದ ಗೌರವಾನ್ವಿತ ನಿರ್ದೇಶಕೆರ್ ಬೊಕ್ಕ ಆರ್ಗಾಟಿಕ್ ಇಂಡಸ್ಟ್ರೀಸ್ ದ ಅಧ್ಯಕ್ಷೆರ್ ತೋನ್ಸೆ ಆನಂದ ಶೆಟ್ಟಿ ಬೊಕ್ಕ ಶಶಿರೇಖಾ ಆನಂದ ಶೆಟ್ಟಿ ಮಹಾ ಅಧಿವೇಶನ ಲೇಸ್ ನ್ ಉದಿಪನ ಆನಂದ ಶೆಟ್ರ್ ಪಾತೆರ್ದ್ ಐಕಳ ಹರೀಶ್ ಶೆಟ್ರ್ ಪುಟ್ಟುನಗನೇ ಲೀಡರ್. ಅರೆನ್ ಬೇತೆಕುಲ್ ನಾಯಕೆ ಮಲ್ಪೊಡು ಪಂದ್ ಇಜ್ಜಿ . ನಾಯಕನ್ ತಯಾರ್ ಮಲ್ಪುನ ಒರಿ ಮಲ್ಲ ನರಮಾನಿ. ಬಂಟೆರ್ ಪೂರೆರ್ಲ ನಾಯಕೆರೆ. ಅಂಡ ಮಾತೆರೆನ್ ಲ ಒಟ್ಟಿಗೆ ಸೇರ್ಸಾದ್ ಮಾತೆರೆಗ್ ಲ ಗೌರವ ಕೊರ್ದ್ ಆರ್ ನಾಯಕೆ ಆತೆರ್ . ಬೇಲೆ ಮಲ್ತ್ ದ್ ಪುದರ್ ಮಲ್ತ್ ದೆರ್. ಟಾಟಾ, ಬಿರ್ಲಾ, ಅಂಬಾನಿ ಮೊಕುಲು ಮಾತ ಮಸ್ತ್ ಬಂಗ ಬತ್ತ್ ದೆರ್. ಅಯಿರ್ನೆದ್ ಆದ್ ಅಕುಲು ಯಶಸ್ವಿ ಆತೆರ್. ಅಂಚಾದ್ ಆರ್ ದೇಶಡ್ ಒಂಜಿ ಎಡ್ಡೆ ಪುದರ್ ದ ಜನ ಆತೆರ್ . ಅವ್ವೆ ಐಕಳೆ ರ್ಲ ಒಂಜಿ ಎಡ್ಡೆ ನಾಯಕೆ. ಒಕ್ಕೂಟ ಗ್ ಸರಿ ಅಯಿನ ಆದಾಯ ಇಜ್ಜಿ .ಆಂಡ ಹರೀಶ್ ಶೆಟ್ರೆಗ್ ಒಂಜಿ ಕನ ಉಂಡು. ಅವು ಒಂಜಿ ಎಡ್ಡೆ ಸೌಧ ನಿರ್ಮಾಣ ಅವೊಡು ಪಂದ್. ಅಯಿಕ್ಕ್ ಜಾಗೆ ಬೋಡ್. ನಮ ಪೊಕ್ಕಡೆ 5 ಸೆಂಟ್ಸ್ ಜಾಗೆನ್ ದೆತೊನ್ನೆ ಅತ್ತ್ . ಕಮ್ಮಿ ಅಂಡಲ 10 ಸೆಂಟ್ಸ್ ಜಾಗೆ ದೆತೊಂದು ಅಯಿಟ್ ಒಂಜಿ ಪೊಸ ತಂತ್ರಜ್ಞಾನದ ಲೇಸ್ ಆವೋಡು. ಅಯಿಕ್ಕ್ ನಮ ಮಾತ ಸಹಕಾರ ಮಲ್ತ್ ದ್ ಒಕ್ಕೂಟಗ್ ಸಹಾಯ ಕೊರೊಡು.ಅಯಿನ ಒಟ್ಟಿಗೆ ತಾಂತ್ರಿಕ ಕಾಲೇಜ್, ಮೆಡಿಕಲ್ ಕಾಲೇಜ್ ಬೊಕ್ಕ ಪೊಸ ರೀತಿದ ಸಂಸ್ಥೆ ಮಲ್ತ್ ದ್ ನಮ ಪೀಳಿಗೆಗ್ ಇನಾಮು ಕೊರೊಡು ಪನ್ಪಿನ ಕನ ಐಕಳೆರೆಗ್ ಉಂಡು. ಅವು ಯಶಸ್ವಿ ಆವಡ್ ಪಂದ್ ಪಂಡೆರ್.

ಒಕ್ಕೂಟದ ಮಹಾದಾನಿ ಸದಾಶಿವ ಶೆಟ್ಟಿ ಕೂಳೂರು ಕನ್ಯಾನ ಅರೆನ ಗೌರವ ಉಪಸ್ಥಿತಿ ಡ್ , ಮುಖ್ಯ ಬಿನ್ನೆರ್ ಅಯಿನ‌ ಬೊಂಬೈದ ಬಂಟರ ಸಂಘದ ಅಧ್ಯಕ್ಷೆರಾಯಿನ ಚಂದ್ರಹಾಸ ಕೆ. ಶೆಟ್ಟಿ ಮೇರ್ ತಾರೆದ ಪಿಂಗಾರನ್ ಅರಳಾದ್, ಬಂಟರೆನ ಭವನಡ್ ವಿಶ್ವ ಬಂಟೆರೆ ಸಮ್ಮಿಲನ ಆವೊಂದು ಇಪ್ಪುನೆ ಎಕ್ಕ್ ಮಸ್ತ್ ಕುಸಿ ಅವೊಂದು ಉಂಡು ಪಂದ್ ಪಂಡೆರ್. ಅಂಚನೆ ರಾತ್ರೆ ಶಾಲೆ ಮಲ್ಪುನೆರ್ದ್ ಬಂಟೆರೆ ಸಂಘ ಶಿಕ್ಷಣ ಬೊಕ್ಕ ಸಾಮಾಜಿಕ ಕೆಲಸಗ್ ಚಾಲನೆ ದೀವೊಂದು, ಇನಿ ಮಹಾರಾಷ್ಟ್ರ ದ ಮಹಾಮಲ್ಲ ಶಿಕ್ಷಣ ಸಂಸ್ಥೆಲೆಡ್ ಬಂಟೆರೆ ಶಿಕ್ಷಣ ಸಂಸ್ಥೆಲ ಸೇರ್ದಂಡ್‌. ಬಂಟೆರೆ ಸಂಘ ಪ್ರತಿ ವರ್ಷಲ ಸಮಾಜದ ಬಂಧುಲೆಗ್ 10 ಕೋಟಿ ರೂ. ಪಣವುದ ಸಕಾಯ ಕೊರೊಂದು ಬತ್ತ್ಂದ್ಂಡ್ ಅಂಚನೆ ಬೊರಿವಲಿ‌ ಪರಿಸರಡ್ ಶಿಕ್ಷಣ ಸಂಸ್ಥೆ ದ ಬೇಲೆ ಸುರ್ ಅತ್ತ್ಂಡ್ .ಸಂಘದ ಪ್ರಗತಿ ಗ್ ಸಮಾಜದ ಬಂದುಲ ಮಸ್ತ್ ಸಹಕಾರ ಮಲ್ದೆರ್. ಈ ಬಂಟೆರೆ ಒಕ್ಕೂಟದ ಸೇವೆ ಮಲ್ಪುನ ಬೇಲೆ ಇಂಚನೆ ನಡಪಡ್ ಪಂದ್ ಪಂಡೆರ್.

ಅಂಚನೆ ಲೇಸ್ ದ ಅಧ್ಯಕ್ಷರೆ ಅಯಿನ ಐಕಳ ಹರೀಶ್ ಶೆಟ್ಟಿ ಅಧ್ಯಕ್ಷ ತೆ ಭಾಷಣ ಮಲ್ತೆರ್ .ಲೇಸ್ ಡ್ ಚಂದ್ರಿಕಾ ಹರೀಶ್ ಶೆಟ್ಟಿ, ಐಕಳ, ಎಂ ಆರ್ ಜಿ ಗ್ರೂಪ್ ದ ಕಾರ್ಯಾಧ್ಯಕ್ಷೆ ಕೆ ಪ್ರಕಾಶ್ ಶೆಟ್ಟಿ, ಬಂಟರ ಸಂಘದ ಮಹಿಳಾ ವಿಭಾಗದ ಕಾರ್ಯಧ್ಯಕ್ಷೆ ಉಮಾ ಕೃಷ್ಣ ಶೆಟ್ಟಿ , ಮೀರಾ ಭಾಯಂದರ್ ನ ನಗರ ಸೇವಕೆರ್ ಅರವಿಂದ್ ಶೆಟ್ಟಿ , ಅಶೋಕ್ ಶೆಟ್ಟಿ, ಮೆರಿಟ್ ಹಾಸ್ಪಿಟಲಿಟಿ ಸರ್ವಿಸಸ್ ಪೈ.ಲಿ ಬೊಂಬೈ, ನವಿ ಬೊಂಬೈದ ನೆರೂಲ್ ಮಾಜಿ ನಗರಸೇವಕೆರ್ ಸುರೇಶ್ ಗೋಪಾಲ್ ಶೆಟ್ಟಿ ಎರ್ಮಲ್, ರಾಜಗೋಪಾಲ್ ಶೆಟ್ಟಿ ಸಿಎಮ್ ಡಿ ಇನ್ ಗ್ಲೋಬ್ ಎಕ್ಸೋಪೋರ್ಟ್, ಪಟ್ಲ ಫೌಂಡೇಶನ್ ನ ಸಂಸ್ಥಾಪಕೆರ್ ಸತೀಶ್ ಶೆಟ್ಟಿ ಪಟ್ಲ, ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಕಾರ್ಯದರ್ಶಿ ಇಂದ್ರಾಳಿ ಜಯಕರ ಶೆಟ್ಟಿ, ಕೋಶಾಧಿಕಾರಿ ಉಳ್ತೂರು ಮೋಹನ್ ದಾಸ ಶೆಟ್ಟಿ, ನೂತನ ಜೊತೆ ಕೋಶಾಧಿಕಾರಿ ಪ್ರವೀಣ್ ಭೋಜ ಶೆಟ್ಟಿ, ಬೊಂಬೈದ ಬಂಟರ ಸಂಘದ ಪ್ರಾದೇಶಿಕ ಸಮಿತಿದ ಪಶ್ಚಿಮ ವಲಯದ ಸಮ್ವನಯಕ ಶಶಿಧರ್ ಕೆ ಶೆಟ್ಟಿ ಇನ್ನಂಜೆ, ಬಂಟೆರೆ ಸಂಘದ ಗೌರವ ಪ್ರಧಾನ ಕಾರ್ಯದರ್ಶಿ ಡಾ ಆರ್ ಕೆ ಶೆಟ್ಟಿ, ಬಂಟರ ಯಾನೆ ನಾಡವರ ಸಂಘದ ಉಪಾಧ್ಯಕ್ಷೆರ್ ಹೇಮನಾಥ್ ಕಾವ, ವಿವಿಧ ಬಂಟರೆ ಸಂಘ- ಸಂಸ್ಥೆದ ಅಧ್ಯಕ್ಷೆ ನಕುಲಾಯಿನ ವಿಶ್ವನಾಥ ಶೆಟ್ಟಿ, ಬಾಂಬೇ ಬಂಟ್ಸ್ ಅಸೋಸಿಯೇಶನ್ ದ ಅಧ್ಯಕ್ಷೆ ಮುರಳಿ ಕೆ ಶೆಟ್ಟಿ, ಗುರುಪುರ ಬಂಟರ ಸಂಘದ ಸಂತೋಷ್ ಶೆಟ್ಟಿ, ಎಸ್ ಎಂ ಶೆಟ್ಟಿ, ಶಿಕ್ಷಣ ಸಂಸ್ಥೆದ ಬಿ ಆರ್ ಶೆಟ್ಟಿ, ಬಂಟ್ವಾಳ ಬಂಟೆರೆ ಸಂಘದ ಅಧ್ಯಕ್ಷೆ ಚಂದ್ರಹಾಸ್ ಶೆಟ್ಟಿ, ಸುರತ್ಕಲ್ ಬಂಟೆರೆ ಸಂಘದ ಅಧ್ಯಕ್ಷೆರ್ ಸುಧಾಕರ್ ಪೂಂಜ, ಬೈಂದೂರು ಬಂಟೆರೆ ಸಂಘದ ಉಪಾಧ್ಯಕ್ಷೆರ್ ಜಗದೀಶ್ ಶೆಟ್ಟಿ, ಪಡುಬಿದ್ರೆ ಬಂಟೆರೆ ಸಂಘದ ಪ್ರಕಾಶ್ ಶೆಟ್ಟಿ, ಥಾಣೆ ಬಂಟೆರೆ ಸಂಘದ ಅಧ್ಯಕ್ಷೆರ್ ವೇಣುಗೋಪಾಲ್ ಶೆಟ್ಟಿ, ಬೆಳ್ತಂಗಡಿ ಬಂಟೆರೆ ಸಂಘದ ಜಯರಾಮ್ ಶೆಟ್ಟಿ, ಉಳ್ಳಾಲ ಬಂಟೆರೆ ಸಂಘದ ಗೋಪಾಲ್ ಶೆಟ್ಟಿ, ಪುಣೆ-ಹಾವೇರಿ ಬಂಟೆರೆ ಸಂಘದ ವಿಜಯ ಶೆಟ್ಟಿ, ದೇವಪ್ಪ ಶೆಟ್ಟಿ, ಮುಲುಂಡ್ ಬಂಟ್ಸ್ ಅಧ್ಯಕ್ಷೆರ್ ಶಾಂತರಾಮ್ ಶೆಟ್ಟಿ,ಸುಗ್ಗಿ ಸುಧಾಕರ್ ಶೆಟ್ಟಿ, ಜಗದೀಶ್ ಶೆಟ್ಟಿ, ಬೊಂಬೈ ಬಂಟೆರೆ ಸಂಘದ ಪ್ರಾದೇಶಿಕ ಸಮಿತಿದ ಕಾರ್ಯಧ್ಯೆಕ್ಷೆರ್ ಪಾಂಡು ಶೆಟ್ಟಿ, ಹರೀಶ್ ಶೆಟ್ಟಿ ಪಡುಬಿದ್ರಿ, ರವೀಂದ್ರ ವೈ ಶೆಟ್ಟಿ,ಶಿವಪ್ರಸಾದ್ ಶೆಟ್ಟಿ, ಎಂ ಜಿ ಶೆಟ್ಟಿ,ರವೀಂದ್ರ ಶೆಟ್ಟಿ, ಹರೀಶ್ ಎ ಶೆಟ್ಟಿ, ಶಿವರಾಮ್ ಶೆಟ್ಟಿ, ಬೊಕ್ಕ ಪಂಜುರ್ಲಿ ಗ್ರೂಪ್ ದ ರಾಜೇಂದ್ರ ಶೆಟ್ಟಿ, ಸಂತೋಷ್ ಕುಮಾರ್ ಶೆಟ್ಟಿ, ಥಾಣೆ ಉಪಾಧ್ಯಕ್ಷೆರಾಯಿನ ಸುನೀಲ್ ಶೆಟ್ಟಿ, ತ್ಯಾಗರಾಜ್ ಶೆಟ್ಟಿ, ಚರಿತಾ ಶೆಟ್ಟಿ ಕಡಂದಲೆ, ರಾಧಾಕೃಷ್ಣ ಶೆಟ್ಟಿ ವಿಟ್ಲ, ಸುಕುಮಾರ್ ಶೆಟ್ಟಿ ವಿಟ್ಲ, ಪ್ರಸಾದ್ ಶೆಟ್ಟಿ ಕುಕ್ಕೆಹಳ್ಳಿ, ಅಂಚನೆ ಬೇತೆ ಬೇತೆ ಸಂಘ ಸಂಸ್ಥೆದ ಪದಾಧಿಕಾರಿನಕುಲು ಈ ಲೇಸಡ್ ಇತ್ತೆರ್‌.

ಗೌರವ ಕಾರ್ಯದರ್ಶಿ ಇಂದ್ರಾಳಿ ಪ್ರಸ್ತಾವಿಕ ಪಾತೆರ ಪಾತೆರಿಯೆರ್. ಅಶೋಕ್ ಪಕ್ಕಳ ನಿರೂಪಣೆ ಮಲ್ತೆರ್. ಉಳ್ತೂರು ಮೋಹನ್ ದಾಸ್ ಶೆಟ್ಟಿ ಸೊಲ್ಮೆ ಸಂದಾಯೆರ್.

ಈ ಲೇಸ್ ರ್ದ್ ದುಂಬು ಕೊರಂಗ್ರಪಾಡಿ ದೊಡ್ಡ ಮನೆ ‌ ಆಶಾ‌ ಪ್ರಕಾಶ್ ಶೆಟ್ಟಿ ನ ಗುತ್ತುದ ಇಲ್ಲ್ ನ್ ಹರೀಶ್ ಶೆಟ್ಟಿ ಉದಿಪನ ಮಲ್ತೆರ್ . ಈ ಪೊರ್ತ್ ಡು ಆನಂದ ಶೆಟ್ಟಿ, ಶಶಿರೇಖಾ ಆನಂದ್ ಶೆಟ್ಟಿ, ಸದಾಶಿವ ಶೆಟ್ಟಿ, ಉಮಾ ಕೃಷ್ಣ ಶೆಟ್ಟಿ,ಚಂದ್ರಿಕಾ ಹರೀಶ್ ಶೆಟ್ಟಿ, ಅಶೋಕ್ ಶೆಟ್ಟಿ, ಶ್ಯಾಮಲ ಅಶೋಕ್ ಶೆಟ್ಟಿ,ಕರ್ನಿರೆ ವಿಶ್ವನಾಥ್ ಶೆಟ್ಟಿ, ಉಳ್ತೂರು ಮೋಹನ್ ದಾಸ್ ಶೆಟ್ಟಿ, ಡಾ/ಆರ್ ಕೆ ಶೆಟ್ಟಿ, ಇತ್ತೆರ್. ಅಂಚನೆ ವಿಷ್ಣು ಮೂರ್ತಿ ದೇವಸ್ಥಾನಡ್ ಹರೀಶ್ ಶೆಟ್ಟಿ ‌ ಯಜಮಾನಿಕೆಡ್ ಪೂಜೆ ನಡತ್ತ್ಂಡ್. ಬೊಕ್ಕ ಮೆರವಣಿಗೆ ದ ಒಟ್ಟಿಗೆ ಬತ್ತಿ ಬಿನ್ನೆರೆನ್ ಸ್ವಾಗತ ಮಲ್ತೆರ್.

“ಯುವ ಶಕ್ತಿ ರಕ್ತ ನಿಧಿ” ಸಂಘಟನೆ ಅಟ್ಟಣೆ ಮಲ್ತಿನ ಯುವ ಶಕ್ತಿ ರಕ್ತ ನಿಧಿ ಅಭಿಯಾನೊ

ಮಹಾನ್ ನಾಯಕೆ ದೇಶದ ಪ್ರಧಾನಿ ಶ್ರೀ ನರೇಂದ್ರ ಮೋದಿ ಮೆರೆನ ಪುಟ್ಟು ಪರ್ಬೊದ ಲೆಕ್ಕಡ್ “ಯುವ ಶಕ್ತಿ ರಕ್ತ ನಿಧಿ” ಸಂಘಟನೆ ಅಟ್ಟಣೆ ಮಲ್ತಿನ ಯುವ ಶಕ್ತಿ ರಕ್ತ ನಿಧಿ ಅಭಿಯಾನೊಗು ಎಡ್ಡೆ ಪ್ರತಿಕ್ರಿಯೆ ತಿಕ್‌ದ್ಂಡ್.

ಕುಡ್ಲ, ಬೆಂಗ್ಲೂರು, ಶೃಂಗೇರಿ, ಒಡಿಪು, ಕಾಸ್ರೋಡು, ಪುತ್ತೂರ್, ಬೊಂಬಾಯಿ, ಬೊಲ್ತೆರ್, ದೇರಳಕಟ್ಟೆ, ಬೆದ್ರ ಬೊಕ್ಕ ಸೌದಿ ಅರೆಬಿಯಾಡ್ ಜನಕುಲು ಸ್ವಯಂ ಪ್ರೇರಿತವಾದ್ ಬತ್ತ್‌ದ್ ನೆತ್ತೆರ್ ದಾನ ಮಲ್ಪುನ ಮುಖೇನ ಪ್ರಧಾನಿ ನರೇಂದ್ರ ಮೋದಿ ಮೆರೆನ ಪುಟ್ಟು ಪರ್ಬೊನು ಅರ್ಥಪೂರ್ಣವಾದ್ ಆಚರಿಸಾಯೆರ್. ಈ ಅಭಿಯಾನ ಯಶಸ್ವಿ ಆಯೆರೆ ಕಾರಣಕರ್ತೆರಾಯಿನ ನೆತ್ತೆರ್ ದಾನ ಮಲ್ತಿನಕ್ಲೆಗ್ ಸಂಘಟನೆದ ಸದಸ್ಯೆರ್ ಸೊಲ್ಮೆ ಸಂದೈತ ಮಲ್ದೆರ್.

” Yuva Shakti Raktha Nidhi” Abhyan.

On the occasion of the birthday of PM Narendra Modi a blood donation drive named Yuva Shakti Raktha Nidhi was organised which fetched great response.
People from Mangalore, Bangalore, Mumbai, Udupi,Kasargod , Puttur, Bheltangady and many other places voluntarily donated blood thus celebrations the PM’s birthday in a special way.The organizers heartily thank the blood donors for the tremendous response.

ಸೆ.26-ಅ.4 ಮುಟ್ಟ ಅಂಬ್ಲಮೊಗರು ಶ್ರೀ ಲಕ್ಷ್ಮೀನರಸಿಂಹ ದೇವಲ್ಯಡ್ ಮಾರ್ನೆಮಿ ಪೂಜೆ

ಶ್ರೀ ಲಕ್ಷ್ಮೀ ನರಸಿಂಹ ಸೇವಾ ಸಮಿತಿ ಅಂಚನೆ ಊರುದ ಭಕ್ತವೃಂದದ ಮುತಾಲಿಕೆಡ್ ಸೆ.26-ಅ.4 ಮುಟ್ಟ ಅಂಬ್ಲಮೊಗರು ಶ್ರೀ ಲಕ್ಷ್ಮೀನರಸಿಂಹ ದೇವಲ್ಯಡ್ ಮಾರ್ನೆಮಿ ಪೂಜೆ ಭಾರೀ ಗೌಜಿಡ್ ನಡಪರೆ ಉಂಡು.

ಪ್ರತಿದಿನಲ ರಾತ್ರೆ 6.30-8 ಗಂಟೆ ಮುಟ್ಟ ಭಜನಾ ಕಾರ್ಯಕ್ರಮ ಅಂಚನೆ ರಾತ್ರೆ 8 ಗಂಟೆಗ್ ಮಹಾಪೂಜೆ ನಡಪರೆ ಉಂಡು. ಸೆ.30 ಸುಕ್ರಾರ ಅಂಚನೆ ಅ.4 ಅಂಗಾರೆದಾನಿ ಸಾಮೂಹಿಕ ಪೂತ್ತ ಪೂಜೆ ನಡಪರೆ ಉಂಡು. ಈ ಲೇಸ್‌ಗ್ ಮಾತೆರ್‍ಲಾ ಬತ್ತ್‌ದ್ ದೇವೆರ್‍ನ ಪ್ರಸಾದನ್ ದೆತೊನೊಡು ಪಂದ್ ಶ್ರೀ ಲಕ್ಷ್ಮೀ ನರಸಿಂಹ ಸೇವಾ ಸಮಿತಿದಕುಲು ಲೆಪ್ಪೋಲೆಡ್ ತೆರಿಪಾದೆರ್.