Sat. Nov 21st, 2026

ಊರ್ದ ಸುದ್ದಿ Regional News

ಬರ್ಪಿ ವಾರ ರಡ್ಡ್ ದಿನ ಮಾತ್ರ ಬ್ಯಾಂಕ್ ಸೇವೆ

ಬೆಂಗ್ಳೂರು: ಬರ್ಪಿ ವಾರ ಬ್ಯಾಂಕ್ ಸೇವೆಡ್ ಭಾರಿ ವ್ಯತ್ಯಾಸ ಆಯರೇ ಉಂಡು . ಗ್ರಾಹಕೆರ್ ಈ ವಾರನೇ ಬ್ಯಾಂಕ್ ಸಂಬಂಧಿ ತುರ್ತು ಬೇಲೆನ್ ಮಲ್ಪುನ ಎಡ್ಡೆ.ಬರ್ಪಿ ವಾರ ಮಾರ್ಚ್ 27ರ್ದ್ 29 ಮುಟ ಬ್ಯಾಂಕ್ ಮುಷ್ಕರ ಉಂಡು , 30 ಬೊಕ್ಕ 31ಕ್ಕ್ ಬ್ಯಾಂಕ್ ಓಪನ್ ಉಂಡು .

ಎಪ್ರಿಲ್ ಒಂಜೆಕ್ಕ್ ಪೊಸ ಆರ್ಥಿಕ ವರ್ಷದ ಸುರು ಆಯಿನೆರ್ದಾವರ ಸೇವೆ ಇಜ್ಜಿ . ಏಪ್ರಿಲ್ 2ಕ್ಕ್ ಯುಗಾದಿ ನೆಲೆಟ್ಟ್ ಬ್ಯಾಂಕ್ ಗ್ ರಜೆ ಉಂಡು , ಬರ್ಪಿ ವಾರ ಒಟ್ಟಾದ್ ರಡ್ಡ್ ದಿನ ಮಾತ್ರ ಬ್ಯಾಂಕ್ ಓಪನ್ ಉಂಡು .

ಬಪ್ಪನಾಡು ಮುಸ್ಲಿಮ್ ದಕ್ಲೆಗ್ ಬೇರ ಮಲ್ಪರೆ ಅವಕಾಶ ಇಜ್ಜಿ ಪನ್ಪಿ ಬ್ಯಾನರ್ಗ್ಲಾ ನಮಕ್ಲಾ ದಾಲ ಸಂಬಂಧ ಇಜ್ಜಿ ”; ಸ್ಪಷ್ಟನೆ ಕೊರಿನ ಆಡಳಿತ ಮಂಡಳಿ

ಬಪ್ಪನಾಡು ಮುಸ್ಲಿಮ್ ದಕ್ಲೆಗ್ ಬೇರ ಮಲ್ಪರೆ ಅವಕಾಶ ಇಜ್ಜಿ ಪನ್ಪಿ ಬ್ಯಾನರ್ಗ್ಲಾ ನಮಕ್ಲಾ ದಾಲ ಸಂಬಂಧ ಇಜ್ಜಿ ”; ಸ್ಪಷ್ಟನೆ ಕೊರಿನ ಆಡಳಿತ ಮಂಡಳಿ

ಈ‌‌ ಬಗ್ಗೆ ದೇವಸ್ಥಾನದ ಮುಖ್ಯಸ್ಥೆರ್ ದಾದ ಪಂಡೆರ್ ಗೊತ್ತಾ?

ಕುಡ್ಲ : ಬಪ್ಪನಾಡು ದುರ್ಗಾಪರಮೇಶ್ವರಿ ದೇವಲ್ಯದ ಜಾತ್ರಾ ಉಚ್ಚಯದ ಬೇರಗ್ ಸಂಬಂದಿ ಬ್ಯಾನರ್ ಪಾಡಿನ ಬಗ್ಗೆ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಪ್ರತಿಕ್ರಿಯೆ ಕೊರ್ತೆರ್ , ಬ್ಯಾನರ್ಗ್ಲಾ ನಮಕ್ಲಾ ಸಂಭಂದ ಇಜ್ಜಿ ಪಂದ್ ಸ್ಪಷ್ಟನೆ ಕೊರ್ತೆರ್.

ದೇವಲ್ಯದ ಮೊಕ್ತೇಸರೆರಾಯಿನ ದುಗ್ಗಣ್ಣ ಸಾವಂತೆರ್ ಈ‌‌ ಬಗ್ಗೆ ಪಾತೆರ್ದ್ , ಬ್ಯಾನರ್ಗ್ಲಾ ದೇವಸ್ಥಾನಗ್ಲಾ ಒವ್ವೆ ಸಂಬಂಧಇಜ್ಜಿ . ದೇವಸ್ಥಾನದ ವತಿರ್ದ್ ನಮ ಈ ಬ್ಯಾನರ್ ಪಾಡ್ದಿಜ . ಮುಸ್ಲಿಮ್ ದಕುಲು ಜಾತ್ರಾ ಉಚ್ಚಯಡ್ ವ್ಯಾಪಾರ-ವಹಿವಾಟು ಮಲ್ಪುನ ಬಗ್ಗೆ ದೇವಸ್ಥಾನದ ವತಿರ್ದ್ ಒವ್ವೆ ನಿರ್ಬಂಧ ಇಜ್ಜಿ ಪಂದ್ ಪಂಡೆರ್.

ಜರ್ಮನಿಡ್ ಪುಡ್ ಡೆಲಿವರಿ ಬಾಯ್ ಆದ್ ಬೇಲೆ ಮಲ್ತೊಂದು ಉಪ್ಪುನ ಅಫ್ಘಾನಿಸ್ತಾನದ ಮಾಜಿ ಸಚಿವೆ

ವಾಷಿಂಗ್ಟನ್‌(24-03-2022); ಇಂಚೋಗು ದುಂಬುದ ಅಫ್ಘಾನಿಸ್ಥಾನದ ಸರಕಾರಡ್ 600 ಕೋಟಿ ಡಾಲರ್ ಬಜೆಟ್ ಮಂಡನೆ ಮಲ್ತಿನ ಮಾಜಿ ಹಣಕಾಸು ಸಚಿವ ಖಾಲಿದ್‌ ಪವೆಂಡಾ ಮೆರ್ನ ತಾಲಿಬಾನ್ ಸರಕಾರ ಬತ್ತಿ ಬೊಕ್ಕದ ಬರ್ಬಾದ್ ಸ್ಟೋರಿ ವೈರಲ್ ಆದ್ ಇತ್ತುಂಡು .ಇತ್ತೆ ಕೂಡೋರಿ ಸಚಿವನ‌ ಕಥೆಲಾ ಅಂಚನೆ ಉಂಡು.ಅಫ್ಘಾನಿಸ್ಥಾನಡ್ ಸಂಹವನ ಮಾಜಿ ಸಚಿವೆ ಆದ್ ಇತ್ತಿನ ಸಯೀದ್‌ ಸಾದತ್‌, ಜರ್ಮನಿದ ಲೀಪ್‌ಜಿಗ್‌ ಪೆಂಟೆಡ್ ಪುಡ್ ಡೆಲಿವರಿ ಬಾಯ್‌ ಆದ್ ಬೇಲೆ ಮಲ್ತೊಂದು ಉಲ್ಲೆರ್.

ಎಂಕ್ ಕುಟುಂಬ ನಡಪಾಯರೇ ಈ ಬೇಲೆ ಅನಿವಾರ್ಯ ಆದ್ ಉಂಡು ಪಂದ್ ಸಾದತ್‌ ಪಂತೆರ್ .ತಾಲಿಬಾನ್‌ ಸರಕಾರ‌ ಬತ್ತಿ ಬೊಕ್ಕ ಅಪ್ಘಾನ್‌ ರ್ದ್ ಜೀವರಕ್ಷಣೆಗಾದ್ ಈ ದುಂಬುದ ಸರಕಾರದ ಸಚಿವೆರ್ ಊರು ಬುರ್ದು ಬೇತೆ ದೇಶಗ್ ಪಲಾಯನ ‌ಮಲ್ತ್ ಇತ್ತೆರ್ .‌‌

ಶ್ರೀಲಂಕಾಗ್ 2.5 ಶತ ಕೋಟಿ ಡಾಲರ್ ಸಾಲ ಕೊರಿಯೆರೆ ಪಾತೆರ ಕೊರಿನ ಚೀನಾ

ಕೊಲಂಬೊ: ಶ್ರೀಲಂಕಾಗ್ 2.5 ಶತಕೋಟಿ ಡಾಲರ್‌ ಸಾಲ ಸೌಲಭ್ಯ ಕೊರಿಯೆರೆ ಚೀನಾ ಚಿಂತನೆ ನಡಪಾದುಂಡು ಪಂದ್ ಚೀನಾದ ರಾಯಭಾರಿ ಕಿ ಝೆನ್‌ಹಾಂಗ್‌ ಪಂಡೆರ್ .

ಭಾರತ ಶ್ರೀಲಂಕಾಗ್ ಒಂಜಿ ಶತಕೋಟಿ ಡಾಲರ್‌ ಸಾಲ ಸೌಲಭ್ಯ ಕೊರ್ಪಿನ ಘೋಷಣೆ ಮಲ್ತಿನ ಬೆರಿಟ್ಟೆ ಚೀನಾಲಾ ಈ ಹೇಳಿಕೆ ಕೊರ್ತುಂಡು .

ಪೊಲ್ಲುನ ಮೆಷಿನ್,ಲ್ಯಾಪ್ ಟಾಪ್ ಸೌಲಭ್ಯಗ್ ಅರ್ಜಿ ದ ಲೆಪ್ಪೋಲೆ

ಒಡಿಪು : ವಿಕಲಚೇತನೆರ್ನ ಬೊಕ್ಕ ಪೆರಿಯ ನಾಗರಿಕೆರ್ನ ಸಬಲೀಕರಣ ಇಲಾಖೆ ವತಿರ್ದ್ ಪ್ರಸಕ್ತ ಸಾಲ್ ದ ಜಿಲ್ಲೆಡ್ ಕನಿಷ್ಠ ಎಸೆಸೆಲ್ಸಿ ವ್ಯಾಸಂಗ ಮಲ್ತಿನ ಅಂಚನೆ ವೃತ್ತಿಗ್ ಸಂಬಂಧಿಸಾಯಿನ ಪ್ರಮಾಣ ಪತ್ರ ಉಪ್ಪುನ ಶೇ.೪೦ ಬೊಕ್ಕ ಐರ್ದ್ ಜಾಸ್ತಿ ಶ್ರವಣದೋಷ ಉಪ್ಪುನ ವಿಕಲಚೇತನ ಜೋಕ್ಲೆಗ್ ದರ್ಮಾರ್ಥ ಪೊಲ್ಲುನ ಯಂತ್ರ ಬೊಕ್ಕ ಎಸೆಸೆಲ್ಸಿ ಬೊಕ್ಕ ಉನ್ನತ ವ್ಯಾಸಂಗ ಮಲ್ತೊಂದು ಉಪ್ಪುನ ಶೇ.೪೦ ಬೊಕ್ಕ ಐರ್ದ್ ಜಾಸ್ತೀ ದೃಷ್ಟಿದೋಷವುಪ್ಪುನ ಜೋಕ್ಲೆಗ್ ಉಚಿತ ಲ್ಯಾಪ್‌ಟಾಪ್ ಬೊಕ್ಕ ಬ್ರೈಲ್‌ಕಿಟ್ ಸೌಲಭ್ಯಗಾದ್ ಅರ್ಜಿ ಲೆಪ್ಪೋಲೆ ಉಂಡು .

ಅರ್ಜಿ ಪಾಡೆರೆ ಮಾರ್ಚ್ 31 ಕಡೆತ ದಿನ . ಅರ್ಜಿ ನಮೂನೆ ಬೊಕ್ಕ ಎಚ್ಚದ ಮಾಹಿತಿಗಾದ್ ಜಿಲ್ಲಾ ವಿಕಲಚೇತನೆರ್ನ ಬೊಕ್ಕ ಪೆರಿಯಾ ನಾಗರಿಕೆರ್ನ ಸಬಲೀಕರಣ ಇಲಾಖೆ, ಜಿಲ್ಲಾಧಿಕಾರಿ ಕಛೇರಿ ಸಂಕೀರ್ಣ, ರಜತಾದ್ರಿ, ಮಣಿಪಾಲ ದೂರವಾಣಿ ಸಂಖ್ಯೆ:೦೮೨೦-೨೫೭೪೮೧೦/೮೧ ಕ್ಕ್ ಲೆಪ್ಪು ಕೊರೋಲಿ.

ಸಸಿಹಿತ್ಲು ಭಗವತೀ ತೀಯಾ ಸಂಘ (ರಿ.) ಮುಂಬಯಿ: 67ನೇ ವರ್ಷಾದಿದ ಮಹಾಪೂಜೆ

ಬೊಂಬಾಯಿ : ಸಸಿಹಿತ್ಲು ಶ್ರೀ ಭಗವತೀ ದೇವಲ್ಯಡ್ ವರ್ಷಂಪ್ರತಿ ನಡಪುನ, ನಡಾವಳಿ ಉಚ್ಚಯದ ಪರವಾದ್ 67ನೇ ವರ್ಷಾದಿದ ಮಹಾಪೂಜೆ ಸಂಘದ ಮುತಾಲಿಕೆಡ್ ಬರ್ಪಿನ ತಾರೀಖ್ 02-04-2022ನೇ ಶನಿವಾರದಂದು ಸ್ವಾಮಿ ಶನಿಯಾರ ದಾನಿ , ಎಲ್. ಬಿ. ಎಸ್. ಮಾರ್ಗ, ಸಾಂಗೀಲಾ ಬಿಸ್ಕಿಟ್ ಕಂಪನಿ ಎದುರುಗಡೆ, ಭಾಂಡುಪ್ (ಪ),ಡ್ ನಡಪರೆ ಉಂಡು.

ಈ ಪುಣ್ಯ ಕಜ್ಜಗ್ ಮಾತೆರ್ಲ ಬತ್ತ್ ದ್ ತೀರ್ಥಪ್ರಸಾದ ಸ್ವೀಕಾರ ಮಲ್ತ್ , ಶ್ರೀ ಭಗವತೀ ಅಪ್ಪೆನ ಕೃಪೆಗ್ ಪಾತ್ರರಾವೊಡು ಪಂದ್ ಬಿನ್ನಾಪು ಮಲ್ದೆರ್.ಕಾಂಡೆ 8.30 ಗಂಟೆಗ್ ಗಣಹೋಮ,ಬಯ್ಯಗ್ . 3.00 ಗಂಟೆಗ್ ಕಲಶ ಪ್ರತಿಷ್ಠೆ, ಅಲಂಕಾರ ಪೂಜೆ, ಬಯ್ಯ . 4.00 ಗಂಟೆರ್ದ್ 5.00 ಗಂಟೆ ಮುಟ ಹಳದಿ ಕುಂಕುಮ, ಅವ್ವೆ ದಿನ ಬಯ್ಯಗ್ 4 ಗಂಟೆರ್ದ್ ಶ್ರೀ ಕೃಷ್ಣ ಪ್ರಸಾದಿತ ಸ್ವಾಮಿ ನಿತ್ಯಾನಂದ ಭಜನಾ ಮಂಡಳಿ, ಭಾಂಡುಪ್ ಮೆಕ್ಲೆನೆರ್ದ್, ಭಜನಾ ಲೇಸ್, ರಾತ್ರಿ 6 ಗಂಟೆರ್ದ್ ಧಾರ್ಮಿಕ ಸಭಾ ಕಾರ್ಯಕ್ರಮ – ಸಮಾಜದ ಪೆರಿಯೆರಾಯಿನ ಸಂಸ್ಥೆದ ಆಧಾರ ಸ್ತಂಭ ಶ್ರೀ  ಲಾಜರ್ ಟಿ. ಎಮ್. ಕೋಟ್ಯಾನ್ ಮೆರೆಗ್ ಮಾನದಿಗೆ ಲೇಸ್,ರಾತ್ರಿ 7.00 ಗಂಟೆರ್ದ್ ಬಲಿ ಉಚ್ಚಯ ಬೊಕ್ಕ ಮಹಾ ಮಂಗಳಾರತಿ,ರಾತ್ರಿ 8.00 ಗಂಟೆರ್ದ್ ತೀರ್ಥ ಪ್ರಸಾದ ವಿತರಣೆ ನಡಪರೆ ಉಂಡು.

ಕಾಪುದ ಮಾರಿ ಪೂಜೆ ಜಾತ್ರೆಡ್ ಮುಸ್ಲಿಂ ದಕ್ಲೆಗ್ ಬೇರ ಮಲ್ಪರೆ ಅವಕಾಶ ಇಜ್ಜಿ

ಕಾಪು : ಕರ್ನಾಟಕ ಸರಕಾರ ಹಿಂದೂ ಧಾರ್ಮಿಕ ಧರ್ಮಾದಾಯ ದತ್ತಿ ಇಲಾಖೆದ ಅಧೀನಡ್ ಉಪ್ಪುನ ಕಾಪು ಮಾರಿಗುಡಿ ದೇವಲ್ ಯಡ್ ಮಾ. 22 ಬೊಕ್ಕ 23ಕ್ಕ್ ನಡಪರೆ ಉಪ್ಪುನ ಸುಗ್ಗಿ ಮಾರಿ ಪೂಜೆ ಜಾತ್ರೆಡ್ ಮುಸ್ಲಿಮ್ ದಕ್ಲೆಗ್ ಬೇರ ಮಲ್ಪರೆ ಅಂಗಡಿ ಕೊರಂದೆ ಉಪ್ಪುನೆತ್ತ ಬಗ್ಗೆ ದೇವಸ್ಥಾನದ ಆಡಳಿತ ಮಂಡಳಿ ನಿರ್ಧಾರಗ್ ತೀವ್ರ ವಿರೋಧ ವ್ಯಕ್ತ ಆತುಂಡು , ಜಿಲ್ಲಾಡಳಿತ ಆಯಿನಾತ್ ಬೇಗ ಮಧ್ಯ ಪ್ರವೇಶ ಮಲ್ತ್ ಸಂವಿಧಾನ ವಿರೋಧಿ ನಿರ್ಣಯದ ವಿರುದ್ಧ ಕ್ರಮ ದೆತೊನೊಡು ಪಂದ್ ಒತ್ತಾಯ ಮಲ್ದೆರ್ .

ಹಿಂದೂ ಜಾಗರಣಾ ವೇದಿಕೆ ಗುರುವಾರ ಕಾಪು ಪುರಸಭೆತ ಮುಖ್ಯಾಧಿಕಾರಿಲೆಗ್ ಬೊಕ್ಕ ಮೂಜಿ ಮಾರಿಗುಡಿತ ಆಡಳಿತ ಮಂಡಳಿಗ್ ಬಿನ್ನಾಪು ಮಲ್ತ್ ಮಾರಿಪೂಜೆಡ್ ಒವ್ವೆ ಮುಸ್ಲಿಮ್ ದಕ್ಲೆಗ್ ಅಂಗಡಿ/ಸ್ಟಾಲ್‌ ಪಾಡೆರೆ ಅವಕಾಶ ಕೊರಿಯೆರೆ ಬಲ್ಲಿ ಪಂದ್ ಪಂಡೆರ್.

ಒಡಿಪುರ್ದು ಬೊಕ್ಕ ಕುಡ್ಲಡ್ಲಾ ದಕ್ಷಿಣ ಮುಸ್ಲಿಂ ಬೇರದಕ್ಲೆಗ್ ಆರ್ಥಿಕ ಬಹಿಷ್ಕಾರ

ಕುಡ್ಲ : ಒಡಿಪುರ್ದು ಬೊಕ್ಕ ಕುಡ್ಲಡ್ಲ ಮುಸ್ಲಿಂ ಬೇರೆದಕ್ಲೆಗ್ ಆರ್ಥಿಕ ಬಹಿಷ್ಕಾರ ದುಂಬರಿದುಂಡು . ಕುಡ್ಲದ ಮಾಮಲ್ಲ ಜಾತ್ರೆ ಪಂದೆ ಪುಗಾರ್ತೆ ಪಡೆಯಿನ ಪುತ್ತೂರು ಮಹಾಲಿಂಗೇಶ್ವರ ದೇವೆರ್ನ ಉಚ್ಚಯ , ಬಪ್ಪನಾಡು ದುರ್ಗಾಪರಮೇಶ್ವರಿ ದೇವಸ್ಥಾನ ಬೊಕ್ಕ ಮಂಗಳಾದೇವಿ ದೇವಸ್ಥಾನದ ಉಚ್ಚಯಡ್ ಮುಸ್ಲಿಂ ಬೇರದಕ್ಲೆಗ್ ಆರ್ಥಿಕ ನಿರ್ಬಂಧ ಪಾಡ್ದೆರ್.

ಪುತ್ತೂರುದ ಮಹಾತೋಭಾರ ಮಹಾಲಿಂಗೇಶ್ವರ ದೇವಲ್ಯದ ಜಾತ್ರಾ ಉಚ್ಚಯಡ್ ಬೇತೆ ಜಾತಿದ ಬೇರದಕ್ಲೆಗ್ ಅವಕಾಶ ಇಜ್ಜಿ ಪಂದ್ ದೇವಲ್ಯದ ಆಡಳಿತ ಮಂಡಳಿ ಅಧಿಕೃತವಾದ್ ಘೋಷಣೆ ಮಲ್ದುಂಡು.

ಈ ಬಗ್ಗೆ ಮಾಹಿತಿ ಕೊರಿನ ಕುಡ್ಲ ನಗರ ಪೊಲೀಸ್ ಕಮೀಷನರ್ ಎನ್. ಶಶಿಕುಮಾರ್, ಈ ಸಂಬಂಧ ದೇವಸ್ಥಾನದ ಆಡಳಿತ ಮಂಡಳಿ, ತಹಶೀಲ್ದಾರೆರ್ನ ಒಟ್ಟುಗು ಪಾತೆರ್ದ . ಬ್ಯಾನರ್ ಏರ್ ಪಾಡ್ದೆರ್ ಪನ್ಪಿನೆತ್ತ ಬಗ್ಗೆ ಮಾಹಿತಿ ಕೊರ್ಪ . ಬಪ್ಪನಾಡು ಆಡಳಿತ ಮಂಡಳಿ ನಿಯಮದ ಪ್ರಕಾರ ಹಿಂದ ಜನಕ್ಲೆಗ್ ಬುರ್ದು ಬೇತೆ ಏರೆಗ್ಲಾ ಬೇರ ಮಲ್ಪರೆ ಅವಕಾಶ ಇಜ್ಜಿ ಪಂದ್ ಕುಡ್ಲದ ನಗರ ಪೊಲೀಸ್ ಕಮೀಷನರ್ ಎನ್. ಶಶಿಕುಮಾರ್ ಪಂಡೆರ್.

ಸೈನ್ಯಗ್ ಸೇರುನ ಆಸೆಡ್ ಬೇಲೆ ಮುಗಿತ್ ದಿನಾಲ ಪತ್ತ್ ಕಿಲೋಮೀಟರ್ ಬಲ್ತೊಂದು ಇಲ್ಲ್ ಸೇರಿನ ಜವಣ್ಯೆ

ಬೆಂಗ್ಳೂರು : ಮೆಕ್ ಡೊನಾಲ್ಡ್ ಕಂಪನಿಡ್ ಬೇಲೆ ಮಲ್ತೊಂದು ಇತ್ತಿನ 19 ವರ್ಷದ ಜವಣ್ಯೆ ತನ್ನ ಬೇಲೆ ಆದ್ ದಿನಾಲ ಬರೋಬ್ಬರಿ ಪತ್ತ್ ಕಿಲೋಮೀಟರ್ ಬಲ್ತ್ ಇಲ್ಲ್ ಸೇರೊಂದು ಇತ್ತೇ . ಜನ ಕೇನ್ನಗ ತಾನ್ ಸೈನ್ಯಗ್ ಸೇರುನ ನೆಲೆಟ್ಟ್ ಇಂಚ ಬೇಲೆ ಆದ್ ಬಲ್ತ್ ಅಭ್ಯಾಸ ಮಲ್ತೊಂದು ಉಲ್ಲೆರ್ ಪನ್ಪಿನ ವಿಡಿಯೋ ಸಾಮಾಜಿಕ ಜಾಲತಾಣಡ್ ವೈರಲ್ ಆತುಂಡು .

ಈ ವಿಡಿಯೋ ತೂಯಿನ ನಿವೃತ್ತ ಜನರಲ್ ಸತೀಶ್ ದುವಾ ಜವಣ್ಯಗ್ ಸೈನ್ಯಗ್ ಸೇರೆರೆ ಮಾತಾ ರೀತಿದ ತರಬೇತಿ ಕೊರಿಯೆರೆ ತಯಾರ್ ಆದ್ ಉಲ್ಲಾ ಪಂದ್ ಟ್ವೀಟ್ ಮಲ್ದೆರ್.

ಭಾರತ್ ಸ್ಕೌಟ್ಸ್ ಅಂಡ್ ಗೈಡ್ಸ್ ಜಿಲ್ಲಾ ಸಂಸ್ಥೆ ಒಡಿಪು : ಪ್ಲಾಸ್ಟಿಕ್ ರಹಿತ ಪರಿಸರಗಾದ್ ಪರಿಸರಸ್ನೇಹಿ ಬ್ಯಾಗ್ ಮಲ್ಪುನ ಲೇಸ್

ಕಾರ್ಲ : ಭಾರತ್ ಸ್ಕೌಟ್ ಆಂಡ್ ಗೈಡ್ಸ್,ಜಿಲ್ಲಾ ಸಂಸ್ಥೆ ಒಡಿಪು ,ಕೈತಲ್ ದ ಸಂಸ್ಥೆ ಕಾರ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ,ಭುವನೇಂದ್ರ ಆಂಗ್ಲಮಾಧ್ಯಮ ಶಾಲೆಡ್ ಕೋಡೆ ಪ್ಲಾಸ್ಟಿಕ್ ರಹಿತ ಪರಿಸರಗಾದ್ ,ಪರಿಸರ ಸ್ನೇಹಿ ಬ್ಯಾಗ್ ಪನ್ಪಿನ ಲೇಸ್ ನ್ ವನ್ನು ಸ್ಕೌಟ್ ಗೈಡ್ಸ್ ವತಿರ್ದ್ ಅಟ್ಟನೆ ಮಲ್ತ್ ಇತ್ತೆರ್. ಈ ಲೇಸ್ ಡ್ ಜಿಲ್ಲಾ ಗೈಡ್ ಆಯುಕ್ತೆರಾಯಿನ ಜ್ಯೋತಿ ಜೆ ಪೈ,ತರಬೇತಿ ಆಯುಕ್ತೇರಾಯಿನ ಸಾವಿತ್ರಿ ಮನೋಹರ್,ಕೈತಲ್ ದ ಸಂಸ್ಥೆದ ಉಪಾಧ್ಯಕ್ಷೆರಾಯಿನ ಜಗದೀಶ್ ಹೆಗ್ಡೆ, ಪಾಲ್ ಪಡೆದಿತ್ತೆರ್.

ಲೇಸ್ ದ ಗುರ್ಕಾರ್ಲಾಯಿನ ಜ್ಯೋತಿ ಪೈ ಮೇರ್ ಸ್ಕೌಟ್ ಗೈಡ್ ಚಿಹ್ನೆ ಇತ್ತಿನ ಕೈಚೀಲನ್ ಬುಡುಗಡೆ ಮಲ್ತೆರ್.ಈ ಪೊರ್ತುಡು ಸ್ಕೌಟ್ ಟ್ರೂಪ್ ನಾಯಕ ಪ್ರಥ್ವಿರಾಜ್,ಗೈಡ್ ಟ್ರೂಪ್ ನಾಯಕಿ ಹಸ್ನ ಸಾಂಕೇತಿಕದ್ ಮಾತಾ ಸ್ಕೌಟ್ ಗೈಡ್ ಪರವಾದ್ ಬ್ಯಾಗ್ ಸ್ವೀಕಾರ ಮಲ್ತೆರ್.

 

Bharat Scouts and Guides association Udupi :

A programme to make environment friendly bags

Karkala: Bharat Scouts and Guides Udupi and Karkala came together to organise a programme at Buvanendra English medium school, Karkala, to make environment friendly bags for a plastic free environment.
Jyoti J Pai , District Scouts commissioner ; Savitri Manohar Training commissioner, Jagdish Hegde and others participated in the program.
Jyoti J Pai who presided over the function , released the bags which has Guides logo on it.
Scouts troupe leader Prithviraj Guides troupe leader Hasna accepted the bags on behalf of all scouts and guides.

You Missed