Sat. Nov 21st, 2026

ಊರ್ದ ಸುದ್ದಿ Regional News

ಕಾರ್ಲ: ಡಾ. ಟಿಎಂಎ ಪೈ ರೋಟರಿ ಆಸ್ಪತ್ರೆಗ್ ಎನ್‌ಬಿಎಚ್ ಮಾನ್ಯತೆ

ಕಾರ್ಲ : ಡಾ. ಟಿಎಂಎ ಪೈ ರೋಟರಿ ಆಸ್ಪತ್ರೆಗ್ ಎನ್ಎಬಿಎಚ್ ಮಾನ್ಯತೆ ಬೈದುಂಡು . ಮಾಹೆ ಮಣಿಪಾಲದ ಸಹ ಕುಲಾಧಿಪತಿ ಡಾ. ಎಚ್.ಎಸ್. ಬಲ್ಲಾಳ್ ಬೊಕ್ಕ ಉಪಕುಲಪತಿಲಾಯಿನ ಲೆಫ್ಟಿನೆಂಟ್ ಜನರಲ್ ಡಾ. ಎಂ.ಡಿ. ವೆಂಕಟೇಶ್ ಮೇರ್ ಕಾರ್ಲಾ ಡಾ. ಟಿಎಂಎ ಪೈ ರೋಟರಿ ಆಸ್ಪತ್ರೆದ ಮುಖ್ಯ ವೈದ್ಯಾಧಿಕಾರಿ ಡಾ. ಕೀರ್ತಿನಾಥ ಬಲ್ಲಾಳ, ಗುಣಮಟ್ಟ ಅನುಷ್ಠಾನದ ಸಲಹೆಗಾರೆರಾಯಿನ ಡಾ. ಸುನೀಲ್ ಸಿ. ಮುಂಡೂರ್, ಸಹ ವ್ಯವಸ್ಥಾಪಕ ನಟೇಶ್ ಮೆರೆಗ್ ಪ್ರಮಾಣಪತ್ರನ್ ಕೊರಿಯೆರ್ .

ರೋಗಿಲೆನ ಆರೈಕೆ, ರೋಗಿಲೆನ ಶಿಕ್ಷಣ ಬೊಕ್ಕ ಅರಿವು, ಶುಶೂಷ ಆರೈಕೆದ ಗುಣಮಟ್ಟ, ಸಂವಹನ ಬೊಕ್ಕ ಮಾರ್ಗದರ್ಶನ, ಸೋಂಕು ನಿಯಂತ್ರಣ ಅಭ್ಯಾಸದಂಚಿನ ಮಾತಾ ಆಸ್ಪತ್ರೆದ ಮಾತಾ ಕ್ಷೇತ್ರಡ್ ಎನ್ಎಬಿಎಚ್ ಗುಣಮಟ್ಟನ್ ತೂಪಿನ ಸೌಲಭ್ಯಗ್ ಈ ಮಾನ್ಯತೆ ಕೊರೊಂದು ಉಲ್ಲೆರ್ .

ಧರ್ಮಸ್ಥಳಡ್ ಮಾರ್ಚ್ 29 ಗ್ ಯೋಗ ಉಚ್ಚಯ

ಧರ್ಮಸ್ಥಳ: ಮಾರ್ಚ್ 29 ತಾರೀಖ್ ಗ್ , ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ ವೀರೇಂದ್ರ ಹೆಗ್ಡೆರ್ನ ಗುರ್ಕಾರ್ಮೆಡ್ ಕೇಂದ್ರ ಆಯುಷ್ ಮಂತ್ರಾಲಯ ವತಿರ್ದ್ ಯೋಗ ಮಹೋತ್ಸವದ ನೆಲೆಟ್ಟ್ ಯೋಗ ಪ್ರಾತ್ಯಕ್ಷಿಕೆ ಬೊಕ್ಕ ಕಾರ್ಯಾಗಾರ ನಡಪರೆ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್ .

Yoga festival in Dharmasthala on March 29th .

Dharmasthala: A yoga workshop and demonstration camp has been arranged at Dharmasthala on March 29th by the central ministry of Ayush, under yoga mahotsav scheme.
The program will be presided by Dr D Veerendra Hegggade of Dharmasthala said sources.

 

ವಿಜಯಪುರಡ್ ಭೂಕಂಪ : ಭಾರೀ ಶಬ್ದಗ್ ಪೋಡಿದ್ ಪೋಯಿನ ಜನಕುಲು

ವಿಜಯಪುರ : ಬಸವನ ಬಾಗೇವಾಡಿ ಪೇಂಟೆದ ಉಕ್ಕಲಿ ಗ್ರಾಮಡ್ 10 ಕಿಮೀ ದೂರಡ್ 3.5 ತೀವ್ರತೆದ ಭೂಕಂಪ ದಾಖಲಾತುಂಡು ಪಂದ್ ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಮೇಲ್ವಿಚಾರಣಾ ಕೇಂದ್ರದ ಅಧಿಕಾರಿಲೂ ಮಾಹಿತಿ ಕೊರ್ತೆರ್ . ವಿಜಯಪುರ ನಗರ ಸೇರಿನಂಚ ಕೈತಲ್ ದ ಗ್ರಾಮಡ್ ಭೂಕಂಪ ಆತ್oಡ್ . ಮಾ. 22 ಕ್ಕ್ ಕಾಂಡೆ 11.22 ಕ್ ಭೂಮಿ ಕಂಪನ ಆಯಿನ ಅನುಭವ ಆತುಂಡು . ಭೂಕಂಪದ ಅನುಭವಟ್ ಜನಕುಲು ಪೋಡಿದ್ ಪೋತೆರ್ . ಭೂಕಂಪನದ ತೀವ್ರತೆ ಕೆಲವು ಸಲ ರಿಕ್ಟರ್ ಮಾಪನಡ್ ದಾಖಲಾಂಡ , ಕೆಲವು ಸಲ ಮಾಪನಡ್ ದಾಖಲ್ ಆತ್ಜಿ .

ನ್ಯಾಯವಾದಿ ಶ್ರೀಮತಿ ಶೈಲಜಾ ರಾಜೇಶ್ ಮೆರೆಗ್ ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ,ವಿಟ್ಲ ಬೊಕ್ಕ ಇರಾ ಗ್ರಾಮ ಪಂಚಾಯತ್ ಒಟ್ಟು ಸೇರಿಗೆಡ್ ಮಾನದಿಗೆ

ಒಡಿಪು : ಪ್ರತಿಷ್ಠಿತ ರಾಜ್ಯ ಕಿತ್ತೂರು ರಾಣಿ ಚೆನ್ನಮ್ಮ ಪ್ರಶಸ್ತಿ ಪುರಸ್ಕೃತೆ,ರಾಜ್ಯ ಮಹಿಳಾ ರತ್ನ ಪ್ರಶಸ್ತಿ ಪುರಸ್ಕೃತೆ, ವಾತ್ಸಲ್ಯಮಯಿ ಮಾತೇ ನ್ಯಾಯವಾದಿ ಶ್ರೀಮತಿ ಶೈಲಜಾ ರಾಜೇಶ್ ಮೆರೆನ್ ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ,ವಿಟ್ಲ ಬೊಕ್ಕ ಇರಾ ಗ್ರಾಮ ಪಂಚಾಯತ್ ಒಟ್ಟು ಸೇರಿಗೆಡ್ ,ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಪ್ರಯುಕ್ತ,ಇರ ಗ್ರಾಮ ಪಂಚಾಯತ್ ಸೋಮನಾಥೇಶ್ವರ ಸಭಾಂಗಣಡ್ ಮಾನದಿಗೆ ಮಲ್ತೆರ್ .

ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಜಾತ್ರೋಚ್ಚಯದ ಲೆಪ್ಪೋಲೆ ಬುಡುಗಡೆ

ಪುತ್ತೂರು:ಮಾ 22: ಇತಿಹಾಸ ಪ್ರಸಿದ್ಧ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಎ.10ರ್ದ್ ನಡಪುನ ವರ್ಷಾವಧಿ ಉಚ್ಚಯದ ಲೆಪ್ಪೋಲೆ ನ್ ಕೋಡೆ ದೇವಲ್ಯದ ಚಾವಡಿಡ್ ಬುಡುಗಡೆ ಮಲ್ತೆರ್ .

ಎಡ್ಡೆ ಮೂರ್ತ ತೂದು ದೇವಲ್ಯೊದ ಪ್ರಧಾನ ಅರ್ಚಕೆರಾಯಿನ ವಸಂತ ಕೆದಿಲಾಯ ಮೇರ್ ಮುದ್ರಿತ ಲೆಪ್ಪೋಲೆ ನ್ ದೇವಳದ ಸತ್ಯಧರ್ಮ ನಡೆಟ್ ದೀದ್ ಪ್ರಾರ್ಥನೆ ಮಲ್ತೆರ್ . ಐರ್ದ್ ಬೊಕ್ಕ ಲೆಪ್ಪೋಲೆಗ್ ಗಂಧ ಪ್ರಸಾದ ಪಾರ್ದ್ ಪವಿತ್ರ ಮಲ್ತೆರ್.

ದೇವಲ್ಯಡ್ ನಗರಸಭೆ ಗುರ್ಕಾರ್ಲಾಯಿನ ಕೆ.ಜೀವಂಧರ್ ಜೈನ್ ಮೇರ್ ಲೆಪ್ಪೋಲೆ ಬುಡುಗಡೆ ಮಲ್ತೆರ್. ಈ ಪೊರ್ತುಡು ದೇವಳದ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ಕೇಶವಪ್ರಸಾದ್ ಮುಳಿಯ, ಸದಸ್ಯೆರಾಯಿನ ರಾಮಚಂದ್ರ ಕಾಮತ್, ರವೀಂದ್ರನಾಥ ರೈ ಬಳ್ಳಮಜಲು, ಶೇಖರ ನಾರಾವಿ, ಬಿ. ಐತ್ತಪ್ಪ ನಾಯ್ಕ ಬಿ.ಕೆ. ವೀಣಾ, ರಾಮ್ಹಾಸ್ ಗೌಡ,ಡಾ.ಸುಧಾ ಎಸ್. ರಾವ್, ಕಚೇರಿ ವ್ಯವಸ್ಥಾಪಕ ಹರೀಶ್ ಶೆಟ್ಟಿ, ಉಪನ್ಯಾಸಕ ಡಾ| ರಾಜೇಶ್ ಬೆಜ್ಜಂಗಳ, ರೋಟರಿ ಸದಸ್ಯ ವಿಶ್ವಾಸ್ ಶೆಣೈ, ಕೆಡಿಪಿ ಸದಸ್ಯ ವಿಜಯ ಬಿ.ಎಸ್, ದೇವಳದ ಮಾಜಿ ಆಡಳಿತಾಧಿಕಾರಿ ಸೂರಪ್ಪಗೌಡ, ಗೋಪಾಲ್ ನ್ಯಾಕ್ ಪಾಲ್ ಪಡೆದಿತ್ತೆರ್.

ಶ್ರೀ ಜಯದುರ್ಗಾಪರಮೇಶ್ವರಿ ದೇವಸ್ಥಾನ : ಕನ್ನರ್ಪಾಡಿ ಶ್ರೀ ಜಯದುರ್ಗಾ ಅಪ್ಪೆನ ಬ್ರಹ್ಮಕುಂಭಾಭಿಷೇಕ

ಒಡಿಪು : ತಾರೀಖ್ 2/4/2022 ನೇ ಸೋಮಾರರ್ದ್ 10/4/2022 ನೇ ಐತಾರ ಮುಟ ಇತಿಹಾಸ ಪ್ರಸಿದ್ಧ ಶ್ರೀ ಜಯದುರ್ಗಾಪರಮೇಶ್ವರಿ ದೇವೆರೆಗ್ “ಅಷ್ಟಬಂಧ ಬ್ರಹ್ಮಕುಂಭಾಭಿಷೇಕ ” ನಡಪರೆ ಉಂಡು.

ಈ ನೆಲೆಟ್ಟ್ ಎ.2 ಕ್ಕ್ ಋತ್ವಿಜರ ಸ್ವಾಗತ, ಸಾಮೂಹಿಕ ಪ್ರಾರ್ಥನೆ, ತೋರಣ ಮುಹೂರ್ತ, ಪುಣ್ಯಾಹ ವಾಚನ, ಉಗ್ರಾಣ ಮುಹೂರ್ತ,
ನಾಂದೀ, ಕಂಕಣಬಂಧ, ಅರಣಿಮಥನ, ಬ್ರಹ್ಮಕೂರ್ಚಹೋಮ, 12ಕಾಯಿ ಗಣಹೋಮ, ಮೂಲ ಮಂತ್ರ ಹೋಮ,ಸಪ್ತಶುದ್ಧಿ, ಗೋಪೂಜೆ, ಪ್ರಾಸಾದಶುದ್ಧಿ, ರಾಹೋಮ, ವಾಸ್ತುಹೋಮ, ಸುಬ್ರಹ್ಮಣ್ಯ ಬಿಂಬಾಧಿವಾಸ ನಡಪರೆ ಉಂಡು.

ಎ.3 ನೇ ಐತಾರ ಕಾಂಡೆ ಆದ್ಯಗಣಹೋಮ, ದುರ್ಗಾಶಾಂತಿ ಹೋಮ, ದೇವೀ ಪುನಃ ಪ್ರತಿಷ್ಠೆ, ಅಷ್ಟಬಂಧ, ಸುಬ್ರಹ್ಮಣ್ಯ ಪ್ರತಿಷ್ಠೆ, ಶಕ್ತಿಯಾಗ, ಪೀಠಿಕಾಯಾಗ, ಪ್ರತಿಷ್ಠಾಹೋಮ,ಆಶ್ಲೇಷಾಬಲಿ, ನವಕಪಧಾನಹೋಮ, ಸುಬ್ರಹ್ಮಣ್ಯ ಕಲಶಾಧಿವಾಸ ಹೋಮ ಭೂವರಾಹ ಮಂತ್ರಹೋಮ, ಶಕ್ತಿದಂಡಕ ಪೂಜೆ, ದೀಪ ನಮಸ್ಕಾರ, ಕಲ್ಕುಡ, ರಕ್ತೇಶ್ವರಿ , ನಂದಿಗೋಣ, ಕ್ಷೇತ್ರಪಾಲ ದೈವೊಲೆಗ್ ನವಕ ಪ್ರಧಾನ ಹೋಮ ನಡಪರೆ ಉಂಡು.

ಎ.4ನೇ ಸೋಮಾರ ದಾನಿ
ಅದ್ಯಗಣಹೋಮ, ದುರ್ಗಾಪ್ರಾಯಶ್ಚಿತ್ತ ಹೋಮ, ಮಹಾಮೃತ್ಯುಂಜಯ ಹೋಮ, ಶ್ರೀ ಸೂಕ್ತ ಪುರುಷಸೂಕ್ತ ಹೋಮ, ನವಗ್ರಹ ಹೋಮ ಮಹಾಸುದರ್ಶನ ಹೋಮ, ಆಘೋರ ಹೋಮ, ವನದುರ್ಗಾಹೋಮ ನಡಪರೆ ಉಂಡು.

ಎ.5 ಕ್ಕ್ ಅಂಗಾರೆ ದಾನಿ
ಆದ್ಯಗಣಹೋಮ, ಮೂಲಮಂತಹೋಮ, ದುರ್ಗಾಹೋಮ, ಗಣಪತಿ ಕುಶಾಧಿವಾಸ ಹೋಮ, ತತ್ತಹೋಮ,ಮಂಟಪಸಂಸ್ಕಾರ
ವಾಸ್ತುಪೂಜೆ, ಮಂಡಲ ರಚನೆ, ಗೋಪುರ ಶಿಖರ ಪ್ರತಿಷ್ಠ ನಡಪರೆ ಉಂಡು.

ಎ.6ಕ್ಕ್ ಬುದಾರ ದಾನಿ ಕಾಂಡೆ,ಅದ್ಯಗಣಹೋಮ, ಮೂಲಮಂತ್ರಹೋಮ,ಕಾಂಡೆ ಗಂಟೆ 9.10ಕ್ ಬರ್ಪಿನ ವೃಷಭಲಗ್ನ ಸುಮುಹೂರ್ತಡ್ ಬ್ರಹ್ಮಕುಂಭಾಭಿಷೇಕ, ಪಲ್ಲಪೂಜೆ,ಸಾರ್ವಜನಿಕ ಅನ್ನಸಂತರ್ಪಣೆ ಉತ್ಸವ, ರಂಗಪೂಜೆ, ಭೂತಬಲಿ ನಡಪರೆ ಉಂಡು.ಎ.7 ಕ್ಕ್ ಗುರುವಾರದಾನಿ ಕಾಂಡೆ ಸಂಕ್ಷಣೆ, ನವಚಂಡಿಕಾಯಾಗ ನಡಪೆರೆ ಉಂಡು.

ಎಲ್ಲೆ ಬುಡುಗಡೆ ಆಯರೇ ಉಂಡು ಮಗನೇ ಮಹಿಷ ಸಿನೆಮಾದ 2ನೇ ಪದ ಚಂದನ ಸಿರಿ

ಕುಡ್ಲ : ಮಗನೇ ಮಹಿಷ ಸಿನೆಮಾದ 2ನೇ ಪದ್ಯ ಚಂದನ ಸಿರಿ ಮಾರ್ಚ್ 23 ಎಲ್ಲೆ ಬಯ್ಯ 5 ಗಂಟೆಗ್ ವೀರು ಟಾಕೀಸ್ ಯೂಟ್ಯೂಬ್ ಚಾನೆಲ್ಡ್ ಬುಡುಗಡೆ ಆಯರೇ ಉಂಡು.

ಈ ಪದಕ್ ಮನೋಮೂರ್ತಿ ಸಂಗೀತ ಕೊರ್ತೆರ್,ಅಂಚನೇ ಅನುರಾಧ ಭಟ್ ಮೆರೆನ ಪೊರ್ಲ ಸೊರಟ್ ಸೊರ ಕೊರ್ತೆರ್.

ಶ್ರೀ ರಕ್ತೇಶ್ವರಿ ದೈವಸ್ಥಾನ : 60 ವರ್ಷಗೊರ ನಡಪುನ ಶ್ರೀ ರಕ್ತೇಶ್ವರಿ ಬೊಕ್ಕ ವ್ಯಾಘ್ರ ಚಾಮುಂಡಿ ದೈವದ ಗಡುವಾಡು ನೇಮೋಚ್ಚಯ

ಒಡಿಪು : ಶ್ರೀ ಕ್ಷೇತ್ರ ಕುಂಟಾಡಿ ಶ್ರೀ ರಕ್ತೇಶ್ವರಿ ದೈವಸ್ಥಾನಡ್ ತಾರೀಖ್ 27-03-2022ನೇ ಐತಾರ ದಾನಿ ಕುಂಟಾಡಿ ಬಂಜಿನಡ್ಕ ತಾವುಡು ಶ್ರೀ ರಕ್ತೇಶ್ವರಿ ಬೊಕ್ಕ ವ್ಯಾಘ್ರ ಚಾಮುಂಡಿ ದೈವದ 60 ವರ್ಷಗೊರ ನಡಪುನ ಗಡುವಾಡು ನೇಮೋಚ್ಚಯ ವೇದಮೂರ್ತಿ ಪುತ್ತೂರು ಶ್ರೀ ಶ್ರೀನಿವಾಸ ತಂತ್ರಿಲೆನ ಮುತಾಲಿಕೆಡ್ ನಡಪೆರೆ ಉಂಡು.

ಆ ನೆಲೆಟ್ಟ್ ಭಕ್ತಾಭಿಮಾನಿಲಾಯಿನ ಮಾತೆರ್ಲ ಈ ಪುಣ್ಯ ಕಜ್ಜಾಡ್ ಪಾಲ್ ಪಡೆದ್ ತನು-ಮನ-ಧನಟ್ ಸಾಕಾರ ಕೊರ್ದು , ಶ್ರೀ ದೈವದ ಸಿರಿಮುಡಿ ಗಂಧ-ಪ್ರಸಾದ ಸ್ವೀಕಾರ ಮಲ್ತ್ , ಶ್ರೀ ದೈವದ ಕೃಪೆಗ್ ಪಾತ್ರರಾವೊಡು ಪಂದ್ ಬಿನ್ನಾಪು ಮಲ್ದೆರ್.

ಈ ನೆಲೆಟ್ಟ್ ಮಾ.23 ನೇ ಸೋಮಾರದಾನಿ ಕಾಂಡೆ 9.15ಕ್ ಕೋರಿದ ಕಟ್ಟ, ಐರ್ದ್ ಬೊಕ್ಕ ಹಿರ್ತಬೆಟ್ಟು ಗುತ್ತುರ್ದು ಶ್ರೀ ದೈವದ ಭಂಡಾರ ಬರಿಯೆರೆ ಉಂಡು. ಕಾಂಡೆ 11 ಗಂಟೆಗ್ ನವಕ ಪ್ರಧಾನ ಹೋಮ,12 ಗಂಟೆಗ್ ಕಲಶಾಭಿಷೇಕ,ಮಧ್ಯಾಹ್ನ ಮಹಾಪೂಜೆ, ಮಧ್ಯಾಹ್ನ 12:30 ಕ್ ನಂದಿಗೊಣ ಹೋಮ ನಡಪರೆ ಉಂಡು.ಐರ್ದ್ ಬೊಕ್ಕ
ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು.

ಮೊಗವೀರ ಯುವ ಸಂಘಟನೆ (ರಿ.): ಹಿರಿಯಡಕ ಘಟಕದ ಪೊಸ ಪದುಕೆರ್ನ ಪದ ಪ್ರಧಾನ ಲೇಸ್

ಒಡಿಪು : ನಾಡೋಜ ಡಾ|| ಜಿ. ಶಂಕರ್ ಮೆರೆನ ಮಾರ್ಗ ದರ್ಶನಡ್ ದುಂಬು ಪೋವೊಂದು ಉಪ್ಪುನ ಮೊಗವೀರ ಯುವ ಸಂಘಟನೆ (ರಿ.) ಒಡಿಪು ಜಿಲ್ಲೆದ ಹಿರಿಯಡಕ ಘಟಕದ ಪೊಸ ಪದುಕೆರ್ನ ಪದ ಪ್ರಧಾನ ಲೇಸ್ ತಾರಿಕ್ 20-03-2022 ನೇ ಐತಾರ , ಮಾಧವ ಮಂಗಲ ಸಭಾ ಭವನ ಹಿರಿಯಡಕಡ್ ನಡತುಂಡು .

ಮಲ್ಲ ಬಿನ್ನೆರ್ ಆದ್ ದ.ಕ. ಜಿಲ್ಲಾ ಮೀನು ಮಾರಾಟ ಫೆಡರೇಶನ್ ನಿ. ಕುಡ್ಲದ ನೆತ್ತ ಗುರ್ಕಾರ್ಲಾಯಿನ ಶ್ರೀ ಯಶ್ಪಾಲ್ ಸುವರ್ಣ, ಮೊಗವೀರ ಯುವ ಸಂಘಟನೆ (ರಿ.) ಒಡಿಪುದ ನಿಕಟಪೂರ್ವ ಗುರ್ಕಾರ್ಲಾಯಿನ ಶ್ರೀ ಶಿವರಾಮ್ ಕೆ. ಎಂ. ಕೋಟ, ಮೊಗವೀರ ಯುವ ಸಂಘಟನೆ (ರಿ.) ಒಡಿಪುದ ಗೌರವ ಸಲಹಾ ಸಮಿತಿಯ ಸದಸ್ಯೆರಾಯಿನ ಶ್ರೀ ರಮೇಶ್ ವಿ. ಕುಂದರ್ ಕೋಟ, ದ.ಕ. ಜಿಲ್ಲಾ ಮಹಾಜನ ಸಂಘ ಉಚ್ಚಿಲ ಇದರ ಆಡಳಿತ ಸಮಿತಿ ಸದಸ್ಯೆರಾಯಿನ ಶ್ರೀ ರವೀಂದ್ರ ಶ್ರೀಯಾನ್, ಬಜೆ ಮೇಲ್ಸಾಲು ಮೊಗವೀರ ಸಂಘ (ರಿ.) ಹಿರಿಯಡಕ ನೆತ್ತ ಮಾಜಿ ಗುರ್ಕಾರ್ಲಾಯಿನ ಶ್ರೀ ಸುಂದರ್ ಕಾಂಚನ್ ಬಜೆ ಮೇಲ್ಸಾಲು ಮೊಗವೀರ ಸಂಘ (ರಿ.) ಹಿರಿಯಡಕ ನೆತ್ತ ಮಾಜಿ ಗುರ್ಕಾರ್ಲಾಯಿನ ಶ್ರೀ ಉದಯ ಬಂಗೇರ ಬಜೆ ಪಾಲ್ ಪಡೆದಿತ್ತೆರ್ . ಮೊಗವೀರ ಯುವ ಸಂಘಟನೆ (ರಿ.) ಒಡಿಪುದ ಹಿರಿಯಡಕ ಘಟಕದ ಗುರ್ಕಾರ್ಲಾಯಿನ ಶ್ರೀ ವಿಜಯ ಮೆಂಡನ್ ಪೊಸ ಗುರ್ಕಾರ್ಲಾಯಿನ ಶ್ರೀ ಮಹೇಶ್ ಪುತ್ರನ್ ಹಿರೇಬೆಟ್ಟು ಮೆರೆಗ್ ಅಧಿಕಾರ ಕೊರಿಯೆರ್ . ಕಾರ್ಯದರ್ಶಿ ಶ್ರೀ ಮಂಜುನಾಥ್ ಮದಗ ಪಾಲ್ ಪಡೆದಿತ್ತೆರ್ , ಶ್ರೀಮತಿ ಸುಮಾ ಕೊಂಡಾಡಿ ಎದುಕೊಂಡೆರ್ . ಶ್ರೀ ಬಾಲಕೃಷ್ಣ ಬಿ. ಕೆ. ಲೇಸ್ ನಡಪಾದ್ ಕೊರಿಯೆರ್ ., ಶ್ರೀ ನವೀನ್ ಕೆ. ಶೆಟ್ಟಿಬೆಟ್ಟು ಸೊಲ್ಮೆ ಸಂದೈತ ಮಲ್ತೆರ್ .

ರೇಡಿಯೋ ಮಣಿಪಾಲ್ 90.4 Mhz, ಎಂ.ಐ.ಸಿ ಕ್ಯಾಂಪಸ್, ಮಣಿಪಾಲ: ದೇಸಿ ಸೊಗಡು ಸಮುದಾಯ ಬಾನುಲಿ

ಒಡಿಪು : ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ“ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ”ಬಾನುಲಿ ಸರಣಿ ಲೇಸ್ ಡ್ ಮಾರ್ಚ್ ತಿಂಗೊಲ್ ದ 22ನೇ ತಾರಿಕ್ ಅಂಗಾರೆ ದಾನಿ ವಿಶ್ವ ಜಲದಿನತ ನೆಲೆಟ್ಟ್ ಬೈಯ್ಯಗ್ 6 ಗಂಟೆಗ್ ಅಂತರ್ಜಲದ ಪ್ರಾಮುಖ್ಯತೆ ಬಗ್ಗೆ ಲೇಸ್ ನಡಪರೆ ಉಂಡು .ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ, ಒಡಿಪು ಪ್ರಾದೇಶಿಕ ಕಚೇರಿದ ಪರಿಸರಾಧಿಕಾರಿ ಡಾ.ಹೆಚ್ ಲಕ್ಷ್ಮೀಕಾಂತ್ ಪಾಲ್ ಪಡೆಯೆರೆ ಉಲ್ಲೆರ್.

ಮಾರ್ಚ್ 23ಕ್ಕ್ ಮಧ್ಯಾಹ್ನ 1ಗಂಟೆಗ್ ನೆತ್ತ ಕುಡ ಪ್ರಸಾರ ಆಯರೇ ಉಂಡು.

You Missed