Sat. Nov 21st, 2026

ಊರ್ದ ಸುದ್ದಿ Regional News

ಕೋವಿಡ್ ಜಾಸ್ತಿ ಆಯಿನೆರ್ದಾವರ ದುಂಬು ಪೋಂಡು ಭಾರತ – ಇಂಗ್ಲೆಂಡ್ ಹಾಕಿ ಪಂಥ

ನವದೆಹಲಿ: ಇಂಗ್ಲೆಂಡ್ ಕೂಟದ ಸದಸ್ಯೆರೆಗ್ ಕೋವಿಡ್‌ ಸೋಂಕು ಪತ್ತೆಯಾಯಿನ ನೆಲೆಟ್ಟ್ ಭಾರತದ ಎದುರು ಇತ್ತಿನ ಎಫ್‌ಐಎಚ್‌ ಪೊಂಜೊವ್ಲೆನ ಪ್ರೊ ಲೀಗ್ ಹಾಕಿ ಪಂಥನ್ ದುಂಬು ಕೊಂತೆರ್ .

ಭುವನೇಶ್ವರದ ಕಳಿಂಗ ಕ್ರೀಡಾಂಗಣಡ್ ಏಪ್ರಿಲ್ ರಡ್ಡ್ ಬೊಕ್ಕ ಮೂಜಿ ತಾರೀಖ್ ಗ್ ಈ ಪಂಥ ನಡಪೊಡಿತ್ತ್oಡ್.
ಈ ಬಗ್ಗೆ ಟ್ವೀಟ್ ಮಲ್ತಿನ ಅಂತರರಾಷ್ಟ್ರೀಯ ಹಾಕಿ ಫೆಡರೇಷನ್‌ (ಎಫ್‌ಐಎಚ್‌) ‘ಇಂಗ್ಲೆಂಡ್‌ ಕೂಟದ ಸದಸ್ಯೆರೆಗ್ ಕೋವಿಡ್‌ ಪತ್ತೆಯಾತುಂಡು ಅಂಚಾದ್ ದುಂಬು ಕೊಂತೆರ್ ಪಂದ್ ಪಂಡೆರ್.

ತುಳು ಕೂಟ ಫೌಂಡೇಶನ್ ನಲಾಸೋಪಾರ; ವಿಶ್ವ ಮಹಿಳಾ ದಿನಾಚರಣೆ

ನಲಾಸೋಪಾರ ಪಶ್ಚಿಮದ ಗ್ಯಾಲೇಕ್ಸಿ ಸಭಾಗೃಹಟ್ಟ್ ತುಳು ಕೂಟ ಫೌಂಡೇಶನ್ ನಲಾಸೋಪಾರ ಉಂದೆತ್ತ ಪೊಂಜೋವ್ ನಕ್ಲೆನ ವಿಭಾಗದ ಮುತಾಲಿಕೆಡ್ ವಿಶ್ವ ಮಹಿಳಾ ದಿನಾಚರಣೆ ನಡತ್ಂಡ್.

 

ಸಮಾರಂಭದ ಅಧ್ಯಕ್ಷೆತೆನ್ ತುಳು ಕೂಟ ಫೌಂಡೇಶನ್ ನಲಾಸೋಪಾರ ಉಂದೆತ್ತ ಅಧ್ಯಕ್ಷೆರ್ ಆಯಿನ ಶಶಿಧರ್ ಕೆ.ಶೆಟ್ಟಿ ಇನ್ನಂಜೆ ವಹಿಸೊಂದೆರ್. ಡಾ. ವಿಜೇತಾ ಎಸ್ ಶೆಟ್ಟಿ ಮುಕುಲ್ ಶೈಕ್ಷಣಿಕ ಕ್ಷೇತ್ರಡ್ ಮಲ್ತಿನ ಸಾಧನೆ ಮುಲ್ಪದ ಜವನ್ಯೆರೆಗ್ ಪ್ರೇರಣೆಯಾವಡ್. ಮುಲ್ಪದ ಯುವ ಪ್ರತಿಭೆಲೆನ್ ಗುರ್ತಿಸಾದ್ ಸನ್ಮಾನ ಮಲ್ತಿನವ್ ಬೇತೆ ಯುವ ಪ್ರತಿಭೆಲೆಗ್ ಪ್ರೋತ್ಸಾಹ ಆವಡ್ ತುಳು ಕೂಟಗ್ ಇತ್ತೆ 5 ವರ್ಷ ಆದಿತ್ತ್ ದ್, ಈ ಕಮ್ಮಿ ಪೊರ್ತುಡ್ ನಮ್ಮ ತುಳುಕೂಟ ಮಲ್ತಿನ ಸಾಧನೆ ಆಪಾರ ಪಂದ್ ಪಂಡೆರ್.

ಬಿಲ್ಲವರ ಅಸೋಷಿಯೇಶನ್ ಸಂಘದ ಉಪಾಧ್ಯಕ್ಷೆರ್ ಜಯಂತಿ ಉಳ್ಳಾಲ್ ಪಾತೆರ್ದ್, ಇತ್ ಮಲ್ಲ ಸಂಖ್ಯೆಡ್ ತುಳು ಭಾಷೆನ್ ಪಾತೆರೊಂದ್ ಇಪ್ಪುನ ಪೊಂಜೋವ್ ನಕ್ಲೆನ್ ತೂನಗ ನಮ್ಮ ಊರುಡೇ ಇತ್ತಿನ ಅನುಭವ ಆಪ್ಂಡ್ ಪಂದ್ ಪಂಡೆರ್. ರಜಕ ಸಂಘ ಬೊಂಬೈ ಪೊಂಜೋವ್ ನಕ್ಲೆನ ವಿಭಾಗದ ಕಾರ್ಯಧ್ಯಕ್ಷೆರ್ ಪ್ರವೀಣಾ ಪಿ. ಕುಂದರ್ ಪಾತೆರ್ದ್ ಇತ್ತೆ ಪೊಂಜೋವ್ ನಕುಲ್ ಒಯಿಟ್ಟ್ ಲ ಕಮ್ಮಿ ಇಜ್ಜೆರ್ ಪಂದ್ ಪಂಡೆರ್.

ಈ ಪೊರ್ತುಡ್ ವಸಾಯಿ-ವಿರಾರ್ ಮಹಾ ನಗರ ಪಾಲಿಕೆದ ಅಸಿಸ್ಟಂಟ್ ಕಮಿಷನರ್ ರೂಪಾಲಿ ರಾಜೇಂದ್ರ ಶಂಖೆ, ಲೇಖಕಿ ಸುರೇಖಾ ಶೆಟ್ಟಿ ವಸಯಿ, ಕ್ರೀಡಾಪಟು ಕ್ರಿತಿ ತೇಜ್ಪಾಲ್ ಕರ್ಕೇರ ವೇದಿಕೆಡ್ ಪಾಲ್ ಪಡೆದಿತ್ತೆರ್. ತುಳು ಕೂಟ ಫೌಂಡೇಶನ್ ನದ ಅಧ್ಯಕ್ಷೆರ್ ಶಶಿಧರ ಕೆ ಶೆಟ್ಟಿ, ಮಾತ ಬಿನ್ನೆರೆಗ್ ಅಂಚನೆ ಪದಾಧಿಕಾರಿಲೆಗ್ ಮಾನಾದಿಗೆ ಮಲ್ತೆರ್.

 

ಮನೋರಂಜನೆದ ಅಂಗವಾದ್ ಬೇತೆ ಬೇತೆ ರೀತಿದ ಭಜನೆ, ನೃತ್ಯ ಕಾರ್ಯಕ್ರಮ ಬೊಕ್ಕ ಮಹಿಳಾ ಸದಸ್ಯೆರ್ದ್ ನಾರಾಯಣ ಶೆಟ್ಟಿ ನಂದಳಿಗೆ ರಚನೇ ಮಲ್ತಿನ, ಚಿತ್ರ ನಟ ಚಂದ್ರಕಾಂತ್ ಸಾಲ್ಯಾನ್ ಸಸಿಹಿತ್ಲು ನಿರ್ದೇಶನ ಮಲ್ತಿನ “ಮಗಲಾಲ್ ಮರ್ಮಾಲತ್ತ್” ತುಳು ನಾಟಕ ಪ್ರದರ್ಶನ ಇತ್ತ್ಂಡ್.

ಎಲ್ಲೆ ಕುಡ್ಲಗ್ ಬರಿಯೆರೆ ಉಲ್ಲೆರ್ ಯುವ ಕಾಂಗ್ರೆಸ್ ರಾಜ್ಯಾಧ್ಯಕ್ಷ ನಲಪಾಡ್

ಕುಡ್ಲ : ಯುವ ಕಾಂಗ್ರೆಸ್ ರಾಜ್ಯಾಧ್ಯಕ್ಷ ಮೊಹಮ್ಮದ್ ಹಾರಿಸ್ ನಲಪಾಡ್ ಮೇರ್ ಮಾರ್ಚ್ 30 ತಾರೀಖ್ ಗ್ ಕುಡ್ಲಗ್ ಭೇಟಿ ಕೊರಿಯೆರೆ ಉಲ್ಲೆರ್ ಪಂದ್ ಕುಡ್ಲದ ಯುವ ಕಾಂಗ್ರೆಸ್ ಅಧ್ಯಕ್ಷ ಸುನೀಲ್ ಪೂಜಾರಿ ಪಂಡೆರ್ .

ಪೇಂಟೆದ ಪ್ರಸ್ ಕ್ಲಬ್ ಡ್ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್ , ನಲಪಾಡ್ ಮೇರ್ 30 ತಾರೀಖ್ ಗ್ ಕಾಂಡೆ 11 ಗಂಟೆಗ್ ಕುಡ್ಲದ ವಿಮಾನ ನಿಲ್ದಾಣಗ್ ಬರ್ರೆ ಉಲ್ಲೆರ್ .
ಮೇರ್ ಪೆಂಟೆಡ್ ನಡಪುನ ಯುವ ಕಾಂಗ್ರೆಸ್ ದ ಬೇತೆ ಬೇತೆ ಲೇಸ್ ಡ್ ಪಾಲ್ ಪಡೆದ್ ಬಯ್ಯಗ್ 6 ಗಂಟೆಗ್ ಬೆಂಗ್ಳೂರುಗು ಪೋಯೆರೆ ಉಲ್ಲೆರ್.

ಆರ್ಚರಿಡ್ ಏಷ್ಯನ್ ಗೇಮ್ಸ್ ಗ್ ಆಯ್ಕೆ ಆವಂದಿನ ದೀಪಿಕಾ

ಸೋನಿಪತ್‌: ವಿಶ್ವಕಪ್‌ಡ್ ಅವ್ವೆತೋ ಸಲ ಬಂಗಾರ್ದ ಪದಕ ಪಡೆಯಿನ ದೀಪಿಕಾ ಕುಮಾರಿ ಮೇರ್ ಏಷ್ಯನ್ ಗೇಮ್ಸ್ ಆರ್ಚರಿ ಪಂಥಗ್ ಭಾರತ ಕೂಟಗ್ ತಾನ ಪಡೆತ್ ಜೆರ್.ಮುಲ್ಪದ ಭಾರತ ಕ್ರೀಡಾ ಪ್ರಾಧಿಕಾರದ (ಸಾಯ್‌) ಕೇಂದ್ರಡ್ ನಡತಿನ ಫೈನಲ್‌ ಲೆಗ್‌ದ ಮೂಜಿ ರೌಂಡ್ ರಾಬಿನ್ ಪಂಥಡ್ ರಡ್ದೆಟ್ಟ್ ಆರ್ ಸೋತೆರ್.

Deepika Kumari fails to find place in the upcoming Asian Games

Sonipath: Deepika Kumari who has won gold medals in the world cup ; has failed to find a place in the archery team for the forthcoming Asian Games.

She lost in two of the three round final league Robin match conducted by the Indian sports authority (SAI).

ಕಾಮನ್ವೆಲ್ತ್ ಏಷ್ಯನ್ ಗೇಮ್ಸ್ ಗ್ ಆಯ್ಕೆ ಆಯಿನ ಕರ್ನಾಟಕದ ಬೆಳ್ಳಿಯಪ್ಪ

ಬೆಂಗ್ಳೂರು: ಕರ್ನಾಟಕದ ಬೆಳ್ಳಿಯಪ್ಪ ಸೇರಿನಂಚ ಆಜಿ ಜನ ದೂರ ಅಂತರದ ಓಟಗಾರೆರ್ ನವದೆಹಲಿಡ್ ಐತಾರ ನಡತಿನ ಏಜೀಸ್ ಫೆಡರಲ್ ಲೈಫ್ ಇನ್ಶೂರೆನ್ಸ್ ಡೆಲ್ಲಿ ಮ್ಯಾಥಾರಾನ್‌ದ ಆಜನೇ ಆವೃತ್ತಿಡ್ ಉತ್ತಮ ಪ್ರದರ್ಶನ ತೋಜಾದ್ ಕಾಮನ್ವೆಲ್ತ್ ಬೊಕ್ಕ ಏಷ್ಯನ್ ಗೇಮ್ಸ್‌ಗ್ ಅರ್ಹತೆ ಪಡೆತೆರ್ .

ನಿತೇಂದ್ರ ಸಿಂಗ್ ರಾವತ್ 2 ಗಂಟೆ 16 ನಿಮಿಷ 5 ಸೆಕೆಂಡುಡು ಗುರಿ ಮುಟ್ಟುನ ಮುಖೇನ ಫುಲ್‌ ಮ್ಯಾರಾಥಾನ್ ವಿಭಾಗದ ಪ್ರಶಸ್ತಿ ಪಡೆತೆರ್ . ಅನೀಶ್ ಥಾಪ ಮಗರ್ (2 ಗಂಟೆ 16 ನಿಮಿಷ 41 ಸೆಕೆಂಡು) ಬೊಕ್ಕ ಅನಿಲ್ ಕುಮಾರ್ ಸಿಂಗ್ (2 ಗಂಟೆ 16 ನಿಮಿಷ 47 ಸೆಕೆಂಡು) ಮಲ್ತ್ 2 ಬೊಕ್ಕ 3ನೇ ತಾನೊ ಪಡೆತೆರ್.

Belliappa from Karnataka gets selected for Commonwealth and Asian games.

Bangalore : Six elite runners including Belliappa from Karnataka attained qualifying marks to qualify for the upcoming Asian Games and Commonwealth games in New Delhi on Sunday at the prestigious Ageas Federal Life Insurance Delhi Marathon.

Nitendra Singh timed 2.16.05 hours and took lead , Anish Tapamagar timed 2.16.41 hours and Anil Kumar Singh clocked 2.16.47 hours and took the second and third place.

Asish Kumar, Belliappa and Kalidas Laxman who went under the qualifying timings to get selected.

 

25 ವರ್ಷದ ಪೊಣ್ಣನ್ ಮದ್ಮೆ ಆದ್ ವೈರಲ್ ಆದಿತ್ತಿನ 40 ವರ್ಷದ ಶಂಕರಪ್ಪೆರ್ ಸುಸೈಡ್

ಕುಣಿಗಲ್ : ತನರ್ದ್ 20 ವರ್ಷ ಎಲ್ಯ ಪ್ರಾಯದ ಪೊಣ್ಣನ್ ಮದ್ಮೆ ಆದ್ ಸುದ್ದಿಡ್ ಇತ್ತಿನ ತುಮಕೂರು ಜಿಲ್ಲೆದ ಕುಣಿಗಲ್ ತಾಲೂಕ್ ದ ಚೌಡನಕುಪ್ಪೆ ಗ್ರಾಮ ಕೈತಲ್ ದ ಅಕ್ಕಿಮರಿಪಾಳ್ಯದ ಶಂಕರಪ್ಪ(45) ಬಲ್ಲ್ ಪಾಡೊಂದು ತೀರ್ ಪೋತೆರ್.

ಕುಣಿಗಲ್ ತಾಲೂಕ್ ದ ಚೌಡನಕುಪ್ಪೆ ಗ್ರಾಮದ ಮರಕ್ಕ್ ಆರ್ ಬಲ್ಲ್ ಪಾಡ್ದ್ ತೀರ್ ಪೋತಿನ ಸ್ಥಿತಿಟ್ಟ್ ಇನಿ ಕಾಂಡೆ ಪತ್ತೆ ಆತೆರ್.

2021 ಅಕ್ಟೋಬರ್ ಡ್ ಸಂತೆಮಾವತ್ತೂರು ಗ್ರಾಮದ ಮೇಘನಾ ಬೊಕ್ಕ ಅಕ್ಕಿಮರಿಪಾಳ್ಯದ ಶಂಕರಪ್ಪನ ಮದ್ಮೆ ಆದಿತ್ತ್ ದ್, ಅಕುಲ್ ರಡ್ಡ್ ಜನಲ ಕುಶಿಟ್ ಜೀವನ ಮಲ್ತೊಂದಿತ್ತೆರ್.

45 ಪ್ರಾಯ ಆಂಡಲಾ ಶಂಕರಪ್ಪಗ್ ಮದಿಮೆ ಆವಂದಿನ ಬಗೆಟ್ಟ್ ಮೇಘನಾ ಪೋದ್ ಎನನ್ ಮದ್ಮೆಯಾಲೆ ಪಂದ್ ಕೇಂಡ್ ದಿತ್ತ್ ಲ್. ನೆಕ್ಕ್ ಒಪ್ಪಿಗೆ ಕೋರಿನ ಶಂಕರಣ್ಣ ಗ್ರಾಮದ ಕೈತಲ್ ಇಪ್ಪುನ ದೇವಲ್ಯಡ್ ದಾಲ ಗೌಜಿ ಇಜ್ಜಂದೆ ಮದಿಮೆ ಆದಿತ್ತ್ ದ್, ಈ ಫೋಟೊಕ್ಕುಲು ಸಾಮಾಜಿಕ ಜಾಲತಾಣಡ್ ವೈರಲ್ ಆದಿತ್ತ್ಂಡ್.

ಅಂಗಾರೆ ಕಾಂಡೆ ಇಲ್ಲರ್ದ್ ಕಂಡದ ಕೈತಲ್ ಪೋಪೆ ಪಂದ್ ಪಿದಾಡ್ದಿನಾರ್ ಮರಕ್ಕ್ ಬಲ್ಲ್ ಪಾರ್ದ್ ತೀರ್ ಪೊತೆರ್ ಅಂಚನೇ ಜಾಗೆಡ್ ಕಾಕಜಿಲ ಪತ್ತೆಯಾತ್ಂಡ್. ಈ ಬಗೆಟ್ಟ್ ಹುಲಿಯೂರುದುರ್ಗ ಪೊಲೀಸೆರ್ ತನಿಖೆ ಮಲ್ತೊಂದುಲ್ಲೆರ್.

ಪುತ್ತೂರು ಬಸ್‌ ನಿಲ್ದಾಣಗ್ ‘ಕೋಟಿ-ಚೆನ್ನಯ’ ಪುದರ್. ತುಳುನಾಡ ಅಮರ್ ಬೀರೇರ್ನ ಪುದರ್ಡ್ ಮೆನ್ಕರೆ ಉಂಡು ದ.ಕ ಜಿಲ್ಲೆದ ಮಾಮಲ್ಲ ಬಸ್ ನಿಲ್ದಾಣ. 

ಪುತ್ತೂರು : ಸರಕಾರಿ ಬೊಕ್ಕ ಪ್ರೈವೇಟ್ ಒಟ್ಟು ಸೇರಿಗೆಡ್ ನಿರ್ಮಾಣ ಆಯಿನ ಪೇಂಟೆದ ಮಾಮಲ್ಲ ಬಸ್ ನಿಲ್ದಾಣ ಪನ್ಪಿನ ಪುದರ್ ಪಡೆಯಿನ ಪುತ್ತೂರು ಕೆ.ಎಸ್.ಆರ್.ಟಿ.ಸಿ ಬಸ್ ನಿಲ್ದಾಣ ನನ ದುಂಬು ತುಲು ನಾಡ ಅಮರ್ ಬೀರೇರಾಯಿನ ಕೋಟಿ ಚೆನ್ನಯೆರ್ನ ಪುದರ್ ಡ್ ಮೆನ್ಕರೆ ಉಂಡು.

ಕೆ.ಎಸ್.ಆರ್.ಟಿ.ಸಿ ಕೋಟಿ ಚೆನ್ನಯೆರ್ನ ಪುದರ್ ನ್ ಪುತ್ತೂರು ಬಸ್ ನಿಲ್ದಾಣಗ್ ದೀಪಿನ ನಿರ್ಣಯ ದೆತೊನ್ದೆರ್ ಆಯಿನಾರ್ ಬೇಗ , ಪುದರ್ ಪಲವೆ ಬರಿಯೆರೆ ಉಂಡು. ಪುತ್ತೂರು ಶಾಸಕ ಸಂಜೀವ ಮಠಂದೂರು ಮೆರ್ನ ಪ್ರಯತ್ನದ ಫಲವಾದ್ ಯೋಜನೆ ದೆತೊನ್ದೆರ್ , ಬರ್ಪಿ ತಿಂಗೊಲು ಪುದರ್ ಪಾಡುನ ಸಾಧ್ಯತೆ ಉಂಡು.

 

Puttur Bus stand to be named as “Koti-Channaya”
The biggest Bus stand of the district to be named after the immortal legendary twins of Tulunadu.

Puttur: The new KSRTC Bus stand of Puttur being made under government private partnership is to be named after the valorus twins of Tulunadu.

A decision to this effect has been made and a new name plate is to come up soon. With efforts from MLA of Puttur Sanjeev Matandoor the new name may come into effect by next month.

1 ರೂಪಾಯಿದ ಪಾವಲಿನ್ ಒಟ್ಟು ಮಲ್ತ್ ದ್ ತನ್ನ ಕನತ್ತ ಬೈಕ್ ನ್ ದೆತೊಂದಿನ ಜವನ್ಯೆ

ಚೆನ್ನೈ: ಕಾಲಿ ಒಂಜಿ ರೂಪಾಯಿ ದ ಪಾವಲಿನ್ ಒಟ್ಟು ಮಲ್ತ್ ದ್ ಅವೆನ್ ಕೊರ್ದ್ ತಮಿಳ್ ನಾಡ್ ದ ಸೇಲಂ ಕೈತಲ್ ದ ಜವನ್ಯೆ ಒರಿ 2.6 ಲಕ್ಷ ಕಾಸ್ ದ ತನ್ನ ಕನತ್ತ ಬೈಕ್ ನ್ ದೆತೊಂದೆರ್. ವಿಶೇಷ ದಾದ ಪಂಡ ಈ ಪಾವಲಿನ್ ಗೆನ್ಪರೆ ಬರೋಬ್ಬರಿ 10 ಗಂಟೆದ ಪೊರ್ತು ದೆತೊಂದ್ಂಡ್.

ಬೈಕ್ ದೆತೊಂದಿನ ಜವನ್ಯೆನ ಪುದರ್ ವಿ ಭೂಪತಿ. ಕರೀನ ಮೂಜಿ ವರ್ಷ ರ್ದ್ ಎಚ್ಚ ಈ ಜವನ್ಯೆ 1 ರೂಪಾಯಿದ ಪಾವಲಿನ್ ಒಟ್ಟು ಮಲ್ತೊಂದ್ ಬೈದೆರ್. ಈ ಪಾವಲಿನ್ ಒಟ್ಟು ಮಲ್ತ್ ದ್ ಬೈಕ್ ಶೋರೋಮ್ ಗ್ ಪೋದ್ ನ್ಯೂ ಬಜಾಜ್ ಡಾಮಿನರ್ ಪನ್ಪಿನ ತನ್ನ ಕನತ್ತ ಬೈಕ್ ದೆತೊಂದೆರ್.

ಈ ಜವನ್ಯೆ ಕನತಿನ ಪಾವಲಿನ್ ಗೆನ್ಪರೆ ಶೋರೋಮ್ ದ ಸಿಬ್ಬಂದಿಗ್ ಬರೋಬ್ಬರಿ 10 ಗಂಟೆ ದೆತೊಂದ್ಂಡ್ ಪಂದ್ ಭಾರತ್ ಏಜೆನ್ಸಿ ಕಂಪೆನಿದ ಮ್ಯಾನೇಜರ್ ಮಹಾವಿಕ್ರಾಂತ್ ತೆರಿಪಾದೆರ್.

ಜವನ್ಯೆ ಬಿಸಿಎ ಪದವಿ ಶಿಕ್ಷಣನ್ ಕಲ್ತ್ ದಿತ್ತ್ ದ್, ನಾಲ್ ವರ್ಷದ ಪಿರವು ಯೂಟ್ಯೂಬ್ ಚಾನೆಲ್ ದ ಖಾಸಗಿ ಕಂಪೆನಿಡ್ ಕಂಪ್ಯೂಟರ್ ಆಪರೇಟರ್ ಆದ್ ಬೇಲೆನ್ ಮಲ್ತೊಂದಿತ್ತೆ. ಬೈಕ್ ದೆತೊನುನ ಕನನ್ ಮೂಜಿ ವರ್ಷದ ಪಿರವೇ ಕಟ್ಟ್ ದಿತ್ತೆರ್. ಆಂಡ, ರಡ್ಡ್ ಲಕ್ಷದ ಬೈಕ್ ನ್ ದೆತೊನರೆ ಕಾಸ್ ಇಜ್ಜಾಂಡ್. ಅಂಚಾದ್ ಬೈಕ್ ದೆತೊನರೆ ಎಪಲ ಒಂಜಿ ರೂಪಾಯಿದ ಪಾವಲಿನ್ ಒಟ್ಟು ಮಲ್ತ್ ದ್ ಇತ್ತೆ ತನ್ನ ಇಚ್ಚೆದ ಬೈಕ್ ನ್ ದೆತೊಂಡೆ.

Big Dreams come true with a rupee coin !!

Chennai: A youth from Salem in Tamil Nadu buys a bike costing 2.6 lakhs by giving all the money in one rupee coins.It took the bike agency nearly 10 hours to count all the money!

The youth naned Vibuti has been collecting money to buy his dream bike from the past three years.A BCA graduate he was working as a computer operator at an YouTube channel for the past four years .

He had been collecting money for the bike in one rupee coins for the past three years .
His determination and style has left everyone amused and awestruck!

ಮೇ.4ರ್ದ್ ಸುಳ್ಯಡ್ ವಾಲಿಬಾಲ್ ಪಂಥ

ಸುಳ್ಯ: ಮೇ 4ರ್ದ್ 8 ತಾರೀಖ್ ಮುಟ ಸುಳ್ಯಡ್ ರಾಷ್ಟ್ರೀಯ ವಾಲಿಬಾಲ್ ಪಂದ್ಯಾಟ ನಡಪರೆ ಉಂಡು ನೆಕ್ಕ್ ಮಾತಾ ರೀತಿದ ತಯಾರಿ ಆವೊಂದು ಉಂಡು . ಈ ನೆಲೆಟ್ಟ್ ಶನಿಯಾರ ಕಾಂಡೆ ವಾಲಿಬಾಲ್ ಪಂಥದ ಗ್ಯಾಲರಿ ನಿರ್ಮಾಣಗ್ ಭೂಮಿ ಪೂಜೆ ನಡತುಂಡು .

ಪುರೋಹಿತ ನಾಗರಾಜ ಭಟ್ ಮೇರ್ ಪೂಜಾ ಕಾರ್ಯ ಮಲ್ತೆರ್ .
ಈ ಪೊರ್ತುಡು ವಾಲಿಬಾಲ್ ಅಸೋಸಿಯೇಷನ್ ತಾಲೂಕು ಗುರ್ಕಾರ್ಲಾಯಿನ ದೊಡ್ಡಣ್ಣ ಬರೆಮೇಲು, ರಾಷ್ಟ್ರೀಯ ವಾಲಿಬಾಲ್ ಆಯೋಜನಾ ಸಮಿತಿ ಗುರ್ಕಾರ್ಲಾಯಿನ ಎನ್.ಎ. ರಾಮಚಂದ್ರ, ಸಂಘಟನಾ ಕಾರ್ಯದರ್ಶಿ ಎನ್.ಜಯಪ್ರಕಾಶ್ ರೈ, ಕೋಶಾಧಿಕಾರಿ ಗೋಕುಲ್ ದಾಸ್ ಬೊಕ್ಕ ಬೇತೆ ಸಮಿತಿ ಪದಾಧಿಕಾರಿಲಾಯಿನ ಭವಾನಿಶಂಕರ್ ಕಲ್ಮಡ್ಕ, ಶಶಿಧರ ಎಂ.ಜೆ, ಜಯಪ್ರಕಾಶ್ ಕುಡೆಕಲ್ಲು, ಎ.ಸಿ.ವಸಂತ, ಹರಿಪ್ರಕಾಶ್ ಅಡ್ಕಾರ್, ಬಾಲಗೋಪಾಲ ಸೇರ್ಕಜೆ, ರಾಜು ಪಂಡಿತ್, ಸತೀಶ್. ಎ.ಜಿ, ಹರೀಶ್ ಬೂಡುಪನ್ನೇ, ಶರತ್ ಅಡ್ಕಾರ್, ಹರೀಶ್ ರೈ ಉಬರಡ್ಕ ಪಾಲ್ ಪಡೆದಿತ್ತೆರ್.

ದೇವೆರೆ ಪಾದೊ ಸೇರ್ಯೆರ್ ನಿವೃತ್ತ ತಹಶೀಲ್ದಾರ್ ಸಿ.ಎಚ್. ಕೋಚಣ್ಣ ರೈ

ಪುತ್ತೂರು: ಪೇಂಟೆದ ಒಳಮೊಗರು ಗ್ರಾಮದ ಚಿಲ್ಮೆತ್ತಾರು ನಿವಾಸಿ ನಿವೃತ್ತ ತಹಶೀಲ್ದಾರ್ ಸಿ.ಎಚ್. ಕೋಚಣ್ಣ ರೈ(85) ವಯೋಸಹಜ ಅನಾರೋಗ್ಯರ್ದ್ ಐತಾರ ಕಾಂಡೆ ಕುಡ್ಲದ ತನ್ನ ಮಗೆನ ಇಲ್ಲಡ್ ತೀರ್ ಪೋಯೆರ್ .

ಗಾಂಧಿ ವಾದಿ ಪಂದೆ ಪುದರ್ ಪಡೆಯಿನ ಕೋಚಣ್ಣ ರೈ ಮೇರ್ ಪುತ್ತೂರು, ಬೊಲ್ತೆರ್ ಸೇರಿನಂಚ ಬೇತೆ ಬೇತೆ ಜಾಗೆಡ್ ತಹಶೀಲ್ದಾರ್ ಆದ್ ಬೆನ್ನಿ ಬೆಂತೆರ್.

ಪುತ್ತೂರುದ ಅಭಿವೃದ್ಧಿಡ್ ಪ್ರಮುಖ ಪಾತ್ರ ಮಲ್ತ್ ಜನಕ್ಲೆನ ಮೋಕೆ ಪಡೆಯಿನಾರ್. ಕೋಚಣ್ಣ ರೈ ಕ್ಲೆನ್ ಬೇತೆ ಬೇತೆ ಸಂಘ ಸಂಸ್ಥೆ ಗುರ್ತಿಸಾದ್ ಮಾನದಿಗೆ ಮಲ್ದೆರ್.

You Missed