Sat. Nov 21st, 2026

ಊರ್ದ ಸುದ್ದಿ Regional News

ಶ್ರೀ ಜ್ಞಾನಶಕ್ತಿ ಸುಬ್ರಮಣ್ಯ ಸ್ವಾಮಿ ದೇವಲ್ಯ : ವರ್ಷಾದಿದ ಉಚ್ಚಯ

ಕುಡ್ಲ : ತಾರೀಖ್ 13/4/2022ನೇ ಬುದಾರರ್ದ್ ತಾರಿಕ್ 19/4/2022 ನೇ ಅಂಗಾರೆ ಮುಟ ಶ್ರೀ ದೇವಲ್ಯಡ್ ವರ್ಷಾದಿದ ಉಚ್ಚಯ ನಡಪರೆ ಉಂಡು.

ತಾರೀಖ್ 18-04-2022ನೇ ಸೋಮಾರದಾನಿ
ಮಹಾರಥೋಚ್ಚಯ ದೊಟ್ಟುಗು
ನಡಪರೆ ಉಂಡು . ಈ ಮಾತಾ ದಿನಟ್ ಮಾತೆರ್ಲ ಬತ್ತ್ ದ್ ಶ್ರೀಮುಡಿ ಗಂಧಪ್ರಸಾದ ಸ್ವೀಕಾರ ಮಲ್ಪೊಡು ಪಂದ್ ಬಿನ್ನಾಪು ಮಲ್ದೆರ್.

ತಾ. 13-04-2022ನೇ ಬುದಾರ,
ಕಾಂಡೆ : ಪ್ರಾತಃಪೂಜೆ, ಪ್ರಾರ್ಥನೆ, ಪಂಚಗವ್ಯ, ಬ್ರಹ್ಮಕೂರ್ಚ ಹೋಮ, ಪುಣ್ಯಾಹ, ದೇವನಾಂದಿ, ಕಂಕಣಧಾರಣೆ, ಚಪ್ಪರ, ತೋರಣಪೂಜೆ, ಗೋ, ಅಶ್ವ, ಗಜಪೂಜೆ, ಗಂಗಾವರುಣ ಪೂಜೆ, ಮೃತ್ತಿಕಾಹರಣ, ಅಂಕುರಾರ್ಪಣಿ, ಮಹಾಪೂಜೆ, ಮಹಾ ರಂಗಪೂಜೆ, ಬಲಿ, : ನಿತ್ಯಪೂಜೆ, ನಿತ್ಯರಂಗಪೂಜೆನಡಪರೆ ಉಂಡು.

ತಾ. 14-04-2022ನೇ ಗುರುವಾರ ಕಾಂಡೆ
: ಪ್ರಾತಃಪೂಜೆ, ಶ್ರೀ ಅಣ್ಣಪ್ಪ ಸ್ವಾಮಿನ ಭಂಡಾರನ್ ಮೂಲಸ್ಥಾನರ್ದ್ ಚಾವಡಿದ ಗುಡಿಟ್ ದೀಪುನ ಕಜ್ಜ ,. ಗಂಟೆ 9.೦೦ಗ್ ಧ್ವಜಾರೋಹಣ,ನವಕಾಭಿಷೇಕ, ಮಹಾಪೂಜೆ, ನಿತ್ಯಪೂಜೆ, ನಿತ್ಯರಂಗಪೂಜೆ, ಬಲಿ, ಹಳೆಯಂಗಡಿ ಪೇಟೆ ಸವಾರಿ ನಡಪರೆ ಉಂಡು.

ತಾ. 15-04-2022ನೇ ಶುಕ್ರಾರ ,
ಕಾಂಡೆ : ಪ್ರಾತಃ ಬಳಿ, ಪ್ರಾತಃಪೂಜೆ, ನವಕಾಭಿಷೇಕ, ಮಹಾಪೂಜೆ, ಬಲ,ನಡಪರೆ ಉಂಡು.


ಪ್ರತಿಷ್ಠಾ ಉಚ್ಚಯದ ನೆಲೆಟ್ಟ್
17-04-2022 ಐತಾರ ಬೆಳಿಗ್ಗೆ ಗಂಟೆ 10.22ಕ್ ಶ್ರೀ ದೇವಳದ ಚಾವಡಿಡ್ ಪೊಸತಾದ್ ಕಟ್ಟಿನ ಗುಡಿಟ್ ಶ್ರೀ ವರಪ್ರದಗಣಪತಿ ದೇವೆರ್ನ ಪ್ರತಿಷ್ಠೆ,ಲಕ್ಷ ಮೋದಕ ಗಣಹೋಮದೊಟ್ಟುಗು ಮುಗಿಯೆರೆ ಉಂಡು.

ರಡ್ಡ್ ವರ್ಷರ್ದ್ ಬೊಕ್ಕ ಕುಡ ಸುರು ಆಂಡ್ ಅಂತರಾಷ್ಟ್ರೀಯ ವಿಮಾನ

ನವದೆಹಲಿ: ಕೋವಿಡ್ ಸಾಂಕ್ರಾಮಿಕ ಸೀಕ್ ದ ಕಾರಣ  ಉಂತುದು ಇತ್ತಿನ ಅಂತರರಾಷ್ಟ್ರೀಯ ವಿಮಾನಗಳ ಪಾರಾಟ ಇನಿರ್ದ್ (ಮಾರ್ಚ್ 27)ರ್ದ್ ಸುರು ಆತುಂಡು .

ನಿಗದಿತ ವೇಳಾಪಟ್ಟಿದ ಪ್ರಕಾರ 40 ದೇಶದ 60 ವಿಮಾನಯಾನ ಸಂಸ್ಥೆಗ್ ಭಾರತಗ್ ಬೊಕ್ಕ ಭಾರತರ್ದ್ ಬೇತೆ ದೇಶಗ್ ಕಾರ್ಯಾಚರಣೆ ಮಲ್ಪರೆ ಅನುಮತಿ ಕೊರ್ತೆರ್ .

ಇ- ಸ್ಕೂಟರ್ ಪುಡಾದ್ ತೀರ್ ಪೋಯಿನ ಅಮ್ಮೆರ್ ಬೊಕ್ಕ ಮಗಲ್

ಚೆನ್ನೈ: ಪೊಸತ್ತ್ ದೆತೊoಡಿನ ಇ-ಸ್ಕೂಟರ್ ನ್ ಚಾರ್ಜ್ ಗ್ ದೀನ ಪೊರ್ತುಡು , ಅವು ಪುಡಾದ್ ಅಮ್ಮೆರ್ ಮಗಲ್ ತೀರ್ ಪೋಯಿನ ಘಟನೆ ತಮಿಳುನಾಡ್ ದ ವೆಲ್ಲೂರುಡು ನಡತುಂಡು.

ಪೊಸತಾದ್ ದೆತೊನ್ದಿನ ಇ- ಸ್ಕೂಟರ್ ನ್ , ಚಾರ್ಜ್ ದೀದ್ ಇತ್ತೆರ್ . ಬ್ಯಾಟರಿ ಚಾರ್ಜ್ ಆವೊಂದು ಉಂಡಾ ಇಜ್ಜ ಪಂದ್ ತೂಯೆರೆ ಪೋಯಿನ ಪೊರ್ತುಡು ಬ್ಯಾಟರಿ ಪುಡಾದುಂಡು .

5ನೇ ವರ್ಷದ ಕುಡ್ಲ “ರಾಮ – ಲಕ್ಷ್ಮಣ” ಜೋಡುಕರೆ ಕಂಬುಲ ಕೂಟದ ಫಲಿತಾoಶ

5ನೇ ವರ್ಷದ ಕುಡ್ಲ “ರಾಮ – ಲಕ್ಷ್ಮಣ” ಜೋಡುಕರೆ ಕಂಬುಲ ಕೂಟದ ಫಲಿತಾoಶ

ಕೂಟಡ್ ಪಾಲ್ ಪಡೆಯಿನ ಎರುತ ಸಂಖ್ಯೆ :

ಕನೆಪಲಯಿ : 03 ಜತೆ
ಅಡ್ಡಪಲಯಿ : 08 ಜತೆ
ಬಲ್ಲ್ ದ ಮಲ್ಲ : 17 ಜತೆ
ನಾಯರ್ ದ ಮಲ್ಲ : 27 ಜತೆ
ಬಲ್ಲ್ ದ ಎಲ್ಯ : 21 ಜತೆ
ನಾಯರ್ ದ ಎಲ್ಯ : 66 ಜತೆ
ಒಟ್ಟು ಎರುತ ಸಂಖ್ಯೆ: 142 ಜತೆ

ಕನೆಪಲಯಿ :( ನೀರ್ ತೂದು ಇನಾಮು )

ಸುರುತ ಇನಾಮು : ಕಾಂತಾವರ ಬೇಲಾಡಿ ಬಾವ ಅಶೋಕ್ ಶೆಟ್ಟಿ
ಪಲಯಿ ಮುಟ್ಟಿನಾರ್ : ತೆಕ್ಕಟ್ಟೆ ಸುಧೀರ್ ದೇವಾಡಿಗ

ರಡ್ಡನೇ ಇನಾಮು : ಬಾರ್ಕೂರು ಶಾಂತಾರಾಮ ಶೆಟ್ಟಿ
ಪಲಯಿ ಮುಟ್ಟಿನಾರ್: ಮಂದಾರ್ತಿ ಶಿರೂರು ಭರತ್ ನಾಯ್ಕ್

ಅಡ್ಡ ಪಲಯಿ :

ಸುರುತ ಇನಾಮು : ವಾಲ್ಪಾಡಿ ಹಾಲಾಜೆ ಲೂಯಿಸ್ ಲಾರೆನ್ಸ್ ಸಲ್ದಾನ
ಪಲಯಿ ಮುಟ್ಟಿನಾರ್: ಬೈಂದೂರು ಹೊಸಕೋಟೆ ಮಹೇಶ್ ಪೂಜಾರಿ

ರಡ್ಡನೇ ಇನಾಮು : ಹಂಕರ್ಜಾಲು ಶ್ರೀನಿವಾಸ ಭಿರ್ಮಣ್ಣ ಶೆಟ್ಟಿ
ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ

ಬಲ್ಲ್ ದ ಮಲ್ಲ :

ಸುರುತ ಇನಾಮು : ಎಡ್ತರೆಗುತ್ತು ಡಾ.ವೈ ಭರತ್ ಶೆಟ್ಟಿ “ಎ”
ಗಿಡಯಿನಾರ್ : ಮಿಜಾರು ಅಶ್ವಥಪುರ ಶ್ರೀನಿವಾಸ ಗೌಡ

ರಡ್ಡನೇ ಇನಾಮು : ಪದವು ಕಾನಡ್ಕ ಫ್ಲೇವಿ ಡಿಸೋಜ “ಎ”
ಗಿಡಯಿನಾರ್: ಬಜಗೋಳಿ ಜೋಗಿಬೆಟ್ಟು ನಿಶಾಂತ್ ಶೆಟ್ಟಿ

ಬಲ್ಲ್ ದ ಎಲ್ಯ

ಸುರುತ ಇನಾಮು : ಕೊಳಕೆ ಇರ್ವತ್ತೂರು ಭಾಸ್ಕರ ಸುಬ್ಬಯ್ಯ ಕೋಟ್ಯಾನ್
ಗಿಡಯಿನಾರ್: ಕೊಳಕೆ ಇರ್ವತ್ತೂರು ಆನಂದ್

ರಡ್ಡನೇ ಇನಾಮು : ಗುರುಪುರ ಕಾರಮೊಗರಗುತ್ತು ಯಶ್ ಜಗದೀಶ್ ಆಳ್ವ
ಗಿಡಯಿನಾರ್: ಬೈಂದೂರು ವಿವೇಕ್ ಪೂಜಾರಿ

ನಾಯರ್ದ ಮಲ್ಲ :

ಸುರುತ ಇನಾಮು : ಬೋಳದಗುತ್ತು ಜಗದೀಶ್ ಶೆಟ್ಟಿ “ಎ”
ಗಿಡಯಿನಾರ್: ಮರೋಡಿ ಶ್ರೀಧರ್

ರಡ್ಡನೇ ಇನಾಮು : ಸಿದ್ಧಕಟ್ಟೆ ಪೋಡುಂಬ ಹೊಸಮನೆ ಸರೋಜಿನಿ ಸಂಜೀವ ಶೆಟ್ಟಿ “ಎ”
ಗಿಡಯಿನಾರ್: ಹೊಕ್ಕಾಡಿಗೋಳಿ ಹಕ್ಕೇರಿ ಸುರೇಶ್ ಶೆಟ್ಟಿ

ನಾಯರ್ದ ಎಲ್ಯ :

ಸುರುತ ಇನಾಮು : ಬೇಲಾಡಿ ಬಾವ ಅಶೋಕ್ ಶೆಟ್ಟಿ
ಗಿಡಯಿನಾರ್: ಮರೋಡಿ ಶ್ರೀಧರ್

ರಡ್ಡನೇ ಇನಾಮು : ಪಡೀಲು ಕವತ್ತಾರುಗುತ್ತು ದಿನಕರ ಜಯರಾಮ್ ಶೆಟ್ಟಿ
ಗಿಡಯಿನಾರ್: ಪಣಪಿಲ ಪ್ರವೀಣ್ ಕೋಟ್ಯಾನ್

ಮಾರ್ಚ್ 28,29ರ ಸಾರ್ವತ್ರಿಕ ಮಹಾ ಮುಷ್ಕರ: ಕಾರ್ಮಿಕ ಸಂಘಟನೆರ್ದ್ ಕುಡ್ಲಡ್ ಪಾದಯಾತ್ರೆ

ಕುಡ್ಲ :ಕೇಂದ್ರ ಕಾರ್ಮಿಕ ಸಂಘಟನೆದ ಮುತಾಲಿಕೆಡ್ ಮಾರ್ಚ್ 28,29 ಗ್ ನಡಪರೆ ಉಪ್ಪುನ ಅಖಿಲ ಭಾರತ ಸಾರ್ವತ್ರಿಕ ಮಹಾ ಮುಷ್ಕರದ ಸಂದೇಶನ್ ಸಾರುನ ನೆಲೆಟ್ಟ್ ಕುಡ್ಲಡ್ ಪಾದಯಾತ್ರೆನ್ ಅಟ್ಟನೆ ಮಲ್ತೆರ್ . ಪಾದಯಾತ್ರೆದ ಉದಿಪನಾನ್ ಬ್ಯಾಂಕ್ ಅಧಿಕಾರಿಲೆನ ಸಂಘಟನೆದ ರಾಜ್ಯಾಧ್ಯಕ್ಷ ಕೆ.ರಾಘವ ಮಲ್ತೆರ್ .

ಈ ಪೊರ್ತುಡು ಕೇಂದ್ರ ಕಾರ್ಮಿಕ ಸಂಘಟನೆದ ನಾಯಕೆರಾಯಿನ ಜೆ.ಬಾಲಕೃಷ್ಣ ಶೆಟ್ಟಿ, ಸುನಿಲ್ ಕುಮಾರ್ ಬಜಾಲ್, ಎಚ್.ವಿ.ರಾವ್, ಸೀತಾರಾಮ ಬೇರಿಂಜ, ಕರುಣಾಕರ್, ವಿ.ಕುಕ್ಯಾನ್, ಪ್ರವೀಣ್, ಯೋಗೀಶ್ ಜಪ್ಪಿನಮೊಗರು, ಜಯಂತಿ ಶೆಟ್ಟಿ, ಭಾರತಿ ಬೋಳಾರ, ಮುಸ್ತಫಾ, ನಾಗೇಶ್ ಕೋಟ್ಯಾನ್, ಜಯಲಕ್ಷ್ಮಿ, ಬ್ಯಾಂಕ್ ನೌಕರರ ಸಂಘಟನೆದ ನಾಯಕೆರಾಯಿನ ಫಣೀಂದ್ರ,ಸುರೇಶ್ ಹೆಗ್ಡೆ, ಸದಾಶಿವ, ಪುರುಷೋತ್ತಮ ಪೂಜಾರಿ,ಪಾಲ್ ಪಡೆದಿತ್ತೆರ್.

ದೆಹಲಿ: ಆಮ್ ಆದ್ಮಿ ಪಾರ್ಟಿರ್ದ್ ‘ರೋಜ್ಗಾರ್ ಬಜೆಟ್’; 5 ವರ್ಷಡ್ 20 ಲಕ್ಷ ಉದ್ಯೋಗ ಸೃಷ್ಟಿ ಮಲ್ಪುನ ಗುರಿ

ಹೊಸದಿಲ್ಲಿ: ದೆಹಲಿ ಉಪಮುಖ್ಯಮಂತ್ರಿ ಮನೀಶ್ ಸಿಸೋಡಿ 75,800 ಕೋಟಿ ರೂ. ಮೌಲ್ಯದ 2022- 23ನೇ ಸಾಲ್ ದ ಬಜೆಟ್ ಮಂಡನೆ ಮಲ್ತೆರ್ . ಈ ಬಜೆಟ್ ಕೊರೋನಾರ್ದ್ ಕಮ್ಮಿ ಆದಿತ್ತಿ ನೆರ್ದಾವರ ಆರ್ಥಿಕತೆಗ್ ಪುನಶ್ಚೇತನ ಕೊರಿಯೆರೆ ಉಂಡು ಪಂದ್ ಪಂಡೆರ್.

ಈ ಬಜೆಟ್ ಆಮ್ ಆದ್ಮಿ ಪಾರ್ಟಿ ‘ರೋಜ್ಗಾರ್ ಬಜೆಟ್’ ಪಂದ್ ಪಂತೆರ್ .ದುಂಬುದ 5 ವರ್ಷಡ್ ರಾಜ್ಯಡ್ 20 ಲಕ್ಷ ಬೇಲೆ ಆಯರೇ ಉಂಡು ಪನ್ಪಿ ಭರವಸೆ ಕೊರಿಯೆರ್.

ಜಿಮ್ಡ್ ವರ್ಕೌಟ್ ಮಲ್ತೊಂದು ಉಪ್ಪುನಗನೇ ಬೂರ್ದು ಸೈತಿನ ಪೊಂಜೊವು

ಬೆಂಗ್ಳೂರು : ಕೋಡೆ ಜಿಮ್ ಡ್ ವರ್ಕೌಟ್ ಮಲ್ತೊಂದು ಇತ್ತಿನ ಪೊರ್ತುಡು ಪೊಂಜೊವು ಒರ್ತಿ ತೀರ್ ಪೋಯಿನ ಘಟನೆ, ಬೆಂಗ್ಳೂರುದ ಮಲ್ಲೇಶ್ ಪಾಳ್ಯಡ್ ನಡತುಂಡು .

ಬೆಂಗ್ಳೂರುದ ಮಲ್ಲೇಶ್ ಪಾಳ್ಯದದ ಜಿಮ್ ಡ್ ವರ್ಕೌಟ್ ಗಾದ್ ಕಾಂಡೆ 8 ಗಂಟೆಗ್ ವಿನಯಾ ವಿಠಲ್ (44) ಪನ್ಪಿನ ಪೊಂಜೊವು ಪೋದು ಇತ್ತೆರ್ . ವರ್ಕೌಟ್ ಮಲ್ತೊಂದು ಇತ್ತಿಲಕನೇ ಬೂರಿನ ಅರೆನ್ ಅಪಗನೆ ಆಸ್ಪತ್ರೆಗ್ ಲೆತೊಂದು ಪೊಂಡಲಾ ಮಾರ್ಗದ ನಡುಟು ಕಡೆತ ಉಸುಲ್ ಬುಡ್ತೆರ್.

ಮೇರ್ ಐಡಿಸಿ ಕಂಪನಿಯಲ್ಲಿ ಆಪರೇಟರ್ ಮ್ಯಾನೇಜರ್ ಆದ್ ಬೇಲೆ ಮಲ್ತೊಂದು ಇತ್ತೆರ್. ಕರಿನ 2020 ಗ್ ನವೆಂಬರ್ ಡ್ ಜಿಮ್ ಗ್ ಸೇರ್ದ್ ಇತ್ತೆರ್ ..

ಇನಿ ಕುಡ್ಲಡ್ ಬೃಹತ್ ನೆತ್ತೆರ್ ದಾನ ಶಿಬಿರ” ಕಣ್ಣ್ ದ ತಪಾಸಣಾ ಶಿಬಿರ

ಕುಡ್ಲ : ಲಯನ್ಸ್ ಕ್ಲಬ್ ಸೆಂಚುರಿಯನ್ ಕ್ಯಾಥೋಲಿಕ ಸಭಾ ಉರ್ವ ಘಟಕ ಕ್ಯಾಥೋಲೊಕ್ ಯುವ ಸಂಚಲನ, ಆರೋಗ್ಯ ಬೊಕ್ಕ ಯವಜನ ಆಯುಗ್ ಉರ್ವಾ ಚರ್ಚ್ ಮೆಕ್ಲೆನ ಒಟ್ಟು ಸೇರಿಗೆಡ್ ಫಾದರ್ ಮುಲ್ಲರ್ ಆಸ್ಪತ್ರೆ ಕಂಕನಾಡಿ ಮೆಕ್ಲೆನ ಮುತಾಲಿಕೆಡ್ “ಬೃಹತ್ ನೆತ್ತೆರ್ ದಾನ ಶಿಬಿರ” ಕಣ್ಣ್ ದ ಸಮಗ್ರ ಧರ್ಮರ್ಥ ತಪಾಸಣಾ ಶಿಬಿರ,ದರ್ಮಾರ್ಥ ಆರೋಗ್ಯ ತಪಾಸಣೆ ಮಾ.27 ಐತಾರ ಕಾಂಡೆ 7.45ರ್ದ್ ಬಯ್ಯಗ್ 6 ಗಂಟೆ ಮುಟ ಉರ್ವಾ ಮಿನಿ ವಿಧಾನ ಚಾವಡಿಡ್ ನಡಪರೆ ಉಂಡು .

ಜನರಲ್ ಮೆಡಿಸಿನ್,ಸಿಹಿಮೂತ್ರ ಬೊಕ್ಕ ಸಾಮಾನ್ಯ ರೋಗದ ತಪಾಸಣೆ,ಚರ್ಮರೋಗ,ಇಸಿಜಿ ಪರೀಕ್ಷೆ,ಎಲುಬು ಬೊಕ್ಕ ಕೀಲು ತಜ್ನೆರೆರ್ದ್ ತಪಾಸಣೆ,ವೆರಿಕೋಸ್, ಸ್ತ್ರೀರೋಗ ತಜ್ಞರು,ಕಣ್ಣ್ ತಪಾಸಣೆ, ಕ್ಯಾಟರಾಕ್ಟ್ ತಪಾಸಣೆ,ಔಷಧ ವಿತರಣೆ ಉಂಡು.

ತುಳು ಚಾವಡಿ-ಗೆಜ್ಜೆ ಕತ್ತಿಡ್ದ್ ಪರ್ಕತ್ತಿ ಮುಟ್ಟ…

ಅನಾದಿ ಕಾಲೊಡು ತುಳುನಾಡ್‌ದ್ ಪೊಣ್ಣು ಪೊಂಜೊವುಲು ಕೈಟೊಂಜಿ ಕತ್ತಿ ಪತ್ತುನ ಕ್ರಮ ಇತ್ತ್‌ಂಡ್.ಅನಾದಿ ಕಾಲೊಡು ತುಳುನಾಡ್‌ದ್ ಪೊಣ್ಣು ಪೊಂಜೊವುಲು ಕೈಟೊಂಜಿ ಕತ್ತಿ ಪತ್ತುನ ಕ್ರಮ ಇತ್ತ್‌ಂಡ್. ಈ ಕತ್ತಿಗ್ ‘ಗೆಜ್ಜೆ ಕತ್ತಿ’ ಪನ್ಪೆದೆರ್. ಈ ಕ್ರಮ ತುಳುನಾಡ್‌ದ ಮೂಲ ನಿವಾಸಿ ಸಮುದಾಯೊಡು ಒಂಜಾದುಪ್ಪುನ ಬಿರುವ ಕುಲೊಟ್ಟು ಸುರು ಆಂಡ್ ಪಂಡ್‌ದ್ ಸಂಶೋಧಕೆರ್ ನಾಡ್‌ದ್ ಪತ್ತ್‌ದೆರ್. ಕ್ರಮೇಣ ಬೇತೆ ಕೆಲವು ಸಮುದಾಯೊಗುಲಾ ಪಸರ್‌ಂಡ್. ಆಂಡ ಇನಿಕ್ಲಾ ಬಿಲ್ಲವ ಸಮುದಾಯೊಡು ಗೆಜ್ಜೆಕತ್ತಿದ ಸಂಪ್ರದಾಯ ಒಂತೊಂತೆ ಒರಿದ್‌ಂಡ್. ಮದಿಮೆದ ದಿನ ಮದಿಮಲೆನ ಕೈಟ್ ಗೆಜ್ಜೆ ಕತ್ತಿ ಕೊರ್ಪಿನ ಮೂಲಕ ಈ ಅನಾದಿ ಕಾಲೊದ ಸಂಪ್ರದಾಯೊನು ಭಾಗಷಃ ಒರಿತೊಂದಿನ ತೋಜುಂಡು. ಅಂಚನೆ ಪೆದ್ದ್‌ದ್ ಪೆದ್ಮೆದಿ(ಪೆದ್ದೊಲ್ತಿ) ಆದ್ ಉಪ್ಪುನ ಸಂದರ್ಭೊಡು ಅಮೆ ಕತ್ತಿ ಗಳಸುವೆರ್. ಮೂರ್ತೆಡ್ ಗಳಸುನ ತರ್ಕತ್ತಿ, ಕೊಯಿಲ್‌ಗ್ ಗಳಸುನ ಪರ್ದತ್ತಿ(ಪರ್ಕತ್ತಿ), ಕನಕ್ ಕಡ್ಪುನ ಕಡ್ಪತ್ತಿ, ಪೆಲಕಾಯಿ ಮೂರುನ(ಕುದ್ಪುನ) ಮೊಟ್ಟತ್ತಿ, ಪಂತಿ ಪೆರೆಪುನ ಪಂತಿ ಕತ್ತಿ, ಕಟ್ಟದ ಕೋರಿಗ್ ಕಟ್ಟುನ ಬಾಳ್ ಕತ್ತಿ.. ಇಂಚ ಕತ್ತಿಡ್ ಏತೇತೋ ಬಗೆ.

ನೀರ್‌ದೊಟ್ಟಿಗೆ ಬೆಲ್ಲ ಕೊರ್ಪಿನಿ ದಾಯೆ?

ಏರಾಂಡಲಾ ಇಲ್ಲಗ್ ಬಿನ್ನೆರ್ ಬತ್ತ್ ಪೊಗ್ಗ್‌ನಗ ಸುರುಕು ಅಕ್ಲೆಗ್ ಬೆಲ್ಲ ಕೊರುದು ಬೊಕ್ಕ ನೀರ್ ಕೊರ್ಪಿನವು ನಮ್ಮ ತುಳುನಾಡ್‌ದ ಪಿರಾಕ್‌ದ ಸಂಪ್ರದಾಯ.

ಏರಾಂಡಲಾ ಇಲ್ಲಗ್ ಬಿನ್ನೆರ್ ಬತ್ತ್ ಪೊಗ್ಗ್‌ನಗ ಸುರುಕು ಅಕ್ಲೆಗ್ ಬೆಲ್ಲ ಕೊರುದು ಬೊಕ್ಕ ನೀರ್ ಕೊರ್ಪಿನವು ನಮ್ಮ ತುಳುನಾಡ್‌ದ ಪಿರಾಕ್‌ದ ಸಂಪ್ರದಾಯ. ಬಜಿ ನೀರ್ ಕೊರ್ಪಿನ ಕ್ರಮ ಮಾತಾ ಕಡೆಟ್ಲಾ ಇತ್ತಿನವು. ಆಂಡ ನಮ್ಮ ಹಿರಿಯೆರ್ ಬೆಲ್ಲ- ನೀರ್ ಕೊರ್ಪಿನ ಕ್ರಮ ಸುರು ಮಲ್ತೆರ್. ಉಂದೆತ್ತ ಪಿರವು ಒಂಜಿ ವೈಜ್ಞಾನಿಕ ಕಾರಣ ಉಂಡು. ಊರುಡ್ದು ಊರುಗು ಪೋನಗ ಅಲ್ಪದ ನೀರ್ ಪರ್ದ್‌ ಶೀತ ಆಪಿನ ಸಾಮಾನ್ಯ. ಆಂಡ ನೀರ್ ಪರ್ಪಿನೆಕ್ ದುಂಬು ಬೆಲ್ಲ ತಿಂದ್‌ಂಡ ಶೀತ ಆಪುಜಿ. ಅಂಚಾದೇ ಬೆಲ್ಲ ನೀರ್ ಕೊರ್ಪಿನ ಕ್ರಮ ಸುರು ಆಂಡ್. ನನೊಂಜಿ ಕಾರಣ ಪಂಡ ಬೆಲ್ಲ ಚೀಪೆ ಅತ್ತೇ? ಬತ್ತಿನ ಬಿನ್ನೆರೆಗ್ ಚೀಪೆ ಕೊರ್ಪಿನ ಮೂಲಕ ಅಕ್ಲೆನ ಮನಸ್ ತಲ್ಮೆನ ಮಲ್ಪುನ ಸಂಪ್ರದಾಯ. ಮೋಕೆದ ಎದ್ಕೊರ್ಮೆದ ಸಂಕೇತ.

Water and jaggery- the divine combination.

Tulunadu has an unique custom of serving water and jaggery as soon as guests arrive.
This custom is still followed in villages around Tulunadu.
Serving water to guests who come home is an universal custom.But this combination of jaggery and water has a scientific reason behind it.
When we drink water at different places there is a chance of catching a cold.But when we have jaggery first chances of catching a cold is slim .
Moreover serving sweets to guests , brings out positive vibes, and serving jaggery signifys the love and respect we have for our visitors.

 

 

You Missed