Sat. Nov 21st, 2026

ಊರ್ದ ಸುದ್ದಿ Regional News

ಕುಡ್ಲ : ಮುಖ್ಯಮಂತ್ರಿ ಪದಕಗ್ ಆಯ್ಕೆ ಆಯೆರ್ ಕುಡ್ಲದ 6 ಪೊಲೀಸ್ ಅಧಿಕಾರಿಲು

ಕುಡ್ಲ : ದ.ಕ. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ವ್ಯಾಪ್ತಿದ ಒರಿ ಪೊಲೀಸ್ ಅಧಿಕಾರಿ ಸೇರಿನಂಚ ಕುಡ್ಲದ ಒಟ್ಟು ಆಜಿ ಜನ ಪೊಲೀಸೇರ್ ಮುಖ್ಯಮಂತ್ರಿ ಪದಕಗ್ ಆಯ್ಕೆಯಾತೆರ್ .

ಕುಡ್ಲ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿದ ನಟರಾಜ್ (ಎಸಿಪಿ, ಸಂಚಾರ), ಪ್ರದೀಪ್ ಟಿ.ಆರ್ (ಪಿಎಸ್‌ಐ, ಸಿಸಿಬಿ), ಶೋಭಾ (ಪಿಎಸ್‌ಐ, ಬರ್ಕೆ ಠಾಣೆ), ಕುಶಾಲ್ ಮಣಿಯಾಣಿ (ಎಎಸ್‌ಐ ಬಜಪೆ ಠಾಣೆ), ಇಸಾಕ್ ಕೆ (ಸಿಎಚ್‌ಸಿ ಪಣಂಬೂರು ಠಾಣೆ) ಬೊಕ್ಕ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ವ್ಯಾಪ್ತಿದ ಬೆಳ್ತಂಗಡಿ ಠಾಣೆದ ನಂದಕುಮಾರ್ (ಪಿಎಸ್‌ಐ) ಮುಖ್ಯಮಂತ್ರಿ ಪದಕಗ್ ಆಯ್ಕೆಯಾತೆರ್ .

ಎ.2 -7: ಕೆಮ್ಮಣ್ಣು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಅಷ್ಟಬಂಧ ಬ್ರಹ್ಮಕಲಶ ಪುಣ್ಯೋಚ್ಚಯ

ಒಡಿಪು ಜಿಲ್ಲೆ ಕಾರ್ಲ ತಾಲ್ಲೂಕ್ ದ ನಿಟ್ಟೆ ಕೆಮ್ಮಣ್ಣು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಎ.2 ಶನಿವಾರರ್ದ್ ಎ.7 ಗುರುವಾರ ಮುಟ್ಟ ಅಷ್ಟಬಂಧ ಬ್ರಹ್ಮಕಲಶದ ಪುಣ್ಯೋಚ್ಚಯ ನಡಪರೆ ಉಂಡು.
ಏ. 6 ಬುಧಾರ ಬೆಳ್ಮಣ್ಣು ದೊಡ್ಡಮನೆ ಬ್ರಹ್ಮಶ್ರೀ ಗುರುರಾಜ ತಂತ್ರಿಲೆನ ಅಂಚನೆ ಬೆಳ್ಮಣ್ಣು ದೊಡ್ಡಮನೆ ಬ್ರಹ್ಮಶ್ರೀ ಸರ್ವೇಶ ತಂತ್ರಿಲೆನ ಮುತಾಲಿಕೆಡ್ ಭಾರೀ ಗೌಜಿಡ್ ಶ್ರೀ ದುರ್ಗಾಪರಮೇಶ್ವರಿ ದೇವೆರೆಗ್ ಬ್ರಹ್ಮಕಲಶಾಭಿಷೇಕ ನಡಪರೆ ಉಂಡು.

ಕೆಮ್ಮಣ್ಣು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಪರಪೋಕು

ಒಡಿಪು ಜಿಲ್ಲೆದ ಕಾರ್ಲ ತಾಲೂಕ್ ದ ನಿಟ್ಟೆ – ಕೆಮ್ಮಣ್ಣು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯ ಕಾರ್ಲರ್ದ್ ಸುಮಾರ್ 6 ಮೈಲ್ ದೂರಡ್ ಇಪ್ಪುನ ಪುಗರ್ತೆದ ಕ್ಷೇತ್ರ. ಪಚ್ಚೆ ಪಜಿರ್ ದ ನಡುಟ್ಟ್ ಈ ದೇವಲ್ಯ ಭಾರಿ ಪೊರ್ಲುಡ್ ತೋಜುಂಡ್. ಅನಾದಿ ಕಾಲರ್ದ್ ಲ ಈ ದೇವಲ್ಯಡ್ ಪೂಜಾದಿ ಕಾರ್ಯಲು ನಡತೊಂದು ಬೈದ್ಂಡ್. ಮುಲ್ಪದ ದೇವಿನ್ ಜನಕುಲು “ಉಳ್ಳಾಲ್ತಿ” ಪಂದ್ ಲೆಪ್ಪುವೆರ್.

ಈ ಪಿರವು ಈ ಪ್ರದೇಶಡ್ ದೇವಲ್ಯ ಇಜ್ಜಂದಿನಪಗ ಅಲ್ಪದ ಜನಕುಲು ದೇವೆರ್ನ ದರ್ಶನಗಾದ್ ಮಸ್ತ್ ದೂರ ನಡತೊಂದು ಪೋವೊಡಿತ್ಂಡ್. ಒರ ಜನ್ನಿ ಪನ್ಪಿನಾರ್ ದೇವೆರೆನ್ ತೂಯರೆ ಪಂದ್ ಕೊಲ್ಲೂರು ಮೂಕಾಂಬಿಕಾ ದೇವಲ್ಯಗ್ ಪೋಪೆರ್. ವೃತ ಪತ್ತ್ ದ್ ದೇವೆರೆನ್ ಧ್ಯಾನ ಮಲ್ಪುವೆರ್. 48 ದಿನ ದೇವೆರ್ನ ಪೂಜೆ ಅಂಚನೆ ಸೇವೆನ್ ಮಲ್ಪುವೆರ್. ಒಂಜಿ ದಿನ ಕತ್ತಲೆಗ್ ಜನ್ನಿಗ್ ದೇವಿ ಕನಟ್ಟ್ ತೋಜಿದ್ ಬತ್ತಿತ್ತ್ ದ್, “ಭಕ್ತ ನಿನ್ನ ಧ್ಯಾನನ್ ಉಂತಾವ್. ನಿಕ್ಕ್ ದಾದ ಆವೊಡ್ ಪಂದ್ ಕೇನುವೆರ್. ಅಯಿಕ್ ಜನ್ನಿ “ಅಮ್ಮಾ ಯಾನ್ ಇರ್ನ ಸನ್ನಿಧಿಗ್ ಬತ್ತ್ ದ್ ಮಸ್ತ್ ಸಂತೋಷ ಪಡೆಪೆ. ನಮ್ಮ ಊರುದ ಜನಕುಲು ನಿನನ್ ಆರಾಧನೆ ಮಲ್ಪುನ ಅಭಿಲಾಷೆ ಇತ್ತ್ಂಡಲ ಆಯಿಕ್ ಸಾದಿ ತೋಜಂದಿಲೆಕ್ಕ ಆತ್ಂಡ್. ಅಕ್ಲೆನ ಉದ್ದಾರಗಾದ್ ಈರ್ ಅಡೆಗ್ ಬರೋಡಮ್ಮ ಉಂದು ಯನ್ನ ಪ್ರಾರ್ಥನೆ” ಪಂದ್ ದೇವಿನ ಕಾರ್ ಪತ್ತ್ ದ್ ಕೇನುವೆ. ಅಪಗ ದೇವಿ “ಮಗಾ ಯನ್ನ ಮಿತ್ತ್ ನಂಬಿಕೆ ದೀಲ. ಯಾನ್ ನಿನ್ನ ಪಿರವು ಬರ್ಪೆ. ಆಂಡ ಪಿರ ತಿರ್ಗ್ ದ್ ತೂವೊರ್ಚಿ ಪಂದ್ ಪಂಡ್ ದ್ ಮಾಯ ಆಪೆರ್.

ಜನ್ನಿಗ್ ಎಚ್ಚರ ಆದ್ ಕನಟ್ಟ್ ದೇವಿನ ದರ್ಶನ ಆಯಿನೆನ್ ಎನ್ನೊಂದ್ ಸ್ಮರಣೆ ಮಲ್ತೆರ್.ಎನ್ನೊಟ್ಟ್ ಗ್ ದೇವಿ ಎನ್ನ ಪಿರವು ಬರೊಂದುಲ್ಲೆರ್ ಪಂದ್ ಎನ್ನ್ ದ್, ಅಲ್ಪರ್ದ್ ಪಿದಡ್ಯೆ. ಸಾದಿಡ್ ಪೊವೊಂದಿಪ್ಪುನಗ ಜನ್ನಿಗ್ ಮಂಗಳವಾದ್ಯದ ಸ್ವರ ಕೇನಿಲೆಕ್ಕ ಆಪುಂಡ್. ಅಪಗ ತಿಗಲೆ ಒಡೆಪುನಾತ್ ಕುಷಿ ಆಂಡ್. ಆ ಕುಶಿಟ್ ದೇವಿನ ಅಪ್ಪಣೆನ್ ಮರೆತ್ ದ್ ದೇವಿ ಯನ್ನ ಪಿರವು ಉಲ್ಲೆರಾ ಇಜ್ಜೆರಾ ಪನ್ಪಿನೇನ್ ತೂಯರೆ ಬೋಡಾದ್ ಪಿರ ತಿರ್ಗ್ ದ್ ತೂಪೆರ್. ಅಪಗ ಮಾತ ಮಂಗಳವಾದ್ಯದ ಸ್ವರ ಕೇನುನವ್ ಉಂತುಂಡ್. ಜನ್ನಿ ತನ್ನ ಅಪರಾಧಗಾದ್ ಬುಲಿತೆರ್. ದೇವಿ ಅದೃಶ್ಯ ಆಯಿನ ಜಾಗೆನ್ ಕೂಡ ಕೂಡ ತೂವೊಂದ್ ದೇವಿ ಮುಲ್ಪನೆ ಪಂಡ ಕೆಮ್ಮಣ್ಣುಡ್ ನಿಲೆ ಆಯರೆ ಇಚ್ಛೆ ಮಲ್ತೆರ್ ಪಂದ್ ಎನ್ಯರ ಯೋಚನೆ ಮಲ್ತೆರ್. ಉಂದೇ ಗುಂಗುಡ್ ದೇವಿನ ಕ್ಷೇತ್ರಗ್ ಪೋದು ಯನ್ನ ಅಪರಾಧನ್ ಮಾಪು ಮಲ್ಪುಲೆ ದೇವೆರೆ. ಇಜ್ಜಿಂಡ ಇರೆನ ಸನ್ನಿಧಿಡ್ ಯಾನ್ ಪ್ರಾಣ ಬುಡ್ಪೆ ಪಂದ್ ಪಂಡೆರ್. ದೇವೆರ್ ಭಕ್ತನ ಮಿತ್ತ್ ಕನಿಕರ ಪುಟ್ಟ್ ದ್, “ಮಗಾ ನಿನ್ನ ಭಕ್ತಿಗ್ ಯಾನ್ ಮೆಚ್ಚ್ ದೆ. ಪೋದ್ ಈ ಪಿರವು ತೂಯಿನ ಕೆಮ್ಮಣ್ಣು ಪನ್ಪಿನ ಜಾಗೆಡ್ ಯನ್ನ ದೇವಲ್ಯ ನಿರ್ಮಾಣ ಮಲ್ಪು ಪಂದ್ ಅಶರೀರವಾಣಿ ಕೇನುಂಡ್. ಇಂಚ ಕೆಮ್ಮಣ್ಣು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯ ನಿರ್ಮಾಣ ಆಪುಂಡು ಪಂದ್ ಕ್ಷೇತ್ರದ ಇತಿಹಾಸ ಉಂಡು.

ಬ್ರಹ್ಮಕಲಶೋಚ್ಚಯದ ಪೂಜಾ ಕಾರ್ಯಕ್ರಮದ ವಿವರ
ಏ.2 ಸನಿಯಾರ ಕಾಂಡೆ 8 ಗಂಟೆರ್ದ್ ಆಚಾರ್ಯಾದಿ ಋತ್ವಿಜರೆನ್ ಎದ್ಕೊನುನ, ಸಾಮೂಹಿಕ ದೇವತಾ ಪ್ರಾರ್ಥನೆ, ತೋರಣ ಮುಹೂರ್ತ, ವೈದಿಕ ಉಗ್ರಾಣ ಮುಹೂರ್ತ, ಸಾರ್ವಜನಿಕ ಉಗ್ರಾಣ ಮುಹೂರ್ತ, ಪುಣ್ಯಾಹ ಪಂಚಗವ್ಯ, ಬ್ರಹ್ಮಕೂರ್ಚ ಹೋಮ, ದೇವನಾಂದಿ, ಕಂಕನಬಂಧ ಆಚಾರ್ಯಾದಿ ಋತ್ವಿಜರೆನ ವೇದತ್ರಯ ಪಾರಾಯಣ ಸುರು, ಅಗ್ನಿಜನನ, ಅಥರ್ವ ಶೀರ್ಷ ಗಣಹೋಮ, ಬಯ್ಯಗ್ 4 ಗಂಟೆರ್ದ್ ಸಪ್ತಶುದ್ಧಿ, ಪ್ರಸಾದ ಶುದ್ಧಿ, ರಾಕ್ಷೋಘ್ನ ಹೋಮ, ವಾಸ್ತುಪೂಜೆ, ವಾಸ್ತು ಹೋಮ, ವಾಸ್ತು ಬಲಿ, ಪ್ರಾಕಾರ ಬಲಿ, ಅಸ್ತ್ರಕಲಶ ಪ್ರತಿಷ್ಠೆ ಅಂಕುರಾರೋಪಣ.

ಏ.3 ಐತಾರ ಕ್ಷಾಳನಾದಿ, ಬಿಂಬಶುದ್ಧಿ, ನವಗ್ರಹ ಹೋಮ, ನಾಗದೇವೆರ್ನ ಸಾನಿಧ್ಯಗ್ ಅಂಚನೆ ಪರಿವಾರ ಸಾನಿಧ್ಯಗ್ ಕಲಶಾಭಿಷೇಕ, ಅಧಿವಾಸ ಹೋಮಲು, ಪ್ರಸನ್ನ ಪೂಜೆ, ಬಯ್ಯಗ್ 4 ಗಂಟೆರ್ದ್ ಮಂಟಪ ಸಂಸ್ಕಾರ, ಅಷ್ಟಬಂದಾಧಿವಾಸ, ಶಕ್ತಿ ಹೋಮ, ಅಷ್ಟಬಂಧ ಪ್ರತಿಷ್ಠೆ, ಅಧಿವಾಸಹೋಮ, ಪ್ರಸನ್ನ ಪೂಜೆ, ದೇವಿನ ಮೂಲ ಸ್ಥಾನಡ್ ಕಲಶಾಭಿಷೇಕ, ವಿಶೇಷ ಪೂಜೆ.

ಏ.4 ಸೋಮಾರ ಕಾಂಡೆ 6 ಗಂಟೆರ್ದ್ ಶ್ರೀ ದೇವಿಗ್ ತತ್ವಕಲಶ, ತತ್ವಹೋಮ, ಶ್ರೀ ಗಣಪತಿ ದೇವೆರೆಗ್ ತತ್ವಕಲಶ, ತತ್ವಹೋಮ, ಶಾಂತಿ ಹೋಮಲು, ಪ್ರಾಯಶ್ಚಿತ್ತ ಹೋಮಲು, ಕಲಶಾಭಿಷೇಕ, ನ್ಯಾಸಲು, ಪ್ರಸನ್ನ ಪೂಜೆ, ಬ್ರಹ್ಮಕಲಶ, ಮಂಡಲ ರಚನೆ, ಬಯ್ಯಗ್ 3.30 ರ್ದ್ ದಿಕ್ಪಾಲಕ ಹೋಮಲು, ಶ್ರೀ ಚಕ್ರ ಪೂಜೆ, ವಿಶೇಷ ಪ್ರಾಯಶ್ಚಿತ್ತ ಹೋಮ, ಶ್ರೀ ಗಣಪತಿ ದೇವೆರೆಗ್ 108 ಕಲಶದೊಟ್ಟುಗ್ ಬ್ರಹ್ಮಕಲಶಾಧಿವಾಸ, ಅಧಿವಾಸ ಹೋಮ ನಡಪರೆ ಉಂಡು.

ಏ.5 ಅಂಗಾರೆ ಕಾಂಡೆ 7 ಗಂಟೆರ್ದ್ ದಗ್ಧ ಶಾಂತಿ, ಅದ್ಭುತ ಶಾಂತಿ, ಮಹಾಶಾಂತಿ, ಶ್ರೀ 108 ಗಣಪತಿ ದೇವೆರೆಗ್ 108 ಕಲಶದೊಟ್ಟುಗ್ ಬ್ರಹ್ಮಕಲಶಾಭಿಷೇಕ, ಚಂಡಿಕಾ ಹೋಮ, ಬ್ರಹ್ಮಕಲಶ ಮಂಡಲ ಪೂಜೆ, ಬಯ್ಯಗ್ 4 ಗಂಟೆರ್ದ್ ಶಕ್ತಿ ದಂಡಕ ಮಂಡಲ ಪೂಜೆ, ಶ್ರೀ ದೇವೆರೆಗ್ ಪಂಚವಿಂಶತಿ ದ್ರವ್ಯಮಿಳಿತ 500 ಕಲಶದೊಟ್ಟುಗ್ ಬ್ರಹ್ಮಕಲಶಾಧಿವಾಸ, ಅಧಿವಾಸ ಹೋಮ ನಡಪರೆ ಉಂಡು.
ಏ.6 ಬುಧಾರ ಕಾಂಡೆ 7 ಗಂಟೆರ್ದ್ ಕಲಶಾಭಿಷೇಕ ಸುರು, ಕಾಂಡೆ 9.36ಗ್ ಸರಿಯಾದ್ ಇಪ್ಪುನ ವೃಷಭ ಲಗ್ನ ಸುಮೂಹೂರ್ತಡ್ ಶ್ರೀ ದೇವಿಗ್ “ಬ್ರಹ್ಮಕಲಶಾಭಿಷೇಕ”, ಮಹಾನ್ಯಾಸ, ಮಹಾಪೂಜೆ, ಅವಸ್ರುತ ಬಲಿ, ಉತ್ಸವ, ಪಲ್ಲ ಪೂಜೆ, ಪ್ರಸಾದ ಕೊರ್ಪಿನವ್, ನುಪ್ಪು ಸೇವೆ, ಬಯ್ಯಗ್ 6 ಗಂಟೆರ್ದ್ ಬಲಿ ಉಚ್ಚಯ, ರಾತ್ರಿ ಪೂಜೆ, .ಮಹಾರಂಗ ಪೂಜೆ, ಭೂತ ಬಲಿ.

ಏ.7 ಗುರುವಾರ ಕಾಂಡೆ 7 ಗಂಟೆರ್ದ್ ಪುಣ್ಯಾಹ, ಪಂಚಗವ್ಯ, ಶ್ರೀ ಗಣಪತಿ ದೇವೆರೆಗ್ ಅಂಚನೆ ಶ್ರೀ ದೇವಿಗ್ ಸಂಪ್ರೋಕ್ಷಣಾ, ಕಲಶಾಭಿಷೇಕ, ಪ್ರಸನ್ನ ಪೂಜೆ, ಮಹಾಮಂತ್ರಾಕ್ಷತೆ, ಪ್ರಸಾದ ಕೊರ್ಪಿನವ್, ಬಯ್ಯಗ್ 4 ಗಂಟೆರ್ದ್ ಧೂಮಾವತಿ ದೈವಸ್ಥಾನಡ್ ಕಲಶಾಭಿಷೇಕ.

ಸಾಂಸ್ಕೃತಿಕ ಕಾರ್ಯಕ್ರಮಲು
ಏ. 2 ಸನಿಯಾರ ಬಯ್ಯಗ್ 6.30 ಗಂಟೆರ್ದ್ ಕೆಮ್ಮಣ್ಣು ಶ್ರೀ ದುರ್ಗಾಪರಮೇಶ್ವರಿ ಯಕ್ಷಗಾನ ಕಲಾಕೇಂದ್ರದ ಕಲ್ಪಾರ್ಥಿಲೆರ್ದ್ ಯಕ್ಷಗಾನ ಪ್ರದರ್ಶನ
ಪ್ರಸಂಗ: ಪಾಂಡವಾಶ್ವಮೇಧ

ಏ.3 ಐತಾರ ಬಯ್ಯಗ್ 6.30 ಗಂಟೆರ್ದ್ ಉದಯೋನ್ಮುಖ ಯುವ ಗಾಯಕಿ ಆಯಿನ ಕುಮಾರಿ ಶರಣ್ಯ ಕೆ.ಎನ್ ಬೊಕ್ಕ ಕುಮಾರಿ ಸುಮೇಧಾ ಕೆ.ಎನ್ ಮುಕುಲೆರ್ದ್
ಕರ್ನಾಟಕ ಶಾಸ್ತ್ರೀಯ ಸಂಗೀತ ಕಾರ್ಯಕ್ರಮ

ಏ.5 ಅಂಗಾರೆ ಬಯ್ಯಗ್ 6.30 ಗಂಟೆರ್ದ್ ಬಲೆ ತೆಲಿಪಾಲೆ ಖ್ಯಾತಿದ ಉಮೇಶ್ ಮಿಜಾರು ಮುತಾಲಿಕೆಡ್ ನಮ್ಮ ಕಲಾವಿದೆರ್ ಬೆದ್ರ ಮೊಕ್ಲೆಡ್ದ್ ತುಳು ಹಾಸ್ಯಮಯ ನಾಟಕ
ಕುಸಲ್ದ ಗೊಬ್ಬು

ಏ.6 ಬುಧಾರ ಬಯ್ಯಗ್ 6.30 ಗಂಟೆರ್ದ್ ಯಕ್ಷಗಾನ ಗೊಂಬೆಯಾಟ, ಶ್ರೀ ಉಪ್ಪಿನಕುದ್ರು ಶ್ರೀ ಗಣೇಶ ಯಕ್ಷಗಾನ ಗೊಂಬೆಯಾಟ ಮಂಡಳಿ
ಚೂಡಾಮಣಿ – ಲಂಕಾದಹನ
ಗೊಂಬೆಯಾಟ ಪ್ರದರ್ಶನ

ಬರವು : ಶ್ರುತಿ ದಾಸ್

ಒಡಿಪು ಡಿವೈಎಸ್ಪಿ ರಾಘವೇಂದ್ರ ನಾಯಕ್ ಬೊಕ್ಕ ಎಚ್ ಸಿ ವಿಜಯ ಕುಮಾರ್ಗ್ ಮುಖ್ಯಮಂತ್ರಿ ಪದಕ

ಒಡಿಪು : 2021ನೇ ಸಾಲ್ ದ ಮುಖ್ಯಮಂತ್ರಿ ಪದಕಗ್ ಒಡಿಪು ಜಿಲ್ಲಾ ಸಶಸ್ತ್ರ ಮೀಸಲು ಪಡೆತ ಡಿವೈಎಸ್ಪಿ ರಾಘವೇಂದ್ರ ಆರ್.ನಾಯಕ್ ಬೊಕ್ಕ ಒಡಿಪು ಡಿಸಿಆರ್‌ಬಿದ ಹೆಡ್‌ಕಾನ್‌ಸ್ಟೇಬಲ್ ಬಿ.ವಿಜಯ ಕುಮಾರ್ ಆಯ್ಕೆಯಾತೆರ್ .

ಉತ್ತರ ಕನ್ನಡ ಜಿಲ್ಲೆದ ಶಿರಸಿ ನಿವಾಸಿ ರಾಘವೇಂದ್ರ ನಾಯಕ್ 2006ಟ್ಟ್ ಪೊಲೀಸ್ ಇಲಾಖೆಗ್ ಸೇರ್ಪಡೆ ಆತೆರ್ , 2007ರ್ದ್ ಕುಡ್ಲಡ್ ಕರ್ತವ್ಯ ಸುರು ಮಲ್ತೆರ್ . ಐರ್ದ್ ಬೊಕ್ಕ 2019ಡ್ ಒಡಿಪು ಡಿಎಆರ್‌ಗ್ ವರ್ಗಾವಣೆ ಆಯಿಬೊಕ್ಕ ಮೇರ್ ರಡ್ಡ್ ವರ್ಷದ ಪಿರವು , ಡಿವೈಎಸ್ಪಿ ಆಯೆರ್.

Udupi DySP Raghavendra Nayak and H Vijay Kumar get the Chief minister’s medal.

Udupi: The CM’s medal for the year 2021 was bagged by Udupi district special forces Dy SP Raghavendra Nayak and B Vijay Kumar head constable of DCRB.

Raghavendra Nayak is from Sirsi district of UK district and joined the forces in 2006 and started duty at Mangalore in2007.He was transferred to Udupi DAR in 2019 and was promoted as DySP.

 

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಒಡಿಪು ವತಿರ್ದ್ ವಿಶ್ವ ವಿದ್ಯಾಲಯ ಮಟ್ಟದ ಕನ್ನಡ ರಸಪ್ರಶ್ನೆ ಪಂಥ

 

ಕುಡ್ಲ : ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಒಡಿಪು ವತಿರ್ದ್ ಬಲಿದಾನ ದಿವಸ ಪರವಾದ್ ಕುಡ್ಲ ವಿಶ್ವ ವಿದ್ಯಾಲಯ ಮಟ್ಟದ ಕನ್ನಡ ರಸಪ್ರಶ್ನೆ ಪಂಥ ನಡತುಂಡು.


ಲೇಸ್ ದ ಉದಿಪನನ್ ಶ್ರೀ ವೆಂಕಟೇಶ ಕೆ. ಮುದ್ದೂರು ಸಿಂಡಿಕೆಟ್ ಸದಸ್ಯರು ಕರ್ನಾಟಕ ಜಾನಪದ ವಿಶ್ವ ವಿದ್ಯಾನಿಲಯ ಮೇರ್ ಉದಿಪನ ಮಲ್ತ್ ಮಹತ್ವನ್ ತೆರಿಪಾಯೆರ್ ಅಂಚನೆ ಲೇಸ್ ದ ಮಲ್ಲ ಬಿನ್ನೆರ್ ಆದ್ ಪೂರ್ಣಪ್ರಜ್ಞ ಕಾಲೇಜ್ ದ ಪ್ರಾಂಶುಪಲೆರಾಯಿನ ಶ್ರೀಯುತ ರಾಘವೇಂದ್ರ ಎ ಬೊಕ್ಕ ಭರತ್ ಎ ಪಾಲ್ ಪಡೆದಿತ್ತೆರ್.

All India Students Council Udupi to hold university level Quiz contest.

Mangalore: All India Students Parishad conducted university level Quiz contest on Martyrs day .

Sri Venktesh K Muddur , Syndicate member, Karnataka Janapada Vishwa Vidya nilalaya inaugurated the program and spoke on the importance of martyrs day.The guests of honour was the principal of Poornapagnya college Sri Raghavendra.A and Bharath A.

 

ಗ್ರಾಹಕೆರ್ನ ಕಿಸೆಕ್ ಕತ್ತೆರಿ | ಎ.1ರ್ದ್ ಜಾಸ್ತಿ ಆವೊಂದು ಉಂಡು ಹೊಟೇಲ್ ವನಸ್ದ ಬಿಲೆ

ಬೆಂಗ್ಳೂರು : ಬಿಲೆ ಜಾಸ್ತಿ ಆಯಿನೆರ್ದಾವರ ಕುಗ್ಗಿನ ಜನತೆಗ್ ಕುಡೊಂಜಿ ಶಾಕಿಂಗ್ ಸುದ್ದಿ ಉಂಡು.ಅಡುಗೆ ಎಣ್ಣೆ, ಡೀಸೆಲ್, ಗ್ಯಾಸ್ ದ ಕಾಸ್ ಜಾಸ್ತಿ ಆಯಿನೆರ್ದಾವರ ರಾಜ್ಯೊಡು ಹೋಟೆಲ್ ಡ್ ಎಲ್ಲೆರ್ದ್ ವನಸ್ -ತಿಂಡಿ ದ ಬಿಲೆ ಜಾಸ್ತಿ ಆಯರೇ ಉಂಡು.

ಅಡುಗೆ ಎಣ್ಣೆ 200 ಆತುಂಡು . ಗ್ಯಾಸ್, ಡೀಸೆಲ್, ರೇಷನ್ ದ ಬಿಲೆ ಲಾ ಜಾಸ್ತಿ ಆಯಿನೆರ್ದಾವರ ಏಪ್ರಿಲ್ 1 ರ್ದ್ ಹೋಟೆಲ್ ಡ್ ವನಸ್ , ತಿಂಡಿ ದರ ಶೇಕಡ ಪತ್ತ್ ದಾತ್ ಜಾಸ್ತಿ ಆಯರೇ ಉಂಡು . ವಡೆ 25 ರೂಪಾಯಿ, ಪೂರಿ 50 ರೂಪಾಯಿಗ್ ಏರಿಕೆ ಆಯೆರೆ ಉಂಡು .

ಶ್ರೀ ಹನುಮಾನ್ ಮಂದಿರ (ರಿ.), ಎಡಪದವು: ಸಾನಿದ್ಯ ದೃಢಕಲಶಾಭಿಷೇಕ, ಹನುಮಾನ್ ಜಯಂತಿ ಬೊಕ್ಕ ವರ್ಷಾದಿ ಉಚ್ಚಯ

ಎಡಪದವು : ಶ್ರೀ ಹನುಮಾನ್ ಮಂದಿರ (ರಿ.), ಎಡಪದವುಡು ತಾರೀಖ್ 16-04-2022 ಶನಿವಾರದಾನಿ ಎಡಪದವು ಹನುಮಾನ್ ಮಂದಿರಡ್ ಮಿಜಾರು ಪಲ್ಕೆ ವೇದಮೂರ್ತಿ ಶ್ರೀ ರತೀಶ್ ಭಟ್‌ರೆನ ಮುತಾಲಿಕೆಡ್ ಬೊಕ್ಕ ಎಡಪದವು ವೇದಮೂರ್ತಿ ಶ್ರೀ ವೆಂಕಟೇಶ ತಂತ್ರಿಲೆನ ಮಾರ್ಗದರ್ಶನ, ಶ್ರೀ ಹನುಮಾನ್ ದೇವೆರೆಗ್ ಸಾನಿಧ್ಯ ದೃಢಕಲಶಾಭಿಷೇಕ, ಹನುಮಜ್ಜಯಂತಿ ಬೊಕ್ಕ, ವರ್ಷಾದಿದ ಉಚ್ಚಯ ನಡಪರೆ ಉಂಡು.

ಆ ನೆಲೆಟ್ಟ್ ತಾರೀಖ್ 10-04-2022 ನೇ ಐತಾರ ರಾಮನವಮಿರ್ದ್ ತಾರೀಖ್ 17-04-2022 ಐತಾರ ಮುಟ ಬೇತೆ ಬೇತೆ ಧಾರ್ಮಿಕ ಲೇಸ್ ಬೊಕ್ಕ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.

ತಾರೀಖ್ 10.04.2022ನೇ ಐತಾರ ರಾಮ ನವಮಿರ್ದ್ ತಾರೀಖ್ 17.04.2022ನೇ ಐತಾರ ಮುಟ ದಿನಾಲ ಬಯ್ಯಗ್ 6.00 ಗಂಟೆರ್ದ್ 7.30 ಗಂಟೆ ಮುಟ ಬೇತೆ ಬೇತೆ ಭಜನಾ ಕೂಟರ್ದ್ ಭಜನಾ ಸಂಕೀರ್ತನೆ ಬೊಕ್ಕ ರಂಗಪೂಜೆ.

15-04-2022 ಶುಕ್ರಾರ
ಬಯ್ಯ 4.30ರ್ದ್ ಪುಣ್ಯವಾಚನ, ಸಪ್ತಶುದ್ಧಿ ರಾಕ್ಟೋಘ್ನ ಹೋಮ, ವಾಸ್ತು ಪೂಜೆ, ವಾಸ್ತು ಬಲಿ ವಾಸ್ತುಹೋಮ ದಿಕ್ಖಾಲಕ ಬಲ, 49 ಕಲಶಾಧಿವಾಸ ಪ್ರಧಾನ ಹೋಮ.

ಎ.16 ನೇ ಶನಿಯಾರ : ಕಾಂಡೆ 6.00 ಗಂಟೆರ್ದ್ ಬಯ್ಯ 7.30 ಮುಟ ಭಜನಾ ಕೂಟರ್ದ್ ಭಜನಾ ಸಂಕೀರ್ತನೆ,ಸ್ವಸ್ತಿವಾಚನ, ಗಣಪತಿ ಹೋಮ ದೃಢಕಲರಾಭಿಷೇಕ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ,ಬಯ್ಯ ಹನುಮಜ್ಜಯಂತಿ ಪ್ರಯುಕ್ತ ರಂಗ ಪೂಜೆ, ಅನ್ನಸಂತರ್ಪಣೆ.

ಎ.17 ನೇ ಐತಾರ : ಬಯ್ಯ 5.30 ಗಂಟೆರ್ದ್ 6.30 ಮುಟ
ಭಜನಾ ಸಂಕೀರ್ತನೆ, ರಂಗ ಪೂಜೆ, ಅನ್ನಸಂತರ್ಪಣೆ.
ಬಯ್ಯಗ್ 6.30 ಗಂಟೆರ್ದ್ ಸಾಂಸ್ಕೃತಿಕ ಕಾರ್ಯಕ್ರಮ, ಧಾರ್ಮಿಕ ಸಭೆ ಬೊಕ್ಕ ತುಳು ನಾಟಕ ನಡಪರೆ ಉಂಡು.

ಶ್ರೀ ನಾಗಬ್ರಹ್ಮ ಸುಬ್ರಹ್ಮಣೇಶ್ವರ ದೇವಸ್ಥಾನ ಬದನಡಿ : ಬ್ರಹ್ಮಕಲಶೋಚ್ಚಯ

ಬಂಟ್ವಾಳ : ಶ್ರೀ ನಾಗಬ್ರಹ್ಮ ಸುಬ್ರಹ್ಮಣೇಶ್ವರ ದೇವಸ್ಥಾನ ಬದನಡಿಟ್, ತಾರೀಖ್ 10-04-2022ನೇ ಐತಾರ ಕಾಂಡೆ 9.21ಕ್ ಬರ್ಪಿನ ವೃಷಭ ಲಗ್ನ ಸುಮುಹೂರ್ತಡ್ ಧರ್ಮಸ್ಥಳದ ಧರ್ಮಾಧಿಕಾರಿ ರಾಜರ್ಷಿ ಡಿ. ವೀರೇಂದ್ರ ಹೆಗ್ಡೆರ್ ಬೊಕ್ಕ ಶ್ರೀಧಾಮ ಮಾಣಿಲದ ಪರಮಪೂಜ್ಯ ಶ್ರೀ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿಲೆನ ಶುಭಾಶೀರ್ವಾದದೊಟ್ಟುಗು ಶ್ರೀ ನಾಗಬ್ರಹ್ಮ ಸುಬ್ರಹ್ಮಣೇಶ್ವರ ದೇವೆರೆಗ್ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ ಕ್ಷೇತ್ರದ ತಂತ್ರಿಲಾಯಿನ ಬ್ರಹ್ಮಶ್ರೀ ವೇದಮೂರ್ತಿ ನಡ್ಡಂತಾಡಿ ಶ್ರೀಪಾದ ಪಾಂಗಣ್ಯಾಯದ ಆಚಾರ್ಯತ್ವಡ್ ನಡಪರೆ ಉಂಡು.

ಆ ನೆಲೆಟ್ಟ್ ತಾ. 05-04-2022ರ್ದ್ 10-04-2022ರ ಮುಟ ನಡಪುನ ವೈದಿಕ ಬೊಕ್ಕ ತಾಂತ್ರಿಕ, ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ಗ್ ಬತ್ತ್ ದ್ ಈ ಮಂಗಳ ಉಚ್ಚಯಡ್ ಪಾಲ್ ಪಡೆದ್ ,ಶ್ರೀಮುಡಿ ಗಂಧಪ್ರಸಾದ ಸ್ವೀಕಾರ ಮಲ್ಪೊಡು ಪಂದ್ ಆಡಳಿತ ವರ್ಗದ ಪರವಾದ್ ಬಿನ್ನಾಪು ಮಲ್ದೆರ್.

 ತಾರೀಖ್ 05-04-2022ನೇ ಅಂಗಾರೆ ಬಯ್ಯಗ್ 3 ಗಂಟೆಗ್ ಪುದೆಕಾಣಿಕೆ ಸಮರ್ಪಣಾ ಮೆರವಣಿಗೆ ನಡಪರೆ ಉಂಡು ನೆತ್ತ ಉದಿಪನ ನ್ ಪರಮಪೂಜ್ಯ ಶ್ರೀ ಕಮಲಪ್ರಸಾದ ಆಸ್ರಣ್ಣೆರ್ ಮಲ್ಪರೆ ಉಲ್ಲೆರ್.ಸಿದ್ಧಟ್ಟೆಡ್ ಮೆರವಣಿಗೆದ ಉದಿಪನನ್ ವೇದಮೂರ್ತಿ ಕೃಷ್ಣಪ್ರಸಾದ ಅಸ್ರಣ್ಣೆರ್ ನಡಪಾದ್ ಕೊರ್ರೆ ಉಲ್ಲೆರ್.

ಡಬ್ಲ್ಯೂಟಿಟಿ ಸ್ಟಾರ್ ಕಂಟೆಂಡರ್ ಟೇಬಲ್ ಟೆನಿಸ್ ಗ್ ಆಯ್ಕೆ ಆಯಿನ ಅರ್ಚನಾ ಕಾಮತ್

ದೋಹಾ: ಭಾರತದ ಮಣಿಕಾ ಬಾತ್ರಾ ಬೊಕ್ಕ ಅರ್ಚನಾ ಕಾಮತ್ ಮೇರ್ ಡಬ್ಲ್ಯುಟಿಟಿ ಸ್ಟಾರ್‌ ಕಂಟೆಂಡರ್ ಟೇಬಲ್ ಟೆನಿಸ್ ಟೂರ್ನಿಡ್ ಸೆಮಿಫೈನಲ್‌ಗ್ ಆಯ್ಕೆ ಆತೆರ್ .

ಮುಲ್ಪ ನಡತೊಂದು ಉಪ್ಪುನ ಟೂರ್ನಿದ ಮಹಿಳಾ ಡಬಲ್ಸ್ ವಿಭಾಗದ 8ನೇ ಘಟ್ಟ ಡ್ ಅಂಗಾರೆ ಭಾರತದ ಜೋಡಿ 13-11, 8-11, 11-5, 13-11ರ್ದ್ ಹಾಂಗ್‌ಕಾಂಗ್‌ದ ಸೂ ವೈ ಯಾಮ್ ಮಿನ್ನಿ ಬೊಕ್ಕ ಲೀ ಹೊಂಗ್ ಮೆಕ್ಲೆನ್ ಸೋಪಾಯೆರ್ .

ಶಕ್ತಿನಗರಡ್ ಉಂತಾದಿನಲ್ಪನೇ ಪೊತ್ತಿನ ಸ್ವಿಫ್ಟ್ ಕಾರ್

ಕುಡ್ಲ : ಉಂತಾದಿನ ಕಾರ್ ಡ್ ತೂ ತೊಜೀದ್ ಕಾರ್ ಪೊತ್ತುದು ಭಸ್ಮ ಆಯಿನ ಘಟನೆ ಶಕ್ತಿನಗರದ ಕೈತಲ್ ಕೋಡೆ ರಾತ್ರಿ ನಡತುಂಡು.

ಪೊಂಜೊವು ಒರ್ತಿ ತನ್ನ ಸ್ವಿಫ್ಟ್ ಕಾರ್ ಉoತಾದ್ ತನ್ನ ಫೋನ್ ಗಾಡಿಡೆ ದೀದ್ ಪಿದಾಯಿ ಪೋದು ಇತ್ತೆರ್ . ಕುಡ ಪಿರ ಬನ್ನಗ ಜಾಗೆಡ್ ತೂ ತೊಜಿದುಂಡು ಅಪಗನೆ ಆರ್ ಕೈತಲ್ ದಕ್ಲೆಗ್ ತೆರಿಪಾದೆರ್ , ಮಾಹಿತಿ ಪಡೆಯಿನ ಅಗ್ನಿಶಾಮಕ ದಳದ ಅಧಿಕಾರಿ, ಸಿಬ್ಬಂದಿ ವರ್ಗ ಜಾಗೆಗ್ ಬತ್ದ್ ತೂ ತೆಕ್ಕವುನ ಪ್ರಯತ್ನ ಮಲ್ದೆರ್.

ಉಳ್ಳಾಲಬೈಲು ಶ್ರೀ ವೈದ್ಯನಾಥ ದೈವಸ್ಥಾನ : ಸಾನದಾಯನ

ಉಳ್ಳಾಲ : ತಾರೀಖ್ 13/4/2022 ನೇ ಬುಧಾರ ರಾತ್ರಿ 12:01 ಕ್ಕ್ ಭಂಡಾರ ಏರುನೆರ್ದ್ ಸುರು ಆದ್ ತಾರೀಖ್ 14/4/2022ನೇ ಗುರುವಾರ ಮುಟ ಉಳ್ಳಾಲಬೈಲು ಶ್ರೀ ವೈದ್ಯನಾಥ ದೈವಸ್ಥಾನದ ಸಾನದಾಯನ ನಡಪರೆ ಉಂಡು.

ಈ ನೆಲೆಟ್ಟ್ ಎ.7 ಕ್ಕ್ ಕಾಂಡೆ 9:30 ಕ್ ಕೋರಿದ ಕಟ್ಟ, ಎ.13 ಕ್ಕ್ ರಾತ್ರಿ 12 ಗಂಟೆಗ್ ಭಂಡಾರ ಏರೆರೆ, ಎ.144 ಕ್ಕ್ ಜುಮಾದಿ ಬಂಟ ದೈವಗಳ ಗಗ್ಗರ ಸೇವೆ, ನೇಮ ಬೊಕ್ಕ ಅಭಯ ಪ್ರಧಾನ ಬೊಕ್ಕ ಪ್ರಸಾದ ಪಟ್ಟುನ ಸೇವೆ ಉಂಡು.ಎ.15 ಕ್ಕ್ ಕೊರಗ ತನಿಯ ದೈವದ ನೆಮೋಚ್ಚಯ ನಡಪರೆ ಉಂಡು.

You Missed