Sat. Nov 21st, 2026

ಊರ್ದ ಸುದ್ದಿ Regional News

ಕರ್ನಾಟಕ ರಾಜ್ಯ ಪತ್ರಕರ್ತೆರ್ನ ಸಂಘ: ಕಾರ್ಯಕಾರಿ ಸಮಿತಿ ಸದಸ್ಯೆರಾದ್ ಆಯ್ಕೆ ಆಯಿನ ಬಾಳ ಜಗನ್ನಾಥ ಶೆಟ್ಟಿ

 

ಕುಡ್ಲ : ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯ ಕಾರ್ಯಕಾರಿ ಸಮಿತಿ ಸದಸ್ಯೆರಾದ್ ಪೆರಿಯ ಪತ್ರಕರ್ತೇರಾಯಿನ ಬಾಳ ಜಗನ್ನಾಥ ಶೆಟ್ಟಿ ಅವಿರೋಧವಾದ್ ಆಯ್ಕೆ ಆತೆರ್ . ಮೇರ್ ಸತತ ರಡ್ಡನೇ ಸಲ ಆಯ್ಕೆ ಆತೆರ್ . ಬಾಳ ಮೇರ್ ಕರ್ನಾಟಕ ಮಾಧ್ಯಮ ಅಕಾಡೆಮಿದ ಸದಸ್ಯೆರಾದ್ ಲ ಬೆನ್ನಿ ಬೆನೊಂದು ಉಲ್ಲೆರ್.

ಶ್ರೀ ಧರ್ಮರಸು ಕೊಡಮಣಿತ್ತಾಯ ಕುಕ್ಕಿನಂತಾಯ ದೈವಸ್ಥಾನ, ಬ್ರಹ್ಮ ಬೈದರ್ಕಳ ಗರಡಿ ರೆಂಜಾಳ : ವರ್ಷಾದಿದ ಉಚ್ಚಯ

 

ರೆಂಜಾಳ : ಶ್ರೀ ಧರ್ಮರಸು ಕೊಡಮಣಿತ್ತಾಯ ಕುಕ್ಕಿನಂತಾಯ ದೈವಸ್ಥಾನ, ಬ್ರಹ್ಮ ಬೈದರ್ಕಳ ಗರಡಿಡ್ ತಾರೀಖ್ 15/4/2022 ನೇ ಶುಕ್ರಾರರ್ದ್ 18/4/2022 ನೇ ಸೋಮಾರ ಮುಟ ವರ್ಷಾದಿದ ಆಯೋನೋತ್ಸವ ನಡಪರೆ ಉಂಡು.

ಶ್ರೀ ಮಹಮ್ಮಾಯಿ ದೇವಸ್ಥಾನ, ರೆಂಜಾಳಡ್ ತಾರೀಖ್ ಮೇ ತಿಂಗೊಲ್ದ 5 ನೆ ತಾರೀಖ್ ಗ್ ಅಂಗಾರೆದಾನಿ ವರ್ಷಾವಧಿ ನಡಪುನ ಮಹಾಪೂಜೆ ಬಾರಿ ಗೌಜಿಡ್ ನಡಪರೆ ಉಂಡು.
ತಾರೀಕ್ 08-05-2022ನೇ ಅಂಗಾರೆ ಕಾಂಡೆ 9-00 ಗಂಟೆಗ್ ರೆಂಜಾಳ ಬಸದಿ ಶ್ರೀ ಚಂದ್ರನಾಥ ಸ್ವಾಮಿ ಸನ್ನಿಧಿಡ್ ನಡಪರೆ ಉಂಡು.

ಅಂಚನೆ ಶ್ರೀ ಮಹಾಮ್ಮಾಯಿ ದೇವಲ್ಯೊಡು ತೋರಣ ಮುಹೂರ್ತ ಕಾಂಡೆ ಗಂಟೆ 10-30ಕ್ ಪ್ರತಿಷ್ಠಾ ಮೆರವಣಿಗೆ ಸಹಸ್ರ ನಾಮಾರ್ಚನೆ ಪೂಜೆ, ಮಧ್ಯಾಹ್ನ ಪೂಜೆ, ಗಂಟೆ 12-30ಕ್ ಅನ್ನ ಸಂತರ್ಪಣೆ ನಡಪರೆ ಉಂಡು.

ತಾರೀಖ್ 10-05-2022 ನೇ ಅಂಗಾರೆ ಊರಪೂಜೆ, ನಡಪರೆ ಉಂಡು.
ತಾರೀಖ್ 15-4-2022ನೇ ಶುಕ್ರಾರ ರಾತ್ರಿ ಗಂಟೆ 9 ಗ್ ಬ್ರಾಣಬೆಟ್ಟು ಗುತ್ತುಡು ಉಪಾಹಾರ ಭಂಡಾರ ಜಪ್ಪೆರೆ, ಶ್ರೀಕ್ಷೇತ್ರ ಹೈಪಿಲಾತ್ತ ಸ್ಥಾನಗ್ ಆಗಮನ, ತೋರಣ ಮುಹೂರ್ತ ಕಲಶ ಪ್ರಧಾನ, ಧ್ವಜಾರೋಹಣ, ಶ್ರೀ ಧರ್ಮರಸು ನೇಮ.
ತಾರೀಖ್ 16-4-2022ನೇ ಶನಿಯಾರ ರಾತ್ರಿ ಗಂಟೆ 8-30ಕ್ ಶ್ರೀ ಚಂದ್ರನಾಥ ಸ್ವಾಮಿ ಬಸದಿಡ್ ಕ್ಷೀರಾಭಿಷೇಕ ಶ್ರೀ ಪದ್ಮಾವತಿ ಅಮ್ಮಗ್ ವರಹ ಪೂಜೆ.ಶ್ರೀಕ್ಷೇತ್ರಡ್ ರಾತ್ರಿ ಗಂಟೆ 8-00ರ್ದ್ ಅನ್ನಸಂತರ್ಪಣೆ ರಾತ್ರಿ ಗಂಟೆ 10-00ಕ್ಕ್ ಚೆಂಡು ಕೊಡಮಣಿತ್ತಾಯ, ಕುಕ್ಕಿನಂತಾಯ ದೈವದ ನೇಮ, ಬಲಿ ಕಟ್ಟೆಪೂಜೆ ಬೊಕ್ಕ ಉಚ್ಚಯ.ತಾರೀಖ್ 17-4-2022ನೇ ಐತಾರ ರಾತ್ರಿ ಗಂಟೆ 8-00ರ್ದ್ ಅನ್ನಸಂತರ್ಪಣೆ,9 ಗಂಟೆರ್ದ್ ಬೈದರ್ಕಳ ನೇಮ, ಉಚ್ಚಯ ಬೊಕ್ಕ ಕಡ್ಸಲೆ ಬಲಿ. ತಾರೀಖ್ 18-4-2022ನೇ ಸೋಮಾರ ಕಾಂಡೆ 6 ಗಂಟೆಗ್ ಮಾಯಿಂದಲೆ ನೇಮ, ಧ್ವಜಾವರೋಹಣ. ಬಯ್ಯಗ್ 5 ಗಂಟೆಗ್ ಶುದ್ಧ ಸಂಪ್ರೋಕ್ಷಣೆ ಬೊಕ್ಕ ದೈವದ ಭಂಡಾರ ಮೂಲಸ್ಥಾನಗ್ ಪೋಯೆರೆ .ಕುಕ್ಕಿನಂತಾಯ ದೈವದ ಕುರುಸಂಬಿಲ ನೇಮ ನಡಪರೆ ಉಂಡು.

ಆಂಬುಲೆನ್ಸ್ ಡ್ ಬತ್ತ್ ದ್ ಪರೀಕ್ಷೆ ಬರೆಯಿನ ಬೊಲ್ತೆರ್ದ ಪೊಣ್ಣು

 

ಕುಡ್ಲ : ಕುಡ್ಲದ ಬೊಲ್ತೆರ್ ಡ್ ಸ್ಕೂಟರ್ ರ್ದ್ ಬೂರ್ದು ಗಾಯ ಆಯಿನ ಪೊಣ್ಣು ಒರ್ತಿ ಆಂಬುಲೆನ್ಸ್ ಡ್ ಪರೀಕ್ಷಾ ಕೇಂದ್ರಗ್ ಪೋದು , ಕುಡೊಂಜಿ ಕಲ್ಪಾರ್ಥಿನ ಸಾಕಾರೊಡು ಪರೀಕ್ಷೆ ಬರೆತಲ್ . ಬೊಲ್ತೆರ್ದ
ಲಾಯಿಲ ಸೈಂಟ್ ಮೇರಿಸ್ ಆಂಗ್ಲ ಮಾಧ್ಯಮ ಶಾಲೆದ ಎಸ್ಸೆಸೆಲ್ಸಿ ವಿದ್ಯಾರ್ಥಿನಿ ತನ್ವಿ ಪನ್ಪಿನ ಪೊಣ್ಣು ಕಡೆತ ವಿಜ್ಞಾನ ಪರೀಕ್ಷೆ ಬರೆಯರೇ ವಾಣಿ ಕಾಲೇಜಿಗ್ ಅಪ್ಪೆನ ಒಟ್ಟುಗು ಸ್ಕೂಟರ್ ಡ್ ಪೋವೊಂದು ಉಪ್ಪುನಗ ಲಾಯಿಲದ ಪುತ್ರಬೈಲು ಅಂಗನವಾಡಿದ ಎದುರು ತರೆ ತಿರ್ಗ್ ದ್ ಬೂ ರ್ದು ಇತ್ತೆರ್.

ಅಪಘಾತರ್ದ್ ಅಪ್ಪೆ ಮಮತಾಗ್ ಒವ್ವೆ ರೀತಿದ ಪೆಟ್ಟ್ ಅತಿಜಿ ಕಲ್ಪಾರ್ಥಿ ಗ್ ಎಲ್ಯ ಗಾಯ ಆದ್ ಇತ್ತುಂಡು ಅಪಗನೆ ಅಲೆನ್ ಉಜಿರೆದ ಬೆನಕ ಆಸ್ಪತ್ರೆಗ್ ದಾಖಲ್ ಮಲ್ತ್ ವೈದ್ಯೆರ್ ಚಿಕಿತ್ಸೆ ಕೊರ್ತೆರ್ .

ಐರ್ದ್ ಬೊಕ್ಕ ಶಾಲಾ ಆಡಳಿತ ಮಂಡಳಿಗ್ ಕರೆ ಮಲ್ತಿನ ಅಪ್ಪೆ ಘಟನೆಯ ಬಗ್ಗೆ ಮಾಹಿತಿ ಕೊರ್ತೆರ್ . ಅಪಗನೆ ಸ್ಪಂದನೆ ಕೊರಿನ ಆಡಳಿತ ಮಂಡಳಿದಕುಲು ಆಸ್ಪತ್ರೆಗ್ ಪೋದು ಪೊನ್ನನ ಅರೋಗ್ಯ ತೂಯೆರ್ . ಅಲೆಗ್ ಪರೀಕ್ಷೆ ಬರೆಯಾರೇ ಆವಂದೆ ಉಪ್ಪುನೆರ್ದಾವರ ಅವ್ವೆ ಶಾಲೆದ ಕುಡೊಂಜಿ ಪೊಣ್ಣನ ದಾಖಲೆ ಕೊರ್ದು ಪರೀಕ್ಷೆ ಬರೆಯರೇ ಅನುವು ಮಲ್ತ್ ಕೊರಿಯೆರ್.

ನ್ಯಾಶನಲ್‌ ಹೆರಾಲ್ಡ್‌ ಭ್ರಷ್ಟಾಚಾರ ಪ್ರಕರಣ: ಕಾಂಗ್ರೆಸ್ ನಾಯಕ ಮಲ್ಲಿಕಾರ್ಜುನ ಖರ್ಗೆಗ್ ಇಡಿ ಶಾಕ್

 

ಹೊಸದಿಲ್ಲಿ : ನ್ಯಾಶನಲ್‌ ಹೆರಾಲ್ಡ್‌ ಭ್ರಷ್ಟಾಚಾರ ಪ್ರಕರಣಗ್ ಸಂಬಂಧಿ ಪೆರಿಯ ಕಾಂಗ್ರೆಸ್‌ ನಾಯಕ, ಕೇಂದ್ರ ಮಾಜಿ ಸಚಿವ ಮಲ್ಲಿಕಾರ್ಜುನ ಖರ್ಗೆ ಮೆರೆನ್ ಇಡಿ (ಜಾರಿ ನಿರ್ದೇಶನಾಲಯ) ಪ್ರಶ್ನೆ ಮಲ್ದುಂಡು ಪಂದ್ ವರದಿ ಆತುಂಡು.

ನ್ಯಾಶನಲ್‌ ಹೆರಾಲ್ಡ್‌ ಭ್ರಷ್ಟಾಚಾರ ಪ್ರಕರಣಗ್ ಸಂಬಂಧಿ ತನಿಖೆಗಾದ್ ಮೆರೆಗ್ ಇಡಿ ಸಮನ್ಸ್‌ ಜಾರಿ ಮಲ್ದುಂಡು ಪಂದ್ ಆಂಗ್ಲ ವೆಬ್ ಸೈಟ್ ವರದಿ ಮಲ್ದುಂಡು .
ಬಿಜೆಪಿ ನಾಯಕ ಡಾ. ಸುಬ್ರಮಣಿಯನ್ ಸ್ವಾಮಿ ಮೇರ್ ಅಸೋಸಿಯೇಟೆಡ್ ಜರ್ನಲ್ಸ್ ಲಿಮಿಟೆಡ್ (ಎಜೆಎಲ್) ನ್ ಯಂಗ್ ಇಂಡಿಯನ್ ಪ್ರೈವೇಟ್ ಲಿಮಿಟೆಡ್ (ವೈಐಎಲ್) ಸ್ವಾಧೀನ ಮಲ್ಪುನಲ್ಪ ಕಾಂಗ್ರೆಸ್ ನಾಯಕೆರ್ ವಂಚನೆ ಮಲ್ತೊಂದು ಉಲ್ಲೆರ್ ಪಂದ್ ಆರೋಪ ಮಲ್ತ್ 2012 ಟ್ಟ್ ವಿಚಾರಣಾ ನ್ಯಾಯಾಲಯಗ್ ದೂರು ಕೊರ್ದು ಇತ್ತೆರ್ .

ಬಳ್ಳಾಲ್ ಬಾಗ್ ಸರಣಿ ಅಪಘಾತ ಪ್ರಕರಣ: ಗಾಯ ಆಯಿನ ಪೊಂಜೊವು ಗಂಭೀರ; ಆರೋಪಿನ್ ಕಸ್ಟಡಿಗ್ ದೆತೊನಿನ ಪೋಲಿಸೆರ್

 

ಕುಡ್ಲ : ಪೇಂಟೆದ ಬಲ್ಲಾಳ್‌ಬಾಗ್‌ಡ್ ಶನಿಯಾರ ಮಧ್ಯಾಹ್ನ ನಡತಿನ ಸರಣಿ ಅಪಘಾತ ಪ್ರಕರಣಗ್ ಸಂಬಂಧಿ ಆರೋಪಿ ಬಿಎಂಡಬ್ಲ್ಯು ಕಾರ್ ಚಾಲಕೆ ಶ್ರವಣ್ ಕುಮಾರ್‌ ನ್ ಸಂಚಾರ ಪೊಲೀಸೆರ್ ನ್ಯಾಯಾಲಯಗ್ ಹಾಜರ್ ಮಲ್ದೆರ್.

ನ್ಯಾಯಾಲಯ ಆರೋಪಿಗ್ ಏಪ್ರಿಲ್ 12 ತಾರೀಖ್ ಮುಟ ಪೊಲೀಸ್ ಕಸ್ಟಡಿಗ್ ಕೊರ್ತೆರ್ . ಜನ ಬೊಕ್ಕ ಸಂಚಾರ ದಟ್ಟಣೆರ್ದ್ ಇತ್ತಿನ ಮಾರ್ಗಡ್ ಮಸ್ತ್ ವೇಗಡ್ ನಿರ್ಲಕ್ಷ್ಯತನಡ್ ಮಲ್ತಿನ ನೆಲೆಟ್ಟ್ ಆರೋಪಿನ ವಿರುದ್ಧ ಭಾರತೀಯ ದಂಡ ಸಂಹಿತೆ ಕಲಂ 308, 279, 337, 338ರ ಅಡಿಟ್ ಪ್ರಕರಣ ದಾಖಲ್ ಮಲ್ದೆರ್ .

ಕಾಪು: ಶ್ರೀ ನಾರಾಯಣ ಗುರು ಭಜನಾ ಮಂದಿರಡ್ 78ನೇ ವಾರ್ಷಿಕ ಮಂಗಲೋತ್ಸವ

 

ಒಡಿಪು: ಕಾಪು ತಾಲೂಕ್ ದ ಮಟ್ಟು ಶ್ರೀ ನಾರಾಯಣ ಗುರು ಭಜನಾ ಮಂದಿರಡ್ 78ನೇ ವಾರ್ಷಿಕ ಮಂಗಲೋತ್ಸವ, ಗಣಹೋಮ, ಶ್ರೀ ಸತ್ಯನಾರಾಯಣ ಪೂಜೆ ಬೊಕ್ಕ ಜನಕುಲೆಗ್ ನುಪ್ಪು ಸೇವೆ ಏಪ್ರಿಲ್ 14 ತಾರೀಕ್ ಗ್ ಭಾರೀ ಗೌಜಿಡ್ ನಡಪರೆ ಉಂಡು.

ಕಾಂಡೆ 9 ಗಂಟೆಗ್ ಸಾಮೂಹಿಕ ಪ್ರಾರ್ಥನೆ ಬೊಕ್ಕ ಗಣಹೋಮ, 10 ಗಂಟೆಗ್ ಶ್ರೀ ಸತ್ಯನಾರಾಯಣ ಪೂಜೆ, 12 ಗಂಟೆಗ್ ಮಹಾಪೂಜೆ, ತೀರ್ಥಪ್ರಸಾದ, ವಿಶೇಷ ಭಜನಾ ಕಾರ್ಯಕ್ರಮ, 12.30 ಗ್ ಜನಕುಲೆಗ್ ನುಪ್ಪು ಸೇವೆ, ಬಯ್ಯ 6.45ಕ್ ಕಲಶ ಪ್ರತಿಷ್ಠೆ, ಭಜನಾ ಕಾರ್ಯಕ್ರಮ, ರಾತ್ರಿ 12 ಗಂಟೆಗ್ ಭಜನಾ ಮಹಾಮಂಗಲ, ಪ್ರಸಾದ ವಿತರಣೆ. ಎ.15 ತಾರೀಕ್ ಗ್ ಬಯ್ಯ 6.30 ಗ್ ಗುರುಪೂಜೆ, ರಾತ್ರಿ 7.30 ಗ್ ಸಾಂಸ್ಕೃತಿಕ ಕಾರ್ಯಕ್ರಮ, ರಾತ್ರಿ 8.30 ಗ್ ಪರಮ ಪದ್ಮ ಕಲಾವಿದೆರ್ ತುಳು ಜಾನಪದ ಐತಿಹಾಸಿಕ ನಾಟಕ ಚಲನಚಿತ್ರ ನಟೆ ಚೇತನ್ ರೈ ಮಾಣಿ ಅಭಿನಯ ಬಿರ್ಸೆ ಅನಿಕುಮಾರ್ ಸಸಿಹಿತ್ಲು ಬೊಕ್ಕ ಬೇತೆ ಪುಗರ್ತೆದ ಕಲಾವಿದೆರೆಡ್ದ್ ಶಿವ ಪುರ್ಸಾದ ಬಬ್ಬರ್ಯೆ ಪನ್ಪಿನ ತುಳು ನಾಟಕ ನಡಪರೆ ಉಂಡು.

ಒಡಿಪುದ ಶ್ರೀ ಕೃಷ್ಣನ ನಾಡ್ ದ ಶ್ರೀ ವಾದಿರಾಜ ಸ್ವಾಮಿಲೆನ ವರಪ್ರಸಾದ ಅಂಚನೆ ವಿಶ್ವ ವಿಖ್ಯಾತಿ ಪಡೆಯಿನ ಮಟ್ಟು ಗುಳ್ಳದ ಗ್ರಾಮ ಪಂದೇ ಪುಗರ್ತೆ ಪಡೆಯಿನ ಮಟ್ಟು ಗ್ರಾಮದ ಕಡಲತಡಿಟ್ಟ್ ಆರಾಧನೆ ಮಲ್ತೊಂದ್ ಬತ್ತಿನ ಮಂದಿರ ಶ್ರೀ ನಾರಾಯಣ ಗುರು ಭಜನಾ ಮಂದಿರ, ಮಟ್ಟು ತೆಂಕು ಕೊಪ್ಲ.

ಒಂಜೇ ಜಾತಿ ಒಂಜೇ ಮತ ಒಂಜೇ ದೇವೆರ್ ಪನ್ಪಿನ ಅಮರ ತತ್ವದ ಮುಖೇನ ಮುರ್ಕೊಂದಿತ್ತಿನ ಹಿಂದೂ ಧರ್ಮಗ್ ಪುನರ್ ಚೈತನ್ಯ ಕೊರಿನ ಮಹಾನ್ ಸಂತೆರ್ ಬ್ರಹ್ಮಶ್ರೀ ನಾರಾಯಣ ಗುರುಕುಲು. ಆರ್ನ ವಿದ್ಯೆರ್ದ್ ಸ್ವತಂತ್ರರಾಲೆ, ಸಂಘಟನೆರ್ದ್ ನನಲ ಗಟ್ಟಿ ಆಲೆ. ಬದುಕ್ ಉಂತಿನ ನೀರ್ ಆಯರೇ ಬಲ್ಲಿ. ಜಾತಿ ಒವ್ ಆಂಡಲ ದಾನೆ..? ಮನುಷ್ಯೇ ಎಡ್ಡೆ ಇಪ್ಪೊಡ್. ಇಂಚಿತ್ತಿನ ಅಮರ ಸಂದೇಶನ್ ಲೋಕಗ್ ಸಾರಿನ ಗುರುಕ್ಲೆನ ತತ್ವದಡಿಟ್ಟ್ 77 ವರ್ಷದ ಪಿರ ಮಂದಿರ ಉದಯ ಆಂಡ್.

1944 ಟ್ ದಿ| ಐತಪ್ಪ ಅಂಚನ್ ಮುತಾಲಿಕೆಡ್ ಸ್ಥಾಪನೆ ಆದ್, 1977 ಟ್ ಪುನರ್ ನಿರ್ಮಾಣ ಆಂಡ್. ಕರೀನ 77 ವರ್ಷಲೆಡ್ದ್ ಏಪಲ ಶನಿವಾರ ಭಜನಾ ಸಂಕೀರ್ತನೆ, ಶ್ರೀ ನಾರಾಯಣ ಗುರು ಜಯಂತಿ, ಶ್ರೀ ಸತ್ಯನಾರಾಯಣ ಪೂಜೆ, ವಾರ್ಷಿಕ ಭಜನಾ ಮಂಗಲೋಚ್ಚಯನ್ ಆಚರಣೆ ಮಲ್ತೊಂದ್ ಶ್ರದ್ಧಾ ಭಕ್ತಿದ ಕೇಂದ್ರವಾದ್ ಮೂಡ್ ದ್ ಬರೊಂದ್ಂಡ್.

ಭಕ್ತಾದಿ ಸದಸ್ಯೆರ್ನ ಆಶಯದಂಚನೆ, 43 ವರ್ಷರ್ದ್ ಪರ ಇತ್ತಿನ ಮಂದಿರನ್ 54 ಲಕ್ಷ ಖರ್ಚ್ ಮಲ್ತ್ ದ್ ಪುನರ್ ನಿರ್ಮಾಣ ಮಲ್ತ್ ದೆರ್. ಈ ಸಮಿತಿಡ್ ಇತ್ತೆ 52 ಜನ ಸದಸ್ಯೆರ್ ಉಲ್ಲೆರ್. ಸರ್ಕಾರರ್ದ್ 10 ಲಕ್ಷ ಅಂಚನೇ ರಾಜಕಾರಣಿರ್ದ್ 5 ಲಕ್ಷದ ಪಣವುದ ಸಾಕಾಯ ಈ ಮಂದಿರಗ್ ತಿಕ್ಕ್ ದ್ಂಡ್.

ಕೊರೊನಾದಂಚಿನ ಬಂಗದ ಪರಿಸ್ಥಿತಿಡುಲ ಊರುದ ಜನಕುಲು ಸಾಕಾಯ ಕೊರ್ತೆರ್. ಗ್ರಾಮೀಣ ಬದ್ ಕ್ ಗೊಂಜಿ ಶ್ರದ್ಧಾ ಭಕ್ತಿದ ಆಯಾಮನ್ ಕೊರ್ಪಿನ ಈ ಮಂದಿರ ನಾನಾತ್ ಎಡ್ಡೆ ಆವಡ್ ಪಂದ್ ಶ್ರೀ ನಾರಾಯಣ ಗುರು ಭಜನಾ ಮಂದಿರ, ಮಟ್ಟು, ತೆಂಕು ಕೊಪ್ಲದ ಗೌರವಾಧ್ಯಕ್ಷೆರ್, ಅಧ್ಯಕ್ಷೆರ್ ಬೊಕ್ಕ ಪದಾಧಿಕಾರಿಲು ಅಂಚನೇ ಸರ್ವ ಸದಸ್ಯೆರ್ ಎಡ್ಡೆಪ್ಪುನ್ ಬಯಕ್ ದೆರ್.

ಸೊರ ಉಂತಾಯಿನ ಪ್ರಸಾದ್ ಬಲಿಪ ಭಾಗವತೆರ್

ಕುಡ್ಲ : ಕಟೀಲು ಮೇಳದ ಪ್ರಧಾನ ಭಾಗವತ, ಬಲಿಪ ಪರಂಪರೆದ ಕೊಂಡಿ ಪ್ರಸಾದ ಬಲಿಪ ಭಾಗವತೆರ್ ಹುಷಾರ್ ದಾಂತೆ ಕುಡ್ಲದ ಖಾಸಗಿ ಆಸ್ಪತ್ರೆಡ್ ಇನಿ ತೀರ್ ಪೋಯೆರ್.

ಹುಷಾರ್ ದಾಂತೆ ಆಸ್ಪತ್ರೆಡ್ ಇತ್ತಿನ ಮೇರ್ ಮೇಳದ ತಿರುಗಾಟಡ್ ಈ ಸಲ ಇತ್ತುಜೆರ್ . ತೆಂಕುತಿಟ್ಟು ಯಕ್ಷಗಾನದ ಬಲಿಪ ಪರಂಪರೆದ ಬಲಿಪ ನಾರಾಯಣ ಭಾಗವತೆರ್ನ ಮಗೆ ಆಯಿನ ಬಲಿಪ ಪ್ರಸಾದ್ ಭಾಗವತೆರ್ , ಪಿರಾಕ್ರ್ದ್ ಪಾಲನೆ ಮಲ್ತೊಂದು ಬೈದಿನ ಭಾಗವತಿಕೆನ್ ಕಲ್ತೊಂದು ಕಟೀಲು ರಡ್ಡನೇ ಮೇಳದ ಪ್ರಧಾನ ಭಾಗವತತೆರ್ ಆದ್ ಇತ್ತೆರ್ .

ಏ.14 : ಮುಲ್ಕಿಡ್ ಸಾಮ್ರಾಟ್ ಅಶೋಕ್ ಪುಟ್ಟುಪರ್ಬದ ಲೇಸ್ ಗ್ 3 ಸಾರ ಜನ ಅಂದಾಜಿ

 

ಮುಲ್ಕಿ : ಬಪ್ಪನಾಡ್ ದೇವಸ್ಥಾನದ ವಠಾರೊಡು ಏ.14 ಕ್ಕ್ ಇಡೀ ದೇಶೋಡೇ ಸುರುತ್ತ ಸರ್ತಿ ನಡಪುನ ಸಾಮ್ರಾಟ್ ಅಶೋಕ ಚಕ್ರವರ್ತಿನ ಪುಟ್ಟುಪರ್ಬದ ಆಚರಣೆ ಲೇಸ್ ಗ್ 3 ಸಾರ ಜನ ಸೇರುನ ಅಂದಾಜಿ ಉಂಡು ಪಂದ್ ಮಯೂರಿ ಫೌಂಡೇಶನ್ ಸ್ಥಾಪಕೆರ್ ಬೊಕ್ಕ ಅಧ್ಯಕ್ಷೆರ್ ಜಯ ಕೆ.ಶೆಟ್ಟಿ ತೆರಿಪಾಯೆರ್.
ಮುಲ್ಕಿ ದ ಸ್ವಾಗತ್ ಹೋಟೆಲ್ ದ ಚಾವಡಿಡ್ ಸೋಮಾರ ನಡತಿನ ಸುದ್ದಿಗೋಷ್ಠಿಡ್ ಆರ್ ಪಾತೆರಿಯೆರ್.ಉಂದು ರಾಷ್ಟ್ರ ಗೌರವಿಸೊಡಾಯಿನ ಕಾರ್ಯಕ್ರಮ. ಅಂಚೆನೆ ಸರಕಾರ ಮಲ್ಪೊಡಾಯಿನ ಕಾರ್ಯಕ್ರಮ. ಶಾಲೆದ ಪುಸ್ತಕಲೆಡ್ ಅಶೋಕ ಚಕ್ರವರ್ತಿನ ಪಾಠ ಇತ್ತೆ ಇಜ್ಜಿ. ಅಂಚಿನ ಚಕ್ರವರ್ತಿ ನ್ ನನದ ಪೀಳಿಗೆ ಮದಪರೆ ಬಲ್ಲಿ ಪನ್ಪಿನ ಉದ್ದೇಶೊಡು ಈ ಕಾರ್ಯಕ್ರಮ ಮಲ್ತೊಂದುಲ್ಲ. ಕೇಂದ್ರದ ರಾಜ್ಯ ಸದಸ್ಯೆರ್, ವಿರಾಟ್ ಹಿಂದೂಸ್ತಾನ್ ಸಂಗಮ ದ ಅಧ್ಯಕ್ಷೆರ್ ಡಾ. ಸುಬ್ರಹ್ಮಣ್ಯ ನ್ ಸ್ವಾಮಿ ಪ್ರಧಾನ ಭಾಷಣ ಮಲ್ಪರೆ ಉಲ್ಲೆರ್ ಪಂಡೆರ್.


ಇಡೀ ರಾಷ್ಟ್ರ ಮಟ್ಟದ ಈ ಲೇಸ್ ನಮ್ಮ ತುಳುನಾಡ್ ಡ್ ಆಪಿನ ಬಾರಿ ಪೆರ್ಮೆದ ವಿಚಾರ. ಅಂಚಾದ್ ಈ ಪೊರ್ತುಡು ತುಳು ಬಾಷೆನ್ ಸಂವಿಧಾನದ 8 ನೇ ಪರಿಚ್ಛೇದ ಗ್ ಸೇರ್ಸವುನ ಬಗೆಟ್ಟ್ ಲ ಡಾ. ಸುಬ್ರಹ್ಮಣ್ಯ ಸ್ವಾಮಿಡ ಮನವಿ ಕೊರ್ರೆ ಉಂಡು ಪಂಡೆರ್.
ಮಯೂರಿ ಫಂಡೇಶನ್ ದ ಉಪಾಧ್ಯಕ್ಷೆರ್ ದೇವಪ್ರಸಾದ್ ಪುನರೂರು, ಕಾರ್ಯದರ್ಶಿ ರಾಜೇಶ್ ಕುಮಾರ್ ಶೆಟ್ಟಿ, ಕೋಶಾಧಿಕಾರಿ ಪ್ರಬೋಧ್ ಕುಡ್ವ, ಸದಸ್ಯೆರಾಯಿನ ಜೀವನ್ ಕೆ. ಶೆಟ್ಟಿ ಮುಲ್ಕಿ, ಬಬಿತಾ ಯು.ಶೆಟ್ಟಿ, ನವೀನ್ ಶೆಟ್ಟಿ ಸುದ್ದಿಗೋಷ್ಠಿಡ್ ಇತ್ತೆರ್.

Samrat Ashok birth anniversary program- About 3000 persons expected

Mulki: The birth anniversary celebration of Samrat Ashok will be celebrated for the first time in history at the Bappanadu temple premises on April 14th.

About 3000 persons are expected at the function said Jaya K Shetty founder of Mayuri foundation.
Speaking at press conference he said it was an occasion that the nation should remember; and the government must extend full support to the program. The program has been arranged to pass on information about the great emperor to the younger generations.
Dr Subramanian Swamy will give the chief address on the occasion.He will also give an appeal to the government to include Tulu language in the 8th section of the constitution.
Members of Mayuri foundation were present on the occasion.

 

ಪಾಕಿಸ್ತಾನದ ಪೊಸ ಪ್ರಧಾನಿಯಾದ್ ಶಹಬಾಜ್ ಅವಿರೋಧ ಆಯ್ಕೆ

 

ಇಸ್ಲಾಮಾಬಾದ್ : ಪಾಕಿಸ್ತಾನ ಮಾಜಿ ಪ್ರಧಾನಿ ನವಾಜ್ ಷರೀಫ್ ಪಲಯೆ ಬೊಕ್ಕ ವಿಪಕ್ಷ ಪಿಎಂಎಲ್ ಎನ್ ನಾಯಕ ಶೆಹಬಾಜ್ ಷರೀಪ್ ಪಾಕಿಸ್ತಾನದ ಪ್ರಧಾನಿಯಾದ್ ಅವಿರೋಧ ಆಯ್ಕೆಯಾತೆರ್ .

ಶನಿಯಾರ ನಡತಿನ ಅವಿಶ್ವಾಸ ಗೊತ್ತುವಳಿಡ್ ಇಮ್ರಾನ್ ಖಾನ್ ಅಧಿಕಾರರ್ದ್ ತಿರ್ತ್ ಬತ್ತಿ ಬೊಕ್ಕ ಇತ್ತೆ ಶೆಹಬಾಜ್ ಪ್ರಧಾನಿಯಾದ್ ಆಯ್ಕೆ ಆತೆರ್ ಈ ಮುಖೇನ ಪಾಕ್ ರಾಜಕೀಯ ಹೈಡ್ರಾಮಾಗ್ ಮುಗಿತಲದ ಚುಕ್ಕಿ ಬೂದುಂಡು .

ಪೊಸ ಪ್ರಧಾನಿ ಆಯ್ಕೆಗ್ಲಾ ದುಂಬು ಇಮ್ರಾನ್ ಖಾನ್ ರಾಷ್ಟ್ರೀಯ ಅಸೆಂಬ್ಲಿ ಸದಸ್ಯತ್ವಗ್ ರಾಜೀನಾಮೆ ಕೊರ್ತೆರ್ ಕಲ್ವೆರ್ನ ಒಟ್ಟುಗು ಯಾನ್ ಕುಲ್ಲಯೆ ಪಂದ್ ಪಂಡೆರ್.

ದೇವೆರೆ ಪಾದೊ ಸೇರ್ಯೆರ್ ಬಾಲಿವುಡ್ ನಟ ಶಿವಕುಮಾರ್ ಸುಬ್ರಮಣಿಯಂ

 

ಬಾಲಿವುಡ್ ಸಿನಿಮಾ “2 ಸ್ಟೇಟ್ಸ್” ಖ್ಯಾತಿದ ನಟೆ ಸುಬ್ರಮಣಿಯಂ ಸೋಮಾರ ಕಾಂಡೆ ತೀರ್ ಪೋಯೆರ್ .

ಮೇರ್ 2 ತಿಂಗೊಲ್ ದ ಪಿರವು ತಮ್ಮ 15 ವರ್ಷದ ಮಗೆನ್ ಕ್ಯಾನ್ಸರ್ ಸೀಕ್ ರ್ದ್ ಕಲೆಯೊಂದೇರ್ . ಮೇರ್ ನಟ ,ಚಿತ್ರಸಾಹಿತಿಯಾದ್ ಗುರ್ತಿಸಾದ್ ಇತ್ತೆರ್ . ಮೆರ್ನ ಮರಣಗ್ ಕಲಾವಿದೆರ್ ಕಣ್ಣ ನೀರ ಪನಿತರ್ಪಣ ಮಲ್ದೆರ್.

You Missed