Religious & Cultural News ಮಾತ ಧರ್ಮದ ಸುದ್ದಿ

ಕಾರ್ನಾಡ್ ಶ್ರೀ ಧರ್ಮಸ್ಥಾನಡ್ ಪೊಸ ಕೊಡಿಮರ ಪ್ರತಿಷ್ಠೆ ಬೊಕ್ಕ ದೈವೊಲೆಗ್ ಕಲಶಾಭಿಷೇಕ

ಮುಲ್ಕಿ: ಕಾರ್ನಾಡ್ ಶ್ರೀ ಧರ್ಮಸ್ಥಾನಡ್ ಪೊಸ ಕೊಡಿಮರ ಪ್ರತಿಷ್ಠೆ ಬೊಕ್ಕ ದೈವೊಲೆಗ್ ಕಲಶಾಭಿಷೇಕ ಲೇಸ್ ವೇದಮೂರ್ತಿ ಶ್ರೀಪತಿ ಭಟ್ ಪೊಯ್ಯೆದ ಗುಡ್ಡೆ ಮೇರೆನ ಮುತಾಲಿಕೆಡ್ ವಿಜೃಂಭಣೆಡ್ ನಡತ್ಂಡ್.
ಧಾರ್ಮಿಕ ಕಾರ್ಯಕ್ರಮದ ಅಂಗವಾದ್ ಫೆ.25 ಬುದಾರ ಬಯ್ಯ 5ಗಂಟೆಗ್ ವಿಶೇಷ ವಾಸ್ತು ಪೂಜೆ, ವಾಸ್ತು ಹೋಮ, ರಾಕ್ಷೋಘ್ನ ಹೋಮ ನಡತ್ಂಡ್.
ಫೆ.26 ಗುರುವಾರ ಕಾಂಡೆ 8.25 ಕ್ಕ್ ಮೀನ ಲಗ್ನಡ್ ಕೊಡಿಮರ ಪ್ರತಿಷ್ಠೆ ಬೊಕ್ಕ ದೈವೊಲೆಗ್ ಕಲಶಾಭಿಷೇಕ ಪ್ರಸನ್ನ ಪೂಜೆ ನಡತ್ಂಡ್.
ಈ ಪೊರ್ತುಡು ಕ್ಷೇತ್ರದ ಆಡಳಿತ ಮೊಕ್ತೇಸೆರೆರ್ ಎಂ ಎಚ್ ಅರವಿಂದ ಪೂಂಜಾ, ಅರ್ಚಕ ಸದಾನಂದ ಪೂಜಾರಿ, ಶಶೀಂದ್ರ ಸಾಲ್ಯಾನ್ , ಪಾಂಡು ಕಾರ್ನಾಡ್,ಪುಂಡಲೀಕ ಶೆಣೈ, ಜಗದೀಶ್ ಶೆಟ್ಟಿ ಕಾರ್ನಾಡ್ ಗುತ್ತು, ಸತ್ಯಾನಂದ ಕೊರಂಟಬೆಟ್ಟು, ವಾಮನ್ ಬಂಗೇರ, ಪ್ರವೀಣ್ ಬಂಗೇರ, ಜಯ ಸುವರ್ಣ, ರಮಾನಂದ ಕೋಟ್ಯಾನ್ ಮಾಗಂದಡಿ, ಪ್ರವೀಣ್ ಕೋಟ್ಯಾನ್ ಧರ್ಮಸ್ಥಾನ, ಯುವಕ ವೃಂದದ ಅಧ್ಯಕ್ಷೆರ್ ಪ್ರಕಾಶ್ ಮಂಜಟ್ಟೆ, ಯುವಕ ವೃಂದ ಬೊಕ್ಕ ಮಹಿಳಾ ಮಂಡಳಿದ ಗುರ್ಕಾರ್ಲು ಬೊಕ್ಕ ಪದಾಧಿಕಾರಿಲು ಉಪಸ್ಥಿತರಿತ್ತೆರ್.

ಸಂಘ ಸಂಸ್ಥೆಲು ಗ್ರಾಮೀಣ ಮಟ್ಟಡ್ ಸಾಮಾಜಿಕ, ಸಾಂಸ್ಕೃತಿಕ ಬೊಕ್ಕ ಶೈಕ್ಷಣಿಕ ಚಟುವಟಿಕೆದ ಒರುಟು ಎಡ್ಡೆ ಬದಲಾವಣೆ ಕನವೊಲಿ:- ಗೀತಾ ಎಸ್. ಶೆಟ್ಟಿ

ತಿಬಾರ್ ದೇಲಂತಬೆಟ್ಟು ಯುವಕ ಮಂಡಲ (ರಿ.) ಬೊಕ್ಕ ಮಹಿಳಾ ಮಂಡಲ ದ ವರ್ಸದ ಕಾರ್ಯಕ್ರಮ

ತಿಬಾರ್ ದೇಲಂತಬೆಟ್ಟು ಯುವಕ ಮಂಡಲ (ರಿ.) ಬೊಕ್ಕ ಮಹಿಳಾ ಮಂಡಲ ದ ವರ್ಸದ ಕಾರ್ಯಕ್ರಮ ಜನವರಿ 24 ಸನಿಯಾರ ತಿಬಾರ್ ಪದ್ಮಾವತಿ ಕಲಾ ಮಂದಿರಡ್ ನಡತ್ಂಡ್ .
ಲೇಸ್ ದ ಗುರ್ಕಾರ್ಮೆನ್ ಸೂರಿಂಜೆ ಗ್ರಾಮ ಪಂಚಾಯತ್ ಗುರ್ಕಾರ್ಲು ಶ್ರೀಮತಿ ಗೀತಾ ಎಸ್. ಶೆಟ್ಟಿ ವಹಿಸೊಂದು ಪಾತೆರ್ದ್ ಸಂಘ ಸಂಸ್ಥೆಲು ಗ್ರಾಮೀಣ ಮಟ್ಟಡ್ ಸಾಮಾಜಿಕ, ಸಾಂಸ್ಕೃತಿಕ ಬೊಕ್ಕ ಶೈಕ್ಷಣಿಕ ಚಟುವಟಿಕೆದ ಒರುಟು ಎಡ್ಡೆ ಬದಲಾವಣೆ ಕನವೊಲಿ . ಇಂಚಿನ ಕಾರ್ಯಕ್ರಮಲು ಸಮಾಜಡ್ ಏಕತೆ ಬೊಕ್ಕ ಸಾಕಾರನ್ ಜಾಸ್ತಿ ಮಲ್ಪುಂಡು ಪಂಡೆರ್.
ಈ ಪೊರ್ತುಡು ಕೃಷಿ ಸಾಧಕೆರ್ ಪಡುಮನೆ ವೇಣುಗೋಪಾಲ್ ಶೆಟ್ಟಿ, ಕೊಂಕಣಬೆಟ್ಟು ಕಾಂತಪ್ಪ ಸಾಲ್ಯಾನ್, ಕಯ್ಯೂರು ಸುಲೋಚನ ಆಚಾರ್ಯ, ಕೊರ್ಯಾರ್ ಲಕ್ಷ್ಮಿ ದೇವಾಡಿಗ ಮೊಕುಲೆಗ್ ಮಾನಾದಿಗೆ ಮಲ್ತ್ ದ್ ಗೌರವ ಮಲ್ತೆರ್ . ಶೈಕ್ಷಣಿಕ ಕ್ಷೇತ್ರಡ್ ಸಾಧನೆ ಮಲ್ತಿನ ಜೋಕುಲೆನ್ ಗೌರವ ಮಲ್ತೆರ್ .
ಮಿತ್ತ ಚಾವಡಿಡ್ ಮೂಲ್ಕಿ ಮೂಡಬಿದ್ರಿ ವಿಧಾನಸಭಾ ಕ್ಷೇತ್ರ ಶಾಸಕೆರ್ ಉಮಾನಾಥ್ ಕೋಟ್ಯಾನ್, ಅಂತಾರಾಷ್ಟ್ರೀಯ ಮಟ್ಟದ ಜಾನಪದ ಕಲಾವಿದೆರ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್ ಡಾ. ಸಚಿನ್ ಸಾಲ್ಯಾನ್, ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಆಂಗ್ಲ ಮಾಧ್ಯಮ ಪ್ರೌಢಶಾಲೆ ಪ್ರಾಂಶುಪಾಲೆರ್ ಗಿರೀಶ್ ತಂತ್ರಿ ಶಿಬರೂರು, ಖಾದಿ ಬೊಕ್ಕ ಗ್ರಾಮದ್ಯೋಗ ಮಂಡಳಿ ಕರ್ನಾಟಕ ಸರಕಾರದ ಮಾಜಿ ನಿರ್ದೇಶಕೆರ್ ಮಿಥುನ್ ಆರ್ ಹೆಗ್ಡೆ, ತಿಬಾರ್ ಕೊಡಮಂದಾಯ ದೈವಸ್ಥಾನದ ಜೀರ್ಣೋದ್ದಾರ ಸಮಿತಿ ಕಾರ್ಯಧ್ಯಕ್ಷೆರ್ ಪ್ರದ್ಯುಮ್ನ ರಾವ್ ಕಯ್ಯುರ್ ಗುತ್ತು, ಸನತ್ ಶೆಟ್ಟಿ ಪರ್ಲಬೈಲ್ ಗುತ್ತು, ತಿಬಾರ್ ಶ್ರೀ ಕುಂಭ ಕಂಠಿಣಿ ಎಜುಕೇಶನ್ ಟ್ರಸ್ಟ್ ಗುರ್ಕಾರ್ಲು ಸುರೇಂದ್ರ ಕೆ ಶೆಟ್ಟಿ, ತಿಬಾರ್ ದ.ಕ. ಜಿ. ಪಂ. ಹಿ ಪ್ರಾ ಶಾಲೆ ಮುಖ್ಯ್ಯೋಪಾದ್ಯಾಯಿನಿ ಶ್ರೀಮತಿ ಅಶ್ವಿನಿ, ಎಸ್ ಡಿ ಎಂ ಸಿ ಗುರ್ಕಾರ್ಲು ಶ್ರೀಮತಿ ಶಕುಂತಲಾ, ಶ್ರೀ ಕೊಡಮಂದಾಯ ದೈವಸ್ಥಾನ ಆಂಗ್ಲ ಮಾಧ್ಯಮ ಶಾಲೆ ಮುಖ್ಯ ಶಿಕ್ಷಕಿ ಸ್ವಪ್ನ ಮುಲ್ಕಾರ್ ಬೊಕ್ಕ ಯುವಕ ಬೊಕ್ಕ ಮಹಿಳಾ ಮಂಡಳಿ ಪದುಕೆರ್ ಉಪಸ್ಥಿತರಿತ್ತೆರ್.
ತಿಬಾರ್ ದೇಲoತಬೆಟ್ಟು ಯುವಕ ಮಂಡಲ ಗುರ್ಕಾರ್ಲು ಪ್ರವೀಣ್ ಶೆಟ್ಟಿ ಎದ್ಕೊಂಡೆರ್ , ಮಹಿಳಾ ಮಂಡಳಿ ಗುರ್ಕಾರ್ಲು ಆಶಾ ಶೆಟ್ಟಿ ಸೊಲ್ಮೆ ಸಂದಾಯ ಮಲ್ತೆರ್, ಸುದರ್ಶನ್ ಆಚಾರ್ಯ ಲೇಸ್ ಸುದಾರಿಕೆ ಮಲ್ತೆರ್.
ಅವೆರ್ದ್ ಬೊಕ್ಕ ಯುವಕ ಮಂಡಲದ ಪದುಕೆರ್ ಅಂಚೆನೆ ಮಹಿಳಾ ಮಂಡಲದ ಪದುಕೆರ್ದ್ ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮಲು ಬೊಕ್ಕ ಅಜ್ಜಿಗ್ ಏರ್ಲ ಇಜ್ಜಿ ನಾಟಕ ನಡತ್ಂಡ್.