ಬಂಟ್ವಾಳ: ಪುಣಚ ಶ್ರೀ ಮಹಿಷಮರ್ದಿನಿ ದೇವಸ್ಥಾನಡ್ ವರ್ಷೊದ ಜಾತ್ರೆ (ಎ.7) ಇನಿರ್ದ್ ಎ.11 ಮುಟ್ಟ ನಡಪರೆ ಉಂಡು.
ಈ ಲೇಸ್ ಬ್ರಹ್ಮಶ್ರೀ ವರ್ಕಾಡಿ ಗಣೇಶ ತಂತ್ರಿಲೆನ ಮುತಾಲಿಕೆಡ್ ನಡಪುಂಡು.
- ಎ.7 ಅಂಗಾರೆ (ಇನಿ) ಬೊಲ್ಪುಗು ಪುದೆಕಾಣಿಕೆ ಸಮರ್ಪಣೆ, ಗಣಪತಿ ಹೋಮ ಆದ್ ಕೊಡಿ ಏರುಂಡು. ಬೊಕ್ಕ ನಿತ್ಯ ಬಲಿ ರಾತ್ರೆ ಭೂತ ಬಲಿ ಉಚ್ಚಯ ನಡಪರೆ ಉಂಡು.
- ಎ.8 ಬುದಾರ ಬೊಲ್ಪುಗು ತುಡರ್ ಬಲಿ, ದರ್ಶನ ಬಲಿ, ರಾತ್ರೆ ಭೂತ ಬಲಿ ಉಚ್ಚಯ ನಡಪರೆ ಉಂಡು.
- ಎ.9 ಗುರುವಾರ ಬೊಲ್ಪುಗು ತುಡರ್ ಬಲಿ, ದರ್ಶನ ಬಲಿ, ರಾತ್ರೆ ಭೂತ ಬಲಿ, ಕೆರೆಕಟ್ಟೆ ಉಚ್ಚಯ ನಡಪರೆ ಉಂಡು.
- ಎ.10 ಸುಕ್ರಾರ ಬೊಲ್ಪುಗು ತುಡರ್ ಬಲಿ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ಮಹಾಪೂಜೆ, ಅನ್ನಸಂತರ್ಪಣೆ ರಾತ್ರೆ ಪಡುಪೇಂಟೆ ಸವಾರಿ, ಅವಭೃತ ಸ್ನಾನ, ಬಟ್ಟಲ್ ಕಾಣಿಕೆ ಆದ್ ಕೊಡಿ ಜಾಯೆರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಗಂಧ ಪ್ರಸಾದ ದೆತೊಂದು, ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ವಿಟ್ಲ ಅರಮನೆತ್ತ ಅನುವಂಶಿಕ ಮೊಕ್ತೇಸರೆರ್ ಬಂಗಾರ್ ಅರಸು, ಪುಚಣ ಶ್ರೀ ಮಹಿಷಮರ್ದಿನಿ ದೇವಸ್ಥಾನದ ಅಧ್ಯಕ್ಷೆರ್ ಮಾರಪ್ಪ ಶೆಟ್ಟಿ ಬೈಲ್ ಗುತ್ತು, ಆಡಳಿತ ಮಂಡಳಿದ ಪದುಕೆರ್, ಸದಸ್ಯೆರ್ ಬೊಕ್ಕ ಶ್ರೀ ದೇವಿ ಭಜನಾ ಮಂಡಳಿದ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.