ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ಕಾಲಾವಧಿ ಜಾತ್ರೆ ಸುರು

ಉಜಿರೆ: ಧರ್ಮಸ್ಥಳ ಶ್ರೀ ಮಂಜುನಾಥ ಸ್ವಾಮಿ ದೇವಸ್ಥಾನಡ್ ಏ.13- ರಿಂದ 23 ಮುಟ್ಟ ಕಾಲಾವಧಿ ಜಾತ್ರೆ ನಡಪರೆ ಉಂಡು.
ಈ ಹಿನ್ನೆಲೆಡ್ ಸಂಪ್ರದಾಯ ಪ್ರಕಾರ ಏ.13ಕ್ಕ್ ಮಾಯಿ ನಡಾವಳಿ ನಿಮಿತ್ತ ಅಂಚೆನೆ ಏ.15 ಬುಧವಾರ ಜಾತ್ರೆ ಪ್ರಯುಕ್ತ ಪಡಿ ಬಿತ್ತ್ ಪಟ್ಟುನ ಕಜ್ಜ ನಡತ್ಂಡ್. ಅಯಿರ್ದ್ ಬೊಕ್ಕ ಮಾಯಿ ನಡಾವಳಿ ನಡತ್ಂಡ್.
ಕಾಲಾವಧಿ ಜಾತ್ರೆ ಪ್ರಯುಕ್ತ ಏ.19 ಐತಾರ ಕೆರೆಕಟ್ಟೆ ಉತ್ಸವ ನಡತ್ಂಡ್. ಏ.20 ಸೋಮವಾರ ರಾತ್ರೆ ಗೌರಿಮಾರು ಕಟ್ಟೆ ಉತ್ಸವ, ಏ.21 ಅಂಗಾರೆ ರಾತ್ರೆ ಬ್ರಹ್ಮರಥೋತ್ಸವ ನಡಪರೆ ಉಂಡು.ಏ.22 ಬುಧವಾರ ರಾತ್ರಿ ಕೊಡಿ ಜಾದ್ ಕಾಲಾವಧಿ ಜಾತ್ರೆ ಮುಗಿವುಂಡು.

ಲಲಿತೋದ್ಯಾನ ಉತ್ಸವ
ಧರ್ಮಸ್ಥಳಡ್ ನಡಪುನ ಕಾಲಾವಧಿ ಜಾತ್ರೆದ ಅಂಗವಾದ್ ಶನಿವಾರ ರಾತ್ರಿ ಶ್ರೀ ಮಂಜುನಾಥ ಸ್ವಾಮಿನ ಲಲಿತೋದ್ಯಾನ ಉತ್ಸವದ ಸಂದರ್ಭ ಬೊಳ್ಳಿರಥ ಉತ್ಸವ ನಡತ್ಂಡ್.

ಬೇತೆ ಬೇತೆ ಕಡೆ ರ್ದ್ ಬೈದಿನ ಭಕ್ತೆರ್ ಬೊಳ್ಳಿರಥ ಉತ್ಸವ ತೂದು ಧನ್ಯರಾಯೆರ್.