Religious & Cultural News ಮಾತ ಧರ್ಮದ ಸುದ್ದಿ

ಕಾರ್ನಾಡ್ ಡ್ ಧಪ್ ರಾತೀಬಿನ 49ನೇ ವಾರ್ಷಿಕೋತ್ಸವ ಬೊಕ್ಕ ಧಾರ್ಮಿಕ ಮತ ಪ್ರಭಾಷಣ ಮುಗಿತಲ ಲೇಸ್

ಮುಲ್ಕಿ: ಕಾರ್ನಾಡ್ ಹಿಮಾಯತುಲ್ ಇಸ್ಲಾಂ ಸಮಿತಿ ವತಿರ್ದ್
ಸುಲ್ತಾನುಲ್ ಆರಿಫೀನ್ ಅಶೈಖ್‌ ಅಹಮದುಲ್ ಕಬೀರು ರಿಪಾಈ (ಐ.ಸಿ.ಅ)ಮೇರೆನ ಪುದರ್ ಡ್ ನಡಪಾವೊಂದು ಬರೊಂದಿಪ್ಪುನ ಧಪ್ ರಾತೀಬಿನ 49ನೇ ವಾರ್ಷಿಕೋತ್ಸವ ಬೊಕ್ಕ ಧಾರ್ಮಿಕ ಮತ ಪ್ರಭಾಷಣ ಮುಗಿತಲ ಲೇಸ್ ಬೊಕ್ಕ ಬಡ ಮುಸ್ಲಿಂ ಪೊಣ್ಣು ಜೋಕುಲೆನ ಮದಿಮೆಗಾದ್ ಪಣವುದ ಸಾಯ ಕಾರ್ಯಕ್ರಮ ಜ.31ನೇ ಸನಿಯಾರ
ಕಾರ್ನಾಡ್ ಝಿಂದಾ ಮದರ್‌ಷಾ ವಲಿಯ್ಯುಲ್ಲಾಹಿ ದರ್ಗಾ ಶರೀಫ್ ವಠಾರಡ್ ನಡತ್ಂಡ್.
ಕಾರ್ಯಕ್ರಮನ್ ಉದಿಪನ ಮಲ್ತಿನ ಮುಖ್ಯ ಪ್ರಭಾಷಣಕಾರರಾದ್ ಸಮಸ್ತ ಕೇಂದ್ರ ಮುಶಾವರ ಸದಸ್ಯ ಅಂಚೆನೆ ಮುಲ್ಕಿ ಶಾಫಿ ಜುಮಾ ಮಸೀದಿಯ ಮುದರ್ರಿಸ್ ಬಹು। ಶೈಖುನಾ ಅಲ್‌ಹಾಜ ಉಸ್ಕಾನುಲ್ ಫೈಝಿ ತೋಡಾರ್ ಪಾತೆರ್ದ್ ಯುವ ಜನಾಂಗ ಮಾನವೀಯ ಮೌಲ್ಯಲೆನ್ ಬುಲೆಪಾವೊಂದು ಸನ್ಮಾರ್ಗಡ್ ನಡಪುನ ಒರುಟು ಜನಸಾಮಾನ್ಯರೆನ ಕಷ್ಟಲೆಗ್ ಸ್ಪಂದನೆ ಮಲ್ಪುನ ಕಾರ್ಯ ಆವೊಡು ಪಂದ್ ಪಂಡೆರ್.
ಕೇರಳ ಕಣ್ಣೂರು ಎಸ್ ಕೆ ಎಸ್ ಎಸ್ ಎಫ್ ಕೇಂದ್ರೀಯ ಸಮಿತಿದ ಉಪಾಧ್ಯಕ್ಷೆರ್ ಸಯ್ಯದ್ ಫಕ್ರುದ್ದೀನ್
ತಂಙಳ್ ಮೇರ್ ದುವಾ ಆಶೀರ್ವಚನ ಕೊರಿಯೆರ್.
ಸಭೆತ ಗುರ್ಕಾರ್ಮೆನ್ ಮುಲ್ಕಿ
ಕೇಂದ್ರ ಶಾಫಿ ಜುಮಾ ಮಸೀದಿದ ಗುರ್ಕಾರ್ಲು
ಸುಹೈಲ್ ಹೈದರ್ ಎಂ.ಕೆ ವಹಿಸೊಂದಿತ್ತೆರ್.
ಪ್ರಭಾಷಣಕಾರರಾದ್ ಕಾರ್ನಾಡ್ ಮಸ್ಜಿ ದುನ್ನೂರು, ಖತೀಬರಾಯಿನ ರಿಯಾಝ್ ಫೈಝಿ ಎಮ್.ಎ ಪಾತೆರಯೆರ್.
ಮಲ್ಲ ಬಿನ್ನೆರಾದ್ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲು
ಎಂ ಎ ಗಪೂರ್, ಮುಲ್ಕಿ ತಾಲೂಕು ಸಂವಿಧಾನ ಸಂರಕ್ಷಣಾ ಹೋರಾಟ ವೇದಿಕೆ ಗುರ್ಕಾರ್ಲು ಇಕ್ಬಾಲ್ ಅಹ್ಮದ್ ಮುಲ್ಕಿ, ಸಿ ಪಿ ಐ ಎಂ ರಾಜ್ಯ ಕಾರ್ಯದರ್ಶಿ ಮಂಡಳಿಯ ಸದಸ್ಯ
ಮುನೀರ್ ಕಾಟಿಪಳ್ಳ,
ಎಸ್‍ಡಿಪಿಐ ರಾಷ್ಟ್ರೀಯ ಕಾರ್ಯದರ್ಶಿ ರಿಯಾಝ್ ಪರಂಗಿಪೇಟೆ, ಮುಲ್ಕಿ ನಗರ ಪಂಚಾಯತ್ ಮಾಜೀ ಉಪಾಧ್ಯಕ್ಷ ಎಚ್ ಅಬೂಬಕ್ಕರ್, ಮಾಜೀ ನ ಪಂ ಸದಸ್ಯ ಬೊಕ್ಕ ಕೇಂದ್ರ ಶಾಫಿ ಜುಮ್ಮಾ ಮಸೀದಿ ಉಪಾಧ್ಯಕ್ಷ ಪುತ್ತು ಬಾವ, ಅಂಗರಗುಡ್ಡೆ ಮಸೀದಿ ಗುರ್ಕಾರ್ಲು ನಿಸಾರ್ ಅಹಮದ್, ಅಸಿಸ್ಟೆಂಟ್ ಐತೀಬರಾಯಿನ
ಖಲೀಲ್ ದಾರಿಮಿ , ಕಾರ್ನಾಡ್ ಅಲ್ ಮದ್ರಸತುನ್ನೋರಿಯಾ ಉಸ್ತಾದ್ ಅಬ್ದುಲ್ ರಝಾಕ್ ಮದನಿ, ಮುಸ್ಲಿಂ, ಯಂಗ್ ಮೆನ್ಸ್ ಅಸೋಸಿಯೇಶನ್ ಗುರ್ಕಾರ್ಲು ಹುಸೇನ್ ಕೇರಿ, ಕಾರ್ನಾಡ್ ಹಿಮಾಯತುಲ್ ಇಸ್ಲಾಂ ಸಮಿತಿ ಗುರ್ಕಾರ್ಲು ಎಂ ಕೆ ಮುಹಮ್ಮದ್, ಪ್ರಧಾನ ಕಾರ್ಯದರ್ಶಿ ಬದ್ರುದ್ದೀನ್ ಉಪಸ್ಥಿತರಿತ್ತೆರ್.
ಅಬೂಬಕ್ಕರ್ ಎದ್ಕೊಂಡೆರ್ , ಮೊಹಮ್ಮದ್ ಸಫ್ವಾನ್ ಕೊಡಂಗಾಯಿ ನಿರೂಪಣೆ ಮಲ್ತೆರ್.

ಮುಲ್ಕಿ ಶಾಫಿ ಜುಮಾ ಮಸೀದಿದ ಮುದರ್ರಿಸ್ ಬಹು। ಶೈಖುನಾ ಅಲ್‌ಹಾಜ ಉಸ್ಕಾನುಲ್ ಫೈಝಿ ತೋಡಾರ್ ಮೇರೆನ್ ಮಾನಾದಿಗೆ ಮಲ್ತೆರ್

ಕಾರ್ನಾಡ್ ಹರಿಹರ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನಡ್ ಕೊಡಿ

ಮುಲ್ಕಿ: ಕಾರ್ನಾಡ್ ಶ್ರೀ ಹರಿಹರ ಕ್ಷೇತ್ರದ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನದ ವರ್ಷಾವಧಿ ಜಾತ್ರಾ ಮಹೋತ್ಸವ ಜ 30 ರ್ದ್ ಫೆ.4 ಮುಟ್ಟ ಬೇತೆ ಬೇತೆ ಕಾರ್ಯಕ್ರಮದೊಟ್ಟು ನಡಪರೆ ಇತ್ತ್ ದ್ ಪೂರ್ವಭಾವಿಯಾದ್
ಸನಿಯಾರ ಕಾಂಡೆ ಕ್ಷೇತ್ರದ ತಂತ್ರಿಲಾಯಿನ ತಿಬಾರ್ ಗೋಪಾಲಕೃಷ್ಣ ತಂತ್ರಿ ಬೊಕ್ಕ ಅರ್ಚಕೆರ್ ಹಯಗ್ರೀವ ಪಡ್ಡಿಲ್ಲಾಯ ಬೊಕ್ಕ ರಾಜಾರಾಮ್ ಭಟ್ ಮುತಾಲಿಕೆಡ್ ವಿಶೇಷ ಪ್ರಾರ್ಥನೆ , ಶ್ರೀ ದೇವರೆನ ಕೊಡಿ ಏರ್ಂಡ್, ಪಲ್ಲಪೂಜೆ, ಮಹಾ ಅನ್ನ ಸಂತರ್ಪಣೆ ನಡತ್ಂಡ್.
ರಾತ್ರೆ ಉತ್ಸವ ಬಲಿ, ಪ್ರಸಾದ ವಿತರಣೆ ನಡತ್ಂಡ್.
ಫೆ. 2 ಮಧ್ಯಾಹ್ನ ಮಹಾ ಪೂಜೆ, ಅನ್ನ ಸಂತರ್ಪಣೆ, ರಾತ್ರೆ ಉತ್ಸವ ಬಲಿ, ಶಯನೋತ್ಸವ, ಕವಾಟ ಬಂಧನ, ಫೆ. 3 ಕಾಂಡೆ ಕವಾಟೋದ್ಘಾಟನೆ, ತುಲಾಭಾರ ಸೇವೆ, ಮಧ್ಯಾಹ್ನ ಮಹಾ ಪೂಜೆ, ಅನ್ನ ಸಂತರ್ಪಣೆ, ಬಯ್ಯ ಯಾತ್ರಾ ಬಲಿ, ಓಕುಳಿ, ಕಟ್ಟೆಪೂಜೆ, ಅವಭೃತ ಜಲಕದ ಬಲಿ, ಕೊಡಿ ಜಾದ್, ಫೆಬ್ರವರಿ 4 ಕಾಂಡೆ ಸಂಪ್ರೋಕ್ಷಣೆ, ಮಂತ್ರಾಕ್ಷತೆ ನಡಪರೆ ಉಂಡು.
ಈ ಪೊರ್ತುಡು ಕ್ಷೇತ್ರದ ಆಡಳಿತ ಮೊಕ್ತೇಸೆರೆರ್ ಎಮ್ ಎಚ್ ಅರವಿಂದ ಪೂಂಜಾ ,
ಉದ್ಯಮಿ ಆದಿತ್ಯ ಪೂಂಜ, ಡಾ. ಹರಿಶ್ಚಂದ್ರ ಪಿ ಸಾಲ್ಯಾನ್, ಸತೀಶ್ ಭಂಡಾರಿ, ವೈ ಎನ್ ಸಾಲ್ಯಾನ್, ವಿಷ್ಣುಮೂರ್ತಿ,
ವ್ಯವಸ್ಥಾಪನಾ ಸಮಿತಿ ಸದಸ್ಯರಾಯಿನ ರವಿ ಕುಮಾರ್, ಶಶೀಂದ್ರ ಸಾಲ್ಯಾನ್, ರಾಘವೇಂದ್ರ ರಾವ್, ನೂತನ್ ಶೆಟ್ಟಿ, ಜೀವನ್ ಶೆಟ್ಟಿ, ಕೀರ್ತನ್ ಶೆಟ್ಟಿ, ಕೃಷ್ಣ ಶೆಟ್ಟಿ, ಪ್ರವೀಣ್ ಕೋಟ್ಯಾನ್ ಧರ್ಮಸ್ಥಾನ, ಕಾಲಿಯಾ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.