Religious & Cultural News ಮಾತ ಧರ್ಮದ ಸುದ್ದಿ

ಮುಲ್ಕಿ ಸೀಮೆದ ಅರಸು ಕಂಬುಲದ ಸಮಾರೋಪ ಸಮಾರಂಭ ಲೇಸ್

ಮುಲ್ಕಿ ಸೀಮೆ “ಮೂಡು – ಪಡು” ಜೋಡುಕರೆ ಅರಸು ಕಂಬುಲ ಕೂಟಡ್ ಗೆಂದಿನಕುಲು

ಮುಲ್ಕಿ: ಸೀಮೆದ ಅರಸು ಕಂಬುಲದ ಸಮಾರೋಪ ಸಮಾರಂಭ ಲೇಸ್ ಪಡುಪಣಂಬೂರು ಮುಲ್ಕಿ ಅರಮನೆತ್ತ ಧರ್ಮ ಚಾವಡಿಡ್ ನಡತ್ಂಡ್.

ಸೀಮೆದ ಅರಸೆರಾಯಿನ ದುಗ್ಗಣ್ಣ ಸಾವಂತ ಅರಸೆರ್ ಪಾಲ್ ಪಡೆದ್ ಗೆಂದಿನಕ್ಲೆಗ್ ಇನಾಮು ಪಟ್ಟಿಯೆರ್.

ಈ ಪೊರ್ತುಡು ಮುಲ್ಕಿ ಅರಮನೆತ್ತ ಆಶಲತಾ, ಮುಲ್ಕಿಅರಮನೆ ವೆಲ್ಫೇರ್ ಚಾರಿಟೇಬಲ್ ಟ್ರಸ್ಟ್ ದ ನಿರ್ದೇಶಕೆರ್ ಗೌತಮ್ ಜೈನ್, ವಕೀಲೆರ್ ಚಂದ್ರಶೇಖರ ಕಾಸಪ್ಪಯ್ಯ ಮೆರೆನ ಇಲ್ಲ್,
ಹಳೆಯಂಗಡಿ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಅಧ್ಯಕ್ಷೆರ್ ವಸಂತ್ ಬರ್ನಾಡ್, ಮುಲ್ಕಿ ಪೊಲೀಸ್ ಇನ್ಸ್ ಪೆಕ್ಟರ್ ಮಂಜುನಾಥ್ ಬಿ ಎಸ್, ಎಸ್ ಐ ಉಮೇಶ್, ಎಎಸ್ ಐ ಹರಿ ಶೇಖರ್, ಸಂಪತ್ ಶೆಟ್ಟಿ ತೋಕೂರುಗುತ್ತು, ಪಿಸಿ ಕೋಟ್ಯಾನ್ ತೋಕೂರು, ಸವಿತಾ ಶರತ್ ಬೆಳ್ಳಾಯೆರ್, ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ನಿಶ್ಮಿತಾ ಶೆಟ್ಟಿ, ಸುದರ್ಶನ್ ಪಂಜ, ವಿನೋದ್ ಸಾಲ್ಯಾನ್ ಬೆಳ್ಳಾಯೆರ್, ಅಬ್ದುಲ್ ಅಜೀಜ್, ಅನಿಲ್ ಶ್ಯಾಮ್ ಶೆಟ್ಟಿ, ಸತೀಶ್ ಶೆಟ್ಟಿ, ಷಣ್ಮುಗ ದೇವಾಡಿಗ, ಸುಧೇಶ್ ಕುಮಾರ್, ಸಂತೋಷ್ ಕೋಟ್ಯಾನ್ ಕೊಪ್ಪಲ
ಧರ್ಮಾನಂದ ಶೆಟ್ಟಿಗಾರ್ ಪಾಲ್ ಪಡೆದಿತ್ತೆರ್. ನವೀನ್ ಶೆಟ್ಟಿ ಎಡ್ಮೆಮಾರ್ ಈ ಲೇಸ್ ನ್ ಸುಧಾರಿಕೆ ಮಲ್ತೆರ್.

ಮುಲ್ಕಿ ಸೀಮೆ “ಮೂಡು – ಪಡು” ಜೋಡುಕರೆ ಅರಸು ಕಂಬುಲ ಕೂಟಡ್ ಗೆಂದಿನಕುಲು:

ಮುಲ್ಕಿ ಸೀಮೆ “ಮೂಡು – ಪಡು” ಜೋಡುಕರೆ ಅರಸು ಕಂಬುಲ ಕೂಟಡ್ 89 ಜತೆ ಎರ್ಲುಲು ಇತ್ತ್ಂಡ್. ಕನೆಪಲಯಿ 5ಜತೆ,
ಅಡ್ಡಪಲಯಿ 8ಜತೆ, ಬಲ್ಲ್ ದ ಮಲ್ಲ 4ಜತೆ, ನ್ಯಾಯೆರ್ ದ ಮಲ್ಲ16ಜತೆ, ನ್ಯಾಯೆರ್ ದ ಎಲ್ಯ 12ಜತೆ, ನ್ಯಾಯೆರ್ ದ ಎಲ್ಯ 44ಜತೆ ಎರ್ಲುಲು ಇತ್ತ್ಂಡ್.

ಅಡ್ಡ ಪಲಯಿಡ್ ಸುರುತ್ತ ಇನಾಮು ಗೆಂದಿನಾರ್ ಸುರತ್ಕಲ್ ಪಡ್ರೆ ತೋಟ ಮನೆ ಅಶೋಕ್ ಅಮೀನ್, ಪಲಯಿ
ಮುಟ್ಟಿನಾರ್ ತೆಕ್ಕಟ್ಟೆ ಸುಧೀರ್ ದೇವಾಡಿಗ, ರಡ್ಡನೇ ಇನಾಮು ಗೆಂದಿನಾರ್ ಮೋರ್ಲ ಪ್ರಾಪ್ತಿ ಗಿರೀಶ್ ಆಳ್ವ, ಬೊಕ್ಕ ಭಟ್ಕಳ ಪಾಂಡು ಪಲಯಿನ್ ಮುಟ್ಟ್ ದೆರ್.

ಬಲ್ಲ್ ದ ಮಲ್ಲಡ್ ಸುರುತ್ತ ಇನಾಮು ಗೆಂದಿನಾರ್ ಮಿಜಾರ್ ಪ್ರಸಾದ್ ನಿಲಯ ಶಕ್ತಿ ಪ್ರಸಾದ್ ಶೆಟ್ಟಿ (12.22) ಗಿಡತಿನಾರ್ ಮಿಜಾರ್ ಅಶ್ವಥಪುರ ಶ್ರೀನಿವಾಸ ಗೌಡ, ರಡ್ಡನೇ ಇನಾಮು ಗೆಂದಿನಾರ್ ಮುಲ್ಕಿ ಕೆಳಗಿನಮನೆ ಸಂಶು ಸಾಹೇಬೆರ್ (13.47) ಬೊಕ್ಕ ಕಡಂದಲೆ ಭವಾನೀಶ್ ಗಿಡತ್ ದೆರ್.

ಬಲ್ಲ್ ದ ಎಲ್ಯಡ್ ಸುರುತ್ತ ಇನಾಮು ಗೆಂದಿನಾರ್ ಶಿಬರೂರು ಮುಟ್ಟಿಕಲ್ಲ್ ಕೀರ್ತನ್ ರಾಜೇಶ್ ಪಾಣಾರ (12.26), ಗಿಡತಿನಾರ್ ಕಡಂದಲೆ ಮುಡಾಯಿಬೆಟ್ಟು ರೋಹಿತ್ ಪಾಣಾರ, ರಡ್ಡನೇ ಇನಾಮು ಗೆಂದಿನಾರ್ ನಿಟ್ಟೆ ಪರಪ್ಪಾಡಿ ಸುರೇಶ್ ಕೋಟ್ಯಾನ್ (12.53), ಅತ್ತೂರು ಕೋಡಂಗೆ ಸುಧೀರ್ ಸಾಲ್ಯಾನ್ ಗಿಡತಿನಾರ್.

ನ್ಯಾಯೆರ್ ದ ಮಲ್ಲಡ್ ಸುರುತ್ತ ಇನಾಮು ಗೆಂದಿನಾರಗ ಬೋಳದ ಗುತ್ತು ಸತೀಶ್ ಶೆಟ್ಟಿ (11.99), ಗಿಡತಿನಾರ್ ಬಾರಾಡಿ ನತೀಶ್ ಸಫಲಿಗ, ರಡ್ಡನೇ ಇನಾಮು ಗೆಂದಿನಾರ್ ಕಕ್ಕೆಪದವು ಪೆಂರ್ಗಾಲು ಕೃತಿಕ್ ಗೌಡ (12.02), ಕಕ್ಕೆಪದವು ಪೆಂರ್ಗಾಲು ಕೃತಿಕ್ ಗೌಡ ಗಿಡತಿನಾರ್.

ನ್ಯಾಯೆರ್ ದ ಎಲ್ಯಡ್ ಸುರುತ್ತ ಇನಾಮು ಗೆಂದಿನಾರ್ ಉಳೆಪಾಡಿ ಪುಲ್ಲೋಡಿಬೀಡು ಉದಯ್ ಶೆಟ್ಟಿ (11.60), ಗಿಡತಿನಾರ್ ಆದಿ ಉಡುಪಿ ಜಿತೇಶ್ ಸುವರ್ಣ, ರಡ್ಡನೇ ಇನಾಮು ಗೆಂದಿನಾರ್ ಗಿರಿಜಾ ರೋಡ್ ಲೈನ್ಸ್ ಕೋಟ ಗಾಡಿ ಕೂಸ ಪೂಜಾರಿ ಬೊಕ್ಕ ರಾಯಿ ದರ್ಶನ್ ಗೌಡ (12.54) ಎರ್ಲುಲೆನ್ ಗಿಡತೆರ್.