ಕುಡ್ಲ: ಎಕ್ಕಾರ್ ಬುಡಿಗಾಡ್ ದ ನವಚೇತನಾ ಫ್ರೆಂಡ್ಸ್ ದ 13ನೇ ವರ್ಷೊದ ಸಾರ್ವಜನಿಕ ಸತ್ಯನಾರಾಯಣ ಪೂಜೆ ಬೊಕ್ಕ ಸಾಂಸ್ಕೃತಿಕ ಲೇಸ್ ಫೆ.14 ಸನಿಯಾರ ಎಕ್ಕಾರ್ ಬುಡಿಗಾಡ್ ಶ್ರೀ ಧರ್ಮಶಾಸ್ತ್ರ ಅಯ್ಯಪ್ಪ ಸ್ವಾಮಿ ಮಂದಿರಡ್ ನಡಪರೆ ಉಂಡು.
ಈ ಲೇಸ್ ಎಕ್ಕಾರ್ ಶ್ರೀ ಕುಂಭಕಂರಿಣೀ ದೈವಸ್ಥಾನದ ಆಡಳಿತ ಮೊಕ್ತೇಸರೆರ್ ನಿತಿನ್ ಹೆಗ್ಡೆ (ತಿಮ್ಮಕಾವ) ಮೆರೆನ ಉಪಸ್ಥಿತಿಡ್ ವಸಂತ ಭಟ್ ನೆಲ್ಲಿತೀರ್ಥ ಮೆರೆನ ಮುತಾಲಿಕೆಡ್ ಶ್ರೀ ಸತ್ಯನಾರಾಯಣ ವೃತ ಪೂಜೆ ನಡಪರೆ ಉಂಡು.
ಅಂಚೆನೆ ಬಯ್ಯಗ್ ಭಜನೆ ಆದ್ ಎಕ್ಕಾರ್ ಶ್ರೀ ಭ್ರಾಮರಿ ಹವ್ಯಾಸಿ ಯಕ್ಷಗಾನ ಕೂಟದಕ್ಲೆರ್ದ್ ತ್ರಿಜನ್ಮಮೋಕ್ಷ ಆಟ ನಡಪುಂಡು. ಆವೆರ್ದ್ ಬೊಕ್ಕ ಶ್ರೀ ಧರ್ಮಶಾಸ್ತ್ರ ಅಯ್ಯಪ್ಪ ಸ್ವಾಮಿ ಮಂದಿರದ ಸ್ಥಾಪಕ ಅಧ್ಯಕ್ಷೆರ್ ಅಭಿಷೇಕ್ ಭಂಡಾರಿ ಬುಡಿಗಾಡ್, ಭಾಗವತೆರ್ ಸಿಂಚನ ಮೂಡುಕೋಡಿ, ದಿವ್ಯಶ್ರೀ ಭಟ್ ಪುತ್ತಿಗೆ, ಶ್ರೀ ಭ್ರಾಮರಿ ಹವ್ಯಾಸಿ ಯಕ್ಷಗಾನದ ನಿರ್ದೇಶಕೆರ್ ಮೈತ್ರಿ ಭಟ್ ಮವ್ಮಾರ್ ಮೊಕ್ಲೆಗ್ ಮಾನಾದಿಗೆ ನಡಪರೆ ಉಂಡು.
ಈ ಲೇಸ್ ಡ್ ಭಕ್ತಾದಿಲು ಬೊಕ್ಕ ಕಲಾಭಿಮಾನಿಲು ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಪಾಲ್ ಪಡೆವೊಡು ಪಂದ್ ಎಕ್ಕಾರ್ ಬುಡಿಗಾಡ್ ನವಚೇತನಾ ಫ್ರೆಂಡ್ಸ್ ದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.