ವಿದುಷಿ ಕು.ವೈಭವಿ ಕುಂಬ್ಳೆ ಮೆರೆನ ಭರತನಾಟ್ಯ ರಂಗ ಪ್ರವೇಶ ಕಾರ್ಯಕ್ರಮ ಕುಂಬ್ಳೆದ ಅನಂತಪುರ ಶ್ರೀ ಅನಂತಪದ್ಮನಾಭ ಸ್ವಾಮಿ ದೇವಸ್ಥಾನದ “ಅನಂತಶ್ರೀ” ಸಭಾಭವನಡ್ ಜ.4 ತಾರೀಕ್ಗ್ ಬಯ್ಯಡ್ ನಡತ್ಂಡ್.
ಖ್ಯಾತ ಹರಿಕಥಾ ವಿದ್ವಾಂಸೆರಾಯಿನ “ಕಲಾರತ್ನ” ಶಂನಾಡಿಗ ಕುಂಬ್ಳೆ ಬೊಕ್ಕ ವಿಜಯಲಕ್ಷ್ಮಿ ದಂಪತಿಲೆನ ರಡ್ಡನೇ ಮಗಳಾಯಿನ ವೈಭವಿ ಬಹುಮುಖ ಪ್ರತಿಭೆದ ಕಲಾವಿದೆ. ಮೇರ್ ವಿದುಷಿ ಡಾ.ವಿದ್ಯಾಲಕ್ಷ್ಮಿ ಕುಂಬ್ಳೆ ಮೆರೆನ ಶಿಷ್ಯೆ.
ಮೇರ್ 2009 ನೇ ಇಸ್ವಿಡ್ “ಹರಿಕಥಾ ಬಾಲೆ”, 2017 ನೇ ಇಸ್ವಿಡ್ “ಕಲಾಕಿಶೋರಿ”, 2018 ನೇ ಇಸ್ವಿಡ್ “ತುಳುನಾಡ ಸಿರಿಮುತ್ತು” ಬಿರ್ದ್ದ ಒಟ್ಟುಗು ಸನ್ಮಾನ ಪಡೆತೆರ್. ನಾಟ್ಯ ವಿದ್ಯಾನಿಲಯ ಕುಂಬ್ಳೆ ನೆತ್ತ ಆಶ್ರಯೊಡು ಈ ಕಾರ್ಯಕ್ರಮ ನಡತ್ಂಡ್.