ತುಳುವ ಮಣ್ಣ್‌ದ ಸಂಸ್ಕೃತಿ ಒರಿಪಾವುನ ಕಲೆ ಯಕ್ಷಗಾನ : ಬ್ರಿಜೇಶ್ ಚೌಟ

ಯಕ್ಷಧ್ರುವ ಯಕ್ಷಶಿಕ್ಷಣ ಯೋಜನೆದ ಕಲ್ಪಾರ್ಥಿಲೆನ ಸಮ್ಮಿಲನ 2025-26

ಕುಡ್ಲ : ತುಳುವ ಮಣ್ಣ್‌ದ ಅಸ್ಮಿತೆ, ಸನಾತನ ಸಂಸ್ಕೃತಿನ್ ಜೀವನಡ್ ಪಾಲನೆ ಮಲ್ತೊಂದು ಬರ್ಪಿನಕುಲು ತುಳುವೆರ್. ಮೂಲು ಕಲೆ ಬೊಕ್ಕ ಸಂಸ್ಕೃತಿಗ್ ಮಲ್ಲ ಮಹತ್ವ ಉಂಡು. ಈ ನೆಲತ್ತ ಕಲೆ ಬೊಕ್ಕ ಸಂಸ್ಕೃತಿನ್ ಒರಿಪಾವುನ ಕೆಲಸನ್ ಯಕ್ಷಗಾನ ಮಲ್ದ್ಂಡ್ ಪಂದ್ ಸಂಸದೆರ್ ಕ್ಯಾಪ್ಟನ್ ಬ್ರಿಜೇಶ್ ಚೌಟ ತೆರಿಪಾಯೆರ್.
ಆರ್ ಅಡ್ಯಾರ್ ಸಹ್ಯಾದ್ರಿ ಕಾಲೇಜು ಆವರಣಡ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಘಟಕಲೆನ ಒಟ್ಟುಸೇರಿಗೆಡ್ ನಡತಿನ ಯಕ್ಷಧ್ರುವ-ಯಕ್ಷ ಶಿಕ್ಷಣ ಯೋಜನೆದ ಕಲ್ಪಾರ್ಥಿಲೆನ ಸಮ್ಮಿಲನ 2025-26 ಲೇಸ್‌ನ್ ಉದಿಪನ ಮಲ್ತ್ ಪಾತೆರಿಯೆರ್.
ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್
ಯಕ್ಷಗಾನದ ಮೂಲಕ ದೇಶ ಕಟ್ಟುನ ಕೆಲಸ ಮಲ್ತೊಂದುಂಡು. ಯಕ್ಷಗಾನಗ್ ಮಲ್ಲ ಇತಿಹಾಸ ಉಂಡು.ಉಂದು ಇಂಚೆನೇ ದುಂಬರಿಯೊಡು ಪಂದ್ ಪಂಡೆರ್.
ಯಕ್ಷಗಾನ ಶ್ರೇಷ್ಠಕಲೆ. ವಿಶ್ವಮಟ್ಟಡ್ ಬುಲೆವೊಂದುಂಡು. ಶಾಲಾ ಕಾಲೇಜಿದ ಪ್ರೋತ್ಸಾಹ ಬೊಕ್ಕ ಪೋಷಕೆರ್ನ ಬೆಂಬಲಡ್ ಇಂಚಿನ ಕಾರ್ಯಕ್ರಮ ಅಟ್ಟಣೆ ಮಲ್ಪರೆ ಸಾಧ್ಯ ಆಂಡ್ ಪಂದ್ ಪಟ್ಲ ಸತೀಶ್ ಶೆಟ್ಟಿ ತೆರಿಪಾಯೆರ್.
ಲೇಸ್‌ಡ್ ಉದ್ಯಮಿ, ಕಲಾಪೋಷಕ ಬೆಳಿಯೂರುಗುತ್ತು ಎಂ ರವೀಂದ್ರನಾಥ ಆಳ್ವ, ಯಕ್ಷಧ್ರುವ ಯಕ್ಷಶಿಕ್ಷಣದ ಪ್ರಧಾನ ಸಂಚಾಲಕೆರ್ ಪಣಂಬೂರು ವಾಸುದೇವ ಐತಾಳ, ಉದ್ಯಮಿ ಕೆ ಜಯರಾಮ ಶೇಖ ಅಡ್ಯಾರ್, ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಪ್ರಧಾನ ಕಾರ್ಯದರ್ಶಿ ಕೆ ಪುರುಷೋತ್ತಮ ಭಂಡಾರಿ ಅಡ್ಯಾರ್, ಕೋಶಾಧಿಕಾರಿ ಸಿಎ ಸುದೇಶ್ ಕುಮಾರ್ ರೈ, ಸಂಘಟನಾ ಕಾರ್ಯದರ್ಶಿ ಪ್ರದೀಪ್ ಆಳ್ವ ಕದ್ರಿ, ಬಾಳ ಜಗನ್ನಾಥ ಶೆಟ್ಟಿ, ಕೇಂದ್ರೀಯ ಮಹಿಳಾ ಘಟಕದ ಗೌರವಾಧ್ಯಕ್ಷೆ ಆರತಿ ಆಳ್ವ, ಅಧ್ಯಕ್ಷೆ ಪೂರ್ಣಿಮ ಯತೀಶ್ ರೈ, ಪ್ರಭಾಕರ ಜೋಷಿ, ಯಕ್ಷಧ್ರುವ ಯಕ್ಷಶಿಕ್ಷಣದ ಸಂಯೋಜಕೆ ದೀವಿತ್ ಎಸ್ ಕೆ ಪೆರಾಡಿ ಬೊಕ್ಕ ವಿವಿಧ ಘಟಕದ ಅಧ್ಯಕ್ಷೆರ್ ಉಪಸ್ಥಿತರಿತ್ತೆರ್.
ಪುರುಷೋತ್ತಮ‌ ಭಂಡಾರಿ ಸ್ವಾಗತ ಮಲ್ತೆರ್. ಸಲಹಾ ಸಮಿತಿ ಸದಸ್ಯೆರ್ ದೇವದಾಸ ಶೆಟ್ಟಿ ಬಂಟ್ವಾಳ ಕಾರ್ಯಕ್ರಮ‌ ನಿರೂಪಣೆ ಮಲ್ತೆರ್.