ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಡಿ.12-14: ಮಿಯ್ಯಾರು ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ದೃಢಕಲಶಾಭಿಷೇಕ

Dec 2, 2025

ಮಿಯ್ಯಾರು ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ದೃಢಕಲಶಾಭಿಷೇಕ ಡಿಸೆಂಬರ್ 12-14 ತಾರೀಕ್ ಮುಟ್ಟ ನಡಪರೆ ಉಂಡು.
ಡಿ.13 ಕಾಂಡೆ ಬಿಂಬ ಶುದ್ಧಿ, ಗಣ ಹೋಮ, ಕಲಶಾಭಿಷೇಕ, ಅನ್ನಸಂತರ್ಪಣೆ, ಬಯ್ಯಡ್ ಅಧಿವಾಸ ಹೋಮ, ಅನ್ನಸಂತರ್ಪಣೆ, ಯಕ್ಷಗಾನ ಗಾನ ವೈಭವ ಕಾರ್ಯಕ್ರಮ ನಡಪರೆ ಉಂಡು.
ಡಿ.14 ಕ್ಕ್ ಕಾಂಡೆ ಗಣಪತಿ ದೇವೆರೆಗ್ ಕಲಶಾಭಿಷೇಕ, ಮಹಾಲಿಂಗೇಶ್ವರ ದೇವೆರೆಗ್ ಬ್ರಹ್ಮಕಲಶಾಭಿಷೇಕ ಆದ್ ಮದ್ಯಾಹ್ನ ಮಹಾ ಅನ್ನಸಂತರ್ಪಣೆ ನಡಪರೆ ಉಂಡು.
ಈ ಮಾತ ಲೇಸ್ ಡ್ ಮಾತೆರ್ಲಾ ಎಚ್ಚಿನ ಸಂಖ್ಯೆಡ್ ಬತ್ತ್ ಪಾಲ್ ಪಡೆದ್ ದೇವೆರ್ನ ಅನುಗ್ರಹ ಪಡೆಯೊಡು ಪಂದ್ ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷೆರ್ ಗಣಪತಿ ಹೆಗ್ಡೆ ಬೋರ್ಕಟ್ಟೆ, ಪ್ರಧಾನ ಅರ್ಚಕೆರ್ ಹರಿದಾಸ್ ಭಟ್, ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ತಾರಾನಾಥ್ ಕೋಟ್ಯಾನ್ ಸೂರಾಲು ಅಂಚೆನೆ ಅರ್ಚಕ ವೃಂದ ಬೊಕ್ಕ ರಡ್ಡ್ ಸಮಿತಿದಲ ಸರ್ವ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಕುದ್ರೋಳಿ ಶ್ರೀ ಭಗವತೀ ಕ್ಷೇತ್ರಗ್ ಬಿ ಕೆ ಹರಿಪ್ರಸಾದ್ ಭೇಟಿ

Nov 25, 2025

ಕುಡ್ಲ : ವಿಧಾನ ಪರಿಷತ್ ಸದಸ್ಯೆರ್ ಬಿ. ಕೆ ಹರಿಪ್ರಸಾದ್ ಮೇರ್ ಕುದ್ರೋಳಿ ಶ್ರೀ ಭಗವತೀ ಕ್ಷೇತ್ರಗ್ ಭೇಟಿ ಕೊರಿಯೆರ್.
“ಪವಾಡ ಪುರುಷೆ ಬ್ರಹ್ಮ ಶ್ರೀ ನಾರಾಯಣ ಗುರು ಸ್ವಾಮಿಲು ನಮ್ಮ ರಾಜ್ಯಗ್ 1908ನೇ ಇಸ್ವಿಡ್ ಸುರೂತ್ತ ಸರ್ತಿ ಭೇಟಿ ಕೊರ್ತಿನ ಪುಣ್ಯ ಜಾಗೆಗ್ ಬತ್ತ್‌ದ್ ಧನ್ಯ ಆಯೆ. ಅಯಿಟ್ಟ್‌ಲ ನಾರಾಯಣ ಗುರುಕುಲು ಕುಲ್ದಿನ ದೇವಸ್ಥಾನ ದ ಎದುರುದ ಅಶ್ವಥ ಕಟ್ಟೆನ್ ಒವ್ವೇ ಬದಲ್ ಮಲ್ಪಂದೆ ಒರಿತೊಂದು ಬೈದಿನವು ತೀಯಾ ಸಮಾಜೊಗು ಬೊಕ್ಕ ಗುರುಕ್ಲೆಗ್ ಉಪ್ಪುನ ಬಂಧುತ್ವನ್ ಹೆಚ್ಚ ಮಲ್ದ್ಂಡ್” ಪಂಡೆರ್.
ಕ್ಷೇತ್ರದ ಪರಪೋಕುದ ಬಗೆಟ್ಟ್ ಕ್ಷೇತ್ರದ ಅಧ್ಯಕ್ಷೆರ್ ಗಣೇಶ್ ಕುಂಟಾಲ್ಪಡಿ ತೆರಿಪಾಯೆರ್.ಅಂಚೆನೆ ಕ್ಷೇತ್ರದ ಅಭಿವೃದ್ಧಿಗ್ ಸಂಬಂಧಪಟಿನ ಬೇಡಿಕೆ ಬಗೆಟ್ಟ್ ಮನವಿ ಕೊರಿಯೆರ್. ಸಮಾಜಗ್ ಸಂಬಂಧಪಟಿನ ಮನವಿ ಸದಾಶಿವ ಉಳ್ಳಾಲ್ ಕೊರಿಯೆರ್.
ಈ ಪೊರ್ತುಡು ಕ್ಷೇತ್ರದ ಪ್ರಧಾನ ಕಾರ್ಯದರ್ಶಿ ಸುಧೀರ್ ಕುಮಾರ್ ಜಪ್ಪು , ಪುರುಷ ಸಾಲಿಯಾನ್,ಆಶಾ ಚಂದ್ರ ಮೋಹನ್, ರಾಜಗೋಪಾಲ್ ಜಪ್ಪು, ದಿನೇಶ್ ಕುಂಪಲ, ಮನುರಾಜ್ ಅಡ್ವೊಕೇಟ್, ಉಷಾ ಪ್ರಭಾಕರ್, ಶಶಿಕಲಾ,ಪ್ರಸಾದ್ ಬೋಳಾರ್ ಬೊಕ್ಕ ಕ್ಷೇತ್ರದ ಮುಕ್ತೇಸರೆರ್ ಬೊಕ್ಕ ಪದಾಧಿಕಾರಿಲು ಇತ್ತೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಮುಲ್ಕಿ

ಬಪ್ಪನಾಡ್ ದೇವಸ್ಥಾನಡ್ ಲಕ್ಷ ದೀಪೋತ್ಸವದ ಗೌಜಿ

Nov 20, 2025

ಮುಲ್ಕಿ ಸೀಮೆ ಒರ್ಂಬ ಮಾಗಣೆದ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನಡ್ ಮಾಗಣೆದ ಮಾತಾ ಭಕ್ತೆರ್ನ ಒಟ್ಟುಸೇರಿಗೆಡ್ ನ.19 ಬುಧವಾರ ಕಾಂಡೆರ್ದ್ ರಾತ್ರೆ ಮುಟ್ಟ ಬೇತೆ ಬೇತೆ ಧಾರ್ಮಿಕ ಕಾರ್ಯಕ್ರಮದ ಒಟ್ಟುಗು ಲಕ್ಷ ದೀಪೋತ್ಸವ ಭಾರಿ ಶ್ರದ್ಧಾ ಭಕ್ತಿಡ್ ನಡತ್ಂಡ್.
ಧಾರ್ಮಿಕ ಕಾರ್ಯಕ್ರಮದ ಅಂಗವಾದ್ ಕ್ಷೇತ್ರದ ತಂತ್ರಿಲಾಯಿನ ಶಿಬರೂರು ಗೋಪಾಲಕೃಷ್ಣ ತಂತ್ರಿಲು, ಅರ್ಚಕೆರಾಯಿನ ಶ್ರೀಪತಿ ಉಪಾಧ್ಯಾಯ ಬೊಕ್ಕ ನರಸಿಂಹ ಭಟ್ ನೇತೃತ್ವಡ್ ವಿಶೇಷ ಪ್ರಾರ್ಥನೆ ಮಲ್ತ್‌ದ್ ಮನ್ಯು ಸೂಕ್ತ ಹೊಮ, ಲಕ್ಷ ಕುಂಕುಮಾರ್ಚನೆ ಮಧ್ಯಾಹ್ನ ಮಹಾಪೂಜೆ, ಅನ್ನ ಸಂತರ್ಪಣೆ ನಡತ್ಂಡ್.
ಬಯ್ಯಡ್ 5 ಗಂಟೆರ್ದ್ ಸಾಮೂಹಿಕ ದುರ್ಗಾ ನಮಸ್ಕಾರ,ಲಲಿತಾ ಸಹಸ್ರನಾಮ ಪಾರಾಯಣ, ರಾತ್ರಿ 7.30ಕ್ಕ್ ಮಹಾ ಪೂಜೆ , ಲಕ್ಷ ದೀಪ ಬಲಿ ಉತ್ಸವ, ಯಕ್ಷಗಾನ, ಭರತನಾಟ್ಯ ಸಹಿತ ಅಷ್ಟಾವಧಾನ ಸೇವೆ ನಡತ್ಂಡ್.
ಈ ಪೊರ್ತುಡು ವೇದಮೂರ್ತಿ ವಾದಿರಾಜ ಉಪಾಧ್ಯಾಯೆರ್ ಕೊಲಕಾಡಿ,ಶಾಸಕೆರ್ ಉಮಾನಾಥ ಕೋಟ್ಯಾನ್, ದಾರ್ಮಿಕ ಪರಿಷತ್ ಸದಸ್ಯೆ ಮಲ್ಲಿಕಾ ಪಕ್ಕಳ,
ದೇವಸ್ಥಾನದ ಅನುವಂಶಿಕ ಮೊಕ್ತೇಸರೆರ್ ದುಗ್ಗಣ್ಣ ಸಾವಂತ ಅರಸೆರ್, ಕಾರ್ಯನಿರ್ವಹಣಾಧಿಕಾರಿ ಶ್ವೇತಾ ಪಳ್ಳಿ,
ಮಾಜೀ ಮೊಕ್ತೇಸರೆರ್ ಧರ್ಮದರ್ಶಿ ಡಾ ಹರಿಕೃಷ್ಣ ಪುನರೂರು,ಕಟೀಲು ಕ್ಷೇತ್ರದ ಅರ್ಚಕೆರ್ ಹರಿನಾರಾಯಣ ದಾಸ ಆಸ್ರಣ್ಣೆರ್, ಡಾ. ಶ್ರೀವತ್ಸ ಭಟ್ ಕೊಲಕಾಡಿ ಬೊಕ್ಕ ಮಸ್ತ್ ಜನ ಭಕ್ತೆರ್ ಪಾಲ್ ಪಡೆದಿತ್ತೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಮುಲ್ಕಿ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಸಹಕಾರ ಸಪ್ತಾಹ ಮುಗಿತಲ

Nov 20, 2025

ಸಮಾಜದ ಬಡವೆರ್ನ ಒಟ್ಟುಗು ಪ್ರಿಯದರ್ಶಿನಿ ಸೊಸೈಟಿ : ವಸಂತ ಬೆರ್ನಾಡ್

ಹಳೆಯಂಗಡಿ : ಸಮಾಜದ ಕಡು ಬಡವೆರೆನ ಒಟ್ಟುಗು ಪ್ರಿಯದರ್ಶಿನಿ ಸಹಕಾರಿ ಸಂಘ ಏಪಲ ಉಪ್ಪುಂಡು ಪಂದ್ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಅಧ್ಯಕ್ಷೆರ್ ವಸಂತ್ ಬೆರ್ನಾಡ್ ತೆರಿಪಾಯೆರ್.
ಆರ್ 72 ನೇ ಸಹಕಾರಿ ವರ್ಷದ ಹಿನ್ನೆಲೆಡ್ ಪ್ರಿಯದರ್ಶಿನಿ ಸೊಸೈಟಿದ ಪ್ರಧಾನ ಕಚೇರಿ ಅಂಚೆನೆ ಪಡ್ಡೆದ್ರ, ಬೆದ್ರ ಬೊಕ್ಕ ಕಿನ್ನಿಗೋಳಿ ಶಾಖೆಲೆಡ್ ನ.14 -20 ತಾರೀಕ್ ಮುಟ್ಟ ನಡತಿನ “ಸಹಕಾರಿ ಸಪ್ತಾಹ 2025″ ದ ಮುಗಿತಲದ ಲೇಸ್‌ಡ್ ಅಧ್ಯಕ್ಷತೆ ವಹಿಸಾದ್ ಪಾತೆರಿಯೆರ್.
ಈತ್ ವರ್ಷ ಸೊಸೈಟಿಡ್ ಸಹಕಾರಿ ಸಪ್ತಾಹನ್ ಸರಳವಾದ್ ಮಲ್ದಿತ್ತ. ಆಂಡ ಈ ವರ್ಷ ಬೇತೆ ಬೇತೆ ಕಡೆಟ್ಟ್ ಬೇತೆ ಬೇತೆ ಸಮಾಜಮುಖಿ ಕಾರ್ಯಕ್ರಮ ಮಲ್ತ್‌ದ್, ಸಮಾಜದ ಅಶಕ್ತ ವರ್ಗದಕ್ಲೆಗ್ ಕುಂಟು ಪೊಲ್ಲುನ ಮಿಷಿನ್, ವಿಕಲಚೇತನೆರೆಗ್, ವೀಲ್ ಚೇರ್ ಕೊರ್ಪಿನ ಮುಕೇನ
ಸಮಾಜದ ಕಟ್ಟಕಡೆತ್ತ ವ್ಯಕ್ತಿಲೆನ ಜತೆಟ್ಟ್ ಉಲ್ಲ ಪನ್ಪಿನೆನ್ ತೊಜಪಾದ” ಪಂದ್ ಆರ್ ಪಂಡೆರ್.
ಮಲ್ಲ ಬಿನ್ನೆರಾದ್ ಬತ್ತಿತ್ತಿನ ಸುರತ್ಕಲ್ ಕೊಡಿಪಾಡಿ ಶ್ರೀ ಕೊಡಮಣಿತ್ತಾಯ ಬ್ರಹ್ಮಬೈದರ್ಕಳ ಗರೊಡಿದ ಅಧ್ಯಕ್ಷೆರ್ ರೂಪೇಶ್ ರೈ ಮೇರ್ ಇಂಚೊಗು ದಕ ಬೊಕ್ಕ ಉಡುಪಿ ಜಿಲ್ಲೆದ ವಿದ್ಯಾರ್ಥಿಲೆಗ್ ಡಾ.ಎಂ.ಎನ್ ರಾಜೇಂದ್ರ ಕುಮಾರ್ ಭಾವಚಿತ್ರ ಬುಡ್ಪಾವುನ ಪಂತೊಡು ಗೆಂದಿನಕ್ಲೆಗ್ ಇನಾಮು ಪಟ್‌ದ್ ಸೊಸೈಟಿ ನನಾತ್ ಅಭಿವೃದ್ಧಿ ಆವಡ್ ಪಂಡೆರ್.
ಬಿನ್ನೆರಾದ್ ಎಸ್ ಕೆಡಿಸಿಸಿ ಬ್ಯಾಂಕ್ ಮ್ಯಾನೇಜರ್ ಜಗದೀಶ್ ಶೆಟ್ಟಿ, ಸಮಾಜಸೇವಕಿ ವಿಲ್ಮಾ ಡಿಕೋಸ್ಟ ಕಿನ್ನಿಗೋಳಿ ಮೊಕುಲು ಲೇಸ್‌ಡ್ ಪಾಲ್ ಪಡೆದಿತ್ತೆರ್.
ಸಿಇಒ ಸುದರ್ಶನ್ ಪಂಜ ಸ್ವಾಗತ ಮಲ್ತೆರ್. ನಿರಂಜಲ ಪ್ರಾರ್ಥನೆ ಮಲ್ತೆರ್. ಪ್ರಬಂಧಕಿ ಅಕ್ಷತಾ ಶೆಟ್ಟಿ ನಿರೂಪಣೆ ಮಲ್ತೆರ್. ಅಕೌಂಟೆಂಟ್ ಲೋಲಾಕ್ಷಿ ಸೊಲ್ಮೆ ಸಂದಾಯೆರ್.
ಡಾ.ಎಂಎನ್‌ಆರ್ ಚಿತ್ರ ಬರೆಪಿನ ಪಂತಡ್ ಗೆಂದಿನಕುಲು

ಮಲ್ಟಿಕಲರ್ ವಿಭಾಗ:
ಸುರೂತ್ತ ಇನಾಮು : ಆದಿತ್ , ಕೆನರಾ ಹೈಸ್ಕೂಲ್ ಕುಡ್ಲ , ರಡ್ಡನೇ ಇನಾಮು : ತೀಷಾ ಆಚಾರ್ಯ, ಎಸ್‌ಡಿಪಿಟಿ ಕಟೀಲ್
ಪೆನ್ಸಿಲ್ ಸ್ಕೆಚ್ ವಿಭಾಗ:
ಸುರೂತ್ತ ಇನಾಮು ಜೆನಿಶಾ ಶ್ಲಾವಿಟಾ ಡಿಸೋಜ, ಹೋಲಿ ಫ್ಯಾಮಿಲಿ ಇಂಗ್ಲಿಷ್ ಮೀಡಿಯ ಸ್ಕೂಲ್ ಸುರತ್ಕಲ್. ರಡ್ಡನೇ ಇನಾ

ನ.25 : ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ 29ನೇ ವಾರ್ಷಿಕ ಮಹಾಸಭೆ,

Nov 20, 2025

ಬಹಿರಂಗ ಅಧಿವೇಶನ, ಪದಗ್ರಹಣ ಸಮಾರಂಭ, ಸಾಧಕೆರೆಗ್ ಸನ್ಮಾನ

ಕುಡ್ಲ : ಜಾಗತಿಕ ಬಂಟರ ಸಂಘಗಳ ಒಕ್ಕೂಟ (ರಿ.)ದ ಪೊಸ ಅಧ್ಯಕ್ಷೆರ್ ಬೊಕ್ಕ ಪದಾಧಿಕಾರಿಲೆನ ಪದಗ್ರಹಣ ಸಮಾರಂಭ ಲೇಸ್, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆಯಿನಕ್ಲೆಗ್ ಬೊಕ್ಕ ಸಾಧಕೆರೆಗ್ ಗೌರವ ಸನ್ಮಾನ ನ. 25 ಅಂಗಾರೆ ಕಾಂಡೆ 11 ಗಂಟೆಗ್ ಬಂಟ್ಸ್ ಹಾಸ್ಟೆಲ್‍ ಕೈತಲ್ದ “ಬಂಟರ ಯಾನೆ ನಾಡವರ ಮಾತೃ ಸಂಘದ ಶ್ರೀ ರಾಮಕೃಷ್ಣ ಕಾಲೇಜು ಮೈದಾನಡ್ ನಡಪರೆ ಉಂಡು.
ಕಾಂಡೆ 10 ರ್ದ್ 11 ಗಂಟೆ ಮುಟ್ಟ ಕಾರ್ಯಕಾರಿ ಸಮಿತಿ ಸಭೆ ಬೊಕ್ಕ 29ನೇ ವಾರ್ಷಿಕ ಮಹಾಸಭೆ ನಡಪರೆ ಉಂಡು.
ಬೊಕ್ಕ ಒಕ್ಕೂಟದ ಪದಾಧಿಕಾರಿಲೆನ ಪದಗ್ರಹಣ, ಬಹಿರಂಗ ಅಧಿವೇಶನ ಕಾರ್ಯಕ್ರಮ ನಡಪರೆ ಉಂಡು.
ಬಹಿರಂಗ ಅಧಿವೇಶನಡ್ ವೈವಾಹಿಕ ಜೀವನದ ಸುವರ್ಣ ಮಹೋತ್ಸವ ಆಚರಣೆ ಮಲ್ಪುನ ಒಕ್ಕೂಟದ ದಾನಿಲಾಯಿನ ಉಮಾ ಕೃಷ್ಣ ಶೆಟ್ಟಿ ದಂಪತಿಲೆಗ್ ಸನ್ಮಾನ ಕಾರ್ಯಕ್ರಮ ಬೊಕ್ಕ 2025ರ ಸಾಲಿನ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆಯಿನಕ್ಲೆಗ್ ಗೌರವ ಸನ್ಮಾನ ನಡಪರೆ ಉಂಡು. ಉಂದೆತ್ತ ಅಧ್ಯಕ್ಷತೆನ್ ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ವಹಿಸೊನ್ವೆರ್. ಲೇಸ್‌ಡ್
ಮಹಾದಾನಿಲು, ದಾನಿಲು, ಪದಾಧಿಕಾರಿಲು, ವಿವಿಧ ಬಂಟರ ಸಂಘದ ಅಧ್ಯಕ್ಷೆರ್‌ನಕುಲು ಪಾಲ್ ಪಡೆವೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಬೊಲ್ತೆರ್ ಸುದ್ದಿ | Belthangady News

ಧರ್ಮಸ್ಥಳ ಲಕ್ಷದೀಪೋತ್ಸವ: ಭಕ್ತರೆರ್ದ್ ಪೂತ್ತ ಸಿಂಗಾರ

Nov 20, 2025

ಉಜಿರೆ : ಧರ್ಮಸ್ಥಳ ಲಕ್ಷ ದೀಪೋತ್ಸವದ ಹಿನ್ನೆಲೆಡ್ ಭಕ್ತೆರ್ ಬಗೆ ಬಗೆ ವಿಧಾನೊಡು ಸೇವೆ ಸಂದಾಯೆರ್.
ಬೆಂಗಳೂರುದ ರಾಮು ಬೊಕ್ಕ ರಮೇಶ ಮೊಕ್ಲೆನ ತಂಡದಕುಲು, ಪೂತ್ತ ಬೇರದಕುಲು ಬಗೆ ಬಗೆತ್ತ ಪೂ ಕನತ್ದ್ ದೇವಸ್ಥಾನನ್ ಆಕರ್ಷಕವಾದ್ ಅಲಂಕಾರ ಮಲ್ತೆರ್.
ಧರ್ಮಸ್ಥಳ ಶ್ರೀ ಮಂಜುನಾಥ ಸ್ವಾಮಿ ಭಕ್ತೆರ್ ಸುಮಾರು ೨೫ ತಂಡದಕುಲು ಬುಧವಾರ ರಾತ್ರಿ ಎಲ್ಲಾ ಭಕ್ತೆರೆಗ್ ಉಚಿತ ಊಟದ ವ್ಯವಸ್ಥೆ ಮಲ್ತೆರ್.
ಮುದ್ದೆ-ಕಾಳುಸಾರು, ಪಲಾವ್, ಬಿಸಿಬೇಳೆಬಾತ್, ರೈಸ್‌ಬಾತ್, ಹೋಳಿಗೆ, ಮೈಸೂರುಪಾಕ್ ಇಂಚ ಸುಮಾರ್ ಒಂಜಿ ಲಕ್ಷರ್ದ್ಲ ಮಿಕ್ಕಿ ಜಾಸ್ತಿ ಭಕ್ತೆರೆಗ್ ಶುಚಿ-ರುಚಿ ವನಸ್ ದ ವ್ಯವಸ್ಥೆ ಮಲ್ದೆರ್.
ಕಂಚಿಮಾರುಕಟ್ಟೆ ಉತ್ಸವ :
ಧರ್ಮಸ್ಥಳ ಲಕ್ಷ ದೀಪೋತ್ಸವದ ಸಂದರ್ಭ ಶನಿವಾರ ರಾತ್ರೆ ಕಂಚಿ ಮಾರುಕಟ್ಟೆ ಉತ್ಸವ ನಡತ್ಂಡ್. ಸಾವಿರಾರು ಭಕ್ತೆರ್ ಶ್ರದ್ಧಾ-ಭಕ್ತಿಡ್ ಉತ್ಸವ ವೀಕ್ಷಣೆ ಮಲ್ತ್‌ದ್ ಧನ್ಯರಾಯೆರ್.

ತುಳುನಾಡ ರಕ್ಷಣಾ ವೇದಿಕೆರ್ದ್ ಸಹಕಾರಿ ಕ್ಷೇತ್ರದ ಸಾಧಕೆರೆಗ್ “ತೌಳವ ಸಹಕಾರ ಮಾಣಿಕ್ಯ” , “ತೌಳವ ಸಹಕಾರ ರತ್ನ” ಪ್ರಶಸ್ತಿ

Nov 8, 2025

ತುಳುನಾಡ ರಕ್ಷಣಾ ವೇದಿಕೆ ಬೊಕ್ಕ ತುಳುನಾಡ ಸೂರ್ಯ ಪತ್ರಿಕಾ ಸಂಸ್ಥೆ ಸೇರಿ ನಡಪುನ “ಸಹಕಾರ ಸಪ್ತಾಹ” ಕಾರ್ಯಕ್ರಮಡ್ ಸಹಕಾರ ಕ್ಷೇತ್ರಡ್ ವಿಶಿಷ್ಟ ಸೇವೆ ಸಂದಾಯಿನ ಸಾಧಕೆರೆಗ್ “ತೌಳವ ಸಹಕಾರ ಮಾಣಿಕ್ಯ” ಮತ್ “ತೌಳವ ಸಹಕಾರ ರತ್ನ” ಪ್ರಶಸ್ತಿ ಕೊರ್ದು ಸನ್ಮಾನ ಮಲ್ಪುನಾ ಸುದ್ದಿ ಚಿತ್ರ. — ಸಹಕಾರ ಕ್ಷೇತ್ರಡ್ ವಿಶಿಷ್ಟ ಸಾಧಕೆರೆಗ್ ಮಾನ್ಯತೆ – ತುಳುನಾಡ ರಕ್ಷಣಾ ವೇದಿಕೆ ಬೊಕ್ಕ ತುಳುನಾಡ ಸೂರ್ಯ ಪತ್ರಿಕಾ ಸಂಸ್ಥೆರ್ “ತೌಳವ ಸಹಕಾರ ಮಾಣಿಕ್ಯ” ಮತ್ “ತೌಳವ ಸಹಕಾರ ರತ್ನ” ಪ್ರಶಸ್ತಿ ಘೋಷಣೆ ಮಲ್ಪುನಾ ಕಾರ್ಯಕ್ರಮ.

ಕುಡ್ಲ : ತುಳುನಾಡ ರಕ್ಷಣಾ ವೇದಿಕೆ ಅಂಚೆನೆ ತುಳುನಾಡ ಸೂರ್ಯ ಪತ್ರಿಕಾ ಸಂಸ್ಥೆದ ನಿರೆಲ್ಡ್ ಉರ್ವ ಸ್ಟೋರ್ ಕೈತಲ್ದ ತುಳು ಭವನಡ್ ನ. 16 ತಾರೀಕ್‌‌ಗ್ ನಡಪುನ “ಸಹಕಾರ ಸಪ್ತಾಹ” ಲೇಸ್‌ಡ್ ಸಹಕಾರ ಕ್ಷೇತ್ರಡ್ ವಿಶಿಷ್ಟ ಸೇವೆ ಸಂದಾಯಿನ ಸಾಧಕೆರೆನ್ ನಾಡ್‌ಪತ್‌ದ್ ಮಾನಾದಿಗೆ ಮಲ್ಪರೆ ಉಂಡು.

ಸಹಕಾರ ಕ್ಷೇತ್ರಡ್ ಅಸಾಧಾರಣ ಸೇವೆ ಬೊಕ್ಕ ಸಾಧನೆ ಮಲ್ದಿನಕ್ಲೆಗ್ “ತೌಳವ ಸಹಕಾರ ಮಾಣಿಕ್ಯ ಪ್ರಶಸ್ತಿ” ಅಂಚೆನೆ “ತೌಳವ ಸಹಕಾರ ರತ್ನ ಪ್ರಶಸ್ತಿ” ಕೊರ್ದು ಸನ್ಮಾನ ಮಲ್ಪರೆ ಉಂಡು. ಅಯಿತೊಟ್ಟುಗೆ ಬೇತೆ ಬೇತೆ ಕ್ಷೇತ್ರಡ್ ಸೇವೆ ಸಂದಾವುನ ಸಾಧಕೆರೆಗ್ಲ ಸನ್ಮಾನ ನಡಪರೆ ಉಂಡು.
ಅಂಚಾದ್ ಆಸಕ್ತೆರ್ ಬೊಕ್ಕ ಅರ್ಹ ವ್ಯಕ್ತಿಲೆನ ಪುದರ್, ಪತ್ತೆ ಬೊಕ್ಕ ವೈಯಕ್ತಿಕ ವಿವರನ್ ನವೆಂಬರ್ 10 ಸೋಮವಾರರ್ದ್ ಕಡಪುಡ್ದು ಕೊರ್ರೆ ವಿನಂತಿ ಮಲ್ದೆರ್. ಶಿಫಾರಸು ಬತ್ತಿನಕ್ಲೆನ ಪೈಕಿ ಆಯ್ಕೆ ಮಲ್ತ್‌ದ್ ಪ್ರಶಸ್ತಿ ಮತ್ತು ಸನ್ಮಾನಗ್ ಆಯ್ಕೆ ಮಲ್ಪುವ. ಅರ್ಜಿ ಕಡಪಾವರೆ ಅಕೇರಿದ ದಿನ 10-11-2025.
ಎಚ್ಚ ಪೊಲಬು ಬೋಡಾಂಡ ತುಳುನಾಡ ರಕ್ಷಣಾ ವೇದಿಕೆ ಅತ್ತ್‌ಡ ತುಳುನಾಡ ಸೂರ್ಯ ಪ್ರತಿಕೆ ಕಚೇರಿದ 9019501165 , 6362876286 ನಂಬರ್‌ಗ್ ಫೋನ್ ಮಲ್ಪೊಲಿ ಪಂದ್ ವೇದಿಕೆದ ಸ್ಥಾಪಕ ಅಧ್ಯಕ್ಷೆರ್ ಯೋಗೀಶ್ ಶೆಟ್ಟಿ ಜಪ್ಪು ಪ್ರಕಟಣೆಡ್ ತೆರಿಪಾದೆರ್.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಹಿಂದಿಡ್ ಕಾಂತಾರ ಸಿನಿಮಾ, ಮೂಜೇ ದಿನಟ್ಟ್ 8 ಕೋಟಿ ರೂ. ಕಲೆಕ್ಷನ್

Oct 17, 2022

ರಿಷಬ್ ಶೆಟ್ಟಿ ನಿರ್ದೇಶನ ಬೊಕ್ಕ ನಟನೆ ಮಲ್ತಿನ ಕಾಂತಾರ ಪಿಚ್ಚರ್ ಹಿಂದಿ ಬಾಕ್ಸ್ ಆಫೀಸ್ ಡ್ ಕಾಲಿ 3 ದಿನಟ್ಟ್ 8 ಕೋಟಿ ಕಲೆಕ್ಷನ್ ಆತ್ಂಡ್.

ಈ ಇಂಚಿಪ್ಪಗ್ ವಿಶ್ವಡ್ ಬಾಕ್ಸ್ ಆಫೀಸ್‌ ಡ್ 100 ಕೋಟಿ ರೂಪಾಯಿ ಕಲೆಕ್ಷನ್ ಆದಿತ್ತ್oಡ್. ಚಿತ್ರಗ್ ಕಥೆ, ಚಿತ್ರಕಥೆ, ನಿರ್ದೇಶನ ಬೊಕ್ಕ ನಟನೆನ್ ರಿಷಬ್ ಶೆಟ್ಟಿ ಮಲ್ತ್ ದೆರ್.

ಜೋಕುಲೆ ಚಾವಡಿ | Children's Corner ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ದೇಶ ಪರ್ಯಟನೆಗ್ ಪಿದಾಡಿಯೆರ್ ಕುಡ್ಲದ ಜವಣ್ಯೆರ್ : ” NoMad People ” ಕೂಟದ ಆಲ್ ಇಂಡಿಯಾ ರೈಡ್

Jun 8, 2022

ದೇಶ ಪರ್ಯಟನೆಗ್ ಪಿದಾಡಿಯೆರ್ ಕುಡ್ಲದ ಜವಣ್ಯೆರ್ : ” NoMad People ” ಕೂಟದ ಆಲ್ ಇಂಡಿಯಾ ರೈಡ್

ನಾಲ್ ಗಾಲಿ ದೇಹನ್ ದುಂಬು ಕೊನೊಂಡ, ರಡ್ಡ್ ಗಾಲಿ ಆತ್ಮನ್ ದುಂಬು ಕೊನೊಪುಂಡು ಪನ್ಪಿ ಪಾತೆರ ಉಂಡು. ಮೂಲೊಂಜಿ ಕುಡ್ಲದ ಬೆಚ್ಚ ನೆತ್ತೆರ್ದ ಲತ್ತ್ ಜವಣ್ಯೆರ್ನ ಕೂಟ ಒಂಜಿ ದೇಶ ಪರ್ಯಟನೆಗ್ ಪೋದು ಅಲ್ಪದ ಜನಕ್ಲೆನ ಆಚಾರ ಇಚಾರ, ಸಂಸ್ಕೃತಿ ಸಂಪ್ರದಾಯ, ತೆನಸ್ ವನಸ್ ದ ಬಗ್ಗೆ ತೆರಿಯೊನೆರೆ ಪೋತಿನ ಕುಡ್ಲದ ಜನಕ್ಲೆಗ್ ಪೆರ್ಮೆ ಪಂಡ ತಪ್ಪಾವಂದ್.

ಒಂಜತ್ತ್ ರಡ್ಡತ್ತ್ ಬರೋಬ್ಬರಿ 13 ರಾಜ್ಯ 11 ಸಾರರ್ದ್ ಲಾ ಜಾಸ್ತಿ ಕಿಮೀ ಬೊಕ್ಕ ಒಂಜರೆ ತಿಂಗೊಲ್ದ ಪಯಣ ಮುಖೇನ ‘ಆಲ್ ಇಂಡಿಯಾ ರೈಡ್‌ ಗ್ ‘ ಕುಡ್ಲದ ಜವಣ್ಯೆರ್ ತನ್ನ ತನ್ನ ಬೈಕ್‌ ಏರೊಂದು ಪಿದಾಡ್ದೆರ್ .

ದೇಶೊದ ಬೇತೆ ಬೇತೆ ರಾಜ್ಯೊದ ಸಂಸ್ಕೃತಿ, ಆಚಾರ-ವಿಚಾರದ ಪೊಲಬು ಮಲ್ತೊಂದು ಅವೆನ್ “ನೋ ಮ್ಯಾಡ್ ಪೀಪಲ್ “ ಪನ್ಪಿನ ಯೂಟ್ಯೂಬ್ ಚಾನೆಲ್ ದ ಮುಖೇನ ಜನಕ್ಲೆಗ್ ಪಟ್ಟೊಂದು ಉಲ್ಲೆರ್.

ಅಂದ್ ಈ ಜವಣ್ಯೆರ್ ಮೂಲತಃ ಕುಡ್ಲದಕುಲು. ಶಿಶಿರ್ ಶೆಟ್ಟಿ, ಮೋಕ್ಷಿತ್ ಪೂಜಾರಿ, ಆದಿತ್ಯ ನಾಯಕ್ ಧನುಷ್ ಶೆಟ್ಟಿ, ಪವನ್ ಶೆಟ್ಟಿ, ಗಗನ್ ದೀಪ್ ಗೌಡ, ದೀಕ್ಷಿತ್ ಕುಮಾರ್ ಪುದರ್ ದ ಜವಣ್ಯೆರ್ನ ಕೂಟ, ಒಟ್ಟುಗು ಬೆನ್ನಿ ಬೆನೊಂದು ತನ್ನ ಕಸುಬುದೊಟ್ಟುಗು ದೂರದ ಊರುಗು ಬೈಕ್‌ಡ್ ಪೋಪಿನಿ ಪಂಡ ಬಾರಿ ಪ್ರೀತಿ. ಇತ್ತೆ ದೇಶದ 13 ರಾಜ್ಯ ಸುತ್ತುನ ಕನ ಮೇ 24 ಕ್ಕ್ ನಂಬಿನಕ್ಲೆಗ್ ಇಂಬು ಕೊರ್ಪಿನ ಕೊರಗಜ್ಜನ ಸಾನಿಧ್ಯೊಡು ಸುರು ಆತುಂಡು.

ಈ ಜವಣ್ಯೆರ್ ತನ್ನ ಬೈಕ್ ಡ್ ಪ್ರಯಾಣ ಸುರು ಮಲ್ದೆರ್ . ಬೈಕ್‌ದ ನಾಲ್ ಕಡೆಟ್ ದಿನ ನಿತ್ಯ ಗಲಸುನ ವಸ್ತು ಅಂಚನೆ ಕ್ಯಾಮರಾ ಪಾಡೊಂದು ಪ್ರತಿದಿನ ಪೋಪುನಂಚಿನ ರಾಜ್ಯೊದ ಸಂಸ್ಕೃತಿ, ತೆನಸ್ ದ ಪದ್ದತಿ, ಆಚಾರದ ಬಗ್ಗೆ ಮಾಹಿತಿನ್ ಪಡೆಯೊಂದು ತನ್ನ ಯೌಟ್ಯೂಬ್ ಚಾನೆಲ್ ಡ್ ಜನಕ್ಲೆಗ್ ಪಟ್ಟುನ ಕಜ್ಜ ಮಲ್ತೊಂದು ಉಲ್ಲೆರ್.
ಈ ರೈಡ್ ಗಾದ್ ಈ ಜವಣ್ಯೆರ್ ತನ್ನ ಬೈಕ್‌ನ್ ವಿಶೇಷ ರೀತಿಡ್ ತಯಾರ್ ಮಲ್ದೆರ್ . ಬೈಕ್‌ಡ್ ಟೂಲ್‌ಕಿಟ್‌ರ್ದ್ ಪತ್ತ್ ದ್ ಅಂಗಿ ಕುಂಟು, ತೆನಸ್ ಇಂಚ ಮಾತಲ ಬಾಕ್ಸ್‌ ಮಾದರಿಡ್ ಬೈಕ್‌ ನ್ ಮೋಡಿಫೈ ಮಲ್ದೆರ್ . ನೆತ್ತ ಒಟ್ಟುಗು ಹೆಲ್ಮೆಟ್‌ಡ್ ವಿಶೇಷವಾಯಿನ ಕ್ಯಾಮೆರಾ, ಮೈಕ್ರೋಫೋನ್‌ ದ ಮುಖೇನ ನಿರಂತರ ಪೋವೊಂದು ಉಪ್ಪುನ ಬೈಕ್‌ರ್ದ್ ಪಾತೆರ ಸುರು ಮಲ್ಪುವೆರ್.ಇಂಚ ನನಲ 1 ತಿಂಗೊಲು ಬೇತೆ ಬೇತೆ ಸಂಸ್ಕೃತಿ ,ಸಂಪ್ರದಾಯದ ಪೊಲಬು ಪಟ್ಟೆರೆ ಈ ಜವಣ್ಯೆರ್ ತಯಾರ್ ಆದ್ ಉಲ್ಲೆರ್.

“ಕನಸೆಂಬ ಕುದುರೆಯನ್ನೇರಿ ನಾ ಹೊರಟಿರುವೆ ” ಪನ್ಪಿನ ಪಾತೆರದಲಕ ತನ್ನ ಕಸುಬುನು ಬುರ್ದು ಬೇತೆ ಜಾಗೆದ ಅನುಭವ ಪಡೆಯೆರೆ ಪಿದಾಡ್ದೆರ್ ಈ ಜವಣ್ಯೆರ್. ಜಗತ್ತ್ ದ ಮೂಜನೆ ಕಣ್ಣ್ ಕೆಮರಾ, ಕೆಮರಾ ಪತ್ತೆರೆ ಮಾತೆರೆಗ್ಲಾ ಬರ್ಪುಂಡು ಆಂಡ ಅವೆನ್ ಪತ್ತ್ ದ್ ಪೊರ್ಲುದ ಪೋಟೋ ಕ್ಲಿಕ್ ಮಲ್ಪರೆ ಹವ್ಯಾಸಿ ಪೋಟೋಗ್ರಾಪರ್ ಗಾತೆ ಸಾಧ್ಯ . ಈ ಹವ್ಯಾಸ ಮಾತೆರೆಗ್ಲಾ ಬರ್ಪುಜಿ. ಪೊರ್ತು ಸಂದರ್ಭ ಸನ್ನಿವೇಶದ ಶಾಶ್ವತ ನೆಂಪುನು ನೆಂಪು ಮಲ್ಪುನಲ್ಪ ಇಂಚಿನ ಜವಣ್ಯೆರ್ನ ಪಾತ್ರ ಬಾರಿ ಮುಖ್ಯ. ಪೊಲಬು ದಾoತಿ ಜಾಗೆದ ಪೊಲಬುನು ಜನಕ್ಲೆನ ಕಾರ ಮುದೆಲ್ಗ್ ಮುಟ್ಟಾವುನ ಬೇಲೆ ಮಲ್ತೊಂದು ಉಪ್ಪುನ ” No Mad People “ ಕೂಟದ ಜವಣ್ಯೆರ್ನ ಈ ಕಜ್ಜ ಲೊಕೊರ್ಮೆ ಪಸರಡ್ ಪನ್ಪಿನವು ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ ಆಶಯ.

ಇತ್ತೆದ ಯುವ ಸಮುದಾಯ ಎಲ್ಯ ಎಲ್ಯ ಕಾರಣೊಗು ಜೀವ ದೆತ್ತೊನುನ ನಿರ್ಧಾರ ಮಲ್ಪುವೆರ್ ಉಂದೆನ್ ತಪ್ಪಾಯೆರೆ ಜವಣ್ಯೆರ್ ಇಲ್ಲ್ ಬುಡ್ದು ಪಿದಾಯಿ ಬಲೆ , ದೇಶ ಸುತ್ತುದು ಹಳ್ಳಿ ಹಳ್ಳಿಗ್ ಪೋದು ಜನಕ್ಲೆನ ಒಟ್ಟುಗು ಪಾತೆರ್ಲೆ .ಪ್ರಕೃತಿದ ರುಚಿ ಪಡೆದ್ ಮನಸ್ ಬದಲ್ ಮಲ್ಪೊಲಿ ಅಲ್ಪದ ಆಚಾರ ಇಚಾರನ್ ನಾಲ್ ಜನಕ್ ಪಟ್ಟುನ ಕಿನ್ಯ ಪ್ರಯತ್ನ ಈ ಕೂಟದವು ಪಂದ್ ಕೂಟದ ಸದಸ್ಯೆರಾಯಿನ ಶಿಶಿರ್ ಶೆಟ್ಟಿ ಪನ್ಪೆರ್.

ಬರವು : ಶ್ರೀನಿಧಿ ಶೆಟ್ಟಿ

ಕೇರಳ ಸುದ್ದಿ | Kerala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಕೇರಳ ರಾಜ್ಯದ ಜೋಕ್ಲೆಗ್ ಕುಡೊಂಜಿ ವೈರಸ್ ಸೋಂಕು ಪೋಡ್ಯುನ ಅಗತ್ಯ ಇಜ್ಜಿ : ಆರೋಗ್ಯ ಸಚಿವ ವೀಣಾ ಜಾರ್ಜ್

Jun 7, 2022

ಕೇರಳ ರಾಜ್ಯದ ಜೋಕ್ಲೆಗ್ ಕುಡೊಂಜಿ ವೈರಸ್ ಸೋಂಕು
ಪೋಡ್ಯುನ ಅಗತ್ಯ ಇಜ್ಜಿ : ಆರೋಗ್ಯ ಸಚಿವ ವೀಣಾ ಜಾರ್ಜ್

ಕೇರಳ : ಕೇರಳ ರಾಜ್ಯದ ಪ್ರಾಥಮಿಕ ಶಾಲಾ ರಡ್ಡ್ ಜೋಕ್ಲೆಗ್ ನೋರೋ ವೈರಸ್ ಸೋಂಕು ತೊಜೀದ್ ಬೈದುಂಡು .

ಜನಕುಲು ಪೋಡ್ಯುನ ಅಗತ್ಯ ಇಜ್ಜಿ ಆರೋಗ್ಯ ಇಲಾಖೆ ಸೋಂಕು ತಡೆಯೆರೆ ಕಠಿಣ ಕ್ರಮ ದೆತೊನೊಂದು ಉಲ್ಲೆರ್ ಅಂಚನೆ ಸೋಂಕು ಬತ್ತಿನ ಜೋಕ್ಲೆನ ಆರೋಗ್ಯ ಸರಿ ಉಂಡು ಪಂದ್ ರಾಜ್ಯದ ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಪಂಡೆರ್ .

ಈ ಸೋಂಕು ಹಾಳ್ ಆಯಿನ ನೀರ್ ಬೊಕ್ಕ ತೆನಸ್ ದ ಮುಖೇನ ಬರ್ಪಿನ ಸಾಧ್ಯತೆ ಉಂಡು ಆಹಾರದ ಮೂಲಕ ಪಂದ್ ಪಂಡೆರ್.

People in Kerala need not worry of the new virus– Health minister Veena George.

Kerala: Two children in a primary school in Kerala were suspected to have been infected with the Nora virus which has caused worry to people in Kerala.

The health minister of Kerala ,Veena George has assured the people that there is no cause for alarm as the health department has taken stringent action to prevent the spread of the virus.The health of the two children affected; is also closely monitored she said.

The virus is said to spread through contimnated food and water.

ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಡಿ.12-14: ಮಿಯ್ಯಾರು ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ದೃಢಕಲಶಾಭಿಷೇಕ

ಕುದ್ರೋಳಿ ಶ್ರೀ ಭಗವತೀ ಕ್ಷೇತ್ರಗ್ ಬಿ ಕೆ ಹರಿಪ್ರಸಾದ್ ಭೇಟಿ

ಬಪ್ಪನಾಡ್ ದೇವಸ್ಥಾನಡ್ ಲಕ್ಷ ದೀಪೋತ್ಸವದ ಗೌಜಿ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಸಹಕಾರ ಸಪ್ತಾಹ ಮುಗಿತಲ

ಸಮಾಜದ ಬಡವೆರ್ನ ಒಟ್ಟುಗು ಪ್ರಿಯದರ್ಶಿನಿ ಸೊಸೈಟಿ : ವಸಂತ ಬೆರ್ನಾಡ್

ನ.25 : ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ 29ನೇ ವಾರ್ಷಿಕ ಮಹಾಸಭೆ,

ಧರ್ಮಸ್ಥಳ ಲಕ್ಷದೀಪೋತ್ಸವ: ಭಕ್ತರೆರ್ದ್ ಪೂತ್ತ ಸಿಂಗಾರ

ತುಳುನಾಡ ರಕ್ಷಣಾ ವೇದಿಕೆರ್ದ್ ಸಹಕಾರಿ ಕ್ಷೇತ್ರದ ಸಾಧಕೆರೆಗ್ “ತೌಳವ ಸಹಕಾರ ಮಾಣಿಕ್ಯ” , “ತೌಳವ ಸಹಕಾರ ರತ್ನ” ಪ್ರಶಸ್ತಿ

ಹಿಂದಿಡ್ ಕಾಂತಾರ ಸಿನಿಮಾ, ಮೂಜೇ ದಿನಟ್ಟ್ 8 ಕೋಟಿ ರೂ. ಕಲೆಕ್ಷನ್

ದೇಶ ಪರ್ಯಟನೆಗ್ ಪಿದಾಡಿಯೆರ್ ಕುಡ್ಲದ ಜವಣ್ಯೆರ್ : ” NoMad People ” ಕೂಟದ ಆಲ್ ಇಂಡಿಯಾ ರೈಡ್

ಕೇರಳ ರಾಜ್ಯದ ಜೋಕ್ಲೆಗ್ ಕುಡೊಂಜಿ ವೈರಸ್ ಸೋಂಕು ಪೋಡ್ಯುನ ಅಗತ್ಯ ಇಜ್ಜಿ : ಆರೋಗ್ಯ ಸಚಿವ ವೀಣಾ ಜಾರ್ಜ್

You Missed

ಬಂಟ್ಸ್ ಹಾಸ್ಟೆಲ್ ಶ್ರೀ ಸಿದ್ಧಿವಿನಾಯಕ ಪ್ರತಿಷ್ಠಾನದ ಗಣೇಶೋತ್ಸವ

ಕಾಪಿಕಾಡ್‌ರೆನ ಪೊಸ ನಾಟಕ “ಸುಣ್ಣದ ಬೊಟ್ಟು”ಗು ಮೂರ್ತ

ಬಂಟ್ವಾಳ : ಅಮ್ಟಾಡಿ ಶಾಲೆದ ಜೋಕುಲೆಗ್ ಕಂಡೊಡು ನೇಜಿ ನಡ್ಪಾದ್ ಬೆನ್ನಿದ ಪಾಠ

ಮುಲ್ಕಿ- ಮೂಡಬಿದ್ರೆ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಪ್ರಚಾರ ಸಮಿತಿ ಅಧ್ಯಕ್ಷೆರಾದ್ ಎಚ್. ವಸಂತ ಬರ್ನಾಡ್ ನೇಮಕ