ಭಜನಾ ಮಂದಿರೊಲೆಡ್ ಸಂಸ್ಕೃತಿ ಒರಿಪಾವುನ ಕೆಲಸ ಆವೊಂದುಂಡು :ಪೇಜಾವರ ವಿಶ್ವಪ್ರಸನ್ನ ಶ್ರೀ
ಪಂಜ ಕೊಯಿಕುಡೆ ವಿಠೋಬ ಭಜನಾ ಮಂದಿರ ಉದಿಪನ
ಮುಲ್ಕಿ : ಭಜನೆ ಮಲ್ಪುನೆರ್ದ್ ದೇವೆರೆನ ಅನುಗ್ರಹ ಆಪುಂಡು. ನಮಕ್ಕ್ ಉಷಾರಿಜ್ಜಂದಿ ಪೊರ್ತುಗು ‘ಮಲಗಿ ಪರಮಾದರದಿ ಪಾಡಲು ಕುಳಿತು ಕೇಳುವ…”ಪಂಡ ನಮಕ್ಕ್ ಉಷಾರಿಜ್ಜಿಡಲಾ ಜೈದಿನವುಲೇ ಭಜನೆ ಪಂಡಲಾ ದೇವೆರ್ ಅವೆನ್ ಕೇಂಡ್ ದ್ ನಮಕ್ ಅನುಗ್ರಹ ಮಲ್ಪುವೆರ್ ಪಂಡ್ ದ್ ಪೇಜಾವರ ಮಠತ್ತ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಪಂಡೆರ್.
ಪಂಜ ಕೊಯಿಕುಡೆದ ಶ್ರೀ ವಿಠೋಬ ಭಜನಾ ಮಂಡಳಿದ ಮಂದಿರ ಉದಿಪನದ ಲೇಸ್ ಡ್ ಆರ್ ಆಶೀರ್ವಚನ ಮಲ್ತ್ ದ್ ಭಜನಾ ಮಂದಿರೊಲೆಡ್ ಸಂಸ್ಕೃತಿ ಒರಿಪಾವುನ ಕೆಲಸ ಆಪುಂಡು ಪಂಡೆರ್.
ಬಿಜೆಪಿದ ರಾಜ್ಯಾಧ್ಯಕ್ಷೆರ್, ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಮಂದಿರ ಮಲ್ತೆರ್.
ಶಾಸಕೆರ್ ಉಮಾನಾಥ ಕೋಟ್ಯಾನ್ ಧಾರ್ಮಿಕ ಸಭೆತ್ತ ಗುರ್ಕಾರ್ಮೆ ಒಯಿಸ್ ದಿತ್ತೆರ್. ಮುಲ್ಕಿ ಸೀಮೆದ ಅರಸುಲು ದುಗ್ಗಣ್ಣ ಸಾವಂತೆರ್ ಉದಿಪನ ಮಲ್ತೆರ್. ವಿದ್ವಾನ್ ಪಂಜ ಭಾಸ್ಕರ್ ಭಟ್ ಧಾರ್ಮಿಕ ಉಪನ್ಯಾಸ ಮಲ್ತೆರ್.ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ದಾನಿಲೆಗ್ ಮಾನಾದಿಗೆ ಬೊಕ್ಕ ಪ್ರತಿಭಾ ಪುರಸ್ಕಾರ ಪಟ್ಟಿಯೆರ್.ಈ ಪೊರ್ತುಡು ಪಂಜ ಶ್ರೀ ಮಹಾಗಣಪತಿ ಮಂದಿರದ ಅರ್ಚಕೆರ್ ಸುರೇಶ್ ಭಟ್ ಅಂಚೆನೇ ದಾನಿಲೆಗ್ ಮಾನಾದಿಗೆ ನಡತ್ಂಡ್. ಕಾಂಡೆ ಉದ್ಯಮಿ ರಘುರಾಮ ಶೆಟ್ಟಿ ದಂಪತಿ ವಿಠೋಬ ದೇವೆರೆನ ನಂದಾಲ ಬೆಳಗಾಯೆರ್.
ಮಲ್ಲ ಬಿನ್ನೆರಾದ್ ಸುರಗಿರಿ ದೇವಸ್ಥಾನ ದ ಆಡಳ್ತೆ ಮೊಕ್ತೇಸರೆರ್ ಕೆ.ಸೀತಾರಾಮ್ ಶೆಟ್ಟಿ, ಜಯಶ್ರೀ ಅಮರನಾಥ ಶೆಟ್ಟಿ, ಜಿಪಂ ಉಪಾಧ್ಯಕ್ಷೆರ್ ಕಸ್ತೂರಿ ಪಂಜ, ಸದಸ್ಯೆರ್ ವಿನೋದ್ ಬೊಳ್ಳೂರು, ಬೆಂಗಳೂರು ಸತ್ಯವಾಣಿ ವಿದ್ಯಾಪೀಠ ಡಾ.ದೇವಿಪ್ರಸಾದ್ ಶೆಟ್ಟಿ, ಎಳತ್ತೂರು ದೇವಸ್ಥಾನ ದ ಮೊಕ್ತೇಸರೆರ್ ಸಂತೋಷ್ ಕುಮಾರ್ ಹೆಗ್ಡೆ, ಸೂರ್ಯ ಕುಮಾರ್, ದಕ ಯುವ ಕಾಂಗ್ರೆಸ್ ಗುರ್ಕಾರೆ ಮಿಥುನ್ ರೈ, ಉದ್ಯಮಿ ದಯಾನಂದ ಡಿ.ಶೆಟ್ಟಿ, ದಾಮೋದರ ಭಂಡಾರಿ,ತಾಪಂ ಸದಸ್ಯೆ ವಜ್ರಾಕ್ಷಿ ಶೆಟ್ಟಿ, ಕೆಮ್ರಾಲ್ ಪಂಚಾಯ್ತಿ ಮಾಜಿ ಅಧ್ಯಕ್ಷೆರ್ ನಾಗೇಶ್ ಅಂಚನ್, ವಿಠೋಬ ಭಜನಾ ಮಂದಿರದ ಅಧ್ಯಕ್ಷೆರ್ ಶಾಂತಾರಾಮ್ ಶೆಟ್ಟಿ ಪಂಜದಗುತ್ತು, ಗೌರವಾಧ್ಯಕ್ಷೆರ್ ,ಕಾರ್ಯಧ್ಯಕ್ಷೆರ್ ಸುಧಾಕರ ಎಸ್.ಪೂಂಜ ಮೊಕುಲು ಮಾತ ವೇದಿಕೆಡ್ ಇತ್ತೆರ್.ವಸಂತ ದೇವಾಡಿಗ ಬಿನ್ನೆರೆನ್ ಎದ್ಕೊಂಡೆರ್. ಶ್ರೀ ವಿಠೋಬ ಭಜನಾ ಮಂಡಳಿದ ದಿವಾಕರ ಶೆಟ್ಟಿ ಯಕ್ಷಗಾನ ಪದೊಟ್ಟು ದೇವೆರೆನ್ ಸುಗಿತೆರ್. ಸತೀಶ್ ಶೆಟ್ಟಿ ಬೈಲಗುತ್ತು ಮಂಡಳಿದ ವರದಿ ಓದಿಯೆರ್. ಮುಂಬಯಿ ಸಮಿತಿದ ಗೌರವಾಧ್ಯಕ್ಷೆರ್ ಪ್ರಕಾಶ್ ಶೆಟ್ಟಿ ನಲ್ಯಗುತ್ತು ಸೊಲ್ಮೆ ಸಂದಾಯೆರ್. ನವೀನ್ ಎಡ್ಮೆಮಾರ್ ಲೇಸ್ ಸುಧಾರಿಕೆ ಮಲ್ತೆರ್.ಮಧ್ಯಾಹ್ನ ಯಕ್ಷ ಗಾನ ವೈಭವ ಬೊಕ್ಕ ಬಯ್ಯಡ್ ಶಿವದೂತೆ ಗುಳಿಗೆ ನಾಟಕ ಪ್ರದರ್ಶನ ನಡತ್ಂಡ್.
ಮಂಡಳಿದ ಅಧ್ಯಕ್ಷೆರ್ ಶಾಂತಾರಾಮ ಶೆಟ್ಟಿ, ಗೌರವಾದ್ಯಕ್ಷೆರ್ ವಿಶ್ವನಾಥ್ ಶೆಟ್ಟಿ, ಕಾರ್ಯಾಧ್ಯಕ್ಷೆರ್ ಸುಧಾಕರ ಎಸ್.ಪೂಂಜ, ಕಾರ್ಯದರ್ಶಿ ಸತೀಶ್ ಎಂ.ಶೆಟ್ಟಿ,ಕೋಶಾಧಿಕಾರಿ ಸುರೇಶ್ ಪಂಜ, ಭರತ್ ರಾಜ್ ಶೆಟ್ಟಿ, ಪದ್ಮನಾಭ ಪೂಜಾರಿ, ಪಂಜ , ಅರ್ಚಕೆರ್ ಸತೀಶ್ ಜೆ ಶೆಟ್ಟಿ, ರಘುರಾಮ್ ಶೆಟ್ಟಿ ಕಂಕಣಗುತ್ತು, ಚಂದ್ರಹಾಸ ಶೆಟ್ಟಿ, ಶ್ರೀಧರ ಪಂಜ, ಸುಂದರ ಅಮೀನ್, ಮುಂಬಯಿ ಸಮಿತಿದ ಪ್ರಕಾಶ್ ಶೆಟ್ಟಿ ನಲ್ಯಗುತ್ತು, ಅಶೋಕ್ ಶೆಟ್ಟಿ ಪಂಜದಗುತ್ತು, ರಮೇಶ್ ಡಿ. ಶೆಟ್ಟಿ ಪಂಜದ ಗುತ್ತು, ಸೀತಾರಾಮ್ ಎಲ್ ಶೆಟ್ಟಿ, ಸಂಪತ್ ಶೆಟ್ಟಿ ಪಂಜಗುತ್ತು ಬೊಕ್ಕ ಸದಸ್ಯೆರ್ ಅಂಚೆನೆ ಗ್ರಾಮಸ್ಥೆರ್ ಬಾರಿ ಸಂಖ್ಯೆಡ್ ಸೇರ್ದಿತ್ತೆರ್.
ಮೀನ್ ದ ವಾಸನೆನ್ ಶೇ.೯೫ ಭಾಗ ಕಡಿಮೆ ಮಲ್ಪುನ ಬೊಕ್ಕ ಕಪ್ಪು ಪುಗೆನ್ ಪರಿಸರೊಗು ಪೋವಂದಿಲೆಕ್ಕ ತಡೆಪುನ ತಂತ್ರಜ್ಞಾನದ ದ ಇಸಯೊಡು ಇಂಜಿನಿಯರ್ ಕಂಪನಿದ ಸುಮನ್ ಶೆಟ್ಟಿ ತೆರಿಪಾಯೆರ್.