Sun. Nov 22nd, 2026

ಊರ್ದ ಸುದ್ದಿ Regional News

ಬಲ್ಲ್ ಪಾಡ್ದ್ ತೀರ್ ಪೋಯಿನ ಮಾಜಿ ಮುಖ್ಯಮಂತ್ರಿ ಬಿ.ಎಸ್ ಯಡಿಯೂರಪ್ಪನ ಪುಳ್ಳಿ

ಬೆಂಗ್ಳೂರು: ಬಿ ಎಸ್ ಯಡಿಯೂರಪ್ಪ ಮೆರೆನ ಪುಳ್ಳಿ ಸೌಂದರ್ಯ (30) ಬಲ್ಲ್ ಪಾರ್ದ್ ತೀರ್ ಪೋಯಿನ ಘಟನೆ ನಡತುಂಡು . ಮೇರ್ ಯಡಿಯೂರಪ್ಪ ಮೆರೆನ ಮಲ್ಲ ಮಗಲ್ ಪದ್ಮಾವತಿ ಮೆರೆನ ಮಗಲ್ . ಮೇರ್ ವೃತ್ತಿಡ್ ವೈದ್ಯೆಯಾದ್ ಇತ್ತೆರ್ .

ಮೃತದೇಹನ್ ಬೌರಿಂಗ್ ಆಸ್ಪತ್ರೆಗ್ ಶಿಫ್ಟ್ ಮಲ್ದೆರ್ . ಸೈತಿನೆಕ್ಕ್ ನಿಖರ ಕಾರಣ ತೆರಿದ್ ಬೈದ್ಜಿ.

BS Yediyurappa’s granddaughter Soundarya found dead at Bengaluru apartment;

Former Karnataka chief minister BS Yediyurappa’s granddaughter Soundarya was found hanging at a private apartment in Bengaluru today, news agency ANI reported. The police has initiated an investigation into the matter. According to BS Yediyurappa’s office, postmortem of the body was being conducted at Bowring and Lady Curzon Hospital in the city.

ಕೊರೊನಾ, ಒಮಿಕ್ರಾನ್ ನಡುಟ್ಟೆ ಕುಡೋರ ತೋಜಿನ ಬ್ಲ್ಯಾಕ್ ಫಂಗಸ್ | ದಾದ ಉಂದು ಕಪ್ಪು ಶಿಲೀಂಧ್ರ?

ಜಾಸ್ತಿ ಆವೊಂದು ಉಪ್ಪುನ ಕೊರೊನಾವೈರಸ್ ಪ್ರಕರಣದ ನಡುಟೆ , ಬ್ಲಾಕ್ ಫಂಗಸ್ ಅತ್ತುಂಡ ಮ್ಯೂಕೋರ್ಮೈಕೋಸಿಸ್ ಕುಡ ಬರುವಾ ಪನ್ಪಿನ ಪ್ರಶ್ನೆ ತೊಜೀದ್ ಬೈದುಂಡು . ಕರೋನಾ ರಡ್ಡನೇ ಅಲೆಟ್ ಅವ್ವೆತೋ ಜನಕ್ಲೆನ ಸಾವುಗು ಕಾರಣ ಆಯಿನ ಬ್ಲಾಕ್ ಫಂಗಸ್ ಕುಡೋರ ತೊಜೀದ್ ಬರುವ ಪನ್ಪಿನ ಪೋಡಿಗೆ ಪುಟ್ಟುದುಂಡು .

ದಾದ ಉಂದು ಬ್ಲಾಕ್ ಫಂಗಸ್?
ವರದಿಯೊಂಜೆತ್ತ ಪ್ರಕಾರ, ಬ್ಲಾಕ್ ಫಂಗಸ್ ಕುರುಡುತನ, ಅಂಗಗಳ ಅಪಸಾಮಾನ್ಯ ಕ್ರಿಯೆ, ಅಂಗಾಂಶಗ್ ಹಾನಿ ಬೊಕ್ಕ ಪೊರ್ತುಗು ತಕ್ಕ ಮರ್ದ್ ಕೊರಿಜಿಂಡ ಸೈಪಿನ ಸಾಧ್ಯತೆ ಉಂಡು.

ಜನವರಿ 30ರ್ದ್ ಫೆಬ್ರವರಿ 03 ಮುಟ್ಟ ಅನಂತಾಡಿ ಶ್ರೀ ಉಳ್ಳಾಲ್ತಿ ವೈದ್ಯನಾಥೇಶ್ವರ ಕ್ಷೇತ್ರ ಬಾಕಿಲಗುತ್ತುಡ್ ಪ್ರತಿಷ್ಠಾವರ್ಧಂತಿ ಅಂಚನೆ ವಾರ್ಷಿಕ ನೇಮೋಚ್ಚಯ

ಬಂಟ್ವಾಳ ತಾಲೂಕ್ ದ ಅನಂತಾಡಿ ಶ್ರೀ ಉಳ್ಳಾಲ್ತಿ ವೈದ್ಯನಾಥೇಶ್ವರ, ಹೊಸಮ್ಮ, ಶ್ರೀ ಬ್ರಹ್ಮಬೈದರ್ಕಳ ಗರಡಿ, ಅಣ್ಣಪ್ಪ ಪಂಜುರ್ಲಿ ಪರಿವಾರ ದೈವಲೆನ ಕ್ಷೇತ್ರ ಬಾಕಿಲಗುತ್ತುಡ್ ಪ್ರತಿಷ್ಠಾವರ್ಧಂತಿ ಅಂಚನೆ ವಾರ್ಷಿಕ ನೇಮೋಚ್ಚಯ ಜನವರಿ 30 ಐತಾರರ್ದ್ ಫೆಬ್ರವರಿ 3 ಗುರುವಾರ ಮುಟ್ಟ ನಡಪರೆ ಉಂಡು.

ಕಾರ್ಯಕ್ರಮದ ವಿವರ
ತಾರೀಕ್ 25-01-2022ನೇ ಅಂಗಾರದಾನಿ ಕಾಂಡೆ 7.30 ಗ್ ಗೊನೆ ಮುಹೂರ್ತ, ಕಾಂಡೆ 8.30ಗ್ ಬಾಕಿಲ್ತಿಮಾರ್ ನಾಗಬನಟ್ಟ್ ಪವಮಾನ ಕಲಶ ಬೊಕ್ಕ ಆಶ್ಲೇಷ ಬಲಿ, ಕಲಶಾಭಿಷೇಕ.

ತಾರೀಕ್ 29-01-2022ನೇ ಶನಿವಾರ ಕಾಂಡೆ 7 ಗಂಟೆಗ್ ಪೊಸತ್ತಾದ್ ನಿರ್ಮಾಣ ಆಯಿನ ಅನ್ನಪೂರ್ಣೇಶ್ವರಿ ಅನ್ನಛತ್ರಡ್ ಮಹಾಗಣಪತಿ ಹವನ. ನಾಗಬನಟ್ಟ್ ಗಣಪತಿ ಹೋಮ, ನವಕ ಕಲಶಾಭಿಷೇಕ, ಪಂಚಾಮೃತ, ರಕ್ತೇಶ್ವರಿಗ್ ತಂಬಿಲ ಸೇವೆ, ಗುಳಿಗ ಆಮ್ನೂರು ಭೈರವ ಸನ್ನಿಧಿಯಡ್ ಕಲಶ ಸೇವೆ, ನುಪ್ಪು ಸೇವೆ.

ತಾರೀಕ್ 30-01-2022 ನೇ ಐತಾರದಾನಿ ಕಾಂಡೆ 8 ಗಂಟೆಗ್ ಸರಿಯಾದ್ ಧರ್ಮ ಚಾವಡಿಡ್ ಶುದ್ದಿ, ಗಣಹೋಮ, ನವಕ ಕಲಶ ಪ್ರೋಕ್ಷಣೆ, ಅಲಂಕಾರ ಪೂಜೆ, ದೈವ ಸನ್ನಿಧಿಡ್ ಮಧ್ಯಾಹ್ನ 12.15 ಕ್ಕ್ ಮಹಾಪೂಜೆ, ಪ್ರಸಾದ ವಿತರಣೆ ಆಯಿಬೊಕ್ಕ ಗರಡಿ ಕ್ಷೇತ್ರಡ್ ಕಲಶಾಭಿಷೇಕ, ಬೈದೆರ್ಲೆನ ದರ್ಶನ, ಮಹಾಪೂಜೆ, ನುಪ್ಪು ಸೇವೆ. ಬಯ್ಯಗ್ 6 ಗಂಟೆಗ್ ಸಾನಿಧ್ಯ ವೃದ್ದಿಗ್ ಕ್ಷೇತ್ರಡ್ ದುರ್ಗಾ ನಮಸ್ಕಾರ ಪೂಜೆ.

ತಾರೀಕ್ 31-01-2022ನೇ ಸೋಮಾರದಾನಿ ಕಾಂಡೆ 10 ಗಂಟೆಗ್ ಹರಿಸೇವೆ. ಬಯ್ಯಗ್ 4 ಗಂಟೆಗ್ ಪೊಸಪ್ಪೆ ಭಂಡಾರ ಜಪ್ಪುಂಡ್. 6 ಗಂಟೆಗ್ ಸೆಳ್ಳೆದಿ ಕೋಲ, 6.30ಗ್ ಪೊಸಮ್ಮ ಕೋಲ, ರಾತ್ರಿ 9 ಗಂಟೆಗ್ ಜಾನು ಬೈದ್ಯ ಕೋಲ, 10 ಗಂಟೆಗ್ ವೈದ್ಯನಾಥ ನೇಮ.

ತಾರೀಕ್ 01-02-2022ನೇ ಅಂಗಾರದಾನಿ ಕಾಂಡೆ 11 ಗಂಟೆಗ್ ಹೋಮ, ಪಂಚಕಚ್ಚಾಯ. ಬಯ್ಯಗ್ 4 ಗಂಟೆಗ್ ಅಣ್ಣಪ್ಪ ಪಂಜುರ್ಲಿ, ಕಲ್ಲುರ್ಟಿ ಪಂಜುರ್ಲಿ ಭಂಡಾರ ಜಪ್ಪುಂಡ್. 6 ಗಂಟೆಗ್ ಅಣ್ಣಪ್ಪ ಪಂಜುರ್ಲಿ ಕೋಲ. ರಾತ್ರಿ 10 ಗಂಟೆಗ್ ಕಲ್ಲುರ್ಟಿ ಪಂಜುರ್ಲಿ ಕೋಲ.

ತಾರೀಕ್ 02-02-2022ನೇ ಬುಧಾರದಾನಿ ಬಯ್ಯಗ್ 4 ಗಂಟೆಗ್ ಬಾಕಿಲಗುತ್ತು ಧರ್ಮ ಚಾವಡಿಡ್ದ್ ಬೈದೆರ್ಲೆನ ಕಿರುವಾಳ ದೆಪ್ಪುನವು. 7 ಗಂಟೆಗ್ ಬೆಮ್ಮೆರೆ ಬಲಿ. ರಾತ್ರಿ 8 ಗಂಟೆಗ್ ಬೈದೆರ್ಲೆನ ಗರಡಿ ಜಪ್ಪುಂಡ್. 11 ಗಂಟೆಗ್ ಮಾಯಂದಾಲ್ ಗರಡಿ ಜಪ್ಪುಂಡ್. ಕಾಂಡೆ 4 ಗಂಟೆಗ್ ಬೈದೆರ್ಲ್ ಸುರಿಯ ಪಾಡುನವ್. 6 ಗಂಟೆಗ್ ಪ್ರಸಾದ ಕೊರ್ಪಿನವು.

ತಾರೀಕ್ 03-02-202ನೇ ಗುರುವಾರದಾನಿ ಕಾಂಡೆ 9 ಗಂಟೆಗ್ ಗುಳಿಗ ಕೋಲ, 10.30 ಗ್ ಕೊರಗಜ್ಜನ ಕೋಲ.

ತಾರೀಕ್ 05-02-2022ನೇ ಶನಿವಾರ ಕುರಿತಂಬಿಲ.

ತಾರೀಕ್ 06-02-2022ನೇ ಐತಾರದಾನಿ ಶುದ್ಧ ಹೋಮ.

ಪ್ರತಿ ದಿನಲ ಮಧ್ಯಾಹ್ನ ಬೊಕ್ಕ ರಾತ್ರಿ ಪ್ರಸಾದ ಬೊಕ್ಕ ನುಪ್ಪುದ ವ್ಯವಸ್ಥೆ ಇಪ್ಪುಂಡ್.

ನಂಬಿನಕ್ಲೆಗ್ ಇಂಬು ಕೊರ್ಪಿನ ಸಾರಮಾಣಿ ದೈವೊಲು ನಿಲೆ ಆಯಿನ ಬಾಕಿಲ ಗುತ್ತು

ಬಂಟ್ವಾಳ ತಾಲೂಕ್ ದ ಅನಂತಾಡಿ ಗ್ರಾಮ ದೈವ ದೇವರ್ನ ಬೀಡಾತ್ಂಡ್. ಸಾರಮಾನ್ಯ ದೈವಲು ನೆಲೆಯಾಯಿನ ಜಾಗೆ. ಅನಂತಾಡಿ ಪಂಡ ನಮಕ್ ಸುರುಕ್ಕ್ ನೆಂಪು ಆಪಿನವ್ ಅನಂತಾಡಿದ ಮೆಚ್ಚಿ. ಉಂದು ಇಡೀ ತುಳುನಾಡ್ ಗೆ ಈ ಮೆಚ್ಚಿ ಪ್ರಧಾನವಾದುಂಡ್. ಅನಂತಾಡಿ ಗ್ರಾಮ ಕೆಲವೊಂಜಿ ವೈಶಿಷ್ಟ್ಯಲ್ ಇತ್ತಿನಂಚಿನ ಗ್ರಾಮ. ಮುಲ್ಪ ವೈದ್ಯ ಪದ್ದತಿನ್ ರೂಢಿಸಾಯಿನ ಪಂಡಿತೆರ್ ಮಸ್ತ್ ಜನ ಉಲ್ಲೆರ್. ಅಕುಲೆಡ್ದ್ ಪುಗರ್ತೆಗ್ ಬತ್ತಿನಾರ್ ದೇರ ಬೈದ್ಯ ಕುಟುಂಬಸ್ಥೆರ್. ಅವ್ವೆ ರೀತಿ ಮುಲ್ಪ ಉಳ್ಳಾಲ್ತಿ ನೆಲೆಯಾಂಡಲ ಗ್ರಾಮ ದೈವೊಲಾದ್ ಮಲರಾಯ, ಪಿಲ್ಚಂಡಿ, ಜುಮಾದಿ ಬೊಕ್ಕ ಕಲ್ಕುಡ ಕಲ್ಲುರ್ಟಿ ದೈವೊದ ಆರಾಧನೆನ್ ಪಡೆಯೊಂದ್ ಉಲ್ಲೆರ್. 12 ವರ್ಷಗೊರ ಉಳ್ಳಾಲ್ತಿಗ್ ಧರ್ಮ ಮೆಚ್ಚಿ ನಡಪುಂಡ್. ಉಂದುವೇ ರೀತಿಡ್ ಮುಲ್ಪ ಬನ್ನಿಂತಾಯ ಬ್ರಾಹ್ಮಣೆರ್ನ ಕೊಬ್ರಿ ಮಠದ ವೆಂಕಟ್ರಮಣ ದೇವೆರ್ ಅಂಚನೆ ಕರಿಂಕ ಶ್ರೀ ದುರ್ಗಾಪರಮೇಶ್ವರಿ ದೇವೆರೆನ್ಲ ಗ್ರಾಮ ದೇವೆರಾದ್ ಆರಾಧನೆ ಮಲ್ತೊಂದುಲ್ಲೆರ್.

ಅಪ್ಪೆ ಉಳ್ಳಾಲ್ತಿನ ಸುರುತ್ತ ಜಾಗೆ ಆಯಿನೆಡ್ದಾವರ ಬಾಕಿಲ ಉಳ್ಳಾಲ್ತಿನ ಮೂಲ ಸ್ಥಾನ ಆತ್ಂಡ್. ಉಳ್ಳಾಲ್ತಿಗ್ ಅನಂತಾಡಿದ ಸಂಕೇಷಡ್ ಇಪ್ಪುನ ಒಂಜಿ ಇಲ್ಲ್ ಅಕ್ಲೆನ ಇಲ್ಲಡ್ ಉಳ್ಳಾಲ್ತಿನ್ ನಂಬುದ್ ಧರ್ಮ ಮೆಚ್ಚಿ ಕೊರ್ಪಿನ ಬಗೆಟ್ ಉಲ್ಲೇಖ ಉಂಡು.

ಇತ್ತೆ ಧರ್ಮಚಾವಡಿದ ನಡುಟ್ಟ್ ಉತ್ತರ ದಿಕ್ಕ್ ಗ್ ಪೊಸಪ್ಪೆನ್ ಪ್ರತಿಷ್ಠಾಪನೆ ಮಲ್ಪೊಡ್ಂದ್ ತೀರ್ಮಾನ ಮಲ್ತ್ ದೆರ್. ಈ ಪಿರವು ಅಪ್ಪೆ ಉಳ್ಳಾಲ್ತಿ ಬಾಕಿಲ ಗುತ್ತ್ ಗ್ ಬತ್ತ್ ಪೋಯಿನಂಚಿನ ಪೊರ್ತುಡ್ ಇಲ್ಲದ ಧನಿಕುಲು ಆಯಿನ ಶ್ರೀ ತಿಮ್ಮ ಬೈದ್ಯರೆಡ್ದ್ ಆರ್ನ ಬೊಡೆದಿ ಬಾಕಿಲ ಗುತ್ತ್ ಗ್ ಬತ್ತಿನವ್ ಏರ್ ಪಂದ್ ಕೆನ್ನಗ “ಅವು ಏರಾ ಒಂಜಿ ಪೊಸ ಅಪ್ಪೆ” ಪಂದ್ ಪಾತೆರುನ ಬಾಸೆಡ್ ಪಂದ್ ಅವ್ ‘ಪೊಸಪ್ಪೆ’ ಆದ್ ಕಾಲ ಕ್ರಮೇಣ ಕನ್ನಡಡ್ ಹೊಸಮ್ಮ ಪಂದ್ ಲೆಪ್ಪುನವ್ ರೂಢಿಯಾದ್ ಪೋಂಡ್. ಇತ್ತೆ ಉಳ್ಳಾಲ್ತಿ ಅಪ್ಪೆ ನನೊಂಜಿ ರೂಪಡ್ ಹೊಸಮ್ಮ ಪಂದ್ ಬಾಕಿಲ ಗುತ್ತುಡ್ ಆರಾಧನೆ ಮಲ್ತೊಂದು ಉಲ್ಲೆರ್.

ಬಾಕಿಲ ಗುತ್ತುಡ್ ಅಪ್ಪೆ ಉಳ್ಳಾಲ್ತಿ ಜತ್ತ್ ದ್ ಪೋಯಿನ ದ್ವಾರನ್ ಪವಿತ್ರವಾಯಿನ ಉಳ್ಳಾಲ್ತಿನ ನಡೆಯಾದ್ ಪರಿವರ್ತಿಸಾದ್ ಸತ್ಯ ಪ್ರಮಾಣದ ಸಾದಿಯಾದ್ ಪ್ರತಿ ದಿನಲ ತುಡರ್ ಆರ್ಲಾದ್ ಪೂಜೆನ್ ಮಲ್ಪು ವೆರ್. ಶ್ರೀ ತಿಮ್ಮ ಬೈದ್ಯೆರ್ ಧರ್ಮನಡೆನ್ ಮೆಚ್ಚಿ ದೈವ ಇತ್ತೆಲ ಬಾಕಿಲ ಗುತ್ತು ಸಂಸಾರನ್ ‘ತಿಮ್ಮ ಬೈದ್ಯ ಸಂಸಾರ’ ಪಂದ್ ನೇಮದೆಚ್ಚಿಡ್ ಲೆಪ್ಪುವೆರ್.

ಕಾರಣಿಕ ಪುರುಷೆರ್ ಆಯಿನ ಕೋಟಿ ಚೆನ್ನಯರ್ ಕಾಯ ಬುಡ್ದ್ ಮಾಯ ಸೇರಿನಡ್ದ್ ಬೊಕ್ಕ ಅಕ್ಲೆನ ಕಾರ್ಣಿಕನ್ ತೋಜ್ ಪಾಯರೆ ಸಾರ ಮೊಗರ್ನಾಡು ಸೀಮೆಗ್ ಬತ್ತ್ ದ್ ಅಲ್ಪ ಮಾಣಿ ಉಳ್ಳಾಲ್ತಿನ ಕ್ಷೇತ್ರಗ್ ಬರ್ಪೆರ್. ಅಲ್ಪ ಅಕ್ಲೆನ ಸಾನಿಧ್ಯನ್ ಸ್ಥಾಪನೆ ಮಲ್ಪರೆ ಜಾಗೆ ಕೆನ್ನಗ ನಿಕ್ಲೆಗ್ ಮುಲ್ಪ ಜಾಗೆ ಇಜ್ಜಿ. ಅವೆರ್ದ್ ಬದಲಾದ್ ನಿಕ್ಲೆನ ಕುಲದೇವೆರಾಯಿನ ಬೆರ್ಮೆರೆಗ್ ಯನ್ನ ಉಚ್ಚಯಡ್ ಒಂಜಿ ಸುತ್ತು ಸುರುತ್ತ ಬಲಿ ಕೊರ್ಪ ಪಂದ್ ಪಂಡೆರ್. ಅಲ್ಪರ್ದ್ ಪಿದಡ್ ದಿನ ಬೈದೆರ್ಲು ಅನಂತಾಡಿ ಉಳ್ಳಾಲ್ತಿನ ಕ್ಷೇತ್ರಗ್ ಬತ್ತ್ ದ್, ಅಲ್ಪ ಸಾನಿಧ್ಯನ್ ಬಯಕೆ ಮಲ್ಪುವೆರ್. ಅಪ್ಪೆ ಉಳ್ಳಾಲ್ತಿನ ಬಂಟ ಪಿಲ್ಚಂಡಿ ನೆಲೆಯಾಯೆರ್ ಜಾಗೆನ್ ತೋಜ್ ಪಾವೆರ್ ಪಂದ್ ಲೆತ್ತೊಂದ್ ಕಲ್ಲಾಪುಗ್ ಬನ್ನಗ ಕಲ್ಲ್ ದ ಪಾಪುನ್ ಒಯಿತುದ್ ಗಡಿನ್ ಬದಲ್ ಮಲ್ತ್ ದ್, ಮೋಸ ಮಲ್ಪುವೆ. ಅಲ್ಪರ್ದ್ ಪಿದಡ್ದಿನ ಬೈದೆರ್ಲ್ ಸುಲ್ಲಮಲೆ ಬಲ್ಲಮಲೆಗ್ ಬತ್ತ್ ದ್, ತೀರ್ಥ ಸ್ನಾನನ್ ಮಲ್ತ್ ದ್ ಬನ್ನಗ ಗುಡ್ಡಡ್ ಸಾರಾಳಪಟ್ಟ ಬಾಕಿಲ ಗುತ್ತು ತೋಜುಂಡ್. ವಿಶಾಲವಾಯಿನ ಖಂಡಗ್ ಅಕ್ಲೆನ ದೃಷ್ಟಿ ಬೂರ್ನಗ ಬಾರ್ ದ ಪಜೀರ್ ಬಂಗಾರ್ ದ ಪಜೀರ್ ಆದ್ ಬದಲ್ ಆಪುಂಡ್.

ಈ ಗ್ರಾಮ ಪುತ್ತೂರ್ ಸೀಮೆ ಬೊಕ್ಕ ವಿಟ್ಲ ಡೊಂಬರಸರ ಸೀಮೆ ಕರೆತ್ತ್ ಮೊಗರ್ನಾಡು ಸಾರ ಸೀಮೆದ ವ್ಯಾಪ್ತಿಗ್ ಬರ್ಪುಂಡ್. ಈ ಅನಂತಾಡಿ ಗ್ರಾಮಡ್ ಉಪ್ಪುನವ್ ಯೆ ಸಾವಿರಾಳ ಪಟ್ಟ ಬಾಕಿಲ ಗುತ್ತು. ಪಚ್ಚೆ ಪಜೀರ್ ದ ಕಂಡದ ನಡುಟ್ಟ್ ಇಪ್ಪುನ ಬಾಕಿಲ ಗುತ್ತು ಸುಲ್ಲಮಲೆ ಬಲ್ಲಮಲೆ ಗುಡ್ಡದ ತಡಿಟ್ಟ್ ವಿರಾಜಮಾನವಾದ್ ಇಪ್ಪುನ ವಿಶೇಷ ಕ್ಷೇತ್ರ. ಬಾಕಿಲ ಪನ್ಪಿನ ಪುದರ್ ಯೆ ಒಂಜಿ ಗೌಜಿನ್ ಗುರ್ತಿಸಾವುಂಡ್. ಅನಂತಾಡಿ ಪನ್ಪಿನ ಗ್ರಾಮಗ್ ಈ ಬಾಕಿಲ ಗುತ್ತು ಪನ್ಪಿನವ್ ಒಂಜಿ ಮಲ್ಲ ಹೆಬ್ಬಾಗಿಲು ಇತ್ತಿಲೆಕ್ಕ. ದುಂಬುಡ್ ಜನಕ್ಲಲೆನ ಬೂಡುದ ದಳವಾಯಿಯಾದ್ ಅಧಿಕಾರ ಪಡೆತಿನಕುಲ್ ಉಂದುವೇ ಬಾಕಿಲ ಗುತ್ತುದಕುಲ್. ಅಂಚಾದ್ ಏರೆ ಆವಡ್ ಈ ಊರುಗ್ ಬರ್ಪಿನ ದುಂಬು ಉಂದುವೇ ಬಾಕಿಲ ಗುತ್ತುದ ಮುಖೇನ ಬತ್ತ್ ದ್ ಬಾಕಿಲ ಗುತ್ತುದಕುಲೆಡ್ದ್ ಆತಿಥ್ಯನ್ ಪಡೆಯೊಂದ್ ಅಕ್ಲೆನ ಇಲ್ಲಗ್ ಪೊವೊಡ್ ಪನ್ಪಿನವ್ ಒಂಜಿ ರೂಢಿಯಿತ್ತುಂಡ್. ಅಂಚಾದ್ ಉಳ್ಳಾಲ್ತಿದ ಬಾಕಿಲ ಗುತ್ತುದ ಮುಖೇನ ಅನಂತಾಡಿ ಗ್ರಾಮಗ್ ಪೋಯೆರ್ ಪನ್ಪಿನವ್ ಯೇ ಒಂಜಿ ಸ್ಪಷ್ಟ ದೃಷ್ಟಾಂತ.

ಬರವು: ಶ್ರುತಿ ದಾಸ್

ಶ್ರೀ ಕೋರ್ದಬ್ಬು ದೈವಸ್ಥಾನ ಬಾಂದೊಟ್ಟು : ಕೋಲ ಬಲಿ

ಕೊಪ್ಪಲಕಾಡು : ಬಾಂದೊಟ್ಟುದ ಶ್ರೀ ಕೋರ್ದಬ್ಬು ದೈವಸ್ಥಾನೊಡು ತಾರೀಖ್ 29/1/2022 ನೇ ಶನಿವಾರರ್ದ್ 30/1/2022 ನೇ ಐತಾರ ಮುಟ ಬಾಂದೊಟ್ಟು ಗುತ್ತುಡು ವರ್ಷ ಪ್ರತಿ ನಡಪುನ ಶ್ರೀ ಕೊರ್ದಬ್ಬು ವಗೈರೆ ದೈವದ ಕೋಲ ಬಲಿ ನಡಪರೇ ಉಂಡು.

 

ಪಿದಮಲೆ ಶ್ರೀ ಮಹಾಮ್ಮಾಯಿ ದೇವಸ್ಥಾನ : ಪಿದಮಲೆ ಬ್ರಹ್ಮಕಲಶ ಉಚ್ಚಯ

ಕುರ್ನಾಡು : ಕುರ್ನಾಡುದ ಪಿದಮಲೆ ಶ್ರೀ ಮಹಾಮ್ಮಾಯಿ ದೇವಸ್ಥಾನೊಡು 30/1/2022 ತಾರೀಖ್ ರ್ದ್ 4/2/2022 ತಾರೀಖ್ ಮುಟ ಪಿದಮಲೆ ಬ್ರಹ್ಮಕಲಶ ಉಚ್ಚಯಬೊಕ್ಕ ವರ್ಷಾವದಿ ಗೊಂದೋಳು ಉಚ್ಚಯ ನಡಪರೇ ಉಂಡು.

ಇನಿ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿನ ಪುಟ್ಟು ಪರ್ಬ : ಎಡ್ಡೆಪ್ಪುನು ಬಯಕಿನ ಪ್ರಧಾನಿ ಮೋದಿ

ಬೆಂಗ್ಳೂರು: ಇನಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೆರೆನ ಪುಟ್ಟು ಪರ್ಬ.ಪುಟ್ಟು ಪರ್ಬದ ಪ್ರಯುಕ್ತ ಮುಖ್ಯಮಂತ್ರಿಯನ ಇಲ್ಲಡ್ ಗೋ ಪೂಜೆ ಮಲ್ತೆರ್ . ಮೆರೆನ ಪುಟ್ಟು ಪರ್ಬಗ್ ಗೃಹ ಸಚಿವ ಅಮಿತ್ ಶಾ ಮಾಜಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಎಡ್ಡೆಪ್ಪುನು ಬಯಕ್ದೆರ್.

ಸುದ್ದಿಗಾರೆರ್ನ ಒಟ್ಟುಗು ಪಾತೆರಿನ ಸಿಎಂ: ಪುಟ್ಟು ಪರ್ಬಗ್ ರಾಷ್ಟ್ರಪತಿ ಫೋನ್ ಮಲ್ತ್ ಎಡ್ಡೆಪ್ಪುನು ಬಯಕ್ ದೆರ್ . ಇನಿ ಪ್ರಧಾನಿ ಮೋದಿ ಟ್ವೀಟ್ ಮುಖೇನ ಎಡ್ಡೆಪ್ಪುನು ಬಯಕಿಯೆರ್ ಪಂದ್ ಪಂತೆರ್.

ಕುಲಶೇಖರ ಶ್ರೀ ವೀರನಾರಾಯಣ ದೇವಸ್ಥಾನ ಶಿಲಾನ್ಯಾಸ ಕ್ಷೇತ್ರದ ಜೀರ್ಣೋದ್ಧಾರದ ಒಟ್ಟುಗು ಸಮಾಜದ ಅಭಿವೃದ್ಧಿ ಆವಡ್ : ಪೇಜಾವರಶ್ರೀ

ಕುಡ್ಲ :ಊರುದ ಅಭಿವೃದ್ಧಿಗ್ ಕ್ಷೇತ್ರ ಮಹತ್ವರ ಆತುಂಡು . ಕ್ಷೇತ್ರ ಜೀರ್ಣೋದ್ಧಾರ ಆನಗ ಸಮಾಜ ಅಭಿವೃದ್ಧಿ ಆಪುಂಡು . ಕುಲಶೇಖರದ ಶ್ರೀ ವೀರನಾರಾಯಣ ದೇವಸ್ಥಾನ ದಕ್ಷಿಣ ಭಾರತೊಡೆ ಪುಗಾರ್ತೆ ಪಡೆತಿನವು . ನೆತ್ತ ಬ್ರಹ್ಮಕಲಶ ನಿರ್ವಿಘ್ನವಾದ್ ನಡಪಡ್ ಪಂದ್ ಒಡಿಪು ಪೇಜಾವರ ಮಠದೀಶೇರಾಯಿನ ಶ್ರೀ ವಿಶ್ವ ಪ್ರಸನ್ನ ತೀರ್ಥ ಸ್ವಾಮೀಲು ಪಂಡೆರ್.

ಜ 27 ಕ್ಕ್ ಕುಲಶೇಖರದ ಶ್ರೀ ವೀರನಾರಾಯಣ ದೇವಸ್ಥಾನದ ಜೀರ್ಣೋದ್ಧಾರ ಪ್ರಯುಕ್ತ ಶಿಲನ್ಯಾಸದ ಕಜ್ಜ ಮಲ್ತ್ ಆಶೀರ್ವಚನ ಕೊರಿಯೆರ್ .
ಶ್ರೀದಾಮ ಮಾಣಿಲದ ಪರಮಾಪೂಜ್ಯ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ ಪಾತೆರ್ದ್ ಜೀರ್ಣೋದ್ಧಾರದ ಕಾರ್ಯ ಮಾತಾ ಭಕ್ತೆರ್ನ ಒಗ್ಗಟ್ಟು ಬೊಕ್ಕ ಸಾಕಾರಡ್ ನಡಪರೇ ಉಂಡು .ಧರ್ಮ ಕಾರ್ಯ ನಿರಂತರ ನಡಪಡ್ ಪಂದ್ ಪಂಡೆರ್ . ಒಡಿಯೂರು ಕ್ಷೇತ್ರ ಸಾದ್ವಿ ಮಾತಾನಂದ ಮಾಯಿ. ಆಶೀರ್ವಚನ ಕೊರಿಯೆರ್.


ಮತ್ತರ್ಮೆಡ್ ದೇವಸ್ಥಾನದ ಆಡಳಿತ ಮಂಡಳಿದ ಗುರ್ಕಾರ್ಲು ಪುರುಷೋತ್ತಮ ಕುಲಾಲ್ ಕಲ್ಬಾವಿ, ದ.ಕ.ಜಿಲ್ಲಾ ಮೂಲ್ಯರ ಯಾನೆ ಕುಲಾಲ ರ ಮಾತೃ ಸಂಘದ ಗುರ್ಕಾರ್ಲಾಯಿನ ಮಯೂರ್ ಉಳ್ಳಾಲ್ , ಜೀರ್ಣೋದ್ಧಾರ ಸಮಿತಿ ಗುರ್ಕಾರ್ಲಾಯಿನ ದಾಮೋಧರ್ ಎ . ಟ್ರಸ್ಟ್ದ ಗುರ್ಕಾರ್ಲಾಯಿನ ಪ್ರೇಮಾನಂದ ಕುಲಾಲ್, ಸೇವಾಸಮಿತಿ ಗುರ್ಕಾರ್ಲಾಯಿನ ಸುಂದರ್ ಕುಲಾಲ್ ಪಾಲ್ ಪಡೆದಿತ್ತೆರ್ .
ಲೇಸ್ ನ್ ನ್ಯಾ ರವೀಂದ್ರ ಮುನ್ನಿ ಪಾಡಿ ಮಲ್ತ್ ಸೊಲ್ಮೆಲು ಸಂದೈತ ಮಲ್ತೆರ್.

ಶಿಲಾನ್ಯಾಸದ ಧಾರ್ಮಿಕ ವಿಧಿ ವಿಧಾನಲೆನ ಕ್ಷೇತ್ರದ ತಂತ್ರಿಲಾಯಿನ ಆನಂದ ಉಪಾಧ್ಯಯಾಯೆರ್ನ ಮುತಾಲಿಕೆಡ್ ನಡತುಂಡು.

ಲೇಸ್ ಡ್ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆ, ಮುಂಬಯಿ ಕುಲಾಲ ಸಂಘದ ಗುರ್ಕಾರ್ಲಾಯಿನ ದೇವದಾಸ್ ಕುಲಾಲ್ ಬೆಂಗ್ಳೂರು ಕುಲಾಲ ಸಂಘದ ಗುರ್ಕಾರ್ಲಾಯಿನ ಪುರುಷೋತ್ತಮ ಚೆಂಡ್ಲಾ, ಬೊಕ್ಕ ಮಹಾರಾಷ್ಟ್ರ , ಬೆಂಗ್ಳೂರು , ಕೇರಳ, ಅಂಚನೆ ಅವ್ವೆತೋ ಕಡೆರ್ದ್ ಭಕ್ತೆರ್ ಪಾಲ್ ಪಡೆದಿತ್ತೆರ್.

ಶ್ರೀ ಷಣ್ಮುಖ ಸುಬ್ರಮಣ್ಯ ದೇವಸ್ಥಾನ : ಪುನಃ ಪ್ರತಿಷ್ಠೆ ಬೊಕ್ಕ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ

ಸಜೀಪನಡು :ಸಜೀಪನಡುದ ಶ್ರೀ ಷಣ್ಮುಖ ಸುಬ್ರಮಣ್ಯ ದೇವಸ್ಥಾನೊಡು ತಾರೀಖ್ 9/2/2022 ರ್ದ್ 14/2/2022 ತಾರೀಖ್ ಮುಟ ಪುನಃ ಪ್ರತಿಷ್ಠೆ ಬೊಕ್ಕ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ನಡಪರೇ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಹುಷಾರ್ದಾಂತೆ ತೀರ್ ಪೋಯಿನ ಸಚೀಗುತ್ತುದ ಕಾಮಾಕ್ಷಿ ಶೆಟ್ರ್

ಬೊಂಬಾಯಿ : ಸಚೀಗುತ್ತುದ ಕಾಮಕ್ಷಿ ಶೆಟ್ರ್ ಹುಷಾರ್ ದಾಂತೆ ತಾರೀಖ್ 26/1/2022 ನೇ ಬುಧಾರದಾನಿ ತನ್ನ ಸ್ವಗ್ರಹಟ್ ತೀರ್ ಪೋತೆರ್.ಮೇರ್ ಬಂಟ್ಸ್ ಸಂಘದ ಮೀರಾ ಭಾಯಂದರ್ ವಲಯದ ಗುರ್ಕಾರ್ದಿ ಆಯಿನ ಶಾಲಿನಿ ಎಸ್ ಶೆಟ್ರೆನ ಅಪ್ಪೆ .

Regret to inform the sad demise of Smt. Kamakshi Shetty, Sacheiguthu today, 26th January Afternoon due to illness at her Sacheriguthu Residence. She is mother of Shalini S Shetty, Chairperson of Bunts Sangha, Mira Bhayandar Region.

Our heartfelt condolences to the bereaved family. We pray to Almighty God to give eternal peace to her departed soul and give strength to her family to bear this loss.

You Missed