Sun. Nov 22nd, 2026

ಊರ್ದ ಸುದ್ದಿ Regional News

“ಮಂದಾರತಿ”, ಫ್ಯಾಮಿಲೀ ರೆಸ್ಟೋರೆಂಟ್ ದ ಉದಿಪನದ ಲೇಸ್

ಮಣಿಪಾಲದ ಇಂಡಸ್ಟ್ರಿಯಲ್ ಏರಿಯಾ, ಎಮ್.ಸಿ.ಟಿ. ಕೈತಲ್ ಖ್ಯಾತಿ ಎಂಟರ್ ಪ್ರೈಸಸ್ ಕಟ್ವಾನದ ರೂಫ್ ಟಾಪ್ ಡ್ ಮಂದಾರತಿ”, ಫ್ಯಾಮಿಲೀ ರೆಸ್ಟೋರೆಂಟ್ ದ ಉದಿಪನದ ಆಂಡ್.

ರೋಟರಿ 3182 ದ ನಿಕಟ ಪೂರ್ವ ಜಿಲ್ಲಾ ಗವರ್ನರ್ ಶ್ರೀ ರಾಜಾರಾಮ್ ಭಟ್ ರೆಸ್ಟೋರೆಂಟ್ ನ್ ಉದಿಪನ ಮಲ್ತೆರ್. ಕರ್ನಾಟಕ ರಾಜ್ಯ ಮಾಜಿ ಸಚಿವೆರ್ ಆಯಿನ ಶ್ರೀ ಪ್ರಮೋದ್ ಮಧ್ವರಾಜ್, ಕುಡ್ಲ ಮೀನು ಮಾರಾಟ ಮಹಾಮಂಡಳದ ಅಧ್ಯಕ್ಷೆರ್ ಶ್ರೀ ಯಶ್ ಪಾಲ್ ಸುವರ್ಣ ಲೇಸ್ ಗ್ ಬತ್ತ್ ದ್ ಎಡ್ಡೆಪ್ಪುನು ಬಯಕ್ಯೆರ್. ಕಟ್ವಾನದ ಮಾಲಕೆರ್ ಡಾ| ಸತೀಶ್ ಶೆಟ್ಟಿ ದಂಪತಿಲು, ಮೊಗವೀರ ಯುವ ಸಂಘಟನೆ (ರಿ.) ಒಡಿಪು ಜಿಲ್ಲೆದ ಪ್ರಧಾನ ಕಾರ್ಯದರ್ಶಿ ಶ್ರೀ ರಾಜೇಂದ್ರ ಸುವರ್ಣ ಹಿರಿಯಡಕ, ರೆಸ್ಟೋರೆಂಟ್ ಮಾಲಕೆರ್ ಶ್ರೀ ಸತೀಶ್ ಕೋಟ್ಯಾನ್, ಕುಟುಂಬದ ಸದಸ್ಯೆರ್ ಬೊಕ್ಕ ದೋಸ್ತಿಲು ಲೇಸ್ ಡ್ ಪಾಲ್ ಪಡೆದಿತ್ತೆರ್. ಶ್ರೀ ನವೀನ್ ಕೆ. ಶೆಟ್ಟಿಬೆಟ್ಟು ಕಾರ್ಯಕ್ರಮನ್ ನಿರೂಪಣೆ ಮಲ್ತೆರ್.

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಪನ್ಪಿನ ಬಾನುಲಿ ಸರಣಿ ಲೇಸ್ ಡ್ ಜನವರಿ ತಿಂಗೊಲ್ ದ ತಾರೀಖ್ 27 ನೇ ಗುರುವಾರದಾನಿ ಬಯ್ಯಗ್ 6 ಗಂಟೆಗ್ ರಡ್ಡ್ ಗುಂಡಿದ ಪಾಯಿಖಾನೆದ ಮಹತ್ವದ ಬಗೆಟ್ ಕಾರ್ಯಕ್ರಮ ಪ್ರಸಾರ ಆಯೆರೆ ಉಂಡು.

ಗ್ರಾಮೀಣ ನೀರ್ ಬೊಕ್ಕ ನೈರ್ಮಲ್ಯದ ಇಂಜಿನಿಯರಿಂಗ್ ವಿಭಾಗ, ಒಡಿಪು ಮುಲ್ಪದ ಸಹಾಯಕ ಎಂಜಿನಿಯರ್ ಆಯಿನ ರವಿಶಂಕರ್ ಪಾಲ್ ಪಡೆಯರೇ ಉಲ್ಲೆರ್.

ಈ ಕಾರ್ಯಕ್ರಮ ಜನವರಿ 28 ನೇ ದಾನಿ ಮಧ್ಯಾಹ್ನ 1 ಗಂಟೆಗ್ ಮರು ಪ್ರಸಾರ ಆಯಾರ ಉಂಡು.

ಸಾಕಾರ : ಒಡಿಪು ಜಿ.ಪಂ

Radio Manipal 90.4Mh:

Manipal: Radio Manipal will broadcast in its series of program titled ” Desi Sogadu” ; a program on the importance of toilets .The rural drinking water and sanitation department Bangalore and the Karnataka Government have organised a series ” Shudda jala, swacha nela ,Arogyvad ippodu Jeeva sankula” .It will be broadcast on 27 th January ,at 6 p.m.It will be rebroadcast on January 28th at 1p.m.
Ravishankar-
Rural water and sanitation engineering department Udupi
will take part in the program.

ಒಡಿಪು ಜಿಲ್ಲಾ ಮೊಗವೀರ ಯುವಸಂಘಟನೆದ ಜಿಲ್ಲಾಧ್ಯಕ್ಷೆರಾದ್ ರಾಜೇಂದ್ರ ಹಿರಿಯಡ್ಕ, ಪ್ರಧಾನ ಕಾರ್ಯದರ್ಶಿಯಾದ್ ರವೀಶ್ ಕೊರವಡಿ ಆಯ್ಕೆ

ಒಡಿಪು, ಜ.27: ಒಡಿಪು ಜಿಲ್ಲಾ ಮೊಗವೀರ ಯುವ ಸಂಘಟನೆದ 16 ನೇ ವಾರ್ಷಿಕ ಮಹಾಸಭೆ ಬುಧಾರದಾನಿ ಒಡಿಪುದ ಶ್ಯಾಮಿಲಿ ಸಭಾಂಗಣಡ್ ನಡತ್ಂಡ್.

ಸಂಘಟನೆದ ಅಧ್ಯಕ್ಷೆರ್ ಶಿವರಾಮ ಕೆ.ಎಂ. ಅಧ್ಯಕ್ಷೆತೆನ್ ವಹಿಸೊಂದ್ ಇತ್ತೆರ್. 2022-24ನೇ ಪೊಸ ಪದಾಧಿಕಾರಿಲೆನ ಆಯ್ಕೆ ನಡತ್ಂಡ್. ಜಿಲ್ಲಾಧ್ಯಕ್ಷೆರಾದ್ ರಾಜೇಂದ್ರ ಹಿರಿಯಡ್ಕ ಪ್ರಧಾನ ಕಾರ್ಯದರ್ಶಿಯಾದ್ ರವೀಶ್ ಎಸ್. ಕೊರವಡಿ ಬೊಕ್ಕ ಬೇತೆ ಪದಾಧಿಕಾರಿಲು ಆಯ್ಕೆಯಾತೆರ್.

ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ ದ ಪ್ರವರ್ತಕೆರ್ ಡಾ| ಜಿ.ಶಂಕರ್ ಮಾರ್ಗದರ್ಶನ ಕೊರಿಯೆರ್. ದ.ಕ. ಜಿಲ್ಲಾ ಮೊಗವೀರ ಮಹಾಜನ ಸಂಘ ಉಚ್ಚಿಲದ ಅಧ್ಯಕ್ಷೆರ್ ಜಯ ಸಿ. ಕೋಟ್ಯಾನ್, ಸಂಘಟನೆದ ಮಾಜಿ ಅಧ್ಯಕ್ಷೆರ್ ವಿನಯ ಕರ್ಕೇರ ಮಲ್ಪೆ, ಸ್ಥಾಪಕ ಅಧ್ಯಕ್ಷೆರ್ ಸತೀಶ್ ಅಮೀನ್ ಪಡುಕರೆ, ಮಾಜಿ ಅಧ್ಯಕ್ಷೆರ್ ಸಂಜೀವ ಎಂ.ಎಸ್., ಸದಾನಂದ ಬಳ್ಕೂರು, ಗಣೇಶ್ ಕಾಂಚನ್, ಜಿಲ್ಲಾ ಸಮಿತಿ ಪದಾಧಿಕಾರಿಲು, ಬೇತೆ ಸಂಘಟನೆದ ಮುಖ್ಯಸ್ಥೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

Udupi district Mogaveer youth association: Rajendra Hiriadka is the district president; Ravish Koravadi is the secretary

Udupi, January 27: The 16th Annual general body meeting was held on Wednesday at Shyamli Auditorium.

The program was presided over by Shivram K.M the president of the association.The office bearers for 2022-24 were selected.

Rajendra Hiriadka is the district president and Ravish S Koravadi is the secretary .
Dr G Shankar of G Shankar family trust provided guidance on various matters.

ಬ್ರಹ್ಮಶ್ರೀ ನಾರಾಯಣ ಗುರುಕ್ಕುಲೆಗ್ ಗೌರವ ಕೊರ್ಪಾವರೆ ಕೇಂದ್ರೊಗು ಎಚ್ಚೆರ್ಗೆ ಕೊರಿನ ಸ್ವಾಭಿಮಾನದ ನಡಿಗೆ

ನಾರಾಯಣ ಗುರುಕುಲೆಗ್ ಅವಮಾನ ಆತ್ಂಡ್ ಪಂದ್ ಬಿಲ್ಲವ ಸಂಘಟನೆಲು, ಕಾಂಗ್ರೆಸ್, ಜೆಡಿಎಸ್ ನಾಯಕೆರ, ಬೇತೆ ಬೇತೆ ಸಂಘಟನೆಲು ಸೇರಾವೊಂದ್ ಜನವರಿ 26 ಕ್ಕ್ ಗಣರಾಜ್ಯದ ದಿನಟ್ಟೆ ಕುಡ್ಲಡ್ ಸ್ವಾಭಿಮಾನದ ನಡೆತ್ತ ಯಾತ್ರೆನ್ ಸುರು ಮಲ್ತ್ ದಿತ್ತ್ ದ್, ಕೇಂದ್ರ ಸರ್ಕಾರಗ್ ಎಚ್ಚರಿಕೆನ್ ಕೊರ್ತೆರ್.

ದಕ್ಷಿಣ ಕನ್ನಡ ಜಿಲ್ಲೆದ ಬೇತೆ ಬೇತೆ ತಾಲೂಕ್ದ್ ಬತ್ತಿನ ಬಿಲ್ಲವ ಸಂಘಟನೆಲು ನಾರಾಯಣ ಗುರುಕ್ಲೆನ ಟ್ಯಾಬ್ಲೋ ಮಧ್ಯಾಹ್ನ 3 ಗಂಟೆಗ್ ಕಂಕನಾಡಿ ಗರೋಡಿ ಕ್ಷೇತ್ರಗ್ ಪೊದಿತ್ತ್ ದ್, ಅಲ್ಪರ್ದ್ ಪೇಂಟೆಡ್ದ್ ಮಸ್ತ್ ಕಡೆಟ್ಟ್ ಪೋದು ಬಯ್ಯ 5 ಗಂಟೆಗ್ ಲಾಲ್ಬಾಗ್ ದಲ್ಪ ಬತ್ತ್ ದ್ಂಡ್. ಅಲ್ಪರ್ದ್ ಲೆಡಿಹಿಲ್ ದಲ್ಪ ಬತ್ತ್ ದ್ ಬಿಲ್ಲವ ಸಂಘಟನೆದ ಜವನ್ಯೆರ್ ಬೊಕ್ಕ ಕಾಂಗ್ರೆಸ್ ನಾಯಕೆರ್ ಕುದ್ರೋಳಿ ಕ್ಷೇತ್ರಗ್ ಪೋತೆರ್.

ಬಯ್ಯಗ್ 7 ಗಂಟೆದ ಪೊರ್ತುಡ್ ಕುದ್ರೋಳಿ ದೇವಲ್ಯಗ್ ಬತ್ತ್ ದ್ ಅಲ್ಪ ನಾರಾಯಣ ಗುರುಕುಲೆಗ್ ಪೂಜೆನ್ ಮಲ್ತ್ ದೆರ್. ಬಿಲ್ಲವ ಸಂಘಟನೆದ ನಾಯಕೆರ್ ಸೇರಿನಂಚನೆ ಮಾತೆರ್ಲಾ ಅಲ್ಪ ಪ್ರಾರ್ಥನೆನ್ ಮಲ್ತೊಂದೆರ್. ಕಡೆಕ್ಕ್ ಪೆರಿಯ ನಾಯಕೆರ್ ಜನಾರ್ಧನ ಪೂಜಾರ್ಲು ಸ್ವಾಭಿಮಾನದ ನಡಿಗೆಡ್ ಪಾಲ್ ಪಡೆದ್ ಮಾತೆರೆಗ್ಲಾ ಸೊಲ್ಮೆ ಸಂದೈತನ್ ಮಲ್ತೆರ್.

ಕಾಂಗ್ರೆಸ್ ವತಿಡ್ದ್ ಕಾಂಡೆ 8 ಗಂಟೆ ಸುಮಾರುಗ್ ಗರೋಡಿ ಕ್ಷೇತ್ರಡ್ ನಾರಾಯಣ ಗುರುಕುಲೆಗ್ ಪ್ರಾರ್ಥನೆ ಮಲ್ತ್ ದ್, ಟ್ಯಾಬ್ಲೋ ನ್ ಸುರು ಮಲ್ತ್ ದಿತ್ತೆರ್. ಆ ಟ್ಯಾಬ್ಲೋ ಮಹಾನಗರ ಪಾಲಿಕೆ ವ್ಯಾಪ್ತಿದ ಮಸ್ತ್ ಕಡೆಟ್ಟ್ ಸುತ್ತುದ್, ಬಯ್ಯಗ್ ಉರ್ವಾ ಸ್ಟೋರ್ ಗ್ ಬತ್ತ್ ದ್, ಅಲ್ಪರ್ದ್ ಕಾಂಗ್ರೇಸ್ ನಾಯಕೆರ್ ಕುದ್ರೋಳಿಗ್ ಪೋಯೆರ್.

ಮೈಕ್ ಪತ್ತ್ ದ್ ಕಣ್ಣ ನೀರ ಪನಿ ಪಾಡಿನ ಪೂಜಾರ್ಲು
ಮಾಜಿ ಸಚಿವೆರ್ ರಮಾನಾಥ ರೈ, ಮಾಜಿ ಶಾಸಕೆರ್ ಆಯಿನ ಜೆಆರ್ ಲೋಬೊ, ಐವಾನ್ ಡಿಸೋಜ, ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಮಿಥುನ್ ರೈ ಸೇರಿನಂಚನೆ ಮಸ್ತ್ ಕಾಂಗ್ರೆಸ್ ನಾಯಕೆರ್ ಸೇರ್ದಿತ್ತೆರ್. ಕಡೆಕ್ಕ್ ಪೂಜಾರ್ಲು ಮೈಕ್ ಪತ್ತ್ ದ್, ಮಾತೆರೆಗ್ಲಾ ಸೊಲ್ಮೆ ಸಂದೈತ ಮಲ್ಪುವೆರ್ ಪಂದ್ ಪ್ರಕಟಿಸಾದಿತ್ತೆರ್. ಆಂಡ ಪ್ರಾಯ ಆತಿನ ಕಾರಣಡ್ದಾವರ ಜನಾರ್ಧನ ಪೂಜಾರ್ಲು ಮೈಕ್ ಪತ್ತ್ ದ್, ಕಣ್ಣ ನೀರ ಪನಿನ್ ಪಾಡಿಯೆರ್. ಬೊಕ್ಕ ಮಾತೆರೆಡ್ಲಾ ಮಾಪುನ್ ಕೇಂದ್, ಹುಷಾರ್ ಇಜ್ಜಂದಿನ ಕಾರಣ ಯಂಕ್ ಪಾತೆರಿಯರ ಆವೊಂದಿಜ್ಜಿ. ನನೊರ ಪಾತೆರುವೆ ಪಂದ್ ಪಂಡೆರ್.
ಪೂಜಾರ್ಲೆಡ ನಾರಾಯಣ ಗುರುಕ್ಲೆನ್ ತೂವೊಂದುಲ್ಲ
ಕುದ್ರೋಳಿ ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್ ಪಾತೆರ್ದ್, ನಾರಾಯಣ ಗುರುಕ್ಲೆನ್ ನಮ ತುತಿಜ. ಆಂಡ ಆ ಗುರುಕುಲೆನ್ ನಮ ಇತ್ತೆ ಜನಾರ್ಧನ ಪೂಜಾರ್ಲೆಡ ತೂವೊಂದುಲ್ಲ. ಆರ್ನ ಲೆಪ್ಪುಗ್ ನಮ ಇನಿ ಈಡೆಗ್ ಬತ್ತ್ ದ. ನಮಕ್ ಮಾತ ಅರೆ ನಾರಾಯಣ ಗುರುಕುಲು ಪಂದ್ ಪಂಡೆರ್.

ನಾರಾಯಣ ಗುರು ಬೊಡ್ಚಿ ಪಂತಿನವ್ ಮಸ್ತ್ ಬೇನೆ ಕನತ್ಂಡ್
ಗಣರಾಜ್ಯೋತ್ಸವದ ಸ್ತಬ್ಧಚಿತ್ರಡ್ ನಾರಾಯಣ ಗುರುಕ್ಲೆನ್ ಪ್ರತಿಮೆನ್ ತಿರಸ್ಕಾರ ಮಲ್ತ್ ದ್, ಶಂಕರಾಚಾರ್ಯೆರ್ ನ ಪ್ರತಿಮೆನ್ ಜೋಡಿಸಾವುಲೆಕ ಕೇಂದ್ರದ ರಕ್ಷಣಾ ಇಲಾಖೆದ ತಜ್ಞೆರ್ ನ ಸಮಿತಿ ಪಂಡ್ ದಿತ್ತಿನವ್ ನಮಕ್ ಮಾತ ಬೇನೆನ್ ಕನತ್ಂಡ್. ಶಂಕರಾಚಾರ್ಯೆರ್ ಬೋಧಿಸಾಯಿನ ಅದ್ವೈತ ಸಿದ್ದಾಂತನ್ ಅನುಷ್ಠಾನಗ್ ಕಣತಿನಾರ್ ನಾರಾಯಣ ಗುರುಕುಲು. ಅರೆನ್ ತಿರಸ್ಕರಾ ಮಲ್ತಿನವ್ ಗುರುಕ್ಲೆನ ಅನುಯಾಯಿಲೆಗ್ ಮಸ್ತ್ ಬೇನೆ ಕನತ್ಂಡ್ ಪಂದ್ ಪಂಡೆರ್.

ಲೇಸ್ ಡ್ ಸತ್ಯಜಿತ್ ಸುರತ್ಕಲ್ ಸೇರಿನಂಚನೆ ಮಸ್ತ್ ಬಿಲ್ಲವ ನಾಯಕೆರ್ ಪಾಲ್ ಪಡೆದಿತ್ತೆರ್.

The refusal by the central government to include the tableau of Sri Narayan Guru at the republic day parade has hurt the sentiments of Billava community ; as such many Billava associations, Congress, JDS leaders came together and organised ” Swabhimanada Nade” a walk marathon on January 26th.It was to show their dissent to the government on this issue.

Many Billawa groups from all over the district came together and took out procession from Kankanady Garody ; and later they together with the others culminated the procession at the Kudroli temple.

The Congress took out a procession with the tableau of Sri Narayan Guru went around the town and joined the other groups at Kudroli Gokarnathaswara temple.

At the temple premises a small prayer meeting for Narayan Guru was held and every one gathered payed their respects to Sri Guru.Senior leader Sri Janardhan Poojary joined the walk marathon and expressed his good wishes and unity with the matter.

Experts at the central defence department had suggested that a tableau of Shankaracharya be made in place of Sri Narayan Guru .This had pained the community; as they felt that Narayan Guru tried to practice the” Advaita Siddant ” preached by Shankaracharya.
Many leaders from the community including Padmaraj and Satyajit Suratkal participated in the program.

ಮುಲ್ಕಿ ಒಡೆಯರಬೆಟ್ಟು ಬೊಬ್ಬರ್ಯ ದೇವಸ್ಥಾನಡ್ ಅನ್ನಸಂತರ್ಪಣೆ

ಮುಲ್ಕಿ: ಒಡೆಯರಬೆಟ್ಟು ಶ್ರೀ ಬೊಬ್ಬರ್ಯ ದೈವಸ್ಥಾನಡ್ ವರ್ಷಾವಧಿದ ನೇಮದ ಉಚ್ಚಯದ ಅಂಗವಾದ್ ಕಾಂಡೆ ನವಕಪ್ರಧಾನ ಹೋಮ, ಕಲಶಾಭಿಷೇಕ ನಡತ್ ದ್ ಮಧ್ಯಾಹ್ನ ಅನ್ನಸಂತರ್ಪಣೆ ನಡತ್ಂಡ್.


ಹರೀಶ್ ಗುರಿಕಾರೆರ್, ಲಲಿತ್, ನೀರಜಾಕ್ಷಿ ಅಗರ್ ವಾಲ್ ಅಂಚೆನೆ ಸಮಾಜದ ಗುರಿಕಾರೆರ್ನ ಎದುರು ಪಲ್ಲಪೂಜೆ ನಡತ್ಂಡ್. ಒಡೆಯರಬೆಟ್ಟು ಮೊಗವೀರ ಮಹಿಳಾ ಸಭಾದ ಕಾರ್ಯಕರ್ತೆರ್ ಅನ್ನಪ್ರಸಾದ ಬಳಸುನ ಕೆಲಸೊಡು ಸಕ್ರಿಯವಾದ್ ಪಾಲ್ ಪಡೆಯೆರ್.

ಒಂಜಿ ಸಾರೊರ್ದುಲ ಎಚ್ಚ ಜನ ಅನ್ನ ಸಂತರ್ಪಣೆಡ್ ಪಾಲ್ ಪಡೆದೆರ್.
ಒಡೆಯರಬೆಟ್ಟು ಬೊಮ್ಮಹೌಸ್ ದ ವಿನೋದ ಬೊಕ್ಕ ಸುರೇಶ್ ಗುರಿಕಾರೆರ್ನ ಮಗೆ ವಿಕಾಸ್ ಸುರೇಶ್ ಸುವರ್ಣ, ಬೊಂಬಾಯಿ ಅಂಚೆನೆ ಜಗ್ಗ ಗುರಿಕಾರ ಮನೆ ಪುಷ್ಪ ಬೊಕ್ಕ ಲೋಕನಾಥ್ ಜಿ. ಮೈಂದನ್ ಮೊಕ್ಲೆನ ಪುಲ್ಲಿ ವಿಹಾನಾ ದೀಪಕ್ ಮೈಂದನ್ ಮೊಕುಲು ಅನ್ನಸಂತರ್ಪಣೆ ದ ಸೇವೆನ್ ಒಯಿಸೊಂದೆರ್.

ಫೆ.೨೧-೨೬: ಪತ್ತನೇ ಕ್ಲಾಸ್‌ದ ಪ್ರಿಪರೇಟರಿ ಪರೀಕ್ಷೆ

ಕುಡ್ಲ: ಪತ್ತನೇ ಕ್ಲಾಸ್‌ದಕ್ಲೆಗ್ ಪ್ರಿಪರೇಟರಿ ಪರೀಕ್ಷೆ ಫೆಬ್ರವರಿ ೨೧-೨೬ ಮುಟ್ಟ ನಡಪರೆ ಉಂಡು ಪಂದ್ ಕರ್ನಾಟಕ ಪ್ರೌಢಶಿಕ್ಷಣ ಮಂಡಳಿ ತೆರಿಪಾದ್ಂಡ್. ಕಾಂಡೆ ೧೦.೩೦ ಗಂಟೆರ್ದ್ ಮಧ್ಯಾಹ್ನ ೧.೪೫ ಗಂಟೆ ಮುಟ್ಟ ಪರೀಕ್ಷೆ ನಡಪುಂಡು.


ಫೆ.೨೧ ಪ್ರಥಮ ಭಾಷೆ, ಫೆ.೨೨ ಸಮಾಜವಿಜ್ಞಾನ, ಫೆ.೨೩ ದ್ವಿತೀಯ ಭಾಷೆ, ಫೆ.೨೪ ಗಣಿತ, ಫೆ.೨೫ ತೃತಿಯ ಭಾಷೆ ಫೆ.೨೬ ವಿಜ್ಞಾನ ಪರೀಕ್ಷೆ ನಡಪರೆ ಉಂಡು. ಅವ್ವತ್ತಾಂದೆ ಎಸ್ಸೆಸ್ಸೆಲ್ಸಿ ಮಲ್ಲ ಪರೀಕ್ಷೆದ ಟೈಮ್ ಟೇಬಲ್ ಬುಡುಗಡೆ ಆತ್ಂಡ್. ಮಾರ್ಚ್ ೨೮ ತಾರೀಕ್‌ರ್ದ್ ಏಪ್ರಿಲ್ ೧೧ ತಾರೀಕ್ ಮುಟ್ಟ ಪತ್ತನೆ ಕ್ಲಾಸ್‌ದ ಮಲ್ಲ ಪರೀಕ್ಷೆ ನಡಪರೆ ಉಂಡು ಪಂದ್ ಮಂಡಳಿ ಪತ್ರಿಕಾ ಹೇಳಿಕೆಡ್ ತೆರಿಪಾದ್ಂಡ್.

ಶಾಲೆದ ಟೀಚರ್‌ನಕ್ಲೆಗ್ಲ ಸ್ಕೂಲ್ ಬಸ್!

ಕುಡ್ಲ: ಶಾಲೆದ ಜೋಕುಲೆಗ್ ಪೋವರೆ, ಬರ್ರೆ ಸ್ಕೂಲ್ ಬಸ್ ಇತ್ತಿನವು ಮಾತೆರೆಗ್ಲ ಗೊತ್ತಿತ್ತಿನ ವಿಚಾರ. ಆಂಡ ಮಾಸ್ಟರ್‌ನಕುಲು, ಟೀಚರ್‌ನಕ್ಲೆಗ್ಲ ಶಾಲೆಗ್ ಪೋವರೆ, ಬರ್ರೆ ಸ್ಕೂಲ್ ಬಸ್ ಮಲ್ದಿನ ವಿಚಾರ ನಿಕ್ಲೆಗ್ ಗೊತ್ತುಂಡೇ?

ಅಂದ್, ಕೊರೊನಾ, ಲಾಕ್‌ಡೌನ್, ಥರ್ಡ್ ವೇವ್ ಇಂಚಿನ ಮಾತಾ ಪೊಸ ಪೊಸ ಸಂಗತಿಲು ಇಡೀ ಜಗತ್ತ್‌ನೇ ಬದಲಾವಣೆ ಮಲ್ತ್‌ದ್ಂಡ್. “ಪರಿವರ್ತನೆ ಜಗದ ನಿಯಮ’ ಪನ್ಪಿನ ಪಾತೆರದಲೆಕ್ಕನೆ ಬದಲಾತಿನ ಜಗತ್ತ್‌ಡ್ ಜನೊಕ್ಕುಲು ಬದ್‌ಕರೆ ಕಲ್ದೆರ್. ಇಂಚ ಬಾರಿ ಸಮಯೊರ್ದು ಬೊಕ್ಕ ಶಾಲೆ, ಕಾಲೇಜಿ ಸುರುವಾತ್ಂಡ್. ಆಂಡ ಅರ್ಧಂಬರ್ದ ಕ್ಲಾಸ್, ಅರ್ಧ ಸಂಬಳ ಇಂಚಿನ ಮಾತಾ ಸಮಸ್ಯೆಲು ಶಾಲೆದ ಟೀಚರ್, ಮಾಸ್ಟರ್‌ನಕ್ಲೆನ್‌ಲ ಬುಡ್ತುಜಿ.
ಕಡಿಮೆ ಸಂಬಳೊಡು ಎಂಚಾಂಡಲ ಜೀವನ ಮಲ್ಪೊಡು ಪನ್ಪಿನ ಉದ್ದೇಸ ದೀದ್ ಮಾತೆರ್‍ಲ ಕರ್ಚಿ ಕಮ್ಮಿ ಮಲ್ಪರೆ ತೂಯೆರ್. ಒಂತೆ ಆಂಡಲ ಕಾಸ್ ಒರಿಪಾವರೆ ತೂವೊಂದುಲ್ಲೆರ್. ಮಾತೆರ್‍ಲ ಸರಳ ಜೀವನೊಗು ಒಗ್ಗ್‌ದ್ ಪೋತೆರ್.
ಶಾಲೆದ ಜೋಕುಲೆಗ್ ಬಸ್, ವ್ಯಾನ್‌ದ ವ್ಯವಸ್ಥೆ ಉಂಡು. ಆಂಡ ಟೀಚರ್‌ನಕುಲು ಅಕ್ಲೆಕ್ಲನ ಗಾಡಿಡ್ ಬರೊಡು. ಅಂಚಿಡ್ ಪೆಟ್ರೋಲ್, ಡೀಸೆಲ್‌ದ ಬಿಲೆ ಜಾಸ್ತಿ. ಕಾಸ್ ಒರಿಯೊಂದಿತ್ತಿಜಿ. ಆ ಪೊರ್ತುಡು ಸುರತ್ಕಲ್ ಎಂಆರ್‌ಪಿಎಲ್‌ದ ಡೆಲ್ಲಿ ಪಬ್ಲಿಕ್ ಸ್ಕೂಲ್‌ದ ಶಿಕ್ಷಕೆರ್ ಒಂಜಿ ಉಪಾಯ ಮಲ್ತೆರ್. ಅವು ದಾದ ಪಂಡ ಶಾಲೆದ ಟೀಚರ್‌ನಕ್ಲೆಗ್ಲ ಸ್ಕೂಲ್ ಬಸ್ ಪನ್ಪಿನ ಕಾಸೆಪ್ಟ್!
ಒಂಜಿ ವ್ಯಾನ್ ಬುಕ್ ಮಲ್ತ್‌ದ್ ಮಾತೆರ್‍ಲ ಒಂಜೇ ಗಾಡಿಡ್ ಪೋದು ಬರ್ಪಿನ ವ್ಯವಸ್ಥೆ ಮಲ್ತೊಂಡೆರ್. ಸುಮಾ ಬೊಕ್ಕ ಶಾಮಲ ಟೀಚರ್‌ನಕುಲು ಈ ಐಡಿಯೊನು ಬೇತೆ ಟೀಚರ್‌ನಕ್ಲೆನ ಒಟ್ಟುಸೇರಿಗೆಡ್ ಅನುಷ್ಠಾನೊಗು ಕನದೆರ್. ೧೫ ಜನ ಶಿಕ್ಷಕೆರ್ ಒಟ್ಟುಗಾದ್ ಒಂಜಿ ಮಿನಿ ಬಸ್‌ದ ವ್ಯವಸ್ಥೆ ಮಲ್ತೊಂಡೆರ್. ಇತ್ತೆ ಆ ಬಸ್‌ಡೇ ಶಾಲೆಗ್ ಪೋದು ಬರೊಂದುಲ್ಲೆರ್.
ಡ್ರೈವರ್ ಪೊರ್ತುಗು ಸರಿಯಾದ್ ಶಿಕ್ಷ್ಷಕೆರ್‍ನ ಇಲ್ಲ ಬಾಕಿಲ್‌ಗ್ ಬತ್ತ್‌ದ್ ಅಕ್ಲೆನ್ ಶಾಲೆಗ್ ಲೆತೊಂದು ಪೋದು ಬಯ್ಯಗ್ ಅಂಚೆನೆ ಇಲ್ಲ ಬಾಕಿಲ್Uನ್ಪಿರ ಕನತ್ ಬುಡ್ಪೆರ್. ಉಂದೆಟ್ಟ್ ಪೊರ್ತುಲ ಹಾಳಾಪುಜಿ. ದುಡ್ಡುಲ ಎಚ್ಚ ಕರ್ಚಾಪುಜಿ ಪನ್ಪೆರ್ ಈ ಬಸ್‌ಟ್ ದಿನೊಲ ಪೋಪಿನ ಟೀಚರ್‌ನಕುಲು. ಅಕ್ಲೆನ ಈ ಯೋಜನೆ ಯಶಸ್ವಿ ಆವಡ್. ಕಷ್ಟದ ಕಾಲೊಡು ಮಲ್ದಿನ ಈ ವ್ಯವಸ್ಥೆ ಬೇತೆಕಲೆಗ್ಲ ಮಾದರಿ ಆವಡ್ ಪನ್ಪಿನ ಆಶಯ ನಮ್ಮವು.

ನನ ತಿಕ್ಕುಂಡುಗೆ 10 ರೂ.ಗ್ ವಣಸ್

ದಿಲ್ಲಿ: ಕೇಂದ್ರ ಸರ್ಕಾರ ಇಡೀ ದೇಶೊಡು ಸಬ್ಸಿಡಿ ಆಧಾರಿತ ಕ್ಯಾಂಟೀನ್ ಯೋಜನೆನ್ ಸುರು ಮಲ್ಪರೆ ಆಲೋಚನೆ ಮಲ್ದ್ಂಡ್. ಒಂಜಿ ವೇಳೆ ಈ ಯೋಜನೆ ಸುರುವಾಂಡ ಜನೊಕ್ಲೆಗ್ ಬಾರಿ ಕಮ್ಮಿ ಕಾಸ್‌ಡ್ ಪಂಡ 10ರೂ.ಗ್ ಒಂಜಿ ವಣಸ್ ತಿಕ್ಕುನ ಸಾಧ್ಯತೆ ಉಂಡು.

ಕರ್ನಾಟಕಡ್ ಇಂದಿರಾ ಕ್ಯಾಂಟೀನ್, ತಮಿಳ್ನಾಡ್‌ಡ್ ಅಮ್ಮಾ ಕ್ಯಾಂಟೀನ್ ಯೋಜನೆ ಇತ್ತಿಲೆಕ್ಕನೆ ಅವೆರ್ದ್ ಸುಧಾರಿತ ರೀತಿಡ್ ಸಬ್ಸಿಡಿ ಕ್ಯಾಂಟೀನ್ ಸುರು ಮಲ್ಪರೆ ಕೇಂದ್ರ ಸರಕಾರ ಚಿಂತನೆ ಮಲ್ತೊಂದುಂಡು ಪಂದ್ ತೆರಿದ್ ಬೈದ್ಂಡ್.
ಸದ್ಯೊಗು ಚಾಲನೆಡ್ ಉಪ್ಪುನ ಪಿಎಂ ಗರೀಬ್ ಕಲ್ಯಾಣ ಯೋಜನೆ ಬೊಕ್ಕ ಆಹಾರ ಸಬ್ಸಿಡಿ ಯೋಜನೆದ ಸಾಧಕ ಬಾಧಕ ದಾದ ಪಂದ್ ತೆರಿದ್ ಬೊಕ್ಕ ಈ ಯೋಜನೆ ಜಾರಿಗೆ ಬರ್ಪಿನ ಸಾಧ್ಯತೆ ಉಂಡು.
ಬಡವೆರೆಗ್ 10 ರೂ. ಇಜ್ಜಾಂಡ 15ರೂ. ಗ್ ಒಂಜಿ ವಣಸ್ ಕೊರ್ಪಿನ ನಿಲೆಟ್ಟ್ ಈ ಪ್ರಸ್ತಾವನೆ ಬೈದ್ಂಡ್. ಉಂದೆನ್ ಪರಿಶೀಲನೆ ಮಲ್ತೊಂದುಲ್ಲ ಪಂದ್ ಪಣವುದ ಸಚಿವಾಲಯದ ಅಧಿಕಾರಿಲು ತೆರಿಪಾದೆರ್. ಬಡವೆರ್ ಅಕ್ಲೆನ ರೇಷನ್ ಕಾರ್ಡ್ ಇಜ್ಜಿಡ ಆಧಾರ್ ಕಾರ್ಡ್ ತೋಜಪಾದ್ ಕಡಿಮೆ ಕ್ರಯೊಟ್ಟು ವಣಸ್ ಮಲ್ಪೊಲಿ ಪಂದ್ ಅಯಿತ ವರದಿ ತೆರಿಪಾದ್ಂಡ್.

2012ನೇ ಇಸ್ವಿದ ಗಣರಾಜ್ಯೋತ್ಸವ ಪೆರೇಡ್‌ಡ್ ತೋಜಿದ್ಂಡ್ ‘ತುಳುನಾಡ ದೈವಾರಾಧನೆ’ ಗೌಜಿ

ಕುಡ್ಲ: ದಿಲ್ಲಿಡ್ ನಡಪುನ 2022ನೇ ವರ್ಷದ ಗಣರಾಜ್ಯೋತ್ಸವ ಪೆರೇಡ್‌ಡ್ ಪಾಲ್ ಪಡೆವುನ ಟ್ಯಾಬ್ಲೊದ ವಿಚಾರೊಡು ಬಾರಿ ಚರ್ಚೆ ಆವೊಂದುಂಡು. ಕೇರಳ ಸರಕಾರದ ಬ್ರಹ್ಮಶ್ರೀ ನಾರಾಯಣ ಗುರುಕ್ಕುಲೆನ ಅಂಚೆನೆ ಜಟಾಯು ಪಾರ ಪನ್ಪಿನ ಸ್ತಬ್ಧಚಿತ್ರೊನು ಕೇಂದ್ರ ಸರಕಾರ ತಿರಸ್ಕಾರ ಮಲ್ದಿನ ವಿಚಾರೊಡು ವಿರೋಧ ಬೊಕ್ಕ ಸಮರ್ಥನೆದ ನಡುಟ್ಟೆ ಚರ್ಚೆ ನಡತೊಂದುಂಡು. ಕೇರಳ ಮಾತ್ರ ಅತ್ತಾಂದೆ ತುಳುವ ಮಣ್ಣ್‌ಡ್‌ಲ ಸಮಾಜ ಸುಧಾರಣೆ ಮಲ್ದಿನ ನಾರಾಯಣ ಗುರುಕ್ಕುಲೆಗ್ ಅವಮಾನ ಆತಿನ ವಿಚಾರೊಡು ಅವ್ವೇತೊ ಸಂಘಟನೆದಕುಲು ಖಂಡಿಸಾದ್, ತಪ್ಪುನು ಸರಿ ಮಲ್ಪರೆ ಒತ್ತಾಯ ಮಲ್ತೊಂದುಲ್ಲೆರ್.ಆಂಡ ಅವೆನ್ ಸರಿ ಮಲ್ಪುನ ವಿಚಾರ ಕೇಂದ್ರ ಸರಕಾರೊಗು ಬುಡ್ತಿನವು. ಇಂಚಿನ ಪೊರ್ತುಡು ೨೦೧೨ನೇ ಇಸ್ವಿದ ಗಣರಾಜ್ಯೋತ್ಸವ ಪೆರೇಡ್‌ಡ್ ತುಳುನಾಡ್‌ದ ದೈವಾರಾಧನೆದ ಟ್ಯಾಬ್ಲೋಗು ಬಾರಿ ಗೌರವ ತಿಕ್‌ದ್ಂಡ್ ಪನ್ಪಿನ ವಿಚಾರದ ವೀಡಿಯೊ ಬಾರಿ ವೈರಲ್ ಆವೊಂದುಂಡು.
೨೦೧೨ನೇ ಇಸ್ವಿದ ಗಣರಾಜ್ಯೋತ್ಸವದ ಪರೇಡ್‌ಡ್ ಗೋವಾ ರಾಜ್ಯದ ಟ್ಯಾಬ್ಲೊರ್ದು ಬೊಕ್ಕ ಬತ್ತಿನ ಟ್ಯಾಬ್ಲೊ ಕರ್ನಾಟಕದ. ತುಳುನಾಡ ದೈವಾರಾಧನೆ ಪನ್ಪಿನ ಕಾನ್ಸೆಪ್ಟ್‌ನ್ ಅಪಗದ ಕರ್ನಾಟಕ ಸರ್ಕಾರ ಮಲ್ದಿತ್ತ್ಂಡ್. ತುಳುನಾಡ್‌ದ ದೈವಸ್ಥಾನ ಪ್ರತಿಕೃತಿದ ಎದುರುಡು ತಾಸೆ, ವಾದ್ಯ ಬ್ಯಾಂಡ್‌ದ ಹಿನ್ನೆಲೆ ಸೊರೊಟ್ಟು ಮಂತ್ರದೇವತೆನ ನಲಿಕೆದೊಟ್ಟುಗು ಮಾತಾ ದೈವೊಲೆನ ಪ್ರತಿನಿಧಿನಕುಲು ಸಿರಿ ಸಿಂಗಾರಾದ್, ಗಗ್ಗರ ಕಟ್ಟೊಂದು, ಅಣಿ ಕಟ್ಟ್‌ದ್, ಮುಗ ಏರ್‍ದ್ ದಿಲ್ಲಿದ ರಾಜಮಾರ್ಗೊಡು ನಡತೊಂದು ಪೋಪಿನ ಆ ತುಳುನಾಡ ದೈವಾರಾಧನೆದ ವೈಭವ ಬಾರಿ ಮೆಚ್ಚಿಗೆನ್ ಪಡೆದಿತ್ತ್ಂಡ್.


ಆ ಪೊರ್ತುಡು ಕೇಂದ್ರಡ್ ಕಾಂಗ್ರೆಸ್ ಸರಕಾರ ಇತ್ತ್ಂಡ್. ಪ್ರಧಾನಿಯಾದ್ ಮನಮೋಹನ್ ಸಿಂಗ್ ಇತ್ತೆರ್. ಎದುರುಪಕ್ಷದ ನಾಯಕೆರ್ ಲಾಲ್ ಕೃಷ್ಣ ಆಡ್ವಾಣಿ, ಕಾಂಗ್ರೆಸ್‌ದ ಮುಖಂಡೆರ್ ವೀರಪ್ಪ ಮೊಯಿಲಿ, ಎಸ್.ಎಂ.ಕೃಷ್ಣ ಇಂಚಿನ ಮಾತಾ ನಾಯಕೆರ್‍ನ ಎದುರುಡು ಕರ್ನಾಟಕ ರಾಜ್ಯ ಸರಕಾರದ “ತುಳುನಾಡಿನ ದೈವಾರಾಧನೆ’ ಪನ್ಪಿನ ಪರಿಕಲ್ಪನೆದ ಟ್ಯಾಬ್ಲೊ ಮೆರವಣಿಗೆ ಪೋವೊಂದಿತ್ತ್ಂಡ್. ಆ ಪೊರ್ತುಡು ಥೈಲ್ಯಾಂಡ್ ದೇಶದ ಪ್ರಧಾನಿ ಯಂಗ್‌ಲಾಕ್ ಶೀನವ್ರತ ಮಲ್ಲ ಬಿನ್ನೆರಾದ್ ಬತ್ತಿತ್ತೆರ್. ಇಂಚ ಆ ಕಾಲೊಡು ತುಳುನಾಡ್‌ದ ದೈವಾರಾಧನೆ ಪಂಡ ದಾದ ಪಂಡ್‌ದ್ ಲೋಕೊರ್ಮೆ ಪುಗರ್ತೆ ಪಡೆದಿತ್ತ್ಂಡ್.

ಹೋಂ ಐಸೋಲೇಷನ್ಡ್ ಉಪ್ಪುನಕ್ಲೆಗ್ ಮರ್ದ್ದ ಕಿಟ್

ಕುಡ್ಲ : ಕುಡ್ಲಡ್ ಕೋವಿಡ್‌ ಪ್ರಕರಣ ದಿನರ್ದ್ ದಿನಕ್ ಜಾಸ್ತಿ ಆವೊಂದು ಉಪ್ಪುನೆರ್ದಾವರ , ಎಚ್ಚದ ಜನಕ್ ಸೌಮ್ಯ ಗುಣಲಕ್ಷಣ ತೊಜೀದ್ ಬರೊಂದು ಉಂಡು . ಕೋವಿಡ್‌ ಬತ್ದ್ ಗೃಹ ನಿಗಾವಣೆಡ್ ಉಪ್ಪುನಕ್ಲೆಗ್ ಮರ್ದ್ ದ ಪ್ರತ್ಯೇಕ ಕಿಟ್‌ ಕೊರಿಯೆರೆ ಆರೋಗ್ಯ ಇಲಾಖೆ ದುಂಬು ಬೈದುಂಡು .ಕಮ್ಮಿ ಲಕ್ಷಣ ಇತ್ತ್ ದ್ ಹೋಂ ಐಸೋಲೇಶನ್‌ಗ್ ಉಪ್ಪುನ ಕೊರೊನಾ ಸೋಂಕುಪೀಡಿತೆರೆಗ್ ಆರೋಗ್ಯ ಇಲಾಖೆದ ಮುಖೇನ ಕೊರ್ಪಿನ ಕಿಟ್ ಡ್ ಒಟ್ಟು 5 ದಿನ ಉಪಯೋಗ ಮಲ್ಪುನoಚಿನ ಮರ್ದ್ ಉಂಡು ಪಂದ್ ಜಿಲ್ಲಾ ಆರೋಗ್ಯಾಧಿಕಾರಿ ಡಾ| ಕಿಶೋರ್‌ ಕುಮಾರ್‌ ಪಂತೆರ್.

Medical kit for persons on home isolation:

Mangalore: With raising numbers in covid 19 casesin the city; persons with mild symptoms are advised home isolation.The health department has decided to give medical kit to persons on home isolation.The kit has medicine package for five days said medical officer Dr Kishore Kumar.

You Missed