ಬೊಲ್ತೆರ್ ಸುದ್ದಿ | Belthangady News

ಬೆಂಗಳೂರು: ತುಳು ಬಾಸೆದ ಬುಳೆಚ್ಚಿಲೆಗಾದ್ ನಮ್ಮ ಜೋಕುಲೆಗ್ ಅಪ್ಪೆ ಭಾಸೆದ ಪೊಲಬು ಬೋಡು ; ರಾಜರ್ಷಿ ಡಾ.ಡಿ.ವೀರೇಂದ್ರ ಹೆಗ್ಗಡೆ

ತುಳುವೆರೆ ಚಾವಡಿ (ರಿ) ಬೆಂಗಳೂರು ಸಂಘಟನೆ ರಡ್ಡರೆ ವರ್ಷ ಪಿರಾವುದ ಕೊರೊನದ ಪೊರ್ತುಡು ಜೋಕುಲೆ ಪದೊಕುಲು ವರ್ಚುವಲ್ ಕೂಪೆ ಮಲ್ತ್ ದ್ ತುಳು ಬಾಸೆ ಬುಳೆಚ್ಚಿಲೆಗ್ ನಮ್ಮ ಜೋಕುಲೆಗ್ ಅಪ್ಪೆ ಬಾಸೆದ ಪೊಲಬು ಪುಟ್ಟಾವೊಡು ಪಂಡ್ದ್ ತುಳುನಾಡ್ ದ ಹಿರಿಯ ವಿದ್ವಾಂಸೆರೆನ್ ಬೊಕ್ಕ ಕನ್ನಡ-ತುಳು ಸಾಹಿತಿಲೆನ್ ಒಂಜೇ ವರ್ಚುವಲ್ ಚಾವಡಿಡ್ ಸೇರ್ಪಾದ್ ಹಿರಿಯ ಕೆಲವು ವಿದ್ವಾಂಸೆರೆಡ ಬೊಕ್ಕ ಸಾಹಿತಿಲೆಡ ಸಂವಾದ ಕೂಟ ಮಲ್ತ್ ದ್ ಜೋಕುಲೆ ಪದೊಕುಲೆನ್ ಬರೆಪಾವುನ ಸಾಹಿತಿಲೆನ ಕೋಪೆ ಮಲ್ತ್ ದೆರ್. ಅಂಚೆನೇ ಇತ್ತೆದ ಆಧುನಿಕ ತಂತ್ರಜ್ಞಾನದ ಮೂಲಕ ಆಡಿಯೋ, ವೀಡಿಯೊ, ಆನಿಮೇಷನ್ ಮೂಲಕ ತುಳು ಬಾಸೆದ ಬುಳೆಚ್ಚಿಲೆಗ್ ಮಲ್ಲ ಯೋಜನೆ ಮಲ್ತ್ ದ್ ಲೋಕಾರ್ಪಣೆ ಮಲ್ಪರೆ ಬಿನ್ನಯ ಮಲ್ಪೊಡು ಪಂಡ್ದ್ ಬೆಂಗ್ಲೂರು ತುಳುವೆರೆ ಚಾವಡಿದ ಸಂಘಟನೆ ತೀರ್ಮಾನ ಮಲ್ತೆರ್.

ಸೆ.29 ಗುರುವಾರದಾನಿ ಶ್ರೀ ಕ್ಷೇತ್ರ ಧರ್ಮಸ್ಥಳದ ದಿವ್ಯ ಸಾನಿಧ್ಯೊಡ್ ರಾಜರ್ಷಿ ಡಾ. ಡಿ.ವೀರೇಂದ್ರ ಹೆಗ್ಗಡೆರೆಗ್ ಕೇಂದ್ರೊಡ್ದು ರಾಜ್ಯ ಸಭಾ ಸದ್ಯಸ್ಯೆರಾದ್ ಗೌರವ ಮಾನಾದಿಗೆ ಪಡೆಯಿನೆಕ್ಕ್ ತುಳುವೆರೆ ಚಾವಡಿ ಬೆಂಗಳೂರುದ ಸಮಸ್ತ ತುಳುವೆರೆನ ಪರವಾದ್ ಎಡ್ಡೆಪ್ಪುಲು ಸಂದಾಯೆರ್.

ಅಂಚೆನೇ ಜೋಕುಲೆ ಪದಕೊಲು ಬಿನ್ನಯೊದೋಲೆನ್ ಡಾ.ಡಿ.ವೀರೇಂದ್ರ ಹೆಗ್ಗಡೆರ್ ಪೊರ್ಲೈಸಿರೊಡು ಎಡ್ಡೆಪ್ಪುದ ಮದಿಪುಡು ಉದಿಪನ ಮಲ್ತ್ ದ್ ಸಮಸ್ತ ತುಳುವೆರೆನ ಬುಡು ಉಡಲ್ಗ್ ಲೋಕಾರ್ಪಣೆ ಮಲ್ತ್ ದ್ ಪಾತೆರೊಂದು ತುಳುವೆರೆ ಚಾವಡಿ ಬೆಂಗಳೂರು ರಾಜಬೂಡುಡು ತುಳು ಬುಲೆಚ್ಚಿಲೆಗ್ ಬೋಡಾದ್ ಎಡ್ಡೆ ಕಜ್ಜೊಲೆನ್ ಮಲ್ತೊಂದುಲ್ಲೆರ್,ತುಳು ಭಾಷೆ ಒರಿಯೊಡಾಂಡ ಜೋಕುಲೆಗ್ ತುಳುತ ಉಮೇದ್ ಕೊರ್ಪಾವೊಡು ,ಈ ನಿಟ್ಟ್ ಡ್ ಬೆಂಗ್ಲೂರುದ ತುಳುವೆರೆ ಚಾವಡಿದ ಸಂಘಟನೆಗ್ ಖಾವಂದರ್ ಎಡ್ಡೆಪ್ಪುದ ಮದಿಪುನು ಕೊರಿಯೆರ್. ಅಂಚೆನೇ ಎನ್ನ ಪುಲ್ಲಿ ನಾಲ್ ವರ್ಷದ ಬಾಲೆ ಉಪ್ಪುನಗನೇ ಬೇತೆ ಬಾಸೆ ಪಾತೆರೆಂದೆ ತುಳುಟೇ ಪಾತೆರಿನೆಟ್ಟ್ ಉಜಿರೆಡ್ ನಡೆತಿನ ವಿಶ್ವ ತುಳು ಸಮ್ಮೇಳನೊಗ್ ಎಂಕ್ ಪ್ರೇರಣೆ ಆಂಡ್ ಪಂಡ್ದ್ ನೆಂಪು ಮಲ್ತೆರ್.

ಈ ಸಂದರ್ಬೊಡು ತುಳುವೆರೆ ಚಾವಡಿದ ಮಾನಾದಿಗೆದ ಗುರ್ಕಾಲು ಪುರುಷೋತ್ತಮ್ ಚೇಂಡ್ಲಾ ,ಗುರ್ಕಾಲು ಡಿ.ಉಮೇಶ್ ಪೂಂಜ, ಪ್ರಧಾನ ಕಾರ್ಯೆಂತೆರ್ ರಘುವೀರ್ ನಾಯ್ಕ್ , ಜೋಕುಲೆ ಪದೊಕುಲ ಕೂಪೆದ ಮುಖ್ಯ ಸಲಹೆಗಾರೆ ಆಶಾನಂದ ಕುಲಶೇಖರ, ಜೋಕುಲೆ ಪದೊಕುಲೆ ಕೂಪೆದ ಸಂಚಾಲಕೆರ್ ಸತೀಶ್ ಅಗ್ಪಲ್, ಹಿರಿಯ ಸಲಹೆಗಾರೆ ಡಾ.ಕೆ. ಎನ್ .ಅಡಿಗ, ಒತ್ತು ಗುರ್ಕಾರ್ಲು ವಿಶ್ವನಾಥ್ ಎನ್ ಕುಲಾಲ್, ಸದ್ಯಸೆರ್ ಜಗನಾಥ್ ರೈ ಬೊಕ್ಕ ಆಂತರಿಕ ಲೆಕ್ಕ ಪರಿಶೋಧಕೆರ್ ಯಾದವ ಎಸ್. ಕಲ್ಲಾಪು ಮೊಕುಲು ಪೂರ ಇತ್ತೆರ್.

(ವರದಿ : ಯಾದವ ಎಸ್. ಕಲ್ಲಾಪು)

Bangalore: The younger generation must learn the mother tongue for Tulu language to grow- Dr Veerendra Heggade

Bangalore: The Tuluvere Chavadi (R) Bangalore had organised a virtual medium to help youngsters to get a better understanding of the mother tongue Tulu.Programs were organised with senior literary figures and Kannada Tulu language experts and it was decided by the Bangalore Tuluver Chavadi to have a platform for advancing Tulu using latest audio video gadgets and the social media.

This ideas took seed and on September 24 th Dr Veerendra Heggade was honoured by the members of Tuluvere Chavadi and Heggade conved his appreciation and blessings to the new platform were children of parents who were away from their hometown were taught the tradition, culture and customs of the homeland through the visual media platforms. The president of Tuluvere Chavadi Purushottam Chendla, D Umesh Poonja, Raghuveer Nayak and others were present.