ನ. 28 : “ಆಪರೇಷನ್ ಲಂಡನ್ ಕೆಫೆ!” ಸಿನಿಮಾ ಬಿಡುಗಡೆ
ಕುಡ್ಲ : ತುಳು ಚಿತ್ರರಂಗದ ಪುಗರ್ತೆದ ನಟೆ ಅರ್ಜುನ್ ಕಾಪಿಕಾಡ್ ಖಡಕ್ ಆರ್ಮಿ ಆಫೀಸರ್ ಪಾತ್ರಡ್ ಅಭಿನಯ ಮಲ್ದಿನ ಆಫ್ಟರ್ ಓಎಲ್ ಸಿ (ಆಪರೇಷನ್ ಲಂಡನ್ ಕೆಫೆ) ಸಿನಿಮಾ ನ.28 ತಾರೀಕ್‌ಗ್ ರಾಜ್ಯಾದ್ಯಂತ ಬಿಡುಗಡೆ ಆವರೆ ಉಂಡು ಪಂದ್ ಯುವ ನಿರ್ದೇಶಕೆ, ನಾಯಕ ನಟೆ ಕವೀಶ್ ತೆರಿಪಾಯೆರ್
ಆರ್ ಪತ್ರಿಕಾ ಭವನಡ್ ಶನಿವಾರ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರ್ದ್, ಒಂಜೇ ದಿನೊಟ್ಟು ಈ ಸಿನಿಮಾ ಕನ್ನಡ ,ಹಿಂದಿ ಬೊಕ್ಕ ಭಾಷೆಡ್ ಸುಮಸರ್ ಬಿಡುಗಡೆ ಆವರೆ ಉಂಡು ಪಂದ್ ಪಂಡೆರ್.
ತುಳು ಸಿನಿಮಾ ನಟೆ ಅರ್ಜುನ್ ಕಾಪಿಕಾಡ್ ಪಾತೆರ್ದ್, “ಓಎಲ್‌ಸಿ” ಚಿತ್ರತಂಡದಕುಲು ಒರಿ ತುಳು ಸಿನಿಮಾ ನಟನ್ ಪ್ರೀತಿ ದೀದ್ ಲೆಪುಡಾದ್ ಅಭಿನಯ ಮಲ್ಪರೆ ಅವಕಾಶ ಕೊರ್ತೆರ್. ತುಲುವೆರ್ ಬೇತೆ ಬಾಷೆದಲ ಸಿನಿಮಾಗ್ ಪ್ರೋತ್ಸಾಹ ಮಲ್ಪುಲೆ ಪಂದ್ ಪಂಡೆರ್.
ಈ ಸಿನಿಮಾಡ್ ಮರಾಠಿ ಚಿತ್ರರಂಗದ ಪುಗರ್ತೆದ ನಟಿ ಶಿವಾನಿ ಸುರ್ವೆ ಬೊಕ್ಕ ವಿರಾಟ್ ಖಾಂಡೇಕರ್ ವಿಭಿನ್ನ ಚಾಲೆಂಜಿಂಗ್ ಪಾತ್ರಡ್
ತೋಜಿದ್ ಬೈದೆರ್.ಉಂದು ಮಾಸ್ ಬೊಕ್ಕ ಆಕ್ಷನ್ ಪಿಕ್ಚರ್. ಈ ಬಗೆಟ್ಟ್ ಪ್ರಚಾರ ಕಾರ್ಯ ಭಾರಿ ಬಿರ್ಸ್‌ಡ್ ನಡತೊಂಡು ಪಂದ್ ಪಂಡೆರ್.
ಇಂಡಿಯನ್ ಫಿಲಂಸ್ ಲಾಂಛನಡ್ ಈ ಸಿನಿಮಾನ್
ಹವರಾಲ್, ರಮೇಶ್ ಕೊಠಾರಿ, ದೀಪಕ್ ರಾಣೆ ಬೊಕ್ಕ ವಿಜಯ ಪ್ರಕಾಶ್ ನಿರ್ಮಾಣ ಮಲ್ದೆರ್.
ತನ್ನ ಕಡೀರ ಸಿನಿಮಾ ಮುಕೇನ ಭರವಸೆ ಪುಟ್ಟಾದಿನ ಯುವ ನಟೆ ಕವೀಶ್, ನಾಯಕ ನಟೆ ಆದ್ ಅಭಿನಯ ಮಲ್ತ್‌ದ್
ಅದ್ಭುತ ನಟನೆ ಬೊಕ್ಕ ವಿಭಿನ್ನ ಸಾಹಸದ ಮೂಲಕ ಪ್ರೇಕ್ಷಕೆರ್ನ ಮನಸ್ ಗೆಂದ್ ದೆರ್.
ಕನ್ನಡದ ಪುಗರ್ತೆ ದ ಕಲಾವಿದೆರಾಯಿನ ಬಿ. ಸುರೇಶ್, ಕೃಷ್ಣ ಹೆಬ್ಬಾಳೆ, ನೀನಾಸಂ ಅಶ್ವಥ್, ಧರ್ಮೇಂದ್ರ ಅಂಚೆನೆ ಬೇತೆ ಬೇತೆ ಕನ್ನಡ ಬೊಕ್ಕ ಮರಾಠಿ ಕಲಾವಿದೆರ್ ಪಾತ್ರ ಮಲ್ದೆರ್ ಪಂದ್ ಪಂಡೆರ್
ಬೊಂಬೈ ಮೂಲದ ಪಾಂಶು ಝಾ ಸಂಗೀತ, ಆರ್. ಡಿ. ನಾಗಾರ್ಜುನ್, ಛಾಯಾಗ್ರಹಣ ಕಲೆ, ವಿಕ್ರಂ ಮೊರ್, ಮಾಸ್ ಮಾದ ಬೊಕ್ಕ ಅರ್ಜುನ್ ರಾಜ್ ಸಾಹಸ, ಕವಿರಾಜ್ ಡಾ.ನಾಗೇಂದ್ರ ಪ್ರಸಾದ್, ರಾಘವೇಂದ್ರ ಸಾಹಿತ್ಯ ಬರೆತೆರ್. ಅನಿರುದ್ ಶಾಸ್ತ್ರಿ, ಬ್ರಿಜೇಶ್ ಶಾಂಡಿಲ್ಯ, ಐಶ್ವರ್ಯ ರಂಗರಾಜನ್ ಪ್ರಥ್ವಿ ಭಟು ಮೊಕುಲು ಮಾತ್ರ ಇತ್ತೆರ್.
ವಿನಾದ್ ಮ್ಯೂಸಿಕ್ ಲಾಂಛನಡ್ ಈಗಾಗಲೇ ಬಿಡುಗಡೆ ಆತಿನ ಈ ಚಿತ್ರದ ಕನ್ನಡ ಮರಾಠಿ ಪದ್ಯೊಲು ಬೊಕ್ಕ ಟ್ರೇಲರ್ ಟ್ರೆಂಡಿಂಗ್‌ಡ್ ಉಂಡು ಪಂಡೆರ್. ಪತ್ರಿಕಾಗೋಷ್ಠಿಡ್ ನಾಯಕ ನಟೆ ಕವೀಶ್, ನಿರ್ದೇಶಕೆರ್ ವಿಜಯ ಕುಮಾರ್ ಅವರಾಲ್ ಇತ್ತೆರ್.
