ಇಲ್ಲ್ದ ಮಿತ್ತ್ ಗೋಡೆ ಮಗ್ರ್ದ್ 3 ಜನ ಸಾವು

ಕುಡ್ಲದ ಕಂಕನಾಡಿ ನಾಗುರಿಡ್ ಇಲ್ಲ್ದ ಮಿತ್ತ್ ಗೋಡೆ ಮಗ್ರ್ದ 3 ಜನ ಸಾವು
ಬಿಹಾರ ಮೂಲದ ಕಾರ್ಮಿಕ ಕುಟುಂಬದ ಒರ್ತಿ ಪೊಂಜೊವು, 2 ಪೊಣ್ಣು ಜೋಕುಲು ಮರಣ

ಕುಡ್ಲದ ಕಂಕನಾಡಿ ನಾಗುರಿಡ್ ಇಲ್ಲ್ದ ಮಿತ್ತ್ ಗೋಡೆ ಮಗ್ರ್ದ 3 ಜನ ಸಾವು
ಬಿಹಾರ ಮೂಲದ ಕಾರ್ಮಿಕ ಕುಟುಂಬದ ಒರ್ತಿ ಪೊಂಜೊವು, 2 ಪೊಣ್ಣು ಜೋಕುಲು ಮರಣ


ಕುಡ್ಲ : ಮಸ್ತ್ ವರ್ಷರ್ದಿಂಚಿ ರಂಗ ಸೇವೆ ಮಲ್ಪುನ “ರಂಗಕೇಸರಿ” ರಮೇಶ್ ರೈ ಕುಕ್ಕುವಳ್ಳಿ ಸಾರಥ್ಯದ ‘ಪ್ರಕೃತಿ ಕಲಾವಿದೆರ್, ಕುಡ್ಲ ಕೂಟದ ಈ ವರ್ಷದ ಪೊಸ ಸಾಮಾಜಿಕ, ಹಾಸ್ಯಮಯ ನಾಟಕ “ಕೃಷ್ಣಣ್ಣ ಬೇಗ ಬಲೇ” ನೆತ್ತ ಮೂರ್ತದ ಲೇಸ್ ಕುತ್ತಾರ್ದ ಶ್ರೀ ಸಿದ್ಧಿ ವಿನಾಯಕ ರಾಜರಾಜೇಶ್ವರಿ ದೇವಸ್ಥಾನಡ್ ಕ್ಷೇತ್ರದ ಪ್ರಧಾನ ಅರ್ಚಕೆರ್ ವಿಜಯ್ ನಾವಡ ತಲಪಾಡಿ ಮೆರೆನ ಉಪಸ್ಥಿತಿಟ್ಟ್ ನಡತ್ಂಡ್.
ಸಭಾ ಕಾರ್ಯಕ್ರಮದ ಗುರ್ಕಾರ್ಮೆನ್ ಶ್ರೀ ಸಿದ್ಧಿ ವಿನಾಯಕ ರಾಜ ರಾಜೇಶ್ವರಿ ದೇವಸ್ಥಾನದ ಅಧ್ಯಕ್ಷೆರ್ ಪವಿತ್ರ ಕುಮಾರ್ ಗಟ್ಟಿ ವಹಿಸ್ದಿತ್ತೆರ್. ಮಲ್ಲ ಬಿನ್ನೆರಾದ್ ನಾಗ ಕನ್ನಿಕಾ ರಕ್ತೇಶ್ವರಿ ಕ್ಷೇತ್ರ ಬೋಳೂರು ನೆತ್ತ ಧರ್ಮದರ್ಶಿಲಾಯಿನ ಜಿ. ಎ ಬೋಳೂರ್ , ಕೋಶಾಧಿಕಾರಿ ಜಗನ್ನಾಥ್ ಸಾಲ್ಯಾನ್ , ಸುರೇಶ್ ಆಚಾರ್, ಜೆ. ಕೆ ರೈ ಪಿಲಾರ್,ಸತೀಶ್ ಕದ್ರಿ, ಜಿಪಂ ಮಾಜಿ ಸದಸ್ಯೆರ್ ಧನಲಕ್ಷ್ಮೀ ಗಟ್ಟಿ ರಮೇಶ್ ರೈ ಕುಕ್ಕುವಳ್ಳಿ,
ನಾಟಕದ ನಿರ್ದೇಶಕೆರ್
ಶಿವಪ್ರಕಾಶ್ ಪೂಂಜ ಹರೇಕಳ, ನಾಟಕ ರಚನೆ ಗಾರೆ ನಿತಿನ್ ಹೊಸಂಗಡಿ ಮೊಕುಲು ಮಾತ ಇತ್ತ್ದ್ ಎಡ್ಡೆಪ್ಪು ಬಯಕಿಯೆರ್. ಕಲಾವಿದೆ ಗೋಪಿನಾಥ್ ಶೆಟ್ಟಿ ಕಾವೂರು ಕಾರ್ಯಕ್ರಮ ನಿರೂಪಣೆ ಮಲ್ತೆರ್. ಉದಯ್ ಕುತ್ತಾರ್ ಸೊಲ್ಮೆ ಸಂದಾಯೆರ್.

ಕುಡ್ಲ : ಒಡಿಪುಡು 1928 ಸೆಪ್ಟೆಂಬರ್ 23ಕ್ಕ್ ಸ್ಥಾಪನೆಯಾದ್, 2028ನೇ ಇಸ್ವಿಡ್ 100 ವರ್ಷದ ಸಂಬ್ರಮೊ ಆಚರಿಪುನ “ತುಳುವ ಮಹಾಸಭೆ” ಪನ್ಪಿನ ಐತಿಹಾಸಿಕ ಸಂಘಟನೆದ ಜಾಗತಿಕ ಕೂಟ ತುಳುವ ಮಹಾಸಭೆ ಇಂಟರ್ ನ್ಯಾಷನಲ್ದ ಅಂತರರಾಷ್ಟ್ರೀಯ ಗುರ್ಕಾರ್ಲಾದ್ ಯುನೈಟೆಡ್ ಅರಬ್ ಎಮಿರೇಟ್ಸ್ದ ಹಿರಿಯ ಸಮಾಜಸೇವಕೆರ್, ಉದ್ಯಮಿ ಬೊಕ್ಕ ಅನಿವಾಸಿ ತುಳುವ ಸಮುದಾಯದ ಪ್ರಮುಖ ಸಂಘಟಕೆ ಸರ್ವೋತ್ತಮ ಶೆಟ್ಟಿ ಆಯ್ಕೆ ಆತೆರ್.
ಒಡಿಪು ಜಿಲ್ಲೆ ಪಾರೀಕ ಗ್ರಾಮದಾರಾಯಿನ ಸರ್ವೋತ್ತಮ ಶೆಟ್ಟಿ ಮೇರ್ ಕರಿನ 48 ವರ್ಷರ್ದಿಂಚಿ ಯುನೈಟೆಡ್ ಅರಬ್ ಎಮಿರೇಟ್ಸ್ಡ್ ಕನ್ನಡ ಬೊಕ್ಕ ತುಳು ಭಾಷೆ, ಕಲೆ ಅಂಚೆನೆ ಸಂಸ್ಕೃತಿದ ಬುಳೆಚ್ಚಿಲ್ಗ್ ಮಲ್ಲ ಕೊಡುಗೆ ಕೊರ್ತೆರ್. ಅಬುಧಾಬಿ ಕರ್ನಾಟಕ ಸಂಘ, ಯುಎಇ ಬಂಟ್ಸ್, ಯುಎಇ ತುಳು ಕೂಟ ಸೇರ್ದ್ ಒಂಜಾತ್ ಸಂಘಟನೆಲೆನ ಸ್ಥಾಪನೆ ಬೊಕ್ಕ ಬುಳೆಚ್ಚಿಲ್ಡ್ ಮಲ್ಲ ಪಾತ್ರ ವಹಿಸ್ದಿನ ಮೇರ್, ಅನಿವಾಸಿ ತುಳುವೆರೆನ್ ಜಾಗತಿಕ ಮಟ್ಟಡ್ ಒಟ್ಟು ಮಲ್ಪುನ ಬೇಲೆಡ್ ಸಕ್ರಿಯವಾದುಲ್ಲೆರ್.
2016ಟ್ಟ್ ಕಾಸ್ರೋಡು ಜಿಲ್ಲೆ ಬದಿಯಡ್ಕಡ್ 5 ದಿನ ನಡತಿನ ಐತಿಹಾಸಿಕ “ವಿಶ್ವ ತುಳುವೆರೆ ಆಯನೊ”ದ ಅಧ್ಯಕ್ಷೆರಾದ್ ಯಶಸ್ವಿ ನಾಯಕತ್ವ ವಹಿಸ್ದಿತ್ತೆರ್. 2018 ಟ್ಟ್ ದುಬೈಡ್ ನಡತಿನ ವಿಶ್ವ ತುಳು ಸಮ್ಮೇಳನದ ಅಧ್ಯಕ್ಷೆರಾದ್ಲ ಸೇವೆ ಮಲ್ದೆರ್.
ಸರ್ವೋತ್ತಮ ಶೆಟ್ಟಿ ಮೇರ್ ತುಳುವರ್ಲ್ಡ್ ಫೌಂಡೇಶನ್ದ ನಿಕಟ ಪೂರ್ವ ಅಧ್ಯಕ್ಷೆರಾದ್ಲ ಸೇವೆ ಮಲ್ದೆರ್. 1998ನೇ ಕರ್ನಾಟಕ ಸರಕಾರ ರಾಜ್ಯೋತ್ಸವ ಪ್ರಶಸ್ತಿ (ಹೊರನಾಡ ಕನ್ನಡಿಗ) ಕೊರ್ದು ಗೌರವ ಮಲ್ದ್ಂಡ್.
ಕುಡ್ಲ : ಬಂಟರ ಯಾನೆ ನಾಡವರ ಮಾತೃ ಸಂಘ, ಶ್ರೀ ಸಿದ್ಧಿ ವಿನಾಯಕ ಪ್ರತಿಷ್ಠಾನ ಬೊಕ್ಕ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ನಿರೆಲ್ಡ್ ಬಂಟ್ಸ್ ಹಾಸ್ಟೆಲ್ಡ್ ಸೆಪ್ಟೆಂಬರ್ 14-16 ತಾರೀಕ್ ಮುಟ್ಡ ನಡಪರೆ ಉಪ್ಪುನ 20ನೇ ವರ್ಷದ ಸಾರ್ವಜನಿಕ ಗಣೇಶೋತ್ಸವ ಸಮಿತಿದ ಸಂಚಾಲಕೆರಾದ್ ಉದ್ಯಮಿ, ಸಮಾಜ ಸೇವಕೆರಾಯಿನ ಜಯಶೀಲ ಅಡ್ಯಾಂತಾಯ ಅಡ್ಯಾರ್ ಗುತ್ತು ಆಯ್ಕೆ ಆಯೆರ್.
ಶ್ರೀ ಗಣೇಶೋತ್ಸವದ ಅಟ್ಟಣೆದ ಸಭೆ ಬಂಟ್ಸ್ ಹಾಸ್ಟೆಲ್ದ ಅಮೃತೋತ್ಸವ ಕಟ್ವಾಣಡ್ ಟ್ರಸ್ಟ್ ದ ಅಧ್ಯಕ್ಷೆರ್ ಅಜಿತ್ ಕುಮಾರ್ ರೈ ಮಾಲಾಡಿ ಮೆರೆನ ಗುರ್ಕಾರ್ಮೆಡ್ ನಡತ್ಂಡ್.
ಬಂಟರ ಯಾನೆ ನಾಡವರ ಮಾತೃ ಸಂಘದ ಅಧ್ಯಕ್ಷೆರ್ ಕೆ ಅಜಿತ್ ಕುಮಾರ್ ರೈ ಮಾಲಾಡಿ, ಪ್ರಧಾನ ಕಾರ್ಯದರ್ಶಿ ಎಮ್ ಕರುಣಾಕರ ಶೆಟ್ಟಿ, ಕೋಶಾಧಿಕಾರಿ ಸಿಎ ರಾಮ್ ಮೋಹನ್ ರೈ, ಸಿದ್ಧಿವಿನಾಯಕ ಪ್ರತಿಷ್ಠಾನದ ಟ್ರಸ್ಟಿಲಾಯಿನ ಕೃಷ್ಣಪ್ರಸಾದ್ ರೈ, ಕಾರ್ಯಕಾರಿ ಸಮಿತಿ ಸದಸ್ಯೆರಾಯಿನ ಎಮ್ ಸುಂದರ ಶೆಟ್ಟಿ, ವಸಂತ ಶೆಟ್ಟಿ ಜೆಪ್ಪು, ಪದವು ಮೇಗಿನಮನೆ ಉಮೇಶ್ ರೈ, ಉಲ್ಲಾಸ್ ಶೆಟ್ಟಿ ಪೆರ್ಮುದೆ, ರತ್ನಾಕರ ಶೆಟ್ಟಿ ಎಕ್ಕಾರ್, ಮನೀಶ್ ರೈ ಅಡ್ಯಾರ್, ಜಗದೀಶ್ ಶೆಟ್ಟಿ ಬಿಜೈ, ಮಂಗಳೂರು ತಾಲೂಕು ಸಮಿತಿದ ಸಂಚಾಲಕೆರ್ ದಿವಾಕರ ಸಾಮಾನಿ ಚೇಳ್ಯಾರು ಗುತ್ತು ಮೊಕುಲು ಮಾತ ಇತ್ತೆರ್.
ಜಯಶೀಲ ಅಡ್ಯಂತಾಯ ಮೇರ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಟ್ರಸ್ಟಿಯಾದ್ ಬಸ್ ಮಾಲಕರ ಸಂಘದ ಅಧ್ಯಕ್ಷೆರಾದ್, ಎಪಿಎಂಸಿ ಸದಸ್ಯರಾದ್, ದ.ಕ.ಜಿಲ್ಲಾ ಕಾಂಗ್ರೆಸ್ ಉಪಾಧ್ಯಕ್ಷೆರಾದ್, ಅಡ್ಯಾರ್ ಪಕ್ಷಿಕೃಷ್ಣ ಮಹಾವಿಷ್ಣು ದೇವಸ್ಥಾನದ ಕೋಶಾಧಿಕಾರಿಯಾದ್, ಬಂಟರ ಮಾತೃ ಸಂಘದ ಮಂಗಳೂರು ತಾಲೂಕು ಸಮಿತಿ ಸದಸ್ಯೆರಾದ್, ಅಡ್ಯಾರ್ ಗ್ರಾಮ ಪಂಚಾಯತ್ ಸದಸ್ಯೆರಾದ್ ಸೇವೆ ಮಲ್ದೆರ್. ಅಡ್ಯಾರ್ ಫ್ಯಾಮಿಲಿ ಟ್ರಸ್ಟ್ ದ ಉಪಾಧ್ಯಕ್ಷೆರಾದ್ ಕರ್ತವ್ಯ ನಿರ್ವಹಣೆ ಮಲ್ಪುನ ಜಯಶೀಲ ಅಡ್ಯಂತಾಯೆರ್ ಬಂಟ್ಸ್ ಹಾಸ್ಟೆಲ್ ಶ್ರೀ ಸಿದ್ದಿವಿನಾಯಕ ಪ್ರತಿಷ್ಠಾನದ ಗಣೇಶೋತ್ಸವ ಸಮಿತಿದ ಸಂಚಾಲಕೆರಾದ್ ಆಯ್ಕೆಯಾದ್, ಸಿದ್ಧಿವಿನಾಯಕ ದೇವೆರ್ನ ಸೇವೆಗ್ ತಯಾರಾತೆರ್. ಈ ಉಚ್ಚಯೊಡು ಮಾತೆರ್ಲ ಸರ್ವ ರೀತಿದ ಸಹಕಾರ ಕೊರ್ದು ಯಶಸ್ವಿ ಮಲ್ಪುಗ” ಪಂದ್ ಪಂಡೆರ್ .

ಕುಡ್ಲ : ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿರ್ದ್ ದ.ಕ.ಜಿಲ್ಲಾ ಮಟ್ಟದ ಪತ್ರಿಕಾ ದಿನಾಚರಣೆ ಜು.1 ಕಾಂಡೆ 11 ಗಂಟೆಗ್
ಪತ್ರಿಕಾ ಭವನಡ್ ನಡಪರೆ ಉಂಡು. ಮಂಗಳೂರು ನಗರ ಪೊಲೀಸ್ ಆಯುಕ್ತೆರ್ ಸುಧೀರ್ ಕುಮಾರ್ ರೆಡ್ಡಿ ಕಾರ್ಯಕ್ರಮ ಉದಿಪನ ಮಲ್ಪುವೆರ್ . ಪತ್ರಕರ್ತರ ಸಂಘದ ಜಿಲ್ಲಾಧ್ಯಕ್ಷೆರ್ ಪುಷ್ಪರಾಜ್ ಬಿ.ಎನ್, ಅಧ್ಯಕ್ಷತೆ ವಹಿಸೊನ್ವೆರ್. ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಡಾ.ವಿ.ಕರಿಕಾಲನ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆಯರೆ ಉಲ್ಲೆರ್.
ನ್ಯೂಸ್ ೧೮ ಕನ್ನಡ ವಾಹಿನಿದ ಪ್ರಧಾನ ಸಂಪಾದಕೆರ್ ಹರಿಪ್ರಸಾದ್ ಅಡ್ಪಂಗಾಯ ಉಪನ್ಯಾಸ ಕೊರಿಯರೆ ಉಲ್ಲೆರ್. ಮಂಗಳೂರು ಪ್ರೆಸ್ ಕ್ಲಬ್ ಅಧ್ಯಕ್ಷೆರ್ ಪಿ.ಬಿ.ಹರೀಶ್ ರೈ ಹಿರಿಯ ಪತ್ರಿಕಾ ವಿತರಕೆರೆಗ್ ಸನ್ಮಾನ ಮಲ್ಪರೆ ಉಲ್ಲೆರ್. ಬೊಕ್ಕ ಪತ್ರಕರ್ತರ ಸಂಘದ ರಾಜ್ಯ ಉಪಾಧ್ಯಕ್ಷೆರ್ ಅಜ್ಜಮಾಡ ರಮೇಶ್ ಕುಟ್ಟಪ್ಪ ಪತ್ರಕರ್ತೆರ್ನ ಜೋಕ್ಲೆಗ್ ಪ್ರತಿಭಾ ಪುರಸ್ಕಾರ ಪ್ರದಾನ ಮಲ್ಪರೆ ಉಲ್ಲೆರ್. ಪತ್ರಕರ್ತರ ಸಂಘದ ರಾಜ್ಯ ಕಾರ್ಯಕಾರಿ ಸಮಿತಿ ಸದಸ್ಯೆರ್ ಶ್ರೀನಿವಾಸ ನಾಯಕ್ ಇಂದಾಜೆ, ಪತ್ರಿಕಾಭವನ ಟ್ರಸ್ಟ್ ಅಧ್ಯಕ್ಷೆರ್ ಅನ್ನು ಮಂಗಳೂರು ಲೇಸ್ಡ್ ಪಾಲ್ ಪಡೆವೆರ್ ಪಂದ್ ಪತ್ರಕರ್ತರ ಸಂಘದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ರಾಜೇಶ್ ಕೆ. ಪೂಜಾರಿ ಪ್ರಕಟಣೆಡ್ ತೆರಿಪಾದೆರ್.
ಕುಡ್ಲ : ಕುಡ್ಲರ್ದ್ ಉಳಾಯಿಬೆಟ್ಟುಗು ಪೋಪಿನ ಮಾರ್ಗಡ್ ಸಾಲೆ ಮೇಲ್ಮನೆ ಪನ್ಪಿನಲ್ಪ ಸುಮಾರ್ 5 ಕೋಟಿ ರೂ. ಕರ್ಚಿಡ್ ಆಪಿನ ಸಂಕದ ಬೇಲೆ ಪೂರ್ಣ ಆದ್ ಸಂಚಾರ ಸುಗಮ ಆತ್ಂಡ್.
ಬೇಲೆ ಸುರುವಾದ್ 8 ತಿಂಗೊಲು ಕರಿಂಡಲ ಪೂರ ಮುಗಿಯಂದೆ ಜನಕ್ಲೆಗ್, ಗಾಡಿದಕ್ಲೆಗ್ ಪೋವರೆ ಬರಿಯರೆ ಕಷ್ಟ ಆವೊಂದಿತ್ತ್ಂಡ್. ಮಣ್ಣ್ದ ಮಾರ್ಗೊಡು ಕೆಸರ್ ದಿಂಜಿದ್ ಸಂಚಾರದ ಸಮಸ್ಯೆ ಆದಿತ್ತ್ಂಡ್. ಇತ್ತೆ ಸಂಕದ ಬೇಲೆ ಮುಗಿದ್ ಗಾಡಿಲೆನ ಸಂಚಾರ ಸುಗಮವಾತ್ಂಡ್.

ಮುಲ್ಕಿ : ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿ ಲಿಮಿಟೆಡ್ ಹಳೆಯಂಗಡಿ ವತಿರ್ದ್ 2025-26 ನೇ ವರ್ಷದ ಎಸ್ ಎಸ್ ಎಲ್ ಸಿ ಬೊಕ್ಕ ಪಿಯುಸಿಡ್ ಶೇಕಡ 85 ಬೊಕ್ಕ ಅಯಿರ್ದ್ ಎಚ್ಚ ಅಂಕ ದೆತೊಂದು ತೇರ್ಗಡೆ ಆಯಿನ ಸೊಸೈಟಿದ ಸದಸ್ಯೆರ್ನ ಜೋಕುಲೆನ್ ಗೌರವ ಮಲ್ಪಯನ ಕಾರ್ಯಕ್ರಮ ಸೊಸೈಟಿದ ಮಹಾಸಭೆ ದಿನ (ಆಗಸ್ಟ್ 8) ನಡಪರೆ ಉಂಡು. ಅರ್ಹ ವಿದ್ಯಾರ್ಥಿಲು ಮಾರ್ಕ್ಸ್ ಕಾರ್ಡ್ ಬೊಕ್ಕ ಫೊಟೊನ್ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಮಾತಾ ಶಾಖೆ ಅತ್ತ್ಡ ಅಧಿಕೃತ ವೆಬ್ ಸೈಟ್ www.priyadarshinisociety.com ಡ್ ಉಪ್ಪುನ ಅರ್ಜಿನ್ ದೆತೊಂದು 31/07/2026 ತ್ತ ಉಲಯಿ ಅರ್ಜಿ ಪಾಡೊಲಿ. ಉಂದೆತ್ತ ಪ್ರಯೋಜನನ್ ದೆತೊನೊಡು ಪಂದ್ ಸೊಸೈಟಿ ಅಧ್ಯಕ್ಷೆರ್ ಹೆಚ್. ವಸಂತ್ ಬೆರ್ನಾರ್ಡ್ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.
ಸುರತ್ಕಲ್: ಬಂಟರ ಸಂಘ (ರಿ) ಸುರತ್ಕಲ್ ನೆತ್ತ 26ನೇ ವರ್ಷದ ಮಹಾಸಭೆ, ಅಭಿನಂದನೆ, ಸಹಾಯಹಸ್ತ, ವಿದ್ಯಾರ್ಥಿ ವೇತನ, ದತ್ತಿ ನಿಧಿ ಬೊಕ್ಕ ಸಮೂಹ ನೃತ್ಯ ಸ್ಪರ್ಧೆ ಕಾರ್ಯಕ್ರಮ ಐತಾರ ಬಂಟರ ಸಂಘದ ಚಾವಡಿಡ್ ನಡತ್ಂಡ್.
ಬಂಟರ ಯಾನೆ ನಾಡವರ ಮಾತೃಸಂಘದ ಅಧ್ಯಕ್ಷೆರ್ ಕೆ ಅಜಿತ್ ಕುಮಾರ್ ರೈ ಮಾಲಾಡಿ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್. ಈ ಪೊರ್ತುಡು ಪಾತೆರ್ನ ಆರ್ “ನಮ್ಮ ಜೋಕುಲೆಗ್
ಶಿಕ್ಷಣದ ಒಟ್ಟುಗು ಎಡ್ಡೆ ಸಂಸ್ಕಾರ ಕಲ್ಪಾವೊಡು. ಪುಟುದು ಬಲದಿನ ಊರು, ಹಿರಿಯೆರ್, ಅಪ್ಪೆ ಅಮ್ಮೆರೆನ್ ಜೋಕುಲು ಬುಡ್ದು ಪಾಡರೆ ಬಲ್ಲಿ” ಪಂದ್ ಪಂಡೆರ್.
ಮುಂಬೈ ಬಂಟರ ಸಂಘದ ಅಧ್ಯಕ್ಷೆರ್ ಪ್ರವೀಣ್ ಭೋಜ ಶೆಟ್ಟಿ
ಪಾತೆರ್ದ್, ”ಸುರತ್ಕಲ್ ಬಂಟರ ಸಂಘಡ್ ಈ ಸರ್ತಿ ಶೈಕ್ಷಣಿಕ ಸಾಧನೆ ಮಲ್ದಿನ ವಿದ್ಯಾರ್ಥಿಲು, ಭಿನ್ನ ಸಾಮರ್ಥ್ಯ ಬೊಕ್ಕ ವಿಶೇಷಚೇತನೆರೆಗ್ ಪನವುದ ಸಕಾಯ ಕೊರ್ಪಿನವು ಮಸ್ತ್ ಕುಷಿತ ವಿಷಯ” ಪಂದ್ ಪಂಡೆರ್.
ಬಿನ್ನೆರಾದ್ ಪಡುಬಿದ್ರಿ ಬಂಟರ ಸಂಘದ ಅಧ್ಯಕ್ಷೆರ್ ದೇವಿಪ್ರಸಾದ್ ಶೆಟ್ಟಿ, ನಿವೃತ್ತ ಸೇನಾಧಿಕಾರಿ ಕರ್ನಲ್ ನಿಟ್ಟೆಗುತ್ತು ಶರತ್ ಭಂಡಾರಿ ಲೇಸ್ಡ್ ಪಾಲ್ ಪಡೆದಿತ್ತೆರ್. ಸುರತ್ಕಲ್ ಬಂಟರ ಸಂಘದ ಅಧ್ಯಕ್ಷೆರ್ ಬಾಳ ಜಗನ್ನಾಥ ಶೆಟ್ಟಿ ಲೇಸ್ದ ಗುರ್ಕಾರ್ಮೆ ವಹಿಸ್ದಿತ್ತೆರ್.
ಸಂಘದ ಮಾಜಿ ಅಧ್ಯಕ್ಷೆರ್ ಎಂ. ದೇವಾನಂದ ಶೆಟ್ಟಿ, ನಿಕಟ ಪೂರ್ವ ಅಧ್ಯಕ್ಷೆರ್ ಎಂ ಲೋಕಯ್ಯ ಶೆಟ್ಟಿ, ಉಪಾಧ್ಯಕ್ಷೆರ್ ಪ್ರವೀಣ್ ಶೆಟ್ಟಿ ಪ್ರಧಾನ ಕಾರ್ಯದರ್ಶಿ ಲೀಲಾಧರ ಶೆಟ್ಟಿ ಕಟ್ಲ, ಕೋಶಾಧಿಕಾರಿ ರತ್ನಾಕರ ಶೆಟ್ಟಿ, ಜತೆಕಾರ್ಯದರ್ಶಿ ಮೀರಾವಾಣಿ ಎಂ ಶೆಟ್ಟಿ, ಸಾಂಸ್ಕೃತಿಕ ಕಾರ್ಯದರ್ಶಿ ದೇವೇಂದ್ರ ಶೆಟ್ಟಿ, ಸಂಘಟನಾ ಕಾರ್ಯದರ್ಶಿ ಪುಷ್ಪರಾಜ್ ಶೆಟ್ಟಿ ಕುಡುಂಬೂರು, ಕ್ರೀಡಾ ಕಾರ್ಯದರ್ಶಿ ಪುಷ್ಪರಾಜ್ ಶೆಟ್ಟಿ ಮಧ್ಯ, ಮಹಿಳಾ ವೇದಿಕೆ ಅಧ್ಯಕ್ಷೆರ್ ಸರೋಜ ಟಿ ಶೆಟ್ಟಿ ಮೊಕುಲು ಮಾತ ಇತ್ತೆರ್.
ಉಂದುವೇ ಪೊರ್ತುಡು ವಿಶೇಷ ಚೇತನೆರೆಗ್ ಸಹಾಯಧನ, ಮಾತಾ ಸಮಾಜದ ಜೋಕುಲೆಗ್ ವಿದ್ಯಾರ್ಥಿವೇತನ, ಶೈಕ್ಷಣಿಕ ಬೊಕ್ಕ ಬೇತೆ ಬೇತೆ ಕ್ಷೇತ್ರದ ಸಾಧಕೆರೆಗ್ ಮಾನಾದಿಗೆ ನಡತ್ಂಡ್.
ಪ್ರಧಾನ ಕಾರ್ಯದರ್ಶಿ ಲೀಲಾಧರ್ ಶೆಟ್ಟಿ ಕಟ್ಲ ಬಿನ್ನೆರೆನ್ ಸ್ವಾಗತ ಮಲ್ತೆರ್. ಲಾವಣ್ಯ ಶೆಟ್ಟಿ ಚೇಳಾಯರು ದೇವೆರೆನ್ ಸುಗಿತೆರ್. ಪ್ರವೀಣ್ ಶೆಟ್ಟಿ ಸೊಲ್ಮೆ ಸಂದಾಯೆರ್. ರಾಜೇಶ್ವರಿ ಡಿ ಶೆಟ್ಟಿ ಬೊಕ್ಕ ಡಾ. ಸುಧಾ ಚಂದ್ರಶೇಖರ ಶೆಟ್ಟಿ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.
ಸಾಂಸ್ಕೃತಿಕ ಪಂತ
ಸುರತ್ಕಲ್ ಬಂಟರ ಸಂಘಡ್ ಮಧ್ಯಾಹ್ನ ಗ್ರಾಮವಾರು ಸಾಂಸ್ಕೃತಿಕ ಪಂತ ನಡತ್ಂಡ್. ಪಂತೊಡು ಸುರುತ್ತ ಇನಾಮು ಇಡ್ಯಾ ಗ್ರಾಮ, ರಡ್ಡನೇ ಇನಾಮುನು ಕೃಷ್ಣಾಪುರ- ಕಾಟಿಪಳ್ಳ ಗ್ರಾಮ ಬೊಕ್ಕ ಮೂಜಿನೇ ಇನಾಮುನು ಚೇಳಾರ್ ಗ್ರಾಮ ಬೊಕ್ಕ ಕುಡುಂಬೂರು ಗ್ರಾಮ ಗೆಂದ್ಂಡ್. ಪಂತೊದ ನಿರೂಪಣೆನ್ ನಿತೇಶ್ ಶೆಟ್ಟಿ ಎಕ್ಕಾರ್ ಮಲ್ತೆರ್.
ಸಸಿಹಿತ್ಲು : ಬಿಲ್ಲವರ ಹಿತವರ್ಧಕ ಸಂಘ ಸಸಿಹಿತ್ಲು ಸಂಚಾಲಕತ್ವದ ಶ್ರೀ ಸಾರಂತಾಯ ಗರೋಡಿ ಉಳ್ಳಾಯ ದೈವಸ್ಥಾನದ ಸಭಾಂಗಣಡ್ ಕಾಂತಾಬಾರೆ ಬುದಾಬಾರೆ ವಿದ್ಯಾನಿಧಿ ಸಹಯೋಗಡ್ ಜೂ.7 ಐತಾರ ಕಾಂಡೆ ಸಸಿಹಿತ್ಲು ಗ್ರಾಮದ ಎಸ್.ಎಸ್.ಎಲ್. ಸಿ, ಪಿಯುಸಿ, ಫೈನಲ್ ಡಿಗ್ರಿ, ಡಿಪ್ಲೊಮಾ, ಇಂಜಿನಿಯರಿಂಗ್ ವಿಭಾಗದ ಪ್ರತಿಭಾವಂತ ವಿದ್ಯಾರ್ಥಿಲೆಗ್ ಸನ್ಮಾನ ಕಾರ್ಯಕ್ರಮ,ಅಶಕ್ತೆರೆಗ್ ಆರೋಗ್ಯ ನಿಧಿ ವಿತರಣೆ ಕಾರ್ಯಕ್ರಮ ನಡತ್ಂಡ್.
ಲೇಸ್ದ ಅಧ್ಯಕ್ಷತೆನ್ ಶ್ರೀ ಕ್ಷೇತ್ರದ ಕೋಶಾಧಿಕಾರಿ ಮಂಜೋಡಿ ದೇವು ಪೂಜಾರಿ ಯಾನೆ ಎಸ್. ದಯಾನಂದ ಗುರಿಕಾರೆರ್ ವಹಿಸ್ದಿತ್ತೆರ್.
ವೇದಿಕೆಡ್ ಮಲ್ಲ ಬಿನ್ನೆರಾದ್ ಬಪ್ಪನಾಡ್ ದೇವಸ್ಥಾನದ ಕಾರ್ಯನಿರ್ವಹಣಾಧಿಕಾರಿ ಶ್ವೇತಾ ಪಳ್ಳಿ , ಉದ್ಯಮಿ ಜಯಂತಿ ಬಾಬು ಬಂಗೇರ, ವಿಶ್ವನಾಥ್ ಕೋಟ್ಯಾನ್ ಲೇಸ್ಡ್ ಪಾಲ್ ಪಡೆದಿತ್ತೆರ್. ಕ್ಷೇತ್ರದ ಅಧ್ಯಕ್ಷೆರ್ ಜಗನ್ನಾಥ್ ಕೋಟ್ಯಾನ್, ಉಪಾಧ್ಯಕ್ಷೆರ್ ಅನಿಲ್ ಪೂಜಾರಿ, ಕಾಂತುಲಕಣ ಯಾನೆ ಪಠೇಲರ ಮನೆತನದ ಲೀಲಾಧರ ಬಂಗೇರ, ನಿರಂಜನ್ ಬಂಗೇರ, ರಮೇಶ್ ಸನಿಲ್, ಕ್ಷೇತ್ರದ ಅರ್ಚಕೆರಾಯಿನ ಸುರೇಶ್ ಪೂಜಾರಿ, ದಾಮೋದರ ಪೂಜಾರಿ,ಕಡಪುರ ಹೇಮಚಂದ್ರ, ಗಂಗಾಧರ ಎ. ಸಾಲ್ಯಾನ್, ಜೀರ್ಣೋದ್ಧಾರ ಸಮಿತಿದ ಮಹಿಳಾ ವಿಭಾಗದ ಅಧ್ಯಕ್ಷೆರ್ ಪುಷ್ಪಾ ದಯಾನಂದ್, ಲೀಲಾ ವಸಂತ್ ಮೊಕುಲು ಮಾತ ಇತ್ತೆರ್.
ಕುಮಾರಿ ತೃಪ್ತಿ ಬೊಕ್ಕ ಋತಿಕಾ ಸನ್ಮಾನಿತ ವಿದ್ಯಾರ್ಥಿಲೆನ ಪಟ್ಟಿ ಓದಿಯೆರ್.
ಜೀರ್ಣೋದ್ಧಾರ ಸಮಿತಿದ ಪ್ರಧಾನ ಕಾರ್ಯದರ್ಶಿ ಎಸ್ ಆರ್ ಪ್ರಭಾತ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್. ಕಾರ್ಯದರ್ಶಿ ನವೀನ್ ಕುಮಾರ್ ಸ್ವಾಗತ ಮಲ್ತೆರ್. ಜತೆ ಕಾರ್ಯದರ್ಶಿ ಹರೀಶ್ ಪೂಜಾರಿ ಸೊಲ್ಮೆ ಸಂದಾಯೆರ್.
ದಾನಿಲೆಗ್ ಮಾನಾದಿಗೆ

ಈ ಪೊರ್ತುಡು ದಾನಿಲಾಯಿನ ಜಯಂತಿ ಬಾಬು ಬಂಗೇರ,
ವಿಶ್ವನಾಥ ಕೋಟ್ಯಾನ್, ಪೂಜಾ ಅರೇಂಜರ್ಸ್ ದ ಜೈಕೃಷ್ಣ ಕೋಟ್ಯಾನ್ ಮೊಕ್ಲೆಗ್ ಮಾನಾದಿಗೆ ನಡತ್ಂಡ್.
ಸಸಿಹಿತ್ಲು ಗ್ರಾಮದ 25 ಪ್ರತಿಭಾವಂತ ಜೋಕುಲೆಗ್ ಸನ್ಮಾನ ನಡತ್ಂಡ್.
ಗುತ್ತಿಗೆತೋಟ ರಾಜು ಮೆರೆಗ್ 10,000 ರೂ. ಆರೋಗ್ಯ ನಿಧಿ ವಿತರಣೆ ಮಲ್ತೆರ್.

ಸಸಿಹಿತ್ಲು : ಪ್ರತಿಷ್ಠಿತ ಮುಕ್ಕ ಪ್ರೊಟೀನ್ಸ್ ಲಿ. ವತಿರ್ದ್ ಸಸಿಹಿತ್ಲು ಶ್ರೀ ಆಂಜನೇಯ ಗುಡಿ ಬೊಕ್ಕ ವ್ಯಾಯಾಮ ಶಾಲೆದ ಸಹಯೋಗಡ್ ಸಾಮಾಜಿಕ ಬದ್ಧತೆ (ಎಸ್ಆರ್) ಯೋಜನೆಡ್ ಪ್ರತಿಭಾವಂತ ವಿದ್ಯಾರ್ಥಿಲೆಗ್ ವಿದ್ಯಾರ್ಥಿ ವೇತನ ಬೊಕ್ಕ ಪ್ರಾಥಮಿಕ ಶಾಲೆದ ಜೋಕುಲೆಗ್ ಬ್ಯಾಗ್, ಕೊಡೆ, ನೀರ್ದ ಬಾಟಲಿ ಪಟ್ಟುನ ಕಾರ್ಯಕ್ರಮ ಕದಿಕೆ ಬಬ್ಬರ್ಯ ದೈವಸ್ಥಾನದ ಕದಿಕೆ ಮೊಗವೀರ ಸಭಾದ ಚಾವಡಿಡ್ ಶನಿವಾರ ನಡತ್ಂಡ್.
ಈ ಸಂದರ್ಭಡ್ ಮಲ್ಲ ಬಿನ್ನೆರಾದ್ ಮುಕ್ಕ ಪ್ರೊಟೀನ್ಸ್ ಕಂಪೆನಿದ ನಿರ್ದೇಶಕೆರಾಯಿನ ಮಹಮ್ಮದ್ ಹಾಸಿರ್, ಮಹಮ್ಮದ್ ಅಯಾನ್, ಮಹಮ್ಮದ್ ರಾಯಿಫ್, ನಿವೃತ್ತ ಪ್ರಧ್ಯಾಪಕರ್ ವಾಮನ್ ಇಡ್ಯಾ, ಶ್ರೀ ಆಂಜನೇಯ ಗುಡಿ ಬೊಕ್ಕ ವ್ಯಾಯಾಮ ಶಾಲೆದ ಅಧ್ಯಕ್ಷೆರ್ ಸಂತೋಷ್ ಕುಮಾರ್, ಮುಕ್ಕ ಪ್ರೊಟೀನ್ಸ್ ಕಂಪೆನಿದ ಎಕ್ಸ್ಪೋರ್ಟ್ ಇಂಪೋರ್ಟ್ ಸೀನಿಯರ್ ಮ್ಯಾನೇಜರ್ ರೂಪೇಶ್, ಮ್ಯಾನೇಜರ್ ಜಗನ್ನಾಥ ಆರ್ ಕೋಟ್ಯಾನ್, ಮುಖ್ಯೋಪಾಧ್ಯಾಯಿನಿ ಸ್ಫೂರ್ತಿ ಬೊಕ್ಕ ವಿನೋದ್ ಕುಮಾರ್ ಸಸಿಹಿತ್ಲು ಮೊಕುಲು ಮಾತ ಲೇಸ್ಡ್ ಪಾಲ್ ಪಡೆದಿತ್ತೆರ್.
ಈ ಲೇಸ್ಡ್ ಮುಕ್ಕ, ಅರಂದ್ ಬೊಕ್ಕ ಸಸಿಹಿತ್ಲು ಗ್ರಾಮದ ವಿದ್ಯಾರ್ಥಿಲೆಗ್ ವಿದ್ಯಾರ್ಥಿ ವೇತನ ಪಟಿಯೆರ್. ಉಂದುವೇ ಪೊರ್ತುಡು ಸಸಿಹಿತ್ಲು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆದ ಜೋಕುಲೆಗ್ ಬ್ಯಾಗ್, ನೀರ್ದ ಬಾಟಲ್, ಕೊಡೆ ಪಟಿಯೆರ್. ವಿನೋದ್ ಕುಮಾರ್ ಸಸಿಹಿತ್ಲು ಲೇಸ್ ಸುಧಾರಿಕೆ ಮಲ್ತೆರ್.