Sun. Nov 22nd, 2026

ಕಾಸ್ರೋಡ್ ಸುದ್ದಿ | Kasargod News

ರಡ್ಡ್ ತಿಂಗೊಲ್‌ದ ಉಲಯಿ ತೀರ್ ಪೋಯೆರ್ ಒಂಜೇ ಇಲ್ಲದ ಮೂಜಿ ಜನ ಮೆಗ್ಯೆ ಪಲಯೆ!!

ತಲಪಾಡಿ: ಕಾಲಿ ಪದಿನೈನ್ ದಿನತ್ತ ಉಲಯಿ ಒಂಜೇ ಇಲ್ಲದ ಮೂಜಿ ಜನ ತೀರ್ ಪೋಯಿನ ಸಂಗತಿ ತಲಪಾಡಿಡ್ ನಡದ್ಂಡ್.

ಮುಳ್ಳೇರಿಯಾದ ಆದೂರುದ ನಿವಾಸಿ ವಸಂತ್ ಕುಮಾರ್ ರೈ(55) ಸೋಮಾರ ಬಯ್ಯಡ್ ನಡತಿನ ಆಕ್ಸಿಡೆಂಟ್ ಡ್ ತೀರ್ ಪೋಯೆರ್. ಕೆಲವು ದಿನತ್ತ ಪಿರವುಡು ಅರೆನ ರಡ್ಡ್ ಜನ ಮೆಗ್ಗಿ ಪಲಯಲ್ಲು ಕ್ಯಾನ್ಸರ್ ಡ್ ತೀರ್ ಪೋದಿತ್ತೆರ್.

ವಸಂತ್ ಮೇರ್ ಸಂಬಂಧಿಕೆರೆನ ಸುದ್ದದ ಲೇಸ್‌ಗ್ ಪೋದು ಕೋಟೆಕಾರ್‌ಗ್ ಪೋಯರೆ ಟೋಲ್‌ಗೇಟ್ ಕೈತಲ್ ಮಾರ್ಗ ಕಡಪುನ ಪೊರ್ತುಡು ಕೇರಳದಂಚಿರ್ದ್ ಬರೊಂದಿತ್ತಿನ ಲಾರಿ ಗುದ್ದುದ್ಂಡ್. ಈ ಘಟನೆಡ್ ತರೆಕ್ಕ್ ಮಸ್ತ್ ಪೆಟ್ಟಾತಿನೆಡ್ದಾವರ ಮೆರೆನ್ ಆಸ್ಪತ್ರೆಗ್ ದಾಖಲ್ ಮಲ್ಪುನ ಪೊರ್ತುಡು ಸಾದಿದ ನಡುಟ್ಟ್ ತೀರ್ ಪೋಯೆರ್.ಕುಡ್ಲದ ಸಂಚಾರಿ ಠಾಣಾ ಪೊಲೀಸೆರ್ ಲಾರಿದ ಡ್ರೈವರ್‌ನ್ ವಶಕ್ಕ್ ಪಡೆಯೊಂದು, ಕೇಸ್ ದಾಖಲ್ ಮಲ್ತ್‌ದೆರ್.

2 ತಿಂಗೊಲ್ಡ್ ತೀರ್ ಪೋಯೆರ್ ಮೆಗ್ಯ ಪಲಯಲ್ಲು!!
ವಸಂತ್ ಕುಮಾರ್ ಕಾಸ್ರೋಡ್‌ದ ಕೆಎಸ್‌ಆರ್‌ಟಿಸಿ ಡಿಪೊಡ್ 10 ವರ್ಷರ್ದಿಂಚಿ ಬೇಲೆ ಮಲ್ತೊಂದಿತ್ತೆರ್. ಮೆರೆನ ಕುಟುಮದ ಮೂಜಿ ಜನ ರಡ್ಡ್ ತಿಂಗೊಲ್‌ದ ಉಲಯಿ ತೀರ್ ಪೋತೆರ್. ಬೊಂಬಾಯಿಡ್ ಇತ್ತಿನ ಮೆರೆನ ಅಣ್ಣೆ ಸದಾನಂದ ರೈ ಕ್ಯಾನ್ಸರ್‌ರ್ದ್ ತಿಂಗೊಲ್‌ದ ಪಿರವು ತೀರ್ ಪೋದಿತ್ತೆರ್. ಅರೆನ ಜೋಕುಲು ಸೋಮಾರ ರಾತ್ರೆ ರೈಲ್‌ಡ್ ಬೊಂಬಾಯಿಗ್ ಪೋಯರೆ ಇತ್ತೆರ್. ಅರೆನ್ ಭೇಟಿ ಆಪಿನ ಸಲುವಾದ್ ವಸಂತ್ ರೈ ಕೋಟೆಕಾರ್‌ಗ್ ಪೋವೊಂದಿತ್ತೆರ್. ನನೊಂಜಿ ಪಲಯೆ ಚಂದ್ರಹಾಸ್ ರೈ 17 ದಿನತ್ತ ಪಿರವು ಕ್ಯಾನ್ಸರ್‌ಡ್ ತೀರ್ ಪೋದಿತ್ತೆರ್. ಇಂಚಾದ್ ಇತ್ತೆ ವಸಂತ್ ಕುಮಾರ್‌ಲ ತೀರ್ ಪೋದಿತ್ತ್‌ದ್ ಒಂಜೇ ಕುಟುಮದ ಮೂಜಿ ಮೆಗ್ಯೆ ಪಲಯೆರ್‍ಲು ತೀರ್ ಪೋತೆರ್.

ವಸಂತ್ ಕುಮಾರ್ ಮೆರೆಗ್ ಬೊಡೆದಿ ಬೊಕ್ಕ ಮೂಜಿ ಪೊಣ್ಣು ಜೋಕುಲು ಅಂಚನೆ ಒರಿ ಆನ್ ಮಗೆ ಉಲ್ಲೆರ್.

ಕಾಸ್ರೋಡು: ಮಲ್ಲ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಗ್ ಕೇಂದ್ರ ಸರ್ಕಾರದ ‘ಭೋಗ್’ ಪ್ರಮಾಣಪತ್ರ

ಕಾಸ್ರೋಡು ಜಿಲ್ಲೆದ ಮಲ್ಲ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಗ್ ಕೇಂದ್ರ ಸರ್ಕಾರದ ‘ಭೋಗ್’ (Blissful Hygienic Offering to God) ಪ್ರಮಾಣಪತ್ರ ಕೊರ್ತ್ಂಡ್.

ದೇವಲ್ಯದ ನುಪ್ಪು ಸೇವೆನ ಗುಣಮಟ್ಟ ಅಂಚನೆ ಸ್ವಚ್ಛತೆನ್ ಗುರ್ತಿಸಾದ್ ಈ ಪ್ರಮಾಣ ಪತ್ರ ಕೊರ್ತೆರ್. ಈ ಪ್ರಮಾಣ ಪತ್ರ ಪಡೆಯಿನ ಕೇರಳದ ಸುರುತ್ತ ದೇವಲ್ಯ ಪನ್ಪಿನ ಪುಗರ್ತೆಗ್ ಇತ್ತೆ ಶ್ರೀ ಕ್ಷೇತ್ರ ಸಾಕ್ಷಿ ಆತ್ಂಡ್. ಭಾರತಡ್ 328 ದೇವಲ್ಯಗ್ ಮಾತ್ರ “ಭೋಗ್” ಪ್ರಮಾಣಪತ್ರ ತಿಕ್ಕ್‌ದ್ಂಡ್.

ಡಿ.5-8 : ಐಲ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಶತಚಂಡಿಕಾ ಯಾಗ, ಶ್ರೀ ಚಕ್ರಪೂಜೆ

ಕಾಸ್ರೋಡು: ಉಪ್ಪಳದ ಐಲ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಡಿ. 5 ಸೋಮಾರರ್ದ್ ಡಿ.8 ಗುರುವಾರ ಮುಟ್ಟ ಶತಚಂಡಿಕಾ ಯಾಗ ಅಂಚೆನೆ ಶ್ರೀ ಚಕ್ರಪೂಜೆ ನಡಪರೆ ಉಂಡು.

ಎಡನೀರು ಶ್ರೀ ಶ್ರೀ ಶ್ರೀ ಸಚ್ಛಿದಾನಂದ ಸ್ವಾಮೀಜಿ ಮೆರೆನ ಉಪಸ್ಥಿತಿಟ್ಟ್ ಕ್ಷೇತ್ರದ ತಂತ್ರಿವರ್ಯೆರ್ ಆಯಿನ ಬ್ರಹ್ಮಶ್ರೀ ಉಚ್ಚಿಲತ್ತಾಯ ನೀಲೇಶ್ವರ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಈ ಯಾಗ ನಡಪರೆ ಉಂಡು.

ಡಾಕ್ಟರ್ ಎಸ್. ಕೃಷ್ಣಮೂರ್ತಿ ನಿಗೂಢ ಸಾವು ಕೇಸ್ ಡ್ ಐನ್ ಜನ ಆರೋಪಿಲು ಅರೆಸ್ಟ್

ಕಾಸ್ರೋಡು: ಬದಿಯಡ್ಕದ ಡಾಕ್ಟರ್ ಎಸ್. ಕೃಷ್ಣ ಮೂರ್ತಿ ಮೆರೆನ ನಿಗೂಢ ಸಾವುದ ಕೇಸ್ ಗ್ ಸಂಬಂಧ ಪಟ್ ದ್ ಐನ್ ಜನ ಆರೋಪಿಲೆನ್ ಬದಿಯಡ್ಕ ಪೊಲೀಸೆರ್ ಅರೆಸ್ಟ್ ಮಲ್ದೆರ್.


ಈ ಕೇಸ್ ಡ್ ಅಲಿ ತುಪ್ಪೆಕಲ್, ಮುಹಮ್ಮದ್ ಹನೀಫ್, ಅಶ್ರಫ್, ಮುಹಮ್ಮದ್ ಬೊಕ್ಕ ಉಮ್ಮರುಲ್ ಫಾರೂಕ್ ನ್ ಅರೆಸ್ಟ್ ಮಲ್ದೆರ್. ಮೊಕುಲು ಕ್ಲಿನಿಕ್ ಗ್ ಪೋದು ಡಾಕ್ಟರ್ ಗ್ ಬೆದರಿಕೆ ಕೊರ್ತೆರ್ ಪಂದ್ ತೆರಿದ್ ಬೈದ್ಂಡ್. ಡಾಕ್ಟರ್ ಕ್ಲಿನಿಕ್ ಗ್ ಬತ್ತಿನ ಪೊಂಜೋವ್ ಡ ಅನುಚಿತವಾದ್ ವರ್ತನೆ ಮಲ್ದೆರ್ ಪಂದ್ ಆರೋಪ ಈ ಘಟನೆಗ್ ಕಾರಣ ಆದಿತ್ತ್ಂಡ್. ಬೆದರಿಕೆ ಕೊರ್ನ ಬೊಕ್ಕ ಡಾ. ಕೃಷ್ಣಮೂರ್ತಿ ನಾಪತ್ತೆ ಆತೆರ್. ಈ ಬಗೆಟ್ ವಿಶ್ವ ಹಿಂದೂ ಪರಿಷತ್‌ ದ ಮುತಾಲಿಕೆಡ್ ಬದಿಯಡ್ಕಡ್ ಪ್ರತಿಭಟನೆ ನಡತ್ಂಡ್. ಅಂಚನೆ ಮೆರೆನ ಬೈಕ್ ಕುಂಬಳೆ ಪೇಟೆಡ್ ಪತ್ತೆ ಆತ್ಂಡ್. ಮೊಬೈಲ್ ಕ್ಲಿನಿಕ್ ಡ್ ಬುಡ್ದ್ ಪೋತೆರ್. ಈ ಬಗೆಟ್ ಬೊಡೆದಿ ಕೊರ್ನ ದೂರುದಂಚನೆ ಬದಿಯಡ್ಕ ಪೊಲೀಸೆರ್ ಕೇಸ್ ದಾಖಲ್ ಮಲ್ದೆರ್. ಆಂಡ ಮೆರೆನ ಪುನ ಕುಂದಾಪುರದ ರೈಲ್ವೆ ಪಟ್ಟೆಡ್ ಗುರುವಾರ ಪತ್ತೆ ಆತ್ಂಡ್. ಇನಿ ಮೆರೆನ ಪುನನ್ ಬೊಲ್ಪುಗು ಬದಿಯಡ್ಕಗ್ ಕನದೆರ್. ಬೊಕ್ಕ ಇಲ್ಲದ ಪಿರವು ಅಕೇರಿದ ಕ್ರಿಯೆ ನಡತ್ಂಡ್.

ಕಾಸ್ರೋಡು: ಬದಿಯಡ್ಕದ ಕೂಲಿದ ಡಾಕ್ಟರ್ ಕೃಷ್ಣಮೂರ್ತಿ ನಾಪತ್ತೆ

ಕಾಸ್ರೋಡು: ಬದಿಯಡ್ಕದ ಪುಗರ್ತೆದ ಕೂಲಿದ ಡಾಕ್ಟರ್ ಡಾ. ಕೃಷ್ಣಮೂರ್ತಿ ಎಸ್ (57) ನಾಪತ್ತೆ ಆತೆರ್. ಡಾ. ಕೃಷ್ಣಮೂರ್ತಿ ಮೇರ್ ನ.8 ಗ್ ಮಧ್ಯಾಹ್ನ ನಾಪತ್ತೆ ಆದಿತ್ತ್‌ದ್ ಅರೆನ ಬೈಕ್ ಕುಂಬ್ಳೆಡ್ ಪತ್ತೆಯಾತ್ಂಡ್.

ಮೇರ್ ನಾಪತ್ತೆ ಆತಿನ ಬಗೆಟ್ಟ್ ಕುಟುಮದ ಸದಸ್ಯೆರ್ ಬದಿಯಡ್ಕ ಪೊಲೀಸೆರೆಗ್ ದೂರು ಕೊರ್ದಿತ್ತ್‌ದ್, ಪೊಲೀಸೆರ್ ಕೇಸ್ ದಾಖಲ್ ಮಲ್ತ್‌ದ್ ತನಿಖೆ ಸುರು ಮಲ್ತ್‌ದೆರ್. ಮೆರೆನ ಮಾಹಿತಿ ತಿಕ್ಕ್ಂಡ 8296818248 ಈ ನಂಬರ್‌ಗ್ ಅತ್ತ್ಂಡ ಬದಿಯಡ್ಕ ಪೊಲೀಸ್ ಠಾಣೆಗ್ (04998 284033) ಲೆಪ್ಪು ಕೊರ್ಲೆ ಪಂದ್ ತೆರಿಪಾದೆರ್.

ಉಳ್ಳಾಲದ ತಲಪಾಡಿ ಚೆಕ್ ಪೋಸ್ಟ್‌ ಆಫೀಸ್ ಗ್ ಲೋಕಾಯುಕ್ತ ರೈಡ್

ಕುಡ್ಲ: ರಾಷ್ಟ್ರೀಯ ಹೆದ್ದಾರಿ 66ತ್ತ ಕರ್ನಾಟಕ-ಕೇರಳ ಗಡಿ ಭಾಗದ ಉಳ್ಳಾಲದ ತಲಪಾಡಿ ಕೈತಲ್ ಇಪ್ಪುನ ಆರ್‌ಟಿಒ ಕಚೇರಿಗ್ ಕೋಡೆ ಕರ್ನಾಟಕ ಲೋಕಾಯುಕ್ತ ಎಸ್ ಪಿ ಲಕ್ಷ್ಮೀ ಗಣೇಶ್ ಮುತಾಲಿಕೆದ ಕೂಟ ದಾಳಿ ಮಲ್ತ್‌ದ್ ಮೂಜಿ ಗಂಟೆರ್ದ್ ದಾಖಲೆನ್ ಪರಿಶೀಲನೆ ಮಲ್ತ್‌ದ್ಂಡ್.

ಕೇರಳ- ಕುಡ್ಲ ನಡುಟ್ಟು ಸವಾರಿ ಮಲ್ಪುನ ಲಾರಿನ್ ಚೆಕ್ ಮಲ್ಪುನ ನೆಪಟ್ಟ್ ಉಂತಾದ್ ಲಂಚಗಾದ್ ಒತ್ತಾಯ ಮಲ್ತೊಂದುಲ್ಲೆರ್ ಪನ್ಪಿನ ಆರೋಪದ ಬಗೆಟ್ ತಲಪಾಡಿ ಆರ್‌ಟಿಒ ಕಚೇರಿಗ್ ಲೋಕಾಯುಕ್ತ ಅಧಿಕಾರಿಲು ದಾಳಿ ಮಲ್ತ್‌ದೆರ್.

ಬಿಗ್ ಬಾಸ್‌ದ ಸ್ಪರ್ಧಿ ರೂಪೇಶ್ ಶೆಟ್ಟಿಗ್ ಬೊಡ್ಚಾಂದಿನ ಶಬ್ದೊಡು ನೆರಿನ ಬಗೆಟ್ಟ್ ದೂರು ದಾಖಲ್

ಕುಡ್ಲ: ನಟೆ ರೂಪೇಶ್ ಶೆಟ್ಟಿ ಬಿಗ್‌ಬಾಸ್‌ಡ್ ರಿಯಾಲಿಟಿ ಶೋಟ್ಟು ಪಾತೆರಿನ ಪಾತೆರದ ಆಧಾರಡ್ ಸಾಮಾಜಿಕ ಜಾಲತಾಣಡ್ ಅರೆಗ್ ಬೊಡ್ಚಾಂದಿನ ಶಬ್ದರ್ದ್ ನೆರ್ದ್ ಪೋಡಿಪಾಯಿನ ಬಗೆಟ್ಟ್ ಅರೆನ ಕುಟುಮದ ಸದಸ್ಯೆರ್ ಕುಡ್ಲ ಪೊಲೀಸ್ ಆಯುಕ್ತೆರೆಗ್ ದೂರು ಕೊರ್ತೆರ್.

ಈ ಬಗೆಟ್ ಕೋರ್ಟುದ ಅನುಮತಿ ದೆತೊಂದು ಸೈಬರ್ ಕ್ರೈಮ್ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲ್ ಮಲ್ತ್‌ದ ಪಂದ್ ಪೊಲೀಸ್ ಆಯುಕ್ತೆರ್ ಎನ್ ಶಶಿಕುಮಾರ್ ತೆರಿಪಾದೆರ್.

ಕಾಸ್ರೋಡು: ದೇವಲ್ಯದ ಬಂಗಾರ್ ಕಂಡ್‌ದಿನ ಆರೋಪಿ ಬಟ್ರ್ ಅರೆಸ್ಟ್

ಕಾಸ್ರೋಡು: ದೇವೆರ್‍ನ ಮೂರ್ತಿದ ಬಂಗಾರ್ ಕಂಡ್‌ದ್ ಪದ್ರಾಡ್ ಆಯಿನ ಆರೋಪಿ ಪೂಜೆದ ಬಟ್ರೆನ್ ಮಂಜೇಶ್ವರ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್.

ತಿರುವನಂತಪುರದ ದೀಪಕ್ ನಂಬೂದರಿ ಅರೆಸ್ಟ್ ಆಯಿನ ಆರೋಪಿ. ತಿರುವನಂತಪುರಕ್ಕ್ ಪೋಯಿನ ಪೊಲೀಸೆರ್ ಆರೋಪಿನ್ ಅರೆಸ್ಟ್ ಮಲ್ತ್‌ದೆರ್. ಬಟ್ರ್ ಬಂಗಾರ್‌ನ್ ಸೇಲ್ ಮಲ್ತ್‌ದಿತ್ತೆರ್. ಅವೆನ್ ಪೊಲೀಸೆರ್ ಪಿರ ದೆತೊಂದೆರ್.

ಕಾಸ್ರೋಡು: ದೇವಲ್ಯದ ಬಂಗಾರ್ ಕಂಡ್‌ದ್ ಪದ್ರಾಡ್ ಪಾಡಿನ ಪೂಜೆದ ಬಟ್ರ್..!

ಕಾಸ್ರೋಡು: ದೇವಲ್ಯಡ್ ಒರಿ ಪೂಜೆದ ಬಟ್ರ್ ಬಂಗಾರ್ ಕಂಡ್‌ದ್ ಪದ್ರಾಡ್ ಪಾಡ್ದಿನ ಸಂಗತಿ ಮಂಜೇಶ್ವರ ಹೊಸಬೆಟ್ಟು ಶ್ರೀಮಂಗೇಶ ಮಹಾಲಕ್ಷ್ಮಿ ದೇವಲ್ಯಡ್ ನಡತ್ಂಡ್.

ಅರ್ಚಕೆರ್ ಆಯಿನ ತಿರುವನಂತಪುರತ್ತ ದೀಪಕ್ ನಂಬೂದರಿ ಪನ್ಪಿನಾರೆನ ಮಿತ್ತ್ ಮಂಜೇಶ್ವರ ಠಾಣಾ ಪೊಲೀಸೆರ್ ಪ್ರಕರಣ ದಾಖಲ್ ಮಲ್ತ್‌ದೆರ್. ಕೋಡೆ ಬಯ್ಯದ ಪೊರ್ತುಡು ದೇವೆರ್‍ನ ಪೂಜೆ ಮಲ್ತಿಬೊಕ್ಕ ಮೂರ್ತಿದ ಬಂಗಾರ್ ಕಂಡ್‌ದ್ ನಕಲಿ ಬಂಗಾರ್‌ನ್ ಪಾಡ್‌ದ್ ಪದ್ರಾಡ್ ಆತೆರ್ ಪನ್ಪಿನ ಆರೋಪ ಅರೆನ ಮಿತ್ತ್ ಬೈದ್ಂಡ್.

ಕಾಸ್ರೋಡು: ಪೊಣ್ಣನ್ ಸಾವುಗು ಕಾರಣ ಆಯಿನ ಆರೋಪಿ ಅರೆಸ್ಟ್

ಕಾಸ್ರೋಡು: ಕಾಲೇಜ್‌ದ ಕಲ್ಪಾರ್ಥಿ ಒರ್ತಿ ಆತ್ಮಹತ್ಯೆ ಮಲ್ತಿನ ಕೇಸ್‌ಗ್ ಸಂಬಂಧ ಪಟ್ ದ್ ಆಣ್ ಕಲ್ಪಾರ್ಥಿ ಒರಿಯನ್ ಹೊಸದುರ್ಗ ಠ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್. ಕಾಞ೦ಗಾಡ್ ಅಲಾಮಿಪಲ್ಲಿದ ಅಬ್ದುಲ್ ಶುಹೈಬ್ (21) ಅರೆಸ್ಟ್ ಆಯಿನ ಕಲ್ಪಾರ್ಥಿ.

ಪಡನ್ನಕಾಡ್‌ದ ಸಿಕೆ ನಾಯರ್ ಕಲಾ ಕಾಲೇಜ್‌ದ ಕಲ್ಪಾರ್ಥಿ ನಂದನಾ ವಿನೋದ್ ಸೋಮಾರ ತನ್ನ ಇಲ್ಲಡ್ ಬಲ್ಲ್ ಪಾಡ್ದಿನ ಸ್ಥಿತಿಟ್ಟ್ ಪತ್ತೆಯಾತಿನ ಬಗೆಟ್ ಅರೋಪಿನ್ ಪೊಲೀಸೆರ್ ಅರೆಸ್ಟ್ ಮಲ್ತ್‌ದಿತ್ತೆರ್. ನಂದನಾ ನೊಟ್ಟುಗು ಪ್ರೀತಿದ ನಾಟಕ ಮಲ್ತಿನ ಆರೋಪಿ ಶುಹೈಬ್, ಆಲ್ ಕಡಪಾಯಿನ ಫೋಟೋನ್ ಸಾಮಾಜಿಕ ಜಾಲತಾಣಡ್ ಪೋಸ್ಟ್ ಮಲ್ಪುವೆ ಪಂದ್ ಪೋಡಿಪಾದಿತ್ತೆ. ಉಂದೆರ್ದ್ ಬೇಜಾರ್ ಆಯಿನ ನಂದನಾ ಆತ್ಮಹತ್ಯೆ ಮಲ್ತ್‌ದೆರ್.

You Missed