Fri. Nov 20th, 2026

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

June 11 th: Navodaya Kalaranga Mumbai – Annual celebration and ” Uray Gathi” play to be presented ಜೂ.11: ನವೋದಯ ಕಲಾರಂಗ ಬೊಂಬೈ (ರಿ.) ವಾರ್ಷಿಕ ಉಚ್ಚಯ, “ಊರೇ ಗತಿ” ನಾಟಕ

ನವೋದಯ ಕಲಾರಂಗ ಬೊಂಬೈ (ರಿ.) ನೆತ್ತ 36 ನೇ ವಾರ್ಷಿಕ ಉಚ್ಚಯ ಜೂ.11 ಐತಾರ ಮಧ್ಯಾಹ್ನ 3 ಗಂಟೆಗ್ ಬೊಂಬೈದ ಸಾಂತಾಕ್ರಾಸ್ ಪೂರ್ವದ ಬಿಲ್ಲವ ಭವನಡ್ ಶ್ರೀ  ಗುರು ನಾರಾಯಣ ಸಭಾಂಗಣಡ್  ನಡಪರೆ ಉಂಡು.

ಈ ಪೊರ್ತುಡು ಪುಗರ್ತೆದ ರಂಗ ಕರ್ಮಿ ದಿ. ಕೆ.ಕೆ ಸುವರ್ಣ ವೇದಿಕೆಡ್ “ಊರೇ ಗತಿ” ತುಳು ನಾಟಕ ನಡಪರೆ ಉಂಡು.

ಈ ಲೇಸ್ ಗ್ ಘನ್ ಸೋಲಿ ಶ್ರೀ ಮೂಕಾಂಬಿಕಾ ದೇವಲ್ಯದ ಧರ್ಮದರ್ಶಿ ಅಣ್ಣಿ ಸಿ.ಶೆಟ್ಟಿ ಮೇರ್
ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಈ ಲೇಸ್ ದ ಗುರ್ಕಾರ್ಮೆನ್ ಸಾಯಿ ಕೇರ್ ಲಾಜಿಸ್ಟಿಕ್ಸ್ ದ ಡೈರೆಕ್ಟರ್ ಸುರೇಂದ್ರ ಎ. ಪೂಜಾರಿ ಒಯಿಸೊನ್ವೆರ್.

ಮಲ್ಲ ಬಿನ್ನೆರಾದ್ ಬಿಲ್ಲವ ಮಹಾಮಂಡಲದ ಅಧ್ಯಕ್ಷೆರ್ ರಾಜಶೇಖರ ಕೋಟ್ಯಾನ್, ಉಪಾಧ್ಯಕ್ಷೆರ್ ಸೂರ್ಯಕಾಂತ್ ಜೆ ಸುವರ್ಣ, ಬೊಂಬೈ ಸಫಲ್ಯ ಸೇವಾ ಸಂಘದ ಅಧ್ಯಕ್ಷೆರ್ ಶ್ರೀನಿವಾಸ ಸಫಲ್ಯ, ಕೆಮಿಕಲ್ ವರ್ಕರ್ಸ್, ಇಂಜಿನಿಯರಿಂಗ್ ವರ್ಕರ್ಸ್ ಅಸೋಸಿಯೇಷನ್ ​​(INTUC)ದ ಪ್ರಧಾನ ಕಾರ್ಯದರ್ಶಿ ಮಹೇಶ್ ಆರ್. ಕರ್ಕೇರ, ವಿರಾರ್ ನಾಲಸೋಪಾರ ಕರ್ನಾಟಕ ಸಂಘದ ಅಧ್ಯಕ್ಷೆರ್ ಸದಾಶಿವ ಎ ಕರ್ಕೇರ, ಸೈಂಟ್ ಏಂಜಸ್ ಹೈಸ್ಕೂಲ್ ದ ಅಧ್ಯಕ್ಷೆರ್ , ಕರ್ನಾಟಕ ಮಹಾ ಮಂಡಲದ ಗೌರವಾಧ್ಯಕ್ಷೆರ್, ಮೆಹ್ತಾ ಹೈಸ್ಕೂಲ್ ಮೀರಾ ರೋಡ್ ಅಧ್ಯಕ್ಷೆರ್ ಅರುಣೋದಯ ರೈ, ಭಿವಂಡಿ, ಪೂಜಾರಿ ಟ್ರಾವೆಲ್ಸ್ ದ ರಾಜೇಶ್ ಪೂಜಾರಿ, ಉದ್ಯಮಿ, ಸಮಾಜ ಸೇವಕೆರ್ ದಯಾನಂದ ಎನ್. ಪೂಜಾರಿ ಕೌಡೂರು, ನವಿ ಬೊಂಬೈ ಬಿಲ್ಲವಾ ಅಸೋಸಿಯೇಷನ್ ಉಪಾಧ್ಯಕ್ಷೆರ್ ಕೃಷ್ಣ ಪೂಜಾರಿ, ಸಾಮಾಜಿಕ ಬೊಕ್ಕ ಧಾರ್ಮಿಕ ಸಮಿತಿದ ಕಾರ್ಯದರ್ಶಿ ಕೇಶವ ಎಸ್ ಪೂಜಾರಿ, ಬೊಂಬೈ ಅಭಿನಯ ಮಂಟಪದ ಅಧ್ಯಕ್ಷೆರ್ ಬಾಲಕೃಷ್ಣ ಶೆಟ್ಟಿ, ತುಳು ಕನ್ನಡ ಕ್ಷೇಮಾಭಿವೃದ್ಧಿ ಸಂಘ, ಖಮೋತೆ ಕಾರ್ಯದರ್ಶಿ ಸುಜಿತ್ ಪೂಜಾರಿ ಬರಿಯೆರೆ ಉಲ್ಲೆರ್.

ಅಂಚೆನೆ ಈ ಲೇಸ್ ಡ್ ಬೊಂಬೈ ಬಂಟ್ಸ್ ಅಸೋಸಿಯೇಷನ್ ದ ಮಾಜಿ ಅಧ್ಯಕ್ಷೆರ್ ಶ್ಯಾಮ್ ಶೆಟ್ಟಿ, ದಹಿಸರ್ ಸರ್ವೋದಯ ಸಮೂಹ ಸಂಸ್ಥೆದ ನಿರ್ದೇಶಕೆರ್ ಶೇಖರ್ ಪಿ ಶೆಟ್ಟಿ ಮೆರೆಗ್ ಮಾನಾದಿಗೆ ನಡಪರೆ ಉಂಡು.

ಬೊಕ್ಕ ರಂಗ ಕಲಾವಿದೆರಾಯಿನ ಯಶವಂತ್ ಟಿ. ಅಮೀನ್ ಬೊಕ್ಕ ಸತ್ಯಭಾಮಾ ಪಿ. ಕರ್ಕೇರ ಮೊಕ್ಲೆಗ್ ತಮ್ಮನ ನಡಪರೆ ಉಂಡು.

ಸಚಿನ್ ಪೂಜಾರಿ (ಭಿವಂಡಿ), ಅಧ್ಯಕ್ಷೆರ್ ಮನೋಹರ ಶೆಟ್ಟಿ ನಂದಳಿಕೆ, ಪ್ರಧಾನ ಕಾರ್ಯದರ್ಶಿ ಅಶೋಕ್ ಕುಕ್ಯಾನ್ ಸಸಿಹಿತ್ಲು, ಖಜಾಂಚಿ ಚಂದ್ರಕಾಂತ್ ಸಾಲಿಯಾನ್ ಸಸಿಹಿತ್ಲು ಮೊಕುಲು ಈ ಲೇಸ್ ನ್ ನಡಪಾದ್ ಕೊರ್ಪೆರ್ ಪಂದ್ ಉಪಾಧ್ಯಕ್ಷೆರ್ ವೆಂಕಟೇಶ್ ಕಾಂಚನ್, ಜಂಟಿ ಕಾರ್ಯದರ್ಶಿ ಸುರೇಶ್ ಇರ್ವತ್ತೂರು, ಜಂಟಿ ಖಜಾಂಚಿ ಪ್ರತಿಮಾ ಬಂಗೇರ ಬೊಕ್ಕ ನವೋದಯ ಕಲಾ ರಂಗ ಬೊಂಬೈದ ಮಹಿಳಾ ವಿಭಾಗದ ಮಾತ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

June 11 th: Navodaya Kalaranga Mumbai – Annual celebration and
” Uray Gathi” play to be presented

Navodaya Kalaranga Mumbai will host it’s 36 th annual program on June 11 th at Billava Bavan Santacruz.

The program will have blessings by Anni C Shetty ‘ Dharmadarshi ‘ of Sri Mookambika temple Ghansoli. The program will be presided by Surendra Poojary of Sai Care Logistics.

A little boy bites and kills a baby snake !! ಕೈತಲ್ ಬತ್ತಿನ ಉಚ್ಚುದ ಕಿನ್ನಿನೇ ಅಗ್ಗಿದ್ ಕೆರಿನ ಆಣ್ ಬಾಲೆ!

ಉತ್ತರಪ್ರದೇಶ: ಮೂಜಿ ವರ್ಷ ಪ್ರಾಯದ ಆಣ್ ಬಾಲೆ ಒರಿ ಉಚ್ಚುದ ಕಿನ್ನಿನ್ ಬಾಯಿಡ್ ಅಗ್ಗಿದ್ ಕೆರಿನ ಘಟನೆ ಫರೂಕಾಬಾದ್ ಜಿಲ್ಲೆದ ಮೊಹಮ್ಮದಾ ಬಾದ್ ಪ್ರದೇಶದ ಮದ್ಲಾಪುರ ಗ್ರಾಮಡ್ ನಡತ್ಂಡ್.

ಆಯುಷ್ ಪನ್ಪಿನ ಆಣ್ ಇಲ್ಲದ ಜಾಲ್‌ಡ್ ಗೊಬ್ಬೊಂದಿತ್ತೆ. ಈ ಪೊರ್ತುಡು ಒರಾನೇ ಕಲ್ಕ್‌ದೆ. ಅಜ್ಜಿ ಬತ್ತ್‌ದ್ ತೂನಗ ಉಚ್ಚು ಒಂಜಿ ಸೈತ್ ಬೂರ್ದಿತ್ತ್ಂಡ್. ಆಯುಷ್‌ನ ಬಾಯಿಡ್ ನೆತ್ತೆರ್ ಇತ್ತ್ಂಡ್. ವಿಷ ಇಜ್ಜಂದಿನ ಉಚ್ಚು ಆತಿನೆಡ್ದಾವರ ಬಾಲೆದ ಜೀವಗ್ ದಾಲ ತೊಂದರೆ ಆತಿಜಿ.

Persons living in rented houses can also avail free electricity upto 200 units – CM Siddaramaiah ಬಾಡಿಗೆದ ಇಲ್ಲಡ್ ಇಪ್ಪುನಕ್ಲೆಗ್‌ಲ ಕರೆಂಟ್ ಫ್ರೀ; ಸಿಎಂ

ಬೆಂಗ್ಲೂರ್: ರಾಜ್ಯಡ್ ಬಾಡಿಗೆಡ್ ಇಪ್ಪುನ ಇಲ್ಲದಕುಲು ಸೇರ್ದ್ ಮಾತೆರೆಗ್ಲಾ 200 ಯೂನಿಟ್ ಕರೆಂಟ್ ಫ್ರೀ ತಿಕ್ಕರೆ ಉಂಡು ಪಂದ್ ಸಿಎಂ ಸಿದ್ದರಾಮಯ್ಯ ಸ್ಪಷ್ಟನೆ ಕೊರ್ತೆರ್.

ಬೆಂಗ್ಲೂರ್‌ಡ್ ಪಾತೆರಿನ ಆರ್, ಕೆಲವೆರ್ 50, ನನ ಕೆಲವೆರ್ 70, 150, 200 ಯೂನಿಟ್ ಕರೆಂಟ್‌ನ್ ಗಳಸೊಂದು ಇಪ್ಪುವೆರ್. ಉಂದೆತ್ತ ವ್ಯಾಪ್ತಿಡ್ ಬರ್ಪಿನ ಒವ್ವೇ ಗ್ರಾಹಕೆರ್ ಕರೆಂಟ್ ಬಿಲ್ ಕಟ್ಟೊಡುಂದು ಇಜ್ಜಿ. ಆಂಡ ಈ ಯೋಜನೆ ವಾಣಿಜ್ಯ ಬಳಕೆದಾರರೆಗ್ ಅನ್ವಯ ಆಪುಜಿ ಪಂದ್ ಆರ್ ತೆರಿಪಾಯೆರ್.

Home minister Dr G Parameshwar on a visit to Mangalore ಕುಡ್ಲಗ್ ಬತ್ತಿನ ಗೃಹ ಸಚಿವೆರ್ ಡಾ.ಜಿ.ಪರಮೇಶ್ವರ್

ಕುಡ್ಲ: ಗೃಹ ಸಚಿವೆರ್ ಡಾ.ಪರಮೇಶ್ವರ್ ಮೇರ್ ಇನಿರ್ದ್ 2 ದಿನ ದ.ಕ ಬೊಕ್ಕ ಒಡಿಪು ಜಿಲ್ಲಾ ಪ್ರವಾಸ ಮಲ್ಪರೆ ಇತ್ತ್‌ದ್, ಈ ನಿಲೆಟ್ ಕುಡ್ಲದ ಐಜಿಪಿ ಕಚೇರಿಗ್ ಬತ್ತ್‌ದ್ ಪೊಲೀಸೆರೆರ್ದ್ ಗೌರವ ರಕ್ಷೆ ಸ್ವೀಕಾರ ಮಲ್ತೆರ್.

ಗೃಹ ಸಚಿವೆರ್ ಆಯಿಬೊಕ್ಕ ಡಾ.ಜಿ.ಪರಮೇಶ್ವರ್ ಸುರುತ್ತ ಸರ್ತಿ ತುಳುನಾಡ್‌ಗ್ ಬತ್ತ್‌ದಿತ್ತ್‌ದ್, ಎಡಿಜಿಪಿ ಅಲೋಕ್ ಕುಮಾರ್, ಐಜಿಪಿ ಚಂದ್ರಗುಪ್ತ, ಕಮಿಷನರ್ ಕುಲದೀಪ್ ಜೈನ್ ಸೇರ್ದ್ ಹಿರಿಯ ಪೊಲೀಸ್ ಅಧಿಕಾರಿಲು ಅರೆನ್ ಎದ್ಕೊನಿಯೆರ್. ಈ ಪೊರ್ತುಡು ದ.ಕ ಎಸ್ಪಿ ರಿಷ್ಯಂತ್, ಒಡಿಪು ಎಸ್ಪಿ ಅಕ್ಷಯ್, ಉ.ಕ ಎಸ್ಪಿ ವಿಷ್ಣುವರ್ಧನ್, ಚಿಕ್ಕಮಗಳೂರು ಎಸ್ಪಿ ಉಮಾ ಪ್ರಶಾಂತ್ ಇತ್ತೆರ್. ನನ ಕೆಲ ಪೊರ್ತುಡೇ ಪಶ್ಚಿಮ ವಲಯ ಪೊಲೀಸ್ ಅಧಿಕಾರಿಲೆನ ಒಟ್ಟುಗು ಗೃಹ ಸಚಿವೆರ್ ಸಭೆ ಮಲ್ಪರೆ ಉಲ್ಲೆರ್.

ಜೂ. 11 ಕ್ಕ್ ದುಬೈಡ್ “ವಿಶ್ವ ಪಟ್ಲ ಸಂಭ್ರಮ”: “ದಶಾವತಾರ” ಯಕ್ಷಗಾನ ಪ್ರದರ್ಶನ

ದುಬೈ: ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇ ಬೊಕ್ಕ ಯಕ್ಷದ್ರುವ ಪಟ್ಲ ಫೌಂಡೇಷನ್ ದುಬೈ ಘಟಕದ ವತಿರ್ದ್ “ದುಬೈ ಯಕ್ಷೋತ್ಸವ-2023-ವಿಶ್ವ ಪಟ್ಲ ಸಂಭ್ರಮ” ಜೂನ್‌ 11 ಕ್ಕ್ ದುಬೈಡ್ ನಡಪರೆ ಉಂಡು.

ಪೇಂಟೆದ ಕರಾಮ ಇಂಡಿಯನ್ ಸ್ಕೂಲ್‌ ದ ಶೇಖ್ ರಷೀದ್ ಸಭಾಂಗಣಡ್ ಜೂನ್ 11 ಕ್ಕ್ ಮಧ್ಯಾಹ್ನ 2 ಗಂಟೆರ್ದ್ ವಿಶ್ವಡ್ ಇಪ್ಪುನ ಪಟ್ಲ ಪೌಂಡೇಷನ್ ದ 38 ಘಟಕದ ಪದಾಧಿಕಾರಿಲೆನ ಸಮ್ಮುಖಡ್ “ವಿಶ್ವ ಪಟ್ಲ ಸಂಭ್ರಮ” ನಡಪರೆ ಉಂಡು. ‌

ಯಕ್ಷಶ್ರೀ ರಕ್ಷ ಗೌರವ

ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇ ಮೊಕುಲು ದುಬೈ ಬೊಕ್ಕ ಅಪ್ಪೆನಾಡ್ ದ ಯಕ್ಷಗಾನ ರಂಗದ ಸಾಧಕೆರೊರಿಯನ್ ಗುರುತಿಸಾದ್ ಕೊರ್ಪಿನ “ಯಕ್ಷಶ್ರೀ ರಕ್ಷಾ ಗೌರವ” ಪ್ರಶಸ್ತಿನ್ ಕಲಾವಿದೆರಾಯಿನ ಪಟ್ಲಗುತ್ತು ಮಹಾಬಲ ಶೆಟ್ಟಿ ಮೆರೆಗ್ ಗಣ್ಯೆರೆನ ಸಮ್ಮುಖಡ್ ಕೊರಿಯೆರೆ ಉಂಡು.

ಈ ಪೊರ್ತುಡು ಮಲ್ಲ ಬಿನ್ನೆರಾದ್ ಪಟ್ಲ ಪೌಂಡೇಷನ್ ಕೇಂದ್ರ ಘಟಕದ ಗೌರವಾಧ್ಯಕ್ಷೆರ್ ಉದ್ಯಮಿ ಸದಾಶಿವ ಶೆಟ್ಟಿ ಕುಳೂರು ಕನ್ಯಾನ, ಘಟಕದ ಪ್ರಧಾನ ಸಂಚಾಲಕೆರ್ ಶಶಿಧರ ಶೆಟ್ಟಿ ಬರೋಡ, ಐಕಳ ಹರೀಶ್ ಶೆಟ್ಟಿ, ಪಟ್ಲ ಘಟಕ ಯುಎಇದ ಗೌರವಾಧ್ಯಕ್ಷೆರ್ ಪುತ್ತಿಗೆ ವಾಸುದೇವ ಭಟ್, ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ, ಭೀಮ ಜ್ಯುವೆಲ್ಲರ್ಸ್ ದ ಯು. ನಾಗರಾಜ ರಾವ್, ಉದ್ಯಮಿ ಆಯಿನ ಪ್ರವೀಣ್ ಕುಮಾರ್ ಶೆಟ್ಟಿ ವಕ್ವಾಡಿ, ಹರೀಶ್ ಶೇರಿಗಾರ್, ಬಿಲ್ಲವಾಸ್ ದ ಪ್ರಭಾಕರ್ ಸುವರ್ಣ ಮೇರ್ ಬರಿಯೆರೆ ಉಲ್ಲೆರ್.

“ದಶಾವತಾರ” ಯಕ್ಷಗಾನ ಪ್ರದರ್ಶನ

ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇದ ಆಜಿ ವರ್ಷದ ಬಾಲ ಕಲಾವಿದೆರ್ದ್ ಬತ್ತಿನ 60 ವರ್ಷದ ಕಲಾವಿದೆರ್ ಬೊಕ್ಕ ಊರುದ ಪುಗರ್ತೆದ ಹಿಮ್ಮೆಳ ಕಲಾವಿದೆರೆನ ಒಟ್ಟುಸೇರಿಗೆಡ್ “ದಶಾವತಾರ” ಯಕ್ಷಗಾನ ಪ್ರದರ್ಶನ ಆಯೆರೆ ಉಂಡು.

ಈ ಯಕ್ಷಗಾನ ಪ್ರದರ್ಶನಡ್ ದುಬೈ ಯಕ್ಷಗಾನಡೇ ದಾಖಲೆದ 109 ಪಾತ್ರಧಾರಿಲು, ಇಸೇಸ ದೃಶ್ಯ- ಬೊಲ್ಪುದ ಸಂಯೋಜನೆ ಬೊಕ್ಕ ಏಕಕಾಲಡ್ ರಂಗಡ್ 10-20 ಪಾತ್ರದ ಇಸೇಸ ದೃಶ್ಯ ಸಂಯೋಜನೆದೊಟ್ಟಿಗೆ ದಶಾವತಾರ ಪ್ರಸಂಗ ಪ್ರದರ್ಶನ ಆವರೆ ಉಂಡು.

ಅಪ್ಪೆ ಊರುದ ಇಸೇಸ ಅತಿಥಿ ಕಲಾವಿದೆರಾದ್ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ಬೊಕ್ಕ ಗಾನಸುರಭಿ ರವಿಚಂದ್ರ ಕನ್ನಡಿಕಟ್ಟೆ ಭಾಗವತೆರಾದ್ ಯುಎಇದ ಯಕ್ಷಾಭಿಮಾನಿಲೆನ್ ರಂಜನೆ ಮಲ್ಪೆರೆ ಉಲ್ಲೆರ್. ಚೆಂಡೆ- ಮದ್ದಲೆಡ್ ಪದ್ಮನಾಭ ಉಪಾಧ್ಯಾಯ, ಚೈತನ್ಯ ಕೃಷ್ಣ ಪದ್ಯಾಣ, ವಸ್ತ್ರ ಅಲಂಕಾರಡ್ ಗಂಗಾಧರ ಶೆಟ್ಟಿಗಾರ್ ಕಿನ್ನಿಗೋಳಿ, ನಿತಿನ್ ಕುಂಪಲ, ಮನೋಜ್ ಶೆಟ್ಟಿಗಾರ್ ಹಳೆಯಂಗಡಿ ಮೇರ್ ಪಾಲ್ ಪಡೆಯೆರೆ ಉಲ್ಲೆರ್.

ಬೊಕ್ಕ ಯುಎಇದ ಕಲಾವಿದೆರಾದ್ ಅಕ್ಷಯ ಭಟ್ ಎಲ್ಲೂರು, ಅಥರ್ವ್ ವಸಂತ ಶೆಟ್ಟಿ, ಅದಿತಿ ದಿನೇಶ್ ಶೆಟ್ಟಿ ಕೊಟ್ಟಿಂಜ, ಅನನ್ಯ ವೇದವ್ಯಾಸ, ಅರುಂಧತಿ ಮನೋಹರ್ ಪದ್ಮಶಾಲಿ, ಆದಿತ್ಯ ದಿನೇಶ್ ಶೆಟ್ಟಿ ಕೊಟ್ಟಿಂಜ, ಆನಂದ ಸಾಲ್ಯಾನ್ ಕಿನ್ನಿಗೋಳಿ, ಆರಾಧನ ಭಟ್ ಎಲ್ಲೂರು, ಆಶಿತ್ ಎ ರಾಯಿ, ಇಷಿತ ಶೇಖರ್ ಪೂಜಾರಿ, ಐಶಾನಿ ದೀಪಕ್ ಕುಮಾರ್, ಕಾರ್ತಿಕ್ ಪ್ರಶಾಂತ್ ಆಚಾರ್ಯ, ಕಿಶನ್ ಪೂಜಾರಿ, ಕೃಷ್ಣಪ್ರಸಾದ್ ರಾವ್ ಸುರತ್ಕಲ್, ಗಿರೀಶ್ ನಾರಾಯಣ ಕಾಟಿಪಳ್ಳ, ಚರಣ್ ರಾಜ್ ಅರ್ಲಪದವು, ಜೀವನ್ ಕ್ರಾಸ್ತ ಪುತ್ತೂರು, ದಿಯ ಕಿರಣ್ ಕದ್ರಿ, ದಿಯಾ ಗೋಹನ್ ವಲ್ಲಬನ್, ದಿಶಾ ಕಿರಣ್ ಕದ್ರಿ, ನಯೋಮಿ ಸಾಯಿನಾಥ್ ಶೆಟ್ಟಿ, ನೀಲೆಶ್ ನಾರಾಯಣ ಶೆಟ್ಟಿ, ಪ್ರಭಾಕರ ಡಿ.ಸುವರ್ಣ ಕರ್ನಿರೆ, ಪ್ರಿಶಾ ಸಂತೋಷ್ ಶೆಟ್ಟಿ, ಪ್ರಿಶಾ ಸೀತಾರಾಮ ಶೆಟ್ಟಿ, ಬಾಲಕೃಷ್ಣ ಡಿ.ಶೆಟ್ಟಿಗಾರ್ ಕಿನ್ನಿಗೋಳಿ, ಭವನಿಶಂಕರ ಶರ್ಮ, ಭಾಸ್ಕರ ಸಾಲ್ಯಾನ್ ಐಕಳ, ಮಹೇಶ್ ಮಣಿಪಾಲ, ಯಜ್ವಿನ್ ನಾಗಪ್ಪ ಗೌಡ, ಯಶಸ್ವಿ ಶೇಖರ್ ಪೂಜಾರಿ, ರತಿಕಾ ರತೀಶ್ ಕುಮಾರ್, ರವಿಂದ್ರ ಕುಕ್ಯಾನ್ ಹೊಸಬೆಟ್ಟು, ವಿದಾತ್ರಿ ಕೃಷ್ಣಪ್ರಸಾದ್ ಸುರತ್ಕಲ್, ವೆಂಕಟೇಶ ಶಾಸ್ತ್ರಿ ಪುತ್ತಿಗೆ, ವೈಷ್ಣವಿ ಮನೋಹರ್ ಪದ್ಮಶಾಲಿ, ಶರಣ್ಯ ಭಾಸ್ಕರ ಸಾಲ್ಯಾನ್, ಶರಣ್ಯ ವೇದವ್ಯಾಸ, ಶರತ್ ಕುಡ್ಲ, ಶೇಖರ್ ಡಿ.ಶೆಟ್ಟಿಗಾರ್ ಕಿನ್ನಿಗೋಳಿ, ಶೈವಿ ಪ್ರಭಾಕರ್ ಪೂಜಾರಿ, ಶ್ರಿನಿಕಾ ರಮಾನಂದ ಶೆಟ್ಟಿ, ಶ್ರೀಶ ಪ್ರಭಾಕರ ಪೂಜಾರಿ, ಶ್ರೀಶ್ ವಿಜಯ ಆಚಾರ್ಯ, ಸತೀಶ ಶೆಟ್ಟಿಗಾರ್ ವಿಟ್ಲ, ಸಮಂತ ಗಿರೀಶ್ ಕಾಟಿಪಳ್ಳ, ಸಾಗರ್ ಆಚಾರ್ಯ, ಸಾತ್ವಿ ನಿತ್ಯಾನಂದ ಶೆಟ್ಟಿ, ಸಾತ್ವಿಕ್ ಕೊಂಚಾಡಿ, ಸಾನ್ವಿ ನಿತ್ಯಾನಂದ ಶೆಟ್ಟಿ, ಸಾನ್ವಿ ಮೋಹನ್ ಗುಜರನ್, ಸೀತಾರಾಮ ಶೆಟ್ಟಿ, ಸುಚಿತ್ರ ಕೊಕ್ಕಡ, ಸೌಜನ್ಯ ಪ್ರಭಾಕರ ಶೆಟ್ಟಿ, ಸೌರಭ್ ಭಾಸ್ಕರ ಸಾಲ್ಯಾನ್, ಸ್ವಾತಿ ಶರತ್ ಸರಳಾಯ ರಂಗಡ್ ಮೆನ್ಕೆರೆ ಉಲ್ಲೆರ್.

ಅಂಚೆನೆ ರಂಗಸ್ಥಳಟ್ಟ್ ಭಾಸ್ಕರ್ ಪೂಜಾರಿ ನೀರುಮಾರ್ಗ, ಪ್ರಭಾಕರ್ ಪೂಜಾರಿ, ಸೌಮ್ಯ ಭಾಸ್ಕರ್ ಸಾಲ್ಯಾನ್, ಅಮೃತ ಪ್ರಭಾಕರ್ ಪೂಜಾರಿ, ನೈಪಥ್ಯ ವಿಭಾಗಡ್ ಸುಕನ್ಯಾ ಪ್ರತಿಮ ಸಾಯಿನಾಥ ಶೆಟ್ಟಿ, ಸುಜಯ ವಿಜಯ ಆಚಾರ್ಯ, ಸುಕನ್ಯ ವೇದವ್ಯಾಸ ಕಾಮತ್, ಶೈಲಜಾ ನಿತ್ಯಾನಂದ ಶೆಟ್ಟಿ, ವಸ್ತ್ರಾಲಂಕಾರಡ್ ನಿತಿನ್ ಶೆಟ್ಟಿಗಾರ್ ಕುಂಜಿಗಿರಿ ಮೇರ್ ಸಹಕಾರ ಮಲ್ಪೆರೆ ಉಲ್ಲೆರ್. ಕೊಟ್ಟಿಂಜ ದಿನೇಶ್ ಶೆಟ್ಟಿ ಮೆರೆನ ಸಂಯೋಜನೆಡ್ ಪ್ರಸಂಗದ ನಿರ್ದೇಶನನ್ ಶೇಖರ್ ಡಿ.ಶೆಟ್ಟಿಗಾರ್ ಬೊಕ್ಕ ಶರತ್ ಕುಡ್ಲ ಮೇರ್ ಮಲ್ಪೆರೆ ಉಲ್ಲೆರ್. ‌

ಪ್ರದರ್ಶನದ ವೈಶಿಷ್ಟ್ಯಲು

*ಪೂರ್ವರಂಗಡ್ ಗಣಪತಿ ಕೌತುಕ,
*ಕಡಲ್ ದ ನಡುರ್ದ್ ಲಕ್ಕ್ ದ್ ಬರ್ಪಿನ ಮೀನ್,
*ಹಿರಣ್ಯಾಕ್ಷನ ಅಟ್ಟಹಾಸ ಉಂತಾಯೆರೆ ರಸಾತಳರ್ದ್ ಲಕ್ಕ್ ದ್ ಬರ್ಪಿನ ಶ್ವೇತವರಾಹ,
*ಹಿರಣ್ಯ ಕಶ್ಯಪನ ಭವ್ಯ ಅರಮನೆತ್ತ ವಜ್ರಕಂಬನ್ ಪುಡಾತ್ ದ್ ಬಿಂಬ ತೊಜಪಾವುನ ಉಗ್ರನರಸಿಂಹ,
*ಇಸೇಸ ಸೆಟ್ಟಿಂಗ್ ಡ್ ಏಕಕಾಲಡ್ ರಂಗಡ್ 20 ವೇಷದೊಟ್ಟಿಗೆ ದೇವ ದಾನವೆರೆನ ಸಮುದ್ರಮಥನ- ಯಕ್ಷರಂಗಡೇ ಪೊಸತಾದ್ ಸಂಯೋಜನೆ ಮಲ್ತಿನ ಮಂದರಾದ್ರಿನ್ ದೆರ್ಪುನ ಕೂರ್ಮನ ವೇಷ
*ಬಲಿನ್ ಪಾತಾಳಗ್ ಪಾಡುನ ವಾಮನ- ತ್ರಿವಿಕ್ರಮ ಆದ್ ಪ್ರಕಟ ಆಪಿನ ಇಸೇಸ ದೃಶ್ಯ,
*ಸಹಸ್ರಬಾಹು- ಕಾರ್ತವೀರ್ಯಾರ್ಜುನನ್ ಮೋಕ್ಷ ಕರುಣಿಸಾಯೆರೆ, ಪರಶುರಾಮೆಯಾದ್ ಹರಿ ಪ್ರಕಟ ಅವೆರೆ,
*ಸೀತಾಪಹಾರ ಮಲ್ತಿನ ದುರುಳ ಆಂಡಲ ಶಿವಭಕ್ತೆ ರಾವಣನ್ ಶ್ರೀರಾಮನ ವಿಶ್ವರೂಪ ದರ್ಶನ,
*ಅಗ್ರಪೂಜಾ ವ್ಯತಿಕರಡ್ ಶಿಶುಪಾಲ- ಅನುಚರೆರೆನ ದೌರ್ಷ್ಯಕ್ಕೆ ಶ್ರೀಕೃಷ್ಣರ್ದ್ ದಿವ್ಯೌಷದ.
*ಬುದ್ಧ- ಕಲ್ಕಿ ಅವತಾರದ ದರ್ಶನ-ದಶಾವತಾರ- ಶ್ರೀ ವಿಷ್ಣುನ್ ಸಹಸ್ರನಾಮಾರ್ದ್ ಪೂಜೆ ಮಲ್ತ್ ದ್ ಕೃಪೆಗ್ ಪಾತ್ರರಾಪಿನ ಸದವಕಾಶ ಉಂಡು.

1500 ಆಸನ ಇಪ್ಪುನ ದುಬೈದ ಶೇಖ್ ರಷೀದ್ ಸಭಾಂಗಣಡ್ ಇತ್ತೆನೇ ಕೆಲವೇ ಕೆಲವು ಟಿಕೆಟ್ ಲು ಬಾಕಿ ಇಪ್ಪುನೆರ್ದ್ “ವಿಶ್ವ ಪಟ್ಲ ಸಂಭ್ರಮ” ದ ಗೌಜಿನ್ ತೂವೆರೆ ಇಷ್ಟ ಇತ್ತಿನಕುಲು ಈ ನಂಬರ್ ಗ್ ಸಂಪರ್ಕ ಮಲ್ಪೊಲಿ.0507083537,0529157825,0553912535

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)

A bridge being built at a cost of 1700 crore rupees in Bihar collapses ಬಿಹಾರಡ್ 1700 ಕೋಟಿ ರೂ. ಕರ್ಚಿಡ್ ನಿರ್ಮಾಣ ಆವೊಂದು ಇಪ್ಪುನ ಸಂಕ ಬೂರುಂಡು

ಬಿಹಾರಡ್ 1700 ಕೋಟಿ ರೂ. ಕರ್ಚಿಡ್ ನಿರ್ಮಾಣ ಆವೊಂದು ಇಪ್ಪುನ ಭಾಗಲ್ಪುರದ ಅಗುವಾನಿ-ಸುಲ್ತಂಗಂಜ್ ಸಂಕ ಇನಿ ಗಂಗಾಸುದೆಕ್ಕ್ ಬೂರ್ದುಂಡು.

ಒವ್ವೇ ತೊಂದರೆ ಆತಿಜಿ ಪಂದ್ ತೆರಿದ್ ಬೈದ್ಂಡ್. ಈ ಸಂಕಗ್ ಕೆಸರ್ ಕಲ್ಲ್ ನ್ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಮೇರ್ 2015 ಟ್ಟ್ ಪಾಡಿಯೆರ್. 8 ವರ್ಷ ಕರಿಂಡಲ ಕಾಮಗಾರಿ ಪೂರ್ಣ ಆತಿಜಿ. ಸಂಕ ಬೂರುನೇ ಉಂದು ರಡ್ಡನೇ ಸರ್ತಿ ಅತ್ಂಡ್. 2022ಟ್ಟ್ ಸಂಕದ ಒಂಜಿ ಭಾಗ ತುದೆಕ್ಕ್ ಬೂರ್ದುಂಡು.

A bridge being built at a cost of 1700 crore rupees in Bihar collapses

The bridge being built at Bhagalpur ; Aguvani – Sultanganj bridge collapsed on the Ganga river. No harm to life has been reported.

ರೈಲ್ ದುರಂತದ ಬೆರಿಟ್ಟೇ ಗಂಗಾ ತುದೆಕ್ಕ್ ಬೂರುಂಡ್ ಬಿಹಾರದ ಪೊಸ ಸಂಕ

ಪಟನಾ: ಒಡಿಶಾಡ್ ನಡತಿನ ರೈಲ್ ದುರಂತದ ಬೆರಿಟ್ಟೇ ಬಿಹಾರದ ಭಾಗಲ್ಪುರ ಜಿಲ್ಲೆಡ್ ನಿರ್ಮಾಣ ಹಂತೊಡು ಇತ್ತಿನ ಸಂಕದ ಒಂಜಿ ಭಾಗ ಜರಿದ್ ಗಂಗಾ ತುದೆಕ್ಕ್ ಬೂರ್ದ್ಂಡ್.

ಭಾಗಲ್ಪುರ ಜಿಲ್ಲೆದ ಮುಕೇನ ಪೋಪಿನ ಗಂಗಾ ತುದೆಕ್ಕ್ ಅಡ್ಡ ಆದ್ ಖಗಾರಿಯಾ, ಅಗುವಾನಿ ಬೊಕ್ಕ ಸುಲ್ತಾನ್‌ಗಂಜ್ ನಡುಟ್ಟ್ 1,700 ಕೋಟಿ ರೂಪಾಯಿ ಕರ್ಚಿಡ್ ಸಂಕ ಕಟ್ಟುನ ಬೇಲೆ ನಡತೊಂದಿತ್ತ್ಂಡ್. ಸಂಕ ಬೂರ್ದಿನ ವೀಡಿಯೊ ಸಾಮಾಜಿಕ ಜಾಲತಾಣಡ್ ವೈರಲ್ ಆವೊಂದುಂಡು.

Ullal: Missing bride groom who was absconding on the mehendi rituals day found in Bellary ಉಳ್ಳಾಲ: ಮದಿರೆಂಗಿ ಶಾಸ್ತ್ರದ ದಿನನೇ ನಾಪತ್ತೆ ಆಯಿನ ಮದಿಮಾಯೆ ಬಳ್ಳಾರಿಡ್ ಪತ್ತೆ

ಉಳ್ಳಾಲ: ಮದಿರೆಂಗಿ ಶಾಸ್ತ್ರದ ದಿನನೇ ನಾಪತ್ತೆ ಆಯಿನ ಮದಿಮಾಯೆ ಬಳ್ಳಾರಿಡ್ ಪತ್ತೆ ಆತೆರ್ ಪಂದ್ ತೆರಿದ್ ಬೈದ್ಂಡ್.

ವರ್ಕಾಡಿ ದೇವಂದಪಡ್ಪುದ ಉದ್ಯಮಿ ಐತಪ್ಪ ಶೆಟ್ಟಿ ಅರೆನ ಮಗೆ ಕಿಶನ್ ಶೆಟ್ಟಿ ಮದರೆಂಗಿ ಶಾಸ್ತ್ರದ ದಿನ ನಾಪತ್ತೆ ಆದಿತ್ತೆರ್. ಐತಾರ ಮಧ್ಯಾಹ್ನ ಕಿಶನ್ ಶೆಟ್ಟಿ ಮೇರ್ ತನ್ನ ಮೆಗ್ದಿನ ಮೊಬೈಲ್‌ಗ್ ಮೆಸೇಜ್ ಕಡಪಾದ್ ಯಾನ್ ಬಳ್ಳಾರಿಡ್ ಉಲ್ಲೆ. ನನ ದುಂಬಗ್ ಏಪಗ್‌ಲ ಇಲ್ಲಗ್ ಬರ್ಪುಜಿ ಪಂದ್ ತೆರಿಪಾದೆರ್.

ಮೇ 31 ಜೆಕ್ಕ್ ರಾತ್ರೆ ಮದಿರೆಂಗಿ ಶಾಸ್ತ್ರಗ್ ಫಲವಸ್ತು ಕನಯರೆ ಪೋತಿನ ಕಿಶನ್ ಶೆಟ್ಟಿ ನಾಪತ್ತೆ ಆತೆರ್. ಯಾನ್ ಬಳ್ಳಾರಿಡ್ ಇತ್ತ್‌ದ್, ಸ್ಕೂಟರ್ ಮೆಲ್ಕಾರ್ ಆರ್‌ಟಿಒ ಕಚೇರಿದ ಎದುರುಡು ದೀತೆ ಪಂದ್ ಪಂತೆರ್. ಮೆಗ್ದಿ ಕಾಲ್ ಮಲ್ಪರೆ ಪೋನಗ ಫೋನ್ ಸ್ವಿಚ್ ಆಫ್ ಮಲ್ತ್‌ದೆರ್ ಪಂದ್ ಐತಪ್ಪ ಶೆಟ್ಟಿ ಮೇರ್ ಕೊಣಾಜೆ ಠಾಣೆಗ್ ಪೋದು ಕಾಲ್ ಬತ್ತಿನ ಬಗೆಟ್ ಮಾಹಿತಿ ಕೊರ್ತೆರ್.

Taranath Varkadi, Puttige Raghuram Holla given “Asranna” Prashasthi ತಾರಾನಾಥ ವರ್ಕಾಡಿ, ಪುತ್ತಿಗೆ ಹೊಳ್ಳ ಮೊಕಲೆಗ್ ಆಸ್ರಣ್ಣ ಪ್ರಶಸ್ತಿ ಪಟ್ಟುನ ಲೇಸ್

ಕಟೀಲ್ : ಜೋಕ್ಲೆಗ್, ಜವನೆರೆಗ್ ಯಕ್ಷಗಾನನ್ ಸಂಪೂರ್ಣವಾದ್ ಕಲ್ಪಾವುನ ತರಬೇತಿ ಒಡಿಪು, ಕಟೀಲ್ ಮಾತ್ರ ಅತ್ತಂದೆ ಮಾತ ಕಡೆಟ್ಟ್‌ಲ ನಡಪೊಡು. ಮಠ, ದೇವಲ್ಯದೊಟ್ಟುಗು ಮಾತೆರ್‍ಲಾ ಈ ಲೇಸ್‌ಗ್ ಕೈ ಸೇರ್ಸಾವೊಡು. ಯಕ್ಷಗಾನಗ್ ಭವಿಷ್ಯ ಇಜ್ಜಿ ಪನ್ಪಿನ ಪೋಡಿಗೆ ಇತ್ತೆ ದೂರ ಆತ್ಂಡ್. ಯುವ ಸಮುದಾಯದಕುಲು ಯಕ್ಷಗಾನಡ್ ಎಚ್ಚಾದ್ ಆಸಕ್ತಿ ತೋಜ್ಪಾವೊಂದು ಉಲ್ಲೆರ್. ಯಕ್ಷಗಾನ ಕಲ್ತಿನ ಜೋಕುಲು ಎಚ್ಚಾದ್ ಕ್ರಿಯಾಶೀಲರಾಪೆರ್, ಬುದ್ದಿವಂತೆರಾಪೆರ್ ಪಂದ್ ಯಕ್ಷ ಶಿಕ್ಷಣ ಟ್ರಸ್ಟ್‌ದ ಸಂಸ್ಥಾಪಕೆರ್ ಸ್ಥಾಪಕೆರ್ ಅಧ್ಯಕ್ಷೆರ್, ಮಾಜಿ ಶಾಸಕೆರ್ ರಘುಪತಿ ಭಟ್ ಪಂಡೆರ್.

ಆರ್ ಕಟೀಲ್ ಶ್ರೀ ದುರ್ಗಾಮಕ್ಕಳ 14 ನೇ ವಾರ್ಷಿಕ ಕಲಾಪರ್ವದ ಮುಗಿತಲದ ಲೇಸ್‌ಡ್ ಪಾತೆರಿಯೆರ್. ಕಟೀಲ್ ಕೃಷ್ಣ ಆಸ್ರಣ್ಣ ಪ್ರಶಸ್ತಿನ್ ಪುತ್ತಿಗೆ ರಘುರಾಮ ಹೊಳ್ಳ ಅಂಚನೆ
ಕಟೀಲು ಸದಾನಂದ ಆಸ್ರಣ್ಣ ಪ್ರಶಸ್ತಿನ್ ತಾರಾನಾಥ ವರ್ಕಾಡಿ ಮೊಕಲೆಗ್ ಕೊರ್ದು ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ಕಟೀಲ್ ದೇವಲ್ಯದ ಆನುವಂಶಿಕ ಮೊಕ್ತೇಸರೆರ್ ವಾಸುದೇವ ಆಸ್ರಣ್ಣ, ಕರಾವಳಿ ಅಭಿವೃದ್ದಿ ಪ್ರಾಧಿಕಾರದ ಮಾಜಿ ಅಧ್ಯಕ್ಷೆರ್ ಮಟ್ಟಾರ್ ರತ್ನಾಕರ ಹೆಗ್ಡೆ, ಮಾಜಿ ಸಚಿವೆರ್ ಅಭಯಚಂದ್ರ ಜೈನ್. ಅಜೆಕಾರು ಬಾಲಕೃಷ್ಣ ಶೆಟ್ಟಿ, ಉದ್ಯಮಿ ಕಟೀಲು ಗಿರೀಶ್ ಶೆಟ್ಟಿ, ಜಗದೀಪ ಸುವರ್ಣ ಇತ್ತೆರ್.

Taranath Varkadi, Puttige Raghuram Holla given “Asranna” Prashasthi

Kateel: “Yakshagana should be encouraged and taught not only in places like Udupi and Kateel, but also in other places and temples. Yakshagana has a bright future and youngsters are showing renewed interest in the art . The art from is rejuvenating to body and mind” said former MLA and founder of Yaksha Shikshana trust Raghupati Bhat .

He was speaking at a n awards ceremony organised at Kateel to present the ” Kateel Sadanand Asranna” awards. It was given to Raghuram Holla and Taranath Varkadi.

The state Budget to be presented on July 7 th-CM Siddaramaiah ಜುಲೈ 7 ಕ್ಕ್ ರಾಜ್ಯ ಬಜೆಟ್ ಮಂಡನೆ: ಮುಖ್ಯಮಂತ್ರಿ ಸಿದ್ದರಾಮಯ್ಯ

ದಾವಣಗೆರೆ: ಜುಲೈ 3 ಜೆಡ್ದ್ ರಾಜ್ಯ ಬಜೆಟ್ ಅಧಿವೇಶನ ಸುರು ಆಯರೆ ಇತ್ತ್‌ದ್ ಜುಲೈ 7 ಕ್ಕ್ ಬಜೆಟ್ ಮಂಡನೆ ಮಲ್ಪರೆ ಉಂಡು ಪಂದ್ ಮುಖ್ಯಮಂತ್ರಿ, ಹಣಕಾಸು ಇಲಾಖೆದ ಸಚಿವೆರ್ ಸಿದ್ದರಾಮಯ್ಯ ತೆರಿಪಾಯೆರ್.

ಸುದ್ದಿಗಾರೆರ್‍ನೊಟ್ಟುಗು ಪಾತೆರಿನ ಆರ್, ಬಜೆಟ್ ಅಧಿವೇಶನದ ಸುರುತ್ತ ದಿನ ರಾಜ್ಯಪಾಲೆರ್ ಜಂಟಿ ಅಧಿವೇಶನನ್ ಉದ್ದೇಶಿಸಾದ್ ಪಾತೆರುವೆರ್. ರಾಜ್ಯಪಾಲೆರ್‍ನ ಭಾಷಣದ ನಿಲೆಟ್ ಚರ್ಚೆ ಆಯಿಬೊಕ್ಕ ಜು.7 ತ್ತ ಸುಕ್ರಾರ ಬಜೆಟ್ ಮಂಡನೆ ಮಲ್ಪರೆ ಉಂಡು ಪಂದ್ ಪಂಡೆರ್.

The state Budget to be presented on July 7 th– CM Siddaramaiah

Davangere: The budget session will begin from July 3 rd and the budget will be presented on July 7 th said CM and a minister of finance Siddaramaiah at a press conference today.

You Missed