Fri. Nov 20th, 2026

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

Jayashri Krishna Environmental conservation Samithi – Celebrate the 94 th birth anniversary of leader George Fernandes – organise Awards ceremony ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಸಮಿತಿರ್ದ್ ಜಾರ್ಜ್ ಫೆರ್ನಾಂಡಿಸ್ ಮೆರೆನ 94ನೇ ಜನ್ಮದಿನಾಚರಣೆ, ಪ್ರಶಸ್ತಿ ಕೊರ್ಪಿನ ಲೇಸ್

ಕುಡ್ಲ ಇಮಾನ ನಿಲ್ದಾಣಗ್ ಜಾರ್ಜ್ ಫೆರ್ನಾಂಡಿಸ್ ಮೆರೆನ ಪುದರ್ ದೀದ್ ಗೌರವ ಕೊರೊಡು : ತೋನ್ಸೆ ಜಯಕೃಷ್ಣ ಶೆಟ್ಟಿ

ಬೊಂಬೈ: ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಕೂಟದ ಮೂಲ ಉದ್ದೇಶ ಪರಿಸರ ರಕ್ಷಣೆ, ಜತೆಟ್ಟ್ ಕೈಗಾರಿಕೋದ್ಯಮಗ್ ಪ್ರಾಶಸ್ತ್ಯ ಕೊರ್ಪಿನಿ. ಅರಣ್ಯ ರಕ್ಷಣೆ ಮಲ್ಪುನ ಸಂತಗ್ ಜಾರ್ಜ್ ಫೆರ್ನಾಂಡಿಸ್ ಮೆರೆನ 94ನೇ ಜನ್ಮದಿನಾಚರಣೆದಾನಿ ರಾಷ್ಟ್ರೀಯ ಪ್ರಶಸ್ತಿ ಪ್ರದಾನ ಮಲ್ಪೆರೆ ಉಲ್ಲ. ರಾಜಕೀಯದ ಸಂತ ಪಂದ್ ಪುದರ್ ಪಡೆಯಿನ ಜಾರ್ಜ್ ಫೆರ್ನಾಂಡಿಸ್ ಮೆರೆನ ಪುದರ್ ಅಂತಾರಾಷ್ಟ್ರೀಯ ಮಟ್ಟಡ್ ನೆಂಪು ದೀಪುಲೆಕ್ಕ ಆವಡ್, ರಾಜ್ಯದ ಮತ ಜನನಾಯಕೆರ್ ಪಕ್ಷ ಭೇದ ಇಜ್ಜಂದೆ ಕುಡ್ಲ ಇಮಾನ ನಿಲ್ಧಾಣಗ್ ಜಾರ್ಜ್ ಫೆರ್ನಾಂಡಿಸ್ ಮೆರೆನ ಪುದರ್ ದೀವಡ್ ಪಂದ್ ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಸಂಸ್ಥಾಪಕೆರ್ ತೋನ್ಸೆ ಜಯಕೃಷ್ಣ ಶೆಟ್ಟಿ ಮೇರ್ ಪಂಡೆರ್.

ಜೂ.3 ಕ್ಕ್ ರಂಜನಿ ಸುಧಾಕರ ಹೆಗ್ಡೆ ಸಭಾಗೃಹ, ಬಂಟರ ಭವನ ಅನೆಕ್ಸ್ ಹಾಲ್, ಕುರ್ಲಾ ಪೂರ್ವ ಬೊಂಬೈ ಮುಲ್ಪ ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಸಮಿತಿರ್ದ್ ನಡತಿನ ಜಾರ್ಜ್ ಫೆರ್ನಾಂಡಿಸ್ ಮೆರೆನ 94ನೇ ಜನ್ಮದಿನಾಚರಣೆ ಬೊಕ್ಕ ಪ್ರಶಸ್ತಿ ಪ್ರಧಾನ ಲೇಸ್ ದ ಗುರ್ಕಾರ್ಮೆನ್ ಒಯಿಸೊಂದು ಪಾತೆರ್ದ್ ಮೇರ್, ಕರಾವಳಿ ಜಿಲ್ಲೆಡ್ ಪರಸರ ರಕ್ಷಣೆದೊಟ್ಟಿಗೆ ಕೈಗಾರಿಕೋದ್ಯಮಗ್ ಅವಕಾಶ ಕೊರಿಯೆರೆ ಕೇಂದ್ರ ಬೊಕ್ಕ ರಾಜ್ಯ ಸರಕಾರ ನನ ಎಚ್ಚ ಪ್ರಾಧಾನ್ಯತೆ ಕೊರೊಡು. 22 ವರ್ಷೊದಿಂಚ ಸಮಿತಿ ಉಭಯ ಜಿಲ್ಲೆಡ್ ಅಭಿವೃದ್ದಿದೊಟ್ಟಿಗೆ ಉದ್ಯಮಲು ಸ್ಥಾಪನೆ ಆವೊಡು ಪಂದ್ ಬೆಂದಿನ ಬಗ್ಗೆ ಮಾತೆರೆಗ್ಲ ತೆರಿನ ಸಂಗತಿ ಆತ್ಂಡ್. ಜನನಾಯಕೆರ್ ಒವ್ವೇ ಪಕ್ಷಡ್ ಇಪ್ಪಡ್ ಜಿಲ್ಲೆದ ಅಭಿವೃದ್ದಿಗ್ ಬದುಕ್ ನ್ ತ್ಯಾಗ ಮಲ್ತಿನ ಜಾರ್ಜ್ ಫೆರ್ನಾಂಡಿಸ್ ಮೆರೆನ ಪುದರ್ ಶಾಶ್ವತವಾದಿಪ್ಪೊಡಾಂಡ ಜಿಲ್ಲೆದ ರಾಜಕೀಯ ನಾಯಕೆರ್ ಬೆನೊಡು ಬೊಕ್ಕ ಅಯಿತ್ತೊಟ್ಟಿಗೆ ಸಮಿತಲ ಕೈಜೋಡಿಸಾವೊಡು. 21ನೇ ಶತಮಾನದಡೆಗ್ ದುಂಬಾರಿವೊಂದು ಇಪ್ಪುನ ನಮ ಅಭಿವೃದ್ದಿಯೇ ನಮ್ಮ ಗುರಿ ಆದಿಪ್ಪೊಡು. ಇತ್ತೆದ ಸರಕಾರ ಕರಾವಳಿ ಕರ್ನಾಟಕದ ಅಭಿವೃದ್ದಿಗ್ ಪ್ರಾಮುಖ್ಯತೆನ್ ಕೊರ್ಪಿನ ಮುಖೇನ ಪ್ರವಾಸಿ ಕೇಂದ್ರವಾದ್ ದೀವೊನೊಡು. ನಮ್ಮ ಜಿಲ್ಲೆಡ್ 22 ಸುಂದರವಾಯಿನ ಸುದೆ ಉಂಡು. ಆಯಿನ್ ಮುಖ್ಯ ಉದ್ದೇಶವಾದ್ ದೀದ್ ಜಿಲ್ಲೆನ್ ಪ್ರವಾಸಿ ಕೇಂದ್ರವಾದ್ ಮಲ್ಪೆರೆ ಸರಕಾರ ಬೆನೊಡು. ಜಿಲ್ಲೆಡ್ ಮೆಟ್ರೋ ರೈಲ್ ಲು ಸಂಚಾರ ಮಲ್ಪೊಡು. ನೆನ್ ರಾಜ್ಯ ಬೊಕ್ಕ ಕೇಂದ್ರ ಸರಕಾರ ಗಮನಡ್ ದೀವೊನೊಡು. ನಮ್ಮ ಸಮಿತಿ ಕೈಕೊರ್ಪಿನ ಮತ ಅಭಿವೃದ್ದಿ ಬೇಲೆನ್ ಕಾರ್ಯರೂಪಗ್ ನಮ ಕನವೊಡು ಪಂದ್ ಪಂಡೆರ್.

ಪ್ರಶಸ್ತಿ ಪ್ರದಾನ ಲೇಸ್ ನ್ ಉತ್ತರ ಬೊಂಬೈ ಸಂಸದೆರ್ ಗೋಪಾಲ ಶೆಟ್ಟಿ ಮೇರ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.

ಚಾವಡಿಡ್ ಮಲ್ಲ ಬಿನ್ನೆರಾದ್ ಸಮಿತಿದ ಜಿಲ್ಲೆದ ಉಪಾಧ್ಯಕ್ಷೆರ್ ಪೆರಿಯ ರಾಜಕಾರಿಣಿ ಜಗದೀಶ್ ಅಧಿಕಾರಿ, ಕಾಪು ಕ್ಷೇತ್ರದ ಶಾಸಕೆರ್ ಸುರೇಶ್ ಶೆಟ್ಟಿ ಗುರ್ಮೆ, ಎಐಸಿಸಿ ಕಾರ್ಯದರ್ಶಿ ಐವನ್ ಡಿ’ಸೋಜಾ, ಮಾಜಿ ಎಂಎಲ್‌ಸಿ, ಕರ್ನಾಟಕ ಬಿಜೆಪಿದ ವಕ್ತಾರೆರ್ ಕ್ಯಾಪ್ಟನ್ ಗಣೇಶ್ ಕಾರ್ಣಿಕ್, ತುಂಗಾ ಗ್ರೂಪ್ ಆಫ್ ಹೋಟೆಲ್, ಸಿಎಂ ಡಿ ಸುಧಾಕರ ಎಸ್ ಹೆಗ್ಡೆ, ಪ್ರಶಸ್ತಿ ಸಮಿತಿದ ಸಂಚಾಲಕೆರ್ ಡಾ. ಆರ್. ಕೆ. ಶೆಟ್ಟಿ, ಗೌರವ ಪ್ರಧಾನ ಕಾರ್ಯದರ್ಶಿ ಮುಂಡ್ಕೂರು ಸುರೇಂದ್ರ ಸಾಲ್ಯಾನ್, ಕೋಶಾಧಿಕಾರಿ ತುಳಸಿದಾಸ್ ಅಮೀನ್ ಇತ್ತೆರ್.

ಈ ಪೊರ್ತುಡು ಜಾರ್ಜ್ ಫೆರ್ನಾಂಡಿಸ್ ಮೆರೆನ 94ನೇ ಜನ್ಮದಿನಾಚರಣೆದ ಲೆಕ್ಕೊಡು ಅರಣ್ಯ ಸೃಷ್ಟಿಕರ್ತೆರ್ ಭಾರತದ “ಗ್ರೀನ್ ಹೀರೋ” ಪಂದೇ ಪುಗರ್ತೆ ಪಡೆಯಿನ ಡಾ. ರಾಧಾಕೃಷ್ಣ ನಾಯರ್ ಮೆರೆಗ್ ರಾಷ್ಟ್ರೀಯ ಪ್ರಶಸ್ತಿ ಪ್ರದಾನ ಮಲ್ತೆರ್.

ಅಭಿನಂದನಾ ಪಾತೆರನ್ ಪತ್ರಕರ್ತೆ ದಯಾ ಸಾಗರ್ ಚೌಟ ಪಾತೆರಿಯೆರ್. ಪೆರಿಯ ಸಾಹಿತಿ ಡಾ. ಸುನಿತಾ ಶೆಟ್ಟಿ ಮೇರ್ ಸಂಸದೆರ್ ಗೋಪಾಲ ಶೆಟ್ಟಿ ಮೆರೆನ ಬಗ್ಗೆ ರಚನೆ ಮಲ್ತಿನ ಕಬಿತೆನ್ ಡಾ. ಸುರೇಂದ್ರ ಕುಮಾರ್ ಹೆಗ್ಡೆ ಓದಿಯೆರ್. ಬತ್ತಿ ಬಿನ್ನೆರೆನ್ ಡಾ.ಆರ್.ಕೆ ಶೆಟ್ಟಿ ಮೇರ್ ಎದ್ಕೊನಿಯೆರ್. ಸಮಿತಿದ ಉಪಾಧ್ಯಕ್ಷೆರ್ ನಿತ್ಯಾನಂದ ಡಿ. ಕೋಟ್ಯಾನ್ ಈ ಲೇಸ್ ನ್ ಸುಧಾರಿಕೆ ಮಲ್ತೆರ್. ಕಾರ್ಯದರ್ಶಿ ದೇವದಾಸ್ ಕುಲಾಲ ಅಬಾರ ಮೇರ್ ಮನ್ನಿಸಾಯೆರ್.

ಚಾವಡಿಡ್ ಇತ್ತಿನ ಗಣ್ಯೆರ್ ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಪ್ರಶಸ್ತಿ ಸಮಿತಿದ ಸಂಚಾಲಕೆರ್ ಡಾ. ಆರ್. ಕೆ. ಶೆಟ್ಟಿ, ಸಮಿತಿದ ಉಪಾಧ್ಯಕ್ಷೆರ್ ಧನಂಜಯ ಶೆಟ್ಟಿ, ನಿತ್ಯಾನಂದ ಡಿ.ಕೋಟ್ಯಾನ್, ಸಿಎ ಐ ಆರ್ ಶೆಟ್ಟಿ, ಹಿರಿಯಡ್ಕ ಮೋಹನ್ ದಾಸ್, ನ್ಯಾ ಆರ್‌.ಎಂ. ಭಂಡಾರಿ, ಗಿರೀಶ್ ಬಿ ಸಾಲ್ಯಾನ್, ಜಿತೇಂದ್ರ ಗೌಡ, ಗೌರವ ಪ್ರಧಾನ ಕಾರ್ಯದರ್ಶಿ ಮುಂಡ್ಕೂರು ಸುರೇಂದ್ರ ಸಾಲ್ಯಾನ್, ಕೋಶಾಧಿಕಾರಿ ತುಳಸಿದಾಸ್ ಅಮೀನ್, ಸಮಿತಿದ ಮಾಜಿ ಅಧ್ಯಕ್ಷೆರ್ ಎಡ್ವಕೇಟ್ ಪ್ರಕಾಶ್‌ ಎಲ್. ಶೆಟ್ಟಿ, ವಿಶ್ವನಾಥ್ ಮಾಡ, ಹರೀಶ್‌ ಕುಮಾರ್ ಶೆಟ್ಟಿ ಬೊಕ್ಕ ಜಿಲ್ಲೆದ ಉಪಾಧ್ಯಕ್ಷೆರ್ ಜಗದೀಶ್ ಅಧಿಕಾರಿಗ್ ಮಾನಾದಿಗೆ ಮಲ್ತೆರ್.

ಈ ಸಭೆಟ್ಟ್ ಬಂಟರ ಸಂಘ ಬೊಂಬೈದ ಅಧ್ಯಕ್ಷೆರ್ ಚಂದ್ರಹಾಸ ಕೆ ಶೆಟ್ಟಿ, ಮಹಿಳಾ ವಿಭಾಗದ ಮಾಜಿ ಕಾರ್ಯಾಧ್ಯಕ್ಷೆರ್ ರಂಜನಿ ಸುಧಾಕರ ಹೆಗ್ಡೆ, ಸಮಾಜ ಸೇವಕೆರ್ ಎರ್ಮಾಳ್ ಹರೀಶ್ ಶೆಟ್ಟಿ, ಬಾಂಬೆ ಬಂಟ್ಸ್ ಅಸೋಸಿಯೇಷನ್ ಅಧ್ಯಕ್ಷೆರ್ ಸಿಎ ಸುರೇಂದ್ರ ಶೆಟ್ಟಿ, ಬಿಲ್ಲವರ ಅಸೋಸಿಯೇಷನ್ ಅಧ್ಯಕ್ಷೆರ್ ಹರೀಶ್ ಜಿ ಅಮೀನ್, ಕುಲಾಲ ಸಂಘದ ಅಧ್ಯಕ್ಷೆರ್ ರಘು ಎ ಮೂಲ್ಯ ಪಾದೆಬೆಟ್ಟು, ಮೊಗವೀರ ವ್ಯವಸ್ಥಾಪಕ ಮಂಡಳಿದ ಅಧ್ಯಕ್ಷೆರ್ ಎಚ್ ಅರುಣ್ ಕುಮಾರ್, ಬಿಲ್ಲವ ಚೇಂಬರ್ ಆಫ್ ಕಾಮರ್ಸ್ ಆಂಡ್ ಇಂಡಸ್ಟ್ರೀಸ್‌ ಕಾರ್ಯಾಧ್ಯಕ್ಷೆರ್ ಎನ್ ಟಿ ಪೂಜಾರಿ, ಸಾಪಲ್ಯ ಸೇವಾ ಸಂಘದ ಅಧ್ಯಕ್ಷೆರ್ ಶ್ರೀನಿವಾಸ್ ಸಾಪಲ್ಯ, ದೇವಾಡಿಗ ಸಂಘದ ಅಧ್ಯಕ್ಷೆರ್ ಪ್ರವೀಣ್ ದೇವಾಡಿಗ, ಭಂಡಾರಿ ಸೇವಾ ಸಮಿತಿದ ಅಧ್ಯಕ್ಷೆರ್ ಪ್ರಭಾಕರ್ ಭಂಡಾರಿ, ಅಖಿಲ ಕರ್ನಾಟಕ ಜೈನ ಸಂಘದ ಅಧ್ಯಕ್ಷೆರ್ ಮುನಿರಾಜ್ ಜೈನ್, ಶ್ರೀ ರಜಕ ಸಂಘದ ಅಧ್ಯಕ್ಷೆರ್ ಸಿಎ ವಿಜಯಕುಂದರ್, ಜವಾಬ್ ದ ಅಧ್ಯಕ್ಷೆರ್ ರಮೇಶ್ ಕೆ ಶೆಟ್ಟಿ, ಇಂಡಿಯನ್ ಬಂಟ್ಸ್ ಚೇಂಬರ್ ಆಫ್ ಕಾಮರ್ಸ್ ದ ಕಾರ್ಯದರ್ಶಿ ಕೆ. ಶಿ. ಶೆಟ್ಟಿ, ಬಂಟ್ಸ್ ಲಾ ಪಾರ್ಮಾದ ಅಧ್ಯಕ್ಷೆರ್ ಪ್ರಭಾಕರ ಶೆಟ್ಟಿ, ಗಾಣಿಗ ಸಂಘದ ಅಧ್ಯಕ್ಷೆರ್ ಬಿ. ವಿ. ರಾವ್, ಪದ್ಮಶಾಲಿ ಸೇವಾ ಸಂಘದ ಅಧ್ಯಕ್ಷೆರ್ ಉತ್ತಮ್ ಶೆಟ್ಟಿಗಾರ್, ಜಿ ಎಸ್ ಬಿ ಸೇವಾ ಮಂಡಲದ ವಿಜಯಾ ಕಾಮತ್, ಅಂಧೇರಿ ಕರ್ನಾಟಕ ಸಂಘದ ಅಧ್ಯಕ್ಷೆರ್ ಭಾಸ್ಕರ ಸುವರ್ಣ, ಬೇತೆ ಬೇತೆ ಜಾತಿದ ಸಂಘ-ಸಂಸ್ಥೆದ ಪದಾಧಿಕಾರಿಲು, ತುಳು ಕನ್ನಡ ಸಂಘ-ಸಂಸ್ಥೆದ ಪದಾಧಿಕಾರಿಲು ಪಾಲ್ ಪಡೆದಿತ್ತೆರ್.

ಈ ಪೊರ್ತುಡು ಜಯಶ್ರಿಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಗೌರವ ಕಾರ್ಯದರ್ಶಿ ಬಿ. ಮುನಿರಾಜ್ ಜೈನ್, ದೇವದಾಸ್ ಕುಲಾಲ್, ರವಿ ದೇವಾಡಿಗ, ಜತೆ ಕೋಶಾಧಿಕಾರಿ ಸದಾನಂದ ಆಚಾರ್ಯ ಬೊಕ್ಕ ತೋನ್ಸೆ ಸಂಜೀವ ಪೂಜಾರಿ, ಸದಸ್ಯೆರ್ ಎಂ. ಎನ್. ಕರ್ಕೇರ, ರಾಮಚಂದ್ರ ಗಾಣಿಗ, ದಯಾಸಾಗರ ಚೌಟ, ಶ್ಯಾಮ್ ಎನ್. ಶೆಟ್ಟಿ, ಕರುಣಾಕರ ಹೆಜ್ಮಾಡಿ, ವಾಸು ಎಸ್ ದೇವಾಡಿಗ, ಡಾ. ಸುರೇಂದ್ರಕುಮಾರ್ ಹೆಗ್ಡೆ, ಡಾ. ತೋನ್ಸೆ ವಿಜಯಕುಮಾರ್ ಶೆಟ್ಟಿ, ರಮಾನಂದ ರಾವ್, ರಾಮಚಂದ್ರ ಗಾಣಿಗ, ಶ್ರೀನಿವಾಸ್ ಸಾಪಲ್ಯ, ಚಿತ್ರಾಪು ಕೆ. ಎಂ. ಕೋಟ್ಯಾನ್, ರಾಕೇಶ್ ಭಂಡಾರಿ, ಜಯಪ್ರಕಾಶ್ ಕಾಮತ್, ನ್ಯಾ. ಶಶಿಧರ ಕಾಪು, ಜಿ.ಎಸ್. ಗಣೇಶ್ ಎಸ್ ಶೆಟ್ಟಿ, ಇತ್ತೆರ್.

Jai Sri Krishna Environmental conservation Samithi – Celebrate the 94 th birth anniversary of leader George Fernandes – organise Awards ceremony

Mumbai – Jai Sri Krishna Environmental conservation Samithi whose aim is conservation and protection of the environment organised a program on the occasion of the 94 th birth anniversary of leader George Fernandes who strived for the protection and preservation of forests.

Founder of the samithi Tonse Jai Krishna Shetty urged that the Manglore airport must be named after him while delivering the presidential address at a program organised to commemorate his 94th birth anniversary. He said that environmental conservation and industrial development must go hand in hand.

MP from North Mumbai Gopal Shetty inaugurated the awards ceremony. Dr Radhakrishna Nair who is renowned as the ” Indian Green Hero” for creating and conservative forest cover was given the national award for environmental conservation.

4 killed as car hits lorry near in Nagamangala ನಾಗಮಂಗಲ ಕೈತಲ್ ಲಾರಿಗ್ ಕಾರ್ ಗುದ್ದುದು 4 ಜನ ತೀರ್ ಪೋಯೆರ್

ಮಂಡ್ಯ: ಪೋವೊಂದಿತ್ತಿನ ಲಾರಿಗ್ ಪಿರವುರ್ದ್ ಕಾರ್ ಗುದ್ದಿನ ಕಾರಣ ಕಾರ್‌ಡ್ ಇತ್ತಿನ 4 ಜನ ಜಾಗೆಡೇ ತೀರ್ ಪೋಯೆರ್.

ಮಂಡ್ಯ ಜಿಲ್ಲೆದ ನಾಗಮಂಗಲ ತಾಲೂಕ್‌ದ ತಿರುಮಲಪುರ ಗೇಟ್ ಕೈತಲ್‌ದ ಬೆಂಗ್ಲೂರ್-ಕುಡ್ಲ ರಾಷ್ಟ್ರೀಯ ಹೈವೇಡ್ ಐತಾರ ಈ ಘಟನೆ ನಡತ್‌ದ್ಂಡ್. ಕಾರ್ ಬಿರ್ಸ್‌ಡ್ ಪೋವೊಂದಿತ್ತಿನವ್ವೇ ಈ ಘಟನೆಗ್ ಕಾರಣ ಆತ್ಂಡ್. ಕಾರ್‌ಡ್ ಇತ್ತಿನ ಹೇಮಂತ್, ಶರತ್, ನವೀನ್ ಅಂಚನೆ ನನೊರಿ ಜನ ತೀರ್ ಪೋತೆರ್ ಪಂದ್ ಪೊಲೀಸೆರ್ ತೆರಿಪಾದೆರ್. ನೆಲಮಂಗಲದ ಈ ನಾಲ್ ಜನ ಹಾಸನಗ್ ಪೋವೊಂದಿತ್ತೆರ್.

Odisha train crash: Gautam Adani Group to provide free school education to kids who lost parents in accident ಒಡಿಶಾ ರೈಲ್ ದುರಂತರ್ದ್ ಅನಾಥೆರಾಯಿನ ಜೋಕ್ಲೆನ ವಿದ್ಯಾಭ್ಯಾಸದ ಜವಾಬ್ದಾರಿನ್ ದೆತೊನಿನ ಅದಾನಿ

ಒಡಿಶಾದ ಜಲಸೋರ್‌ಡ್ ನಡತಿನ ರೈಲ್ ದುರಂತಡ್ 288 ಜನ ತೀರ್ ಪೋತೆರ್. ಅಂಚನೆ ಸಾರರ್ದ್‌ಲ ಎಚ್ಚದ ಜನಕ್ಲೆಗ್ ಪೆಟ್ಟಾತ್ಂಡ್.

ಈ ನಡುಟ್ಟ್ ಉದ್ಯಮಿ ಗೌತಮ್ ಅದಾನಿ ಮಹತ್ವದ ಘೋಷಣೆ ಮಲ್ತ್‌ದೆರ್. ಒಡಿಶಾ ರೈಲ್ ದುರಂತಡ್ ಅನಾಥೆರ್ ಆಯಿನ ಜೋಕ್ಲೆನ ಸಂಪೂರ್ಣ ಶಿಕ್ಷಣದ ಜವಾಬ್ದಾರಿನ್ ಅದಾನಿ ಗ್ರೂಪ್ ವಹಿಸೊನುವೆ ಪಂದ್ ಟ್ವೀಟ್ ಮಲ್ದೆರ್.

Misappropriation of funds case- Kallathoor Vishwanath Shetty granted bail ವಂಚನೆ ಕೇಸ್: ಕಳತ್ತೂರು ವಿಶ್ವನಾಥ್ ಶೆಟ್ರೆಗ್ ಜಾಮೀನ್

ಕುಡ್ಲ: ಕುಡ್ಲದ ರಡ್ಡ್ ಜನ ಉದ್ಯಮಿಲೆಗ್ 1.15 ಕೋಟಿ ರೂ. ವಂಚನೆ ಮಲ್ತಿನ ಕೇಸ್‌ಗ್ ಸಂಬಂಧಿಸಾದ್ ಅರೆಸ್ಟ್ ಆಯಿನ ಬೊಂಬಾಯಿದ ಉದ್ಯಮಿ ಕಳತ್ತೂರು ವಿಶ್ವನಾಥ್ ಶೆಟ್ರೆಗ್ ಶರತ್ತ್ ಬದ್ಧ ಜಾಮೀನ್ ಕೊರ್ತ್ಂಡ್.

ಪುಗರ್ತೆದ ಕಟ್ವಾನ ನಿರ್ಮಾಣ ಸಂಸ್ಥೆ ‘ರೋಹನ್ ಕಾರ್ಪೊರೇಷನ್’ ಮುಖ್ಯಸ್ಥೆರ್ ಆಯಿನ ರೋಹನ್ ಮೊಂತೇರೋ ಬೊಕ್ಕ ತೊಕ್ಕೊಟ್ಟುದ ‘ಹರ್ಷ ಫೈನಾನ್ಸ್’ದ ಮಾಲಕೆರ್ ಹರೀಶ್ ಮೆರೆಗ್ ಕಳತ್ತೂರು ವಿಶ್ವನಾಥ್ ಶೆಟ್ಟಿ ಬೊಕ್ಕ ಬೊಂಬಾಯಿದ ಕದಂ ಪನ್ಪಿನಾರ್ 300 ಕೋಟಿ ರೂ. ಸಾಲ ದೆಪ್ಪಾದ್ ಕೊರ್ಪಿನ ಆಮಿಷ ಪಾಡ್ದ್ 1.15 ಕೋಟಿ ರೂ. ಕಾಸ್‌ನ್ ವಂಚನೆ ಮಲ್ತಿನ ಬಗೆಟ್ ಕುಡ್ಲದ ಸೆನ್ ಪೊಲೀಸ್ ಠಾಣೆಡ್ ದೂರು ದಾಖಲ್ ಆದಿತ್ತ್ಂಡ್.

ಪ್ರಕರಣದ ಆರೋಪಿಲೆಡ್ ವಿಶ್ವನಾಥ್ ಶೆಟ್ಟಿ ಮೆರೆನ್ ಒಂಜಿ ವಾರದ ಪಿರವು ಕುಡ್ಲ ವಿಮಾನ ನಿಲ್ದಾಣದ ಪಿದಯಿಡ್ ಅರೆಸ್ಟ್ ಮಲ್ತ್‌ದಿತ್ತೆರ್. ಪ್ರಕರಣದ ಪ್ರಮುಖ ಆರೋಪಿ ಕದಂನ್ ಬೊಂಬಾಯಿ ಕ್ರೈಂ ಬ್ರಾಂಚ್ ಪೊಲೀಸೆರ್‍ನ ಸಕಾಯ ಪಡೆದ್ ಅರೆಸ್ಟ್ ಮಲ್ತ್‌ದ್ ಕುಡ್ಲಗ್ ಲೆತೊಂದು ಬೈದೆರ್.

ವಿಶ್ವನಾಥ್ ಶೆಟ್ಟಿ ಮೆರೆಗ್ ಕುಡ್ಲದ ಸಿಜೆಎಂ ನ್ಯಾಯಾಲಯ ಜಾಮೀನು ಕೊರ್ತ್ಂಡ್. ಯುವ ನ್ಯಾಯವಾದಿ ಎಲಿಜೆಬೆತ್ ನೀಲಿಯಾರ ಆರೋಪಿ ಪರವಾದ್ ವಕಾಲತ್ತು ಮಲ್ತ್‌ದಿತ್ತೆರ್. ಈ ಪ್ರಕರಣಡ್ ತನ್ನ ಕಕ್ಷಿಗಾರೆರ್ ವಿಶ್ವನಾಥ್ ಶೆಟ್ಟಿ ಅಮಾಯಕರಾದಿತ್ತ್‌ದ್ ಅರೆಗ್ ಜಾಮೀನು ಕೊರ್ಪಿಲೆಕ್ಕ ನ್ಯಾಯಾಲಯಗ್ ಎಲಿಜಬೆತ್ ಮನವಿ ಸಂದಾದಿತ್ತೆರ್. ನನೋರಿ ಆರೋಪಿ ಕದಂ ಪೊಲೀಸೆರ್‍ನ ವಶಟ್ಟ್ ಉಲ್ಲೆರ್.

Lokaiah Shetty Munchoor is the new president of Bunts Sangha Surathkal ಸುರತ್ಕಲ್ ಬಂಟರ ಸಂಘಗ್ ಲೋಕಯ್ಯ ಶೆಟ್ಟಿ ಮುಂಚೂರು ಪೊಸ ಗುರ್ಕಾರ್ಲು

ಸುರತ್ಕಲ್ : ಬಂಟರ ಸಂಘ (ರಿ) ಸುರತ್ಕಲ್ ಉಂದೆತ್ತ 2023-25 ನೇ ಸಾಲ್‌ದ ಪೊಸ ಗುರ್ಕಾರೆಯಾದ್ ಮುಂಚೂರು ಲೋಕಯ್ಯ ಶೆಟ್ರ್ ಅವಿರೋಧವಾದ್ ಆಯ್ಕೆ ಆತೆರ್.

 

ಒತ್ತು ಗುರ್ಕಾರೆರಾದ್ ಪುಷ್ಪರಾಜ ಶೆಟ್ಟಿ ಕುಡುಂಬೂರು, ಪ್ರಧಾನ ಕಾರ್ಯದರ್ಶಿಯಾದ್ ಲೀಲಾಧರ ಶೆಟ್ಟಿ ಕಟ್ಲ, ಕೋಶಾಧಿಕಾರಿಯಾದ್ ಅವಿನಾಶ್ ಶೆಟ್ಟಿ, ಜೊತೆ ಕಾರ್ಯದಶಿಯಾದ್ ಸುಧೀರ್ ಶೆಟ್ಟಿ ಸೂರಿಂಜೆ, ಸಂಘಟನಾ ಕಾರ್ಯದರ್ಶಿಯಾದ್ ಪುಷ್ಪರಾಜ ಶೆಟ್ಟಿ ಮದ್ಯ, ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ಜಯರಾಮ ಶೆಟ್ಟಿ ತಡಂಬೈಲ್, ಕ್ರೀಡಾ ಕಾರ್ಯದರ್ಶಿಯಾದ್ ಶಿಶಿರ್ ಶೆಟ್ಟಿ ಪೆರ್ಮುದೆ ಆಯ್ಕೆ ಆತೆರ್.

 

ಕಾರ್ಯಕಾರಿ ಸಮಿತಿ ಸದಸ್ಯೆರಾದ್ ಬಾಳ ಜಗನ್ನಾಥ ಶೆಟ್ಟಿ, ಸುಧಾಕರ ಶೆಟ್ಟಿ ಚೇಳಾರ್, ಶ್ರೀಕಾಂತ್ ಶೆಟ್ಟಿ ಕಾಟಿಪಳ್ಳ, ಮಾಧವ ಶೆಟ್ಟಿ ತಡಂಬೈಲ್, ಶ್ರೀಕೃಷ್ಣ ಶೆಟ್ಟಿ ಕುತ್ತೆತ್ತೂರು, ಯೋಗೀಶ್ ಶೆಟ್ಟಿ ಕುಳಾಯಿ, ಹರೀಶ್ ಶೆಟ್ಟಿ ಇಡ್ಯಾ, ಸುಜಾತ ಶೆಟ್ಟಿ ಹೊಸಬೆಟ್ಟು, ವೇದಾವತಿ ಎನ್ ಶೆಟ್ಟಿ ಇಡ್ಯಾ, ಮೀರಾವಾಣಿ ಎಂ ಶೆಟ್ಟಿ ಕಾಟಿಪಳ್ಳ ಆಯ್ಕೆ ಆತೆರ್.

ಬಂಟರ ಭವನಡ್ ನಡತಿನ ವೋಟುಡು ಚುನಾವಣಾಧಿಕಾರಿಯಾದ್ ಬಂಟರ ಯಾನೆ ನಾಡವರ ಮಾತೃಸಂಘದ ಕಾರ್ಯಕಾರಿ ಸಮಿತಿ ಸದಸ್ಯೆರ್ ಉಲ್ಲಾಸ್ ಆರ್ ಶೆಟ್ಟಿ ಪೆರ್ಮುದೆ ಇತ್ತೆರ್. ಯಶ್ ರಾಜ್ ಶೆಟ್ಟಿ, ಶ್ರೀಜಿತ್ ಶೆಟ್ಟಿ, ಸುಶಾನ್ ಶೆಟ್ಟಿ ಸಕಾಯ ಮಲ್ತೆರ್.

Abudhabi Big Lottery – A nurse wins 45 crore rupees ಅಬುಧಾಬಿ ಬಿಗ್ ಲಾಟ್ರಿಡ್ 45 ಕೋಟಿ ಗೆಂದಿನ ನರ್ಸ್!

ಕೇರಳದ ನರ್ಸ್ ​​ಒರ್ತಿ ಬಿಗ್​ ಟಿಕೆಟ್​​ ಲಾಟರಿಡ್ 45 ಕೋಟಿ ರೂಪಾಯಿ ಕಾಸ್ ಗೆಂದ್ ದೆರ್.

ತನ್ನ ಕುಟುಂಬದೊಟ್ಟಿಗೆ ಕರಿನ 21 ವರ್ಷೊರ್ದಿಂಚಿ ಅಬುಧಾಬಿಡ್ ವಾಸ ಇತ್ತ್ ದ್ ಬೇಲೆ ಮಲ್ತೊಂದು ಇಪ್ಪುನ ಕೇರಳದ ನರ್ಸ್‌ ಲವ್ಲಿ ಮೋಲ್ ಅಚ್ಚಮ್ಮ ಅಬುಧಾಬಿದ ಬಿಗ್ ಟಿಕೆಟ್ ಡ್ರಾಡ್ (20 ಮಿಲಿಯನ್ ಯುಎಇ ದಿರ್ಹಮ್) ಸುಮಾರ್ 45 ಕೋಟಿ ರೂಪಾಯಿ ಗೆಂದ್ ದೆರ್.

ಲಾಟ್ರಿ ಗೆಂದಿನ ಮೇರ್ ಪಾತೆರ್ದ್, ಎನ್ನ ಕಂಡನಿ ಪ್ರತಿ ತಿಂಗೊಲ್ ಅಬುಧಾಬಿಡ್ ಬಿಗ್ ಟಿಕೆಟ್ ಲಾಟರಿ ದೆತೊನೊಂದು ಇತ್ತೆರ್. ಅಂಚಾದ್ ಇನಾಮುದ ಒಂಜಿ ಭಾಗದ ಕಾಸ್ ನ್ ತನ್ನ ಕುಟುಂಬಗ್ ಬೊಕ್ಕ ಒರಿನ ಕಾಸ್ ನ್ ತನ್ನ ಜೋಕುಲೆನ ಶಿಕ್ಷಣಗ್ ಪಾಡುವೆ ಪಂದ್ ಪಂಡೆರ್.

Abudhabi Big Lottery – A nurse wins 45 crore rupees

A nurse from Kerala has won 45 crore rupees in the Abudhabi big Lottery. The nurse Lovely Mol Achammma hailing from Kerala was working as a nurse in Abudhabi from the past 21 years.

Bantwal-Two persons injured in a car accident ಬಂಟ್ವಾಳ: ಕಾರ್ ಆಕ್ಸಿಡೆಂಟ್ ಡ್ ರಡ್ಡ್ ಜನಕ್ಕ್ ಪೆಟ್ಟ್

ಬಂಟ್ವಾಳ: ರಡ್ಡ್ ಕಾರ್ ಎದುರೆದುರು ಗುದ್ದುದು ರಡ್ಡ್ ಜನಕ್ಕ್ ಪೆಟ್ಟಾಯಿನ ಘಟನೆ ಬಂಟ್ವಾಳ ಟ್ರಾಫಿಕ್ ಪೋಲೀಸ್ ಠಾಣೆ ವ್ಯಾಪ್ತಿದ ಬೇಂಕ್ಯ ಬ್ರಹ್ಮಶ್ರೀ ನಾರಾಯಣ ಗುರು ಮಂದಿರದ ಕೈತಲ್ ನಡತ್ಂಡ್.

ಈ ಆಕ್ಸಿಡೆಂಟ್ ಡ್ ಕಾರ್ ಡ್ರೈವರ್ ಆದರ್ಶ ಬೊಕ್ಕ ಸಂಕಪ್ಪ ಮೆರೆಗ್ ಪೆಟ್ಟಾತ್ಂಡ್. ಅದೃಷ್ಟವಶಾತ್ ರಡ್ಡ್ ಜನಲ ಪ್ರಾಣಾಪಾಯರ್ದ್ ಬಚಾವು ಆತೆರ್. ಆಂಡ ಗುದ್ದಿನ ರಭಸಗ್ ಕಾರ್ ಲು ನಕ್ಕೆ ಆತ್ಂಡ್. ಈ ಘಟನೆದ ಜಾಗೆಗ್ ಮೆಲ್ಕಾರ್ ಟ್ರಾಫಿಕ್ ಪೊಲೀಸೆರ್ ‌ಭೇಟಿ ಕೊರ್ದು ಕೇಸ್ ದಾಖಲ್ ಮಲ್ದೆರ್.

Fire at a restaurant in Udupi ಒಡಿಪು ರೆಸ್ಟೋರೆಂಟ್ ಡ್ ತೂ

ಒಡಿಪು: ಈಶ್ವರನಗರದ ಕೈತಲ್ ದ ಹಕುವ ಮಟಾಟ ಬಾರ್ ಆ್ಯಂಡ್ ರೆಸ್ಟೋರೆಂಟ್‌ಡ್ ತೂ ಪೊತ್ತ್ ದ್ ಅಡಿಗೆಕೋಣೆದ ಸೊತ್ತುಲು, ಫ್ರಿಡ್ಜ್ ಪೊತ್ ದ್ ಪೋಯಿನ ಘಟನೆ ನಡತ್ಂಡ್.

ರೆಸ್ಟೋರೆಂಟ್‌ದ ಅಡಿಗೆ ಕೋಣೆಡ್ ಕರೆಂಟ್ ಶಾರ್ಟ್ ಸರ್ಕ್ಯೂಟ್ ಆದ್ ತೂ ಪೊತ್ತ್ ದ್ಂಡ್ ಪಂದ್ ತೆರಿದ್ ಬೈದ್ಂಡ್. ಈ ಘಟನೆದ ಜಾಗೆಗ್ ಬತ್ತಿನ ಒಡಿಪು ಅಗ್ನಿಶಾಮಕದಳ ಸಿಬ್ಬಂದಿ ಸುಮಾರ್ ಒಂಜಿ ಗಂಟೆದ ಪೊರ್ತು ಕಾರ್ಯಾಚರಣೆ ನಡಪಾದ್ ತೂ ತೆಕ್ಕಾದೆರ್. ಈ ಘಟನೆರ್ದ್ ಲಕ್ಷರ್ದ್ ಎಚ್ಚ ರೂ. ನಷ್ಟ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.

Fire at a restaurant in Udupi

Udupi: A restaurant near Eshwar Nagar in Udupi caught fire due to a short circuit in the kitchen area and caused lot of damage to property inside the restaurant. Firefighters worked for hours to put out the fire.

Women passengers must be issued tickets even if the ride is free!! ಫ್ರೀ ಬಸ್ ಟ್ಟ್ ಪೊಂಜೊವುಲೆಗ್ ಟಿಕೆಟ್ ಉಂಡು, ಕಾಸ್ ಕೊರ್ರೆ ಇಜ್ಜಿ..!

ಬೆಂಗ್ಲೂರ್: ಕಾಂಗ್ರೆಸ್ ಸರ್ಕಾರ ಫೋಷಣೆ ಮಲ್ತಿನ 5 ಗ್ಯಾರಂಟಿಲೆಡ್ ಪೊಂಜೊವುಲೆಗ್ ಸರ್ಕಾರಿ ಬಸ್‌ಟ್ ಧರ್ಮಾರ್ಥ ಪ್ರಯಾಣಲ ಒಂಜಿ. ಶಕ್ತಿ ಪುದರ್‌ದ ಈ ಯೋಜನೆಗ್ ಜೂನ್ 11 ಕ್ಕ್ ಚಾಲನೆ ತಿಕ್ಕರೆ ಉಂಡು.

ಆನಿರ್ದ್ ಪೊಂಜೊವುಲು ಧರ್ಮಾರ್ಥವಾದ್ ಪ್ರಯಾಣ ಮಲ್ತ್ಂಡಲ ಟಿಕೆಟ್ ದೆತೊನೊಡೆ. ಆಂಡ ಕಾಸ್ ಕೊರಿಯರೆ ಇಜ್ಜಿ. ಒಲ್ಪರ್ದ್ ಓಡೆಗ್ ಪನ್ಪಿನ ಮಾಹಿತಿನ್ ಪಾಡ್ದ್ ನಿರ್ವಾಹಕೆರ್ ಟಿಕೆಟ್ ಕೊರಿಯರೆ ಉಲ್ಲೆರ್. ಆಯಿತೊಟ್ಟುಗು ಆಧಾರ್ ಕಾರ್ಡ್, ವೋಟರ್ ಐಡಿ, ರೇಷನ್ ಕಾರ್ಡ್ ಕಡ್ಡಾಯವಾದ್ ಇಪ್ಪೊಡು.

Women passengers must be issued tickets even if the ride is free!!

Bangalore: The Congress govt in Karnataka will start free bus ride facility for women from June 11 th. But women will be issued tickets even if the ride is free .Women must also have handy their Adhar card, voter id card and ration card with them

Kishore Kumar from Chennai Kamali Murthy are Surfing Champions for 2023 ಚೆನ್ನೈದ ಕಿಶೋರ್‌ಕುಮಾರ್, ಕಮಲಿ ಮೂರ್ತಿ 2023ತ್ತ ಸರ್ಫಿಂಗ್‌ ಚಾಂಪಿಯನ್

ಹಳೆಯಂಗಡಿ : ಪ್ರವಾಸಿ ತಾನ ಸಸಿಹಿತ್ಲುದ ಮುಂಡಾ ಬೀಚ್ ಡ್ ಸನಿಯಾರ ನಡತಿನ ಇಂಡಿಯನ್ ಓಪನ್ ಸರ್ಫಿಂಗ್‌ ದ ಆಣುಲೆನ ಬೊಕ್ಕ ಪೊಣ್ಣುಲೆನ ವಿಭಾಗದ 4ನೇ ಗ್ರೋಮ್ಸ್ ಬೊಕ್ಕ ಇಂಡಿಯನ್ ಓಪನ್ ಸರ್ಫಿಂಗ್ ಚಾಂಪಿಯನ್ ಶಿಪ್ ಡ್ ಚೆನ್ನೈದ ಪ್ರತಿಭಾವಂತ ಸರ್ಫರ್ ಕಿಶೋರ್‌ಕುಮಾರ್ ಬೊಕ್ಕ ಕಮಲಿಮೂರ್ತಿ ಚಾಂಪಿಯನ್ ಶಿಪ್ ಗೆಂದ್ ದೆರ್.

ಸಸಿಹಿತ್ಲು ಲ ಬೀಚ್‌ ಡ್ ಪ್ರವಾಸೋದ್ಯಮ ಇಲಾಖೆದ ಸಹಕಾರೊಡು ಮೂಲ್ಕಿ ಕೊಳಚಿಕಂಬುಲದ ಮಂತ್ರ ಸರ್ಫ್ ಕ್ಲಬ್ ಅಟ್ಟಣೆ ಮಲ್ದಿನ ಮೂಜಿ ದಿನತ್ತ ಭಾರತದ ಪ್ರೀಮಿಯರ್ ಸರ್ಫಿಂಗ್ ಸ್ಪರ್ಧೆ 2023 ನಡತ್ಂಡ್.

ಆಣುಲೆನ ಮುಕ್ತ ವಿಭಾಗಡ್ ಕಿಶೋರ್ ಕುಮಾರ್ 50 ಸಾವಿರ ರೂ.ದ ಇನಾಮು ಗೆಂದಿಯೆರ್.

ಶ್ರೀಕಾಂತ್ 30 ಸಾರ, ಬೊಕ್ಕ ಸೂರ್ಯ 20 ಸಾರ ಪನವುದೊಟ್ಟುಗು ರಡ್ಡನೇ ಬೊಕ್ಕ ಮೂಜಿನೇ ಇನಾಮು ಗೆಂದಿಯೆರ್.

ಪೊಣ್ಣುಲೆನ ಮುಕ್ತ ವಿಭಾಗಡ್ ಚೆನ್ನೈದ ಕಮಲಿ 30 ಸಾರ ಪನವು, ಸುರೂತ್ತ ಇನಾಮು ಗೆಂದಿಯೆರ್. ಗೋವಾದ ಸುಗರ್ ಬನಾರ್ಸಿ 2೦ ಸಾರ ರಡ್ಡನೇ ಇನಾಮು ಅಂಚೆನೆ ಕರ್ನಾಟಕದ ಸಿಂಚನಾ ಗೌಡ 10 ಸಾರ ಬೊಕ್ಕ ಮೂಜನೇ ತಾನ ಪಡೆಯೆರ್.

ಗ್ರೋಮ್ಸ್ ಬಾಲಕರ 16 ವರ್ಷ ಬೊಕ್ಕ ತಿರ್ತ್ ದಕ್ಲೆನ ವಿಭಾಗಡ್ ಚೆನ್ನೈದ ಕಿಶೋರ್ (20 ಸಾರ), ತಯಿನ್ ಅರುಣ್ (15 ಸಾರ) ಬೊಕ್ಕ ಹರೀಶ್ ಪಿ (10 ಸಾರ), ಗ್ರೋಮ್ಸ್ ಬಾಲಕಿಯೆರ್ನ ವಿಭಾಗಡ್ ಚೆನ್ನೈದ ಕಮಲಿ (20 ಸಾರ), ಕರ್ನಾಟಕದ ತನಿಷ್ಕಾ ಮೆಂಡನ್ (15 ಸಾರ) ಬೊಕ್ಕ ಕರ್ನಾಟಕದ ಸಾನ್ವಿ ಹೆಗ್ಡೆ (10 ಸಾರ) ಬೊಕ್ಕ ಇನಾಮು ಗೆಂದಿಯೆರ್.

Kishore Kumar from Chennai Kamali Murthy are Surfing Champions for 2023

Haleangadi: At the Indian open surfing championship held at Munda Beach Sashitlu talented surfers Kishore Kumar and Kamali Murthy won the championship. The event was organised by the tourism department and Mantra surf club.

The men’s open championship carried a cash prize of 50,000 rupees while the women’s championship carried a cash prize of 30,000 rupees. A separate group  Grooms” was for the under 16 category.

You Missed