ಕೋಟ ಬ್ಲಾಕ್ ಕಾಂಗ್ರೆಸ್ ಸಮಿತಿ ಸಂಯೋಜಕೆರಾದ್ ಎಚ್. ವಸಂತ ಬೆರ್ನಾಡ್ ನೇಮಕ

ಕುಡ್ಲ : ಕೆಪಿಸಿಸಿ ಸದಸ್ಯೆರ್, ಮುಲ್ಕಿದ ಉತ್ಸಾಹಿ ಲೀಡರ್ ಎಚ್. ವಸಂತ ಬೆರ್ನಾಡ್ ಮೆರೆನ್ ಉಡುಪಿ ಜಿಲ್ಲೆ ಕುಂದಾಪುರ ವಿಧಾನಸಭಾ ಕ್ಷೇತ್ರದ ಕೋಟ ಬ್ಲಾಕ್ ಕಾಂಗ್ರೆಸ್ ಸಮಿತಿದ ಸಂಯೋಜಕೆರಾದ್ ಕೆಪಿಸಿಸಿ ಅಧ್ಯಕ್ಷೆರ್ ಬಿ. ಕೆ ಹರಿಪ್ರಸಾದ್ ಮೇರ್ ನೇಮಕ ಮಲ್ತ್ ಆದೇಶ ಕೊರ್ತೆರ್.
ವಸಂತ ಬರ್ನಾಡ್ ಮೇರ್, 2021- 22 ನೇ ವರ್ಷಡ್‌ಲ ಕೋಟ ಬ್ಲಾಕ್ ಕಾಂಗ್ರೆಸ್ ಸಮಿತಿದ ವೀಕ್ಷಕೆರಾದ್ ಕರ್ತವ್ಯ ನಿರ್ವಹಣೆ ಮಲ್ದಿತ್ತೆರ್. ಇತ್ತೆ ಕುಡೊರ ಬಿ ಕೆ ಹರಿಪ್ರಸಾದ್ ಮೇರ್ ಈ ಜಬದಾರಿ ವಹಿಸಾದೆರ್.
ಕೆಪಿಸಿಸಿ ಸದಸ್ಯೆರಾದ್, ಕೆಪಿಸಿಸಿ ಸಂಯೋಜಕೆರಾದಿತ್ತಿನ ವಸಂತ ಬರ್ನಾಡ್ ಮೇರ್ ಪ್ರಸಕ್ತ ಮುಲ್ಕಿ ಮೂಡಬಿದ್ರೆ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಪ್ರಚಾರ ಸಮಿತಿದ ಅಧ್ಯಕ್ಷೆರಾದ್ ಸೇವೆ ಮಲ್ತೊಂದುಲ್ಲೆರ್.